| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
винаяабидагз
Vinayapiṭake
баарааж̇игабаал̣и
Pārājikapāḷi
взран̃ж̇аган̣д̣ам̣
Verañjakaṇḍaṃ
1. д̇зна самаязна б̣уд̣̇д̇хо бхаг̇аваа взран̃ж̇ааяам̣ вихарад̇и нал̣зрубужиманд̣̇амуулз махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи. ассоси ко взран̃ж̇о б̣раахман̣о – ‘‘саман̣о калу, бхо, г̇од̇амо сагяабуд̇д̇о сагяагулаа баб̣б̣аж̇ид̇о взран̃ж̇ааяам̣ вихарад̇и нал̣зрубужиманд̣̇амуулз махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи. д̇ам̣ ко бана бхаванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа 1. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и. со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣; гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и; саад̇ху ко бана д̇ат̇ааруубаанам̣ арахад̇ам̣ д̣̇ассанам̣ ход̇ий’’’д̇и.
1. Tena samayena buddho bhagavā verañjāyaṃ viharati naḷerupucimandamūle mahatā bhikkhusaṅghena saddhiṃ pañcamattehi bhikkhusatehi. Assosi kho verañjo brāhmaṇo – ‘‘samaṇo khalu, bho, gotamo sakyaputto sakyakulā pabbajito verañjāyaṃ viharati naḷerupucimandamūle mahatā bhikkhusaṅghena saddhiṃ pañcamattehi bhikkhusatehi. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā 2. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ; kevalaparipuṇṇaṃ parisuddhaṃ brahmacariyaṃ pakāseti; sādhu kho pana tathārūpānaṃ arahataṃ dassanaṃ hotī’’’ti.
2. 3 ат̇а ко взран̃ж̇о б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и . згаманд̇ам̣ нисинно ко взран̃ж̇о б̣раахман̣о бхаг̇аванд̇ам̣ зд̇ад̣̇авожа – ‘‘суд̇ам̣ мзд̇ам̣, бхо г̇од̇ама – ‘на саман̣о г̇од̇амо б̣раахман̣з ж̇ин̣н̣з вуд̣дхз махаллагз ад̣̇д̇хаг̇ад̇з ваяоануббад̇д̇з абхиваад̣̇зд̇и ваа бажжудтзд̇и ваа аасанзна ваа ниманд̇зд̇ий’д̇и. д̇аяид̣̇ам̣, бхо г̇од̇ама, д̇ат̇зва? на хи бхавам̣ г̇од̇амо б̣раахман̣з ж̇ин̣н̣з вуд̣дхз махаллагз ад̣̇д̇хаг̇ад̇з ваяоануббад̇д̇з абхиваад̣̇зд̇и ваа бажжудтзд̇и ваа аасанзна ваа ниманд̇зд̇и? д̇аяид̣̇ам̣, бхо г̇од̇ама, на самбаннамзваа’’д̇и.
2.4 Atha kho verañjo brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi . Ekamantaṃ nisinno kho verañjo brāhmaṇo bhagavantaṃ etadavoca – ‘‘sutaṃ metaṃ, bho gotama – ‘na samaṇo gotamo brāhmaṇe jiṇṇe vuḍḍhe mahallake addhagate vayoanuppatte abhivādeti vā paccuṭṭheti vā āsanena vā nimantetī’ti. Tayidaṃ, bho gotama, tatheva? Na hi bhavaṃ gotamo brāhmaṇe jiṇṇe vuḍḍhe mahallake addhagate vayoanuppatte abhivādeti vā paccuṭṭheti vā āsanena vā nimanteti? Tayidaṃ, bho gotama, na sampannamevā’’ti.
‘‘наахам̣ д̇ам̣, б̣раахман̣а, бассаами сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа яамахам̣ абхиваад̣̇зяяам̣ ваа бажжудтзяяам̣ ваа аасанзна ваа ниманд̇зяяам̣. яан̃хи, б̣раахман̣а, д̇ат̇ааг̇ад̇о абхиваад̣̇зяяа ваа бажжудтзяяа ваа аасанзна ваа ниманд̇зяяа, муд̣̇д̇хааби д̇асса вибад̇зяяаа’’д̇и.
‘‘Nāhaṃ taṃ, brāhmaṇa, passāmi sadevake loke samārake sabrahmake sassamaṇabrāhmaṇiyā pajāya sadevamanussāya yamahaṃ abhivādeyyaṃ vā paccuṭṭheyyaṃ vā āsanena vā nimanteyyaṃ. Yañhi, brāhmaṇa, tathāgato abhivādeyya vā paccuṭṭheyya vā āsanena vā nimanteyya, muddhāpi tassa vipateyyā’’ti.
3. ‘‘арасаруубо бхавам̣ г̇од̇амо’’д̇и? ‘‘ад̇т̇и квзса, б̣раахман̣а, барияааяо язна мам̣ барияааязна саммаа вад̣̇амаано вад̣̇зяяа – ‘арасаруубо саман̣о г̇од̇амо’д̇и. яз д̇з, б̣раахман̣а, руубарасаа сад̣̇д̣̇арасаа г̇анд̇харасаа расарасаа подтаб̣б̣арасаа д̇з д̇ат̇ааг̇ад̇асса бахийнаа ужчиннамуулаа д̇аалаавад̇т̇угад̇аа анабхаавам̣гад̇аа 5 ааяад̇им̣ ануббаад̣̇ад̇хаммаа. аяам̣ ко, б̣раахман̣а, барияааяо язна мам̣ барияааязна саммаа вад̣̇амаано вад̣̇зяяа – ‘арасаруубо саман̣о г̇од̇амо’д̇и, но жа ко яам̣ д̇вам̣ санд̇хааяа вад̣̇зсий’’д̇и.
3. ‘‘Arasarūpo bhavaṃ gotamo’’ti? ‘‘Atthi khvesa, brāhmaṇa, pariyāyo yena maṃ pariyāyena sammā vadamāno vadeyya – ‘arasarūpo samaṇo gotamo’ti. Ye te, brāhmaṇa, rūparasā saddarasā gandharasā rasarasā phoṭṭhabbarasā te tathāgatassa pahīnā ucchinnamūlā tālāvatthukatā anabhāvaṃkatā 6 āyatiṃ anuppādadhammā. Ayaṃ kho, brāhmaṇa, pariyāyo yena maṃ pariyāyena sammā vadamāno vadeyya – ‘arasarūpo samaṇo gotamo’ti, no ca kho yaṃ tvaṃ sandhāya vadesī’’ti.
4. ‘‘ниб̣бхог̇о бхавам̣ г̇од̇амо’’д̇и? ‘‘ад̇т̇и квзса, б̣раахман̣а, барияааяо язна мам̣ барияааязна саммаа вад̣̇амаано вад̣̇зяяа – ‘ниб̣бхог̇о саман̣о г̇од̇амо’д̇и. яз д̇з, б̣раахман̣а, руубабхог̇аа сад̣̇д̣̇абхог̇аа г̇анд̇хабхог̇аа расабхог̇аа подтаб̣б̣абхог̇аа д̇з д̇ат̇ааг̇ад̇асса бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. аяам̣ ко, б̣раахман̣а, барияааяо язна мам̣ барияааязна саммаа вад̣̇амаано вад̣̇зяяа – ‘ниб̣бхог̇о саман̣о г̇од̇амо’д̇и, но жа ко яам̣ д̇вам̣ санд̇хааяа вад̣̇зсий’’д̇и.
4. ‘‘Nibbhogo bhavaṃ gotamo’’ti? ‘‘Atthi khvesa, brāhmaṇa, pariyāyo yena maṃ pariyāyena sammā vadamāno vadeyya – ‘nibbhogo samaṇo gotamo’ti. Ye te, brāhmaṇa, rūpabhogā saddabhogā gandhabhogā rasabhogā phoṭṭhabbabhogā te tathāgatassa pahīnā ucchinnamūlā tālāvatthukatā anabhāvaṃkatā āyatiṃ anuppādadhammā. Ayaṃ kho, brāhmaṇa, pariyāyo yena maṃ pariyāyena sammā vadamāno vadeyya – ‘nibbhogo samaṇo gotamo’ti, no ca kho yaṃ tvaṃ sandhāya vadesī’’ti.
5. ‘‘агирияаваад̣̇о бхавам̣ г̇од̇амо’’д̇и? ‘‘ад̇т̇и квзса, б̣раахман̣а, барияааяо язна мам̣ барияааязна саммаа вад̣̇амаано вад̣̇зяяа – ‘агирияаваад̣̇о саман̣о г̇од̇амо’д̇и. ахан̃хи, б̣раахман̣а, агирияам̣ вад̣̇аами гааяад̣̇ужжарид̇асса важийд̣̇ужжарид̇асса манод̣̇ужжарид̇асса. анзгавихид̇аанам̣ баабагаанам̣ агусалаанам̣ д̇хаммаанам̣ агирияам̣ вад̣̇аами. аяам̣ ко, б̣раахман̣а, барияааяо язна мам̣ барияааязна саммаа вад̣̇амаано вад̣̇зяяа – ‘агирияаваад̣̇о саман̣о г̇од̇амо’д̇и, но жа ко яам̣ д̇вам̣ санд̇хааяа вад̣̇зсий’’д̇и.
5. ‘‘Akiriyavādo bhavaṃ gotamo’’ti? ‘‘Atthi khvesa, brāhmaṇa, pariyāyo yena maṃ pariyāyena sammā vadamāno vadeyya – ‘akiriyavādo samaṇo gotamo’ti. Ahañhi, brāhmaṇa, akiriyaṃ vadāmi kāyaduccaritassa vacīduccaritassa manoduccaritassa. Anekavihitānaṃ pāpakānaṃ akusalānaṃ dhammānaṃ akiriyaṃ vadāmi. Ayaṃ kho, brāhmaṇa, pariyāyo yena maṃ pariyāyena sammā vadamāno vadeyya – ‘akiriyavādo samaṇo gotamo’ti, no ca kho yaṃ tvaṃ sandhāya vadesī’’ti.
6. ‘‘ужчзд̣̇аваад̣̇о бхавам̣ г̇од̇амо’’д̇и? ‘‘ад̇т̇и квзса, б̣раахман̣а, барияааяо язна мам̣ барияааязна саммаа вад̣̇амаано вад̣̇зяяа – ‘ужчзд̣̇аваад̣̇о саман̣о г̇од̇амо’д̇и. ахан̃хи, б̣раахман̣а, ужчзд̣̇ам̣ вад̣̇аами рааг̇асса д̣̇осасса мохасса. анзгавихид̇аанам̣ баабагаанам̣ агусалаанам̣ д̇хаммаанам̣ ужчзд̣̇ам̣ вад̣̇аами. аяам̣ ко, б̣раахман̣а, барияааяо язна мам̣ барияааязна саммаа вад̣̇амаано вад̣̇зяяа – ‘ужчзд̣̇аваад̣̇о саман̣о г̇од̇амо’д̇и, но жа ко яам̣ д̇вам̣ санд̇хааяа вад̣̇зсий’’д̇и.
6. ‘‘Ucchedavādo bhavaṃ gotamo’’ti? ‘‘Atthi khvesa, brāhmaṇa, pariyāyo yena maṃ pariyāyena sammā vadamāno vadeyya – ‘ucchedavādo samaṇo gotamo’ti. Ahañhi, brāhmaṇa, ucchedaṃ vadāmi rāgassa dosassa mohassa. Anekavihitānaṃ pāpakānaṃ akusalānaṃ dhammānaṃ ucchedaṃ vadāmi. Ayaṃ kho, brāhmaṇa, pariyāyo yena maṃ pariyāyena sammā vadamāno vadeyya – ‘ucchedavādo samaṇo gotamo’ti, no ca kho yaṃ tvaṃ sandhāya vadesī’’ti.
7. ‘‘ж̇зг̇ужчий бхавам̣ г̇од̇амо’’д̇и? ‘‘ад̇т̇и квзса, б̣раахман̣а, барияааяо язна мам̣ барияааязна саммаа вад̣̇амаано вад̣̇зяяа – ‘ж̇зг̇ужчий саман̣о г̇од̇амо’д̇и. ахан̃хи, б̣раахман̣а, ж̇иг̇ужчаами гааяад̣̇ужжарид̇зна важийд̣̇ужжарид̇зна манод̣̇ужжарид̇зна. анзгавихид̇аанам̣ баабагаанам̣ агусалаанам̣ д̇хаммаанам̣ самаабад̇д̇ияаа ж̇иг̇ужчаами. аяам̣ ко, б̣раахман̣а, барияааяо язна мам̣ барияааязна саммаа вад̣̇амаано вад̣̇зяяа – ‘ж̇зг̇ужчий саман̣о г̇од̇амо’д̇и, но жа ко яам̣ д̇вам̣ санд̇хааяа вад̣̇зсий’’д̇и.
7. ‘‘Jegucchī bhavaṃ gotamo’’ti? ‘‘Atthi khvesa, brāhmaṇa, pariyāyo yena maṃ pariyāyena sammā vadamāno vadeyya – ‘jegucchī samaṇo gotamo’ti. Ahañhi, brāhmaṇa, jigucchāmi kāyaduccaritena vacīduccaritena manoduccaritena. Anekavihitānaṃ pāpakānaṃ akusalānaṃ dhammānaṃ samāpattiyā jigucchāmi. Ayaṃ kho, brāhmaṇa, pariyāyo yena maṃ pariyāyena sammā vadamāno vadeyya – ‘jegucchī samaṇo gotamo’ti, no ca kho yaṃ tvaṃ sandhāya vadesī’’ti.
8. ‘‘взнаяиго бхавам̣ г̇од̇амо’’д̇и? ‘‘ад̇т̇и квзса, б̣раахман̣а, барияааяо язна мам̣ барияааязна саммаа вад̣̇амаано вад̣̇зяяа – ‘взнаяиго саман̣о г̇од̇амо’д̇и. ахан̃хи, б̣раахман̣а, винаяааяа д̇хаммам̣ д̣̇зсзми рааг̇асса д̣̇осасса мохасса. анзгавихид̇аанам̣ баабагаанам̣ агусалаанам̣ д̇хаммаанам̣ винаяааяа д̇хаммам̣ д̣̇зсзми. аяам̣ ко, б̣раахман̣а, барияааяо язна мам̣ барияааязна саммаа вад̣̇амаано вад̣̇зяяа – ‘взнаяиго саман̣о г̇од̇амо’д̇и, но жа ко яам̣ д̇вам̣ санд̇хааяа вад̣̇зсий’’д̇и.
8. ‘‘Venayiko bhavaṃ gotamo’’ti? ‘‘Atthi khvesa, brāhmaṇa, pariyāyo yena maṃ pariyāyena sammā vadamāno vadeyya – ‘venayiko samaṇo gotamo’ti. Ahañhi, brāhmaṇa, vinayāya dhammaṃ desemi rāgassa dosassa mohassa. Anekavihitānaṃ pāpakānaṃ akusalānaṃ dhammānaṃ vinayāya dhammaṃ desemi. Ayaṃ kho, brāhmaṇa, pariyāyo yena maṃ pariyāyena sammā vadamāno vadeyya – ‘venayiko samaṇo gotamo’ti, no ca kho yaṃ tvaṃ sandhāya vadesī’’ti.
9. ‘‘д̇абассий бхавам̣ г̇од̇амо’’д̇и? ‘‘ад̇т̇и квзса, б̣раахман̣а, барияааяо язна мам̣ барияааязна саммаа вад̣̇амаано вад̣̇зяяа – ‘д̇абассий саман̣о г̇од̇амо’д̇и . д̇абанийяаахам̣, б̣раахман̣а, баабагз агусалз д̇хаммз вад̣̇аами, гааяад̣̇ужжарид̇ам̣ важийд̣̇ужжарид̇ам̣ манод̣̇ужжарид̇ам̣. яасса ко, б̣раахман̣а , д̇абанийяаа баабагаа агусалаа д̇хаммаа бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа д̇амахам̣ д̇абассийд̇и вад̣̇аами. д̇ат̇ааг̇ад̇асса ко, б̣раахман̣а, д̇абанийяаа баабагаа агусалаа д̇хаммаа бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. аяам̣ ко, б̣раахман̣а, барияааяо язна мам̣ барияааязна саммаа вад̣̇амаано вад̣̇зяяа – ‘д̇абассий саман̣о г̇од̇амо’д̇и, но жа ко яам̣ д̇вам̣ санд̇хааяа вад̣̇зсий’’д̇и.
9. ‘‘Tapassī bhavaṃ gotamo’’ti? ‘‘Atthi khvesa, brāhmaṇa, pariyāyo yena maṃ pariyāyena sammā vadamāno vadeyya – ‘tapassī samaṇo gotamo’ti . Tapanīyāhaṃ, brāhmaṇa, pāpake akusale dhamme vadāmi, kāyaduccaritaṃ vacīduccaritaṃ manoduccaritaṃ. Yassa kho, brāhmaṇa , tapanīyā pāpakā akusalā dhammā pahīnā ucchinnamūlā tālāvatthukatā anabhāvaṃkatā āyatiṃ anuppādadhammā tamahaṃ tapassīti vadāmi. Tathāgatassa kho, brāhmaṇa, tapanīyā pāpakā akusalā dhammā pahīnā ucchinnamūlā tālāvatthukatā anabhāvaṃkatā āyatiṃ anuppādadhammā. Ayaṃ kho, brāhmaṇa, pariyāyo yena maṃ pariyāyena sammā vadamāno vadeyya – ‘tapassī samaṇo gotamo’ti, no ca kho yaṃ tvaṃ sandhāya vadesī’’ti.
10. ‘‘абаг̇аб̣бхо бхавам̣ г̇од̇амо’’д̇и? ‘‘ад̇т̇и квзса, б̣раахман̣а, барияааяо язна мам̣ барияааязна саммаа вад̣̇амаано вад̣̇зяяа – ‘абаг̇аб̣бхо саман̣о г̇од̇амо’д̇и. яасса ко, б̣раахман̣а, ааяад̇им̣ г̇аб̣бхасзяяаа бунаб̣бхаваабхиниб̣б̣ад̇д̇и бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа д̇амахам̣ абаг̇аб̣бход̇и вад̣̇аами. д̇ат̇ааг̇ад̇асса ко, б̣раахман̣а, ааяад̇им̣ г̇аб̣бхасзяяаа бунаб̣бхаваабхиниб̣б̣ад̇д̇и бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. аяам̣ ко, б̣раахман̣а, барияааяо язна мам̣ барияааязна саммаа вад̣̇амаано вад̣̇зяяа – ‘абаг̇аб̣бхо саман̣о г̇од̇амо’д̇и, но жа ко яам̣ д̇вам̣ санд̇хааяа вад̣̇зси’’.
10. ‘‘Apagabbho bhavaṃ gotamo’’ti? ‘‘Atthi khvesa, brāhmaṇa, pariyāyo yena maṃ pariyāyena sammā vadamāno vadeyya – ‘apagabbho samaṇo gotamo’ti. Yassa kho, brāhmaṇa, āyatiṃ gabbhaseyyā punabbhavābhinibbatti pahīnā ucchinnamūlā tālāvatthukatā anabhāvaṃkatā āyatiṃ anuppādadhammā tamahaṃ apagabbhoti vadāmi. Tathāgatassa kho, brāhmaṇa, āyatiṃ gabbhaseyyā punabbhavābhinibbatti pahīnā ucchinnamūlā tālāvatthukatā anabhāvaṃkatā āyatiṃ anuppādadhammā. Ayaṃ kho, brāhmaṇa, pariyāyo yena maṃ pariyāyena sammā vadamāno vadeyya – ‘apagabbho samaṇo gotamo’ti, no ca kho yaṃ tvaṃ sandhāya vadesi’’.
11. ‘‘сзяяат̇ааби, б̣раахман̣а, гуггудияаа ан̣д̣аани адта ваа д̣̇аса ваа д̣̇ваад̣̇аса ваа. д̇аанассу гуггудияаа саммаа ад̇хисаяид̇аани саммаа барисзд̣̇ид̇аани саммаа барибхаавид̇аани. яо ну ко д̇зсам̣ гуггудажчаабагаанам̣ батамад̇арам̣ баад̣̇анакасикааяа ваа мукад̇ун̣д̣агзна ваа ан̣д̣агосам̣ бад̣̇аалзд̇ваа сод̇т̇инаа абхиниб̣бхиж̇ж̇зяяа, гинд̇и сваасса важанийяо – ‘‘ж̇здто ваа ганидто ваа’’д̇и? ‘‘ж̇здтод̇исса, бхо г̇од̇ама, важанийяо. со хи нзсам̣ ж̇здто ход̇ий’’д̇и. ‘‘звамзва ко ахам̣, б̣раахман̣а, авиж̇ж̇ааг̇ад̇ааяа баж̇ааяа ан̣д̣абхууд̇ааяа барияонад̣̇д̇хааяа авиж̇ж̇ан̣д̣агосам̣ бад̣̇аалзд̇ваа згова логз ануд̇д̇арам̣ саммаасамб̣од̇хим̣ абхисамб̣уд̣̇д̇хо. сваахам̣, б̣раахман̣а, ж̇здто сздто логасса’’.
11. ‘‘Seyyathāpi, brāhmaṇa, kukkuṭiyā aṇḍāni aṭṭha vā dasa vā dvādasa vā. Tānassu kukkuṭiyā sammā adhisayitāni sammā pariseditāni sammā paribhāvitāni. Yo nu kho tesaṃ kukkuṭacchāpakānaṃ paṭhamataraṃ pādanakhasikhāya vā mukhatuṇḍakena vā aṇḍakosaṃ padāletvā sotthinā abhinibbhijjeyya, kinti svāssa vacanīyo – ‘‘jeṭṭho vā kaniṭṭho vā’’ti? ‘‘Jeṭṭhotissa, bho gotama, vacanīyo. So hi nesaṃ jeṭṭho hotī’’ti. ‘‘Evameva kho ahaṃ, brāhmaṇa, avijjāgatāya pajāya aṇḍabhūtāya pariyonaddhāya avijjaṇḍakosaṃ padāletvā ekova loke anuttaraṃ sammāsambodhiṃ abhisambuddho. Svāhaṃ, brāhmaṇa, jeṭṭho seṭṭho lokassa’’.
‘‘аарад̣̇д̇хам̣ ко бана мз, б̣раахман̣а, вийрияам̣ 7 ахоси асаллийнам̣, убадтид̇аа сад̇и асаммудтаа 8, бассад̣̇д̇хо гааяо асаарад̣̇д̇хо, самаахид̇ам̣ жид̇д̇ам̣ згаг̇г̇ам̣. со ко ахам̣, б̣раахман̣а, вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихаасим̣. вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихаасим̣. бийд̇ияаа жа вирааг̇аа убзгкаго жа вихаасим̣ сад̇о жа самбаж̇аано, сукан̃жа гааязна бадисам̣взд̣̇зсим̣ , яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихаасим̣. сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихаасим̣.
‘‘Āraddhaṃ kho pana me, brāhmaṇa, vīriyaṃ 9 ahosi asallīnaṃ, upaṭṭhitā sati asammuṭṭhā 10, passaddho kāyo asāraddho, samāhitaṃ cittaṃ ekaggaṃ. So kho ahaṃ, brāhmaṇa, vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja vihāsiṃ. Vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja vihāsiṃ. Pītiyā ca virāgā upekkhako ca vihāsiṃ sato ca sampajāno, sukhañca kāyena paṭisaṃvedesiṃ , yaṃ taṃ ariyā ācikkhanti – ‘upekkhako satimā sukhavihārī’ti tatiyaṃ jhānaṃ upasampajja vihāsiṃ. Sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja vihāsiṃ.
12. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з буб̣б̣зниваасаануссад̇ин̃аан̣ааяа жид̇д̇ам̣ абхининнаамзсим̣. со анзгавихид̇ам̣ буб̣б̣зниваасам̣ ануссараами , сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо д̇иссоби ж̇аад̇ияо жад̇ассоби ж̇аад̇ияо бан̃жаби ж̇аад̇ияо д̣̇асаби ж̇аад̇ияо вийсамби ж̇аад̇ияо д̇им̣самби ж̇аад̇ияо жад̇д̇аалийсамби ж̇аад̇ияо бан̃н̃аасамби ж̇аад̇ияо ж̇аад̇исад̇амби, ж̇аад̇исахассамби ж̇аад̇исад̇асахассамби, анзгзби сам̣ваддагаббз анзгзби виваддагаббз анзгзби сам̣ваддавиваддагаббз – ‘амуд̇раасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о; со д̇ад̇о жуд̇о амуд̇ра уд̣̇абаад̣̇им̣; д̇ад̇раабаасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о; со д̇ад̇о жуд̇о ид̇хуубабаннод̇и. ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссараами. аяам̣ ко мз, б̣раахман̣а, рад̇д̇ияаа батамз яаамз батамаа виж̇ж̇аа ад̇хиг̇ад̇аа, авиж̇ж̇аа вихад̇аа, виж̇ж̇аа уббаннаа, д̇амо вихад̇о, аалого уббанно – яат̇аа д̇ам̣ аббамад̇д̇асса аад̇аабино бахид̇ад̇д̇асса вихарад̇о. аяам̣ ко мз, б̣раахман̣а, батамаабхиниб̣бхид̣̇аа ахоси гуггудажчаабагассзва ан̣д̣агосамхаа.
12. ‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte pubbenivāsānussatiñāṇāya cittaṃ abhininnāmesiṃ. So anekavihitaṃ pubbenivāsaṃ anussarāmi , seyyathidaṃ – ekampi jātiṃ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṃsampi jātiyo cattālīsampi jātiyo paññāsampi jātiyo jātisatampi, jātisahassampi jātisatasahassampi, anekepi saṃvaṭṭakappe anekepi vivaṭṭakappe anekepi saṃvaṭṭavivaṭṭakappe – ‘amutrāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto; so tato cuto amutra udapādiṃ; tatrāpāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto; so tato cuto idhūpapannoti. Iti sākāraṃ sauddesaṃ anekavihitaṃ pubbenivāsaṃ anussarāmi. Ayaṃ kho me, brāhmaṇa, rattiyā paṭhame yāme paṭhamā vijjā adhigatā, avijjā vihatā, vijjā uppannā, tamo vihato, āloko uppanno – yathā taṃ appamattassa ātāpino pahitattassa viharato. Ayaṃ kho me, brāhmaṇa, paṭhamābhinibbhidā ahosi kukkuṭacchāpakasseva aṇḍakosamhā.
13. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з сад̇д̇аанам̣ жуд̇уубабаад̇ан̃аан̣ааяа жид̇д̇ам̣ абхининнаамзсим̣ . со д̣̇иб̣б̣зна жагкунаа висуд̣̇д̇хзна ад̇игганд̇амаанусагзна 11 сад̇д̇з бассаами жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з. суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аанаами – ‘имз вад̇а бхонд̇о сад̇д̇аа гааяад̣̇ужжарид̇зна саманнааг̇ад̇аа важийд̣̇ужжарид̇зна саманнааг̇ад̇аа манод̣̇ужжарид̇зна саманнааг̇ад̇аа арияаанам̣ убаваад̣̇агаа мижчаад̣̇идтигаа мижчаад̣̇идтигаммасамаад̣̇аанаа; д̇з гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаннаа. имз ваа бана бхонд̇о сад̇д̇аа гааяасужарид̇зна саманнааг̇ад̇аа важийсужарид̇зна саманнааг̇ад̇аа маносужарид̇зна саманнааг̇ад̇аа арияаанам̣ анубаваад̣̇агаа саммаад̣̇идтигаа саммаад̣̇идтигаммасамаад̣̇аанаа; д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаннаа’д̇и. ид̇и д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассаами жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з. суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аанаами. аяам̣ ко мз, б̣раахман̣а, рад̇д̇ияаа маж̇жхимз яаамз д̣̇уд̇ияаа виж̇ж̇аа ад̇хиг̇ад̇аа, авиж̇ж̇аа вихад̇аа, виж̇ж̇аа уббаннаа, д̇амо вихад̇о, аалого уббанно – яат̇аа д̇ам̣ аббамад̇д̇асса аад̇аабино бахид̇ад̇д̇асса вихарад̇о. аяам̣ ко мз, б̣раахман̣а, д̣̇уд̇ияаабхиниб̣бхид̣̇аа ахоси гуггудажчаабагассзва ан̣д̣агосамхаа.
13. ‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte sattānaṃ cutūpapātañāṇāya cittaṃ abhininnāmesiṃ . So dibbena cakkhunā visuddhena atikkantamānusakena 12 satte passāmi cavamāne upapajjamāne hīne paṇīte suvaṇṇe dubbaṇṇe. Sugate duggate yathākammūpage satte pajānāmi – ‘ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṃ upavādakā micchādiṭṭhikā micchādiṭṭhikammasamādānā; te kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapannā. Ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaṃ anupavādakā sammādiṭṭhikā sammādiṭṭhikammasamādānā; te kāyassa bhedā paraṃ maraṇā sugatiṃ saggaṃ lokaṃ upapannā’ti. Iti dibbena cakkhunā visuddhena atikkantamānusakena satte passāmi cavamāne upapajjamāne hīne paṇīte suvaṇṇe dubbaṇṇe. Sugate duggate yathākammūpage satte pajānāmi. Ayaṃ kho me, brāhmaṇa, rattiyā majjhime yāme dutiyā vijjā adhigatā, avijjā vihatā, vijjā uppannā, tamo vihato, āloko uppanno – yathā taṃ appamattassa ātāpino pahitattassa viharato. Ayaṃ kho me, brāhmaṇa, dutiyābhinibbhidā ahosi kukkuṭacchāpakasseva aṇḍakosamhā.
14. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з аасаваанам̣ каяан̃аан̣ааяа жид̇д̇ам̣ абхининнаамзсим̣. со ‘ид̣̇ам̣ д̣̇угка’нд̇и яат̇аабхууд̇ам̣ аб̣бхан̃н̃аасим̣, ‘аяам̣ д̣̇угкасамуд̣̇аяо’д̇и яат̇аабхууд̇ам̣ аб̣бхан̃н̃аасим̣, ‘аяам̣ д̣̇угканирод̇хо’д̇и яат̇аабхууд̇ам̣ аб̣бхан̃н̃аасим̣, ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ аб̣бхан̃н̃аасим̣; ‘имз аасаваа’д̇и яат̇аабхууд̇ам̣ аб̣бхан̃н̃аасим̣, ‘аяам̣ аасавасамуд̣̇аяо’д̇и яат̇аабхууд̇ам̣ аб̣бхан̃н̃аасим̣, ‘аяам̣ аасаванирод̇хо’д̇и яат̇аабхууд̇ам̣ аб̣бхан̃н̃аасим̣, ‘аяам̣ аасаванирод̇хаг̇ааминий бадибад̣̇аа’д̇и яат̇аабхууд̇ам̣ аб̣бхан̃н̃аасим̣. д̇асса мз звам̣ ж̇аанад̇о звам̣ бассад̇о гаамаасавааби жид̇д̇ам̣ вимужжид̇т̇а бхаваасавааби жид̇д̇ам̣ вимужжид̇т̇а авиж̇ж̇аасавааби жид̇д̇ам̣ вимужжид̇т̇а. вимуд̇д̇асмим̣ вимуд̇д̇амид̇и н̃аан̣ам̣ ахоси. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и аб̣бхан̃н̃аасим̣. аяам̣ ко мз, б̣раахман̣а, рад̇д̇ияаа бажчимз яаамз д̇ад̇ияаа виж̇ж̇аа ад̇хиг̇ад̇аа, авиж̇ж̇аа вихад̇аа, виж̇ж̇аа уббаннаа, д̇амо вихад̇о, аалого уббанно – яат̇аа д̇ам̣ аббамад̇д̇асса аад̇аабино бахид̇ад̇д̇асса вихарад̇о. аяам̣ ко мз, б̣раахман̣а, д̇ад̇ияаабхиниб̣бхид̣̇аа ахоси – гуггудажчаабагассзва ан̣д̣агосамхаа’’д̇и.
14. ‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṃ khayañāṇāya cittaṃ abhininnāmesiṃ. So ‘idaṃ dukkha’nti yathābhūtaṃ abbhaññāsiṃ, ‘ayaṃ dukkhasamudayo’ti yathābhūtaṃ abbhaññāsiṃ, ‘ayaṃ dukkhanirodho’ti yathābhūtaṃ abbhaññāsiṃ, ‘ayaṃ dukkhanirodhagāminī paṭipadā’ti yathābhūtaṃ abbhaññāsiṃ; ‘ime āsavā’ti yathābhūtaṃ abbhaññāsiṃ, ‘ayaṃ āsavasamudayo’ti yathābhūtaṃ abbhaññāsiṃ, ‘ayaṃ āsavanirodho’ti yathābhūtaṃ abbhaññāsiṃ, ‘ayaṃ āsavanirodhagāminī paṭipadā’ti yathābhūtaṃ abbhaññāsiṃ. Tassa me evaṃ jānato evaṃ passato kāmāsavāpi cittaṃ vimuccittha bhavāsavāpi cittaṃ vimuccittha avijjāsavāpi cittaṃ vimuccittha. Vimuttasmiṃ vimuttamiti ñāṇaṃ ahosi. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti abbhaññāsiṃ. Ayaṃ kho me, brāhmaṇa, rattiyā pacchime yāme tatiyā vijjā adhigatā, avijjā vihatā, vijjā uppannā, tamo vihato, āloko uppanno – yathā taṃ appamattassa ātāpino pahitattassa viharato. Ayaṃ kho me, brāhmaṇa, tatiyābhinibbhidā ahosi – kukkuṭacchāpakasseva aṇḍakosamhā’’ti.
15. звам̣ вуд̇д̇з, взран̃ж̇о б̣раахман̣о бхаг̇аванд̇ам̣ зд̇ад̣̇авожа – ‘‘ж̇здто бхавам̣ г̇од̇амо, сздто бхавам̣ г̇од̇амо! абхигганд̇ам̣, бхо г̇од̇ама, абхигганд̇ам̣, бхо г̇од̇ама!! сзяяат̇ааби, бхо г̇од̇ама, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – жагкуманд̇о руубаани д̣̇агканд̇ийд̇и, звамзвам̣ бход̇аа г̇од̇амзна анзгабарияааязна д̇хаммо багаасид̇о . зсаахам̣ бхаванд̇ам̣ г̇од̇амам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇ам̣. ад̇хиваасзд̇у жа мз бхавам̣ г̇од̇амо взран̃ж̇ааяам̣ вассааваасам̣ сад̣̇д̇хим̣ бхигкусан̇гхзнаа’’д̇и. ад̇хиваасзси бхаг̇аваа д̇ун̣хийбхаавзна. ат̇а ко взран̃ж̇о б̣раахман̣о бхаг̇авад̇о ад̇хиваасанам̣ вид̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами.
15. Evaṃ vutte, verañjo brāhmaṇo bhagavantaṃ etadavoca – ‘‘jeṭṭho bhavaṃ gotamo, seṭṭho bhavaṃ gotamo! Abhikkantaṃ, bho gotama, abhikkantaṃ, bho gotama!! Seyyathāpi, bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – cakkhumanto rūpāni dakkhantīti, evamevaṃ bhotā gotamena anekapariyāyena dhammo pakāsito . Esāhaṃ bhavantaṃ gotamaṃ saraṇaṃ gacchāmi dhammañca bhikkhusaṅghañca. Upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gataṃ. Adhivāsetu ca me bhavaṃ gotamo verañjāyaṃ vassāvāsaṃ saddhiṃ bhikkhusaṅghenā’’ti. Adhivāsesi bhagavā tuṇhībhāvena. Atha kho verañjo brāhmaṇo bhagavato adhivāsanaṃ viditvā uṭṭhāyāsanā bhagavantaṃ abhivādetvā padakkhiṇaṃ katvā pakkāmi.
16. д̇зна ко бана самаязна взран̃ж̇аа д̣̇уб̣бхигкаа ход̇и д̣̇вийхид̇игаа сзд̇адтигаа салаагаавуд̇д̇аа на сугараа ун̃чзна баг̇г̇ахзна яаабзд̇ум̣. д̇зна ко бана самаязна уд̇д̇араабат̇агаа 13 ассаваан̣иж̇аа 14 бан̃жамад̇д̇зхи ассасад̇зхи взран̃ж̇ам̣ вассааваасам̣ убаг̇ад̇аа хонд̇и. д̇зхи ассаман̣д̣алигаасу бхигкуунам̣ бад̇т̇абад̇т̇абулагам̣ 15 бан̃н̃ад̇д̇ам̣ ход̇и. бхигкуу буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа взран̃ж̇ам̣ бин̣д̣ааяа бависид̇ваа бин̣д̣ам̣ алабхамаанаа ассаман̣д̣алигаасу бин̣д̣ааяа жарид̇ваа бад̇т̇абад̇т̇абулагам̣ аараамам̣ аахарид̇ваа уд̣̇угкалз годдзд̇ваа годдзд̇ваа барибхун̃ж̇анд̇и. ааяасмаа банаананд̣̇о бад̇т̇абулагам̣ силааяам̣ бисид̇ваа бхаг̇авад̇о убанаамзд̇и. д̇ам̣ бхаг̇аваа барибхун̃ж̇ад̇и.
16. Tena kho pana samayena verañjā dubbhikkhā hoti dvīhitikā setaṭṭhikā salākāvuttā na sukarā uñchena paggahena yāpetuṃ. Tena kho pana samayena uttarāpathakā 16 assavāṇijā 17 pañcamattehi assasatehi verañjaṃ vassāvāsaṃ upagatā honti. Tehi assamaṇḍalikāsu bhikkhūnaṃ patthapatthapulakaṃ 18 paññattaṃ hoti. Bhikkhū pubbaṇhasamayaṃ nivāsetvā pattacīvaramādāya verañjaṃ piṇḍāya pavisitvā piṇḍaṃ alabhamānā assamaṇḍalikāsu piṇḍāya caritvā patthapatthapulakaṃ ārāmaṃ āharitvā udukkhale koṭṭetvā koṭṭetvā paribhuñjanti. Āyasmā panānando patthapulakaṃ silāyaṃ pisitvā bhagavato upanāmeti. Taṃ bhagavā paribhuñjati.
ассоси ко бхаг̇аваа уд̣̇угкаласад̣̇д̣̇ам̣. ж̇аананд̇ааби д̇ат̇ааг̇ад̇аа бужчанд̇и, ж̇аананд̇ааби на бужчанд̇и; гаалам̣ вид̣̇ид̇ваа бужчанд̇и, гаалам̣ вид̣̇ид̇ваа на бужчанд̇и; ад̇т̇асам̣хид̇ам̣ д̇ат̇ааг̇ад̇аа бужчанд̇и, но анад̇т̇асам̣хид̇ам̣. анад̇т̇асам̣хид̇з сзд̇угхаад̇о д̇ат̇ааг̇ад̇аанам̣. д̣̇вийхи аагаарзхи б̣уд̣̇д̇хаа бхаг̇аванд̇о бхигкуу бадибужчанд̇и – д̇хаммам̣ ваа д̣̇зсзссаама, саавагаанам̣ ваа сигкаабад̣̇ам̣ бан̃н̃абзссаамаад̇и 19. ат̇а ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘гим̣ ну ко со, аананд̣̇а, уд̣̇угкаласад̣̇д̣̇о’’д̇и? ат̇а ко ааяасмаа аананд̣̇о бхаг̇авад̇о зд̇амад̇т̇ам̣ аарожзси . ‘‘саад̇ху саад̇ху, аананд̣̇а! д̇умхзхи, аананд̣̇а саббурисзхи виж̇ид̇ам̣. бажчимаа ж̇анад̇аа саалимам̣сод̣̇анам̣ ад̇иман̃н̃иссад̇ий’’д̇и.
Assosi kho bhagavā udukkhalasaddaṃ. Jānantāpi tathāgatā pucchanti, jānantāpi na pucchanti; kālaṃ viditvā pucchanti, kālaṃ viditvā na pucchanti; atthasaṃhitaṃ tathāgatā pucchanti, no anatthasaṃhitaṃ. Anatthasaṃhite setughāto tathāgatānaṃ. Dvīhi ākārehi buddhā bhagavanto bhikkhū paṭipucchanti – dhammaṃ vā desessāma, sāvakānaṃ vā sikkhāpadaṃ paññapessāmāti 20. Atha kho bhagavā āyasmantaṃ ānandaṃ āmantesi – ‘‘kiṃ nu kho so, ānanda, udukkhalasaddo’’ti? Atha kho āyasmā ānando bhagavato etamatthaṃ ārocesi . ‘‘Sādhu sādhu, ānanda! Tumhehi, ānanda sappurisehi vijitaṃ. Pacchimā janatā sālimaṃsodanaṃ atimaññissatī’’ti.
17. ат̇а ко ааяасмаа махаамог̇г̇аллаано 21 язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа махаамог̇г̇аллаано бхаг̇аванд̇ам̣ зд̇ад̣̇авожа – ‘‘зд̇арахи, бханд̇з, взран̃ж̇аа д̣̇уб̣бхигкаа д̣̇вийхид̇игаа сзд̇адтигаа салаагаавуд̇д̇аа. на сугараа ун̃чзна баг̇г̇ахзна яаабзд̇ум̣. имиссаа, бханд̇з, махаабат̇авияаа хздтимад̇алам̣ самбаннам̣ – сзяяат̇ааби куд̣̇д̣̇амад̇хум̣ анийлагам̣ звамассаад̣̇ам̣. саад̇хаахам̣, бханд̇з, бат̇авим̣ баривад̇д̇зяяам̣. бхигкуу баббадагож̇ам̣ барибхун̃ж̇иссанд̇ий’’д̇и. ‘‘яз бана д̇з, мог̇г̇аллаана, бат̇авиниссид̇аа баан̣аа д̇з гат̇ам̣ гариссасий’’д̇и? ‘‘згаахам̣, бханд̇з, баан̣им̣ абхинимминиссаами – сзяяат̇ааби махаабат̇авий. яз бат̇авиниссид̇аа баан̣аа д̇з д̇ад̇т̇а сан̇гаамзссаами. згзна хад̇т̇зна бат̇авим̣ баривад̇д̇зссаамий’’д̇и. ‘‘алам̣, мог̇г̇аллаана, маа д̇з ружжи бат̇авим̣ баривад̇д̇зд̇ум̣. вибаллаасамби сад̇д̇аа бадилабхзяяу’’нд̇и. ‘‘саад̇ху, бханд̇з, саб̣б̣о бхигкусан̇гхо уд̇д̇арагурум̣ бин̣д̣ааяа г̇ажчзяяаа’’д̇и. ‘‘алам̣, мог̇г̇аллаана, маа д̇з ружжи саб̣б̣асса бхигкусан̇гхасса уд̇д̇арагурум̣ бин̣д̣ааяа г̇амана’’нд̇и.
17. Atha kho āyasmā mahāmoggallāno 22 yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā mahāmoggallāno bhagavantaṃ etadavoca – ‘‘etarahi, bhante, verañjā dubbhikkhā dvīhitikā setaṭṭhikā salākāvuttā. Na sukarā uñchena paggahena yāpetuṃ. Imissā, bhante, mahāpathaviyā heṭṭhimatalaṃ sampannaṃ – seyyathāpi khuddamadhuṃ anīlakaṃ evamassādaṃ. Sādhāhaṃ, bhante, pathaviṃ parivatteyyaṃ. Bhikkhū pappaṭakojaṃ paribhuñjissantī’’ti. ‘‘Ye pana te, moggallāna, pathavinissitā pāṇā te kathaṃ karissasī’’ti? ‘‘Ekāhaṃ, bhante, pāṇiṃ abhinimminissāmi – seyyathāpi mahāpathavī. Ye pathavinissitā pāṇā te tattha saṅkāmessāmi. Ekena hatthena pathaviṃ parivattessāmī’’ti. ‘‘Alaṃ, moggallāna, mā te rucci pathaviṃ parivattetuṃ. Vipallāsampi sattā paṭilabheyyu’’nti. ‘‘Sādhu, bhante, sabbo bhikkhusaṅgho uttarakuruṃ piṇḍāya gaccheyyā’’ti. ‘‘Alaṃ, moggallāna, mā te rucci sabbassa bhikkhusaṅghassa uttarakuruṃ piṇḍāya gamana’’nti.
18. ат̇а ко ааяасмад̇о саарибуд̇д̇асса рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘гад̇амзсаанам̣ ко б̣уд̣̇д̇хаанам̣ бхаг̇аванд̇аанам̣ б̣рахмажарияам̣ на жирадтид̇игам̣ ахоси; гад̇амзсаанам̣ б̣уд̣̇д̇хаанам̣ бхаг̇аванд̇аанам̣ б̣рахмажарияам̣ жирадтид̇игам̣ ахосий’’д̇и? ат̇а ко ааяасмаа саарибуд̇д̇о сааяанхасамаяам̣ 23 бадисаллаанаа вудтид̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа саарибуд̇д̇о бхаг̇аванд̇ам̣ зд̇ад̣̇авожа – ‘‘ид̇ха маяхам̣, бханд̇з, рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘гад̇амзсаанам̣ ко б̣уд̣̇д̇хаанам̣ бхаг̇аванд̇аанам̣ б̣рахмажарияам̣ на жирадтид̇игам̣ ахоси, гад̇амзсаанам̣ б̣уд̣̇д̇хаанам̣ бхаг̇аванд̇аанам̣ б̣рахмажарияам̣ жирадтид̇игам̣ ахосий’д̇и. ‘гад̇амзсаанам̣ ну ко, бханд̇з, б̣уд̣̇д̇хаанам̣ бхаг̇аванд̇аанам̣ б̣рахмажарияам̣ на жирадтид̇игам̣ ахоси, гад̇амзсаанам̣ б̣уд̣̇д̇хаанам̣ бхаг̇аванд̇аанам̣ б̣рахмажарияам̣ жирадтид̇игам̣ ахосий’’’д̇и?
18. Atha kho āyasmato sāriputtassa rahogatassa paṭisallīnassa evaṃ cetaso parivitakko udapādi – ‘‘katamesānaṃ kho buddhānaṃ bhagavantānaṃ brahmacariyaṃ na ciraṭṭhitikaṃ ahosi; katamesānaṃ buddhānaṃ bhagavantānaṃ brahmacariyaṃ ciraṭṭhitikaṃ ahosī’’ti? Atha kho āyasmā sāriputto sāyanhasamayaṃ 24 paṭisallānā vuṭṭhito yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā sāriputto bhagavantaṃ etadavoca – ‘‘idha mayhaṃ, bhante, rahogatassa paṭisallīnassa evaṃ cetaso parivitakko udapādi – ‘katamesānaṃ kho buddhānaṃ bhagavantānaṃ brahmacariyaṃ na ciraṭṭhitikaṃ ahosi, katamesānaṃ buddhānaṃ bhagavantānaṃ brahmacariyaṃ ciraṭṭhitikaṃ ahosī’ti. ‘Katamesānaṃ nu kho, bhante, buddhānaṃ bhagavantānaṃ brahmacariyaṃ na ciraṭṭhitikaṃ ahosi, katamesānaṃ buddhānaṃ bhagavantānaṃ brahmacariyaṃ ciraṭṭhitikaṃ ahosī’’’ti?
‘‘бхаг̇авад̇о жа, саарибуд̇д̇а, вибассисса бхаг̇авад̇о жа сикисса бхаг̇авад̇о жа взссабхусса б̣рахмажарияам̣ на жирадтид̇игам̣ ахоси. бхаг̇авад̇о жа, саарибуд̇д̇а, гагусанд̇хасса бхаг̇авад̇о жа гон̣ааг̇аманасса бхаг̇авад̇о жа гассабасса б̣рахмажарияам̣ жирадтид̇игам̣ ахосий’’д̇и.
‘‘Bhagavato ca, sāriputta, vipassissa bhagavato ca sikhissa bhagavato ca vessabhussa brahmacariyaṃ na ciraṭṭhitikaṃ ahosi. Bhagavato ca, sāriputta, kakusandhassa bhagavato ca koṇāgamanassa bhagavato ca kassapassa brahmacariyaṃ ciraṭṭhitikaṃ ahosī’’ti.
19. ‘‘го ну ко , бханд̇з, хзд̇у го бажжаяо, язна бхаг̇авад̇о жа вибассисса бхаг̇авад̇о жа сикисса бхаг̇авад̇о жа взссабхусса б̣рахмажарияам̣ на жирадтид̇игам̣ ахосий’’д̇и? ‘‘бхаг̇аваа жа, саарибуд̇д̇а, вибассий бхаг̇аваа жа сикий бхаг̇аваа жа взссабхуу гилаасуно ахзсум̣ саавагаанам̣ вид̇т̇аарзна д̇хаммам̣ д̣̇зсзд̇ум̣. аббаган̃жа нзсам̣ ахоси суд̇д̇ам̣ г̇зяяам̣ взяяаагаран̣ам̣ г̇аат̇аа уд̣̇аанам̣ ид̇ивуд̇д̇агам̣ ж̇аад̇агам̣ аб̣бхуд̇ад̇хаммам̣ взд̣̇аллам̣. абан̃н̃ад̇д̇ам̣ саавагаанам̣ сигкаабад̣̇ам̣. ануд̣̇д̣̇идтам̣ баад̇имогкам̣. д̇зсам̣ б̣уд̣̇д̇хаанам̣ бхаг̇аванд̇аанам̣ анд̇арад̇хаанзна б̣уд̣̇д̇хаануб̣уд̣̇д̇хаанам̣ саавагаанам̣ анд̇арад̇хаанзна яз д̇з бажчимаа саавагаа наанаанаамаа наанааг̇од̇д̇аа наанааж̇ажжаа наанаагулаа баб̣б̣аж̇ид̇аа д̇з д̇ам̣ б̣рахмажарияам̣ киббан̃н̃зва анд̇арад̇хаабзсум̣. сзяяат̇ааби, саарибуд̇д̇а, наанаабубпаани палагз нигкид̇д̇аани суд̇д̇зна асан̇г̇ахид̇аани д̇аани ваад̇о вигирад̇и вид̇хамад̇и вид̣̇д̇хам̣сзд̇и. д̇ам̣ гисса хзд̇у? яат̇аа д̇ам̣ суд̇д̇зна асан̇г̇ахид̇ад̇д̇аа. звамзва ко, саарибуд̇д̇а, д̇зсам̣ б̣уд̣̇д̇хаанам̣ бхаг̇аванд̇аанам̣ анд̇арад̇хаанзна б̣уд̣̇д̇хаануб̣уд̣̇д̇хаанам̣ саавагаанам̣ анд̇арад̇хаанзна яз д̇з бажчимаа саавагаа наанаанаамаа наанааг̇од̇д̇аа наанааж̇ажжаа наанаагулаа баб̣б̣аж̇ид̇аа д̇з д̇ам̣ б̣рахмажарияам̣ киббан̃н̃зва анд̇арад̇хаабзсум̣.
19. ‘‘Ko nu kho , bhante, hetu ko paccayo, yena bhagavato ca vipassissa bhagavato ca sikhissa bhagavato ca vessabhussa brahmacariyaṃ na ciraṭṭhitikaṃ ahosī’’ti? ‘‘Bhagavā ca, sāriputta, vipassī bhagavā ca sikhī bhagavā ca vessabhū kilāsuno ahesuṃ sāvakānaṃ vitthārena dhammaṃ desetuṃ. Appakañca nesaṃ ahosi suttaṃ geyyaṃ veyyākaraṇaṃ gāthā udānaṃ itivuttakaṃ jātakaṃ abbhutadhammaṃ vedallaṃ. Apaññattaṃ sāvakānaṃ sikkhāpadaṃ. Anuddiṭṭhaṃ pātimokkhaṃ. Tesaṃ buddhānaṃ bhagavantānaṃ antaradhānena buddhānubuddhānaṃ sāvakānaṃ antaradhānena ye te pacchimā sāvakā nānānāmā nānāgottā nānājaccā nānākulā pabbajitā te taṃ brahmacariyaṃ khippaññeva antaradhāpesuṃ. Seyyathāpi, sāriputta, nānāpupphāni phalake nikkhittāni suttena asaṅgahitāni tāni vāto vikirati vidhamati viddhaṃseti. Taṃ kissa hetu? Yathā taṃ suttena asaṅgahitattā. Evameva kho, sāriputta, tesaṃ buddhānaṃ bhagavantānaṃ antaradhānena buddhānubuddhānaṃ sāvakānaṃ antaradhānena ye te pacchimā sāvakā nānānāmā nānāgottā nānājaccā nānākulā pabbajitā te taṃ brahmacariyaṃ khippaññeva antaradhāpesuṃ.
‘‘агилаасуно жа д̇з бхаг̇аванд̇о ахзсум̣ саавагз жзд̇асаа жзд̇о барижжа овад̣̇ид̇ум̣. бхууд̇абуб̣б̣ам̣, саарибуд̇д̇а, взссабхуу бхаг̇аваа арахам̣ саммаасамб̣уд̣̇д̇хо ан̃н̃ад̇арасмим̣ бхим̣санагз 25 ванасан̣д̣з сахассам̣ бхигкусан̇гхам̣ жзд̇асаа жзд̇о барижжа овад̣̇ад̇и анусаасад̇и – ‘звам̣ вид̇аггзт̇а, маа звам̣ вид̇аггаяид̇т̇а; звам̣ манасигарот̇а, маа звам̣ манасаагад̇т̇а 26; ид̣̇ам̣ баж̇ахат̇а, ид̣̇ам̣ убасамбаж̇ж̇а вихарат̇аа’д̇и. ат̇а ко, саарибуд̇д̇а, д̇асса бхигкусахассасса взссабхунаа бхаг̇авад̇аа арахад̇аа саммаасамб̣уд̣̇д̇хзна звам̣ овад̣̇ияамаанаанам̣ звам̣ анусаасияамаанаанам̣ анубаад̣̇ааяа аасавзхи жид̇д̇аани вимужжим̣су. д̇ад̇ра суд̣̇ам̣, саарибуд̇д̇а, бхим̣санагасса ванасан̣д̣асса бхим̣санагад̇асмим̣ ход̇и – яо гожи авийд̇арааг̇о д̇ам̣ ванасан̣д̣ам̣ бависад̇и, язбхуяязна ломаани хам̣санд̇и. аяам̣ ко, саарибуд̇д̇а, хзд̇у аяам̣ бажжаяо язна бхаг̇авад̇о жа вибассисса бхаг̇авад̇о жа сикисса бхаг̇авад̇о жа взссабхусса б̣рахмажарияам̣ на жирадтид̇игам̣ ахосий’’д̇и.
‘‘Akilāsuno ca te bhagavanto ahesuṃ sāvake cetasā ceto paricca ovadituṃ. Bhūtapubbaṃ, sāriputta, vessabhū bhagavā arahaṃ sammāsambuddho aññatarasmiṃ bhiṃsanake 27 vanasaṇḍe sahassaṃ bhikkhusaṅghaṃ cetasā ceto paricca ovadati anusāsati – ‘evaṃ vitakketha, mā evaṃ vitakkayittha; evaṃ manasikarotha, mā evaṃ manasākattha 28; idaṃ pajahatha, idaṃ upasampajja viharathā’ti. Atha kho, sāriputta, tassa bhikkhusahassassa vessabhunā bhagavatā arahatā sammāsambuddhena evaṃ ovadiyamānānaṃ evaṃ anusāsiyamānānaṃ anupādāya āsavehi cittāni vimucciṃsu. Tatra sudaṃ, sāriputta, bhiṃsanakassa vanasaṇḍassa bhiṃsanakatasmiṃ hoti – yo koci avītarāgo taṃ vanasaṇḍaṃ pavisati, yebhuyyena lomāni haṃsanti. Ayaṃ kho, sāriputta, hetu ayaṃ paccayo yena bhagavato ca vipassissa bhagavato ca sikhissa bhagavato ca vessabhussa brahmacariyaṃ na ciraṭṭhitikaṃ ahosī’’ti.
20. ‘‘го бана, бханд̇з, хзд̇у го бажжаяо язна бхаг̇авад̇о жа гагусанд̇хасса бхаг̇авад̇о жа гон̣ааг̇аманасса бхаг̇авад̇о жа гассабасса б̣рахмажарияам̣ жирадтид̇игам̣ ахосий’’д̇и? ‘‘бхаг̇аваа жа, саарибуд̇д̇а, гагусанд̇хо бхаг̇аваа жа гон̣ааг̇амано бхаг̇аваа жа гассабо агилаасуно ахзсум̣ саавагаанам̣ вид̇т̇аарзна д̇хаммам̣ д̣̇зсзд̇ум̣. б̣ахун̃жа нзсам̣ ахоси суд̇д̇ам̣ г̇зяяам̣ взяяаагаран̣ам̣ г̇аат̇аа уд̣̇аанам̣ ид̇ивуд̇д̇агам̣ ж̇аад̇агам̣ аб̣бхуд̇ад̇хаммам̣ взд̣̇аллам̣, бан̃н̃ад̇д̇ам̣ саавагаанам̣ сигкаабад̣̇ам̣, уд̣̇д̣̇идтам̣ баад̇имогкам̣. д̇зсам̣ б̣уд̣̇д̇хаанам̣ бхаг̇аванд̇аанам̣ анд̇арад̇хаанзна б̣уд̣̇д̇хаануб̣уд̣̇д̇хаанам̣ саавагаанам̣ анд̇арад̇хаанзна яз д̇з бажчимаа саавагаа наанаанаамаа наанааг̇од̇д̇аа наанааж̇ажжаа наанаагулаа баб̣б̣аж̇ид̇аа д̇з д̇ам̣ б̣рахмажарияам̣ жирам̣ д̣̇ийгхамад̣̇д̇хаанам̣ табзсум̣. сзяяат̇ааби, саарибуд̇д̇а, наанаабубпаани палагз нигкид̇д̇аани суд̇д̇зна сусан̇г̇ахид̇аани д̇аани ваад̇о на вигирад̇и на вид̇хамад̇и на вид̣̇д̇хам̣сзд̇и. д̇ам̣ гисса хзд̇у? яат̇аа д̇ам̣ суд̇д̇зна сусан̇г̇ахид̇ад̇д̇аа. звамзва ко, саарибуд̇д̇а, д̇зсам̣ б̣уд̣̇д̇хаанам̣ бхаг̇аванд̇аанам̣ анд̇арад̇хаанзна б̣уд̣̇д̇хаануб̣уд̣̇д̇хаанам̣ саавагаанам̣ анд̇арад̇хаанзна яз д̇з бажчимаа саавагаа наанаанаамаа наанааг̇од̇д̇аа наанааж̇ажжаа наанаагулаа баб̣б̣аж̇ид̇аа д̇з д̇ам̣ б̣рахмажарияам̣ жирам̣ д̣̇ийгхамад̣̇д̇хаанам̣ табзсум̣. аяам̣ ко, саарибуд̇д̇а, хзд̇у аяам̣ бажжаяо язна бхаг̇авад̇о жа гагусанд̇хасса бхаг̇авад̇о жа гон̣ааг̇аманасса бхаг̇авад̇о жа гассабасса б̣рахмажарияам̣ жирадтид̇игам̣ ахосий’’д̇и.
20. ‘‘Ko pana, bhante, hetu ko paccayo yena bhagavato ca kakusandhassa bhagavato ca koṇāgamanassa bhagavato ca kassapassa brahmacariyaṃ ciraṭṭhitikaṃ ahosī’’ti? ‘‘Bhagavā ca, sāriputta, kakusandho bhagavā ca koṇāgamano bhagavā ca kassapo akilāsuno ahesuṃ sāvakānaṃ vitthārena dhammaṃ desetuṃ. Bahuñca nesaṃ ahosi suttaṃ geyyaṃ veyyākaraṇaṃ gāthā udānaṃ itivuttakaṃ jātakaṃ abbhutadhammaṃ vedallaṃ, paññattaṃ sāvakānaṃ sikkhāpadaṃ, uddiṭṭhaṃ pātimokkhaṃ. Tesaṃ buddhānaṃ bhagavantānaṃ antaradhānena buddhānubuddhānaṃ sāvakānaṃ antaradhānena ye te pacchimā sāvakā nānānāmā nānāgottā nānājaccā nānākulā pabbajitā te taṃ brahmacariyaṃ ciraṃ dīghamaddhānaṃ ṭhapesuṃ. Seyyathāpi, sāriputta, nānāpupphāni phalake nikkhittāni suttena susaṅgahitāni tāni vāto na vikirati na vidhamati na viddhaṃseti. Taṃ kissa hetu? Yathā taṃ suttena susaṅgahitattā. Evameva kho, sāriputta, tesaṃ buddhānaṃ bhagavantānaṃ antaradhānena buddhānubuddhānaṃ sāvakānaṃ antaradhānena ye te pacchimā sāvakā nānānāmā nānāgottā nānājaccā nānākulā pabbajitā te taṃ brahmacariyaṃ ciraṃ dīghamaddhānaṃ ṭhapesuṃ. Ayaṃ kho, sāriputta, hetu ayaṃ paccayo yena bhagavato ca kakusandhassa bhagavato ca koṇāgamanassa bhagavato ca kassapassa brahmacariyaṃ ciraṭṭhitikaṃ ahosī’’ti.
21. ат̇а ко ааяасмаа саарибуд̇д̇о удтааяаасанаа згам̣сам̣ уд̇д̇араасан̇г̇ам̣ гарид̇ваа язна бхаг̇аваа д̇знан̃ж̇алим̣ бан̣аамзд̇ваа бхаг̇аванд̇ам̣ зд̇ад̣̇авожа – ‘‘зд̇асса, бхаг̇аваа, гаало! зд̇асса, суг̇ад̇а, гаало! яам̣ бхаг̇аваа саавагаанам̣ сигкаабад̣̇ам̣ бан̃н̃абзяяа 29, уд̣̇д̣̇исзяяа баад̇имогкам̣, яат̇аяид̣̇ам̣ б̣рахмажарияам̣ ад̣̇д̇ханияам̣ асса жирадтид̇ига’’нд̇и. ‘‘ааг̇амзхи д̇вам̣, саарибуд̇д̇а ! ааг̇амзхи д̇вам̣, саарибуд̇д̇а! д̇ат̇ааг̇ад̇ова д̇ад̇т̇а гаалам̣ ж̇ааниссад̇и. на д̇аава, саарибуд̇д̇а, сад̇т̇аа саавагаанам̣ сигкаабад̣̇ам̣ бан̃н̃абзд̇и уд̣̇д̣̇исад̇и 30 баад̇имогкам̣ яаава на ид̇хзгажжз аасавадтаанийяаа д̇хаммаа сан̇гхз баад̇убхаванд̇и. яад̇о жа ко, саарибуд̇д̇а, ид̇хзгажжз аасавадтаанийяаа д̇хаммаа сан̇гхз баад̇убхаванд̇и, ат̇а сад̇т̇аа саавагаанам̣ сигкаабад̣̇ам̣ бан̃н̃абзд̇и уд̣̇д̣̇иссад̇и баад̇имогкам̣ д̇зсам̣язва аасавадтаанийяаанам̣ д̇хаммаанам̣ бадигхаад̇ааяа. на д̇аава, саарибуд̇д̇а, ид̇хзгажжз аасавадтаанийяаа д̇хаммаа сан̇гхз баад̇убхаванд̇и яаава на сан̇гхо рад̇д̇ан̃н̃умахад̇д̇ам̣ бад̇д̇о ход̇и. яад̇о жа ко, саарибуд̇д̇а, сан̇гхо рад̇д̇ан̃н̃умахад̇д̇ам̣ бад̇д̇о ход̇и ат̇а ид̇хзгажжз аасавадтаанийяаа д̇хаммаа сан̇гхз баад̇убхаванд̇и, ат̇а, сад̇т̇аа саавагаанам̣ сигкаабад̣̇ам̣ бан̃н̃абзд̇и уд̣̇д̣̇исад̇и баад̇имогкам̣ д̇зсам̣язва аасавадтаанийяаанам̣ д̇хаммаанам̣ бадигхаад̇ааяа. на д̇аава, саарибуд̇д̇а, ид̇хзгажжз аасавадтаанийяаа д̇хаммаа сан̇гхз баад̇убхаванд̇и, яаава на сан̇гхо взбулламахад̇д̇ам̣ бад̇д̇о ход̇и. яад̇о жа ко, саарибуд̇д̇а, сан̇гхо взбулламахад̇д̇ам̣ бад̇д̇о ход̇и, ат̇а ид̇хзгажжз аасавадтаанийяаа д̇хаммаа сан̇гхз баад̇убхаванд̇и, ат̇а сад̇т̇аа саавагаанам̣ сигкаабад̣̇ам̣ бан̃н̃абзд̇и уд̣̇д̣̇исад̇и баад̇имогкам̣ д̇зсам̣язва аасавадтаанийяаанам̣ д̇хаммаанам̣ бадигхаад̇ааяа. на д̇аава, саарибуд̇д̇а, ид̇хзгажжз аасавадтаанийяаа д̇хаммаа сан̇гхз баад̇убхаванд̇и, яаава на сан̇гхо лаабхаг̇г̇амахад̇д̇ам̣ бад̇д̇о ход̇и. яад̇о жа ко, саарибуд̇д̇а, сан̇гхо лаабхаг̇г̇амахад̇д̇ам̣ бад̇д̇о ход̇и, ат̇а ид̇хзгажжз аасавадтаанийяаа д̇хаммаа сан̇гхз баад̇убхаванд̇и, ат̇а сад̇т̇аа саавагаанам̣ сигкаабад̣̇ам̣ бан̃н̃абзд̇и уд̣̇д̣̇исад̇и баад̇имогкам̣ д̇зсам̣язва аасавадтаанийяаанам̣ д̇хаммаанам̣ бадигхаад̇ааяа. на д̇аава, саарибуд̇д̇а, ид̇хзгажжз аасавадтаанийяаа д̇хаммаа сан̇гхз баад̇убхаванд̇и, яаава на сан̇гхо б̣аахусажжамахад̇д̇ам̣ бад̇д̇о ход̇и. яад̇о жа ко, саарибуд̇д̇а, сан̇гхо б̣аахусажжамахад̇д̇ам̣ бад̇д̇о ход̇и, ат̇а ид̇хзгажжз аасавадтаанийяаа д̇хаммаа сан̇гхз баад̇убхаванд̇и, ат̇а сад̇т̇аа саавагаанам̣ сигкаабад̣̇ам̣ бан̃н̃абзд̇и уд̣̇д̣̇исад̇и баад̇имогкам̣ д̇зсам̣язва аасавадтаанийяаанам̣ д̇хаммаанам̣ бадигхаад̇ааяа. нираб̣б̣уд̣̇о хи, саарибуд̇д̇а, бхигкусан̇гхо нираад̣̇ийнаво абаг̇ад̇агаал̣аго суд̣̇д̇хо саарз бад̇идтид̇о. имзсан̃хи, саарибуд̇д̇а, бан̃жаннам̣ бхигкусад̇аанам̣ яо бажчимаго бхигку со сод̇аабанно авинибаад̇ад̇хаммо нияад̇о самб̣од̇хибарааяан̣о’’д̇и.
21. Atha kho āyasmā sāriputto uṭṭhāyāsanā ekaṃsaṃ uttarāsaṅgaṃ karitvā yena bhagavā tenañjaliṃ paṇāmetvā bhagavantaṃ etadavoca – ‘‘etassa, bhagavā, kālo! Etassa, sugata, kālo! Yaṃ bhagavā sāvakānaṃ sikkhāpadaṃ paññapeyya 31, uddiseyya pātimokkhaṃ, yathayidaṃ brahmacariyaṃ addhaniyaṃ assa ciraṭṭhitika’’nti. ‘‘Āgamehi tvaṃ, sāriputta ! Āgamehi tvaṃ, sāriputta! Tathāgatova tattha kālaṃ jānissati. Na tāva, sāriputta, satthā sāvakānaṃ sikkhāpadaṃ paññapeti uddisati 32 pātimokkhaṃ yāva na idhekacce āsavaṭṭhānīyā dhammā saṅghe pātubhavanti. Yato ca kho, sāriputta, idhekacce āsavaṭṭhānīyā dhammā saṅghe pātubhavanti, atha satthā sāvakānaṃ sikkhāpadaṃ paññapeti uddissati pātimokkhaṃ tesaṃyeva āsavaṭṭhānīyānaṃ dhammānaṃ paṭighātāya. Na tāva, sāriputta, idhekacce āsavaṭṭhānīyā dhammā saṅghe pātubhavanti yāva na saṅgho rattaññumahattaṃ patto hoti. Yato ca kho, sāriputta, saṅgho rattaññumahattaṃ patto hoti atha idhekacce āsavaṭṭhānīyā dhammā saṅghe pātubhavanti, atha, satthā sāvakānaṃ sikkhāpadaṃ paññapeti uddisati pātimokkhaṃ tesaṃyeva āsavaṭṭhānīyānaṃ dhammānaṃ paṭighātāya. Na tāva, sāriputta, idhekacce āsavaṭṭhānīyā dhammā saṅghe pātubhavanti, yāva na saṅgho vepullamahattaṃ patto hoti. Yato ca kho, sāriputta, saṅgho vepullamahattaṃ patto hoti, atha idhekacce āsavaṭṭhānīyā dhammā saṅghe pātubhavanti, atha satthā sāvakānaṃ sikkhāpadaṃ paññapeti uddisati pātimokkhaṃ tesaṃyeva āsavaṭṭhānīyānaṃ dhammānaṃ paṭighātāya. Na tāva, sāriputta, idhekacce āsavaṭṭhānīyā dhammā saṅghe pātubhavanti, yāva na saṅgho lābhaggamahattaṃ patto hoti. Yato ca kho, sāriputta, saṅgho lābhaggamahattaṃ patto hoti, atha idhekacce āsavaṭṭhānīyā dhammā saṅghe pātubhavanti, atha satthā sāvakānaṃ sikkhāpadaṃ paññapeti uddisati pātimokkhaṃ tesaṃyeva āsavaṭṭhānīyānaṃ dhammānaṃ paṭighātāya. Na tāva, sāriputta, idhekacce āsavaṭṭhānīyā dhammā saṅghe pātubhavanti, yāva na saṅgho bāhusaccamahattaṃ patto hoti. Yato ca kho, sāriputta, saṅgho bāhusaccamahattaṃ patto hoti, atha idhekacce āsavaṭṭhānīyā dhammā saṅghe pātubhavanti, atha satthā sāvakānaṃ sikkhāpadaṃ paññapeti uddisati pātimokkhaṃ tesaṃyeva āsavaṭṭhānīyānaṃ dhammānaṃ paṭighātāya. Nirabbudo hi, sāriputta, bhikkhusaṅgho nirādīnavo apagatakāḷako suddho sāre patiṭṭhito. Imesañhi, sāriputta, pañcannaṃ bhikkhusatānaṃ yo pacchimako bhikkhu so sotāpanno avinipātadhammo niyato sambodhiparāyaṇo’’ti.
22. ат̇а ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘аажин̣н̣ам̣ ко банзд̇ам̣, аананд̣̇а, д̇ат̇ааг̇ад̇аанам̣ язхи ниманд̇ид̇аа вассам̣ васанд̇и, на д̇з анабалогзд̇ваа ж̇анабад̣̇ажааригам̣ баггаманд̇и. ааяаамаананд̣̇а, взран̃ж̇ам̣ б̣раахман̣ам̣ абалогзссаамаа’’д̇и. ‘‘звам̣ бханд̇з’’д̇и ко ааяасмаа аананд̣̇о бхаг̇авад̇о бажжассоси. ат̇а ко бхаг̇аваа ниваасзд̇ваа бад̇д̇ажийварамаад̣̇ааяа ааяасмад̇аа аананд̣̇зна бажчаасаман̣зна язна взран̃ж̇асса б̣раахман̣асса нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко взран̃ж̇о б̣раахман̣о язна бхаг̇аваа д̇знубасан̇гами ; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко взран̃ж̇ам̣ б̣раахман̣ам̣ бхаг̇аваа зд̇ад̣̇авожа – ‘‘ниманд̇ид̇амха д̇аяаа, б̣раахман̣а , вассам̣вудтаа 33, абалогзма д̇ам̣, ижчаама маяам̣ ж̇анабад̣̇ажааригам̣ баггамид̇у’’нд̇и. ‘‘сажжам̣, бхо г̇од̇ама, ниманд̇ид̇ад̇т̇а маяаа вассам̣вудтаа; аби жа, яо д̣̇зяяад̇хаммо со на д̣̇инно. д̇ан̃жа ко но асанд̇ам̣, ноби ад̣̇аад̇угамяад̇аа, д̇ам̣ гуд̇зд̇т̇а лаб̣бхаа б̣ахугижжаа гхарааваасаа б̣ахугаран̣ийяаа. ад̇хиваасзд̇у мз бхавам̣ г̇од̇амо сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. ад̇хиваасзси бхаг̇аваа д̇ун̣хийбхаавзна. ат̇а ко бхаг̇аваа взран̃ж̇ам̣ б̣раахман̣ам̣ д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа удтааяаасанаа баггаами. ат̇а ко взран̃ж̇о б̣раахман̣о д̇ассаа рад̇д̇ияаа ажжаязна сагз нивзсанз бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа бхаг̇авад̇о гаалам̣ аарожаабзси – ‘‘гаало, бхо г̇од̇ама, нидтид̇ам̣ бхад̇д̇а’’нд̇и.
22. Atha kho bhagavā āyasmantaṃ ānandaṃ āmantesi – ‘‘āciṇṇaṃ kho panetaṃ, ānanda, tathāgatānaṃ yehi nimantitā vassaṃ vasanti, na te anapaloketvā janapadacārikaṃ pakkamanti. Āyāmānanda, verañjaṃ brāhmaṇaṃ apalokessāmā’’ti. ‘‘Evaṃ bhante’’ti kho āyasmā ānando bhagavato paccassosi. Atha kho bhagavā nivāsetvā pattacīvaramādāya āyasmatā ānandena pacchāsamaṇena yena verañjassa brāhmaṇassa nivesanaṃ tenupasaṅkami; upasaṅkamitvā paññatte āsane nisīdi. Atha kho verañjo brāhmaṇo yena bhagavā tenupasaṅkami ; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho verañjaṃ brāhmaṇaṃ bhagavā etadavoca – ‘‘nimantitamha tayā, brāhmaṇa , vassaṃvuṭṭhā 34, apalokema taṃ, icchāma mayaṃ janapadacārikaṃ pakkamitu’’nti. ‘‘Saccaṃ, bho gotama, nimantitattha mayā vassaṃvuṭṭhā; api ca, yo deyyadhammo so na dinno. Tañca kho no asantaṃ, nopi adātukamyatā, taṃ kutettha labbhā bahukiccā gharāvāsā bahukaraṇīyā. Adhivāsetu me bhavaṃ gotamo svātanāya bhattaṃ saddhiṃ bhikkhusaṅghenā’’ti. Adhivāsesi bhagavā tuṇhībhāvena. Atha kho bhagavā verañjaṃ brāhmaṇaṃ dhammiyā kathāya sandassetvā samādapetvā samuttejetvā sampahaṃsetvā uṭṭhāyāsanā pakkāmi. Atha kho verañjo brāhmaṇo tassā rattiyā accayena sake nivesane paṇītaṃ khādanīyaṃ bhojanīyaṃ paṭiyādāpetvā bhagavato kālaṃ ārocāpesi – ‘‘kālo, bho gotama, niṭṭhitaṃ bhatta’’nti.
23. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна взран̃ж̇асса б̣раахман̣асса нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и сад̣̇д̇хим̣ бхигкусан̇гхзна. ат̇а ко взран̃ж̇о б̣раахман̣о б̣уд̣̇д̇хаббамукам̣ бхигкусан̇гхам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзд̇ваа самбаваарзд̇ваа бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣ 35 д̇ижийварзна ажчаад̣̇зси, згамзган̃жа бхигкум̣ згамзгзна д̣̇уссаяуг̇зна ажчаад̣̇зси. ат̇а ко бхаг̇аваа взран̃ж̇ам̣ б̣раахман̣ам̣ д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа удтааяаасанаа баггаами. ат̇а ко бхаг̇аваа взран̃ж̇ааяам̣ яат̇аабхиранд̇ам̣ вихарид̇ваа анубаг̇амма сорзяяам̣ сан̇гассам̣ ган̣н̣агуж̇ж̇ам̣ язна баяааг̇абад̇идтаанам̣ д̇знубасан̇гами; убасан̇гамид̇ваа баяааг̇абад̇идтаанз г̇ан̇г̇ам̣ над̣̇им̣ уд̇д̇арид̇ваа язна б̣аараан̣асий д̇ад̣̇авасари. ат̇а ко бхаг̇аваа б̣аараан̣асияам̣ яат̇аабхиранд̇ам̣ вихарид̇ваа язна взсаалий д̇зна жааригам̣ баггаами. анубуб̣б̣зна жааригам̣ жарамаано язна взсаалий д̇ад̣̇авасари. д̇ад̇ра суд̣̇ам̣ бхаг̇аваа взсаалияам̣ вихарад̇и махааванз гуудааг̇аарасаалааяанд̇и.
23. Atha kho bhagavā pubbaṇhasamayaṃ nivāsetvā pattacīvaramādāya yena verañjassa brāhmaṇassa nivesanaṃ tenupasaṅkami; upasaṅkamitvā paññatte āsane nisīdi saddhiṃ bhikkhusaṅghena. Atha kho verañjo brāhmaṇo buddhappamukhaṃ bhikkhusaṅghaṃ paṇītena khādanīyena bhojanīyena sahatthā santappetvā sampavāretvā bhagavantaṃ bhuttāviṃ onītapattapāṇiṃ 36 ticīvarena acchādesi, ekamekañca bhikkhuṃ ekamekena dussayugena acchādesi. Atha kho bhagavā verañjaṃ brāhmaṇaṃ dhammiyā kathāya sandassetvā samādapetvā samuttejetvā sampahaṃsetvā uṭṭhāyāsanā pakkāmi. Atha kho bhagavā verañjāyaṃ yathābhirantaṃ viharitvā anupagamma soreyyaṃ saṅkassaṃ kaṇṇakujjaṃ yena payāgapatiṭṭhānaṃ tenupasaṅkami; upasaṅkamitvā payāgapatiṭṭhāne gaṅgaṃ nadiṃ uttaritvā yena bārāṇasī tadavasari. Atha kho bhagavā bārāṇasiyaṃ yathābhirantaṃ viharitvā yena vesālī tena cārikaṃ pakkāmi. Anupubbena cārikaṃ caramāno yena vesālī tadavasari. Tatra sudaṃ bhagavā vesāliyaṃ viharati mahāvane kūṭāgārasālāyanti.
взран̃ж̇абхаан̣авааро нидтид̇о.
Verañjabhāṇavāro niṭṭhito.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā
взран̃ж̇аган̣д̣аван̣н̣анаа • Verañjakaṇḍavaṇṇanā
буб̣б̣зниваасагат̇аа • Pubbenivāsakathā
д̣̇иб̣б̣ажагкун̃аан̣агат̇аа • Dibbacakkhuñāṇakathā
аасавагкаяан̃аан̣агат̇аа • Āsavakkhayañāṇakathā
д̣̇зсанаанумод̣̇анагат̇аа • Desanānumodanakathā
д̣̇уб̣бхигкагат̇аа • Dubbhikkhakathā
махаамог̇г̇аллаанассасийханаад̣̇агат̇аа • Mahāmoggallānassasīhanādakathā
винаяабан̃н̃ад̇д̇ияаажанагат̇ааван̣н̣анаа • Vinayapaññattiyācanakathāvaṇṇanā
б̣уд̣̇д̇хаажин̣н̣агат̇аа • Buddhāciṇṇakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
махаамог̇г̇аллаанасса сийханаад̣̇агат̇аа • Mahāmoggallānassa sīhanādakathā
винаяабан̃н̃ад̇д̇ияаажанагат̇аа • Vinayapaññattiyācanakathā
б̣уд̣̇д̇хаажин̣н̣агат̇аа • Buddhāciṇṇakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
взран̃ж̇аган̣д̣аван̣н̣анаа • Verañjakaṇḍavaṇṇanā
буб̣б̣зниваасагат̇ааван̣н̣анаа • Pubbenivāsakathāvaṇṇanā
д̣̇иб̣б̣ажагкун̃аан̣агат̇ааван̣н̣анаа • Dibbacakkhuñāṇakathāvaṇṇanā
аасавагкаяан̃аан̣агат̇ааван̣н̣анаа • Āsavakkhayañāṇakathāvaṇṇanā
убаасагад̇д̇абадивзд̣̇анаагат̇ааван̣н̣анаа • Upāsakattapaṭivedanākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā
батамаж̇жхаанагат̇ааван̣н̣анаа • Paṭhamajjhānakathāvaṇṇanā
буб̣б̣зниваасагат̇ааван̣н̣анаа • Pubbenivāsakathāvaṇṇanā
д̣̇иб̣б̣ажагкун̃аан̣агат̇ааван̣н̣анаа • Dibbacakkhuñāṇakathāvaṇṇanā
аасавагкаяан̃аан̣агат̇ааван̣н̣анаа • Āsavakkhayañāṇakathāvaṇṇanā
убаасагад̇д̇абадивзд̣̇анаагат̇ааван̣н̣анаа • Upāsakattapaṭivedanākathāvaṇṇanā
винаяабан̃н̃ад̇д̇ияаажанагат̇ааван̣н̣анаа • Vinayapaññattiyācanakathāvaṇṇanā
