Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā

    взран̃ж̇аган̣д̣аван̣н̣анаа

    Verañjakaṇḍavaṇṇanā

    1. ид̣̇аани

    1. Idāni

    ‘‘д̇знаад̇иаад̣̇ибаатасса, ад̇т̇ам̣ наанаббагаарад̇о;

    ‘‘Tenātiādipāṭhassa, atthaṃ nānappakārato;

    д̣̇ассаяанд̇о гариссаами, винаяассад̇т̇аван̣н̣ана’’нд̇и.

    Dassayanto karissāmi, vinayassatthavaṇṇana’’nti.

    вуд̇д̇ад̇д̇аа д̇зна самаязна б̣уд̣̇д̇хо бхаг̇аваад̇иаад̣̇ийнам̣ ад̇т̇аван̣н̣анам̣ гариссаами. сзяяат̇ид̣̇ам̣ – д̇знаад̇и анияаманид̣̇д̣̇зсаважанам̣. д̇асса саруубзна авуд̇д̇знаби абарабхааг̇з ад̇т̇ад̇о сид̣̇д̇хзна язнаад̇и иминаа важанзна бадинид̣̇д̣̇зсо гаад̇аб̣б̣о. абарабхааг̇з хи винаяабан̃н̃ад̇д̇ияаажанахзд̇убхууд̇о ааяасмад̇о саарибуд̇д̇асса баривид̇агго сид̣̇д̇хо. д̇асмаа язна самаязна со баривид̇агго уд̣̇абаад̣̇и, д̇зна самаязна б̣уд̣̇д̇хо бхаг̇аваа взран̃ж̇ааяам̣ вихарад̇ийд̇и звамзд̇т̇а самб̣анд̇хо взд̣̇ид̇аб̣б̣о. аяан̃хи саб̣б̣асмимби винаяз яуд̇д̇и, яад̣̇ид̣̇ам̣ яад̇т̇а яад̇т̇а ‘‘д̇знаа’’д̇и вужжад̇и д̇ад̇т̇а д̇ад̇т̇а буб̣б̣з ваа бажчаа ваа ад̇т̇ад̇о сид̣̇д̇хзна ‘‘язнаа’’д̇и иминаа важанзна бадинид̣̇д̣̇зсо гаад̇аб̣б̣од̇и.

    Vuttattā tena samayena buddho bhagavātiādīnaṃ atthavaṇṇanaṃ karissāmi. Seyyathidaṃ – tenāti aniyamaniddesavacanaṃ. Tassa sarūpena avuttenapi aparabhāge atthato siddhena yenāti iminā vacanena paṭiniddeso kātabbo. Aparabhāge hi vinayapaññattiyācanahetubhūto āyasmato sāriputtassa parivitakko siddho. Tasmā yena samayena so parivitakko udapādi, tena samayena buddho bhagavā verañjāyaṃ viharatīti evamettha sambandho veditabbo. Ayañhi sabbasmimpi vinaye yutti, yadidaṃ yattha yattha ‘‘tenā’’ti vuccati tattha tattha pubbe vā pacchā vā atthato siddhena ‘‘yenā’’ti iminā vacanena paṭiniddeso kātabboti.

    д̇ад̇рид̣̇ам̣ мукамад̇д̇анид̣̇ассанам̣ – ‘‘д̇зна хи, бхигкавз, бхигкуунам̣ сигкаабад̣̇ам̣ бан̃н̃абзссаами, язна суд̣̇инно мзт̇унам̣ д̇хаммам̣ бадисзви; яасмаа бадисзви, д̇асмаа бан̃н̃абзссаамий’’д̇и вуд̇д̇ам̣ ход̇и. звам̣ д̇аава буб̣б̣з ад̇т̇ад̇о сид̣̇д̇хзна язнаад̇и иминаа важанзна бадинид̣̇д̣̇зсо яуж̇ж̇ад̇и. д̇зна самаязна б̣уд̣̇д̇хо бхаг̇аваа рааж̇аг̇ахз вихарад̇и, язна самаязна д̇ханияо гумбхагаарабуд̇д̇о ран̃н̃о д̣̇аарууни ад̣̇иннам̣ аад̣̇ияийд̇и звам̣ бажчаа ад̇т̇ад̇о сид̣̇д̇хзна язнаад̇и иминаа важанзна бадинид̣̇д̣̇зсо яуж̇ж̇ад̇ийд̇и вуд̇д̇о д̇знаад̇и важанасса ад̇т̇о. самаязнаад̇и зд̇т̇а бана самаяасад̣̇д̣̇о д̇аава –

    Tatridaṃ mukhamattanidassanaṃ – ‘‘tena hi, bhikkhave, bhikkhūnaṃ sikkhāpadaṃ paññapessāmi, yena sudinno methunaṃ dhammaṃ paṭisevi; yasmā paṭisevi, tasmā paññapessāmī’’ti vuttaṃ hoti. Evaṃ tāva pubbe atthato siddhena yenāti iminā vacanena paṭiniddeso yujjati. Tena samayena buddho bhagavā rājagahe viharati, yena samayena dhaniyo kumbhakāraputto rañño dārūni adinnaṃ ādiyīti evaṃ pacchā atthato siddhena yenāti iminā vacanena paṭiniddeso yujjatīti vutto tenāti vacanassa attho. Samayenāti ettha pana samayasaddo tāva –

    самавааяз кан̣з гаалз, самуухз хзд̇у-д̣̇идтису;

    Samavāye khaṇe kāle, samūhe hetu-diṭṭhisu;

    бадилаабхз бахаанз жа, бадивзд̇хз жа д̣̇иссад̇и.

    Paṭilābhe pahāne ca, paṭivedhe ca dissati.

    д̇ат̇аа хисса – ‘‘аббзва наама свзби убасан̇гамзяяаама гаалан̃жа самаяан̃жа убаад̣̇ааяаа’’д̇и (д̣̇ий. ни. 1.447) звамаад̣̇ийсу самавааяо ад̇т̇о. ‘‘згова ко, бхигкавз, кан̣о жа самаяо жа б̣рахмажарияаваасааяаа’’д̇и (а. ни. 8.29) звамаад̣̇ийсу кан̣о. ‘‘ун̣хасамаяо барил̣аахасамаяо’’д̇и (баажи. 358) звамаад̣̇ийсу гаало. ‘‘махаасамаяо баванасми’’нд̇и звамаад̣̇ийсу самуухо. ‘‘самаяоби ко д̇з, бхад̣̇д̣̇аали, аббадивид̣̇д̇хо ахоси – ‘бхаг̇аваа ко саавад̇т̇ияам̣ вихарад̇и, бхаг̇авааби мам̣ ж̇ааниссад̇и – бхад̣̇д̣̇аали наама бхигку сад̇т̇усаасанз сигкааяа абарибуурагаарий’д̇и аяамби ко д̇з, бхад̣̇д̣̇аали, самаяо аббадивид̣̇д̇хо ахосий’’д̇и (ма. ни. 2.135) звамаад̣̇ийсу хзд̇у. ‘‘д̇зна ко бана самаязна уг̇г̇ахамаано бариб̣б̣ааж̇аго саман̣амун̣д̣игаабуд̇д̇о самаяаббаваад̣̇агз д̇инд̣̇угаажийрз згасаалагз маллигааяа аараамз бадивасад̇ий’’д̇и (ма. ни. 2.260) звамаад̣̇ийсу д̣̇идти.

    Tathā hissa – ‘‘appeva nāma svepi upasaṅkameyyāma kālañca samayañca upādāyā’’ti (dī. ni. 1.447) evamādīsu samavāyo attho. ‘‘Ekova kho, bhikkhave, khaṇo ca samayo ca brahmacariyavāsāyā’’ti (a. ni. 8.29) evamādīsu khaṇo. ‘‘Uṇhasamayo pariḷāhasamayo’’ti (pāci. 358) evamādīsu kālo. ‘‘Mahāsamayo pavanasmi’’nti evamādīsu samūho. ‘‘Samayopi kho te, bhaddāli, appaṭividdho ahosi – ‘bhagavā kho sāvatthiyaṃ viharati, bhagavāpi maṃ jānissati – bhaddāli nāma bhikkhu satthusāsane sikkhāya aparipūrakārī’ti ayampi kho te, bhaddāli, samayo appaṭividdho ahosī’’ti (ma. ni. 2.135) evamādīsu hetu. ‘‘Tena kho pana samayena uggahamāno paribbājako samaṇamuṇḍikāputto samayappavādake tindukācīre ekasālake mallikāya ārāme paṭivasatī’’ti (ma. ni. 2.260) evamādīsu diṭṭhi.

    ‘‘д̣̇идтз д̇хаммз жа яо ад̇т̇о, яо жад̇т̇о самбарааяиго;

    ‘‘Diṭṭhe dhamme ca yo attho, yo cattho samparāyiko;

    ад̇т̇аабхисамаяаа д̇хийро, бан̣д̣ид̇од̇и бавужжад̇ий’’д̇и. (сам̣. ни. 1.129);

    Atthābhisamayā dhīro, paṇḍitoti pavuccatī’’ti. (saṃ. ni. 1.129);

    звамаад̣̇ийсу бадилаабхо. ‘‘саммаа маанаабхисамаяаа анд̇амагааси д̣̇угкассаа’’д̇и (ма. ни. 1.28) звамаад̣̇ийсу бахаанам̣. ‘‘д̣̇угкасса бийл̣анадто сан̇кад̇адто санд̇аабадто вибарин̣аамадто абхисамаяадто’’д̇и (бади. ма. 2.8) звамаад̣̇ийсу бадивзд̇хо ад̇т̇о. ид̇ха банасса гаало ад̇т̇о. д̇асмаа язна гаалзна ааяасмад̇о саарибуд̇д̇асса винаяабан̃н̃ад̇д̇ияаажанахзд̇убхууд̇о баривид̇агго уд̣̇абаад̣̇и, д̇зна гаалзнаад̇и звамзд̇т̇а ад̇т̇о д̣̇адтаб̣б̣о.

    Evamādīsu paṭilābho. ‘‘Sammā mānābhisamayā antamakāsi dukkhassā’’ti (ma. ni. 1.28) evamādīsu pahānaṃ. ‘‘Dukkhassa pīḷanaṭṭho saṅkhataṭṭho santāpaṭṭho vipariṇāmaṭṭho abhisamayaṭṭho’’ti (paṭi. ma. 2.8) evamādīsu paṭivedho attho. Idha panassa kālo attho. Tasmā yena kālena āyasmato sāriputtassa vinayapaññattiyācanahetubhūto parivitakko udapādi, tena kālenāti evamettha attho daṭṭhabbo.

    зд̇т̇ааха – ‘‘ат̇а гасмаа яат̇аа суд̇д̇анд̇з ‘згам̣ самаяа’нд̇и убаяог̇аважанзна нид̣̇д̣̇зсо гад̇о, абхид̇хаммз жа ‘яасмим̣ самаяз гаамааважара’нд̇и бхуммаважанзна, д̇ат̇аа агад̇ваа ид̇ха ‘д̇зна самаязнаа’д̇и гаран̣аважанзна нид̣̇д̣̇зсо гад̇о’’д̇и? д̇ад̇т̇а д̇ат̇аа, ид̇ха жа ан̃н̃ат̇аа ад̇т̇асамбхавад̇о. гат̇ам̣? суд̇д̇анд̇з д̇аава ажжанд̇асам̣яог̇ад̇т̇о самбхавад̇и. яан̃хи самаяам̣ бхаг̇аваа б̣рахмаж̇аалаад̣̇ийни суд̇д̇анд̇аани д̣̇зсзси, ажжанд̇амзва д̇ам̣ самаяам̣ гарун̣аавихаарзна вихааси; д̇асмаа д̇ад̣̇ад̇т̇аж̇од̇анад̇т̇ам̣ д̇ад̇т̇а убаяог̇анид̣̇д̣̇зсо гад̇о. абхид̇хаммз жа ад̇хигаран̣ад̇т̇о бхаавзнабхаавалагкан̣ад̇т̇о жа самбхавад̇и. ад̇хигаран̣ан̃хи гаалад̇т̇о самуухад̇т̇о жа самаяо, д̇ад̇т̇а вуд̇д̇аанам̣ пассаад̣̇ид̇хаммаанам̣ кан̣асамавааяахзд̇усан̇каад̇асса жа самаяасса бхаавзна д̇зсам̣ бхааво лагкияад̇и. д̇асмаа д̇ад̣̇ад̇т̇аж̇од̇анад̇т̇ам̣ д̇ад̇т̇а бхуммаважанзна нид̣̇д̣̇зсо гад̇о. ид̇ха бана хзд̇уад̇т̇о гаран̣ад̇т̇о жа самбхавад̇и. яо хи со сигкаабад̣̇абан̃н̃ад̇д̇исамаяо саарибуд̇д̇аад̣̇ийхиби д̣̇уб̣б̣ин̃н̃зяяо, д̇зна самаязна хзд̇убхууд̇зна гаран̣абхууд̇зна жа сигкаабад̣̇аани бан̃н̃аабаяанд̇о сигкаабад̣̇абан̃н̃ад̇д̇ихзд̇ун̃жа абзгкамаано бхаг̇аваа д̇ад̇т̇а д̇ад̇т̇а вихааси; д̇асмаа д̇ад̣̇ад̇т̇аж̇од̇анад̇т̇ам̣ ид̇ха гаран̣аважанзна нид̣̇д̣̇зсо гад̇од̇и взд̣̇ид̇аб̣б̣о. ход̇и жзд̇т̇а –

    Etthāha – ‘‘atha kasmā yathā suttante ‘ekaṃ samaya’nti upayogavacanena niddeso kato, abhidhamme ca ‘yasmiṃ samaye kāmāvacara’nti bhummavacanena, tathā akatvā idha ‘tena samayenā’ti karaṇavacanena niddeso kato’’ti? Tattha tathā, idha ca aññathā atthasambhavato. Kathaṃ? Suttante tāva accantasaṃyogattho sambhavati. Yañhi samayaṃ bhagavā brahmajālādīni suttantāni desesi, accantameva taṃ samayaṃ karuṇāvihārena vihāsi; tasmā tadatthajotanatthaṃ tattha upayoganiddeso kato. Abhidhamme ca adhikaraṇattho bhāvenabhāvalakkhaṇattho ca sambhavati. Adhikaraṇañhi kālattho samūhattho ca samayo, tattha vuttānaṃ phassādidhammānaṃ khaṇasamavāyahetusaṅkhātassa ca samayassa bhāvena tesaṃ bhāvo lakkhiyati. Tasmā tadatthajotanatthaṃ tattha bhummavacanena niddeso kato. Idha pana hetuattho karaṇattho ca sambhavati. Yo hi so sikkhāpadapaññattisamayo sāriputtādīhipi dubbiññeyyo, tena samayena hetubhūtena karaṇabhūtena ca sikkhāpadāni paññāpayanto sikkhāpadapaññattihetuñca apekkhamāno bhagavā tattha tattha vihāsi; tasmā tadatthajotanatthaṃ idha karaṇavacanena niddeso katoti veditabbo. Hoti cettha –

    ‘‘убаяог̇зна бхуммзна, д̇ам̣ д̇ам̣ ад̇т̇амабзгкияа;

    ‘‘Upayogena bhummena, taṃ taṃ atthamapekkhiya;

    ан̃н̃ад̇ра самаяо вуд̇д̇о, гаран̣знзва со ид̇хаа’’д̇и.

    Aññatra samayo vutto, karaṇeneva so idhā’’ti.

    бораан̣аа бана ван̣н̣аяанд̇и – ‘згам̣ самаяа’нд̇и ваа ‘яасмим̣ самаяз’д̇и ваа ‘д̇зна самаязнаа’д̇и ваа абхилаабамад̇д̇абхзд̣̇о зса, саб̣б̣ад̇т̇а бхуммамзва ад̇т̇о’’д̇и. д̇асмаа д̇зсам̣ лад̣̇д̇хияаа ‘‘д̇зна самаязнаа’’д̇и вуд̇д̇зби ‘‘д̇асмим̣ самаяз’’д̇и ад̇т̇о взд̣̇ид̇аб̣б̣о.

    Porāṇā pana vaṇṇayanti – ‘ekaṃ samaya’nti vā ‘yasmiṃ samaye’ti vā ‘tena samayenā’ti vā abhilāpamattabhedo esa, sabbattha bhummameva attho’’ti. Tasmā tesaṃ laddhiyā ‘‘tena samayenā’’ti vuttepi ‘‘tasmiṃ samaye’’ti attho veditabbo.

    б̣уд̣̇д̇хо бхаг̇аваад̇и имзсам̣ бад̣̇аанам̣ барад̇о ад̇т̇ам̣ ван̣н̣аяиссаама. взран̃ж̇ааяам̣ вихарад̇ийд̇и зд̇т̇а бана взран̃ж̇аад̇и ан̃н̃ад̇арасса наг̇арассзд̇ам̣ ад̇хиважанам̣, д̇ассам̣ взран̃ж̇ааяам̣; самийбад̇т̇з бхуммаважанам̣. вихарад̇ийд̇и ависзсзна ирияаабат̇ад̣̇иб̣б̣аб̣рахмаарияавихаарзсу ан̃н̃ад̇аравихаарасаман̇г̇ийбарид̣̇ийбанамзд̇ам̣, ид̇ха бана таанаг̇амананисаж̇ж̇аасаяанаббабхзд̣̇зсуаирияаабат̇зсу ан̃н̃ад̇араирияаабат̇асамааяог̇абарид̣̇ийбанам̣, д̇зна тид̇оби г̇ажчанд̇оби нисинноби саяааноби бхаг̇аваа вихарад̇ижжзва взд̣̇ид̇аб̣б̣о. со хи згам̣ ирияаабат̇аб̣аад̇ханам̣ ан̃н̃зна ирияаабат̇зна вижчинд̣̇ид̇ваа абарибад̇анд̇ам̣ ад̇д̇абхаавам̣ харад̇и бавад̇д̇зд̇и, д̇асмаа ‘‘вихарад̇ий’’д̇и вужжад̇и.

    Buddho bhagavāti imesaṃ padānaṃ parato atthaṃ vaṇṇayissāma. Verañjāyaṃ viharatīti ettha pana verañjāti aññatarassa nagarassetaṃ adhivacanaṃ, tassaṃ verañjāyaṃ; samīpatthe bhummavacanaṃ. Viharatīti avisesena iriyāpathadibbabrahmaariyavihāresu aññataravihārasamaṅgīparidīpanametaṃ, idha pana ṭhānagamananisajjāsayanappabhedesuairiyāpathesu aññatarairiyāpathasamāyogaparidīpanaṃ, tena ṭhitopi gacchantopi nisinnopi sayānopi bhagavā viharaticceva veditabbo. So hi ekaṃ iriyāpathabādhanaṃ aññena iriyāpathena vicchinditvā aparipatantaṃ attabhāvaṃ harati pavatteti, tasmā ‘‘viharatī’’ti vuccati.

    нал̣зрубужиманд̣̇амуулзд̇и зд̇т̇а нал̣зру наама яагко, бужиманд̣̇од̇и нимб̣аругко, мууланд̇и самийбам̣. аяан̃хи мууласад̣̇д̣̇о ‘‘муулаани уд̣̇д̇харзяяа анд̇амасо усийранаал̣имад̇д̇аанибий’’д̇и (а. ни. 4.195) -аад̣̇ийсу мууламуулз д̣̇иссад̇и. ‘‘лобхо агусаламуула’’нд̇и (д̣̇ий. ни. 3.305) -аад̣̇ийсу асаад̇хааран̣ахзд̇умхи. ‘‘яаава маж̇жханхигз гаалз чааяаа парад̇и, ниваад̇з бан̣н̣аани бад̇анд̇и, зд̇д̇аавад̇аа ругкамуула’’нд̇иаад̣̇ийсу самийбз. ид̇ха бана самийбз ад̇хиббзд̇о, д̇асмаа нал̣зруяагкзна ад̇хиг̇г̇ахид̇асса бужиманд̣̇асса самийбзд̇и звамзд̇т̇а ад̇т̇о д̣̇адтаб̣б̣о. со гира бужиманд̣̇о раман̣ийяо баасаад̣̇иго анзгзсам̣ ругкаанам̣ аад̇хибажжам̣ вияа гурумаано д̇асса наг̇арасса авид̣̇уурз г̇аманааг̇аманасамбаннз таанз ахоси. ат̇а бхаг̇аваа взран̃ж̇ам̣ г̇анд̇ваа бад̇ируубз таанз вихаранд̇о д̇асса ругкасса самийбз хздтаабхааг̇з вихааси. д̇зна вуд̇д̇ам̣ – ‘‘взран̃ж̇ааяам̣ вихарад̇и нал̣зрубужиманд̣̇амуулз’’д̇и.

    Naḷerupucimandamūleti ettha naḷeru nāma yakkho, pucimandoti nimbarukkho, mūlanti samīpaṃ. Ayañhi mūlasaddo ‘‘mūlāni uddhareyya antamaso usīranāḷimattānipī’’ti (a. ni. 4.195) -ādīsu mūlamūle dissati. ‘‘Lobho akusalamūla’’nti (dī. ni. 3.305) -ādīsu asādhāraṇahetumhi. ‘‘Yāva majjhanhike kāle chāyā pharati, nivāte paṇṇāni patanti, ettāvatā rukkhamūla’’ntiādīsu samīpe. Idha pana samīpe adhippeto, tasmā naḷeruyakkhena adhiggahitassa pucimandassa samīpeti evamettha attho daṭṭhabbo. So kira pucimando ramaṇīyo pāsādiko anekesaṃ rukkhānaṃ ādhipaccaṃ viya kurumāno tassa nagarassa avidūre gamanāgamanasampanne ṭhāne ahosi. Atha bhagavā verañjaṃ gantvā patirūpe ṭhāne viharanto tassa rukkhassa samīpe heṭṭhābhāge vihāsi. Tena vuttaṃ – ‘‘verañjāyaṃ viharati naḷerupucimandamūle’’ti.

    д̇ад̇т̇а сияаа яад̣̇и д̇аава бхаг̇аваа взран̃ж̇ааяам̣ вихарад̇и, ‘‘нал̣зрубужиманд̣̇амуулз’’д̇и на вад̇д̇аб̣б̣ам̣, ат̇а д̇ад̇т̇а вихарад̇и, ‘‘взран̃ж̇ааяа’’нд̇и на вад̇д̇аб̣б̣ам̣, на хи саггаа убхаяад̇т̇а д̇знзва самаязна абуб̣б̣ам̣ ажаримам̣ вихарид̇унд̇и? на ко банзд̇ам̣ звам̣ д̣̇адтаб̣б̣ам̣, нану авожумха ‘‘самийбад̇т̇з бхуммаважана’’нд̇и. д̇асмаа яат̇аа г̇ан̇г̇ааяамунаад̣̇ийнам̣ самийбз г̇ояуут̇аани жаранд̇аани ‘‘г̇ан̇г̇ааяа жаранд̇и, яамунааяа жаранд̇ий’’д̇и вужжанд̇и; звамид̇хааби яад̣̇ид̣̇ам̣ взран̃ж̇ааяа самийбз нал̣зрубужиманд̣̇амуулам̣ д̇ад̇т̇а вихаранд̇о вужжад̇и ‘‘взран̃ж̇ааяам̣ вихарад̇и нал̣зрубужиманд̣̇амуулз’’д̇и. г̇ожараг̇ааманид̣̇ассанад̇т̇ам̣ хисса взран̃ж̇ааважанам̣. баб̣б̣аж̇ид̇аануруубаниваасанадтаананид̣̇ассанад̇т̇ам̣ нал̣зрубужиманд̣̇амуулаважанам̣.

    Tattha siyā yadi tāva bhagavā verañjāyaṃ viharati, ‘‘naḷerupucimandamūle’’ti na vattabbaṃ, atha tattha viharati, ‘‘verañjāya’’nti na vattabbaṃ, na hi sakkā ubhayattha teneva samayena apubbaṃ acarimaṃ viharitunti? Na kho panetaṃ evaṃ daṭṭhabbaṃ, nanu avocumha ‘‘samīpatthe bhummavacana’’nti. Tasmā yathā gaṅgāyamunādīnaṃ samīpe goyūthāni carantāni ‘‘gaṅgāya caranti, yamunāya carantī’’ti vuccanti; evamidhāpi yadidaṃ verañjāya samīpe naḷerupucimandamūlaṃ tattha viharanto vuccati ‘‘verañjāyaṃ viharati naḷerupucimandamūle’’ti. Gocaragāmanidassanatthaṃ hissa verañjāvacanaṃ. Pabbajitānurūpanivāsanaṭṭhānanidassanatthaṃ naḷerupucimandamūlavacanaṃ.

    д̇ад̇т̇а взран̃ж̇аагид̇д̇анзна ааяасмаа убаалид̇т̇зро бхаг̇авад̇о г̇ахадтаануг̇г̇ахагаран̣ам̣ д̣̇ассзд̇и, нал̣зрубужиманд̣̇амуулагид̇д̇анзна баб̣б̣аж̇ид̇аануг̇г̇ахагаран̣ам̣, д̇ат̇аа буримзна бажжаяаг̇г̇ахан̣ад̇о ад̇д̇агиламат̇аануяог̇авиваж̇ж̇анам̣, бажчимзна вад̇т̇угаамаббахаанад̇о гаамасукаллигаануяог̇авиваж̇ж̇анубааяад̣̇ассанам̣; буримзна жа д̇хаммад̣̇зсанаабхияог̇ам̣, бажчимзна вивзгаад̇химуд̇д̇им̣; буримзна гарун̣ааяа убаг̇аманам̣ , бажчимзна бан̃н̃ааяа абаг̇аманам̣; буримзна сад̇д̇аанам̣ хид̇асуканибпаад̣̇анаад̇химуд̇д̇ад̇ам̣, бажчимзна барахид̇асукагаран̣з нирубалзбанам̣; буримзна д̇хаммигасукаабарижжааг̇анимид̇д̇ам̣ паасувихаарам̣, бажчимзна уд̇д̇аримануссад̇хаммаануяог̇анимид̇д̇ам̣; буримзна мануссаанам̣ убагаараб̣ахулад̇ам̣, бажчимзна д̣̇звад̇аанам̣; буримзна логз ж̇аад̇асса логз сам̣вад̣дхабхаавам̣, бажчимзна логзна анубалид̇д̇ад̇ам̣; буримзна ‘‘згабуг̇г̇ало, бхигкавз, логз уббаж̇ж̇амаано уббаж̇ж̇ад̇и б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаанам̣. гад̇амо згабуг̇г̇ало? д̇ат̇ааг̇ад̇о арахам̣ саммаасамб̣уд̣̇д̇хо’’д̇и (а. ни. 1.170) важанад̇о яад̣̇ад̇т̇ам̣ бхаг̇аваа уббанно д̇ад̣̇ад̇т̇абаринибпаад̣̇анам̣, бажчимзна яад̇т̇а уббанно д̇ад̣̇ануруубавихаарам̣. бхаг̇аваа хи батамам̣ лумб̣инийванз, д̣̇уд̇ияам̣ б̣од̇химан̣д̣зд̇и логияалогуд̇д̇арааяа уббад̇д̇ияаа ванзязва уббанно, д̇знасса ванзязва вихаарам̣ д̣̇ассзд̇ийд̇и звамаад̣̇инаа наязнзд̇т̇а ад̇т̇аяож̇анаа взд̣̇ид̇аб̣б̣аа.

    Tattha verañjākittanena āyasmā upālitthero bhagavato gahaṭṭhānuggahakaraṇaṃ dasseti, naḷerupucimandamūlakittanena pabbajitānuggahakaraṇaṃ, tathā purimena paccayaggahaṇato attakilamathānuyogavivajjanaṃ, pacchimena vatthukāmappahānato kāmasukhallikānuyogavivajjanupāyadassanaṃ; purimena ca dhammadesanābhiyogaṃ, pacchimena vivekādhimuttiṃ; purimena karuṇāya upagamanaṃ , pacchimena paññāya apagamanaṃ; purimena sattānaṃ hitasukhanipphādanādhimuttataṃ, pacchimena parahitasukhakaraṇe nirupalepanaṃ; purimena dhammikasukhāpariccāganimittaṃ phāsuvihāraṃ, pacchimena uttarimanussadhammānuyoganimittaṃ; purimena manussānaṃ upakārabahulataṃ, pacchimena devatānaṃ; purimena loke jātassa loke saṃvaḍḍhabhāvaṃ, pacchimena lokena anupalittataṃ; purimena ‘‘ekapuggalo, bhikkhave, loke uppajjamāno uppajjati bahujanahitāya bahujanasukhāya lokānukampāya atthāya hitāya sukhāya devamanussānaṃ. Katamo ekapuggalo? Tathāgato arahaṃ sammāsambuddho’’ti (a. ni. 1.170) vacanato yadatthaṃ bhagavā uppanno tadatthaparinipphādanaṃ, pacchimena yattha uppanno tadanurūpavihāraṃ. Bhagavā hi paṭhamaṃ lumbinīvane, dutiyaṃ bodhimaṇḍeti lokiyalokuttarāya uppattiyā vaneyeva uppanno, tenassa vaneyeva vihāraṃ dassetīti evamādinā nayenettha atthayojanā veditabbā.

    махад̇аа бхигкусан̇гхзна сад̣̇д̇хинд̇и зд̇т̇а махад̇аад̇и г̇ун̣амахад̇д̇знаби махад̇аа; сан̇кяаамахад̇д̇знаби, со хи бхигкусан̇гхо г̇ун̣зхиби махаа ахоси, яасмаа яо д̇ад̇т̇а бажчимаго со сод̇аабанно; сан̇кяааяаби махаа бан̃жасад̇асан̇кяад̇д̇аа. бхигкуунам̣ сан̇гхзна бхигкусан̇гхзна; д̣̇идтисийласааман̃н̃асан̇каад̇асан̇гхаад̇зна саман̣аг̇ан̣знаад̇и ад̇т̇о. сад̣̇д̇хинд̇и згад̇о. бан̃жамад̇д̇зхи бхигкусад̇зхийд̇и бан̃жа мад̇д̇аа зд̇зсанд̇и бан̃жамад̇д̇аани. мад̇д̇аад̇и бамаан̣ам̣ вужжад̇и. д̇асмаа яат̇аа ‘‘бхож̇анз мад̇д̇ан̃н̃уу’’д̇и вуд̇д̇з бхож̇анз мад̇д̇ам̣ ж̇аанаад̇и, бамаан̣ам̣ ж̇аанаад̇ийд̇и ад̇т̇о ход̇и; звамид̇хааби д̇зсам̣ бхигкусад̇аанам̣ бан̃жа мад̇д̇аа бан̃жаббамаан̣анд̇и звамад̇т̇о д̣̇адтаб̣б̣о. бхигкуунам̣ сад̇аани бхигкусад̇аани, д̇зхи бан̃жамад̇д̇зхи бхигкусад̇зхи. зд̇зна яам̣ вуд̇д̇ам̣ – ‘‘махад̇аа бхигкусан̇гхзна сад̣̇д̇хи’’нд̇и, зд̇т̇а д̇асса махад̇о бхигкусан̇гхасса сан̇кяаамахад̇д̇ам̣ д̣̇ассид̇ам̣ ход̇и. барад̇о банасса ‘‘нираб̣б̣уд̣̇о хи, саарибуд̇д̇а бхигкусан̇гхо нираад̣̇ийнаво абаг̇ад̇агаал̣аго суд̣̇д̇хо саарз бад̇идтид̇о. имзсан̃хи, саарибуд̇д̇а, бан̃жаннам̣ бхигкусад̇аанам̣ яо бажчимаго со сод̇аабанно’’д̇и важанзна г̇ун̣амахад̇д̇ам̣ аавибхависсад̇и.

    Mahatābhikkhusaṅghena saddhinti ettha mahatāti guṇamahattenapi mahatā; saṅkhyāmahattenapi, so hi bhikkhusaṅgho guṇehipi mahā ahosi, yasmā yo tattha pacchimako so sotāpanno; saṅkhyāyapi mahā pañcasatasaṅkhyattā. Bhikkhūnaṃ saṅghena bhikkhusaṅghena; diṭṭhisīlasāmaññasaṅkhātasaṅghātena samaṇagaṇenāti attho. Saddhinti ekato. Pañcamattehi bhikkhusatehīti pañca mattā etesanti pañcamattāni. Mattāti pamāṇaṃ vuccati. Tasmā yathā ‘‘bhojane mattaññū’’ti vutte bhojane mattaṃ jānāti, pamāṇaṃ jānātīti attho hoti; evamidhāpi tesaṃ bhikkhusatānaṃ pañca mattā pañcappamāṇanti evamattho daṭṭhabbo. Bhikkhūnaṃ satāni bhikkhusatāni, tehi pañcamattehi bhikkhusatehi. Etena yaṃ vuttaṃ – ‘‘mahatā bhikkhusaṅghena saddhi’’nti, ettha tassa mahato bhikkhusaṅghassa saṅkhyāmahattaṃ dassitaṃ hoti. Parato panassa ‘‘nirabbudo hi, sāriputta bhikkhusaṅgho nirādīnavo apagatakāḷako suddho sāre patiṭṭhito. Imesañhi, sāriputta, pañcannaṃ bhikkhusatānaṃ yo pacchimako so sotāpanno’’ti vacanena guṇamahattaṃ āvibhavissati.

    ассоси ко взран̃ж̇о б̣раахман̣од̇и ассосийд̇и сун̣и убалабхи, сод̇ад̣̇ваарасамбад̇д̇аважананиг̇гхосаанусаарзна ан̃н̃ааси. код̇и бад̣̇абууран̣амад̇д̇з авад̇хааран̣ад̇т̇з ваа нибаад̇о. д̇ад̇т̇а авад̇хааран̣ад̇т̇зна ассоси зва, наасса гожи савананд̇арааяо ахосийд̇и аяамад̇т̇о взд̣̇ид̇аб̣б̣о. бад̣̇абууран̣зна бана б̣яан̃ж̇анасилидтад̇аамад̇д̇амзва. взран̃ж̇ааяам̣ ж̇аад̇о, взран̃ж̇ааяам̣ бхаво, взран̃ж̇аа ваа асса ниваасод̇и взран̃ж̇о. маад̇аабид̇уухи гад̇анаамавасзна банааяам̣ ‘‘уд̣̇аяо’’д̇и вужжад̇и. б̣рахмам̣ ан̣ад̇ийд̇и б̣раахман̣о, манд̇з саж̇жхааяад̇ийд̇и ад̇т̇о. ид̣̇амзва хи ж̇аад̇иб̣раахман̣аанам̣ нируд̇д̇иважанам̣. арияаа бана б̣аахид̇абаабад̇д̇аа ‘‘б̣раахман̣аа’’д̇и вужжанд̇и.

    Assosi kho verañjo brāhmaṇoti assosīti suṇi upalabhi, sotadvārasampattavacananigghosānusārena aññāsi. Khoti padapūraṇamatte avadhāraṇatthe vā nipāto. Tattha avadhāraṇatthena assosi eva, nāssa koci savanantarāyo ahosīti ayamattho veditabbo. Padapūraṇena pana byañjanasiliṭṭhatāmattameva. Verañjāyaṃ jāto, verañjāyaṃ bhavo, verañjā vā assa nivāsoti verañjo. Mātāpitūhi katanāmavasena panāyaṃ ‘‘udayo’’ti vuccati. Brahmaṃ aṇatīti brāhmaṇo, mante sajjhāyatīti attho. Idameva hi jātibrāhmaṇānaṃ niruttivacanaṃ. Ariyā pana bāhitapāpattā ‘‘brāhmaṇā’’ti vuccanti.

    ид̣̇аани яамад̇т̇ам̣ взран̃ж̇о б̣раахман̣о ассоси, д̇ам̣ багаасзнд̇о саман̣о калу бхо г̇од̇амод̇иаад̣̇имааха. д̇ад̇т̇а самид̇абаабад̇д̇аа саман̣од̇и взд̣̇ид̇аб̣б̣о. вуд̇д̇ам̣ хзд̇ам̣ – ‘‘б̣аахид̇абаабод̇и б̣раахман̣о (д̇ха. ба. 388), самид̇абаабад̇д̇аа саман̣од̇и вужжад̇ий’’д̇и (д̇ха. ба. 265). бхаг̇аваа жа ануд̇д̇арзна арияамаг̇г̇зна самид̇абаабо, д̇знасса яат̇аабхужжаг̇ун̣аад̇хиг̇ад̇амзд̇ам̣ наамам̣ яад̣̇ид̣̇ам̣ саман̣од̇и. калууд̇и ануссаванад̇т̇з нибаад̇о. бход̇и б̣раахман̣аж̇аад̇игаанам̣ ж̇аад̇исамуд̣̇ааг̇ад̇ам̣ аалабанамад̇д̇ам̣. вуд̇д̇амби хзд̇ам̣ –

    Idāni yamatthaṃ verañjo brāhmaṇo assosi, taṃ pakāsento samaṇo khalu bho gotamotiādimāha. Tattha samitapāpattā samaṇoti veditabbo. Vuttaṃ hetaṃ – ‘‘bāhitapāpoti brāhmaṇo (dha. pa. 388), samitapāpattā samaṇoti vuccatī’’ti (dha. pa. 265). Bhagavā ca anuttarena ariyamaggena samitapāpo, tenassa yathābhuccaguṇādhigatametaṃ nāmaṃ yadidaṃ samaṇoti. Khalūti anussavanatthe nipāto. Bhoti brāhmaṇajātikānaṃ jātisamudāgataṃ ālapanamattaṃ. Vuttampi hetaṃ –

    ‘‘бховаад̣̇ий наамасо ход̇и, сажз ход̇и сагин̃жано’’д̇и. (д̇ха. ба. 396; су. ни. 625). г̇од̇амод̇и бхаг̇аванд̇ам̣ г̇од̇д̇авасзна баригид̇д̇зд̇и, д̇асмаа ‘‘саман̣о калу бхо г̇од̇амо’’д̇и зд̇т̇а саман̣о гира бхо г̇од̇амаг̇од̇д̇од̇и звамад̇т̇о д̣̇адтаб̣б̣о. сагяабуд̇д̇од̇и ид̣̇ам̣ бана бхаг̇авад̇о ужжаагулабарид̣̇ийбанам̣. сагяагулаа баб̣б̣аж̇ид̇од̇и сад̣̇д̇хаабаб̣б̣аж̇ид̇абхаавабарид̣̇ийбанам̣, гзнажи баариж̇ун̃н̃зна анабхибхууд̇о абаригкийн̣ам̣язва, д̇ам̣ гулам̣ бахааяа сад̣̇д̇хааяа баб̣б̣аж̇ид̇од̇и вуд̇д̇ам̣ ход̇и. д̇ад̇о барам̣ вуд̇д̇ад̇т̇амзва. д̇ам̣ ко банаад̇и ид̇т̇амбхууд̇аакяаанад̇т̇з убаяог̇аважанам̣, д̇асса ко бана бход̇о г̇од̇амассаад̇и ад̇т̇о. галяаан̣од̇и галяаан̣аг̇ун̣асаманнааг̇ад̇о; сздтод̇и вуд̇д̇ам̣ ход̇и. гид̇д̇исад̣̇д̣̇од̇и гид̇д̇и зва, т̇уд̇игхосо ваа.

    ‘‘Bhovādī nāmaso hoti, sace hoti sakiñcano’’ti. (Dha. pa. 396; su. ni. 625). Gotamoti bhagavantaṃ gottavasena parikitteti, tasmā ‘‘samaṇo khalu bho gotamo’’ti ettha samaṇo kira bho gotamagottoti evamattho daṭṭhabbo. Sakyaputtoti idaṃ pana bhagavato uccākulaparidīpanaṃ. Sakyakulā pabbajitoti saddhāpabbajitabhāvaparidīpanaṃ, kenaci pārijuññena anabhibhūto aparikkhīṇaṃyeva, taṃ kulaṃ pahāya saddhāya pabbajitoti vuttaṃ hoti. Tato paraṃ vuttatthameva. Taṃ kho panāti itthambhūtākhyānatthe upayogavacanaṃ, tassa kho pana bhoto gotamassāti attho. Kalyāṇoti kalyāṇaguṇasamannāgato; seṭṭhoti vuttaṃ hoti. Kittisaddoti kitti eva, thutighoso vā.

    ид̇иби со бхаг̇аваад̇иаад̣̇ийсу бана аяам̣ д̇аава яож̇анаа – со бхаг̇аваа ид̇иби арахам̣, ид̇иби саммаасамб̣уд̣̇д̇хо…бз… ид̇иби бхаг̇аваад̇и иминаа жа иминаа жа гааран̣знаад̇и вуд̇д̇ам̣ ход̇и.

    Itipi so bhagavātiādīsu pana ayaṃ tāva yojanā – so bhagavā itipi arahaṃ, itipi sammāsambuddho…pe… itipi bhagavāti iminā ca iminā ca kāraṇenāti vuttaṃ hoti.

    ид̣̇аани винаяад̇хараанам̣ суд̇д̇анд̇анаяагосаллад̇т̇ам̣ винаяасам̣ван̣н̣анаарамбхз б̣уд̣̇д̇хаг̇ун̣абадисам̣яуд̇д̇ааяа д̇хаммияаа гат̇ааяа жид̇д̇асамбахам̣санад̇т̇ан̃жа зд̇зсам̣ бад̣̇аанам̣ вид̇т̇ааранаязна ван̣н̣анам̣ гариссаами. д̇асмаа яам̣ вуд̇д̇ам̣ – ‘‘со бхаг̇аваа ид̇иби араха’’нд̇иаад̣̇и; д̇ад̇т̇а аарагад̇д̇аа, арийнам̣ араанан̃жа хад̇ад̇д̇аа, бажжаяаад̣̇ийнам̣ арахад̇д̇аа, баабагаран̣з рахаабхааваад̇и имзхи д̇аава гааран̣зхи со бхаг̇аваа араханд̇и взд̣̇ид̇аб̣б̣о. аарагаа хи со саб̣б̣агилзсзхи сувид̣̇ууравид̣̇уурз тид̇о, маг̇г̇зна саваасанаанам̣ гилзсаанам̣ вид̣̇д̇хам̣сид̇ад̇д̇аад̇и аарагад̇д̇аа арахам̣; д̇з жаанзна гилзсаараяо маг̇г̇зна хад̇аад̇и арийнам̣ хад̇ад̇д̇ааби арахам̣. яан̃жзд̇ам̣ авиж̇ж̇аабхавад̇ан̣хаамаяанаабхибун̃н̃аад̣̇иабхисан̇каараарам̣ ж̇араамаран̣анзми аасавасамуд̣̇аяамаязна агкзна виж̇жхид̇ваа д̇ибхаварат̇з самааяож̇ид̇ам̣ анаад̣̇игаалаббавад̇д̇ам̣ сам̣сааражаггам̣, д̇ассаанзна б̣од̇химан̣д̣з вийрияабаад̣̇зхи сийлабат̇авияам̣ бад̇идтааяа сад̣̇д̇хаахад̇т̇зна гаммагкаяагарам̣ н̃аан̣апарасум̣ г̇ахзд̇ваа саб̣б̣з араа хад̇аад̇и араанам̣ хад̇ад̇д̇ааби арахам̣.

    Idāni vinayadharānaṃ suttantanayakosallatthaṃ vinayasaṃvaṇṇanārambhe buddhaguṇapaṭisaṃyuttāya dhammiyā kathāya cittasampahaṃsanatthañca etesaṃ padānaṃ vitthāranayena vaṇṇanaṃ karissāmi. Tasmā yaṃ vuttaṃ – ‘‘so bhagavā itipi araha’’ntiādi; tattha ārakattā, arīnaṃ arānañca hatattā, paccayādīnaṃ arahattā, pāpakaraṇe rahābhāvāti imehi tāva kāraṇehi so bhagavā arahanti veditabbo. Ārakā hi so sabbakilesehi suvidūravidūre ṭhito, maggena savāsanānaṃ kilesānaṃ viddhaṃsitattāti ārakattā arahaṃ; te cānena kilesārayo maggena hatāti arīnaṃ hatattāpi arahaṃ. Yañcetaṃ avijjābhavataṇhāmayanābhipuññādiabhisaṅkhārāraṃ jarāmaraṇanemi āsavasamudayamayena akkhena vijjhitvā tibhavarathe samāyojitaṃ anādikālappavattaṃ saṃsāracakkaṃ, tassānena bodhimaṇḍe vīriyapādehi sīlapathaviyaṃ patiṭṭhāya saddhāhatthena kammakkhayakaraṃ ñāṇapharasuṃ gahetvā sabbe arā hatāti arānaṃ hatattāpi arahaṃ.

    ат̇а ваа сам̣сааражагганд̇и анамад̇аг̇г̇асам̣саараваддам̣ вужжад̇и, д̇асса жа авиж̇ж̇аа наабхи, муулад̇д̇аа; ж̇араамаран̣ам̣ нзми, барияосаанад̇д̇аа; сзсаа д̣̇аса д̇хаммаа араа, авиж̇ж̇аамуулагад̇д̇аа ж̇араамаран̣абарияанд̇ад̇д̇аа жа. д̇ад̇т̇а д̣̇угкаад̣̇ийсу ан̃н̃аан̣ам̣ авиж̇ж̇аа, гаамабхавз жа авиж̇ж̇аа гаамабхавз сан̇каараанам̣ бажжаяо ход̇и. руубабхавз авиж̇ж̇аа руубабхавз сан̇каараанам̣ бажжаяо ход̇и. аруубабхавз авиж̇ж̇аа аруубабхавз сан̇каараанам̣ бажжаяо ход̇и. гаамабхавз сан̇каараа гаамабхавз бадисанд̇хивин̃н̃аан̣асса бажжаяаа хонд̇и. зса наяо ид̇арзсу. гаамабхавз бадисанд̇хивин̃н̃аан̣ам̣ гаамабхавз наамаруубасса бажжаяо ход̇и, д̇ат̇аа руубабхавз. аруубабхавз наамассзва бажжаяо ход̇и. гаамабхавз наамаруубам̣ гаамабхавз сал̣ааяад̇анасса бажжаяо ход̇и. руубабхавз наамаруубам̣ руубабхавз д̇ин̣н̣ам̣ ааяад̇анаанам̣ бажжаяо ход̇и. аруубабхавз наамам̣ аруубабхавз згассааяад̇анасса бажжаяо ход̇и. гаамабхавз сал̣ааяад̇анам̣ гаамабхавз чаб̣б̣ид̇хасса пассасса бажжаяо ход̇и. руубабхавз д̇ийн̣и ааяад̇анаани руубабхавз д̇ин̣н̣ам̣ пассаанам̣; аруубабхавз згамааяад̇анам̣ аруубабхавз згасса пассасса бажжаяо ход̇и. гаамабхавз ча пассаа гаамабхавз чаннам̣ взд̣̇анаанам̣ бажжаяаа хонд̇и. руубабхавз д̇аяо д̇ад̇т̇зва д̇иссаннам̣; аруубабхавз зго д̇ад̇т̇зва згиссаа взд̣̇анааяа бажжаяо ход̇и. гаамабхавз ча взд̣̇анаа гаамабхавз чаннам̣ д̇ан̣хаагааяаанам̣ бажжаяаа хонд̇и. руубабхавз д̇иссо д̇ад̇т̇зва д̇ин̣н̣ам̣; аруубабхавз згаа взд̣̇анаа аруубабхавз згасса д̇ан̣хаагааяасса бажжаяо ход̇и. д̇ад̇т̇а д̇ад̇т̇а саа саа д̇ан̣хаа д̇асса д̇асса убаад̣̇аанасса бажжаяо; убаад̣̇аанаад̣̇аяо бхаваад̣̇ийнам̣.

    Atha vā saṃsāracakkanti anamataggasaṃsāravaṭṭaṃ vuccati, tassa ca avijjā nābhi, mūlattā; jarāmaraṇaṃ nemi, pariyosānattā; sesā dasa dhammā arā, avijjāmūlakattā jarāmaraṇapariyantattā ca. Tattha dukkhādīsu aññāṇaṃ avijjā, kāmabhave ca avijjā kāmabhave saṅkhārānaṃ paccayo hoti. Rūpabhave avijjā rūpabhave saṅkhārānaṃ paccayo hoti. Arūpabhave avijjā arūpabhave saṅkhārānaṃ paccayo hoti. Kāmabhave saṅkhārā kāmabhave paṭisandhiviññāṇassa paccayā honti. Esa nayo itaresu. Kāmabhave paṭisandhiviññāṇaṃ kāmabhave nāmarūpassa paccayo hoti, tathā rūpabhave. Arūpabhave nāmasseva paccayo hoti. Kāmabhave nāmarūpaṃ kāmabhave saḷāyatanassa paccayo hoti. Rūpabhave nāmarūpaṃ rūpabhave tiṇṇaṃ āyatanānaṃ paccayo hoti. Arūpabhave nāmaṃ arūpabhave ekassāyatanassa paccayo hoti. Kāmabhave saḷāyatanaṃ kāmabhave chabbidhassa phassassa paccayo hoti. Rūpabhave tīṇi āyatanāni rūpabhave tiṇṇaṃ phassānaṃ; arūpabhave ekamāyatanaṃ arūpabhave ekassa phassassa paccayo hoti. Kāmabhave cha phassā kāmabhave channaṃ vedanānaṃ paccayā honti. Rūpabhave tayo tattheva tissannaṃ; arūpabhave eko tattheva ekissā vedanāya paccayo hoti. Kāmabhave cha vedanā kāmabhave channaṃ taṇhākāyānaṃ paccayā honti. Rūpabhave tisso tattheva tiṇṇaṃ; arūpabhave ekā vedanā arūpabhave ekassa taṇhākāyassa paccayo hoti. Tattha tattha sā sā taṇhā tassa tassa upādānassa paccayo; upādānādayo bhavādīnaṃ.

    гат̇ам̣? ид̇хзгажжо ‘‘гаамз барибхун̃ж̇иссаамий’’д̇и гаамубаад̣̇аанабажжаяаа гааязна д̣̇ужжарид̇ам̣ жарад̇и, ваажааяа манасаа д̣̇ужжарид̇ам̣ жарад̇и; д̣̇ужжарид̇абаарибуурияаа абааяз убабаж̇ж̇ад̇и. д̇ад̇т̇асса убабад̇д̇ихзд̇убхууд̇ам̣ гаммам̣ гаммабхаво, гамманиб̣б̣ад̇д̇аа канд̇хаа убабад̇д̇ибхаво, канд̇хаанам̣ ниб̣б̣ад̇д̇и ж̇аад̇и, барибааго ж̇араа, бхзд̣̇о маран̣ам̣.

    Kathaṃ? Idhekacco ‘‘kāme paribhuñjissāmī’’ti kāmupādānapaccayā kāyena duccaritaṃ carati, vācāya manasā duccaritaṃ carati; duccaritapāripūriyā apāye upapajjati. Tatthassa upapattihetubhūtaṃ kammaṃ kammabhavo, kammanibbattā khandhā upapattibhavo, khandhānaṃ nibbatti jāti, paripāko jarā, bhedo maraṇaṃ.

    абаро ‘‘саг̇г̇асамбад̇д̇им̣ анубхависсаамий’’д̇и д̇ат̇зва сужарид̇ам̣ жарад̇и; сужарид̇абаарибуурияаа саг̇г̇з убабаж̇ж̇ад̇и. д̇ад̇т̇асса убабад̇д̇ихзд̇убхууд̇ам̣ гаммам̣ гаммабхавод̇и со зва наяо.

    Aparo ‘‘saggasampattiṃ anubhavissāmī’’ti tatheva sucaritaṃ carati; sucaritapāripūriyā sagge upapajjati. Tatthassa upapattihetubhūtaṃ kammaṃ kammabhavoti so eva nayo.

    абаро бана ‘‘б̣рахмалогасамбад̇д̇им̣ анубхависсаамий’’д̇и гаамубаад̣̇аанабажжаяаа зва мзд̇д̇ам̣ бхаавзд̇и, гарун̣ам̣… муд̣̇ид̇ам̣… убзгкам̣ бхаавзд̇и, бхааванаабаарибуурияаа б̣рахмалогз ниб̣б̣ад̇д̇ад̇и. д̇ад̇т̇асса ниб̣б̣ад̇д̇ихзд̇убхууд̇ам̣ гаммам̣ гаммабхавод̇и соязва наяо.

    Aparo pana ‘‘brahmalokasampattiṃ anubhavissāmī’’ti kāmupādānapaccayā eva mettaṃ bhāveti, karuṇaṃ… muditaṃ… upekkhaṃ bhāveti, bhāvanāpāripūriyā brahmaloke nibbattati. Tatthassa nibbattihetubhūtaṃ kammaṃ kammabhavoti soyeva nayo.

    абаро ‘‘аруубавабхасамбад̇д̇им̣ анубхависсаамий’’д̇и д̇ат̇зва аагаасаанан̃жааяад̇анаад̣̇исамаабад̇д̇ияо бхаавзд̇и, бхааванаабаарибуурияаа д̇ад̇т̇а ниб̣б̣ад̇д̇ад̇и. д̇ад̇т̇асса ниб̣б̣ад̇д̇ихзд̇убхууд̇ам̣ гаммам̣ гаммабхаво, гамманиб̣б̣ад̇д̇аа канд̇хаа убабад̇д̇ибхаво, канд̇хаанам̣ ниб̣б̣ад̇д̇и ж̇аад̇и, барибааго ж̇араа, бхзд̣̇о маран̣анд̇и. зса наяо сзсубаад̣̇аанамуулигаасуби яож̇анаасу.

    Aparo ‘‘arūpavabhasampattiṃ anubhavissāmī’’ti tatheva ākāsānañcāyatanādisamāpattiyo bhāveti, bhāvanāpāripūriyā tattha nibbattati. Tatthassa nibbattihetubhūtaṃ kammaṃ kammabhavo, kammanibbattā khandhā upapattibhavo, khandhānaṃ nibbatti jāti, paripāko jarā, bhedo maraṇanti. Esa nayo sesupādānamūlikāsupi yojanāsu.

    звам̣ ‘‘аяам̣ авиж̇ж̇аа хзд̇у, сан̇каараа хзд̇усамуббаннаа, убхобзд̇з хзд̇усамуббаннаад̇и бажжаяабариг̇г̇ахз бан̃н̃аа д̇хаммадтид̇ин̃аан̣ам̣; ад̇ийд̇амби ад̣̇д̇хаанам̣, анааг̇ад̇амби ад̣̇д̇хаанам̣; авиж̇ж̇аа хзд̇у, сан̇каараа хзд̇усамуббаннаа, убхобзд̇з хзд̇усамуббаннаад̇и бажжаяабариг̇г̇ахз бан̃н̃аа д̇хаммадтид̇ин̃аан̣а’’нд̇и зд̇зна наязна саб̣б̣абад̣̇аани вид̇т̇аарзд̇аб̣б̣аани. д̇ад̇т̇а авиж̇ж̇аа сан̇каараа зго сан̇кзбо, вин̃н̃аан̣а-наамарууба-сал̣ааяад̇ана-пасса-взд̣̇анаа зго, д̇ан̣хубаад̣̇аанабхаваа зго, ж̇аад̇и-ж̇араа-маран̣ам̣ зго. буримасан̇кзбо жзд̇т̇а ад̇ийд̇о ад̣̇д̇хаа, д̣̇вз маж̇жхимаа бажжуббанно, ж̇аад̇иж̇араамаран̣ам̣ анааг̇ад̇о. авиж̇ж̇аасан̇каараг̇г̇ахан̣зна жзд̇т̇а д̇ан̣хубаад̣̇аанабхаваа г̇ахид̇аава хонд̇ийд̇и имз бан̃жа д̇хаммаа ад̇ийд̇з гаммаваддам̣; вин̃н̃аан̣аад̣̇аяо бан̃жа д̇хаммаа зд̇арахи вибаагаваддам̣. д̇ан̣хубаад̣̇аанабхаваг̇г̇ахан̣зна авиж̇ж̇аасан̇каараа г̇ахид̇аава хонд̇ийд̇и имз бан̃жа д̇хаммаа зд̇арахи гаммаваддам̣; ж̇аад̇иж̇араамаран̣аабад̣̇зсзна вин̃н̃аан̣аад̣̇ийнам̣ нид̣̇д̣̇идтад̇д̇аа имз бан̃жа д̇хаммаа ааяад̇им̣ вибаагаваддам̣. д̇з аагаарад̇о вийсад̇ивид̇хаа хонд̇и. сан̇кааравин̃н̃аан̣аанан̃жзд̇т̇а анд̇араа зго санд̇хи, взд̣̇анаад̇ан̣хаанаманд̇араа зго, бхаваж̇аад̇ийнаманд̇араа зго. ид̇и бхаг̇аваа звам̣ жад̇усан̇кзбам̣, д̇ияад̣̇д̇хам̣, вийсад̇аагаарам̣, д̇исанд̇хим̣ бадижжасамуббаад̣̇ам̣ саб̣б̣аагаарад̇о ж̇аанаад̇и бассад̇и ан̃н̃аад̇и бадивиж̇жхад̇и. д̇ам̣ н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘бажжаяабариг̇г̇ахз бан̃н̃аа д̇хаммадтид̇ин̃аан̣а’’нд̇и. иминаа д̇хаммадтид̇ин̃аан̣зна бхаг̇аваа д̇з д̇хаммз яат̇аабхууд̇ам̣ н̃ад̇ваа д̇зсу ниб̣б̣инд̣̇анд̇о вираж̇ж̇анд̇о вимужжанд̇о вуд̇д̇аббагаарасса имасса сам̣сааражаггасса арз хани вихани вид̣̇д̇хам̣сзси. звамби араанам̣ хад̇ад̇д̇аа арахам̣.

    Evaṃ ‘‘ayaṃ avijjā hetu, saṅkhārā hetusamuppannā, ubhopete hetusamuppannāti paccayapariggahe paññā dhammaṭṭhitiñāṇaṃ; atītampi addhānaṃ, anāgatampi addhānaṃ; avijjā hetu, saṅkhārā hetusamuppannā, ubhopete hetusamuppannāti paccayapariggahe paññā dhammaṭṭhitiñāṇa’’nti etena nayena sabbapadāni vitthāretabbāni. Tattha avijjā saṅkhārā eko saṅkhepo, viññāṇa-nāmarūpa-saḷāyatana-phassa-vedanā eko, taṇhupādānabhavā eko, jāti-jarā-maraṇaṃ eko. Purimasaṅkhepo cettha atīto addhā, dve majjhimā paccuppanno, jātijarāmaraṇaṃ anāgato. Avijjāsaṅkhāraggahaṇena cettha taṇhupādānabhavā gahitāva hontīti ime pañca dhammā atīte kammavaṭṭaṃ; viññāṇādayo pañca dhammā etarahi vipākavaṭṭaṃ. Taṇhupādānabhavaggahaṇena avijjāsaṅkhārā gahitāva hontīti ime pañca dhammā etarahi kammavaṭṭaṃ; jātijarāmaraṇāpadesena viññāṇādīnaṃ niddiṭṭhattā ime pañca dhammā āyatiṃ vipākavaṭṭaṃ. Te ākārato vīsatividhā honti. Saṅkhāraviññāṇānañcettha antarā eko sandhi, vedanātaṇhānamantarā eko, bhavajātīnamantarā eko. Iti bhagavā evaṃ catusaṅkhepaṃ, tiyaddhaṃ, vīsatākāraṃ, tisandhiṃ paṭiccasamuppādaṃ sabbākārato jānāti passati aññāti paṭivijjhati. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘paccayapariggahe paññā dhammaṭṭhitiñāṇa’’nti. Iminā dhammaṭṭhitiñāṇena bhagavā te dhamme yathābhūtaṃ ñatvā tesu nibbindanto virajjanto vimuccanto vuttappakārassa imassa saṃsāracakkassa are hani vihani viddhaṃsesi. Evampi arānaṃ hatattā arahaṃ.

    аг̇г̇ад̣̇агкин̣зяяад̇д̇аа жа жийвараад̣̇ибажжаяз арахад̇и бууж̇аависзсан̃жа; д̇знзва жа уббаннз д̇ат̇ааг̇ад̇з яз гзжи махзсагкаа д̣̇звамануссаа на д̇з ан̃н̃ад̇т̇а бууж̇ам̣ гаронд̇и. д̇ат̇аа хи б̣рахмаа сахамбад̇и синзрумад̇д̇зна рад̇анад̣̇аамзна д̇ат̇ааг̇ад̇ам̣ бууж̇зси, яат̇ааб̣алан̃жа ан̃н̃зби д̣̇зваа мануссаа жа б̣имб̣исаарагосаларааж̇аад̣̇аяо. бариниб̣б̣уд̇амби жа бхаг̇аванд̇ам̣ уд̣̇д̣̇исса чаннавуд̇игодид̇ханам̣ висаж̇ж̇зд̇ваа асогамахаарааж̇аа сагалаж̇амб̣уд̣̇ийбз жад̇ураасийд̇ивихаарасахассаани бад̇идтаабзси. го бана ваад̣̇о ан̃н̃зсам̣ бууж̇аависзсаананд̇и! звам̣ бажжаяаад̣̇ийнам̣ арахад̇д̇ааби арахам̣. яат̇аа жа логз гзжи бан̣д̣ид̇амаанино б̣аалаа асилогабхаязна рахо баабам̣ гаронд̇и; звамзса на гад̣̇аажи гарод̇ийд̇и баабагаран̣з рахаабхаавад̇оби арахам̣. ход̇и жзд̇т̇а –

    Aggadakkhiṇeyyattā ca cīvarādipaccaye arahati pūjāvisesañca; teneva ca uppanne tathāgate ye keci mahesakkhā devamanussā na te aññattha pūjaṃ karonti. Tathā hi brahmā sahampati sinerumattena ratanadāmena tathāgataṃ pūjesi, yathābalañca aññepi devā manussā ca bimbisārakosalarājādayo. Parinibbutampi ca bhagavantaṃ uddissa channavutikoṭidhanaṃ visajjetvā asokamahārājā sakalajambudīpe caturāsītivihārasahassāni patiṭṭhāpesi. Ko pana vādo aññesaṃ pūjāvisesānanti! Evaṃ paccayādīnaṃ arahattāpi arahaṃ. Yathā ca loke keci paṇḍitamānino bālā asilokabhayena raho pāpaṃ karonti; evamesa na kadāci karotīti pāpakaraṇe rahābhāvatopi arahaṃ. Hoti cettha –

    ‘‘аарагад̇д̇аа хад̇ад̇д̇аа жа, гилзсаарийна со муни;

    ‘‘Ārakattā hatattā ca, kilesārīna so muni;

    хад̇асам̣сааражаггааро, бажжаяаад̣̇ийна жаарахо;

    Hatasaṃsāracakkāro, paccayādīna cāraho;

    на рахо гарод̇и баабаани, арахам̣ д̇зна вужжад̇ий’’д̇и.

    Na raho karoti pāpāni, arahaṃ tena vuccatī’’ti.

    саммаа сааман̃жа саб̣б̣ад̇хаммаанам̣ б̣уд̣̇д̇хад̇д̇аа бана саммаасамб̣уд̣̇д̇хо. д̇ат̇аа хзса саб̣б̣ад̇хаммз саммаа сааман̃жа б̣уд̣̇д̇хо, абхин̃н̃зяяз д̇хаммз абхин̃н̃зяяад̇о б̣уд̣̇д̇хо, барин̃н̃зяяз д̇хаммз барин̃н̃зяяад̇о, бахаад̇аб̣б̣з д̇хаммз бахаад̇аб̣б̣ад̇о, сажчигаад̇аб̣б̣з д̇хаммз сажчигаад̇аб̣б̣ад̇о, бхаавзд̇аб̣б̣з д̇хаммз бхаавзд̇аб̣б̣ад̇о. д̇знзва жааха –

    Sammā sāmañca sabbadhammānaṃ buddhattā pana sammāsambuddho. Tathā hesa sabbadhamme sammā sāmañca buddho, abhiññeyye dhamme abhiññeyyato buddho, pariññeyye dhamme pariññeyyato, pahātabbe dhamme pahātabbato, sacchikātabbe dhamme sacchikātabbato, bhāvetabbe dhamme bhāvetabbato. Teneva cāha –

    ‘‘абхин̃н̃зяяам̣ абхин̃н̃аад̇ам̣, бхаавзд̇аб̣б̣ан̃жа бхаавид̇ам̣;

    ‘‘Abhiññeyyaṃ abhiññātaṃ, bhāvetabbañca bhāvitaṃ;

    бахаад̇аб̣б̣ам̣ бахийнам̣ мз, д̇асмаа б̣уд̣̇д̇хосми б̣раахман̣аа’’д̇и. (ма. ни. 2.399; су. ни. 563);

    Pahātabbaṃ pahīnaṃ me, tasmā buddhosmi brāhmaṇā’’ti. (ma. ni. 2.399; su. ni. 563);

    абижа жагку д̣̇угкасажжам̣, д̇асса муулагааран̣абхаавзна д̇ам̣самудтаабигаа буримад̇ан̣хаа самуд̣̇аяасажжам̣, убхиннамаббавад̇д̇и нирод̇хасажжам̣, нирод̇хаббаж̇аананаа бадибад̣̇аа маг̇г̇асажжанд̇и звам̣ згзгабад̣̇уд̣̇д̇хаарзнааби саб̣б̣ад̇хаммз саммаа сааман̃жа б̣уд̣̇д̇хо. зса наяо сод̇а-гхаана-ж̇ивхаа-гааяаманзсуби. зд̇знзва наязна руубаад̣̇ийни ча ааяад̇анаани, жагкувин̃н̃аан̣аад̣̇аяо ча вин̃н̃аан̣агааяаа, жагкусампассаад̣̇аяо ча пассаа, жагкусампассаж̇аад̣̇аяо ча взд̣̇анаа, руубасан̃н̃аад̣̇аяо ча сан̃н̃аа, руубасан̃жзд̇анаад̣̇аяо ча жзд̇анаа, руубад̇ан̣хаад̣̇аяо ча д̇ан̣хаагааяаа, руубавид̇аггаад̣̇аяо ча вид̇аггаа, руубавижаараад̣̇аяо ча вижаараа , руубагканд̇хаад̣̇аяо бан̃жагканд̇хаа, д̣̇аса гасин̣аани, д̣̇аса ануссад̇ияо, уд̣̇д̇хумаад̇агасан̃н̃аад̣̇ивасзна д̣̇аса сан̃н̃аа, гзсаад̣̇аяо д̣̇вад̇д̇им̣саагаараа, д̣̇ваад̣̇асааяад̇анаани, адтаараса д̇хаад̇уяо, гаамабхаваад̣̇аяо нава бхаваа, батамаад̣̇ийни жад̇д̇аари жхаанаани, мзд̇д̇аабхааванаад̣̇аяо жад̇ассо аббаман̃н̃аа, жад̇ассо аруубасамаабад̇д̇ияо, бадиломад̇о ж̇араамаран̣аад̣̇ийни, ануломад̇о авиж̇ж̇аад̣̇ийни бадижжасамуббаад̣̇ан̇г̇аани жа яож̇зд̇аб̣б̣аани.

    Apica cakkhu dukkhasaccaṃ, tassa mūlakāraṇabhāvena taṃsamuṭṭhāpikā purimataṇhā samudayasaccaṃ, ubhinnamappavatti nirodhasaccaṃ, nirodhappajānanā paṭipadā maggasaccanti evaṃ ekekapaduddhārenāpi sabbadhamme sammā sāmañca buddho. Esa nayo sota-ghāna-jivhā-kāyamanesupi. Eteneva nayena rūpādīni cha āyatanāni, cakkhuviññāṇādayo cha viññāṇakāyā, cakkhusamphassādayo cha phassā, cakkhusamphassajādayo cha vedanā, rūpasaññādayo cha saññā, rūpasañcetanādayo cha cetanā, rūpataṇhādayo cha taṇhākāyā, rūpavitakkādayo cha vitakkā, rūpavicārādayo cha vicārā , rūpakkhandhādayo pañcakkhandhā, dasa kasiṇāni, dasa anussatiyo, uddhumātakasaññādivasena dasa saññā, kesādayo dvattiṃsākārā, dvādasāyatanāni, aṭṭhārasa dhātuyo, kāmabhavādayo nava bhavā, paṭhamādīni cattāri jhānāni, mettābhāvanādayo catasso appamaññā, catasso arūpasamāpattiyo, paṭilomato jarāmaraṇādīni, anulomato avijjādīni paṭiccasamuppādaṅgāni ca yojetabbāni.

    д̇ад̇рааяам̣ згабад̣̇аяож̇анаа – ‘‘ж̇араамаран̣ам̣ д̣̇угкасажжам̣, ж̇аад̇и самуд̣̇аяасажжам̣, убхиннамби ниссаран̣ам̣ нирод̇хасажжам̣, нирод̇хаббаж̇аананаа бадибад̣̇аа маг̇г̇асажжа’’нд̇и. звам̣ згзгабад̣̇уд̣̇д̇хаарзна саб̣б̣ад̇хаммз саммаа сааман̃жа б̣уд̣̇д̇хо ануб̣уд̣̇д̇хо бадивид̣̇д̇хо. д̇зна вуд̇д̇ам̣ – саммаа сааман̃жа саб̣б̣ад̇хаммаанам̣ б̣уд̣̇д̇хад̇д̇аа бана саммаасамб̣уд̣̇д̇ход̇и.

    Tatrāyaṃ ekapadayojanā – ‘‘jarāmaraṇaṃ dukkhasaccaṃ, jāti samudayasaccaṃ, ubhinnampi nissaraṇaṃ nirodhasaccaṃ, nirodhappajānanā paṭipadā maggasacca’’nti. Evaṃ ekekapaduddhārena sabbadhamme sammā sāmañca buddho anubuddho paṭividdho. Tena vuttaṃ – sammā sāmañca sabbadhammānaṃ buddhattā pana sammāsambuddhoti.

    виж̇ж̇аахи бана жаран̣зна жа самбаннад̇д̇аа виж̇ж̇аажаран̣асамбанно; д̇ад̇т̇а виж̇ж̇аад̇и д̇иссоби виж̇ж̇аа, адтаби виж̇ж̇аа. д̇иссо виж̇ж̇аа бхаяабхзравасуд̇д̇з (ма. ни. 1.34 аад̣̇аяо) вуд̇д̇анаязнзва взд̣̇ид̇аб̣б̣аа, адта виж̇ж̇аа амб̣адтасуд̇д̇з (д̣̇ий. ни. 1.278 аад̣̇аяо). д̇ад̇ра хи вибассанаан̃аан̣зна маномаяид̣̇д̇хияаа жа саха ча абхин̃н̃аа бариг̇г̇ахзд̇ваа адта виж̇ж̇аа вуд̇д̇аа. жаран̣анд̇и сийласам̣варо, инд̣̇риязсу г̇уд̇д̇ад̣̇ваарад̇аа, бхож̇анз мад̇д̇ан̃н̃уд̇аа, ж̇ааг̇арияаануяог̇о, сад̇д̇а сад̣̇д̇хаммаа, жад̇д̇аари руубааважараж̇жхаанаанийд̇и имз баннараса д̇хаммаа взд̣̇ид̇аб̣б̣аа. имзязва хи баннараса д̇хаммаа, яасмаа зд̇зхи жарад̇и арияасааваго г̇ажчад̇и амад̇ам̣ д̣̇исам̣ д̇асмаа, жаран̣анд̇и вуд̇д̇аа. яат̇ааха – ‘‘ид̇ха, махаанаама, арияасааваго сийлаваа ход̇ий’’д̇и (ма. ни. 2.24) вид̇т̇ааро. бхаг̇аваа имаахи виж̇ж̇аахи иминаа жа жаран̣зна саманнааг̇ад̇о, д̇зна вужжад̇и виж̇ж̇аажаран̣асамбаннод̇и . д̇ад̇т̇а виж̇ж̇аасамбад̣̇аа бхаг̇авад̇о саб̣б̣ан̃н̃уд̇ам̣ буурзд̇ваа тид̇аа, жаран̣асамбад̣̇аа махаагаарун̣игад̇ам̣. со саб̣б̣ан̃н̃уд̇ааяа саб̣б̣асад̇д̇аанам̣ ад̇т̇аанад̇т̇ам̣ н̃ад̇ваа махаагаарун̣игад̇ааяа анад̇т̇ам̣ бариваж̇ж̇зд̇ваа ад̇т̇з нияож̇зд̇и, яат̇аа д̇ам̣ виж̇ж̇аажаран̣асамбанно. д̇знасса саавагаа суббадибаннаа хонд̇и но д̣̇уббадибаннаа, виж̇ж̇аажаран̣авибаннаанан̃хи саавагаа ад̇д̇анд̇абаад̣̇аяо вияа.

    Vijjāhi pana caraṇena ca sampannattā vijjācaraṇasampanno; tattha vijjāti tissopi vijjā, aṭṭhapi vijjā. Tisso vijjā bhayabheravasutte (ma. ni. 1.34 ādayo) vuttanayeneva veditabbā, aṭṭha vijjā ambaṭṭhasutte (dī. ni. 1.278 ādayo). Tatra hi vipassanāñāṇena manomayiddhiyā ca saha cha abhiññā pariggahetvā aṭṭha vijjā vuttā. Caraṇanti sīlasaṃvaro, indriyesu guttadvāratā, bhojane mattaññutā, jāgariyānuyogo, satta saddhammā, cattāri rūpāvacarajjhānānīti ime pannarasa dhammā veditabbā. Imeyeva hi pannarasa dhammā, yasmā etehi carati ariyasāvako gacchati amataṃ disaṃ tasmā, caraṇanti vuttā. Yathāha – ‘‘idha, mahānāma, ariyasāvako sīlavā hotī’’ti (ma. ni. 2.24) vitthāro. Bhagavā imāhi vijjāhi iminā ca caraṇena samannāgato, tena vuccati vijjācaraṇasampannoti . Tattha vijjāsampadā bhagavato sabbaññutaṃ pūretvā ṭhitā, caraṇasampadā mahākāruṇikataṃ. So sabbaññutāya sabbasattānaṃ atthānatthaṃ ñatvā mahākāruṇikatāya anatthaṃ parivajjetvā atthe niyojeti, yathā taṃ vijjācaraṇasampanno. Tenassa sāvakā suppaṭipannā honti no duppaṭipannā, vijjācaraṇavipannānañhi sāvakā attantapādayo viya.

    собханаг̇аманад̇д̇аа, сунд̣̇арам̣ таанам̣ г̇ад̇ад̇д̇аа, саммааг̇ад̇ад̇д̇аа, саммаа жа г̇ад̣̇ад̇д̇аа суг̇ад̇о. г̇аманамби хи г̇ад̇анд̇и вужжад̇и, д̇ан̃жа бхаг̇авад̇о собханам̣ барисуд̣̇д̇хаманаваж̇ж̇ам̣ . гим̣ бана д̇анд̇и? арияамаг̇г̇о. д̇зна хзса г̇аманзна кзмам̣ д̣̇исам̣ асаж̇ж̇амаано г̇ад̇од̇и собханаг̇аманад̇д̇аа суг̇ад̇о. сунд̣̇арам̣ жзса таанам̣ г̇ад̇о амад̇ам̣ ниб̣б̣аананд̇и сунд̣̇арам̣ таанам̣ г̇ад̇ад̇д̇ааби суг̇ад̇о. саммаа жа г̇ад̇о д̇зна д̇зна маг̇г̇зна бахийнз гилзсз буна абажжааг̇ажчанд̇о. вуд̇д̇ан̃жзд̇ам̣ – ‘‘сод̇аабад̇д̇имаг̇г̇зна яз гилзсаа бахийнаа, д̇з гилзсз на бунзд̇и на бажжзд̇и на бажжааг̇ажчад̇ийд̇и суг̇ад̇о…бз… арахад̇д̇амаг̇г̇зна яз гилзсаа бахийнаа, д̇з гилзсз на бунзд̇и на бажжзд̇и на бажжааг̇ажчад̇ийд̇и суг̇ад̇о’’д̇и (махаани. 38). саммаа ваа ааг̇ад̇о д̣̇ийбан̇гарабаад̣̇амуулад̇о бабхуд̇и яаава б̣од̇химан̣д̣о д̇аава самад̇им̣сабаарамибуурид̇ааяа саммаабадибад̇д̇ияаа саб̣б̣алогасса хид̇асукамзва гаронд̇о сассад̇ам̣ ужчзд̣̇ам̣ гаамасукам̣ ад̇д̇агиламат̇анд̇и имз жа анд̇з анубаг̇ажчанд̇о ааг̇ад̇од̇и саммааг̇ад̇ад̇д̇ааби суг̇ад̇о. саммаа жзса г̇ад̣̇ад̇и, яуд̇д̇адтаанз яуд̇д̇амзва ваажам̣ бхаасад̇ийд̇и саммаа г̇ад̣̇ад̇д̇ааби суг̇ад̇о.

    Sobhanagamanattā, sundaraṃ ṭhānaṃ gatattā, sammāgatattā, sammā ca gadattā sugato. Gamanampi hi gatanti vuccati, tañca bhagavato sobhanaṃ parisuddhamanavajjaṃ . Kiṃ pana tanti? Ariyamaggo. Tena hesa gamanena khemaṃ disaṃ asajjamāno gatoti sobhanagamanattā sugato. Sundaraṃ cesa ṭhānaṃ gato amataṃ nibbānanti sundaraṃ ṭhānaṃ gatattāpi sugato. Sammā ca gato tena tena maggena pahīne kilese puna apaccāgacchanto. Vuttañcetaṃ – ‘‘sotāpattimaggena ye kilesā pahīnā, te kilese na puneti na pacceti na paccāgacchatīti sugato…pe… arahattamaggena ye kilesā pahīnā, te kilese na puneti na pacceti na paccāgacchatīti sugato’’ti (mahāni. 38). Sammā vā āgato dīpaṅkarapādamūlato pabhuti yāva bodhimaṇḍo tāva samatiṃsapāramipūritāya sammāpaṭipattiyā sabbalokassa hitasukhameva karonto sassataṃ ucchedaṃ kāmasukhaṃ attakilamathanti ime ca ante anupagacchanto āgatoti sammāgatattāpi sugato. Sammā cesa gadati, yuttaṭṭhāne yuttameva vācaṃ bhāsatīti sammā gadattāpi sugato.

    д̇ад̇рид̣̇ам̣ саад̇хагасуд̇д̇ам̣ – ‘‘яам̣ д̇ат̇ааг̇ад̇о ваажам̣ ж̇аанаад̇и абхууд̇ам̣ ад̇ажчам̣ анад̇т̇асам̣хид̇ам̣, саа жа барзсам̣ аббияаа аманаабаа, на д̇ам̣ д̇ат̇ааг̇ад̇о ваажам̣ бхаасад̇и. яамби д̇ат̇ааг̇ад̇о ваажам̣ ж̇аанаад̇и бхууд̇ам̣ д̇ажчам̣ анад̇т̇асам̣хид̇ам̣, саа жа барзсам̣ аббияаа аманаабаа, д̇амби д̇ат̇ааг̇ад̇о ваажам̣ на бхаасад̇и. яан̃жа ко д̇ат̇ааг̇ад̇о ваажам̣ ж̇аанаад̇и бхууд̇ам̣ д̇ажчам̣ ад̇т̇асам̣хид̇ам̣, саа жа барзсам̣ аббияаа аманаабаа, д̇ад̇ра гаалан̃н̃уу д̇ат̇ааг̇ад̇о ход̇и д̇ассаа ваажааяа взяяаагаран̣ааяа. яам̣ д̇ат̇ааг̇ад̇о ваажам̣ ж̇аанаад̇и абхууд̇ам̣ ад̇ажчам̣ анад̇т̇асам̣хид̇ам̣, саа жа барзсам̣ бияаа манаабаа, на д̇ам̣ д̇ат̇ааг̇ад̇о ваажам̣ бхаасад̇и. яамби д̇ат̇ааг̇ад̇о ваажам̣ ж̇аанаад̇и бхууд̇ам̣ д̇ажчам̣ анад̇т̇асам̣хид̇ам̣, саа жа барзсам̣ бияаа манаабаа, д̇амби д̇ат̇ааг̇ад̇о ваажам̣ на бхаасад̇и. яан̃жа ко д̇ат̇ааг̇ад̇о ваажам̣ ж̇аанаад̇и бхууд̇ам̣ д̇ажчам̣ ад̇т̇асам̣хид̇ам̣, саа жа барзсам̣ бияаа манаабаа, д̇ад̇ра гаалан̃н̃уу д̇ат̇ааг̇ад̇о ход̇и д̇ассаа ваажааяа взяяаагаран̣ааяаа’’д̇и (ма. ни. 2.86). звам̣ саммаа г̇ад̣̇ад̇д̇ааби суг̇ад̇од̇и взд̣̇ид̇аб̣б̣о.

    Tatridaṃ sādhakasuttaṃ – ‘‘yaṃ tathāgato vācaṃ jānāti abhūtaṃ atacchaṃ anatthasaṃhitaṃ, sā ca paresaṃ appiyā amanāpā, na taṃ tathāgato vācaṃ bhāsati. Yampi tathāgato vācaṃ jānāti bhūtaṃ tacchaṃ anatthasaṃhitaṃ, sā ca paresaṃ appiyā amanāpā, tampi tathāgato vācaṃ na bhāsati. Yañca kho tathāgato vācaṃ jānāti bhūtaṃ tacchaṃ atthasaṃhitaṃ, sā ca paresaṃ appiyā amanāpā, tatra kālaññū tathāgato hoti tassā vācāya veyyākaraṇāya. Yaṃ tathāgato vācaṃ jānāti abhūtaṃ atacchaṃ anatthasaṃhitaṃ, sā ca paresaṃ piyā manāpā, na taṃ tathāgato vācaṃ bhāsati. Yampi tathāgato vācaṃ jānāti bhūtaṃ tacchaṃ anatthasaṃhitaṃ, sā ca paresaṃ piyā manāpā, tampi tathāgato vācaṃ na bhāsati. Yañca kho tathāgato vācaṃ jānāti bhūtaṃ tacchaṃ atthasaṃhitaṃ, sā ca paresaṃ piyā manāpā, tatra kālaññū tathāgato hoti tassā vācāya veyyākaraṇāyā’’ti (ma. ni. 2.86). Evaṃ sammā gadattāpi sugatoti veditabbo.

    саб̣б̣ат̇аа вид̣̇ид̇алогад̇д̇аа бана логавид̣̇уу. со хи бхаг̇аваа сабхаавад̇о самуд̣̇аяад̇о нирод̇хад̇о нирод̇хуубааяад̇од̇и саб̣б̣ат̇аа логам̣ авзд̣̇и ан̃н̃ааси бадивиж̇жхи. яат̇ааха – ‘‘яад̇т̇а ко, аавусо, на ж̇ааяад̇и на ж̇ийяад̇и на мийяад̇и на жавад̇и на убабаж̇ж̇ад̇и, наахам̣ д̇ам̣ г̇аманзна логасса анд̇ам̣ н̃аад̇зяяам̣ д̣̇адтзяяам̣ бад̇д̇зяяанд̇и вад̣̇аами; на жаахам̣, аавусо, аббад̇ваава логасса анд̇ам̣ д̣̇угкасса анд̇агирияам̣ вад̣̇аами. аби жаахам̣, аавусо, имасмим̣язва б̣яаамамад̇д̇з гал̣зварз сасан̃н̃имхи саманагз логан̃жа бан̃н̃абзми логасамуд̣̇аяан̃жа логанирод̇хан̃жа логанирод̇хаг̇ааминин̃жа бадибад̣̇ам̣.

    Sabbathā viditalokattā pana lokavidū. So hi bhagavā sabhāvato samudayato nirodhato nirodhūpāyatoti sabbathā lokaṃ avedi aññāsi paṭivijjhi. Yathāha – ‘‘yattha kho, āvuso, na jāyati na jīyati na mīyati na cavati na upapajjati, nāhaṃ taṃ gamanena lokassa antaṃ ñāteyyaṃ daṭṭheyyaṃ patteyyanti vadāmi; na cāhaṃ, āvuso, appatvāva lokassa antaṃ dukkhassa antakiriyaṃ vadāmi. Api cāhaṃ, āvuso, imasmiṃyeva byāmamatte kaḷevare sasaññimhi samanake lokañca paññapemi lokasamudayañca lokanirodhañca lokanirodhagāminiñca paṭipadaṃ.

    ‘‘г̇аманзна на бад̇д̇аб̣б̣о, логассанд̇о гуд̣̇аажанам̣;

    ‘‘Gamanena na pattabbo, lokassanto kudācanaṃ;

    на жа аббад̇ваа логанд̇ам̣, д̣̇угкаа ад̇т̇и баможанам̣.

    Na ca appatvā lokantaṃ, dukkhā atthi pamocanaṃ.

    ‘‘д̇асмаа хавз логавид̣̇уу сумзд̇хо;

    ‘‘Tasmā have lokavidū sumedho;

    логанд̇аг̇уу вусид̇аб̣рахмажарияо;

    Lokantagū vusitabrahmacariyo;

    логасса анд̇ам̣ самид̇аави н̃ад̇ваа;

    Lokassa antaṃ samitāvi ñatvā;

    наасийсад̇ий логамимам̣ баран̃жаа’’д̇и. (а. ни. 4.45; сам̣. ни. 1.107);

    Nāsīsatī lokamimaṃ parañcā’’ti. (a. ni. 4.45; saṃ. ni. 1.107);

    абижа д̇аяо логаа – сан̇кааралого, сад̇д̇алого, огаасалогод̇и; д̇ад̇т̇а ‘‘зго лого – саб̣б̣з сад̇д̇аа аахаарадтид̇игаа’’д̇и (бади. ма. 1.112) ааг̇ад̇адтаанз сан̇кааралого взд̣̇ид̇аб̣б̣о. ‘‘сассад̇о логод̇и ваа асассад̇о логод̇и ваа’’д̇и (д̣̇ий. ни. 1.421) ааг̇ад̇адтаанз сад̇д̇алого.

    Apica tayo lokā – saṅkhāraloko, sattaloko, okāsalokoti; tattha ‘‘eko loko – sabbe sattā āhāraṭṭhitikā’’ti (paṭi. ma. 1.112) āgataṭṭhāne saṅkhāraloko veditabbo. ‘‘Sassato lokoti vā asassato lokoti vā’’ti (dī. ni. 1.421) āgataṭṭhāne sattaloko.

    ‘‘яаавад̇аа жанд̣̇имасуурияаа, барихаранд̇и д̣̇исаа бханд̇и вирожанаа;

    ‘‘Yāvatā candimasūriyā, pariharanti disā bhanti virocanā;

    д̇аава сахассад̇хаа лого, зд̇т̇а д̇з вад̇д̇ад̇ий васо’’д̇и. (ма. ни. 1.503) –

    Tāva sahassadhā loko, ettha te vattatī vaso’’ti. (ma. ni. 1.503) –

    ааг̇ад̇адтаанз огаасалого, д̇амби бхаг̇аваа саб̣б̣ат̇аа авзд̣̇и. д̇ат̇аа хисса – ‘‘зго лого – саб̣б̣з сад̇д̇аа аахаарадтид̇игаа. д̣̇вз логаа – нааман̃жа руубан̃жа. д̇аяо логаа – д̇иссо взд̣̇анаа. жад̇д̇ааро логаа – жад̇д̇ааро аахаараа. бан̃жа логаа – бан̃жубаад̣̇аанагканд̇хаа. ча логаа – ча аж̇жхад̇д̇игаани ааяад̇анаани. сад̇д̇а логаа сад̇д̇а вин̃н̃аан̣адтид̇ияо. адта логаа – адта логад̇хаммаа. нава логаа – нава сад̇д̇ааваасаа. д̣̇аса логаа – д̣̇асааяад̇анаани. д̣̇ваад̣̇аса логаа – д̣̇ваад̣̇асааяад̇анаани . адтаараса логаа – адтаараса д̇хаад̇уяо’’д̇и (бади. ма. 1.112). аяам̣ сан̇кааралогоби саб̣б̣ат̇аа вид̣̇ид̇о.

    Āgataṭṭhāne okāsaloko, tampi bhagavā sabbathā avedi. Tathā hissa – ‘‘eko loko – sabbe sattā āhāraṭṭhitikā. Dve lokā – nāmañca rūpañca. Tayo lokā – tisso vedanā. Cattāro lokā – cattāro āhārā. Pañca lokā – pañcupādānakkhandhā. Cha lokā – cha ajjhattikāni āyatanāni. Satta lokā satta viññāṇaṭṭhitiyo. Aṭṭha lokā – aṭṭha lokadhammā. Nava lokā – nava sattāvāsā. Dasa lokā – dasāyatanāni. Dvādasa lokā – dvādasāyatanāni . Aṭṭhārasa lokā – aṭṭhārasa dhātuyo’’ti (paṭi. ma. 1.112). Ayaṃ saṅkhāralokopi sabbathā vidito.

    яасмаа банзса саб̣б̣зсамби сад̇д̇аанам̣ аасаяам̣ ж̇аанаад̇и, анусаяам̣ ж̇аанаад̇и, жарид̇ам̣ ж̇аанаад̇и, ад̇химуд̇д̇им̣ ж̇аанаад̇и, аббараж̇агкз махаараж̇агкз д̇игкинд̣̇рияз муд̣̇инд̣̇рияз сваагаарз д̣̇ваагаарз сувин̃н̃аабаяз д̣̇увин̃н̃аабаяз бхаб̣б̣з абхаб̣б̣з сад̇д̇з ж̇аанаад̇и, д̇асмаасса сад̇д̇алогоби саб̣б̣ат̇аа вид̣̇ид̇о. яат̇аа жа сад̇д̇алого звам̣ огаасалогоби. д̇ат̇аа хзса згам̣ жаггаваал̣ам̣ ааяаамад̇о жа вид̇т̇аарад̇о жа яож̇анаанам̣ д̣̇ваад̣̇аса сад̇асахассаани д̇ийн̣и сахассаани жад̇д̇аари сад̇аани бан̃н̃аасан̃жа яож̇анаани. баригкзбад̇о –

    Yasmā panesa sabbesampi sattānaṃ āsayaṃ jānāti, anusayaṃ jānāti, caritaṃ jānāti, adhimuttiṃ jānāti, apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye bhabbe abhabbe satte jānāti, tasmāssa sattalokopi sabbathā vidito. Yathā ca sattaloko evaṃ okāsalokopi. Tathā hesa ekaṃ cakkavāḷaṃ āyāmato ca vitthārato ca yojanānaṃ dvādasa satasahassāni tīṇi sahassāni cattāri satāni paññāsañca yojanāni. Parikkhepato –

    саб̣б̣ам̣ сад̇асахассаани, чад̇д̇им̣са бариман̣д̣алам̣;

    Sabbaṃ satasahassāni, chattiṃsa parimaṇḍalaṃ;

    д̣̇асан̃жзва сахассаани, ад̣дхуд̣дхаани сад̇аани жа.

    Dasañceva sahassāni, aḍḍhuḍḍhāni satāni ca.

    д̇ад̇т̇а –

    Tattha –

    д̣̇увз сад̇асахассаани, жад̇д̇аари нахуд̇аани жа;

    Duve satasahassāni, cattāri nahutāni ca;

    зд̇д̇агам̣ б̣ахалад̇д̇зна, сан̇каад̇ааяам̣ васунд̇хараа.

    Ettakaṃ bahalattena, saṅkhātāyaṃ vasundharā.

    д̇ассаа зва санд̇хаарагам̣ –

    Tassā eva sandhārakaṃ –

    жад̇д̇аари сад̇асахассаани, адтзва нахуд̇аани жа;

    Cattāri satasahassāni, aṭṭheva nahutāni ca;

    зд̇д̇агам̣ б̣ахалад̇д̇зна, ж̇алам̣ ваад̇з бад̇идтид̇ам̣.

    Ettakaṃ bahalattena, jalaṃ vāte patiṭṭhitaṃ.

    д̇ассааби санд̇хаараго –

    Tassāpi sandhārako –

    навасад̇асахассаани, маалуд̇о набхамуг̇г̇ад̇о;

    Navasatasahassāni, māluto nabhamuggato;

    садти жзва сахассаани, зсаа логасса сан̣тид̇и.

    Saṭṭhi ceva sahassāni, esā lokassa saṇṭhiti.

    звам̣ сан̣тид̇з жзд̇т̇а яож̇анаанам̣ –

    Evaṃ saṇṭhite cettha yojanānaṃ –

    жад̇ураасийд̇и сахассаани, аж̇жхог̇аал̣хо махан̣н̣авз;

    Caturāsīti sahassāni, ajjhogāḷho mahaṇṇave;

    ажжуг̇г̇ад̇о д̇аавад̣̇зва, синзрубаб̣б̣ад̇уд̇д̇амо.

    Accuggato tāvadeva, sinerupabbatuttamo.

    д̇ад̇о убад̣дхубад̣дхзна, бамаан̣зна яат̇ааггамам̣;

    Tato upaḍḍhupaḍḍhena, pamāṇena yathākkamaṃ;

    аж̇жхог̇аал̣хуг̇г̇ад̇аа д̣̇иб̣б̣аа, наанаарад̇анажид̇д̇ид̇аа.

    Ajjhogāḷhuggatā dibbā, nānāratanacittitā.

    яуг̇анд̇харо ийсад̇харо, гаравийго суд̣̇ассано;

    Yugandharo īsadharo, karavīko sudassano;

    нзминд̇харо винад̇аго, ассаган̣н̣о г̇ирий б̣рахаа.

    Nemindharo vinatako, assakaṇṇo girī brahā.

    зд̇з сад̇д̇а махаасзлаа, синзрусса саманд̇ад̇о;

    Ete satta mahāselā, sinerussa samantato;

    махаарааж̇аанамааваасаа, д̣̇зваяагканисзвид̇аа.

    Mahārājānamāvāsā, devayakkhanisevitā.

    яож̇анаанам̣ сад̇аанужжо, химаваа бан̃жа баб̣б̣ад̇о;

    Yojanānaṃ satānucco, himavā pañca pabbato;

    яож̇анаанам̣ сахассаани, д̇ийн̣и ааяад̇авид̇т̇ад̇о;

    Yojanānaṃ sahassāni, tīṇi āyatavitthato;

    жад̇ураасийд̇исахассзхи, гуудзхи бадиман̣д̣ид̇о.

    Caturāsītisahassehi, kūṭehi paṭimaṇḍito.

    д̇ибан̃жаяож̇анагканд̇ха, баригкзбаа наг̇авхаяаа;

    Tipañcayojanakkhandha, parikkhepā nagavhayā;

    бан̃н̃ааса яож̇анагканд̇ха, саакааяаамаа саманд̇ад̇о.

    Paññāsa yojanakkhandha, sākhāyāmā samantato.

    сад̇аяож̇анавид̇т̇ин̣н̣аа, д̇аавад̣̇зва жа уг̇г̇ад̇аа;

    Satayojanavitthiṇṇā, tāvadeva ca uggatā;

    ж̇амб̣уу яассаанубхаавзна, ж̇амб̣уд̣̇ийбо багаасид̇о.

    Jambū yassānubhāvena, jambudīpo pakāsito.

    д̣̇вз асийд̇и сахассаани, аж̇жхог̇аал̣хо махан̣н̣авз;

    Dve asīti sahassāni, ajjhogāḷho mahaṇṇave;

    ажжуг̇г̇ад̇о д̇аавад̣̇зва, жаггаваал̣асилужжаяо;

    Accuggato tāvadeva, cakkavāḷasiluccayo;

    баригкибид̇ваа д̇ам̣ саб̣б̣ам̣, логад̇хаад̇умаяам̣ тид̇о.

    Parikkhipitvā taṃ sabbaṃ, lokadhātumayaṃ ṭhito.

    д̇ад̇т̇а жанд̣̇аман̣д̣алам̣ згуунабан̃н̃аасаяож̇анам̣, суурияаман̣д̣алам̣ бан̃н̃аасаяож̇анам̣, д̇аавад̇им̣сабхаванам̣ д̣̇асасахассаяож̇анам̣; д̇ат̇аа асурабхаванам̣, авийжимахаанираяо, ж̇амб̣уд̣̇ийбо жа. абараг̇ояаанам̣ сад̇д̇асахассаяож̇анам̣; д̇ат̇аа буб̣б̣авид̣̇зхо. уд̇д̇арагуру адтасахассаяож̇ано, згамзго жзд̇т̇а махаад̣̇ийбо бан̃жасад̇абан̃жасад̇абарид̇д̇ад̣̇ийбабаривааро; д̇ам̣ саб̣б̣амби згам̣ жаггаваал̣ам̣ , згаа логад̇хаад̇у, д̇ад̣̇анд̇арзсу логанд̇ариганираяаа. звам̣ ананд̇аани жаггаваал̣аани ананд̇аа логад̇хаад̇уяо бхаг̇аваа ананд̇зна б̣уд̣̇д̇хан̃аан̣зна авзд̣̇и, ан̃н̃ааси, бадивиж̇жхи. звамасса огаасалогоби саб̣б̣ат̇аа вид̣̇ид̇о. звамби саб̣б̣ат̇аа вид̣̇ид̇алогад̇д̇аа логавид̣̇уу.

    Tattha candamaṇḍalaṃ ekūnapaññāsayojanaṃ, sūriyamaṇḍalaṃ paññāsayojanaṃ, tāvatiṃsabhavanaṃ dasasahassayojanaṃ; tathā asurabhavanaṃ, avīcimahānirayo, jambudīpo ca. Aparagoyānaṃ sattasahassayojanaṃ; tathā pubbavideho. Uttarakuru aṭṭhasahassayojano, ekameko cettha mahādīpo pañcasatapañcasataparittadīpaparivāro; taṃ sabbampi ekaṃ cakkavāḷaṃ , ekā lokadhātu, tadantaresu lokantarikanirayā. Evaṃ anantāni cakkavāḷāni anantā lokadhātuyo bhagavā anantena buddhañāṇena avedi, aññāsi, paṭivijjhi. Evamassa okāsalokopi sabbathā vidito. Evampi sabbathā viditalokattā lokavidū.

    ад̇д̇ано бана г̇ун̣зхи висидтад̇арасса гассажи абхааваа над̇т̇и зд̇асса уд̇д̇арод̇и ануд̇д̇аро. д̇ат̇аа хзса сийлаг̇ун̣знааби саб̣б̣ам̣ логамабхибхавад̇и, самаад̇хи…бз… бан̃н̃аа… вимуд̇д̇и… вимуд̇д̇ин̃аан̣ад̣̇ассанаг̇ун̣знааби, сийлаг̇ун̣знааби асамо асамасамо аббадимо аббадибхааг̇о аббадибуг̇г̇ало…бз… вимуд̇д̇ин̃аан̣ад̣̇ассанаг̇ун̣знааби. яат̇ааха – ‘‘на ко банаахам̣, бхигкавз, саманубассаами сад̣̇звагз логз самаарагз…бз… сад̣̇звамануссааяа ад̇д̇анаа сийласамбаннад̇ара’’нд̇и вид̇т̇ааро.

    Attano pana guṇehi visiṭṭhatarassa kassaci abhāvā natthi etassa uttaroti anuttaro. Tathā hesa sīlaguṇenāpi sabbaṃ lokamabhibhavati, samādhi…pe… paññā… vimutti… vimuttiñāṇadassanaguṇenāpi, sīlaguṇenāpi asamo asamasamo appaṭimo appaṭibhāgo appaṭipuggalo…pe… vimuttiñāṇadassanaguṇenāpi. Yathāha – ‘‘na kho panāhaṃ, bhikkhave, samanupassāmi sadevake loke samārake…pe… sadevamanussāya attanā sīlasampannatara’’nti vitthāro.

    звам̣ аг̇г̇аббасаад̣̇асуд̇д̇аад̣̇ийни (а. ни. 4.34; ид̇иву. 90) ‘‘на мз аажарияо ад̇т̇ий’’д̇иаад̣̇игаа г̇аат̇ааяо (ма. ни. 1.285; махаава. 11) жа вид̇т̇аарзд̇аб̣б̣аа.

    Evaṃ aggappasādasuttādīni (a. ni. 4.34; itivu. 90) ‘‘na me ācariyo atthī’’tiādikā gāthāyo (ma. ni. 1.285; mahāva. 11) ca vitthāretabbā.

    бурисад̣̇аммз саарзд̇ийд̇и бурисад̣̇аммасаарат̇и, д̣̇амзд̇и винзд̇ийд̇и вуд̇д̇ам̣ ход̇и. д̇ад̇т̇а бурисад̣̇аммаад̇и ад̣̇анд̇аа д̣̇амзд̇ум̣ яуд̇д̇аа д̇иражчаанабурисааби мануссабурисааби амануссабурисааби. д̇ат̇аа хи бхаг̇авад̇аа д̇иражчаанабурисааби абалаал̣о нааг̇арааж̇аа, жуул̣од̣̇аро, маход̣̇аро, аг̇г̇исико, д̇хуумасико, д̇ханабаалаго хад̇т̇ийд̇и звамаад̣̇аяо д̣̇амид̇аа, ниб̣б̣исаа гад̇аа, саран̣зсу жа сийлзсу жа бад̇идтаабид̇аа. мануссабурисааби сажжаганиг̇ан̣табуд̇д̇а-амб̣адтамаан̣ава-богкарасаад̇и-сон̣ад̣̇ан̣д̣агуудад̣̇анд̇аад̣̇аяо. амануссабурисааби аал̣авага-суужилома-каралома-яагка-саггад̣̇зварааж̇аад̣̇аяо д̣̇амид̇аа винийд̇аа вижид̇рзхи винаяануубааязхи. ‘‘ахам̣ ко, гзси, бурисад̣̇аммам̣ сан̣хзнаби винзми, парусзнаби винзми, сан̣хапарусзнаби винзмий’’д̇и (а. ни. 4.111) ид̣̇ан̃жзд̇т̇а суд̇д̇ам̣ вид̇т̇аарзд̇аб̣б̣ам̣. ат̇а ваа висуд̣̇д̇хасийлаад̣̇ийнам̣ батамаж̇жхаанаад̣̇ийни сод̇аабаннаад̣̇ийнан̃жа уд̇д̇аримаг̇г̇абадибад̣̇ам̣ аажигканд̇о д̣̇анд̇зби д̣̇амзд̇иязва.

    Purisadamme sāretīti purisadammasārathi, dameti vinetīti vuttaṃ hoti. Tattha purisadammāti adantā dametuṃ yuttā tiracchānapurisāpi manussapurisāpi amanussapurisāpi. Tathā hi bhagavatā tiracchānapurisāpi apalāḷo nāgarājā, cūḷodaro, mahodaro, aggisikho, dhūmasikho, dhanapālako hatthīti evamādayo damitā, nibbisā katā, saraṇesu ca sīlesu ca patiṭṭhāpitā. Manussapurisāpi saccakanigaṇṭhaputta-ambaṭṭhamāṇava-pokkharasāti-soṇadaṇḍakūṭadantādayo. Amanussapurisāpi āḷavaka-sūciloma-kharaloma-yakkha-sakkadevarājādayo damitā vinītā vicitrehi vinayanūpāyehi. ‘‘Ahaṃ kho, kesi, purisadammaṃ saṇhenapi vinemi, pharusenapi vinemi, saṇhapharusenapi vinemī’’ti (a. ni. 4.111) idañcettha suttaṃ vitthāretabbaṃ. Atha vā visuddhasīlādīnaṃ paṭhamajjhānādīni sotāpannādīnañca uttarimaggapaṭipadaṃ ācikkhanto dantepi dametiyeva.

    ат̇а ваа ануд̇д̇аро бурисад̣̇аммасаарат̇ийд̇и згамзвид̣̇ам̣ ад̇т̇абад̣̇ам̣ . бхаг̇аваа хи д̇ат̇аа бурисад̣̇аммз саарзд̇и, яат̇аа згабаллан̇гзнзва нисиннаа адта д̣̇исаа асаж̇ж̇амаанаа д̇хааванд̇и. д̇асмаа ‘‘ануд̇д̇аро бурисад̣̇аммасаарат̇ий’’д̇и вужжад̇и. ‘‘хад̇т̇ид̣̇амагзна, бхигкавз, хад̇т̇ид̣̇аммо саарид̇о згам̣язва д̣̇исам̣ д̇хаавад̇ий’’д̇и ид̣̇ан̃жзд̇т̇а суд̇д̇ам̣ (ма. ни. 3.312) вид̇т̇аарзд̇аб̣б̣ам̣.

    Atha vā anuttaro purisadammasārathīti ekamevidaṃ atthapadaṃ . Bhagavā hi tathā purisadamme sāreti, yathā ekapallaṅkeneva nisinnā aṭṭha disā asajjamānā dhāvanti. Tasmā ‘‘anuttaro purisadammasārathī’’ti vuccati. ‘‘Hatthidamakena, bhikkhave, hatthidammo sārito ekaṃyeva disaṃ dhāvatī’’ti idañcettha suttaṃ (ma. ni. 3.312) vitthāretabbaṃ.

    д̣̇идтад̇хаммигасамбарааяигабарамад̇т̇зхи яат̇аарахам̣ анусаасад̇ийд̇и сад̇т̇аа. абижа сад̇т̇аа вияаад̇и сад̇т̇аа, бхаг̇аваа сад̇т̇аваахо. ‘‘яат̇аа сад̇т̇аваахо сад̇т̇з ганд̇аарам̣ д̇аарзд̇и, жораганд̇аарам̣ д̇аарзд̇и, ваал̣аганд̇аарам̣ д̇аарзд̇и, д̣̇уб̣бхигкаганд̇аарам̣ д̇аарзд̇и, нируд̣̇агаганд̇аарам̣ д̇аарзд̇и, уд̇д̇аарзд̇и нид̇д̇аарзд̇и бад̇аарзд̇и кзманд̇абхуумим̣ самбаабзд̇и; звамзва бхаг̇аваа сад̇т̇аа сад̇т̇аваахо сад̇д̇з ганд̇аарам̣ д̇аарзд̇и ж̇аад̇иганд̇аарам̣ д̇аарзд̇ий’’д̇иаад̣̇инаа (махаани. 190) нид̣̇д̣̇зсанаязнабзд̇т̇а ад̇т̇о взд̣̇ид̇аб̣б̣о.

    Diṭṭhadhammikasamparāyikaparamatthehi yathārahaṃ anusāsatīti satthā. Apica satthā viyāti satthā, bhagavā satthavāho. ‘‘Yathā satthavāho satthe kantāraṃ tāreti, corakantāraṃ tāreti, vāḷakantāraṃ tāreti, dubbhikkhakantāraṃ tāreti, nirudakakantāraṃ tāreti, uttāreti nittāreti patāreti khemantabhūmiṃ sampāpeti; evameva bhagavā satthā satthavāho satte kantāraṃ tāreti jātikantāraṃ tāretī’’tiādinā (mahāni. 190) niddesanayenapettha attho veditabbo.

    д̣̇звамануссаананд̇и д̣̇азваанан̃жа мануссаанан̃жа уггадтабарижчзд̣̇авасзнзд̇ам̣ вуд̇д̇ам̣, бхаб̣б̣абуг̇г̇алабарижчзд̣̇авасзна жа. бхаг̇аваа бана д̇иражчаанаг̇ад̇аанамби анусаасаниббад̣̇аанзна сад̇т̇ааязва. д̇зби хи бхаг̇авад̇о д̇хаммасаванзна убаниссаяасамбад̇д̇им̣ бад̇ваа д̇ааяа зва убаниссаяасамбад̇д̇ияаа д̣̇уд̇ияз д̇ад̇ияз ваа ад̇д̇абхаавз маг̇г̇апалабхааг̇ино хонд̇и. ман̣д̣уугад̣̇звабуд̇д̇аад̣̇аяо жзд̇т̇а нид̣̇ассанам̣. бхаг̇авад̇и гира г̇аг̇г̇арааяа богкаран̣ияаа д̇ийрз жамбаанаг̇араваасийнам̣ д̇хаммам̣ д̣̇зсаяамаанз зго ман̣д̣ууго бхаг̇авад̇о сарз нимид̇д̇ам̣ аг̇г̇ахзси. д̇ам̣ зго важчабаалаго д̣̇ан̣д̣амолуб̣бха д̇идтанд̇о д̇асса сийсз саннирумбхид̇ваа адтааси. со д̇аавад̣̇зва гаалам̣ гад̇ваа д̇аавад̇им̣сабхаванз д̣̇ваад̣̇асаяож̇анигз ганагавимаанз ниб̣б̣ад̇д̇и. суд̇д̇аббаб̣уд̣̇д̇хо вияа жа д̇ад̇т̇а ажчараасан̇гхабаривуд̇ам̣ ад̇д̇аанам̣ д̣̇исваа ‘‘арз, ахамби наама ид̇ха ниб̣б̣ад̇д̇осми! гим̣ ну ко гаммам̣ агааси’’нд̇и ааваж̇ж̇знд̇о наан̃н̃ам̣ гин̃жи ад̣̇д̣̇аса, ан̃н̃ад̇ра бхаг̇авад̇о сарз нимид̇д̇аг̇г̇аахаа. со д̇ааавад̣̇зва саха вимаанзна ааг̇анд̇ваа бхаг̇авад̇о баад̣̇з сирасаа ванд̣̇и. бхаг̇аваа ж̇аананд̇ова бужчи –

    Devamanussānanti daevānañca manussānañca ukkaṭṭhaparicchedavasenetaṃ vuttaṃ, bhabbapuggalaparicchedavasena ca. Bhagavā pana tiracchānagatānampi anusāsanippadānena satthāyeva. Tepi hi bhagavato dhammasavanena upanissayasampattiṃ patvā tāya eva upanissayasampattiyā dutiye tatiye vā attabhāve maggaphalabhāgino honti. Maṇḍūkadevaputtādayo cettha nidassanaṃ. Bhagavati kira gaggarāya pokkharaṇiyā tīre campānagaravāsīnaṃ dhammaṃ desayamāne eko maṇḍūko bhagavato sare nimittaṃ aggahesi. Taṃ eko vacchapālako daṇḍamolubbha tiṭṭhanto tassa sīse sannirumbhitvā aṭṭhāsi. So tāvadeva kālaṃ katvā tāvatiṃsabhavane dvādasayojanike kanakavimāne nibbatti. Suttappabuddho viya ca tattha accharāsaṅghaparivutaṃ attānaṃ disvā ‘‘are, ahampi nāma idha nibbattosmi! Kiṃ nu kho kammaṃ akāsi’’nti āvajjento nāññaṃ kiñci addasa, aññatra bhagavato sare nimittaggāhā. So taāvadeva saha vimānena āgantvā bhagavato pāde sirasā vandi. Bhagavā jānantova pucchi –

    ‘‘го мз ванд̣̇ад̇и баад̣̇аани, ид̣̇д̇хияаа яасасаа ж̇алам̣;

    ‘‘Ko me vandati pādāni, iddhiyā yasasā jalaṃ;

    абхигганд̇зна ван̣н̣зна, саб̣б̣аа обхаасаяам̣ д̣̇исаа’’д̇и.

    Abhikkantena vaṇṇena, sabbā obhāsayaṃ disā’’ti.

    ‘‘ман̣д̣уугохам̣ бурз аасим̣, уд̣̇агз ваариг̇ожаро;

    ‘‘Maṇḍūkohaṃ pure āsiṃ, udake vārigocaro;

    д̇ава д̇хаммам̣ сун̣анд̇асса, авад̇хи важчабаалаго’’д̇и. (ви. ва. 857-858);

    Tava dhammaṃ suṇantassa, avadhi vacchapālako’’ti. (vi. va. 857-858);

    бхаг̇аваа д̇асса д̇хаммам̣ д̣̇зсзси. д̣̇зсанаавасаанз жад̇ураасийд̇ияаа баан̣асахассаанам̣ д̇хаммаабхисамаяо ахоси. д̣̇звабуд̇д̇оби сод̇аабад̇д̇ипалз бад̇идтааяа сид̇ам̣ гад̇ваа баггаамийд̇и.

    Bhagavā tassa dhammaṃ desesi. Desanāvasāne caturāsītiyā pāṇasahassānaṃ dhammābhisamayo ahosi. Devaputtopi sotāpattiphale patiṭṭhāya sitaṃ katvā pakkāmīti.

    яам̣ бана гин̃жи ад̇т̇и н̃зяяам̣ наама, д̇асса саб̣б̣асса б̣уд̣̇д̇хад̇д̇аа вимогканд̇иган̃аан̣авасзна б̣уд̣̇д̇хо. яасмаа ваа жад̇д̇аари сажжаани ад̇д̇анааби б̣уж̇жхи, ан̃н̃зби сад̇д̇з б̣од̇хзси; д̇асмаа звамаад̣̇ийхиби гааран̣зхи б̣уд̣̇д̇хо. имасса жад̇т̇асса вин̃н̃аабанад̇т̇ам̣ ‘‘б̣уж̇жхид̇аа сажжаанийд̇и б̣уд̣̇д̇хо, б̣од̇хзд̇аа баж̇ааяаад̇и б̣уд̣̇д̇хо’’д̇и звам̣ бавад̇д̇о саб̣б̣оби нид̣̇д̣̇зсанаяо (махаани. 192) бадисамбхид̣̇аанаяо (бади. ма. 1.162) ваа вид̇т̇аарзд̇аб̣б̣о.

    Yaṃ pana kiñci atthi ñeyyaṃ nāma, tassa sabbassa buddhattā vimokkhantikañāṇavasena buddho. Yasmā vā cattāri saccāni attanāpi bujjhi, aññepi satte bodhesi; tasmā evamādīhipi kāraṇehi buddho. Imassa catthassa viññāpanatthaṃ ‘‘bujjhitā saccānīti buddho, bodhetā pajāyāti buddho’’ti evaṃ pavatto sabbopi niddesanayo (mahāni. 192) paṭisambhidānayo (paṭi. ma. 1.162) vā vitthāretabbo.

    бхаг̇аваад̇и ид̣̇ам̣ банасса г̇ун̣ависидтасад̇д̇уд̇д̇амаг̇аруг̇аараваад̇хиважанам̣. д̇знааху бораан̣аа –

    Bhagavāti idaṃ panassa guṇavisiṭṭhasattuttamagarugāravādhivacanaṃ. Tenāhu porāṇā –

    ‘‘бхаг̇аваад̇и важанам̣ сздтам̣, бхаг̇аваад̇и важанамуд̇д̇амам̣;

    ‘‘Bhagavāti vacanaṃ seṭṭhaṃ, bhagavāti vacanamuttamaṃ;

    г̇ару г̇аараваяуд̇д̇о со, бхаг̇аваа д̇зна вужжад̇ий’’д̇и.

    Garu gāravayutto so, bhagavā tena vuccatī’’ti.

    жад̇уб̣б̣ид̇хан̃хи наамам̣ – аавад̇т̇игам̣, лин̇г̇игам̣, нзмид̇д̇игам̣, ад̇хижжасамуббаннанд̇и. ад̇хижжасамуббаннам̣ наама логияавохаарзна ‘‘яад̣̇ижчага’’нд̇и вуд̇д̇ам̣ ход̇и. д̇ад̇т̇а ‘‘важчо д̣̇аммо б̣алиб̣ад̣̇д̣̇о’’д̇и звамаад̣̇и аавад̇т̇игам̣. ‘‘д̣̇ан̣д̣ий чад̇д̇ий сикий гарий’’д̇и звамаад̣̇и лин̇г̇игам̣. ‘‘д̇звиж̇ж̇о чал̣абхин̃н̃о’’д̇и звамаад̣̇и нзмид̇д̇игам̣. ‘‘сиривад̣дхаго д̇ханавад̣дхаго’’д̇и звамаад̣̇и важанад̇т̇аманабзгкид̇ваа бавад̇д̇ам̣ ад̇хижжасамуббаннам̣. ид̣̇ам̣ бана бхаг̇аваад̇и наамам̣ нзмид̇д̇игам̣, на махаамааяааяа на суд̣̇д̇ход̣̇анамахаарааж̇зна на асийд̇ияаа н̃аад̇исахассзхи гад̇ам̣, на саггасанд̇усид̇аад̣̇ийхи д̣̇звад̇аависзсзхи. вуд̇д̇ан̃хзд̇ам̣ д̇хаммасзнаабад̇инаа – ‘‘бхаг̇аваад̇и нзд̇ам̣ наамам̣ маад̇араа гад̇ам̣…бз… вимогканд̇игамзд̇ам̣ б̣уд̣̇д̇хаанам̣ бхаг̇аванд̇аанам̣ б̣од̇хияаа муулз саха саб̣б̣ан̃н̃уд̇ан̃н̃аан̣асса бадилаабхаа сажчигаабан̃н̃ад̇д̇и, яад̣̇ид̣̇ам̣ бхаг̇аваа’’д̇и (махаани. 84).

    Catubbidhañhi nāmaṃ – āvatthikaṃ, liṅgikaṃ, nemittikaṃ, adhiccasamuppannanti. Adhiccasamuppannaṃ nāma lokiyavohārena ‘‘yadicchaka’’nti vuttaṃ hoti. Tattha ‘‘vaccho dammo balibaddo’’ti evamādi āvatthikaṃ. ‘‘Daṇḍī chattī sikhī karī’’ti evamādi liṅgikaṃ. ‘‘Tevijjo chaḷabhiñño’’ti evamādi nemittikaṃ. ‘‘Sirivaḍḍhako dhanavaḍḍhako’’ti evamādi vacanatthamanapekkhitvā pavattaṃ adhiccasamuppannaṃ. Idaṃ pana bhagavāti nāmaṃ nemittikaṃ, na mahāmāyāya na suddhodanamahārājena na asītiyā ñātisahassehi kataṃ, na sakkasantusitādīhi devatāvisesehi. Vuttañhetaṃ dhammasenāpatinā – ‘‘bhagavāti netaṃ nāmaṃ mātarā kataṃ…pe… vimokkhantikametaṃ buddhānaṃ bhagavantānaṃ bodhiyā mūle saha sabbaññutaññāṇassa paṭilābhā sacchikāpaññatti, yadidaṃ bhagavā’’ti (mahāni. 84).

    яам̣г̇ун̣анзмид̇д̇иган̃жзд̇ам̣ наамам̣, д̇зсам̣ г̇ун̣аанам̣ багаасанад̇т̇ам̣ имам̣ г̇аат̇ам̣ вад̣̇анд̇и –

    Yaṃguṇanemittikañcetaṃ nāmaṃ, tesaṃ guṇānaṃ pakāsanatthaṃ imaṃ gāthaṃ vadanti –

    ‘‘бхаг̇ий бхаж̇ий бхааг̇ий вибхад̇д̇аваа ид̇и;

    ‘‘Bhagī bhajī bhāgī vibhattavā iti;

    агааси бхаг̇г̇анд̇и г̇арууд̇и бхааг̇яаваа;

    Akāsi bhagganti garūti bhāgyavā;

    б̣ахуухи н̃ааязхи субхаавид̇ад̇д̇ано;

    Bahūhi ñāyehi subhāvitattano;

    бхаванд̇аг̇о со бхаг̇аваад̇и вужжад̇ий’’д̇и.

    Bhavantago so bhagavāti vuccatī’’ti.

    нид̣̇д̣̇зсз вуд̇д̇анаязнзва жзд̇т̇а д̇зсам̣ д̇зсам̣ бад̣̇аанамад̇т̇о д̣̇адтаб̣б̣о.

    Niddese vuttanayeneva cettha tesaṃ tesaṃ padānamattho daṭṭhabbo.

    аяам̣ бана абаро наяо –

    Ayaṃ pana aparo nayo –

    ‘‘бхааг̇яаваа бхаг̇г̇аваа яуд̇д̇о, бхаг̇зхи жа вибхад̇д̇аваа;

    ‘‘Bhāgyavā bhaggavā yutto, bhagehi ca vibhattavā;

    бхад̇д̇аваа ванд̇аг̇амано, бхавзсу бхаг̇аваа д̇ад̇о’’д̇и.

    Bhattavā vantagamano, bhavesu bhagavā tato’’ti.

    д̇ад̇т̇а ван̣н̣ааг̇амо ван̣н̣авибарияаяод̇и зд̇ам̣ нируд̇д̇илагкан̣ам̣ г̇ахзд̇ваа сад̣̇д̣̇анаязна ваа бисод̣̇араад̣̇ибагкзбалагкан̣ам̣ г̇ахзд̇ваа яасмаа логияалогуд̇д̇арасукаабхиниб̣б̣ад̇д̇агам̣ д̣̇аанасийлаад̣̇ибаараббад̇д̇ам̣ бхааг̇яамасса ад̇т̇и, д̇асмаа ‘‘бхааг̇яаваа’’д̇и вад̇д̇аб̣б̣з ‘‘бхаг̇аваа’’д̇и вужжад̇ийд̇и н̃аад̇аб̣б̣ам̣. яасмаа бана лобха-д̣̇оса-моха-вибарийд̇аманасигаара-ахиригаанод̇д̇абба-год̇хуубанааха-магка-бал̣аасаиссаа-мажчарияа-мааяаасаатзяяа-т̇амбха-саарамбха-маанаад̇имаана-мад̣̇а-бамаад̣̇а-д̇ан̣хаавиж̇ж̇аа д̇ивид̇хаагусаламуула-д̣̇ужжарид̇а-сам̣гилзса-мала-висамасан̃н̃аа-вид̇агга-бабан̃жа-жад̇уб̣б̣ид̇хавибариязсааасава-г̇ант̇а-огха-яог̇ааг̇ад̇и-д̇ан̣хуббаад̣̇убаад̣̇аана-бан̃жажзд̇окийла-виниб̣анд̇ха-нийваран̣аабхинанд̣̇аначавиваад̣̇амуула-д̇ан̣хаагааяа-сад̇д̇аанусаяа-адтамижчад̇д̇а-навад̇ан̣хаамуулага-д̣̇асаагусалагама д̣̇идтиг̇ад̇а-адтасад̇ад̇ан̣хаавижарид̇аббабхзд̣̇а-саб̣б̣ад̣̇арат̇а-барил̣ааха-гилзсасад̇асахассаани, сан̇кзбад̇о ваа бан̃жа гилзса-абхисан̇каараканд̇хамажжу-д̣̇звабуд̇д̇а-маарз абхан̃ж̇и, д̇асмаа бхаг̇г̇ад̇д̇аа зд̇зсам̣ бариссаяаанам̣ бхаг̇г̇аваад̇и вад̇д̇аб̣б̣з бхаг̇аваад̇и вужжад̇и. ааха жзд̇т̇а –

    Tattha vaṇṇāgamo vaṇṇavipariyayoti etaṃ niruttilakkhaṇaṃ gahetvā saddanayena vā pisodarādipakkhepalakkhaṇaṃ gahetvā yasmā lokiyalokuttarasukhābhinibbattakaṃ dānasīlādipārappattaṃ bhāgyamassa atthi, tasmā ‘‘bhāgyavā’’ti vattabbe ‘‘bhagavā’’ti vuccatīti ñātabbaṃ. Yasmā pana lobha-dosa-moha-viparītamanasikāra-ahirikānottappa-kodhūpanāha-makkha-paḷāsaissā-macchariya-māyāsāṭheyya-thambha-sārambha-mānātimāna-mada-pamāda-taṇhāvijjā tividhākusalamūla-duccarita-saṃkilesa-mala-visamasaññā-vitakka-papañca-catubbidhavipariyesaāsava-gantha-ogha-yogāgati-taṇhuppādupādāna-pañcacetokhīla-vinibandha-nīvaraṇābhinandanachavivādamūla-taṇhākāya-sattānusaya-aṭṭhamicchatta-navataṇhāmūlaka-dasākusalakama diṭṭhigata-aṭṭhasatataṇhāvicaritappabheda-sabbadaratha-pariḷāha-kilesasatasahassāni, saṅkhepato vā pañca kilesa-abhisaṅkhārakhandhamaccu-devaputta-māre abhañji, tasmā bhaggattā etesaṃ parissayānaṃ bhaggavāti vattabbe bhagavāti vuccati. Āha cettha –

    ‘‘бхаг̇г̇арааг̇о бхаг̇г̇ад̣̇осо, бхаг̇г̇амохо анаасаво;

    ‘‘Bhaggarāgo bhaggadoso, bhaggamoho anāsavo;

    бхаг̇г̇аасса баабагаа д̇хаммаа, бхаг̇аваа д̇зна вужжад̇ий’’д̇и.

    Bhaggāssa pāpakā dhammā, bhagavā tena vuccatī’’ti.

    бхааг̇яаванд̇ад̇ааяа жасса сад̇абун̃н̃аж̇алагкан̣ад̇харасса руубагааяасамбад̇д̇ид̣̇ийбид̇аа ход̇и, бхаг̇г̇ад̣̇осад̇ааяа д̇хаммагааяасамбад̇д̇и. д̇ат̇аа логияабаригкагаанам̣ б̣ахумад̇абхааво, г̇ахадтабаб̣б̣аж̇ид̇зхи абхиг̇аманийяад̇аа, абхиг̇ад̇аанан̃жа нзсам̣ гааяажид̇д̇ад̣̇угкаабанаяанз бадиб̣алабхааво, аамисад̣̇аанад̇хаммад̣̇аанзхи убагаарид̇аа, логияалогуд̇д̇арасукзхи жа самбаяож̇анасамад̇т̇ад̇аа д̣̇ийбид̇аа ход̇и.

    Bhāgyavantatāya cassa satapuññajalakkhaṇadharassa rūpakāyasampattidīpitā hoti, bhaggadosatāya dhammakāyasampatti. Tathā lokiyaparikkhakānaṃ bahumatabhāvo, gahaṭṭhapabbajitehi abhigamanīyatā, abhigatānañca nesaṃ kāyacittadukkhāpanayane paṭibalabhāvo, āmisadānadhammadānehi upakāritā, lokiyalokuttarasukhehi ca sampayojanasamatthatā dīpitā hoti.

    яасмаа жа логз иссарияа-д̇хамма-яаса-сирий-гаама-баяад̇д̇зсу часу д̇хаммзсу бхаг̇асад̣̇д̣̇о вад̇д̇ад̇и, бараман̃жасса сагажид̇д̇з иссарияам̣, ан̣имаа лагхимаад̣̇игам̣ ваа логияасаммад̇ам̣ саб̣б̣аагаарабарибуурам̣ ад̇т̇и д̇ат̇аа логуд̇д̇аро д̇хаммо логад̇д̇аяаб̣яаабаго яат̇аабхужжаг̇ун̣аад̇хиг̇ад̇о ад̇ивияа барисуд̣̇д̇хо яасо, руубагааяад̣̇ассанаб̣яаавадаж̇ананаяанаббасаад̣̇аж̇ананасамад̇т̇аа саб̣б̣аагаарабарибуураа саб̣б̣ан̇г̇абажжан̇г̇асирий, яам̣ яам̣ зд̇зна ижчид̇ам̣ бад̇т̇ид̇ам̣ ад̇д̇ахид̇ам̣ барахид̇ам̣ ваа, д̇асса д̇асса д̇ат̇зва абхинибпаннад̇д̇аа ижчид̇ижчи, д̇ад̇т̇а нибпад̇д̇исан̃н̃ид̇о гаамо, саб̣б̣алогаг̇арубхааваббад̇д̇ихзд̇убхууд̇о саммаавааяаамасан̇каад̇о баяад̇д̇о жа ад̇т̇и; д̇асмаа имзхи бхаг̇зхи яуд̇д̇ад̇д̇ааби бхаг̇аа асса санд̇ийд̇и иминаа ад̇т̇зна бхаг̇аваад̇и вужжад̇и.

    Yasmā ca loke issariya-dhamma-yasa-sirī-kāma-payattesu chasu dhammesu bhagasaddo vattati, paramañcassa sakacitte issariyaṃ, aṇimā laghimādikaṃ vā lokiyasammataṃ sabbākāraparipūraṃ atthi tathā lokuttaro dhammo lokattayabyāpako yathābhuccaguṇādhigato ativiya parisuddho yaso, rūpakāyadassanabyāvaṭajananayanappasādajananasamatthā sabbākāraparipūrā sabbaṅgapaccaṅgasirī, yaṃ yaṃ etena icchitaṃ patthitaṃ attahitaṃ parahitaṃ vā, tassa tassa tatheva abhinipphannattā icchiticchi, tattha nipphattisaññito kāmo, sabbalokagarubhāvappattihetubhūto sammāvāyāmasaṅkhāto payatto ca atthi; tasmā imehi bhagehi yuttattāpi bhagā assa santīti iminā atthena bhagavāti vuccati.

    яасмаа бана гусалаад̣̇ийхи бхзд̣̇зхи саб̣б̣ад̇хаммз, канд̇хааяад̇ана-д̇хаад̇усажжа-инд̣̇рияабадижжасамуббаад̣̇аад̣̇ийхи ваа гусалаад̣̇ид̇хаммз, бийл̣ана-сан̇кад̇а-санд̇аабавибарин̣аамадтзна ваа д̣̇угкамарияасажжам̣, ааяуухана-нид̣̇аана-сам̣яог̇а-балиб̣од̇хадтзна самуд̣̇аяам̣, ниссаран̣авивзгаасан̇кад̇а-амад̇адтзна нирод̇хам̣, нияяаана-хзд̇у-д̣̇ассанаад̇хибад̇зяяадтзна маг̇г̇ам̣ вибхад̇д̇аваа, вибхаж̇ид̇ваа виварид̇ваа д̣̇зсид̇аваад̇и вуд̇д̇ам̣ ход̇и. д̇асмаа вибхад̇д̇аваад̇и вад̇д̇аб̣б̣з бхаг̇аваад̇и вужжад̇и .

    Yasmā pana kusalādīhi bhedehi sabbadhamme, khandhāyatana-dhātusacca-indriyapaṭiccasamuppādādīhi vā kusalādidhamme, pīḷana-saṅkhata-santāpavipariṇāmaṭṭhena vā dukkhamariyasaccaṃ, āyūhana-nidāna-saṃyoga-palibodhaṭṭhena samudayaṃ, nissaraṇavivekāsaṅkhata-amataṭṭhena nirodhaṃ, niyyāna-hetu-dassanādhipateyyaṭṭhena maggaṃ vibhattavā, vibhajitvā vivaritvā desitavāti vuttaṃ hoti. Tasmā vibhattavāti vattabbe bhagavāti vuccati .

    яасмаа жа зса д̣̇иб̣б̣аб̣рахмаарияавихаарз гааяажид̇д̇аубад̇хививзгз сун̃н̃ад̇аббан̣ихид̇аанимид̇д̇авимогкз ан̃н̃з жа логияалогуд̇д̇арз уд̇д̇аримануссад̇хаммз бхаж̇и сзви б̣ахуламагааси, д̇асмаа бхад̇д̇аваад̇и вад̇д̇аб̣б̣з бхаг̇аваад̇и вужжад̇и.

    Yasmā ca esa dibbabrahmaariyavihāre kāyacittaupadhiviveke suññatappaṇihitānimittavimokkhe aññe ca lokiyalokuttare uttarimanussadhamme bhaji sevi bahulamakāsi, tasmā bhattavāti vattabbe bhagavāti vuccati.

    яасмаа бана д̇ийсу бхавзсу д̇ан̣хаасан̇каад̇ам̣ г̇аманаманзна ванд̇ам̣, д̇асмаа бхавзсу ванд̇аг̇аманод̇и вад̇д̇аб̣б̣з бхавасад̣̇д̣̇ад̇о бхагаарам̣, г̇аманасад̣̇д̣̇ад̇о г̇агаарам̣, ванд̇асад̣̇д̣̇ад̇о вагааран̃жа д̣̇ийгхам̣ гад̇ваа аад̣̇ааяа бхаг̇аваад̇и вужжад̇и. яат̇аа логз ‘‘мзханасса касса маалаа’’д̇и вад̇д̇аб̣б̣з ‘‘мзкалаа’’д̇и вужжад̇и.

    Yasmā pana tīsu bhavesu taṇhāsaṅkhātaṃ gamanamanena vantaṃ, tasmā bhavesu vantagamanoti vattabbe bhavasaddato bhakāraṃ, gamanasaddato gakāraṃ, vantasaddato vakārañca dīghaṃ katvā ādāya bhagavāti vuccati. Yathā loke ‘‘mehanassa khassa mālā’’ti vattabbe ‘‘mekhalā’’ti vuccati.

    со имам̣ логанд̇и со бхаг̇аваа имам̣ логам̣. ид̣̇аани вад̇д̇аб̣б̣ам̣ нид̣̇ассзд̇и. сад̣̇зваганд̇и саха д̣̇звзхи сад̣̇звагам̣; звам̣ саха маарзна самаарагам̣; саха б̣рахмунаа саб̣рахмагам̣; саха саман̣аб̣раахман̣зхи сассаман̣аб̣раахман̣им̣; баж̇аад̇ад̇д̇аа баж̇аа, д̇ам̣ баж̇ам̣; саха д̣̇звамануссзхи сад̣̇звамануссам̣. д̇ад̇т̇а сад̣̇звагаважанзна бан̃жагаамааважарад̣̇зваг̇г̇ахан̣ам̣ взд̣̇ид̇аб̣б̣ам̣, самаарагаважанзна чадтагаамааважарад̣̇зваг̇г̇ахан̣ам̣, саб̣рахмагаважанзна б̣рахмагааяигаад̣̇иб̣рахмаг̇г̇ахан̣ам̣, сассаман̣аб̣раахман̣ийважанзна саасанасса бажжад̇т̇игабажжаамид̇д̇асаман̣аб̣раахман̣аг̇г̇ахан̣ам̣, самид̇абааба-б̣аахид̇абааба-саман̣аб̣раахман̣аг̇г̇ахан̣ан̃жа, баж̇ааважанзна сад̇д̇алогаг̇г̇ахан̣ам̣, сад̣̇звамануссаважанзна саммуд̇ид̣̇зваавасзсамануссаг̇г̇ахан̣ам̣. звамзд̇т̇а д̇ийхи бад̣̇зхи огаасалого, д̣̇вийхи баж̇аавасзна сад̇д̇алого г̇ахид̇од̇и взд̣̇ид̇аб̣б̣о.

    So imaṃ lokanti so bhagavā imaṃ lokaṃ. Idāni vattabbaṃ nidasseti. Sadevakanti saha devehi sadevakaṃ; evaṃ saha mārena samārakaṃ; saha brahmunā sabrahmakaṃ; saha samaṇabrāhmaṇehi sassamaṇabrāhmaṇiṃ; pajātattā pajā, taṃ pajaṃ; saha devamanussehi sadevamanussaṃ. Tattha sadevakavacanena pañcakāmāvacaradevaggahaṇaṃ veditabbaṃ, samārakavacanena chaṭṭhakāmāvacaradevaggahaṇaṃ, sabrahmakavacanena brahmakāyikādibrahmaggahaṇaṃ, sassamaṇabrāhmaṇīvacanena sāsanassa paccatthikapaccāmittasamaṇabrāhmaṇaggahaṇaṃ, samitapāpa-bāhitapāpa-samaṇabrāhmaṇaggahaṇañca, pajāvacanena sattalokaggahaṇaṃ, sadevamanussavacanena sammutidevaavasesamanussaggahaṇaṃ. Evamettha tīhi padehi okāsaloko, dvīhi pajāvasena sattaloko gahitoti veditabbo.

    абаро наяо – сад̣̇звагаг̇г̇ахан̣зна аруубааважарад̣̇звалого г̇ахид̇о, самаарагаг̇г̇ахан̣зна чагаамааважарад̣̇звалогаа, саб̣рахмагаг̇г̇ахан̣зна руубийб̣рахмалого, сассаман̣аб̣раахман̣аад̣̇иг̇г̇ахан̣зна жад̇убарисавасзна саммуд̇ид̣̇звзхи ваа саха мануссалого, авасзсасаб̣б̣асад̇д̇алого ваа.

    Aparo nayo – sadevakaggahaṇena arūpāvacaradevaloko gahito, samārakaggahaṇena chakāmāvacaradevalokā, sabrahmakaggahaṇena rūpībrahmaloko, sassamaṇabrāhmaṇādiggahaṇena catuparisavasena sammutidevehi vā saha manussaloko, avasesasabbasattaloko vā.

    абижзд̇т̇а сад̣̇звагаважанзна уггадтабарижчзд̣̇ад̇о саб̣б̣ассааби логасса сажчигад̇абхаавам̣ саад̇хзнд̇о д̇асса бхаг̇авад̇о гид̇д̇исад̣̇д̣̇о аб̣бхуг̇г̇ад̇о. д̇ад̇о язсам̣ сияаа – ‘‘мааро махаанубхааво чагаамааважариссаро васавад̇д̇ий; гим̣ соби зд̇зна сажчигад̇о’’д̇и? д̇зсам̣ вимад̇им̣ вид̇хаманд̇о самаараганд̇и аб̣бхуг̇г̇ад̇о. язсам̣ бана сияаа – ‘‘б̣рахмаа махаанубхааво зган̇г̇улияаа згасмим̣ жаггаваал̣асахассз аалогам̣ парад̇и, д̣̇вийхи…бз… д̣̇асахи ан̇г̇улийхи д̣̇асасу жаггаваал̣асахассзсу аалогам̣ парад̇и, ануд̇д̇аран̃жа жхаанасамаабад̇д̇исукам̣ бадисам̣взд̣̇зд̇и, гим̣ соби сажчигад̇о’’д̇и? д̇зсам̣ вимад̇им̣ вид̇хаманд̇о саб̣рахмаганд̇и аб̣бхуг̇г̇ад̇о. д̇ад̇о язсам̣ сияаа – ‘‘бут̇уусаман̣аб̣раахман̣аа саасанабажжад̇т̇игаа, гим̣ д̇зби сажчигад̇аа’’д̇и? д̇зсам̣ вимад̇им̣ вид̇хаманд̇о сассаман̣аб̣раахман̣им̣ баж̇анд̇и аб̣бхуг̇г̇ад̇о. звам̣ уггадтуггадтаанам̣ сажчигад̇абхаавам̣ багаасзд̇ваа ат̇а саммуд̇ид̣̇звз авасзсамануссз жа убаад̣̇ааяа уггадтабарижчзд̣̇авасзна сзсасад̇д̇алогасса сажчигад̇абхаавам̣ багаасзнд̇о сад̣̇звамануссанд̇и аб̣бхуг̇г̇ад̇о. аяамзд̇т̇аанусанд̇хиггамо.

    Apicettha sadevakavacanena ukkaṭṭhaparicchedato sabbassāpi lokassa sacchikatabhāvaṃ sādhento tassa bhagavato kittisaddo abbhuggato. Tato yesaṃ siyā – ‘‘māro mahānubhāvo chakāmāvacarissaro vasavattī; kiṃ sopi etena sacchikato’’ti? Tesaṃ vimatiṃ vidhamanto samārakanti abbhuggato. Yesaṃ pana siyā – ‘‘brahmā mahānubhāvo ekaṅguliyā ekasmiṃ cakkavāḷasahasse ālokaṃ pharati, dvīhi…pe… dasahi aṅgulīhi dasasu cakkavāḷasahassesu ālokaṃ pharati, anuttarañca jhānasamāpattisukhaṃ paṭisaṃvedeti, kiṃ sopi sacchikato’’ti? Tesaṃ vimatiṃ vidhamanto sabrahmakanti abbhuggato. Tato yesaṃ siyā – ‘‘puthūsamaṇabrāhmaṇā sāsanapaccatthikā, kiṃ tepi sacchikatā’’ti? Tesaṃ vimatiṃ vidhamanto sassamaṇabrāhmaṇiṃ pajanti abbhuggato. Evaṃ ukkaṭṭhukkaṭṭhānaṃ sacchikatabhāvaṃ pakāsetvā atha sammutideve avasesamanusse ca upādāya ukkaṭṭhaparicchedavasena sesasattalokassa sacchikatabhāvaṃ pakāsento sadevamanussanti abbhuggato. Ayametthānusandhikkamo.

    саяам̣ абхин̃н̃аа сажчигад̇ваа бавзд̣̇зд̇ийд̇и зд̇т̇а бана саяанд̇и саамам̣, абаранзяяо худ̇ваа; абхин̃н̃аад̇и абхин̃н̃ааяа, ад̇хигзна н̃аан̣зна н̃ад̇ваад̇и ад̇т̇о. сажчигад̇ваад̇и бажжагкам̣ гад̇ваа, зд̇зна анумаанаад̣̇ибадигкзбо гад̇о ход̇и. бавзд̣̇зд̇ийд̇и б̣од̇хзд̇и н̃аабзд̇и багаасзд̇и. со д̇хаммам̣ д̣̇зсзд̇и аад̣̇игаляаан̣ам̣…бз… барияосаанагаляаан̣анд̇и со бхаг̇аваа сад̇д̇зсу гаарун̃н̃ад̇ам̣ бадижжа хид̇вааби ануд̇д̇арам̣ вивзгасукам̣ д̇хаммам̣ д̣̇зсзд̇и. д̇ан̃жа ко аббам̣ ваа б̣ахум̣ ваа д̣̇зсзнд̇о аад̣̇игаляаан̣аад̣̇иббагаарамзва д̣̇зсзд̇и.

    Sayaṃ abhiññā sacchikatvā pavedetīti ettha pana sayanti sāmaṃ, aparaneyyo hutvā; abhiññāti abhiññāya, adhikena ñāṇena ñatvāti attho. Sacchikatvāti paccakkhaṃ katvā, etena anumānādipaṭikkhepo kato hoti. Pavedetīti bodheti ñāpeti pakāseti. So dhammaṃ deseti ādikalyāṇaṃ…pe… pariyosānakalyāṇanti so bhagavā sattesu kāruññataṃ paṭicca hitvāpi anuttaraṃ vivekasukhaṃ dhammaṃ deseti. Tañca kho appaṃ vā bahuṃ vā desento ādikalyāṇādippakārameva deseti.

    гат̇ам̣? згаг̇аат̇ааби хи саманд̇абхад̣̇рагад̇д̇аа д̇хаммасса батамабаад̣̇зна аад̣̇игаляаан̣аа, д̣̇уд̇ияад̇ад̇ияабаад̣̇зхи маж̇жхзгаляаан̣аа, бажчимабаад̣̇зна барияосаанагаляаан̣аа. згаанусанд̇хигам̣ суд̇д̇ам̣ нид̣̇аанзна аад̣̇игаляаан̣ам̣, ниг̇аманзна барияосаанагаляаан̣ам̣, сзсзна маж̇жхзгаляаан̣ам̣. наанаанусанд̇хигам̣ суд̇д̇ам̣ батамаанусанд̇хинаа аад̣̇игаляаан̣ам̣, бажчимзна барияосаанагаляаан̣ам̣, сзсзхи маж̇жхзгаляаан̣ам̣. сагалоби саасанад̇хаммо ад̇д̇ано ад̇т̇абхууд̇зна сийлзна аад̣̇игаляаан̣о, самат̇авибассанаамаг̇г̇апалзхи маж̇жхзгаляаан̣о, ниб̣б̣аанзна барияосаанагаляаан̣о. сийласамаад̇хийхи ваа аад̣̇игаляаан̣о, вибассанаамаг̇г̇зхи маж̇жхзгаляаан̣о, паланиб̣б̣аанзхи барияосаанагаляаан̣о . б̣уд̣̇д̇хасуб̣од̇хид̇ааяа ваа аад̣̇игаляаан̣о, д̇хаммасуд̇хаммад̇ааяа маж̇жхзгаляаан̣о, сан̇гхасуббадибад̇д̇ияаа барияосаанагаляаан̣о. д̇ам̣ суд̇ваа д̇ат̇ад̇д̇ааяа бадибаннзна ад̇хиг̇анд̇аб̣б̣ааяа абхисамб̣од̇хияаа ваа аад̣̇игаляаан̣о, бажжзгаб̣од̇хияаа маж̇жхзгаляаан̣о, саавагаб̣од̇хияаа барияосаанагаляаан̣о. суяяамаано жзса нийваран̣авигкамбханад̇о саванзнаби галяаан̣амзва аавахад̇ийд̇и аад̣̇игаляаан̣о, бадибаж̇ж̇ияамаано самат̇авибассанаасукааваханад̇о бадибад̇д̇ияааби галяаан̣амзва аавахад̇ийд̇и маж̇жхзгаляаан̣о, д̇ат̇аа бадибанно жа бадибад̇д̇ипалз нидтид̇з д̇аад̣̇ибхаавааваханад̇о бадибад̇д̇ипалзнаби галяаан̣амзва аавахад̇ийд̇и барияосаанагаляаан̣о. наат̇аббабхавад̇д̇аа жа бабхавасуд̣̇д̇хияаа аад̣̇игаляаан̣о, ад̇т̇асуд̣̇д̇хияаа маж̇жхзгаляаан̣о , гижжасуд̣̇д̇хияаа барияосаанагаляаан̣о. д̇асмаа зсо бхаг̇аваа аббам̣ ваа б̣ахум̣ ваа д̣̇зсзнд̇о аад̣̇игаляаан̣аад̣̇иббагаарамзва д̣̇зсзд̇ийд̇и взд̣̇ид̇аб̣б̣о.

    Kathaṃ? Ekagāthāpi hi samantabhadrakattā dhammassa paṭhamapādena ādikalyāṇā, dutiyatatiyapādehi majjhekalyāṇā, pacchimapādena pariyosānakalyāṇā. Ekānusandhikaṃ suttaṃ nidānena ādikalyāṇaṃ, nigamanena pariyosānakalyāṇaṃ, sesena majjhekalyāṇaṃ. Nānānusandhikaṃ suttaṃ paṭhamānusandhinā ādikalyāṇaṃ, pacchimena pariyosānakalyāṇaṃ, sesehi majjhekalyāṇaṃ. Sakalopi sāsanadhammo attano atthabhūtena sīlena ādikalyāṇo, samathavipassanāmaggaphalehi majjhekalyāṇo, nibbānena pariyosānakalyāṇo. Sīlasamādhīhi vā ādikalyāṇo, vipassanāmaggehi majjhekalyāṇo, phalanibbānehi pariyosānakalyāṇo . Buddhasubodhitāya vā ādikalyāṇo, dhammasudhammatāya majjhekalyāṇo, saṅghasuppaṭipattiyā pariyosānakalyāṇo. Taṃ sutvā tathattāya paṭipannena adhigantabbāya abhisambodhiyā vā ādikalyāṇo, paccekabodhiyā majjhekalyāṇo, sāvakabodhiyā pariyosānakalyāṇo. Suyyamāno cesa nīvaraṇavikkhambhanato savanenapi kalyāṇameva āvahatīti ādikalyāṇo, paṭipajjiyamāno samathavipassanāsukhāvahanato paṭipattiyāpi kalyāṇameva āvahatīti majjhekalyāṇo, tathā paṭipanno ca paṭipattiphale niṭṭhite tādibhāvāvahanato paṭipattiphalenapi kalyāṇameva āvahatīti pariyosānakalyāṇo. Nāthappabhavattā ca pabhavasuddhiyā ādikalyāṇo, atthasuddhiyā majjhekalyāṇo , kiccasuddhiyā pariyosānakalyāṇo. Tasmā eso bhagavā appaṃ vā bahuṃ vā desento ādikalyāṇādippakārameva desetīti veditabbo.

    саад̇т̇ам̣ саб̣яан̃ж̇ананд̇и звамаад̣̇ийсу бана яасмаа имам̣ д̇хаммам̣ д̣̇зсзнд̇о саасанаб̣рахмажарияам̣ маг̇г̇аб̣рахмажарияан̃жа багаасзд̇и, наанаанаязхи д̣̇ийбзд̇и; д̇ан̃жа яат̇аануруубам̣ ад̇т̇асамбад̇д̇ияаа саад̇т̇ам̣, б̣яан̃ж̇анасамбад̇д̇ияаа саб̣яан̃ж̇анам̣. сан̇гаасанабагаасана-виваран̣а-вибхаж̇ана-уд̇д̇аанийгаран̣а-бан̃н̃ад̇д̇и-ад̇т̇абад̣̇асамааяог̇ад̇о саад̇т̇ам̣, агкарабад̣̇а-б̣яан̃ж̇анаагааранируд̇д̇инид̣̇д̣̇зсасамбад̇д̇ияаа саб̣яан̃ж̇анам̣. ад̇т̇аг̇амбхийрад̇аа-бадивзд̇хаг̇амбхийрад̇аахи саад̇т̇ам̣, д̇хаммаг̇амбхийрад̇аад̣̇зсанааг̇амбхийрад̇аахи саб̣яан̃ж̇анам̣. ад̇т̇абадибхаанабадисамбхид̣̇аависаяад̇о саад̇т̇ам̣, д̇хамманируд̇д̇ибадисамбхид̣̇аависаяад̇о саб̣яан̃ж̇анам̣. бан̣д̣ид̇авзд̣̇анийяад̇о баригкагаж̇анаббасаад̣̇аганд̇и саад̇т̇ам̣, сад̣̇д̇хзяяад̇о логияаж̇анаббасаад̣̇аганд̇и саб̣яан̃ж̇анам̣. г̇амбхийраад̇хиббааяад̇о саад̇т̇ам̣, уд̇д̇аанабад̣̇ад̇о саб̣яан̃ж̇анам̣. убанзд̇аб̣б̣асса абхаавад̇о сагалабарибун̣н̣абхаавзна гзвалабарибун̣н̣ам̣; абанзд̇аб̣б̣асса абхаавад̇о нид̣̇д̣̇осабхаавзна барисуд̣̇д̇хам̣; сигкад̇д̇аяабариг̇г̇ахид̇ад̇д̇аа б̣рахмабхууд̇зхи сздтзхи жарид̇аб̣б̣ад̇о д̇зсан̃жа жарияабхаавад̇о б̣рахмажарияам̣. д̇асмаа ‘‘саад̇т̇ам̣ саб̣яан̃ж̇анам̣…бз… б̣рахмажарияам̣ багаасзд̇ий’’д̇и вужжад̇и.

    Sātthaṃ sabyañjananti evamādīsu pana yasmā imaṃ dhammaṃ desento sāsanabrahmacariyaṃ maggabrahmacariyañca pakāseti, nānānayehi dīpeti; tañca yathānurūpaṃ atthasampattiyā sātthaṃ, byañjanasampattiyā sabyañjanaṃ. Saṅkāsanapakāsana-vivaraṇa-vibhajana-uttānīkaraṇa-paññatti-atthapadasamāyogato sātthaṃ, akkharapada-byañjanākāraniruttiniddesasampattiyā sabyañjanaṃ. Atthagambhīratā-paṭivedhagambhīratāhi sātthaṃ, dhammagambhīratādesanāgambhīratāhi sabyañjanaṃ. Atthapaṭibhānapaṭisambhidāvisayato sātthaṃ, dhammaniruttipaṭisambhidāvisayato sabyañjanaṃ. Paṇḍitavedanīyato parikkhakajanappasādakanti sātthaṃ, saddheyyato lokiyajanappasādakanti sabyañjanaṃ. Gambhīrādhippāyato sātthaṃ, uttānapadato sabyañjanaṃ. Upanetabbassa abhāvato sakalaparipuṇṇabhāvena kevalaparipuṇṇaṃ; apanetabbassa abhāvato niddosabhāvena parisuddhaṃ; sikkhattayapariggahitattā brahmabhūtehi seṭṭhehi caritabbato tesañca cariyabhāvato brahmacariyaṃ. Tasmā ‘‘sātthaṃ sabyañjanaṃ…pe… brahmacariyaṃ pakāsetī’’ti vuccati.

    абижа яасмаа санид̣̇аанам̣ сауббад̇д̇иган̃жа д̣̇зсзнд̇о аад̣̇игаляаан̣ам̣ д̣̇зсзд̇и, взнзяяаанам̣ ануруубад̇о ад̇т̇асса авибарийд̇ад̇ааяа жа хзд̇уд̣̇аахаран̣аяуд̇д̇ад̇о жа маж̇жхзгаляаан̣ам̣, сод̇уунам̣ сад̣̇д̇хаабадилаабхзна ниг̇аманзна жа барияосаанагаляаан̣ам̣ д̣̇зсзд̇и. звам̣ д̣̇зсзнд̇о жа б̣рахмажарияам̣ багаасзд̇и. д̇ан̃жа бадибад̇д̇ияаа ад̇хиг̇амаб̣яад̇д̇ид̇о саад̇т̇ам̣, барияад̇д̇ияаа ааг̇амаб̣яад̇д̇ид̇о саб̣яан̃ж̇анам̣, сийлаад̣̇ибан̃жад̇хаммагканд̇хаяуд̇д̇ад̇о гзвалабарибун̣н̣ам̣, нирубаггилзсад̇о нид̇т̇аран̣ад̇т̇ааяа бавад̇д̇ид̇о логаамисанирабзгкад̇о жа барисуд̣̇д̇хам̣, сздтадтзна б̣рахмабхууд̇аанам̣ б̣уд̣̇д̇ха-бажжзгаб̣уд̣̇д̇ха-б̣уд̣̇д̇хасаавагаанам̣ жарияад̇о ‘‘б̣рахмажарияа’’нд̇и вужжад̇и. д̇асмааби ‘‘со д̇хаммам̣ д̣̇зсзд̇и аад̣̇игаляаан̣ам̣…бз… б̣рахмажарияам̣ багаасзд̇ий’’д̇и вужжад̇и.

    Apica yasmā sanidānaṃ sauppattikañca desento ādikalyāṇaṃ deseti, veneyyānaṃ anurūpato atthassa aviparītatāya ca hetudāharaṇayuttato ca majjhekalyāṇaṃ, sotūnaṃ saddhāpaṭilābhena nigamanena ca pariyosānakalyāṇaṃ deseti. Evaṃ desento ca brahmacariyaṃ pakāseti. Tañca paṭipattiyā adhigamabyattito sātthaṃ, pariyattiyā āgamabyattito sabyañjanaṃ, sīlādipañcadhammakkhandhayuttato kevalaparipuṇṇaṃ, nirupakkilesato nittharaṇatthāya pavattito lokāmisanirapekkhato ca parisuddhaṃ, seṭṭhaṭṭhena brahmabhūtānaṃ buddha-paccekabuddha-buddhasāvakānaṃ cariyato ‘‘brahmacariya’’nti vuccati. Tasmāpi ‘‘so dhammaṃ deseti ādikalyāṇaṃ…pe… brahmacariyaṃ pakāsetī’’ti vuccati.

    саад̇ху ко банаад̇и сунд̣̇арам̣ ко бана ад̇т̇аавахам̣ сукааваханд̇и вуд̇д̇ам̣ ход̇и. д̇ат̇ааруубаанам̣ арахад̇анд̇и яат̇ааруубо со бхава г̇од̇амо, зваруубаанам̣ яат̇аабхужжаг̇ун̣аад̇хиг̇амзна логз араханд̇од̇и лад̣̇д̇хасад̣̇д̣̇аанам̣ арахад̇ам̣. д̣̇ассанам̣ ход̇ийд̇и басаад̣̇асоммаани агкийни уммийлид̇ваа ‘‘д̣̇ассанамад̇д̇амби саад̇ху ход̇ий’’д̇и звам̣ аж̇жхаасаяам̣ гад̇ваа ат̇а ко взран̃ж̇о б̣раахман̣о язна бхаг̇аваа д̇знубасан̇гамийд̇и.

    Sādhu kho panāti sundaraṃ kho pana atthāvahaṃ sukhāvahanti vuttaṃ hoti. Tathārūpānaṃ arahatanti yathārūpo so bhava gotamo, evarūpānaṃ yathābhuccaguṇādhigamena loke arahantoti laddhasaddānaṃ arahataṃ. Dassanaṃ hotīti pasādasommāni akkhīni ummīlitvā ‘‘dassanamattampi sādhu hotī’’ti evaṃ ajjhāsayaṃ katvā atha kho verañjo brāhmaṇo yena bhagavā tenupasaṅkamīti.

    2. язнаад̇и бхуммад̇т̇з гаран̣аважанам̣. д̇асмаа яад̇т̇а бхаг̇аваа д̇ад̇т̇а убасан̇гамийд̇и звамзд̇т̇а ад̇т̇о д̣̇адтаб̣б̣о . язна ваа гааран̣зна бхаг̇аваа д̣̇звамануссзхи убасан̇гамид̇аб̣б̣о, д̇зна гааран̣зна убасан̇гамийд̇и звамзд̇т̇а ад̇т̇о д̣̇адтаб̣б̣о. гзна жа гааран̣зна бхаг̇аваа убасан̇гамид̇аб̣б̣о? наанаббагаараг̇ун̣ависзсаад̇хиг̇амаад̇хиббааязна, саад̣̇упалуубабхог̇аад̇хиббааязна д̣̇иж̇аг̇ан̣зхи нижжапалид̇амахааругко вияа. убасан̇гамийд̇и жа г̇ад̇од̇и вуд̇д̇ам̣ ход̇и. убасан̇гамид̇ваад̇и убасан̇гаманабарияосаанад̣̇ийбанам̣. ат̇а ваа звам̣ г̇ад̇о д̇ад̇о аасаннад̇арам̣ таанам̣ бхаг̇авад̇о самийбасан̇каад̇ам̣ г̇анд̇ваад̇иби вуд̇д̇ам̣ ход̇и.

    2.Yenāti bhummatthe karaṇavacanaṃ. Tasmā yattha bhagavā tattha upasaṅkamīti evamettha attho daṭṭhabbo . Yena vā kāraṇena bhagavā devamanussehi upasaṅkamitabbo, tena kāraṇena upasaṅkamīti evamettha attho daṭṭhabbo. Kena ca kāraṇena bhagavā upasaṅkamitabbo? Nānappakāraguṇavisesādhigamādhippāyena, sāduphalūpabhogādhippāyena dijagaṇehi niccaphalitamahārukkho viya. Upasaṅkamīti ca gatoti vuttaṃ hoti. Upasaṅkamitvāti upasaṅkamanapariyosānadīpanaṃ. Atha vā evaṃ gato tato āsannataraṃ ṭhānaṃ bhagavato samīpasaṅkhātaṃ gantvātipi vuttaṃ hoti.

    бхаг̇авад̇аа сад̣̇д̇хим̣ саммод̣̇ийд̇и яат̇аа каманийяаад̣̇ийни бужчанд̇о бхаг̇аваа д̇зна, звам̣ соби бхаг̇авад̇аа сад̣̇д̇хим̣ самаббавад̇д̇амод̣̇о ахоси, сийд̇од̣̇агам̣ вияа ун̣ход̣̇агзна саммод̣̇ид̇ам̣ згийбхаавам̣ аг̇амааси. яааяа жа ‘‘гажжи, бхо, г̇од̇ама, каманийяам̣; гажжи яаабанийяам̣, гажжи бход̇о г̇од̇амасса, жа саавагаанан̃жа аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихааро’’д̇иаад̣̇игааяа гат̇ааяа саммод̣̇и, д̇ам̣ бийд̇ибаамож̇ж̇асан̇каад̇ам̣ саммод̣̇ам̣ ж̇ананад̇о саммод̣̇ид̇ум̣ яуд̇д̇абхаавад̇о жа саммод̣̇анийяам̣. ад̇т̇аб̣яан̃ж̇анамад̇хурад̇ааяа сужирамби гаалам̣ саарзд̇ум̣ ниранд̇арам̣ бавад̇д̇зд̇ум̣ арахаруубад̇о сарид̇аб̣б̣абхаавад̇о жа сааран̣ийяам̣, суяяамаанасукад̇о ваа саммод̣̇анийяам̣, ануссарияамаанасукад̇о сааран̣ийяам̣. д̇ат̇аа б̣яан̃ж̇анабарисуд̣̇д̇хад̇ааяа саммод̣̇анийяам̣, ад̇т̇абарисуд̣̇д̇хад̇ааяа сааран̣ийяанд̇и. звам̣ анзгзхи барияааязхи саммод̣̇анийяам̣ сааран̣ийяам̣ гат̇ам̣ вийд̇исаарзд̇ваа барияосаабзд̇ваа нидтаабзд̇ваа язнад̇т̇зна ааг̇ад̇о д̇ам̣ бужчид̇угаамо згаманд̇ам̣ нисийд̣̇и.

    Bhagavatā saddhiṃ sammodīti yathā khamanīyādīni pucchanto bhagavā tena, evaṃ sopi bhagavatā saddhiṃ samappavattamodo ahosi, sītodakaṃ viya uṇhodakena sammoditaṃ ekībhāvaṃ agamāsi. Yāya ca ‘‘kacci, bho, gotama, khamanīyaṃ; kacci yāpanīyaṃ, kacci bhoto gotamassa, ca sāvakānañca appābādhaṃ appātaṅkaṃ lahuṭṭhānaṃ balaṃ phāsuvihāro’’tiādikāya kathāya sammodi, taṃ pītipāmojjasaṅkhātaṃ sammodaṃ jananato sammodituṃ yuttabhāvato ca sammodanīyaṃ. Atthabyañjanamadhuratāya sucirampi kālaṃ sāretuṃ nirantaraṃ pavattetuṃ araharūpato saritabbabhāvato ca sāraṇīyaṃ, suyyamānasukhato vā sammodanīyaṃ, anussariyamānasukhato sāraṇīyaṃ. Tathā byañjanaparisuddhatāya sammodanīyaṃ, atthaparisuddhatāya sāraṇīyanti. Evaṃ anekehi pariyāyehi sammodanīyaṃ sāraṇīyaṃ kathaṃ vītisāretvā pariyosāpetvā niṭṭhāpetvā yenatthena āgato taṃ pucchitukāmo ekamantaṃ nisīdi.

    згаманд̇анд̇и бхааванабум̣саганид̣̇д̣̇зсо ‘‘висамам̣ жанд̣̇имасуурияаа баривад̇д̇анд̇ий’’д̇иаад̣̇ийсу (а. ни. 4.70) вияа. д̇асмаа яат̇аа нисинно згаманд̇ам̣ нисинно ход̇и д̇ат̇аа нисийд̣̇ийд̇и звамзд̇т̇а ад̇т̇о д̣̇адтаб̣б̣о. бхуммад̇т̇з ваа зд̇ам̣ убаяог̇аважанам̣. нисийд̣̇ийд̇и убаависи. бан̣д̣ид̇аа хи бурисаа г̇арудтаанияам̣ убасан̇гамид̇ваа аасанагусалад̇ааяа згаманд̇ам̣ нисийд̣̇анд̇и. аяан̃жа д̇зсам̣ ан̃н̃ад̇аро, д̇асмаа згаманд̇ам̣ нисийд̣̇и.

    Ekamantanti bhāvanapuṃsakaniddeso ‘‘visamaṃ candimasūriyā parivattantī’’tiādīsu (a. ni. 4.70) viya. Tasmā yathā nisinno ekamantaṃ nisinno hoti tathā nisīdīti evamettha attho daṭṭhabbo. Bhummatthe vā etaṃ upayogavacanaṃ. Nisīdīti upāvisi. Paṇḍitā hi purisā garuṭṭhāniyaṃ upasaṅkamitvā āsanakusalatāya ekamantaṃ nisīdanti. Ayañca tesaṃ aññataro, tasmā ekamantaṃ nisīdi.

    гат̇ам̣ нисинно бана згаманд̇ам̣ нисинно ход̇ийд̇и? ча нисаж̇ж̇ад̣̇осз важ̇ж̇зд̇ваа. сзяяат̇ид̣̇ам̣ – ад̇ид̣̇уурам̣, ажжаасаннам̣, убариваад̇ам̣, уннад̇аббад̣̇зсам̣, ад̇исаммукам̣, ад̇ибажчаад̇и. ад̇ид̣̇уурз нисинно хи сажз гат̇зд̇угаамо ход̇и ужжаасад̣̇д̣̇зна гат̇зд̇аб̣б̣ам̣ ход̇и. ажжаасаннз нисинно сан̇гхадданам̣ гарод̇и. убариваад̇з нисинно сарийраг̇анд̇хзна б̣аад̇хад̇и. уннад̇аббад̣̇зсз нисинно аг̇ааравам̣ багаасзд̇и. ад̇исаммукаа нисинно сажз д̣̇адтугаамо ход̇и, жагкунаа жагкум̣ аахажжа д̣̇адтаб̣б̣ам̣ ход̇и. ад̇ибажчаа нисинно сажз д̣̇адтугаамо ход̇и г̇ийвам̣ басаарзд̇ваа д̣̇адтаб̣б̣ам̣ ход̇и. д̇асмаа аяамби зд̇з ча нисаж̇ж̇ад̣̇осз важ̇ж̇зд̇ваа нисийд̣̇и. д̇зна вуд̇д̇ам̣ – ‘‘згаманд̇ам̣ нисийд̣̇ий’’д̇и.

    Kathaṃ nisinno pana ekamantaṃ nisinno hotīti? Cha nisajjadose vajjetvā. Seyyathidaṃ – atidūraṃ, accāsannaṃ, uparivātaṃ, unnatappadesaṃ, atisammukhaṃ, atipacchāti. Atidūre nisinno hi sace kathetukāmo hoti uccāsaddena kathetabbaṃ hoti. Accāsanne nisinno saṅghaṭṭanaṃ karoti. Uparivāte nisinno sarīragandhena bādhati. Unnatappadese nisinno agāravaṃ pakāseti. Atisammukhā nisinno sace daṭṭhukāmo hoti, cakkhunā cakkhuṃ āhacca daṭṭhabbaṃ hoti. Atipacchā nisinno sace daṭṭhukāmo hoti gīvaṃ pasāretvā daṭṭhabbaṃ hoti. Tasmā ayampi ete cha nisajjadose vajjetvā nisīdi. Tena vuttaṃ – ‘‘ekamantaṃ nisīdī’’ti.

    згаманд̇ам̣ нисинно ко взран̃ж̇о б̣раахман̣о бхаг̇аванд̇ам̣ зд̇ад̣̇авожаад̇и зд̇анд̇и ид̣̇аани вад̇д̇аб̣б̣амад̇т̇ам̣ д̣̇ассзд̇и. д̣̇агааро бад̣̇асанд̇хигаро. авожаад̇и абхааси. суд̇ам̣ мзд̇анд̇и суд̇ам̣ мз зд̇ам̣, зд̇ам̣ маяаа суд̇анд̇и ид̣̇аани вад̇д̇аб̣б̣амад̇т̇ам̣ д̣̇ассзд̇и. бхо г̇од̇амаад̇и бхаг̇аванд̇ам̣ г̇од̇д̇зна аалабад̇и.

    Ekamantaṃ nisinno kho verañjo brāhmaṇo bhagavantaṃ etadavocāti etanti idāni vattabbamatthaṃ dasseti. Dakāro padasandhikaro. Avocāti abhāsi. Sutaṃ metanti sutaṃ me etaṃ, etaṃ mayā sutanti idāni vattabbamatthaṃ dasseti. Bho gotamāti bhagavantaṃ gottena ālapati.

    ид̣̇аани яам̣ д̇зна суд̇ам̣ – д̇ам̣ д̣̇ассзнд̇о на саман̣о г̇од̇амод̇и звамаад̣̇имааха. д̇ад̇рааяам̣ ануд̇д̇аанабад̣̇аван̣н̣анаа – б̣раахман̣зд̇и ж̇аад̇иб̣раахман̣з. ж̇ин̣н̣зд̇и ж̇аж̇ж̇арийбхууд̇з ж̇арааяа кан̣д̣ижжаад̣̇ибхаавам̣ аабаад̣̇ид̇з. вуд̣дхзд̇и ан̇г̇абажжан̇г̇аанам̣ вуд̣дхимарияаад̣̇аббад̇д̇з. махаллагзд̇и ж̇аад̇имахаллагад̇ааяа саманнааг̇ад̇з, жирагаалаббасуд̇зд̇и вуд̇д̇ам̣ ход̇и. ад̣̇д̇хаг̇ад̇зд̇и ад̣̇д̇хаанам̣ г̇ад̇з , д̣̇вз д̇аяо рааж̇абариваддз ад̇ийд̇зд̇и ад̇хиббааяо. ваяо ануббад̇д̇зд̇и бажчимаваяам̣ самбад̇д̇з, бажчимаваяо наама вассасад̇асса бажчимо д̇ад̇ияабхааг̇о.

    Idāni yaṃ tena sutaṃ – taṃ dassento na samaṇo gotamoti evamādimāha. Tatrāyaṃ anuttānapadavaṇṇanā – brāhmaṇeti jātibrāhmaṇe. Jiṇṇeti jajjarībhūte jarāya khaṇḍiccādibhāvaṃ āpādite. Vuḍḍheti aṅgapaccaṅgānaṃ vuḍḍhimariyādappatte. Mahallaketi jātimahallakatāya samannāgate, cirakālappasuteti vuttaṃ hoti. Addhagateti addhānaṃ gate , dve tayo rājaparivaṭṭe atīteti adhippāyo. Vayo anuppatteti pacchimavayaṃ sampatte, pacchimavayo nāma vassasatassa pacchimo tatiyabhāgo.

    абижа – ж̇ин̣н̣зд̇и бораан̣з, жирагаалаббавад̇д̇агуланваязд̇и вуд̇д̇ам̣ ход̇и. вуд̣дхзд̇и сийлаажаараад̣̇иг̇ун̣авуд̣дхияуд̇д̇з. махаллагзд̇и вибхавамахад̇д̇ад̇ааяа саманнааг̇ад̇з махад̣̇д̇ханз махаабхог̇з. ад̣̇д̇хаг̇ад̇зд̇и маг̇г̇аббадибаннз, б̣раахман̣аанам̣ вад̇ажарияаад̣̇имарияаад̣̇ам̣ авийд̇иггамма жарамаанз. ваяоануббад̇д̇зд̇и ж̇аад̇ивуд̣дхабхаавам̣ анд̇имаваяам̣ ануббад̇д̇зд̇и звамзд̇т̇а яож̇анаа взд̣̇ид̇аб̣б̣аа.

    Apica – jiṇṇeti porāṇe, cirakālappavattakulanvayeti vuttaṃ hoti. Vuḍḍheti sīlācārādiguṇavuḍḍhiyutte. Mahallaketi vibhavamahattatāya samannāgate mahaddhane mahābhoge. Addhagateti maggappaṭipanne, brāhmaṇānaṃ vatacariyādimariyādaṃ avītikkamma caramāne. Vayoanuppatteti jātivuḍḍhabhāvaṃ antimavayaṃ anuppatteti evamettha yojanā veditabbā.

    ид̣̇аани абхиваад̣̇зд̇ийд̇и звамаад̣̇ийни ‘‘на саман̣о г̇од̇амо’’д̇и зд̇т̇а вуд̇д̇анагаарзна яож̇зд̇ваа звамад̇т̇ад̇о взд̣̇ид̇аб̣б̣аани – ‘‘на ванд̣̇ад̇и ваа, наасанаа вудтахад̇и ваа, нааби ‘ид̇ха бхонд̇о нисийд̣̇анд̇уу’д̇и звам̣ аасанзна ваа убаниманд̇зд̇ий’’д̇и. зд̇т̇а хи ваа сад̣̇д̣̇о вибхааванз наама ад̇т̇з, ‘‘руубам̣ нижжам̣ ваа анижжам̣ ваа’’д̇иаад̣̇ийсу вияа. звам̣ вад̇ваа ат̇а ад̇д̇ано абхиваад̣̇анаад̣̇ийни агаронд̇ам̣ бхаг̇аванд̇ам̣ д̣̇исваа ааха – ‘‘д̇аяид̣̇ам̣ бхо г̇од̇ама д̇ат̇зваа’’д̇и. яам̣ д̇ам̣ маяаа суд̇ам̣ – д̇ам̣ д̇ат̇зва, д̇ам̣ саванан̃жа мз д̣̇ассанан̃жа сам̣санд̣̇ад̇и самзд̇и, ад̇т̇ад̇о згийбхаавам̣ г̇ажчад̇и. ‘‘на хи бхавам̣ г̇од̇амо…бз… аасанзна ваа ниманд̇зд̇ий’’д̇и звам̣ ад̇д̇анаа суд̇ам̣ д̣̇идтзна ниг̇амзд̇ваа нинд̣̇анд̇о ааха – ‘‘д̇аяид̣̇ам̣ бхо г̇од̇ама на самбаннамзваа’’д̇и д̇ам̣ абхиваад̣̇анаад̣̇ийнам̣ агаран̣ам̣ на яуд̇д̇амзва.

    Idāni abhivādetīti evamādīni ‘‘na samaṇo gotamo’’ti ettha vuttanakārena yojetvā evamatthato veditabbāni – ‘‘na vandati vā, nāsanā vuṭṭhahati vā, nāpi ‘idha bhonto nisīdantū’ti evaṃ āsanena vā upanimantetī’’ti. Ettha hi vā saddo vibhāvane nāma atthe, ‘‘rūpaṃ niccaṃ vā aniccaṃ vā’’tiādīsu viya. Evaṃ vatvā atha attano abhivādanādīni akarontaṃ bhagavantaṃ disvā āha – ‘‘tayidaṃ bho gotama tathevā’’ti. Yaṃ taṃ mayā sutaṃ – taṃ tatheva, taṃ savanañca me dassanañca saṃsandati sameti, atthato ekībhāvaṃ gacchati. ‘‘Na hi bhavaṃ gotamo…pe… āsanena vā nimantetī’’ti evaṃ attanā sutaṃ diṭṭhena nigametvā nindanto āha – ‘‘tayidaṃ bho gotama na sampannamevā’’ti taṃ abhivādanādīnaṃ akaraṇaṃ na yuttameva.

    ат̇асса бхаг̇аваа ад̇д̇уггам̣санабаравамбханад̣̇осам̣ анубаг̇амма гарун̣аасийд̇алахад̣̇аязна д̇ам̣ ан̃н̃аан̣ам̣ вид̇хамид̇ваа яуд̇д̇абхаавам̣ д̣̇ассзд̇угаамо ааха – ‘‘наахам̣ д̇ам̣ б̣раахман̣а …бз… муд̣̇д̇хааби д̇асса вибад̇зяяаа’’д̇и. д̇ад̇рааяам̣ сан̇кзбад̇т̇о – ‘‘ахам̣, б̣раахман̣а, аббадихад̇зна саб̣б̣ан̃н̃уд̇ан̃н̃аан̣ажагкунаа ологзнд̇оби д̇ам̣ буг̇г̇алам̣ зд̇асмим̣ сад̣̇звагаад̣̇ибхзд̣̇з логз на бассаами, яамахам̣ абхиваад̣̇зяяам̣ ваа бажжудтзяяам̣ ваа аасанзна ваа ниманд̇зяяам̣. анажчарияам̣ ваа зд̇ам̣, яваахам̣ аж̇ж̇а саб̣б̣ан̃н̃уд̇ам̣ бад̇д̇о зваруубам̣ нибажжагаараарахам̣ буг̇г̇алам̣ на бассаами. абижа ко яад̣̇аабаахам̣ самбад̇иж̇аад̇ова уд̇д̇араабхимуко сад̇д̇абад̣̇авийд̇ихаарзна г̇анд̇ваа сагалам̣ д̣̇асасахассилогад̇хаад̇ум̣ ологзсим̣; д̇ад̣̇ааби зд̇асмим̣ сад̣̇звагаад̣̇ибхзд̣̇з логз д̇ам̣ буг̇г̇алам̣ на бассаами, яамахам̣ абхиваад̣̇зяяам̣ ваа бажжудтзяяам̣ ваа аасанзна ваа ниманд̇зяяам̣. ат̇а ко мам̣ сол̣асагаббасахассааяуго кийн̣аасавамахааб̣рахмааби ан̃ж̇алим̣ баг̇г̇ахзд̇ваа ‘‘д̇вам̣ логз махаабурисо, д̇вам̣ сад̣̇звагасса логасса аг̇г̇о жа ж̇здто жа сздто жа, над̇т̇и д̇аяаа уд̇д̇арид̇аро’’д̇и сан̃ж̇аад̇асоманассо бад̇инаамзси; д̇ад̣̇ааби жаахам̣ ад̇д̇анаа уд̇д̇арид̇арам̣ абассанд̇о аасабхим̣ ваажам̣ нижчаарзсим̣ – ‘‘аг̇г̇охамасми логасса, ж̇здтохамасми логасса, сздтохамасми логассаа’’д̇и. звам̣ самбад̇иж̇аад̇ассаби маяхам̣ абхиваад̣̇анаад̣̇ирахо буг̇г̇ало над̇т̇и, сваахам̣ ид̣̇аани саб̣б̣ан̃н̃уд̇ам̣ бад̇д̇о гам̣ абхиваад̣̇зяяам̣ ваа…бз… аасанзна ваа ниманд̇зяяам̣. д̇асмаа д̇вам̣, б̣раахман̣а, маа д̇ат̇ааг̇ад̇з зваруубам̣ нибажжагаарам̣ бад̇т̇аяид̇т̇а. яан̃хи, б̣раахман̣а, д̇ат̇ааг̇ад̇о абхиваад̣̇зяяа ваа…бз… аасанзна ваа ниманд̇зяяа, муд̣̇д̇хааби д̇асса буг̇г̇аласса рад̇д̇ибарияосаанз барибаагасит̇илаб̣анд̇ханам̣ ван̣даа бавуд̇д̇ад̇аалапаламива г̇ийвад̇о бажчиж̇ж̇ид̇ваа сахасаава бхуумияам̣ вибад̇зяяаад̇и.

    Athassa bhagavā attukkaṃsanaparavambhanadosaṃ anupagamma karuṇāsītalahadayena taṃ aññāṇaṃ vidhamitvā yuttabhāvaṃ dassetukāmo āha – ‘‘nāhaṃ taṃ brāhmaṇa…pe… muddhāpi tassa vipateyyā’’ti. Tatrāyaṃ saṅkhepattho – ‘‘ahaṃ, brāhmaṇa, appaṭihatena sabbaññutaññāṇacakkhunā olokentopi taṃ puggalaṃ etasmiṃ sadevakādibhede loke na passāmi, yamahaṃ abhivādeyyaṃ vā paccuṭṭheyyaṃ vā āsanena vā nimanteyyaṃ. Anacchariyaṃ vā etaṃ, yvāhaṃ ajja sabbaññutaṃ patto evarūpaṃ nipaccakārārahaṃ puggalaṃ na passāmi. Apica kho yadāpāhaṃ sampatijātova uttarābhimukho sattapadavītihārena gantvā sakalaṃ dasasahassilokadhātuṃ olokesiṃ; tadāpi etasmiṃ sadevakādibhede loke taṃ puggalaṃ na passāmi, yamahaṃ abhivādeyyaṃ vā paccuṭṭheyyaṃ vā āsanena vā nimanteyyaṃ. Atha kho maṃ soḷasakappasahassāyuko khīṇāsavamahābrahmāpi añjaliṃ paggahetvā ‘‘tvaṃ loke mahāpuriso, tvaṃ sadevakassa lokassa aggo ca jeṭṭho ca seṭṭho ca, natthi tayā uttaritaro’’ti sañjātasomanasso patināmesi; tadāpi cāhaṃ attanā uttaritaraṃ apassanto āsabhiṃ vācaṃ nicchāresiṃ – ‘‘aggohamasmi lokassa, jeṭṭhohamasmi lokassa, seṭṭhohamasmi lokassā’’ti. Evaṃ sampatijātassapi mayhaṃ abhivādanādiraho puggalo natthi, svāhaṃ idāni sabbaññutaṃ patto kaṃ abhivādeyyaṃ vā…pe… āsanena vā nimanteyyaṃ. Tasmā tvaṃ, brāhmaṇa, mā tathāgate evarūpaṃ nipaccakāraṃ patthayittha. Yañhi, brāhmaṇa, tathāgato abhivādeyya vā…pe… āsanena vā nimanteyya, muddhāpi tassa puggalassa rattipariyosāne paripākasithilabandhanaṃ vaṇṭā pavuttatālaphalamiva gīvato pacchijjitvā sahasāva bhūmiyaṃ vipateyyāti.

    3. звам̣ вуд̇д̇зби б̣раахман̣о д̣̇уббан̃н̃ад̇ааяа д̇ат̇ааг̇ад̇асса логз ж̇здтабхаавам̣ асаллагкзнд̇о гзвалам̣ д̇ам̣ важанам̣ асахамаано ааха – ‘‘арасаруубо бхавам̣ г̇од̇амо’’д̇и. аяам̣ гирасса ад̇хиббааяо – яам̣ логз абхиваад̣̇анабажжудтаанаан̃ж̇алигаммасаамийжигаммам̣ ‘‘саамаг̇г̇ирасо’’д̇и вужжад̇и, д̇ам̣ бход̇о г̇од̇амасса над̇т̇и , д̇асмаа арасаруубо бхавам̣ г̇од̇амо, арасаж̇аад̇иго арасасабхаавод̇и. ат̇асса бхаг̇аваа жид̇д̇амуд̣̇убхааваж̇ананад̇т̇ам̣ уж̇увибажжанийгабхаавам̣ барихаранд̇о ан̃н̃ат̇аа д̇асса важанассад̇т̇ам̣ ад̇д̇ани санд̣̇ассзнд̇о ‘‘ад̇т̇и квзса б̣раахман̣а барияааяо’’д̇иаад̣̇имааха.

    3. Evaṃ vuttepi brāhmaṇo duppaññatāya tathāgatassa loke jeṭṭhabhāvaṃ asallakkhento kevalaṃ taṃ vacanaṃ asahamāno āha – ‘‘arasarūpo bhavaṃ gotamo’’ti. Ayaṃ kirassa adhippāyo – yaṃ loke abhivādanapaccuṭṭhānaañjalikammasāmīcikammaṃ ‘‘sāmaggiraso’’ti vuccati, taṃ bhoto gotamassa natthi , tasmā arasarūpo bhavaṃ gotamo, arasajātiko arasasabhāvoti. Athassa bhagavā cittamudubhāvajananatthaṃ ujuvipaccanīkabhāvaṃ pariharanto aññathā tassa vacanassatthaṃ attani sandassento ‘‘atthi khvesa brāhmaṇa pariyāyo’’tiādimāha.

    д̇ад̇т̇а барияааяод̇и гааран̣ам̣; аяан̃хи барияааяасад̣̇д̣̇о д̣̇зсанаа-ваара-гааран̣зсу вад̇д̇ад̇и. ‘‘мад̇хубин̣д̣игабарияааяод̇взва нам̣ д̇хаарзхий’’д̇иаад̣̇ийсу (ма. ни. 1.205) хи зса д̣̇зсанааяам̣ вад̇д̇ад̇и. ‘‘гасса ну ко, аананд̣̇а, аж̇ж̇а барияааяо бхигкунияо овад̣̇ид̇у’’нд̇иаад̣̇ийсу (ма. ни. 3.398) ваарз. ‘‘саад̇ху, бханд̇з, бхаг̇аваа ан̃н̃ам̣ барияааяам̣ аажигкад̇у, яат̇ааяам̣ бхигкусан̇гхо ан̃н̃ааяа сан̣тахзяяаа’’д̇иаад̣̇ийсу (баараа. 164) гааран̣з. свааяамид̇ха гааран̣з вад̇д̇ад̇и . д̇асмаа зд̇т̇а звамад̇т̇о д̣̇адтаб̣б̣о – ад̇т̇и ко, б̣раахман̣а, зд̇ам̣ гааран̣ам̣; язна гааран̣зна мам̣ ‘‘арасаруубо бхавам̣ г̇од̇амо’’д̇и вад̣̇амаано буг̇г̇ало саммаа вад̣̇зяяа, авид̇ат̇аваад̣̇ийд̇и сан̇кяам̣ г̇ажчзяяа. гад̇амо бана сод̇и? яз д̇з б̣раахман̣а руубарасаа…бз… подтаб̣б̣арасаа д̇з д̇ат̇ааг̇ад̇асса бахийнаад̇и. гим̣ вуд̇д̇ам̣ ход̇и? яз д̇з ж̇аад̇ивасзна ваа убабад̇д̇ивасзна ваа сздтасаммад̇аанамби бут̇уж̇ж̇анаанам̣ руубаарамман̣аад̣̇ийни ассаад̣̇знд̇аанам̣ абхинанд̣̇анд̇аанам̣ раж̇ж̇анд̇аанам̣ уббаж̇ж̇анд̇и гаамасукассаад̣̇асан̇каад̇аа руубарасасад̣̇д̣̇аг̇анд̇харасаподтаб̣б̣арасаа, яз имам̣ логам̣ г̇ийвааяа б̣анд̇хид̇ваа вияа аавин̃чанд̇и, вад̇т̇аарамман̣аад̣̇исаамаг̇г̇ияан̃жа уббаннад̇д̇аа саамаг̇г̇ирасаад̇и вужжанд̇и, д̇з саб̣б̣зби д̇ат̇ааг̇ад̇асса бахийнаад̇и. маяхам̣ бахийнаад̇и вад̇д̇аб̣б̣зби мамаагаарзна ад̇д̇аанам̣ анугкибанд̇о д̇хаммам̣ д̣̇зсзд̇и. д̣̇зсанаавилаасо ваа зса бхаг̇авад̇о.

    Tattha pariyāyoti kāraṇaṃ; ayañhi pariyāyasaddo desanā-vāra-kāraṇesu vattati. ‘‘Madhupiṇḍikapariyāyotveva naṃ dhārehī’’tiādīsu (ma. ni. 1.205) hi esa desanāyaṃ vattati. ‘‘Kassa nu kho, ānanda, ajja pariyāyo bhikkhuniyo ovaditu’’ntiādīsu (ma. ni. 3.398) vāre. ‘‘Sādhu, bhante, bhagavā aññaṃ pariyāyaṃ ācikkhatu, yathāyaṃ bhikkhusaṅgho aññāya saṇṭhaheyyā’’tiādīsu (pārā. 164) kāraṇe. Svāyamidha kāraṇe vattati . Tasmā ettha evamattho daṭṭhabbo – atthi kho, brāhmaṇa, etaṃ kāraṇaṃ; yena kāraṇena maṃ ‘‘arasarūpo bhavaṃ gotamo’’ti vadamāno puggalo sammā vadeyya, avitathavādīti saṅkhyaṃ gaccheyya. Katamo pana soti? Ye te brāhmaṇa rūparasā…pe… phoṭṭhabbarasā te tathāgatassa pahīnāti. Kiṃ vuttaṃ hoti? Ye te jātivasena vā upapattivasena vā seṭṭhasammatānampi puthujjanānaṃ rūpārammaṇādīni assādentānaṃ abhinandantānaṃ rajjantānaṃ uppajjanti kāmasukhassādasaṅkhātā rūparasasaddagandharasaphoṭṭhabbarasā, ye imaṃ lokaṃ gīvāya bandhitvā viya āviñchanti, vatthārammaṇādisāmaggiyañca uppannattā sāmaggirasāti vuccanti, te sabbepi tathāgatassa pahīnāti. Mayhaṃ pahīnāti vattabbepi mamākārena attānaṃ anukkhipanto dhammaṃ deseti. Desanāvilāso vā esa bhagavato.

    д̇ад̇т̇а бахийнаад̇и жид̇д̇асанд̇аанад̇о виг̇ад̇аа ж̇ахид̇аа ваа. зд̇асмим̣ банад̇т̇з гаран̣з саамиважанам̣ д̣̇адтаб̣б̣ам̣. арияамаг̇г̇асад̇т̇зна ужчиннам̣ д̇ан̣хаавиж̇ж̇аамаяам̣ мууламзд̇зсанд̇и ужчиннамуулаа. д̇аалавад̇т̇у вияа нзсам̣ вад̇т̇у гад̇анд̇и д̇аалаавад̇т̇угад̇аа. яат̇аа хи д̇ааларугкам̣ самуулам̣ уд̣̇д̇харид̇ваа д̇асса вад̇т̇умад̇д̇з д̇асмим̣ бад̣̇зсз гад̇з на буна д̇асса д̇ааласса уббад̇д̇и бан̃н̃ааяад̇и; звам̣ арияамаг̇г̇асад̇т̇зна самуулз руубаад̣̇ирасз уд̣̇д̇харид̇ваа д̇зсам̣ буб̣б̣з уббаннабуб̣б̣абхаавзна вад̇т̇умад̇д̇з жид̇д̇асанд̇аанз гад̇з саб̣б̣зби д̇з ‘‘д̇аалаавад̇т̇угад̇аа’’д̇и вужжанд̇и. авируул̣хид̇хаммад̇д̇аа ваа мад̇т̇агажчиннад̇аало вияа гад̇аад̇и д̇аалаавад̇т̇угад̇аа. яасмаа бана звам̣ д̇аалаавад̇т̇угад̇аа анабхаавам̣гад̇аа хонд̇и, яат̇аа нзсам̣ бажчаабхааво на ход̇и, д̇ат̇аа гад̇аа хонд̇и; д̇асмаа ааха – ‘‘анабхаавам̣гад̇аа’’д̇и. аяан̃хзд̇т̇а бад̣̇ажчзд̣̇о – ануабхаавам̣ гад̇аа анабхаавам̣гад̇аад̇и. ‘‘анабхаавам̣ г̇ад̇аа’’д̇иби баато, д̇асса ануабхаавам̣ г̇ад̇аад̇и ад̇т̇о. д̇ад̇т̇а бад̣̇ажчзд̣̇о ануабхаавам̣ г̇ад̇аа анабхаавам̣ г̇ад̇аад̇и, яат̇аа ануажчарияаа анажчарияаад̇и. ааяад̇им̣ ануббаад̣̇ад̇хаммаад̇и анааг̇ад̇з ануббаж̇ж̇анагасабхааваа. яз хи абхаавам̣ г̇ад̇аа, д̇з буна гат̇ам̣ уббаж̇ж̇иссанд̇и? д̇знааха – ‘‘анабхаавам̣ г̇ад̇аа ааяад̇им̣ ануббаад̣̇ад̇хаммаа’’д̇и.

    Tattha pahīnāti cittasantānato vigatā jahitā vā. Etasmiṃ panatthe karaṇe sāmivacanaṃ daṭṭhabbaṃ. Ariyamaggasatthena ucchinnaṃ taṇhāvijjāmayaṃ mūlametesanti ucchinnamūlā. Tālavatthu viya nesaṃ vatthu katanti tālāvatthukatā. Yathā hi tālarukkhaṃ samūlaṃ uddharitvā tassa vatthumatte tasmiṃ padese kate na puna tassa tālassa uppatti paññāyati; evaṃ ariyamaggasatthena samūle rūpādirase uddharitvā tesaṃ pubbe uppannapubbabhāvena vatthumatte cittasantāne kate sabbepi te ‘‘tālāvatthukatā’’ti vuccanti. Avirūḷhidhammattā vā matthakacchinnatālo viya katāti tālāvatthukatā. Yasmā pana evaṃ tālāvatthukatā anabhāvaṃkatā honti, yathā nesaṃ pacchābhāvo na hoti, tathā katā honti; tasmā āha – ‘‘anabhāvaṃkatā’’ti. Ayañhettha padacchedo – anuabhāvaṃ katā anabhāvaṃkatāti. ‘‘Anabhāvaṃ gatā’’tipi pāṭho, tassa anuabhāvaṃ gatāti attho. Tattha padacchedo anuabhāvaṃ gatā anabhāvaṃ gatāti, yathā anuacchariyā anacchariyāti. Āyatiṃ anuppādadhammāti anāgate anuppajjanakasabhāvā. Ye hi abhāvaṃ gatā, te puna kathaṃ uppajjissanti? Tenāha – ‘‘anabhāvaṃ gatā āyatiṃ anuppādadhammā’’ti.

    аяам̣ ко б̣раахман̣а барияааяод̇и ид̣̇ам̣ ко, б̣раахман̣а, гааран̣ам̣ язна мам̣ саммаа вад̣̇амаано вад̣̇зяяа ‘‘арасаруубо саман̣о г̇од̇амо’’д̇и. но жа ко яам̣ д̇вам̣ санд̇хааяа вад̣̇зсийд̇и яан̃жа ко д̇вам̣ санд̇хааяа вад̣̇зси, со барияааяо на ход̇и. гасмаа бана бхаг̇аваа звамааха? нану звам̣ вуд̇д̇з яо б̣раахман̣зна вуд̇д̇о саамаг̇г̇ирасо д̇асса ад̇д̇ани виж̇ж̇амаанад̇аа анун̃н̃аад̇аа ход̇ийд̇и. вужжад̇з, на ход̇и. яо хи д̇ам̣ саамаг̇г̇ирасам̣ гаад̇ум̣ бхаб̣б̣о худ̇ваа на гарод̇и, со д̇ад̣̇абхаавзна арасаруубод̇и вад̇д̇аб̣б̣о бхавзяяа. бхаг̇аваа бана абхаб̣б̣ова зд̇ам̣ гаад̇ум̣, д̇знасса гаран̣з абхаб̣б̣ад̇ам̣ багаасзнд̇о ааха – ‘‘но жа ко яам̣ д̇вам̣ санд̇хааяа вад̣̇зсий’’д̇и. яам̣ барияааяам̣ санд̇хааяа д̇вам̣ мам̣ ‘‘арасаруубо’’д̇и вад̣̇зси, со амхзсу нзва вад̇д̇аб̣б̣од̇и.

    Ayaṃ kho brāhmaṇa pariyāyoti idaṃ kho, brāhmaṇa, kāraṇaṃ yena maṃ sammā vadamāno vadeyya ‘‘arasarūpo samaṇo gotamo’’ti. No ca kho yaṃ tvaṃ sandhāya vadesīti yañca kho tvaṃ sandhāya vadesi, so pariyāyo na hoti. Kasmā pana bhagavā evamāha? Nanu evaṃ vutte yo brāhmaṇena vutto sāmaggiraso tassa attani vijjamānatā anuññātā hotīti. Vuccate, na hoti. Yo hi taṃ sāmaggirasaṃ kātuṃ bhabbo hutvā na karoti, so tadabhāvena arasarūpoti vattabbo bhaveyya. Bhagavā pana abhabbova etaṃ kātuṃ, tenassa karaṇe abhabbataṃ pakāsento āha – ‘‘no ca kho yaṃ tvaṃ sandhāya vadesī’’ti. Yaṃ pariyāyaṃ sandhāya tvaṃ maṃ ‘‘arasarūpo’’ti vadesi, so amhesu neva vattabboti.

    4. звам̣ б̣раахман̣о ад̇д̇анаа ад̇хиббзд̇ам̣ арасаруубад̇ам̣ ааробзд̇ум̣ асаггонд̇о ат̇аабарам̣ ниб̣бхог̇о бхавам̣ г̇од̇амод̇иаад̣̇имааха. саб̣б̣абарияааязсу жзд̇т̇а вуд̇д̇анаязнзва яож̇анаггамам̣ вид̣̇ид̇ваа санд̇хааяа бхаасид̇амад̇д̇ам̣ звам̣ взд̣̇ид̇аб̣б̣ам̣. б̣раахман̣о д̇амзва ваяовуд̣дхаанам̣ абхиваад̣̇анагаммаад̣̇им̣ логз саамаг̇г̇ибарибхог̇од̇и ман̃н̃амаано д̇ад̣̇абхаавзна бхаг̇аванд̇ам̣ ниб̣бхог̇од̇и ааха. бхаг̇аваа бана явааяам̣ руубаад̣̇ийсу сад̇д̇аанам̣ чанд̣̇арааг̇абарибхог̇о д̇ад̣̇абхаавам̣ ад̇д̇ани самбассамаано абарамби барияааяам̣ ануж̇аанаад̇и.

    4. Evaṃ brāhmaṇo attanā adhippetaṃ arasarūpataṃ āropetuṃ asakkonto athāparaṃ nibbhogo bhavaṃ gotamotiādimāha. Sabbapariyāyesu cettha vuttanayeneva yojanakkamaṃ viditvā sandhāya bhāsitamattaṃ evaṃ veditabbaṃ. Brāhmaṇo tameva vayovuḍḍhānaṃ abhivādanakammādiṃ loke sāmaggiparibhogoti maññamāno tadabhāvena bhagavantaṃ nibbhogoti āha. Bhagavā pana yvāyaṃ rūpādīsu sattānaṃ chandarāgaparibhogo tadabhāvaṃ attani sampassamāno aparampi pariyāyaṃ anujānāti.

    5. буна б̣раахман̣о яам̣ логз ваяовуд̣дхаанам̣ абхиваад̣̇анаад̣̇игуласамуд̣̇аажаарагаммам̣ логияаа гаронд̇и д̇асса агирияам̣ самбассамаано бхаг̇аванд̇ам̣ агирияаваад̣̇од̇и ааха. бхаг̇аваа бана, яасмаа гааяад̣̇ужжарид̇аад̣̇ийнам̣ агирияам̣ вад̣̇ад̇и д̇асмаа, д̇ам̣ агирияаваад̣̇ам̣ ад̇д̇ани самбассамаано абарамби барияааяам̣ ануж̇аанаад̇и. д̇ад̇т̇а жа гааяад̣̇ужжарид̇анд̇и баан̣аад̇ибаад̇а-ад̣̇иннаад̣̇аана-мижчаажааражзд̇анаа взд̣̇ид̇аб̣б̣аа. важийд̣̇ужжарид̇анд̇и мусааваад̣̇а-бисун̣аваажаа-парусаваажаа-сампаббалаабажзд̇анаа взд̣̇ид̇аб̣б̣аа. манод̣̇ужжарид̇анд̇и абхиж̇жхааб̣яаабаад̣̇амижчаад̣̇идтияо взд̣̇ид̇аб̣б̣аа. табзд̇ваа д̇з д̇хаммз, авасзсаа агусалаа д̇хаммаа ‘‘анзгавихид̇аа баабагаа агусалаа д̇хаммаа’’д̇и взд̣̇ид̇аб̣б̣аа.

    5. Puna brāhmaṇo yaṃ loke vayovuḍḍhānaṃ abhivādanādikulasamudācārakammaṃ lokiyā karonti tassa akiriyaṃ sampassamāno bhagavantaṃ akiriyavādoti āha. Bhagavā pana, yasmā kāyaduccaritādīnaṃ akiriyaṃ vadati tasmā, taṃ akiriyavādaṃ attani sampassamāno aparampi pariyāyaṃ anujānāti. Tattha ca kāyaduccaritanti pāṇātipāta-adinnādāna-micchācāracetanā veditabbā. Vacīduccaritanti musāvāda-pisuṇavācā-pharusavācā-samphappalāpacetanā veditabbā. Manoduccaritanti abhijjhābyāpādamicchādiṭṭhiyo veditabbā. Ṭhapetvā te dhamme, avasesā akusalā dhammā ‘‘anekavihitā pāpakā akusalā dhammā’’ti veditabbā.

    6. буна б̣раахман̣о д̇амзва абхиваад̣̇анаад̣̇игаммам̣ бхаг̇авад̇и абассанд̇о имам̣ ‘‘ааг̇амма аяам̣ логад̇анд̇и логабавзн̣ий ужчиж̇ж̇ад̇ий’’д̇и ман̃н̃амаано бхаг̇аванд̇ам̣ ужчзд̣̇аваад̣̇од̇и ааха. бхаг̇аваа бана яасмаа адтасу лобхасахаг̇ад̇ажид̇д̇зсу бан̃жагаамаг̇ун̣игарааг̇асса д̣̇вийсу агусалажид̇д̇зсу уббаж̇ж̇амаанагад̣̇осасса жа анааг̇аамимаг̇г̇зна ужчзд̣̇ам̣ вад̣̇ад̇и. саб̣б̣аагусаласамбхавасса бана ниравасзсасса мохасса арахад̇д̇амаг̇г̇зна ужчзд̣̇ам̣ вад̣̇ад̇и. табзд̇ваа д̇з д̇аяо, авасзсаанам̣ баабагаанам̣ агусалаанам̣ д̇хаммаанам̣ яат̇аануруубам̣ жад̇уухи маг̇г̇зхи ужчзд̣̇ам̣ вад̣̇ад̇и; д̇асмаа д̇ам̣ ужчзд̣̇аваад̣̇ам̣ ад̇д̇ани самбассамаано абарамби барияааяам̣ ануж̇аанаад̇и.

    6. Puna brāhmaṇo tameva abhivādanādikammaṃ bhagavati apassanto imaṃ ‘‘āgamma ayaṃ lokatanti lokapaveṇī ucchijjatī’’ti maññamāno bhagavantaṃ ucchedavādoti āha. Bhagavā pana yasmā aṭṭhasu lobhasahagatacittesu pañcakāmaguṇikarāgassa dvīsu akusalacittesu uppajjamānakadosassa ca anāgāmimaggena ucchedaṃ vadati. Sabbākusalasambhavassa pana niravasesassa mohassa arahattamaggena ucchedaṃ vadati. Ṭhapetvā te tayo, avasesānaṃ pāpakānaṃ akusalānaṃ dhammānaṃ yathānurūpaṃ catūhi maggehi ucchedaṃ vadati; tasmā taṃ ucchedavādaṃ attani sampassamāno aparampi pariyāyaṃ anujānāti.

    7. буна б̣раахман̣о ‘‘ж̇иг̇ужчад̇и ман̃н̃з саман̣о г̇од̇амо ид̣̇ам̣ ваяовуд̣дхаанам̣ абхиваад̣̇анаад̣̇игуласамуд̣̇аажаарагаммам̣, д̇зна д̇ам̣ на гарод̇ий’’д̇и ман̃н̃амаано бхаг̇аванд̇ам̣ ж̇зг̇ужчийд̇и ааха. бхаг̇аваа бана яасмаа ж̇иг̇ужчад̇и гааяад̣̇ужжарид̇аад̣̇ийхи; гим̣ вуд̇д̇ам̣ ход̇и ? яан̃жа д̇ивид̇хам̣ гааяад̣̇ужжарид̇ам̣, яан̃жа жад̇уб̣б̣ид̇хам̣ важийд̣̇ужжарид̇ам̣, яан̃жа д̇ивид̇хам̣ манод̣̇ужжарид̇ам̣, яаа жа табзд̇ваа д̇аани д̣̇ужжарид̇аани авасзсаанам̣ лаамагадтзна баабагаанам̣ агосалласамбхууд̇адтзна агусалаанам̣ д̇хаммаанам̣ самаабад̇д̇и самаабаж̇ж̇анаа саман̇г̇ибхааво, д̇ам̣ саб̣б̣амби г̇уут̇ам̣ вияа ман̣д̣анагаж̇аад̇ияо бурисо ж̇иг̇ужчад̇и хирийяад̇и, д̇асмаа д̇ам̣ ж̇зг̇ужчид̇ам̣ ад̇д̇ани самбассамаано абарамби барияааяам̣ ануж̇аанаад̇и. д̇ад̇т̇а ‘‘гааяад̣̇ужжарид̇знаа’’д̇и убаяог̇ад̇т̇з гаран̣аважанам̣ д̣̇адтаб̣б̣ам̣.

    7. Puna brāhmaṇo ‘‘jigucchati maññe samaṇo gotamo idaṃ vayovuḍḍhānaṃ abhivādanādikulasamudācārakammaṃ, tena taṃ na karotī’’ti maññamāno bhagavantaṃ jegucchīti āha. Bhagavā pana yasmā jigucchati kāyaduccaritādīhi; kiṃ vuttaṃ hoti ? Yañca tividhaṃ kāyaduccaritaṃ, yañca catubbidhaṃ vacīduccaritaṃ, yañca tividhaṃ manoduccaritaṃ, yā ca ṭhapetvā tāni duccaritāni avasesānaṃ lāmakaṭṭhena pāpakānaṃ akosallasambhūtaṭṭhena akusalānaṃ dhammānaṃ samāpatti samāpajjanā samaṅgibhāvo, taṃ sabbampi gūthaṃ viya maṇḍanakajātiyo puriso jigucchati hirīyati, tasmā taṃ jegucchitaṃ attani sampassamāno aparampi pariyāyaṃ anujānāti. Tattha ‘‘kāyaduccaritenā’’ti upayogatthe karaṇavacanaṃ daṭṭhabbaṃ.

    8. буна б̣раахман̣о д̇амзва абхиваад̣̇анаад̣̇игаммам̣ бхаг̇авад̇и абассанд̇о ‘‘аяам̣ имам̣ логаж̇здтагагаммам̣ винзд̇и винаасзд̇и, ат̇а ваа яасмаа зд̇ам̣ саамийжигаммам̣ на гарод̇и д̇асмаа аяам̣ винзд̇аб̣б̣о ниг̇г̇ан̣хид̇аб̣б̣о’’д̇и ман̃н̃амаано бхаг̇аванд̇ам̣ взнаяигод̇и ааха. д̇ад̇рааяам̣ бад̣̇ад̇т̇о – винаяад̇ийд̇и винаяо, винаасзд̇ийд̇и вуд̇д̇ам̣ ход̇и. винаяо зва взнаяиго, винаяам̣ ваа арахад̇ийд̇и взнаяиго, ниг̇г̇ахам̣ арахад̇ийд̇и вуд̇д̇ам̣ ход̇и. бхаг̇аваа бана, яасмаа рааг̇аад̣̇ийнам̣ винаяааяа вуубасамааяа д̇хаммам̣ д̣̇зсзд̇и, д̇асмаа взнаяиго ход̇и. аяамзва жзд̇т̇а бад̣̇ад̇т̇о – винаяааяа д̇хаммам̣ д̣̇зсзд̇ийд̇и взнаяиго. вижид̇раа хи д̇ад̣̇д̇хид̇авуд̇д̇и! свааяам̣ д̇ам̣ взнаяигабхаавам̣ ад̇д̇ани самбассамаано абарамби барияааяам̣ ануж̇аанаад̇и.

    8. Puna brāhmaṇo tameva abhivādanādikammaṃ bhagavati apassanto ‘‘ayaṃ imaṃ lokajeṭṭhakakammaṃ vineti vināseti, atha vā yasmā etaṃ sāmīcikammaṃ na karoti tasmā ayaṃ vinetabbo niggaṇhitabbo’’ti maññamāno bhagavantaṃ venayikoti āha. Tatrāyaṃ padattho – vinayatīti vinayo, vināsetīti vuttaṃ hoti. Vinayo eva venayiko, vinayaṃ vā arahatīti venayiko, niggahaṃ arahatīti vuttaṃ hoti. Bhagavā pana, yasmā rāgādīnaṃ vinayāya vūpasamāya dhammaṃ deseti, tasmā venayiko hoti. Ayameva cettha padattho – vinayāya dhammaṃ desetīti venayiko. Vicitrā hi taddhitavutti! Svāyaṃ taṃ venayikabhāvaṃ attani sampassamāno aparampi pariyāyaṃ anujānāti.

    9. буна б̣раахман̣о яасмаа абхиваад̣̇анаад̣̇ийни саамийжигаммаани гаронд̇аа ваяовуд̣дхз д̇осзнд̇и хаасзнд̇и, агаронд̇аа бана д̇аабзнд̇и вихзсзнд̇и д̣̇оманассам̣ нзсам̣ уббаад̣̇знд̇и, бхаг̇аваа жа д̇аани на гарод̇и; д̇асмаа ‘‘аяам̣ ваяовуд̣дхз д̇абад̇ий’’д̇и ман̃н̃амаано саббурисаажааравирахид̇ад̇д̇аа ваа ‘‘габан̣абурисо аяа’’нд̇и ман̃н̃амаано бхаг̇аванд̇ам̣ д̇абассийд̇и ааха. д̇ад̇рааяам̣ бад̣̇ад̇т̇о – д̇абад̇ийд̇и д̇або, росзд̇и вихзсзд̇ийд̇и вуд̇д̇ам̣ ход̇и, саамийжигаммаагаран̣ассзд̇ам̣ наамам̣. д̇або асса ад̇т̇ийд̇и д̇абассий. д̣̇уд̇ияз ад̇т̇авигаббз б̣яан̃ж̇анаани авижаарзд̇ваа логз габан̣абурисо ‘‘д̇абассий’’д̇и вужжад̇и. бхаг̇аваа бана яз агусалаа д̇хаммаа логам̣ д̇абанад̇о д̇абанийяаад̇и вужжанд̇и, д̇зсам̣ бахийнад̇д̇аа яасмаа д̇абассийд̇и сан̇кяам̣ г̇ад̇о, д̇асмаа д̇ам̣ д̇абассид̇ам̣ ад̇д̇ани самбассамаано абарамби барияааяам̣ ануж̇аанаад̇и. д̇ад̇рааяам̣ бад̣̇ад̇т̇о – д̇абанд̇ийд̇и д̇абаа, агусалад̇хаммаанамзд̇ам̣ ад̇хиважанам̣. вуд̇д̇амби хзд̇ам̣ – ‘‘ид̇ха д̇аббад̇и бзжжа д̇аббад̇ий’’д̇и. д̇ат̇аа д̇з д̇абз асси нирасси бахааси вид̣̇д̇хам̣сзсийд̇и д̇абассий.

    9. Puna brāhmaṇo yasmā abhivādanādīni sāmīcikammāni karontā vayovuḍḍhe tosenti hāsenti, akarontā pana tāpenti vihesenti domanassaṃ nesaṃ uppādenti, bhagavā ca tāni na karoti; tasmā ‘‘ayaṃ vayovuḍḍhe tapatī’’ti maññamāno sappurisācāravirahitattā vā ‘‘kapaṇapuriso aya’’nti maññamāno bhagavantaṃ tapassīti āha. Tatrāyaṃ padattho – tapatīti tapo, roseti vihesetīti vuttaṃ hoti, sāmīcikammākaraṇassetaṃ nāmaṃ. Tapo assa atthīti tapassī. Dutiye atthavikappe byañjanāni avicāretvā loke kapaṇapuriso ‘‘tapassī’’ti vuccati. Bhagavā pana ye akusalā dhammā lokaṃ tapanato tapanīyāti vuccanti, tesaṃ pahīnattā yasmā tapassīti saṅkhyaṃ gato, tasmā taṃ tapassitaṃ attani sampassamāno aparampi pariyāyaṃ anujānāti. Tatrāyaṃ padattho – tapantīti tapā, akusaladhammānametaṃ adhivacanaṃ. Vuttampi hetaṃ – ‘‘idha tappati pecca tappatī’’ti. Tathā te tape assi nirassi pahāsi viddhaṃsesīti tapassī.

    10. буна б̣раахман̣о д̇ам̣ абхиваад̣̇анаад̣̇игаммам̣ д̣̇звалогаг̇аб̣бхасамбад̇д̇ияаа д̣̇звалогабадисанд̇хибадилаабхааяа сам̣вад̇д̇ад̇ийд̇и ман̃н̃амаано бхаг̇авад̇и жасса абхаавам̣ д̣̇исваа бхаг̇аванд̇ам̣ абаг̇аб̣бход̇и ааха. год̇хавасзна ваа бхаг̇авад̇о маад̇угужчисмим̣ бадисанд̇хиг̇г̇ахан̣з д̣̇осам̣ д̣̇ассзнд̇оби звамааха. д̇ад̇рааяам̣ бад̣̇ад̇т̇о – г̇аб̣бхад̇о абаг̇ад̇од̇и абаг̇аб̣бхо, абхаб̣б̣о д̣̇звалогуубабад̇д̇им̣ баабун̣ид̇унд̇и ад̇хиббааяо. хийно ваа г̇аб̣бхо ассаад̇и абаг̇аб̣бхо, д̣̇звалогаг̇аб̣бхабариб̣аахирад̇д̇аа ааяад̇им̣ хийнаг̇аб̣бхабадилаабхабхааг̇ийд̇и, хийно ваасса маад̇угужчимхи г̇аб̣бхаваасо ахосийд̇и ад̇хиббааяо. бхаг̇авад̇о бана яасмаа ааяад̇им̣ г̇аб̣бхасзяяаа абаг̇ад̇аа, д̇асмаа со д̇ам̣ абаг̇аб̣бхад̇ам̣ ад̇д̇ани самбассамаано абарамби барияааяам̣ ануж̇аанаад̇и. д̇ад̇ра жа яасса ко б̣раахман̣а ааяад̇им̣ г̇аб̣бхасзяяаа бунаб̣бхаваабхиниб̣б̣ад̇д̇и бахийнаад̇и зд̇зсам̣ бад̣̇аанам̣ звамад̇т̇о д̣̇адтаб̣б̣о – б̣раахман̣а, яасса буг̇г̇аласса анааг̇ад̇з г̇аб̣бхасзяяаа, бунаб̣бхавз жа абхиниб̣б̣ад̇д̇и ануд̇д̇арзна маг̇г̇зна вихад̇агааран̣ад̇д̇аа бахийнаад̇и. г̇аб̣бхасзяяаг̇г̇ахан̣зна жзд̇т̇а ж̇алааб̣уж̇аяони г̇ахид̇аа. бунаб̣бхаваабхиниб̣б̣ад̇д̇иг̇г̇ахан̣зна ид̇араа д̇иссоби.

    10. Puna brāhmaṇo taṃ abhivādanādikammaṃ devalokagabbhasampattiyā devalokapaṭisandhipaṭilābhāya saṃvattatīti maññamāno bhagavati cassa abhāvaṃ disvā bhagavantaṃ apagabbhoti āha. Kodhavasena vā bhagavato mātukucchismiṃ paṭisandhiggahaṇe dosaṃ dassentopi evamāha. Tatrāyaṃ padattho – gabbhato apagatoti apagabbho, abhabbo devalokūpapattiṃ pāpuṇitunti adhippāyo. Hīno vā gabbho assāti apagabbho, devalokagabbhaparibāhirattā āyatiṃ hīnagabbhapaṭilābhabhāgīti, hīno vāssa mātukucchimhi gabbhavāso ahosīti adhippāyo. Bhagavato pana yasmā āyatiṃ gabbhaseyyā apagatā, tasmā so taṃ apagabbhataṃ attani sampassamāno aparampi pariyāyaṃ anujānāti. Tatra ca yassa kho brāhmaṇa āyatiṃ gabbhaseyyā punabbhavābhinibbatti pahīnāti etesaṃ padānaṃ evamattho daṭṭhabbo – brāhmaṇa, yassa puggalassa anāgate gabbhaseyyā, punabbhave ca abhinibbatti anuttarena maggena vihatakāraṇattā pahīnāti. Gabbhaseyyaggahaṇena cettha jalābujayoni gahitā. Punabbhavābhinibbattiggahaṇena itarā tissopi.

    абижа г̇аб̣бхасса сзяяаа г̇аб̣бхасзяяаа, бунаб̣бхаво зва абхиниб̣б̣ад̇д̇и бунаб̣бхаваабхиниб̣б̣ад̇д̇ийд̇и звамзд̇т̇а ад̇т̇о д̣̇адтаб̣б̣о. яат̇аа жа вин̃н̃аан̣адтид̇ийд̇и вуд̇д̇зби на вин̃н̃аан̣ад̇о ан̃н̃аа тид̇и ад̇т̇и, звамид̇хааби на г̇аб̣бхад̇о ан̃н̃аа сзяяаад̇и взд̣̇ид̇аб̣б̣аа. абхиниб̣б̣ад̇д̇и жа наама яасмаа бунаб̣бхавабхууд̇ааби абунаб̣бхавабхууд̇ааби ад̇т̇и, ид̇ха жа бунаб̣бхавабхууд̇аа ад̇хиббзд̇аа. д̇асмаа вуд̇д̇ам̣ – ‘‘бунаб̣бхаво зва абхиниб̣б̣ад̇д̇и бунаб̣бхаваабхиниб̣б̣ад̇д̇ий’’д̇и.

    Apica gabbhassa seyyā gabbhaseyyā, punabbhavo eva abhinibbatti punabbhavābhinibbattīti evamettha attho daṭṭhabbo. Yathā ca viññāṇaṭṭhitīti vuttepi na viññāṇato aññā ṭhiti atthi, evamidhāpi na gabbhato aññā seyyāti veditabbā. Abhinibbatti ca nāma yasmā punabbhavabhūtāpi apunabbhavabhūtāpi atthi, idha ca punabbhavabhūtā adhippetā. Tasmā vuttaṃ – ‘‘punabbhavo eva abhinibbatti punabbhavābhinibbattī’’ti.

    11. звам̣ ааг̇ад̇агаалад̇о бадтааяа арасаруубад̇аад̣̇ийхи адтахи аггосавад̇т̇уухи аггосанд̇амби б̣раахман̣ам̣ бхаг̇аваа д̇хаммиссаро д̇хаммарааж̇аа д̇хаммассаамий д̇ат̇ааг̇ад̇о анугамбааяа сийд̇алзнзва жагкунаа ологзнд̇о яам̣ д̇хаммад̇хаад̇ум̣ бадивиж̇жхид̇ваа д̣̇зсанаавилаасаббад̇д̇о ход̇и, д̇ассаа д̇хаммад̇хаад̇уяаа суббадивид̣̇д̇хад̇д̇аа виг̇ад̇авалаахагз анд̇алигкз самаб̣бхуг̇г̇ад̇о бун̣н̣ажанд̣̇о вияа сарад̣̇агаалз суурияо вияа жа б̣раахман̣асса хад̣̇аяанд̇хагаарам̣ вид̇хаманд̇о д̇ааниязва аггосавад̇т̇ууни д̇зна д̇зна барияааязна ан̃н̃ат̇аа д̣̇ассзд̇ваа, бунаби ад̇д̇ано гарун̣аавибпаарам̣ адтахи логад̇хаммзхи агамбияабхаавзна бадилад̣̇д̇хам̣, д̇аад̣̇иг̇ун̣алагкан̣ам̣ бат̇авийсамажид̇д̇ад̇ам̣ агуббад̇хаммад̇ан̃жа багаасзнд̇о ‘‘аяам̣ б̣раахман̣о гзвалам̣ балид̇асиракан̣д̣ад̣̇анд̇авалид̇д̇ажад̇аад̣̇ийхи ад̇д̇ано вуд̣дхабхаавам̣ сан̃ж̇аанаад̇и, но жа ко ж̇аанаад̇и ад̇д̇аанам̣ ж̇аад̇ияаа ануг̇ад̇ам̣ ж̇арааяа анусадам̣ б̣яаад̇хинаа абхибхууд̇ам̣ маран̣зна аб̣бхаахад̇ам̣ ваддакаан̣убхууд̇ам̣ аж̇ж̇а марид̇ваа буна свзва уд̇д̇аанасаяанад̣̇аарагабхааваг̇аманийяам̣. маханд̇зна ко бана уссаахзна мама санд̇игам̣ ааг̇ад̇о, д̇ад̣̇асса ааг̇аманам̣ саад̇т̇агам̣ ход̇уу’’д̇и жинд̇зд̇ваа имасмим̣ логз ад̇д̇ано аббадисамам̣ бурзж̇аад̇абхаавам̣ д̣̇ассзнд̇о сзяяат̇ааби б̣раахман̣аад̇иаад̣̇инаа наязна б̣раахман̣асса д̇хаммад̣̇зсанам̣ вад̣дхзси.

    11. Evaṃ āgatakālato paṭṭhāya arasarūpatādīhi aṭṭhahi akkosavatthūhi akkosantampi brāhmaṇaṃ bhagavā dhammissaro dhammarājā dhammassāmī tathāgato anukampāya sītaleneva cakkhunā olokento yaṃ dhammadhātuṃ paṭivijjhitvā desanāvilāsappatto hoti, tassā dhammadhātuyā suppaṭividdhattā vigatavalāhake antalikkhe samabbhuggato puṇṇacando viya saradakāle sūriyo viya ca brāhmaṇassa hadayandhakāraṃ vidhamanto tāniyeva akkosavatthūni tena tena pariyāyena aññathā dassetvā, punapi attano karuṇāvipphāraṃ aṭṭhahi lokadhammehi akampiyabhāvena paṭiladdhaṃ, tādiguṇalakkhaṇaṃ pathavīsamacittataṃ akuppadhammatañca pakāsento ‘‘ayaṃ brāhmaṇo kevalaṃ palitasirakhaṇḍadantavalittacatādīhi attano vuḍḍhabhāvaṃ sañjānāti, no ca kho jānāti attānaṃ jātiyā anugataṃ jarāya anusaṭaṃ byādhinā abhibhūtaṃ maraṇena abbhāhataṃ vaṭṭakhāṇubhūtaṃ ajja maritvā puna sveva uttānasayanadārakabhāvagamanīyaṃ. Mahantena kho pana ussāhena mama santikaṃ āgato, tadassa āgamanaṃ sātthakaṃ hotū’’ti cintetvā imasmiṃ loke attano appaṭisamaṃ purejātabhāvaṃ dassento seyyathāpi brāhmaṇātiādinā nayena brāhmaṇassa dhammadesanaṃ vaḍḍhesi.

    д̇ад̇т̇а сзяяат̇аад̇и обаммад̇т̇з нибаад̇о; бийд̇и самбхааванад̇т̇з; убхаязнааби яат̇аа наама б̣раахман̣аад̇и д̣̇ассзд̇и. гуггудияаа ан̣д̣аани адта ваа д̣̇аса ваа д̣̇ваад̣̇аса ваад̇и зд̇т̇а бана гин̃жааби гуггудияаа вуд̇д̇аббагаарад̇о уунаад̇хигааниби ан̣д̣аани хонд̇и, ат̇а ко важанасилидтад̇ааяа звам̣ вуд̇д̇анд̇и взд̣̇ид̇аб̣б̣ам̣. зван̃хи логз силидтаважанам̣ ход̇и. д̇аанассууд̇и д̇аани ассу, бхавзяяунд̇и вуд̇д̇ам̣ ход̇и. гуггудияаа саммаа ад̇хисаяид̇аанийд̇и д̇ааяа ж̇анзд̇д̇ияаа гуггудияаа багкз басаарзд̇ваа д̇зсам̣ убари саяанд̇ияаа саммаа ад̇хисаяид̇аани. саммаа барисзд̣̇ид̇аанийд̇и гаалзна гаалам̣ уд̇ум̣ г̇ан̣хаабзнд̇ияаа судту саманд̇ад̇о сзд̣̇ид̇аани, усмийгад̇аанийд̇и вуд̇д̇ам̣ ход̇и. саммаа барибхаавид̇аанийд̇и гаалзна гаалам̣ судту саманд̇ад̇о бхаавид̇аани, гуггудаг̇анд̇хам̣ г̇аахаабид̇аанийд̇и вуд̇д̇ам̣ ход̇и.

    Tattha seyyathāti opammatthe nipāto; pīti sambhāvanatthe; ubhayenāpi yathā nāma brāhmaṇāti dasseti. Kukkuṭiyā aṇḍāni aṭṭha vā dasa vā dvādasa vāti ettha pana kiñcāpi kukkuṭiyā vuttappakārato ūnādhikānipi aṇḍāni honti, atha kho vacanasiliṭṭhatāya evaṃ vuttanti veditabbaṃ. Evañhi loke siliṭṭhavacanaṃ hoti. Tānassūti tāni assu, bhaveyyunti vuttaṃ hoti. Kukkuṭiyā sammā adhisayitānīti tāya janettiyā kukkuṭiyā pakkhe pasāretvā tesaṃ upari sayantiyā sammā adhisayitāni. Sammā pariseditānīti kālena kālaṃ utuṃ gaṇhāpentiyā suṭṭhu samantato seditāni, usmīkatānīti vuttaṃ hoti. Sammā paribhāvitānīti kālena kālaṃ suṭṭhu samantato bhāvitāni, kukkuṭagandhaṃ gāhāpitānīti vuttaṃ hoti.

    ид̣̇аани яасмаа д̇ааяа гуггудияаа звам̣ д̇ийхи багаарзхи д̇аани ан̣д̣аани барибаалияамаанаани на бууд̇ийни хонд̇и. яоби нзсам̣ алласинзхо со барияаад̣̇аанам̣ г̇ажчад̇и. габаалам̣ д̇анугам̣ ход̇и, баад̣̇анакасикаа жа мукад̇ун̣д̣аган̃жа карам̣ ход̇и, гуггудабод̇агаа барибаагам̣ г̇ажчанд̇и, габааласса д̇анугад̇д̇аа б̣ахид̣̇д̇хаа аалого анд̇о бан̃н̃ааяад̇и. ат̇а д̇з гуггудабод̇агаа ‘‘жирам̣ вад̇а маяам̣ сан̇гудид̇ахад̇т̇абаад̣̇аа самб̣аад̇хз саяимха, аяан̃жа б̣ахи аалого д̣̇иссад̇и, зд̇т̇а д̣̇аани но сукавихааро бхависсад̇ий’’д̇и нигкамид̇угаамаа худ̇ваа габаалам̣ баад̣̇зна бахаранд̇и, г̇ийвам̣ басаарзнд̇и. д̇ад̇о д̇ам̣ габаалам̣ д̣̇взд̇хаа бхиж̇ж̇ад̇и, гуггудабод̇агаа багкз вид̇хунанд̇аа д̇ан̇кан̣аануруубам̣ вираванд̇аа нигкаманд̇и. звам̣ нигкаманд̇аанан̃жа нзсам̣ яо батамад̇арам̣ нигкамад̇и со ‘ж̇здто’д̇и вужжад̇и. д̇асмаа бхаг̇аваа д̇ааяа убамааяа ад̇д̇ано ж̇здтагабхаавам̣ саад̇хзд̇угаамо б̣раахман̣ам̣ бужчи – ‘‘яо ну ко д̇зсам̣ гуггудажчаабагаанам̣…бз… гинд̇и свасса важанийяо’’д̇и. д̇ад̇т̇а гуггудажчаабагаананд̇и гуггудабод̇агаанам̣. гинд̇и свасса важанийяод̇и со гинд̇и важанийяо асса, гинд̇и вад̇д̇аб̣б̣о бхавзяяа ж̇здто ваа ганидто ваад̇и. сзсам̣ уд̇д̇аанад̇т̇амзва.

    Idāni yasmā tāya kukkuṭiyā evaṃ tīhi pakārehi tāni aṇḍāni paripāliyamānāni na pūtīni honti. Yopi nesaṃ allasineho so pariyādānaṃ gacchati. Kapālaṃ tanukaṃ hoti, pādanakhasikhā ca mukhatuṇḍakañca kharaṃ hoti, kukkuṭapotakā paripākaṃ gacchanti, kapālassa tanukattā bahiddhā āloko anto paññāyati. Atha te kukkuṭapotakā ‘‘ciraṃ vata mayaṃ saṅkuṭitahatthapādā sambādhe sayimha, ayañca bahi āloko dissati, ettha dāni no sukhavihāro bhavissatī’’ti nikkhamitukāmā hutvā kapālaṃ pādena paharanti, gīvaṃ pasārenti. Tato taṃ kapālaṃ dvedhā bhijjati, kukkuṭapotakā pakkhe vidhunantā taṅkhaṇānurūpaṃ viravantā nikkhamanti. Evaṃ nikkhamantānañca nesaṃ yo paṭhamataraṃ nikkhamati so ‘jeṭṭho’ti vuccati. Tasmā bhagavā tāya upamāya attano jeṭṭhakabhāvaṃ sādhetukāmo brāhmaṇaṃ pucchi – ‘‘yo nu kho tesaṃ kukkuṭacchāpakānaṃ…pe… kinti svassa vacanīyo’’ti. Tattha kukkuṭacchāpakānanti kukkuṭapotakānaṃ. Kinti svassa vacanīyoti so kinti vacanīyo assa, kinti vattabbo bhaveyya jeṭṭho vā kaniṭṭho vāti. Sesaṃ uttānatthameva.

    д̇ад̇о б̣раахман̣о ааха – ‘‘ж̇здтод̇исса бхо г̇од̇ама важанийяо’’д̇и. бхо, г̇од̇ама, со ж̇здто ид̇и асса важанийяо. гасмаад̇и жз? со хи нзсам̣ ж̇здто, д̇асмаа со нзсам̣ вуд̣дхад̇арод̇и ад̇т̇о. ат̇асса бхаг̇аваа обаммам̣ самбадибаад̣̇знд̇о ааха – ‘‘звамзва ко ахам̣ б̣раахман̣аа’’д̇иаад̣̇и. яат̇аа со гуггудажчаабаго ж̇здтод̇и сан̇кяам̣ г̇ажчад̇и; звам̣ ахамби авиж̇ж̇ааг̇ад̇ааяа баж̇ааяа. авиж̇ж̇ааг̇ад̇ааяаад̇и авиж̇ж̇аа вужжад̇и ан̃н̃аан̣ам̣, д̇ад̇т̇а г̇ад̇ааяа. баж̇ааяаад̇и сад̇д̇аад̇хиважанамзд̇ам̣. д̇асмаа зд̇т̇а авиж̇ж̇ан̣д̣агосасса анд̇о бавидтзсу сад̇д̇зсууд̇и звам̣ ад̇т̇о д̣̇адтаб̣б̣о. ан̣д̣абхууд̇ааяаад̇и ан̣д̣з бхууд̇ааяа ж̇аад̇ааяа сан̃ж̇аад̇ааяа. яат̇аа хи ан̣д̣з ниб̣б̣ад̇д̇аа згажжз сад̇д̇аа ан̣д̣абхууд̇аад̇и вужжанд̇и; звамаяам̣ саб̣б̣ааби баж̇аа авиж̇ж̇ан̣д̣агосз ниб̣б̣ад̇д̇ад̇д̇аа ан̣д̣абхууд̇аад̇и вужжад̇и. барияонад̣̇д̇хааяаад̇и д̇зна авиж̇ж̇ан̣д̣агосзна саманд̇ад̇о онад̣̇д̇хааяа б̣ад̣̇д̇хааяа взтид̇ааяа . авиж̇ж̇ан̣д̣агосам̣ бад̣̇аалзд̇ваад̇и д̇ам̣ авиж̇ж̇аамаяам̣ ан̣д̣агосам̣ бхинд̣̇ид̇ваа . згова логзд̇и сагалзби логасанниваасз ахамзва зго ад̣̇уд̇ияо. ануд̇д̇арам̣ саммаасамб̣од̇хим̣ абхисамб̣уд̣̇д̇ход̇и ануд̇д̇аранд̇и уд̇д̇аравирахид̇ам̣ саб̣б̣асздтам̣. саммаасамб̣од̇хинд̇и саммаа сааман̃жа б̣од̇хим̣; ат̇а ваа басад̇т̇ам̣ сунд̣̇аран̃жа б̣од̇хим̣; б̣од̇хийд̇и ругкоби маг̇г̇оби саб̣б̣ан̃н̃уд̇ан̃н̃аан̣амби ниб̣б̣аанамби вужжад̇и. ‘‘б̣од̇хиругкамуулз батамаабхисамб̣уд̣̇д̇хо’’д̇и (махаава. 1; уд̣̇аа. 1) жа ‘‘анд̇араа жа г̇аяам̣ анд̇араа жа б̣од̇хи’’нд̇и (махаава. 11; ма. ни. 1.285) жа ааг̇ад̇адтаанзсу хи ругко б̣од̇хийд̇и вужжад̇и. ‘‘б̣од̇хи вужжад̇и жад̇уусу маг̇г̇зсу н̃аан̣а’’нд̇и (жуул̣ани. каг̇г̇ависаан̣асуд̇д̇анид̣̇д̣̇зса 121) ааг̇ад̇адтаанз маг̇г̇о. ‘‘баббод̇и б̣од̇хим̣ варабхууримзд̇хасо’’д̇и (д̣̇ий. ни. 3.217) ааг̇ад̇адтаанз саб̣б̣ан̃н̃уд̇ан̃н̃аан̣ам̣. ‘‘бад̇ваана б̣од̇хим̣ амад̇ам̣ асан̇кад̇а’’нд̇и ааг̇ад̇адтаанз ниб̣б̣аанам̣. ид̇ха бана бхаг̇авад̇о арахад̇д̇амаг̇г̇ан̃аан̣ам̣ ад̇хиббзд̇ам̣. саб̣б̣ан̃н̃уд̇ан̃н̃аан̣анд̇иби вад̣̇анд̇и. ан̃н̃зсам̣ арахад̇д̇амаг̇г̇о ануд̇д̇араа б̣од̇хи ход̇и, на ход̇ийд̇и? на ход̇и. гасмаа? асаб̣б̣аг̇ун̣ад̣̇ааяагад̇д̇аа. д̇зсан̃хи гассажи арахад̇д̇амаг̇г̇о арахад̇д̇апаламзва д̣̇зд̇и, гассажи д̇иссо виж̇ж̇аа, гассажи ча абхин̃н̃аа, гассажи жад̇ассо бадисамбхид̣̇аа, гассажи саавагабаарамин̃аан̣ам̣. бажжзгаб̣уд̣̇д̇хаанамби бажжзгаб̣од̇хин̃аан̣амзва д̣̇зд̇и. б̣уд̣̇д̇хаанам̣ бана саб̣б̣аг̇ун̣асамбад̇д̇им̣ д̣̇зд̇и, абхисзго вияа ран̃н̃о саб̣б̣алогиссарияабхаавам̣. д̇асмаа ан̃н̃асса гассажиби ануд̇д̇араа б̣од̇хи на ход̇ийд̇и. абхисамб̣уд̣̇д̇ход̇и аб̣бхан̃н̃аасим̣ бадивиж̇жхим̣; бад̇д̇омхи ад̇хиг̇ад̇омхийд̇и вуд̇д̇ам̣ ход̇и.

    Tato brāhmaṇo āha – ‘‘jeṭṭhotissa bho gotama vacanīyo’’ti. Bho, gotama, so jeṭṭho iti assa vacanīyo. Kasmāti ce? So hi nesaṃ jeṭṭho, tasmā so nesaṃ vuḍḍhataroti attho. Athassa bhagavā opammaṃ sampaṭipādento āha – ‘‘evameva kho ahaṃ brāhmaṇā’’tiādi. Yathā so kukkuṭacchāpako jeṭṭhoti saṅkhyaṃ gacchati; evaṃ ahampi avijjāgatāya pajāya. Avijjāgatāyāti avijjā vuccati aññāṇaṃ, tattha gatāya. Pajāyāti sattādhivacanametaṃ. Tasmā ettha avijjaṇḍakosassa anto paviṭṭhesu sattesūti evaṃ attho daṭṭhabbo. Aṇḍabhūtāyāti aṇḍe bhūtāya jātāya sañjātāya. Yathā hi aṇḍe nibbattā ekacce sattā aṇḍabhūtāti vuccanti; evamayaṃ sabbāpi pajā avijjaṇḍakose nibbattattā aṇḍabhūtāti vuccati. Pariyonaddhāyāti tena avijjaṇḍakosena samantato onaddhāya baddhāya veṭhitāya . Avijjaṇḍakosaṃ padāletvāti taṃ avijjāmayaṃ aṇḍakosaṃ bhinditvā . Ekova loketi sakalepi lokasannivāse ahameva eko adutiyo. Anuttaraṃ sammāsambodhiṃ abhisambuddhoti anuttaranti uttaravirahitaṃ sabbaseṭṭhaṃ. Sammāsambodhinti sammā sāmañca bodhiṃ; atha vā pasatthaṃ sundarañca bodhiṃ; bodhīti rukkhopi maggopi sabbaññutaññāṇampi nibbānampi vuccati. ‘‘Bodhirukkhamūle paṭhamābhisambuddho’’ti (mahāva. 1; udā. 1) ca ‘‘antarā ca gayaṃ antarā ca bodhi’’nti (mahāva. 11; ma. ni. 1.285) ca āgataṭṭhānesu hi rukkho bodhīti vuccati. ‘‘Bodhi vuccati catūsu maggesu ñāṇa’’nti (cūḷani. khaggavisāṇasuttaniddesa 121) āgataṭṭhāne maggo. ‘‘Pappoti bodhiṃ varabhūrimedhaso’’ti (dī. ni. 3.217) āgataṭṭhāne sabbaññutaññāṇaṃ. ‘‘Patvāna bodhiṃ amataṃ asaṅkhata’’nti āgataṭṭhāne nibbānaṃ. Idha pana bhagavato arahattamaggañāṇaṃ adhippetaṃ. Sabbaññutaññāṇantipi vadanti. Aññesaṃ arahattamaggo anuttarā bodhi hoti, na hotīti? Na hoti. Kasmā? Asabbaguṇadāyakattā. Tesañhi kassaci arahattamaggo arahattaphalameva deti, kassaci tisso vijjā, kassaci cha abhiññā, kassaci catasso paṭisambhidā, kassaci sāvakapāramiñāṇaṃ. Paccekabuddhānampi paccekabodhiñāṇameva deti. Buddhānaṃ pana sabbaguṇasampattiṃ deti, abhiseko viya rañño sabbalokissariyabhāvaṃ. Tasmā aññassa kassacipi anuttarā bodhi na hotīti. Abhisambuddhoti abbhaññāsiṃ paṭivijjhiṃ; pattomhi adhigatomhīti vuttaṃ hoti.

    ид̣̇аани яад̣̇зд̇ам̣ бхаг̇авад̇аа ‘‘звамзва ко ахам̣ б̣раахман̣аа’’д̇и аад̣̇инаа наязна вуд̇д̇ам̣ обаммасамбадибаад̣̇анам̣, д̇ам̣ звамад̇т̇зна сад̣̇д̇хим̣ сам̣санд̣̇ид̇ваа взд̣̇ид̇аб̣б̣ам̣. яат̇аа хи д̇ассаа гуггудияаа ад̇д̇ано ан̣д̣зсу ад̇хисаяанаад̣̇ид̇ивид̇хагирияаагаран̣ам̣; звам̣ б̣од̇хибаллан̇гз нисиннасса б̣од̇хисад̇д̇абхууд̇асса бхаг̇авад̇о ад̇д̇ано жид̇д̇асанд̇аанз анижжам̣ д̣̇угкам̣ анад̇д̇аад̇и д̇ивид̇хаанубассанаагаран̣ам̣. гуггудияаа д̇ивид̇хагирияаасамбаад̣̇анзна ан̣д̣аанам̣ абууд̇ибхааво вияа б̣од̇хисад̇д̇абхууд̇асса бхаг̇авад̇о д̇ивид̇хаанубассанаасамбаад̣̇анзна вибассанаан̃аан̣асса абарихаани. гуггудияаа д̇ивид̇хагирияаагаран̣зна ан̣д̣аанам̣ алласинзхабарияаад̣̇аанам̣ вияа б̣од̇хисад̇д̇абхууд̇асса бхаг̇авад̇о д̇ивид̇хаанубассанаасамбаад̣̇анзна бхавад̇д̇аяаануг̇ад̇аниганд̇исинзхабарияаад̣̇аанам̣. гуггудияаа д̇ивид̇хагирияаагаран̣зна ан̣д̣агабаалаанам̣ д̇анубхааво вияа б̣од̇хисад̇д̇абхууд̇асса бхаг̇авад̇о д̇ивид̇хаанубассанаасамбаад̣̇анзна авиж̇ж̇ан̣д̣агосасса д̇анубхааво. гуггудияаа д̇ивид̇хагирияаагаран̣зна гуггудажчаабагасса баад̣̇анакасикаад̇ун̣д̣агаанам̣ т̇ад̣̇д̇хакарабхааво вияа б̣од̇хисад̇д̇абхууд̇асса бхаг̇авад̇о д̇ивид̇хаанубассанаасамбаад̣̇анзна вибассанаан̃аан̣асса д̇игкакаравиббасаннасуурабхааво. гуггудияаа д̇ивид̇хагирияаагаран̣зна гуггудажчаабагасса барибаагагаало вияа б̣од̇хисад̇д̇абхууд̇асса бхаг̇авад̇о д̇ивид̇хаанубассанаасамбаад̣̇анзна вибассанаан̃аан̣асса барибаагагаало вад̣дхид̇агаало г̇аб̣бхаг̇г̇ахан̣агаало взд̣̇ид̇аб̣б̣о.

    Idāni yadetaṃ bhagavatā ‘‘evameva kho ahaṃ brāhmaṇā’’ti ādinā nayena vuttaṃ opammasampaṭipādanaṃ, taṃ evamatthena saddhiṃ saṃsanditvā veditabbaṃ. Yathā hi tassā kukkuṭiyā attano aṇḍesu adhisayanāditividhakiriyākaraṇaṃ; evaṃ bodhipallaṅke nisinnassa bodhisattabhūtassa bhagavato attano cittasantāne aniccaṃ dukkhaṃ anattāti tividhānupassanākaraṇaṃ. Kukkuṭiyā tividhakiriyāsampādanena aṇḍānaṃ apūtibhāvo viya bodhisattabhūtassa bhagavato tividhānupassanāsampādanena vipassanāñāṇassa aparihāni. Kukkuṭiyā tividhakiriyākaraṇena aṇḍānaṃ allasinehapariyādānaṃ viya bodhisattabhūtassa bhagavato tividhānupassanāsampādanena bhavattayānugatanikantisinehapariyādānaṃ. Kukkuṭiyā tividhakiriyākaraṇena aṇḍakapālānaṃ tanubhāvo viya bodhisattabhūtassa bhagavato tividhānupassanāsampādanena avijjaṇḍakosassa tanubhāvo. Kukkuṭiyā tividhakiriyākaraṇena kukkuṭacchāpakassa pādanakhasikhātuṇḍakānaṃ thaddhakharabhāvo viya bodhisattabhūtassa bhagavato tividhānupassanāsampādanena vipassanāñāṇassa tikkhakharavippasannasūrabhāvo. Kukkuṭiyā tividhakiriyākaraṇena kukkuṭacchāpakassa paripākakālo viya bodhisattabhūtassa bhagavato tividhānupassanāsampādanena vipassanāñāṇassa paripākakālo vaḍḍhitakālo gabbhaggahaṇakālo veditabbo.

    д̇ад̇о гуггудияаа д̇ивид̇хагирияаагаран̣зна гуггудажчаабагасса баад̣̇анакасикааяа ваа мукад̇ун̣д̣агзна ваа ан̣д̣агосам̣ бад̣̇аалзд̇ваа багкз бабподзд̇ваа сод̇т̇инаа абхиниб̣бхид̣̇аагаало вияа б̣од̇хисад̇д̇абхууд̇асса бхаг̇авад̇о д̇ивид̇хаанубассанаасамбаад̣̇анзна вибассанаан̃аан̣ам̣ г̇аб̣бхам̣ г̇ан̣хаабзд̇ваа анубуб̣б̣аад̇хиг̇ад̇зна арахад̇д̇амаг̇г̇зна авиж̇ж̇ан̣д̣агосам̣ бад̣̇аалзд̇ваа абхин̃н̃аабагкз бабподзд̇ваа сод̇т̇инаа сагалаб̣уд̣̇д̇хаг̇ун̣асажчигад̇агаало взд̣̇ид̇аб̣б̣од̇и.

    Tato kukkuṭiyā tividhakiriyākaraṇena kukkuṭacchāpakassa pādanakhasikhāya vā mukhatuṇḍakena vā aṇḍakosaṃ padāletvā pakkhe papphoṭetvā sotthinā abhinibbhidākālo viya bodhisattabhūtassa bhagavato tividhānupassanāsampādanena vipassanāñāṇaṃ gabbhaṃ gaṇhāpetvā anupubbādhigatena arahattamaggena avijjaṇḍakosaṃ padāletvā abhiññāpakkhe papphoṭetvā sotthinā sakalabuddhaguṇasacchikatakālo veditabboti.

    сваахам̣ б̣раахман̣а ж̇здто сздто логассаад̇и со ахам̣ б̣раахман̣а яат̇аа д̇зсам̣ гуггудабод̇агаанам̣ батамад̇арам̣ ан̣д̣агосам̣ бад̣̇аалзд̇ваа абхиниб̣бхид̣̇о гуггудабод̇аго ж̇здто ход̇и; звам̣ авиж̇ж̇ааг̇ад̇ааяа баж̇ааяа д̇ам̣ авиж̇ж̇ан̣д̣агосам̣ бад̣̇аалзд̇ваа батамад̇арам̣ арияааяа ж̇аад̇ияаа ж̇аад̇ад̇д̇аа ж̇здто вуд̣дхад̇арод̇и сан̇кяам̣ г̇ад̇о. саб̣б̣аг̇ун̣зхи бана аббадисамад̇д̇аа сздтод̇и.

    Svāhaṃ brāhmaṇa jeṭṭho seṭṭho lokassāti so ahaṃ brāhmaṇa yathā tesaṃ kukkuṭapotakānaṃ paṭhamataraṃ aṇḍakosaṃ padāletvā abhinibbhido kukkuṭapotako jeṭṭho hoti; evaṃ avijjāgatāya pajāya taṃ avijjaṇḍakosaṃ padāletvā paṭhamataraṃ ariyāya jātiyā jātattā jeṭṭho vuḍḍhataroti saṅkhyaṃ gato. Sabbaguṇehi pana appaṭisamattā seṭṭhoti.

    звам̣ бхаг̇аваа ад̇д̇ано ануд̇д̇арам̣ ж̇здтасздтабхаавам̣ б̣раахман̣асса багаасзд̇ваа ид̣̇аани яааяа бадибад̣̇ааяа д̇ам̣ ад̇хиг̇ад̇о д̇ам̣ бадибад̣̇ам̣ буб̣б̣абхааг̇ад̇о бабхуд̇и д̣̇ассзд̇ум̣ ‘‘аарад̣̇д̇хам̣ ко бана мз б̣раахман̣аа’’д̇иаад̣̇имааха. имам̣ ваа бхаг̇авад̇о ануд̇д̇арам̣ ж̇здтасздтабхаавам̣ суд̇ваа б̣раахман̣асса жид̇д̇амзвамуббаннам̣ – ‘‘гааяа ну ко бадибад̣̇ааяа имам̣ бад̇д̇о’’д̇и. д̇асса жид̇д̇аман̃н̃ааяа ‘‘имааяаахам̣ бадибад̣̇ааяа имам̣ ануд̇д̇арам̣ ж̇здтасздтабхаавам̣ бад̇д̇о’’д̇и д̣̇ассзнд̇о звамааха. д̇ад̇т̇а аарад̣̇д̇хам̣ ко бана мз б̣раахман̣а вийрияам̣ ахосийд̇и б̣раахман̣а, на маяаа аяам̣ ануд̇д̇аро ж̇здтасздтабхааво гусийд̇зна мудтассад̇инаа саарад̣̇д̇хагааязна вигкид̇д̇ажид̇д̇зна ад̇хиг̇ад̇о, абижа ко д̇ад̣̇ад̇хиг̇амааяа аарад̣̇д̇хам̣ ко бана мз вийрияам̣ ахоси, б̣од̇химан̣д̣з нисиннзна маяаа жад̇уран̇г̇асаманнааг̇ад̇ам̣ вийрияам̣ аарад̣̇д̇хам̣ ахоси, баг̇г̇ахид̇ам̣ асит̇илаббавад̇д̇ид̇анд̇и вуд̇д̇ам̣ ход̇и. аарад̣̇д̇хад̇д̇ааязва жа мз д̇ам̣ асаллийнам̣ ахоси. на гзвалан̃жа вийрияамзва, сад̇иби мз аарамман̣аабхимукийбхаавзна убадтид̇аа ахоси. убадтид̇ад̇д̇ааязва жа асаммудтаа. бассад̣̇д̇хо гааяо асаарад̣̇д̇ход̇и гааяажид̇д̇абассад̣̇д̇хивасзна гааяоби мз бассад̣̇д̇хо ахоси . д̇ад̇т̇а яасмаа наамагааяз бассад̣̇д̇хз руубагааяоби бассад̣̇д̇хоязва ход̇и, д̇асмаа наамагааяо руубагааяод̇и ависзсзд̇ваава бассад̣̇д̇хо гааяод̇и вуд̇д̇ам̣. асаарад̣̇д̇ход̇и со жа ко бассад̣̇д̇хад̇д̇ааязва асаарад̣̇д̇хо, виг̇ад̇ад̣̇арат̇од̇и вуд̇д̇ам̣ ход̇и. самаахид̇ам̣ жид̇д̇ам̣ згаг̇г̇анд̇и жид̇д̇амби мз саммаа аахид̇ам̣ судту табид̇ам̣ аббид̇ам̣ вияа ахоси; самаахид̇ад̇д̇аа зва жа згаг̇г̇ам̣ ажалам̣ нибпанд̣̇ананд̇и. зд̇д̇аавад̇аа жхаанасса буб̣б̣абхааг̇абадибад̣̇аа гат̇ид̇аа ход̇и.

    Evaṃ bhagavā attano anuttaraṃ jeṭṭhaseṭṭhabhāvaṃ brāhmaṇassa pakāsetvā idāni yāya paṭipadāya taṃ adhigato taṃ paṭipadaṃ pubbabhāgato pabhuti dassetuṃ ‘‘āraddhaṃ kho pana me brāhmaṇā’’tiādimāha. Imaṃ vā bhagavato anuttaraṃ jeṭṭhaseṭṭhabhāvaṃ sutvā brāhmaṇassa cittamevamuppannaṃ – ‘‘kāya nu kho paṭipadāya imaṃ patto’’ti. Tassa cittamaññāya ‘‘imāyāhaṃ paṭipadāya imaṃ anuttaraṃ jeṭṭhaseṭṭhabhāvaṃ patto’’ti dassento evamāha. Tattha āraddhaṃ kho pana me brāhmaṇa vīriyaṃ ahosīti brāhmaṇa, na mayā ayaṃ anuttaro jeṭṭhaseṭṭhabhāvo kusītena muṭṭhassatinā sāraddhakāyena vikkhittacittena adhigato, apica kho tadadhigamāya āraddhaṃ kho pana me vīriyaṃ ahosi, bodhimaṇḍe nisinnena mayā caturaṅgasamannāgataṃ vīriyaṃ āraddhaṃ ahosi, paggahitaṃ asithilappavattitanti vuttaṃ hoti. Āraddhattāyeva ca me taṃ asallīnaṃ ahosi. Na kevalañca vīriyameva, satipi me ārammaṇābhimukhībhāvena upaṭṭhitā ahosi. Upaṭṭhitattāyeva ca asammuṭṭhā. Passaddho kāyo asāraddhoti kāyacittapassaddhivasena kāyopi me passaddho ahosi . Tattha yasmā nāmakāye passaddhe rūpakāyopi passaddhoyeva hoti, tasmā nāmakāyo rūpakāyoti avisesetvāva passaddho kāyoti vuttaṃ. Asāraddhoti so ca kho passaddhattāyeva asāraddho, vigatadarathoti vuttaṃ hoti. Samāhitaṃ cittaṃ ekagganti cittampi me sammā āhitaṃ suṭṭhu ṭhapitaṃ appitaṃ viya ahosi; samāhitattā eva ca ekaggaṃ acalaṃ nipphandananti. Ettāvatā jhānassa pubbabhāgapaṭipadā kathitā hoti.




    Next: батамаж̇жхаанагат̇аа • Paṭhamajjhānakathā




    Related texts:



    д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / взран̃ж̇аган̣д̣ам̣ • Verañjakaṇḍaṃ

    дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / взран̃ж̇аган̣д̣аван̣н̣анаа • Verañjakaṇḍavaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / батамаж̇жхаанагат̇ааван̣н̣анаа • Paṭhamajjhānakathāvaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact