| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൯. വേരമ്ഭസുത്തവണ്ണനാ
9. Verambhasuttavaṇṇanā
൧൬൫. നവമേ വേരമ്ഭവാതാതി ഏവംനാമകാ മഹാവാതാ. കീദിസേ പന ഠാനേ തേ വാതാ വായന്തീതി? യത്ഥ ഠിതസ്സ ചത്താരോ ദീപാ ഉപ്പലിനിപത്തമത്താ ഹുത്വാ പഞ്ഞായന്തി. യോ പക്ഖീ ഗച്ഛതീതി നവവുട്ഠേ ദേവേ വിരവന്തോ വാതസകുണോ തത്ഥ ഗച്ഛതി, തം സന്ധായേതം വുത്തം. അരക്ഖിതേനേവ കായേനാതിആദീസു ഹത്ഥപാദേ കീളാപേന്തോ ഖന്ധട്ഠിം വാ നാമേന്തോ കായം ന രക്ഖതി നാമ, നാനാവിധം ദുട്ഠുല്ലകഥം കഥേന്തോ വാചം ന രക്ഖതി നാമ, കാമവിതക്കാദയോ വിതക്കേന്തോ ചിത്തം ന രക്ഖതി നാമ. അനുപട്ഠിതായ സതിയാതി കായഗതാസതിം അനുപട്ഠപേത്വാ. നവമം.
165. Navame verambhavātāti evaṃnāmakā mahāvātā. Kīdise pana ṭhāne te vātā vāyantīti? Yattha ṭhitassa cattāro dīpā uppalinipattamattā hutvā paññāyanti. Yo pakkhī gacchatīti navavuṭṭhe deve viravanto vātasakuṇo tattha gacchati, taṃ sandhāyetaṃ vuttaṃ. Arakkhiteneva kāyenātiādīsu hatthapāde kīḷāpento khandhaṭṭhiṃ vā nāmento kāyaṃ na rakkhati nāma, nānāvidhaṃ duṭṭhullakathaṃ kathento vācaṃ na rakkhati nāma, kāmavitakkādayo vitakkento cittaṃ na rakkhati nāma. Anupaṭṭhitāya satiyāti kāyagatāsatiṃ anupaṭṭhapetvā. Navamaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൯. വേരമ്ഭസുത്തം • 9. Verambhasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൯. വേരമ്ഭസുത്തവണ്ണനാ • 9. Verambhasuttavaṇṇanā
