| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೯. ವೇರಮ್ಭಸುತ್ತವಣ್ಣನಾ
9. Verambhasuttavaṇṇanā
೧೬೫. ನವಮೇ ವೇರಮ್ಭವಾತಾತಿ ಏವಂನಾಮಕಾ ಮಹಾವಾತಾ। ಕೀದಿಸೇ ಪನ ಠಾನೇ ತೇ ವಾತಾ ವಾಯನ್ತೀತಿ? ಯತ್ಥ ಠಿತಸ್ಸ ಚತ್ತಾರೋ ದೀಪಾ ಉಪ್ಪಲಿನಿಪತ್ತಮತ್ತಾ ಹುತ್ವಾ ಪಞ್ಞಾಯನ್ತಿ। ಯೋ ಪಕ್ಖೀ ಗಚ್ಛತೀತಿ ನವವುಟ್ಠೇ ದೇವೇ ವಿರವನ್ತೋ ವಾತಸಕುಣೋ ತತ್ಥ ಗಚ್ಛತಿ, ತಂ ಸನ್ಧಾಯೇತಂ ವುತ್ತಂ। ಅರಕ್ಖಿತೇನೇವ ಕಾಯೇನಾತಿಆದೀಸು ಹತ್ಥಪಾದೇ ಕೀಳಾಪೇನ್ತೋ ಖನ್ಧಟ್ಠಿಂ ವಾ ನಾಮೇನ್ತೋ ಕಾಯಂ ನ ರಕ್ಖತಿ ನಾಮ, ನಾನಾವಿಧಂ ದುಟ್ಠುಲ್ಲಕಥಂ ಕಥೇನ್ತೋ ವಾಚಂ ನ ರಕ್ಖತಿ ನಾಮ, ಕಾಮವಿತಕ್ಕಾದಯೋ ವಿತಕ್ಕೇನ್ತೋ ಚಿತ್ತಂ ನ ರಕ್ಖತಿ ನಾಮ। ಅನುಪಟ್ಠಿತಾಯ ಸತಿಯಾತಿ ಕಾಯಗತಾಸತಿಂ ಅನುಪಟ್ಠಪೇತ್ವಾ। ನವಮಂ।
165. Navame verambhavātāti evaṃnāmakā mahāvātā. Kīdise pana ṭhāne te vātā vāyantīti? Yattha ṭhitassa cattāro dīpā uppalinipattamattā hutvā paññāyanti. Yo pakkhī gacchatīti navavuṭṭhe deve viravanto vātasakuṇo tattha gacchati, taṃ sandhāyetaṃ vuttaṃ. Arakkhiteneva kāyenātiādīsu hatthapāde kīḷāpento khandhaṭṭhiṃ vā nāmento kāyaṃ na rakkhati nāma, nānāvidhaṃ duṭṭhullakathaṃ kathento vācaṃ na rakkhati nāma, kāmavitakkādayo vitakkento cittaṃ na rakkhati nāma. Anupaṭṭhitāya satiyāti kāyagatāsatiṃ anupaṭṭhapetvā. Navamaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೯. ವೇರಮ್ಭಸುತ್ತಂ • 9. Verambhasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೯. ವೇರಮ್ಭಸುತ್ತವಣ್ಣನಾ • 9. Verambhasuttavaṇṇanā
