баарааж̇игаван̣н̣анаа

взран̃ж̇аган̣д̣о

взран̃ж̇аган̣д̣аван̣н̣анаа

‘‘д̇зна самаязна б̣уд̣̇д̇хо бхаг̇аваа взсаалияам̣ вихарад̇и махааванз гуудааг̇аарасаалааяам̣. д̇зна ко бана самаязна взсаалияаа авид̣̇уурз галанд̣̇аг̇аамо наама ход̇ий’’д̇и винаяанид̣̇аанз аарабхид̇аб̣б̣з взран̃ж̇аган̣д̣асса аарамбхо гимад̇т̇од̇и жз? вужжад̇з – муулад̇о бабхуд̇и винаяанид̣̇аанам̣ д̣̇ассзд̇ум̣. яад̣̇и звам̣ ‘‘батамам̣ аавусо убаали баарааж̇игам̣ гад̇т̇а бан̃н̃ад̇д̇анд̇и, взсаалияа’’нд̇и важанзна вируж̇жхад̇ийд̇и жз? на вируж̇жхад̇и. гасмаа? гад̇т̇а бан̃н̃ад̇д̇анд̇и хи нид̣̇аанабужчаа. звам̣ санд̇зби ‘‘батамасса баарааж̇игасса гим̣нид̣̇аана’’нд̇и бужчид̇з саад̇хааран̣амахаанид̣̇аанависсаж̇ж̇анам̣ аяуд̇д̇ам̣ вияаад̇и? нааяуд̇д̇ам̣, саб̣б̣зсам̣ сигкаабад̣̇аанам̣ баадзггам̣ нид̣̇аанасса будтад̇д̇аа д̇асса виссаж̇ж̇зд̇аб̣б̣ад̇д̇аа жа саб̣б̣асаад̇хааран̣амахаанид̣̇аанам̣ батамамааха. зганд̇зна бужчаависсаж̇ж̇анаггамзна баарааж̇игаад̣̇ийни сан̇г̇ахам̣ ааробид̇аани. гат̇ам̣ ааробид̇аанийд̇и жз? ааяасмад̇аа махаагассабзна ануггамзна саб̣б̣оби винаяо бужчид̇о, будтзна жа ааяасмад̇аа убаалид̇т̇зрзна яат̇аасамбхавам̣ ниранд̇арам̣ виссаж̇ж̇ид̇амзва. абужчид̇ааниби винийд̇авад̇т̇уаад̣̇ийни яуж̇ж̇амаанаани вад̇т̇ууни анд̇огад̇ваа виссаж̇ж̇анаггамзнзва г̇ан̣асаж̇жхааяамагам̣сууд̇и взд̣̇ид̇аб̣б̣ам̣. ан̃н̃ат̇аа взран̃ж̇аган̣д̣ам̣ батамабаарааж̇игассзва нид̣̇аананд̇и ваа анад̇хигааригам̣ ваа ниббаяож̇анам̣ ваа баадзггам̣ сигкаабад̣̇анид̣̇аанабужчаананд̇арам̣ д̇ад̣̇зва виссаж̇ж̇зд̇аб̣б̣анд̇и ваа аабаж̇ж̇ад̇и, д̇асмаа аад̣̇ид̇о бабхуд̇и винаяанид̣̇аанам̣ д̣̇ассзд̇ум̣ ‘‘д̇зна самаязнаа’’д̇иаад̣̇и аарад̣̇д̇хам̣.

ид̣̇аани нид̣̇аанабхан̣анз баяож̇анам̣ вагкаама – винаяассааан̣аад̣̇зсанад̇д̇аа бхаг̇авад̇о д̇аава аан̣аарахабхаавад̣̇ийбанам̣ , аан̣аабхууд̇асса жа винаяасса анан̃н̃ависаяабхаавад̣̇ийбанам̣, аан̣ааяа тид̇аанам̣ саавагаанам̣ махаанубхаавад̣̇ийбанан̃жаад̇и д̇ивид̇хамасса баяож̇анам̣. гат̇ам̣? аан̣аасаасанаарахо хи бхаг̇аваа бахийнагилзсад̇д̇аа, ад̇хиг̇ад̇аг̇ун̣ависзсад̇д̇аа, логаж̇здтасздтад̇д̇аа, д̇аад̣̇ибхааваббад̇д̇ад̇д̇аа жа, арасаруубад̇аад̣̇ийхи адтахи аггосавад̇т̇уухи агамбанад̇о бхаг̇авад̇о д̇аад̣̇ибхааваббад̇д̇и взд̣̇ид̇аб̣б̣аа, адтаннамби д̇зсам̣ аггосавад̇т̇уунам̣ ад̇д̇ани самбхавабарияааяад̣̇ийбанабаал̣ияаа бахийнагилзсад̇аа взд̣̇ид̇аб̣б̣аа . жад̇уннам̣ жхаанаанам̣ д̇иссаннан̃жа виж̇ж̇аанам̣ ад̇хиг̇амабарид̣̇ийбанзна ад̇хиг̇ад̇аг̇ун̣ависзсад̇аа взд̣̇ид̇аб̣б̣аа. ‘‘наахам̣ д̇ам̣ б̣раахман̣а бассаами сад̣̇звагз…бз… муд̣̇д̇хааби д̇асса вибад̇зяяаа’’д̇и жа ‘‘ж̇здто сздто логассаа’’д̇и жа важанзна ж̇здтасздтад̇аа взд̣̇ид̇аб̣б̣аа, ид̣̇ан̃жа бхаг̇авад̇о аан̣аарахабхаавад̣̇ийбанаббаяож̇анам̣. ‘‘ааг̇амзхи д̇вам̣ саарибуд̇д̇а, ааг̇амзхи д̇вам̣ саарибуд̇д̇а, д̇ат̇ааг̇ад̇ова д̇ад̇т̇а гаалам̣ ж̇ааниссад̇ий’’д̇и важанам̣ анан̃н̃ависаяабхаавад̣̇ийбанам̣. ‘‘саад̇хаахам̣, бханд̇з, бат̇авим̣ баривад̇д̇зяяа’’нд̇и жа ‘‘згаахам̣, бханд̇з, баан̣им̣ абхинимминиссаамий’’д̇и жа ‘‘саад̇ху, бханд̇з, саб̣б̣о бхигкусан̇гхо уд̇д̇арагурум̣ бин̣д̣ааяа г̇ажчзяяаа’’д̇и жа имзхи т̇зрасса д̇ийхи сийханаад̣̇зхи аан̣ааяа тид̇аанам̣ саавагаанам̣ махаанубхаавад̇аад̣̇ийбанам̣ взд̣̇ид̇аб̣б̣ам̣. саавад̇т̇ияаад̣̇ийсу авихарид̇ваа гимад̇т̇ам̣ бхаг̇аваа взран̃ж̇ааяамзва д̇ад̣̇аа вихаасийд̇и жз? нал̣зруяагкасса бийд̇исан̃ж̇ананад̇т̇ам̣, бхигкусан̇гхасса бхигкаавасзна агиламанад̇т̇ам̣, взран̃ж̇аб̣раахман̣асса басаад̣̇асан̃ж̇ананад̇т̇ам̣, махаамог̇г̇аллаанад̇т̇зрасса аанубхаавад̣̇ийбанадтаанабхууд̇ад̇д̇аа, саарибуд̇д̇ад̇т̇зрасса винаяабан̃н̃ад̇д̇ияаажанахзд̇убхууд̇абаривид̇агганадтаанабхууд̇ад̇д̇аа жа. д̇зсу бажчимам̣ б̣алавагааран̣ам̣, д̇зна вуд̇д̇ам̣ адтагат̇ааяам̣ ‘‘д̇зна самаязнаад̇и язна гаалзна ааяасмад̇о…бз… д̇зна гаалзнаа’’д̇и. буримзсу жад̇уусу асан̇г̇ахагааран̣зсу батамзна бхаг̇аваа мзд̇д̇аабхааванаад̣̇инаа амануссаанам̣ жид̇д̇асам̣рагкан̣зна бхигкуунам̣ аад̣̇арам̣ ж̇анзд̇и. д̣̇уд̇иязна барисааважарзна бхигкунаа звам̣ барисаа сан̇г̇ахзд̇аб̣б̣аа, звам̣ аббижчзна санд̇удтзна жа бхавид̇аб̣б̣анд̇и ваа д̣̇ассзд̇и. д̇ад̇иязна бажжаяз нирабзгкзна гулаануг̇г̇ахо гаад̇аб̣б̣од̇и. жад̇уд̇т̇зна звам̣ махаанубхаавзнааби бажжаяад̇т̇ам̣ на лолуббам̣ гаад̇аб̣б̣ам̣, гзвалам̣ барад̣̇ад̇д̇убаж̇ийвинаа бхавид̇аб̣б̣анд̇и д̣̇ассзд̇и. ‘‘д̇знаад̇иаад̣̇ибаатасса…бз… винаяассад̇т̇аван̣н̣ана’’нд̇и важанад̇о ан̃н̃о д̇знаад̇иаад̣̇ибаато, ан̃н̃о винаяо аабаж̇ж̇ад̇и.

‘‘д̇знаад̇иаад̣̇ибаатамхаа, го ан̃н̃о винаяо ид̇ха;

д̇ассад̇т̇ам̣ д̣̇ассаяанд̇ова, гарз винаяаван̣н̣ана’’нд̇и. –

жз? нану вуд̇д̇ам̣ буб̣б̣зва ‘‘ид̣̇ан̃хи б̣уд̣̇д̇хасса бхаг̇авад̇о ад̇д̇абажжагкаважанам̣ на ход̇ий’’д̇иаад̣̇и, д̇асмаа убаалид̇т̇зрзна вуд̇д̇асса д̇знаад̇иаад̣̇ибаатасса ад̇т̇ам̣ наанаббагаарад̇о д̣̇ассаяанд̇о гариссаами винаяасса бхаг̇авад̇о ад̇д̇абажжагкаважанабхууд̇асса ад̇т̇аван̣н̣ананд̇и звамзд̇т̇а ад̇т̇о д̣̇адтаб̣б̣о. яад̣̇и звам̣ ‘‘д̇зна самаязна б̣уд̣̇д̇хо бхаг̇аваа взран̃ж̇ааяам̣ вихарад̇ийд̇и звамаад̣̇иважанабадиман̣д̣ид̇анид̣̇аанам̣ винаяабидагам̣ гзна д̇хаарид̇а’’нд̇иаад̣̇иважанам̣ вируж̇жхад̇и ‘‘д̇зна самаязнаа’’д̇иаад̣̇иважанасса винаяабидагабарияаабаннабхаавад̣̇ийбанад̇од̇и жз? на, ан̃н̃ад̇т̇зби д̇аб̣б̣охаарасид̣̇д̇хид̇о ‘‘наанаавид̇хабхид̇д̇игаммабадиман̣д̣ид̇авасано бурисо’’д̇иаад̣̇ийсу вияа. винаяассаад̣̇ибхаавзна сан̇г̇ийд̇игаарагзхи анун̃н̃аад̇ад̇д̇аа винаяабарияаабаннад̇ааби яуж̇ж̇ад̇и д̇асса важанасса. зд̇т̇ааха – яат̇аа суд̇д̇анд̇з ‘‘згам̣ самаяа’’нд̇и жа, абхид̇хаммз жа ‘‘яасмим̣ самаяз’’д̇и анияамад̇о вуд̇д̇ам̣, д̇ат̇аа авад̇ваа ид̇ха ‘‘д̇зна самаязнаа’’д̇и батамам̣ д̇ам̣нид̣̇д̣̇зсова гасмаа вуд̇д̇од̇и? вужжад̇з – д̇асса д̇асса сигкаабад̣̇абан̃н̃ад̇д̇исамаяасса, яасса ваа сигкаабад̣̇абан̃н̃ад̇д̇ихзд̇убхууд̇асса самаяасса хзд̇у бхаг̇аваа д̇ад̇т̇а д̇ад̇т̇а вихааси, д̇асса жа самаяасса ад̇ийд̇асса д̇зсам̣ сан̇г̇ийд̇игаарагаанам̣ васийнам̣ сувид̣̇ид̇ад̇д̇аа. гат̇ам̣? ‘‘яз д̇з бхигкуу аббижчаа д̇з уж̇жхааяанд̇ий’’д̇иаад̣̇иважанад̇о, ‘‘ат̇а ко д̇з бхигкуу бхаг̇авад̇о зд̇амад̇т̇ам̣ аарожзсу’’нд̇и жа ‘‘ат̇а ко бхаг̇аваа зд̇асмим̣ нид̣̇аанз саннибаад̇аабзд̇ваа’’д̇и жа ‘‘бхигкуунам̣ д̇ад̣̇анужчавигам̣ д̇ад̣̇ану…бз… д̣̇аса ад̇т̇авасз бадижжа сан̇гхасудтуд̇ааяаа’’д̇и жа ‘‘зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇аа’’д̇и жа канд̇хагзсу жа ‘‘ануж̇аанаами, бхигкавз, д̇ийхи саран̣аг̇аманзхи баб̣б̣аж̇ж̇а’’нд̇иаад̣̇ивинаяаггамасса важанад̇о яо со сигкаабад̣̇абан̃н̃ад̇д̇исамаяо, д̇асса д̇асса винаяаггамасса со бан̃н̃ад̇д̇исамаяо жа сувид̣̇ид̇о д̇зсам̣ бан̃жасад̇аанам̣ д̇хаммад̇хараанам̣ бхигкуунам̣, нааяам̣ наяо суд̇д̇анд̇аабхид̇хаммзсу самбхавад̇и. д̇асмаа сувид̣̇ид̇ад̇д̇аа д̇зна самаязна хзд̇убхууд̇зна вихарад̇ийд̇и вихарад̇ибад̣̇зна згасамб̣анд̇хад̇д̇аа жа батамам̣ яам̣нид̣̇д̣̇зсаад̣̇ино асамбхавад̇о жа винаяабидагз д̇ам̣нид̣̇д̣̇зсова батамам̣ вуд̇д̇о. гат̇ам̣? зд̇т̇а ‘‘язна ко бана самаязна взсаалияаа авид̣̇уурз галанд̣̇аг̇аамо наама ход̇ий’’д̇и ваа ‘‘язна ко бана самаязна взсаалий…бз… ход̇ий’’д̇и ваа асамбхавад̇о яам̣нид̣̇д̣̇зсзна авад̇ваа д̇ам̣нид̣̇д̣̇зсассзва самбхавад̇о ‘‘д̇зна ко бана самаязна…бз… галанд̣̇аг̇аамо наама ход̇ий’’д̇и вуд̇д̇анд̇и, гзвалам̣ сувид̣̇ид̇ад̇д̇аа ваа. анияаманид̣̇д̣̇зсаважананд̇и зд̇т̇а гин̃жааби яат̇аавуд̇д̇анаязна нияаманид̣̇д̣̇зсаважанамзвзд̇ам̣ д̇ам̣нид̣̇д̣̇зсад̇д̇аа, д̇ат̇ааби самбад̇игаалавасзна д̇ад̣̇ид̇арзсам̣ бхигкуунам̣ авид̣̇ид̇ад̇д̇аа ‘‘анияаманид̣̇д̣̇зсаважана’’нд̇и вуд̇д̇ам̣. яам̣ бана вуд̇д̇ам̣ ‘‘аяан̃хи саб̣б̣асмимби винаяз яуд̇д̇ий’’д̇и, д̇ам̣ д̇аб̣б̣ахулзна вуд̇д̇анд̇и взд̣̇ид̇аб̣б̣ам̣.

яад̣̇и саб̣б̣ам̣ д̇знаад̇и бад̣̇ам̣ анияаманид̣̇д̣̇зсаважанам̣ бхавзяяа, д̇зна хи бхигкавз бхигкуунам̣ сигкаабад̣̇анд̇и зд̇т̇а ид̣̇амби буб̣б̣з сид̣̇д̇хад̇т̇ам̣ д̇знаад̇и бад̣̇ам̣ анияаманид̣̇д̣̇зсаважанам̣ бхавзяяа. ‘‘д̇зна самаязна б̣уд̣̇д̇хо бхаг̇аваа урувзлааяам̣ вихарад̇ий’’д̇иаад̣̇ийсу вуд̇д̇ам̣ д̇знаад̇и бад̣̇ан̃жа анияаманид̣̇д̣̇зсаважанам̣ бхавзяяа, на жа ход̇и, д̇асмаа язсам̣ д̇зна д̇ам̣нид̣̇д̣̇зсзна нид̣̇д̣̇идтад̇т̇о авид̣̇ид̇о, д̇зсам̣ васзнааха ‘‘анияаманид̣̇д̣̇зсаважанамзд̇а’’нд̇и. ат̇а ваа д̇ад̇о батамам̣ д̇ад̣̇ад̇т̇аад̣̇ассанад̇о бажчааби д̇ам̣самб̣анд̇хзна яам̣нид̣̇д̣̇зсад̣̇ассанад̇о жа ‘‘анияаманид̣̇д̣̇зсаважанамзд̇а’’нд̇и вуд̇д̇ам̣. ат̇а ваа буб̣б̣ан̣хаад̣̇ийсу аяам̣ наамаад̇и анияамзд̇ваа гаалабарид̣̇ийбанасса самаяасад̣̇д̣̇асса убабад̣̇абхаавзнаби звам̣ вад̇д̇умарахад̇и ‘‘яад̣̇ид̣̇ам̣ анияаманид̣̇д̣̇зсаважана’’нд̇и. ат̇а ваа ‘‘д̇знаа’’д̇и вуд̇д̇з д̇зна гхадзна бадзнаад̇и саб̣б̣ад̇т̇аббасан̇г̇анивааран̣ад̇т̇ам̣ нияамам̣ гарод̇и ‘‘самаязнаа’’д̇и. гзна бана самаязна? барабхааг̇з ад̇т̇ад̇о сид̣̇д̇хзна саарибуд̇д̇асса баривид̇аггасамаязна. зд̇т̇ааха – вид̇аггасамаяо жз ид̇хаад̇хиббзд̇о, ‘‘барад̇о ид̇ха бана хзд̇уад̇т̇о гаран̣ад̇т̇о жа самбхавад̇и. яо хи со сигкаабад̣̇абан̃н̃ад̇д̇исамаяо саарибуд̇д̇аад̣̇ийхиби д̣̇уб̣б̣ин̃н̃зяяо, д̇зна самаязна хзд̇убхууд̇зна гаран̣абхууд̇зна жаа’’д̇иаад̣̇иважанам̣ вируж̇жхад̇ийд̇и? на, б̣аахуллзна вуд̇д̇ад̇д̇аа. суд̇д̇анд̇аабхид̇хаммзсу вияа авад̇ваа ид̇ха винаяабидагз гаран̣аважанзна гасмаа нид̣̇д̣̇зсод̇и хи жод̣̇анаа. д̇асмаа д̇ассаа виссаж̇ж̇анз б̣аахуллзна гаран̣аважанаббаяож̇анам̣ вад̇д̇угаамо аажарияо ааха ‘‘яо со сигкаабад̣̇абан̃н̃ад̇д̇исамаяо’’д̇иаад̣̇и. на самбад̇и вужжамаанассзва гаран̣аважанасса баяож̇анам̣ вад̇д̇угаамо, имасса бана хзд̇уад̇т̇ова самбхавад̇и, на гаран̣ад̇т̇о, д̇асмаа ааха ‘‘абарабхааг̇з ад̇т̇ад̇о сид̣̇д̇хзнаа’’д̇иаад̣̇и. самаяан̃жаад̇и ааг̇аманабажжаяасамавааяам̣ д̇ад̣̇ануруубагаалан̃жа убаад̣̇ааяаад̇и ад̇т̇о. бажжаяасаамаг̇г̇ин̃жа ааг̇аманагаалан̃жа лабхид̇ваа ж̇ааниссаамаад̇и ад̇хиббааяо.

зд̇т̇ааха – яат̇аа ‘‘згова ко, бхигкавз, кан̣о самаяо жаа’’д̇и зд̇т̇а кан̣асамаяаанам̣ зго ад̇т̇о, д̇ат̇аа гаалан̃жа самаяан̃жа убаад̣̇ааяаад̇и гааласамаяаанам̣ зго ад̇т̇о сияаа, абижа ааг̇аманабажжаяасамавааяо жзд̇т̇а самаяо гаалассааби ааг̇аманабажжаяад̇д̇аа самаяаг̇г̇ахан̣знзва со г̇ахид̇од̇и висум̣ гаало гимад̇т̇ам̣ г̇ахид̇од̇и жа? вужжад̇з – аббзва наама свзбийд̇и гааласса батамам̣ нияамид̇ад̇д̇аа на самаяо гаалад̇т̇о . д̇асмим̣ свзд̇и нияамид̇агаалз ид̇арзсам̣ ааг̇аманабажжаяаанам̣ самавааяам̣ бадижжа убасан̇гамзяяаама яат̇аанияамид̇агаалзби буб̣б̣ан̣хаад̣̇иббабхзд̣̇ам̣ яат̇аавуд̇д̇асамавааяаануруубам̣ гаалан̃жа убаад̣̇ааяаад̇и свзд̇и барижчиннад̣̇ивасз буб̣б̣ан̣хаад̣̇игааланияад̇абхаавам̣ д̣̇ассзд̇и, д̇асмаа гааласамаяаанам̣ на згад̇т̇ад̇д̇аа гааласса висум̣ г̇ахан̣амби саад̇т̇аганд̇и взд̣̇ид̇аб̣б̣ам̣. яасмаа кан̣з кан̣з д̇вам̣ бхигку ж̇ааяаси жа ж̇ийяаси жа мийяаси жзд̇и бхигкунияаа санд̇игз абхигкан̣ам̣ г̇ажчад̇ийд̇и (баажи. 198) жа кан̣з кан̣з бхаасад̇и сад̇т̇усаасананд̇и жа кан̣асад̣̇д̣̇о анзгад̇т̇о, д̇ат̇аа самаяасад̣̇д̣̇о жа, д̇асмаа згамзгзна нияамзнд̇о ‘‘згова ко, бхигкавз, кан̣о жа самаяо жаа’’д̇и ааха. кан̣асамаяаанам̣ ад̇т̇о згад̇т̇о яуж̇ж̇ад̇и кан̣о огаасалаабхо, адтагкан̣аваж̇ж̇ид̇о навамо кан̣од̇и ад̇т̇о. ад̇д̇ано ад̇д̇ано ужчзд̣̇аад̣̇аяо д̣̇идтиг̇ад̇асан̇каад̇з самаяз зд̇т̇а бавад̣̇анд̇ийд̇и самаяаббаваад̣̇аго. свзва д̇инд̣̇угаажийрасан̇каад̇ааяа д̇имб̣аруругкабанд̇ияаа баригкид̇д̇ад̇д̇аа д̇инд̣̇угаажийрам̣. згасаалагзд̇и зго сааларугко. ‘‘гудигаа’’д̇иби вад̣̇анд̇и. ад̇т̇аабхисамаяаад̇и ад̇д̇ано хид̇абадилаабхаа. д̇хийрод̇и жа бан̣д̣ид̇о вужжад̇и, наан̃н̃о. саммаа маанаабхисамаяаад̇и судту маанасса бахаанзна, самужчзд̣̇авасзна судту маанаббахаанзнаад̇и ад̇т̇о. д̣̇угкасса бийл̣анадтод̇иаад̣̇ийсу ‘‘жад̇уннам̣ сажжаанам̣ жад̇уухи аагаарзхи бадивзд̇хо’’д̇иаад̣̇ийсу канд̇хабан̃жагасан̇каад̇асса д̣̇угкасса д̣̇угкаагаарад̇ааяадто. сан̇кад̇адто гааран̣уббад̇д̇иад̇т̇о, д̣̇угкааяа взд̣̇анааяа санд̇аабадто. сукааяа взд̣̇анааяа вибарин̣аамадто. бийл̣анадтаад̣̇игова абхисамаяадтод̇и ад̇т̇о д̣̇адтаб̣б̣о. г̇аб̣бхогганд̇исамаяод̇иаад̣̇ийсуби бат̇авийгамбанааалогабаад̇убхааваад̣̇ийхи д̣̇звамануссзсу баагадо. д̣̇уггарагааригасамаяоби гаал̣о саман̣о г̇од̇амо на гаал̣од̇иаад̣̇инаа баагадо. сад̇д̇асад̇д̇аахаани жа ан̃н̃аани жа д̣̇идтад̇хаммасукавихаарасамаяо.

ажжанд̇амзва д̇ам̣ самаяанд̇и аарамбхад̇о бадтааяа яаава бад̇д̇асаннидтаанаа, д̇аава ажжанд̇асамбаяог̇зна д̇асмим̣ самаяз. гарун̣аавихаарзна вихаасийд̇и гарун̣аагижжавихаарзна д̇асмим̣ самаяз вихаасийд̇и ад̇т̇о. д̇ам̣ самаяан̃хи гарун̣аагижжасамаяам̣. н̃аан̣агижжам̣ гарун̣аагижжанд̇и д̣̇вз бхаг̇авад̇о гижжаани, абхисамб̣од̇хи н̃аан̣агижжам̣, махаагарун̣аасамаабад̇д̇им̣ самаабаж̇ж̇ид̇ваа взнзяяасад̇д̇аавалоганам̣ гад̇ваа д̇ад̣̇ануруубагаран̣ам̣ гарун̣аагижжам̣. ‘‘саннибад̇ид̇аанам̣ во, бхигкавз, д̣̇ваяам̣ гаран̣ийяа’’нд̇и (ма. ни. 1.273; уд̣̇аа. 12, 28) хи вуд̇д̇ам̣, д̇ам̣ бхаг̇авааби гарод̇иязва. ат̇а ваа ааг̇анд̇угзхи бхигкуухи аад̣̇исамааяог̇ан̃жа. д̇ад̇т̇а гарун̣аагижжам̣ вихаарам̣ д̣̇ассзнд̇о ‘‘гарун̣аавихаарзна вихаасий’’д̇и ааха. ад̇хигаран̣ан̃хи гаалад̇т̇од̇и зд̇т̇а хи-гааро гааран̣ад̇т̇о. д̇ад̇т̇а хи абхид̇хаммз гааласамуухакан̣асамавааяахзд̇усан̇каад̇авасзна бан̃жавид̇хо самаяадто д̣̇адтаб̣б̣о. гааласамуухадто самаяо гат̇ам̣ ад̇хигаран̣ам̣ ход̇и? ад̇хигаран̣амуббад̇д̇идтаанам̣ буб̣б̣ан̣хз ж̇аад̇од̇и яат̇аа, звам̣ гааладто самаяасад̣̇д̣̇о д̣̇адтаб̣б̣о. гат̇ам̣ раасадто? яавараасимхи ж̇аад̇од̇и яат̇аа. д̇асмаа яасмим̣ гаалз бун̃ж̇з ваа жид̇д̇ам̣ самуббаннам̣, д̇асмим̣ гаалз бун̃ж̇з ваа пассаад̣̇аяо уббаж̇ж̇анд̇ийд̇и вуд̇д̇ам̣ ход̇и. ад̇хигаран̣ан̃хийд̇и зд̇т̇а абхид̇хаммз нид̣̇д̣̇идтам̣ ад̇хигаран̣ам̣ гааладто самуухадто жа ход̇и, ‘‘яасмим̣ самаяз’’д̇и вуд̇д̇ам̣ ад̇хигаран̣ам̣ санд̇хааяа вуд̇д̇анд̇и д̣̇адтаб̣б̣ам̣. ид̣̇аани бхаавзнабхаавалагкан̣ан̃жа д̣̇ассзнд̇о ‘‘д̇ад̇т̇а вуд̇д̇аана’’мижжаад̣̇имааха. д̇ад̇т̇а абхид̇хаммз вуд̇д̇аанам̣ бхааво наама гинд̇и? уббад̇д̇и виж̇ж̇амаанад̇аа, саа д̇зсам̣ д̇ад̇т̇а вуд̇д̇аанам̣ пассаад̣̇ид̇хаммаанам̣, саа бана самаяасса бхаавзна бхааво лагкийяад̇и н̃ааяад̇и, д̇асмаа д̇ад̇т̇а бхуммаважананид̣̇д̣̇зсо гад̇од̇и вуд̇д̇ам̣ ход̇и.

д̇ад̇т̇а кан̣о наама адтагкан̣авинимуд̇д̇о навамо кан̣о, д̇асмим̣ сад̇и уббаж̇ж̇ад̇и. самавааяо наама жагкунд̣̇рияаад̣̇игааран̣асаамаг̇г̇ий, д̇асмим̣ сад̇и уббаж̇ж̇ад̇и. хзд̇у наама руубаад̣̇иаарамман̣ам̣. д̇асмаа д̇асмим̣ кан̣агааран̣асамавааяахзд̇умхи сад̇и д̇зсам̣ пассаад̣̇ийнам̣ бхааво виж̇ж̇амаанад̇аа ход̇ийд̇и вуд̇д̇ам̣ ход̇и. ид̇ха бана хзд̇уад̇т̇о гаран̣ад̇т̇о жа самбхавад̇ийд̇и зд̇т̇а ад̇т̇ад̣̇ваяамзгасса самбхавад̇ийд̇и ид̇ха винаяз вуд̇д̇асса самаяасад̣̇д̣̇асса гад̇д̇угаран̣ад̇т̇з д̇ад̇ияаа хзд̇умхи жа ид̇яуд̇д̇ад̇д̇аа. со д̣̇уб̣б̣ин̃н̃зяяод̇и ‘‘д̇ат̇ааг̇ад̇ова д̇ад̇т̇а гаалам̣ ж̇ааниссад̇ий’’д̇и вуд̇д̇ад̇д̇аад̇и вуд̇д̇ам̣ ход̇и. д̇зна самаязнаад̇и д̇асса самаяасса гааран̣аа ‘‘аннзна васад̇и виж̇ж̇ааяа васад̇ий’’д̇и яат̇аа, аннам̣ ваа виж̇ж̇ам̣ ваа лабхаамийд̇и д̇ад̣̇ад̇т̇ам̣ васад̇ийд̇яад̇т̇о. звам̣ ‘‘д̇зна самаязна вихарад̇ий’’д̇и вуд̇д̇з хзд̇вад̇т̇з д̇ад̇ияаа д̣̇адтаб̣б̣аа, д̇асмаа сигкаабад̣̇абан̃н̃ад̇д̇ияаа самаяан̃жа вийд̇иггаман̃жа ологаяамаано д̇ад̇т̇а д̇ад̇т̇а вихаасийд̇и вуд̇д̇ам̣ ход̇и. д̇ад̇ияабаарааж̇игаад̣̇ийсу ‘‘ижчаамахам̣, бхигкавз, ад̣̇д̇хамаасам̣ , бадисаллийяид̇у’’нд̇и (баараа. 162) звамаад̣̇ийсу д̣̇адтаб̣б̣аа, д̇асмаа д̣̇уд̇ияаа гаалад̣̇д̇хаанз ажжанд̇асам̣яог̇зд̇и д̣̇уд̇ияаад̇ра самбхавад̇и ‘‘маасамад̇хийд̇з д̣̇ивасамад̇хийд̇з’’д̇и яат̇аа. ид̇ха бана хзд̇уад̇т̇о гаран̣ад̇т̇о жа самбхавад̇ийд̇и зд̇т̇а яасса гаран̣аважанасса хзд̇уад̇т̇о самбхавад̇и, д̇зна самаязна хзд̇убхууд̇зна д̇ам̣ д̇ам̣ вад̇т̇увийд̇иггамасан̇каад̇ам̣ вийд̇иггамасамаяасан̇каад̇ам̣ ваа сигкаабад̣̇абан̃н̃ад̇д̇ихзд̇ун̃жа абзгкамаано бхаг̇аваа д̇ад̇т̇а д̇ад̇т̇а вихааси. яасса гаран̣ад̇т̇о самбхавад̇и, д̇зна гаран̣абхууд̇зна самаязна самбад̇д̇зна сигкаабад̣̇аани бан̃н̃аабаяанд̇о бхаг̇аваа д̇ад̇т̇а д̇ад̇т̇а вихаасийд̇и ад̇хиббааяо.

г̇ан̣тибад̣̇з бана ‘‘суд̣̇иннаад̣̇ийнам̣ вийд̇иггамова гааран̣ам̣ наама, д̇асса нияамабхууд̇о гаало бана гаран̣амзва д̇ам̣ гаалам̣ анад̇иггамид̇ваава сигкаабад̣̇асса бан̃н̃абзд̇аб̣б̣ад̇д̇аа’’д̇и вуд̇д̇ам̣, д̇ам̣ нид̣̇д̣̇осам̣. яам̣ бана вуд̇д̇ам̣ ‘‘ид̣̇ам̣ гаран̣ам̣ буб̣б̣абхааг̇ад̇д̇аа батамам̣ вад̇д̇аб̣б̣амби бажчаа вуд̇д̇а’’нд̇и, д̇ам̣ д̣̇увуд̇д̇ам̣. хзд̇уад̇т̇ад̇о хи яат̇аа бажчаа гаран̣ад̇т̇о яож̇ияамаано ануггамзнзва яог̇ам̣ г̇ажчад̇и, д̇ат̇аа жа яож̇ид̇о. яам̣ бана адтагат̇аажарияо бажчаа вуд̇д̇ам̣ ид̣̇ам̣ гаран̣ад̇т̇ам̣ батамам̣ яож̇зд̇ваа батамам̣ вуд̇д̇ам̣ хзд̇уад̇т̇ам̣ бажчаа яож̇зси, д̇ам̣ яож̇анаасукад̇д̇аад̇и взд̣̇ид̇аб̣б̣анд̇и аажариязна ликид̇ам̣. ид̇о бадтааяа яад̇т̇а яад̇т̇а ‘‘аажариязна ликид̇а’’нд̇и ваа ‘‘аажарияасса д̇агго’’д̇и ваа вужжад̇и, д̇ад̇т̇а д̇ад̇т̇а аажарияо наама аананд̣̇аажарияо галасабураваасийд̇и г̇ахзд̇аб̣б̣о. зд̇т̇ааха – яат̇аа суд̇д̇анд̇з ‘‘згам̣ самаяам̣ бхаг̇аваа’’д̇и вужжад̇и, д̇ат̇аа ‘‘д̇зна самаязна бхаг̇аваа взран̃ж̇ааяа’’нд̇и вад̇д̇аб̣б̣ам̣, ат̇а савзважанам̣ вад̇д̇угаамо т̇зро, д̇ат̇ааг̇ад̇о суг̇ад̇од̇иаад̣̇ийниби вад̇д̇аб̣б̣аани, ат̇а имассзва бад̣̇ад̣̇ваяасса г̇ахан̣з гин̃жи баяож̇анам̣ ад̇т̇и, д̇ам̣ вад̇д̇аб̣б̣анд̇и? вужжад̇з – гзсан̃жи б̣уд̣̇д̇хасса бхаг̇авад̇о барамаг̇амбхийрам̣ аж̇жхаасаяаггамам̣ аж̇аанад̇ам̣ ‘‘абан̃н̃ад̇д̇з сигкаабад̣̇з анаад̣̇ийнавад̣̇ассо…бз… абхивин̃н̃аабзсий’’д̇иаад̣̇игам̣ (баараа. 36) ‘‘ат̇а ко бхаг̇аваа ааяасманд̇ам̣ суд̣̇иннам̣ бадибужчий’’д̇иаад̣̇иган̃жа (баараа. 39) ‘‘саад̣̇ияи д̇вам̣ бхигкууд̇и. наахам̣ бхаг̇аваа саад̣̇ияи’’нд̇иаад̣̇иган̃жа (баараа. 72) д̇ат̇аа бураан̣авохааригам̣ бхигкум̣ бужчид̇ваа д̇зна вуд̇д̇абарижчзд̣̇зна д̣̇уд̇ияабаарааж̇игабан̃н̃аабанан̃жа д̣̇звад̣̇ад̇д̇асса баб̣б̣аж̇ж̇аануж̇аананан̃жаад̇и звамаад̣̇игам̣ винаяабарияад̇д̇им̣ д̣̇исваа б̣уд̣̇д̇хасуб̣уд̣̇д̇хад̇ам̣ бадижжа сан̇гаа самбхавзяяа, ‘‘д̇ат̇аа гим̣ бана д̇уяхам̣ чавасса кзл̣аасагассаа’’д̇и (жуул̣ава. 336) звамаад̣̇игам̣ парусаважанабадисам̣яуд̇д̇ам̣ винаяабарияад̇д̇им̣ ниссааяа кийн̣аасавад̇д̇ам̣ бадижжа сан̇гаа самбхавзяяа, д̇ад̣̇убхаяасан̇гаавинод̣̇анад̇т̇ам̣ ааяасмад̇аа убаалид̇т̇зрзна ид̣̇амзва бад̣̇ад̣̇ваяаг̇г̇ахан̣ам̣ саб̣б̣ад̇т̇а гад̇анд̇и взд̣̇ид̇аб̣б̣ам̣. д̇знзд̇ам̣ д̣̇ийбзд̇и – гаамам̣ саб̣б̣ан̃зяяаб̣уд̣̇д̇хад̇д̇аа б̣уд̣̇д̇хоязва, бхаг̇г̇асаб̣б̣ад̣̇осад̇д̇аа бхаг̇аваава, со сад̇т̇аад̇и. барад̇оби вуд̇д̇ам̣ ‘‘ж̇аананд̇ааби д̇ат̇ааг̇ад̇аа бужчанд̇и…бз… анад̇т̇асам̣хид̇з сзд̇угхаад̇о д̇ат̇ааг̇ад̇аана’’нд̇и (баараа. 16). суд̇д̇анд̇з жа вуд̇д̇ам̣ ‘‘сан̣хзнаби гзси винзми парусзнабий’’д̇иаад̣̇и (а. ни. 4.111).

асаад̇хааран̣ахзд̇умхийд̇и зд̇т̇а гусаламуулаани на агусалаанам̣ гад̣̇аажи муулаани хонд̇и, д̇ат̇аа агусаламуулаани гусалаанам̣, аб̣яаагад̇амуулаани на гад̣̇аажи гусалаананд̇и аяамзва наяо лаб̣бхад̇и, яасмаа гусалаа хзд̇уу д̇ам̣самудтаанаанам̣ руубаанам̣ хзд̇убажжаязна бажжаяо (бадтаа. 1.1.401 аад̣̇аяо), д̇асмаа гусалаани гусалаанам̣язваад̇иаад̣̇инаяо на лаб̣бхад̇и. бужи вужжад̇з гудтаа, д̇з манд̣̇аяад̇и наасаяад̇ийд̇и бужиманд̣̇о. сад̇д̇аанам̣ хид̇асуканибпаад̣̇анаад̇химуд̇д̇ад̇анд̇и зд̇т̇а сааман̃н̃ад̇о вуд̇д̇асад̇д̇з д̣̇вид̇хаа бхинд̣̇ид̇ваа д̣̇ассзд̇ум̣ ‘‘мануссаанам̣ убагаараб̣ахулад̇а’’нд̇иаад̣̇и вуд̇д̇ам̣. б̣ахуж̇анахид̇ааяаад̇и б̣ахуно ж̇анасса хид̇ад̇т̇ааяа. бан̃н̃аасамбад̇д̇ияаа д̣̇идтад̇хаммигасамбарааяигахид̇уубад̣̇зсаго хи бхаг̇аваа. сукааяаад̇и сукад̇т̇ааяа. жааг̇асамбад̇д̇ияаа убагаарагасукасамбад̣̇ааяаго хи зса. мзд̇д̇аагарун̣аасамбад̇д̇ияаа логаанугамбааяа маад̇аабид̇аро вияа. логасса рагкид̇аг̇обид̇аа хи зса. д̣̇звамануссаананд̇и зд̇т̇а бхаб̣б̣абуг̇г̇алз взнзяяасад̇д̇зязва г̇ахзд̇ваа д̇зсам̣ ниб̣б̣аанамаг̇г̇апалаад̇хиг̇амааяа ад̇д̇ано уббад̇д̇им̣ д̣̇ассзд̇и. ‘‘ад̇т̇ааяаа’’д̇и хи вуд̇д̇з барамад̇т̇ад̇т̇ааяа ниб̣б̣аанааяа, ‘‘хид̇ааяаа’’д̇и вуд̇д̇з д̇ам̣самбаабагамаг̇г̇ад̇т̇ааяаад̇и вуд̇д̇ам̣ ход̇и, маг̇г̇ад̇о уд̇д̇ари хид̇ам̣ наама над̇т̇ийд̇и. сукааяаад̇и паласамаабад̇д̇исукад̇т̇ааяа д̇ад̇о уд̇д̇ари сукаабхаавад̇о. д̣̇идтисийласан̇гхаад̇знаад̇и зд̇т̇а самаад̇хим̣ бан̃н̃ан̃жа аг̇г̇ахзд̇ваа д̣̇идтисийламад̇д̇аг̇г̇ахан̣ам̣ саб̣б̣асзгкаасзгкасааман̃н̃ад̇д̇аа. госамб̣агасуд̇д̇зби (ма. ни. 1.492) ‘‘сийласааман̃н̃аг̇ад̇о вихарад̇и, д̣̇идтисааман̃н̃аг̇ад̇о вихарад̇ий’’д̇и вуд̇д̇ам̣. д̣̇идтиг̇г̇ахан̣зна бан̃н̃ааби г̇ахид̇аад̇и жз? на, сод̇аабаннаад̣̇ийнамби бан̃н̃ааяа барибуурагаарибхааваббасан̇г̇ад̇о, д̇асмаа згалагкан̣аанамби д̇аасам̣ бан̃н̃аад̣̇идтийнам̣ авад̇т̇анд̇арабхзд̣̇о ад̇т̇и д̇хид̇исамаад̇хинд̣̇рияасаммаасамаад̇хийнам̣ вияа . ан̃н̃аасийд̇и зд̇т̇а сод̇ад̣̇ваараанусаарзна н̃аад̇аа, ад̇т̇аа суд̇аад̇и хи вужжанд̇и ‘‘суд̇амзд̇ам̣, бхо г̇од̇ама, баабагаа самаажаараа д̣̇иссанд̇и жзва суяяанд̇и жаа’’д̇иаад̣̇ийсу вияа. ‘‘бхигку ко, убаали , сан̇гхам̣ бхинд̣̇ад̇ий’’д̇иаад̣̇ийсу (жуул̣ава. 354) вияа авад̇хааран̣ад̇т̇з ваа. взран̃ж̇ааяам̣ бхаво виж̇ж̇амаано. ид̇т̇амбхууд̇асса звам̣ бхууд̇асса. гат̇ам̣ бхууд̇асса? сагяабуд̇д̇асса сагяагулаа баб̣б̣аж̇ид̇асса, звам̣ худ̇ваа тид̇асса гид̇д̇исад̣̇д̣̇о аб̣бхуг̇г̇ад̇од̇и абхисад̣̇д̣̇зна яог̇з убаяог̇аважанаани хонд̇ийд̇и ад̇т̇о.

гаамубаад̣̇аанабажжаяаа зва мзд̇д̇ам̣ бхаавзд̇и, б̣рахмалогз ниб̣б̣ад̇д̇ад̇ийд̇и иминаа гаамубаад̣̇аанахзд̇у гаммам̣ гад̇ваа гаамабхавз зва ниб̣б̣ад̇д̇ад̇ийд̇иваад̣̇ийнам̣ ваад̣̇о бадигкид̇д̇од̇и вад̣̇анд̇и, ‘‘б̣рахмалогз бан̣ийд̇аа гаамаа’’д̇и суд̇ваа, габбзд̇ваа ваа бажчаа ‘‘д̇ад̇т̇а самбад̇д̇им̣ анубхависсаамий’’д̇и гаамубаад̣̇аанабажжаяаа д̇ад̣̇убаг̇ам̣ гарод̇ийд̇и б̣рахмалогзби гааманийяадтзна гаамаа, ‘‘д̇ад̣̇аарамман̣ад̇д̇аа д̇ан̣хаа гаамубаад̣̇аананд̇и вуд̇д̇аа’’д̇и жа вад̣̇анд̇и, виймам̣сид̇аб̣б̣ам̣. гамман̃жа жагкусса ж̇анагагааран̣ам̣, гаммасса муулагааран̣ам̣ д̇ан̣хаа, д̇асмаа на муулагааран̣ам̣ ход̇и ж̇анагам̣. руубад̇ан̣хаад̣̇аяо д̣̇угкасажжам̣ канд̇хабарияаабаннад̇д̇аа, ‘‘яамбижчам̣ на лабхад̇и, д̇амби д̣̇угка’’нд̇и (д̣̇ий. ни. 2.387; ма. ни. 1.131; вибха. 190) важанад̇о жа. д̇асса муулагааран̣абхаавзна самудтаабигаад̇и д̇асса гааран̣абхууд̇асса имасса канд̇хабан̃жагасса самудтаабигаад̇и яож̇зд̇аб̣б̣ам̣. ‘‘аасавасамуд̣̇аяаа авиж̇ж̇аасамуд̣̇аяо’’д̇и (ма. ни. 1.103) важанад̇о д̇асса зва гааран̣анд̇иби вад̇д̇ум̣ ваддад̇и. абижа ‘‘руубаад̣̇и вияа д̇ан̣хааби д̇ан̣хааяа уббад̇д̇иббахаанадтаана’’нд̇и важанад̇о руубаад̣̇и вияа д̇ан̣хааби д̣̇угкасажжам̣ гад̇ам̣. вуд̇д̇ан̃хзд̇ам̣ ‘‘руубад̇ан̣хаа логз бияаруубам̣ саад̇аруубам̣, зд̇т̇зсаа д̇ан̣хаа уббаж̇ж̇амаанаа уббаж̇ж̇ад̇ий’’д̇и (д̣̇ий. ни. 2.400; вибха. 203) жа ‘‘зд̇т̇зсаа д̇ан̣хаа бахийяамаанаа бахийяад̇ий’’д̇и (д̣̇ий. ни. 2.401; ма. ни. 1.134) жа. висуд̣̇д̇химаг̇г̇з ‘‘саб̣б̣аагаарзна бана убаад̣̇аанагканд̇хабан̃жагам̣ д̣̇угкан̃жзва арияасажжан̃жа ан̃н̃ад̇ра д̇ан̣хааяаа’’д̇и важанад̇о ид̇ха руубад̇ан̣хаад̣̇аяо д̣̇угкасажжанд̇и важанам̣ вируж̇жхад̇ийд̇и жз? на, ан̃н̃аман̃н̃аасан̇гарабхаавзна д̣̇ассзд̇ум̣ д̇ад̇т̇а д̇ад̇т̇а вуд̇д̇ад̇д̇аа. яад̣̇и д̇ан̣хаа убаад̣̇аанагканд̇хабарияаабаннаа на бхавзяяа, сажжавибхан̇г̇з ‘‘д̇ад̇т̇а гад̇амз сам̣кид̇д̇зна бан̃жубаад̣̇аанагканд̇хаа д̣̇угкаа. сзяяат̇ид̣̇ам̣, руубубаад̣̇аанагканд̇хо ..бз… вин̃н̃аан̣убаад̣̇аанагканд̇хо’’д̇и (вибха. 202) зд̇т̇а ‘‘табзд̇ваа д̇ан̣хам̣ сан̇каарубаад̣̇аанагканд̇хо’’д̇и вад̇д̇аб̣б̣ам̣ бхавзяяа, на жа вуд̇д̇ам̣, д̇асмаа д̣̇угкасажжабарияаабаннаа д̇ан̣хаад̇и жз? на, хзд̇упаласан̇гарад̣̇осаббасан̇г̇ад̇о. на сан̇гарад̣̇осод̇и жз? сажжавибхан̇г̇абаал̣ияан̃хи бан̃жахи годтаасзхи самуд̣̇аяасажжам̣ нид̣̇д̣̇идтам̣.

гат̇ам̣? д̇ан̣хаад̇и зго вааро, д̇ан̣хаа жа авасзсаа жа гилзсаад̇и д̣̇уд̇ияо, д̇ан̣хаа жа авасзсаа жа гилзсаа авасзсаа жа агусалаа д̇хаммаад̇и д̇ад̇ияо, д̇ан̣хаа жа авасзсаа жа гилзсаа авасзсаа жа агусалаа д̇хаммаа д̇ийн̣и жа гусаламуулаани саасаваанийд̇и жад̇уд̇т̇о, д̇ан̣хаа жа авасзсаа жа гилзсаа авасзсаа жа агусалаа д̇хаммаа д̇ийн̣и жа гусаламуулаани саасаваани авасзсаа жа саасаваа гусалаа д̇хаммаад̇и бан̃жамо ваарод̇и. аама нид̣̇д̣̇идтам̣, д̇ат̇ааби абхид̇хаммабхааж̇аниязязва, на ан̃н̃асмим̣, со жа наяо арияасажжанид̣̇д̣̇зсз на лаб̣бхад̇и. д̇ат̇аа хи д̇ад̇т̇а ‘‘жад̇д̇аари сажжаани’’жжзвааха, суд̇д̇анд̇абхааж̇анияабан̃хабужчагзсу вияа ‘‘жад̇д̇аари арияасажжааний’’д̇и на вуд̇д̇ам̣, д̇асмаа суд̇д̇анд̇абхааж̇анияова бамаан̣ам̣ д̇ад̇т̇а жа д̇ан̣хааяа вуд̇д̇ад̇д̇аа. яат̇ааха ‘‘д̇ад̇т̇а гад̇амам̣ д̣̇угкасамуд̣̇аяам̣ арияасажжам̣, яааяам̣ д̇ан̣хаа бонобхавигаа…бз… сзяяат̇ид̣̇ам̣, гаамад̇ан̣хаа’’д̇иаад̣̇и (вибха. 203). ‘‘яад̣̇анижжам̣ д̇ам̣ д̣̇угка’’нд̇и (сам̣. ни. 3.15) иминаа барияааязна вуд̇д̇ад̇д̇аа д̇ад̇т̇а вуд̇д̇амби бамаан̣амзва. ‘‘батамам̣ жхаанам̣ убасамбаж̇ж̇а вихарад̇и бат̇авийгасин̣а’’нд̇и (д̇ха. са. 186 аад̣̇аяо) важанад̇о ‘‘гасин̣ааний’’д̇и жхаанаани вуд̇д̇аани. гзжи ‘‘уг̇г̇аханимид̇д̇абадибхааг̇анимид̇д̇з санд̇хааяа вуд̇д̇а’’нд̇и вад̣̇анд̇и, д̇ам̣ на сунд̣̇арам̣. ‘‘д̣̇вад̇д̇им̣саагаарааби бан̣н̣ад̇д̇им̣ виссаж̇ж̇зд̇ваа бадигуулаад̇и сад̇и бадтабзд̇аб̣б̣аа’’д̇и важанад̇о сад̇иг̇ожараа руубаад̣̇аяо жа взд̣̇ид̇аб̣б̣аа.

сад̣̇д̇хаахирод̇д̇аббаб̣аахусажжавийрияаарамбхобадтид̇асад̇исамбаж̇ан̃н̃ад̇аад̇и имз сад̇д̇а сад̣̇д̇хаммаа наама. сабхаавад̇од̇и д̣̇угкад̇о. на жавад̇ийд̇и д̣̇звз санд̇хааяа. н̃аад̇зяяанд̇и н̃аад̇аб̣б̣ам̣. д̣̇адтзяяанд̇и д̣̇адтаб̣б̣ам̣. ат̇а ваа бана ‘‘наахам̣ г̇аманзна логасса анд̇ам̣ н̃аад̇зяяа’’нд̇и вад̣̇аамийд̇и ад̇т̇о. логанд̇и канд̇халогам̣. г̇аманзна на бад̇д̇аб̣б̣од̇и сарийраг̇аманзна, аг̇ад̇иг̇аманзна ваа на бад̇д̇аб̣б̣о, арияаг̇аманзна логанд̇ам̣ бад̇ваава д̣̇угкаа ад̇т̇и баможананд̇и вуд̇д̇ам̣ ход̇и. самид̇аавийд̇и самид̇агилзсо. аахаарадтид̇игаад̇и бажжаяадтид̇игаа. яз гзжи бажжаяадтид̇игаа, саб̣б̣з д̇з луж̇ж̇анабалуж̇ж̇анадтзна зго логод̇и ад̇хиббааяо. сан̇каараа хи сагасагабажжаяааяад̇д̇ад̇ааяа сад̇д̇аа висад̇д̇аа сад̇д̇аа наама. барихаранд̇и барижаранд̇и. д̣̇исаад̇и убаяог̇аб̣ахуважанам̣. бханд̇и бадибханд̇и. гз д̇з? д̇зязва вирожамаанаа бабхассараа жанд̣̇имасуурияаа. адта логад̇хаммаа сан̇каараава. ‘‘синзрусса саманд̇ад̇о’’д̇и важанад̇о яуг̇анд̇хараад̣̇аяо синзрум̣ баригкибид̇ваа бариман̣д̣алаагаарзна тид̇аад̇и вад̣̇анд̇и. баригкибид̇ваа ажжуг̇г̇ад̇о логад̇хаад̇у аяам̣. ‘‘ма-гааро бад̣̇асанд̇хигаро’’д̇и вад̣̇анд̇и. ан̃н̃ат̇ааби лагкан̣аад̣̇ибхзд̣̇ад̇о сан̇кааралогам̣, аасаяаанусаяабхзд̣̇ад̇о сад̇д̇алогам̣, жаггаваал̣аад̣̇ибаримаан̣ад̇о огаасалоган̃жа саб̣б̣ат̇ааби вид̣̇ид̇ад̇д̇аа логавид̣̇уу.

вимуд̇д̇ин̃аан̣ад̣̇ассанам̣ гаамааважарам̣ барид̇д̇ам̣ логияам̣, д̇зна саб̣б̣ам̣ логам̣ гат̇ам̣ абхивад̇и? асад̣̇исаанубхаавад̇д̇аа саб̣б̣ан̃н̃уд̇ан̃н̃аан̣ам̣ вияа. д̇ан̃хи ад̇д̇ано висаяз бхаг̇авад̇о саб̣б̣ан̃н̃уд̇ан̃н̃аан̣аг̇ад̇игам̣ , лахуд̇араббавад̇д̇и жа бхаван̇г̇ажид̇д̇ад̣̇ваяаананд̇арам̣ уббад̇д̇ид̇о. на гассажи звам̣лахуд̇арам̣ жид̇д̇ам̣ уббаж̇ж̇ад̇и, аби ааяасмад̇о саарибуд̇д̇асса, д̇асса гирзса жид̇д̇авааро бан̃жад̣̇асабхаван̇г̇аананд̇аранд̇и. аг̇г̇исикад̇хуумасикаа жа нааг̇аа гира сийхал̣ад̣̇ийбз. ад̇т̇асса д̣̇ийбагам̣ бад̣̇ам̣ ад̇т̇абад̣̇ам̣. згад̇т̇ад̣̇ийбагам̣ бад̣̇ам̣, саб̣б̣амзд̇ам̣ ваагяанд̇и ад̇т̇о. адта д̣̇исаа наама адта вимогкаа, самаабад̇д̇ияо ваа. сад̇т̇аваахо сад̇т̇аад̇и нибаад̇ид̇о яат̇аа бисид̇аасо бисаажо. уд̣̇агз ман̣д̣ууго ахам̣ аасим̣, на т̇алз ман̣д̣ууго, вааримад̇д̇амзва г̇ожаро, д̇асса мз д̇ава д̇хаммам̣ сун̣анд̇асса сийсам̣ д̣̇ан̣д̣зна саннирумбхид̇ваад̇и баатасзсо. анаад̣̇арад̇т̇з ваа саамиважанам̣. ‘‘зд̇д̇агзнаби зваруубаа ид̣̇д̇хи бхависсад̇ий’’д̇и сид̇ам̣ гад̇ваа. вимогкод̇и жзд̇т̇а маг̇г̇о, д̇ад̣̇ананд̇аригам̣ н̃аан̣ам̣ наама палан̃аан̣ам̣, д̇асмим̣ кан̣з б̣уд̣̇д̇хо наама. саб̣б̣асса б̣уд̣̇д̇хад̇д̇аад̇и гад̇д̇ари. б̣од̇хзд̇аад̇и хзд̇угад̇д̇ари. сздтад̇т̇ад̣̇ийбагам̣ важанам̣ сздтам̣ наама, д̇ат̇аа уд̇д̇амам̣. сажчигаабан̃н̃ад̇д̇ийд̇и саб̣б̣ад̇хаммаанам̣ сажчигаран̣авасзна саяамбхуд̇аа бан̃н̃ад̇д̇и, ад̇д̇анаа зва ваа н̃аад̇аа сажчигад̇аад̇иби сажчигаабан̃н̃ад̇д̇и. бхаг̇ий бхаг̇аваа жийварабин̣д̣абаад̇аад̣̇ийнам̣. бхаж̇ий аран̃н̃аванабад̇т̇аани банд̇аани сзнаасанаани. бхааг̇ий ад̇т̇ад̇хаммавимуд̇д̇ирасасса. рааг̇аад̣̇игилзсаг̇ан̣абхаг̇г̇амагааси. бхаавид̇ад̇д̇ано бхаавид̇агааяо. бхавасса анд̇ам̣ ниб̣б̣аанам̣ маг̇г̇аад̇хиг̇амзна д̇ам̣ г̇ад̇од̇и бхаванд̇аг̇о.

‘‘лобхам̣ , бхигкавз, згам̣ д̇хаммам̣ баж̇ахат̇аа’’д̇иаад̣̇инаа (ид̇иву. 1) наязна згагаад̣̇ивасзнааг̇ад̇з г̇ахзд̇ваа вад̣̇ад̇и. сам̣гилзсад̇ан̣хаад̣̇идтид̣̇ужжарид̇асам̣гилзсавасзна анижжад̣̇угкаманад̇д̇аасубхзсу нижжанд̇иаад̣̇ивибариязсаа. жийварахзд̇у ваа, бхигкавз, бхигкуно д̇ан̣хаа уббаж̇ж̇амаанаа уббаж̇ж̇ад̇и, бин̣д̣абаад̇а сзнаасанаид̇ибхаваабхавахзд̇у ваа (а. ни. 4.9). жзд̇окилаа сад̇т̇ари ган̇кад̇и, д̇хаммз, сан̇гхз, сигкааяа, саб̣рахмажаарийсу губид̇од̇и (д̣̇ий. ни. 3.319; вибха. 941) ааг̇ад̇аа бан̃жа. гаамз авийд̇арааг̇о ход̇и…бз… гааяз, руубз, яаавад̣̇ад̇т̇ам̣ уд̣̇араавад̣̇зхагам̣ бхун̃ж̇ид̇ваа, ан̃н̃ад̇арам̣ д̣̇званигааяам̣ бан̣ид̇хааяа б̣рахмажарияам̣ жарад̇ийд̇и (д̣̇ий. ни. 3.320; вибха. 941) ааг̇ад̇аа бан̃жа виниб̣анд̇хаа. виваад̣̇амуулаани год̇хо убанаахо магко бал̣аасо иссаа мажчарияам̣ мааяаа саатзяяам̣ т̇амбхо саарамбхо санд̣̇идтибараамаасид̇аа аад̇хаанаг̇г̇аахий д̣̇уббадиниссаг̇г̇ид̇аа (а. ни. 6.36; д̣̇ий. ни. 3.325). вибхан̇г̇з бана ‘‘год̇хо магко иссаа саатзяяам̣ баабижчад̇аа санд̣̇идтибараамаасид̇аа’’д̇и (вибха. 944) ааг̇ад̇ам̣. д̇ан̣хам̣ бадижжа бариязсанаа, бариязсанам̣ бадижжа лаабхо, лаабхам̣ бадижжа винижчаяо, звам̣ чанд̣̇арааг̇о, аж̇жхосаанам̣, бариг̇г̇ахо, мажчарияам̣, аарагко, аарагкаад̇хигаран̣ам̣, д̣̇ан̣д̣аад̣̇аанасад̇т̇аад̣̇аана…бз… агусалаа д̇хаммаа самбхаванд̇ийд̇и (д̣̇ий. ни. 2.104; 3.359; а. ни. 9.23; вибха. 963) вуд̇д̇аанам̣. руубасад̣̇д̣̇аг̇анд̇харасаподтаб̣б̣ад̇хаммад̇ан̣хаад̇и ча, д̇аа гаамабхававибхавад̇ан̣хаавасзнзва адтаараса, д̇аа зва аж̇жхад̇д̇игассубаад̣̇ааяа адтаараса, б̣аахирассубаад̣̇ааяа адтаарасаад̇и чад̇д̇им̣са, д̇аа ад̇ийд̇з чад̇д̇им̣са, анааг̇ад̇з чад̇д̇им̣са, бажжуббаннз чад̇д̇им̣саад̇и звам̣ адтасад̇ад̇ан̣хаавижарид̇аанийд̇и. маарзд̇ийд̇и мааро, бамаад̣̇о ‘‘бамаад̣̇о мажжуно бад̣̇а’’нд̇и (д̇ха. ба. 21) важанад̇о. саммааааж̇ийвавинаасанад̇о ваа гилзсаа вужжанд̇и ‘‘мааро’’д̇и, вад̇хагуубамад̇д̇аа канд̇хаава маараа. абхисан̇каараа ж̇аад̇ид̣̇угкаабхиниб̣б̣ад̇д̇аабанад̇о, ж̇аад̇асса ж̇араад̣̇исамбхавад̇о жа маараа. згабхавабарияаабаннаж̇ийвид̇амааран̣ад̇о мажжу мааро. ан̣имад̇аа наама барамаан̣у вияа ад̣̇ассануубаг̇аманам̣. лагхимад̇аа сарийрзна, жид̇д̇зна ваа сийгхаг̇аманам̣. махимад̇аа жанд̣̇имасуурияаад̣̇ийнамбибаан̣инаа бараамасанаад̣̇и. бад̇д̇и наама яат̇ижчид̇ад̣̇зсаббад̇д̇и. багаасанад̇аа, лаабхагассад̇т̇асаад̇ханам̣ ваа баагаммам̣. ийсад̇д̇ам̣ наама саяам̣васид̇аа. васид̇д̇ам̣ наама абаравасид̇аа. яад̇т̇агаамаавасааяид̇ам̣ наама яад̇т̇ижчад̇и яад̣̇ижчад̇и яаавад̣̇ижчад̇и, д̇ад̇т̇а д̇аава д̇ад̣̇ад̇т̇асаад̇ханам̣. бийл̣анасан̇кад̇асанд̇аабавибарин̣аамадтзна ваа д̣̇угкамарияасажжанд̇иаад̣̇имхи ид̣̇ам̣ жод̣̇анаабуб̣б̣ан̇г̇амам̣ ад̇т̇ависсаж̇ж̇анам̣ – д̣̇угкаад̣̇ийнам̣ ан̃н̃зби руубад̇ан̣хаад̣̇аяо ад̇т̇аа ад̇т̇и, ат̇а гасмаа жад̇д̇ааро зва вуд̇д̇аад̇и жз? ан̃н̃асажжад̣̇ассанавасзна аавибхаавад̇о.

‘‘д̇ад̇т̇а гад̇амам̣ д̣̇угкзн̃аан̣ам̣, д̣̇угкам̣ аараб̣бха яаа уббаж̇ж̇ад̇и бан̃н̃аа’’д̇иаад̣̇инааби (вибха. 794) наязна згзгасажжаарамман̣авасзнааби сажжан̃аан̣ам̣ вуд̇д̇ам̣. ‘‘яо, бхигкавз, д̣̇угкам̣ бассад̇и, д̣̇угкасамуд̣̇аяамби со бассад̇ий’’д̇иаад̣̇инаа (сам̣. ни. 5.1100) наязна згам̣ сажжам̣ аарамман̣ам̣ гад̇ваа сзсзсу гижжанибпад̇д̇ивасзнааби вуд̇д̇ам̣. д̇ад̇т̇а яад̣̇аа згзгам̣ сажжам̣ аарамман̣ам̣ гарод̇и, д̇ад̣̇аа самуд̣̇аяад̣̇ассанзна д̇аава сабхаавад̇о бийл̣аналагкан̣ассааби д̣̇угкасса яасмаа д̇ам̣ ааяууханалагкан̣зна самуд̣̇аязна ааяуухид̇ам̣ сан̇кад̇ам̣, д̇асмаасса со сан̇кад̇адто аави бхавад̇и. яасмаа бана маг̇г̇о гилзсасанд̇аабахаро сусийд̇ало, д̇асмаасса маг̇г̇ад̣̇ассанзна санд̇аабадто аави бхавад̇и нанд̣̇асса ажчараад̣̇ассанзна сунд̣̇арияаа анабхируубабхааво вияа. авибарин̣аамад̇хаммасса бана нирод̇хасса д̣̇ассанзна д̇асса вибарин̣аамадто аави бхавад̇ийд̇и вад̇д̇аб̣б̣амзва над̇т̇и. сабхаавад̇о ааяууханалагкан̣ассаби самуд̣̇аяасса д̣̇угкад̣̇ассанзна нид̣̇аанадто аави бхавад̇и асаббааяабхож̇анад̇о уббаннаб̣яаад̇хид̣̇ассанзна бхож̇анасса б̣яаад̇хинид̣̇аанабхааво вияа. висам̣яог̇абхууд̇асса нирод̇хасса д̣̇ассанзна сам̣яог̇адто. нияяаанабхууд̇асса жа маг̇г̇асса д̣̇ассанзна балиб̣од̇хадтод̇и. д̇ат̇аа ниссаран̣ассааби нирод̇хасса авивзгабхууд̇асса самуд̣̇аяасса д̣̇ассанзна вивзгадто аави бхавад̇и. маг̇г̇ад̣̇ассанзна асан̇кад̇адто. иминаа хи анамад̇аг̇г̇з сам̣саарз маг̇г̇о на д̣̇идтабуб̣б̣о, соби жа саббажжаяад̇д̇аа сан̇кад̇о зваад̇и аббажжаяад̇хаммасса асан̇кад̇абхааво ад̇ивияа баагадо ход̇и. д̣̇угкад̣̇ассанзна банасса амад̇адто аави бхавад̇и. д̣̇угкан̃хи висам̣, амад̇ам̣ ниб̣б̣аананд̇и. д̇ат̇аа нияяааналагкан̣ассааби маг̇г̇асса самуд̣̇аяад̣̇ассанзна ‘‘нааяам̣ хзд̇у ниб̣б̣аанасса бад̇д̇ияаа, аяам̣ хзд̇уу’’д̇и хзд̇вад̇т̇о аави бхавад̇и. нирод̇хад̣̇ассанзна д̣̇ассанадто барамасукумаруубаани бассад̇о ‘‘виббасаннам̣ вад̇а мз жагкуу’’д̇и жагкусса виббасаннабхааво вияа. д̣̇угкад̣̇ассанзна ад̇хибад̇зяяадто анзгарог̇аад̇урагабан̣аж̇анад̣̇ассанзна иссараж̇анасса ул̣аарабхааво вияаад̇и звамзд̇т̇а лагкан̣авасзна, згасса ан̃н̃асажжад̣̇ассанавасзна жа ид̇арзсам̣ д̇ин̣н̣ам̣ аавибхаавад̇о згзгасса жад̇д̇ааро ад̇т̇аа вуд̇д̇аа. убад̇хививзго ниггилзсад̇аа.

бадибагкам̣ ад̇т̇аяанд̇ийд̇и бажжад̇т̇игаа. бад̇и вируд̣̇д̇хаа амид̇д̇аа бажжаамид̇д̇аа. сажчигад̇ваа бавзд̣̇зд̇ийд̇и зд̇д̇аавад̇аа бхаг̇авад̇о саб̣б̣ан̃н̃уд̇ам̣ д̣̇ийбзд̇и. д̇зна н̃аан̣асамбад̇д̇им̣ д̣̇ийбзд̇ваа ид̣̇аани гарун̣аасамбад̇д̇им̣ д̣̇ийбзд̇ум̣ ‘‘со д̇хаммам̣ д̣̇зсзсий’’д̇иаад̣̇имааха. ат̇а ваа гим̣ со бавзд̣̇зсийд̇и? н̃аан̣ам̣, д̇ам̣ саб̣б̣ам̣ д̇илогахид̇абхууд̇амзва. со д̇хаммам̣ д̣̇зсзсийд̇и гийд̣̇исам̣? ‘‘аад̣̇игаляаан̣а’’нд̇иаад̣̇и. анзна важанзна вад̇д̇ум̣ арахабхаавам̣ д̣̇ийбзд̇и. саасанад̇хаммод̇и оваад̣̇абарияад̇д̇и. гижжасуд̣̇д̇хияаад̇и гилзсаббахаананиб̣б̣аанаарамман̣агижжасуд̣̇д̇хияаа. саасанаб̣рахмажарияам̣ наама сигкад̇д̇аяам̣, навагодисахассаанийд̇иаад̣̇игам̣ ваа. маг̇г̇амзва б̣рахмажарияам̣ маг̇г̇аб̣рахмажарияам̣. д̇асса багаасагам̣ бидагад̇д̇аяам̣ ид̇ха саад̇т̇ам̣ саб̣яан̃ж̇анам̣ наама. часу ад̇т̇абад̣̇зсу сан̇кзбад̇о гаасанам̣ сан̇гаасанам̣. аад̣̇ид̇о гаасанам̣ багаасанам̣. убхаяамби вид̇т̇аарзд̇ваа д̣̇зсанам̣ виваран̣ам̣. буна вибхааг̇агаран̣ам̣ вибхаж̇анам̣. обаммаад̣̇инаа баагадагаран̣ам̣ уд̇д̇аанийгаран̣ам̣. сод̇уунам̣ жид̇д̇абарид̇осаж̇ананзна, жид̇д̇анисаанзна жа бан̃н̃аабанам̣ взд̣̇ид̇аб̣б̣ам̣. б̣яан̃ж̇анабад̣̇зсу агкаран̣ад̇о агкарам̣, ‘‘згагкарабад̣̇амагкара’’нд̇и згз. вибхад̇д̇ианд̇ам̣ бад̣̇ам̣. б̣яан̃ж̇аяад̇ийд̇и б̣яан̃ж̇анам̣, ваагяам̣. бад̣̇асамуд̣̇ааяо ваа ваагяам̣. вибхааг̇абагаасо аагааро наама. пусад̇ийд̇и пассод̇иаад̣̇и ниб̣б̣ажанам̣ нируд̇д̇и, нируд̇д̇ияаа нид̣̇д̣̇идтасса абад̣̇зсо нид̣̇д̣̇зсо наама. пусад̇ийд̇и пассо, со д̇ивид̇хо – сукавзд̣̇анийяо д̣̇угкавзд̣̇анийяо ад̣̇угкамасукавзд̣̇анийяод̇и. зд̇зсу аяам̣ яож̇анаа – агкарзхи сан̇гаасаяад̇и, бад̣̇зхи багаасаяад̇и, б̣яан̃ж̇анзхи виварад̇и, аагаарзхи вибхаж̇ад̇и, нируд̇д̇ийхи уд̇д̇ааним̣ гарод̇и, нид̣̇д̣̇зсзхи бан̃н̃аабзд̇и. агкарзхи ваа сан̇гаасаяид̇ваа бад̣̇зхи багаасзд̇и, б̣яан̃ж̇анзхи виварид̇ваа аагаарзхи вибхаж̇ад̇и, нируд̇д̇ийхи уд̇д̇ааним̣ гад̇ваа нид̣̇д̣̇зсзхи бан̃н̃аабзд̇и. агкарзхи ваа уг̇гхаадзд̇ваа бад̣̇зхи винзд̇и уг̇гхадид̇ан̃н̃ум̣, б̣яан̃ж̇анзхи виварид̇ваа аагаарзхи винзд̇и вибан̃жид̇ан̃н̃ум̣, нируд̇д̇ийхи нзд̇ваа нид̣̇д̣̇зсзхи винзд̇и нзяяанд̇и взд̣̇ид̇аб̣б̣ам̣. ад̇т̇од̇и бхаасид̇ад̇т̇о. д̇ассзвад̇т̇асса бадивиж̇жхид̇аб̣б̣о саго саго бхааво бадивзд̇хо наама. д̇ам̣ убхаяамби ад̇т̇о наама. д̇зна вуд̇д̇ам̣ ‘‘ад̇т̇аг̇амбхийрад̇аабадивзд̇хаг̇амбхийрад̇аахи саад̇т̇а’’нд̇и. д̇хаммод̇и ваа д̣̇зсанаад̇и ваа б̣яан̃ж̇анамзва. нид̣̇д̣̇осабхаавзна барисуд̣̇д̇хам̣ саасанаб̣рахмажарияам̣, сигкад̇д̇аяабариг̇г̇ахид̇о маг̇г̇о жа, убхаяамби б̣рахмажарияабад̣̇зна сан̇г̇ахид̇ам̣. бадибад̇д̇ияаад̇и бадибад̇д̇ихзд̇у. ааг̇амаб̣яад̇д̇ид̇од̇и бунаббунам̣ ад̇хийяамаанаа канд̇хаад̣̇аяо баагадаа хонд̇и. д̣̇уруд̇д̇асад̇т̇аани ад̇хийяамаанаани саммохамзваавааханд̇и.

2-3. гажжи каманийяам̣ сийд̇ун̣хаад̣̇и. гажжи яаабанийяам̣ яат̇аалад̣̇д̇хзхи ж̇ийвид̇асаад̇ханзхи ж̇ийвид̇ам̣. аббааб̣аад̇ханд̇и аббобасаг̇г̇ам̣, аббаад̇ан̇ганд̇и аббарог̇ам̣. гажжи лахудтаанам̣ сарийрагижжз. гажжи б̣алам̣ саман̣агижжз. гажжи паасувихааро яат̇аавуд̇д̇анаязна аббааб̣аад̇хад̇ааяа, анугган̣танаад̣̇ивасзна ваа. сад̇д̇асадтид̇о бадтааяа бажчимаваяо, уд̇д̇араамукод̇и вуд̇д̇ам̣ ход̇и. логавиваран̣з ж̇аад̇з ид̇ха гим̣ ологзси, над̇т̇зд̇т̇а д̇аяаа сад̣̇исобийд̇и ааха ‘‘д̇вам̣ сад̣̇звагасса логасса аг̇г̇о’’д̇иаад̣̇и. аасабхим̣ уд̇д̇амам̣. убабад̇д̇ивасзна д̣̇зваа. руубаанам̣ барибхог̇авасзна, бад̇т̇анаавасзна ваа уббаннаа рааг̇асамбаяуд̇д̇аа соманассавзд̣̇анаануруубад̇о уббаж̇ж̇ид̇ваа хад̣̇аяад̇аббанад̇о амб̣арасаад̣̇аяо вияа ‘‘руубарасаа’’д̇и вужжанд̇и. д̇ат̇ааг̇ад̇асса бахийнаад̇и ад̇хигааравасзнааха. д̇ат̇ааг̇ад̇ассаби хи гассажи д̇з бахийнаад̇и мад̇т̇агажчиннад̇аало вияа гад̇аа. гат̇ам̣? руубарасаад̣̇иважанзна вибаагад̇хаммад̇хаммаа г̇ахид̇аа, д̇з виж̇ж̇амаанааби мад̇т̇агасад̣̇исаанам̣ д̇ан̣хаавиж̇ж̇аанам̣ маг̇г̇асад̇т̇зна чиннад̇д̇аа ааяад̇им̣ д̇аалабанд̇исад̣̇исз вибаагагканд̇хз ниб̣б̣ад̇д̇зд̇ум̣ асамад̇т̇аа ж̇аад̇аа. д̇асмаа д̇аалаавад̇т̇у вияа гад̇аа. ‘‘гусаласоманассааби зд̇т̇а сан̇г̇ахид̇аа’’д̇и вад̣̇анд̇и. батамамаг̇г̇зна бахийнаа гаммабат̇адтаанияаа, д̣̇уд̇иязна ужчиннамуулаа ол̣ааригаа, д̇ад̇иязна д̇аалаавад̇т̇угад̇аа гаамарааг̇адтаанияаа. жад̇уд̇т̇зна анабхаавам̣гад̇аа руубарааг̇ааруубарааг̇адтаанияаа. абарихаанад̇хаммад̇ам̣ бана д̣̇ийбзнд̇о ‘‘ааяад̇им̣ ануббаад̣̇ад̇хаммаа’’д̇и ааха. д̇ад̣̇ан̇г̇аббахаанзна ваа бахийнаа вибассанаагкан̣з, жхаанасса буб̣б̣абхааг̇агкан̣з ваа, вигкамбханаббахаанзна ужчиннамуулаа жхаанагкан̣з. ‘‘вивижжзва гаамзхий’’д̇и (баараа. 11) хи вуд̇д̇ам̣. самужчзд̣̇аббахаанзна д̇аалаавад̇т̇угад̇аа д̇ад̇ияавиж̇ж̇аад̇хиг̇амагкан̣з. ид̇т̇амбхууд̇аа бана д̇з руубарасаад̣̇аяо анабхаавам̣гад̇аа ааяад̇имануббаад̣̇ад̇хаммаад̇и згамзвид̣̇ам̣ ад̇т̇абад̣̇ам̣. батамааяа ваа абхиниб̣бхид̣̇ааяа бахийнаа, д̣̇уд̇ияааяа ужчиннамуулаа, д̇ад̇ияааяа д̇аалаавад̇т̇угад̇аа. ид̇т̇амбхууд̇аа яасмаа анабхаавам̣гад̇аа наама хонд̇и, д̇асмаа ааяад̇им̣анауббаад̣̇ад̇хаммаад̇и взд̣̇ид̇аб̣б̣аа. ат̇а ваа д̣̇угкан̃аан̣зна бахийнаа, самуд̣̇аяан̃аан̣зна ужчиннамуулаа , нирод̇хан̃аан̣зна д̇аалаавад̇т̇угад̇аа, маг̇г̇ан̃аан̣зна анабхаавам̣гад̇аа, бажжавзгкан̣ан̃аан̣зна ааяад̇им̣ ануббаад̣̇ад̇хаммаад̇и взд̣̇ид̇аб̣б̣аа. логияамаг̇г̇зна ваа бахийнаа, д̣̇ассанамаг̇г̇зна ужчиннамуулаа, д̇ивид̇хзна бхааванаамаг̇г̇зна д̇аалаавад̇т̇угад̇аад̇иаад̣̇и. б̣раахман̣асса ависаяад̇д̇аа д̇хаммарасаа на уд̣̇д̇хадаа.

11. д̇хаммад̇хаад̇унд̇и зд̇т̇а саб̣б̣ан̃н̃уд̇ан̃н̃аан̣ам̣ д̇хаммад̇хаад̇у наама. анугамбаважанаануруубам̣ ‘‘бун̣н̣ажанд̣̇о вияаа’’д̇и вуд̇д̇ам̣, суурияаважанам̣ ‘‘суббадивид̣̇д̇хад̇д̇аа’’д̇иважанаануруубам̣, бат̇авийсамажид̇д̇ад̇ааяа гааран̣ам̣ ‘‘гарун̣аавибпаара’’нд̇и вад̣̇анд̇и. бадижчаад̣̇зд̇аб̣б̣з хи ад̇д̇ано г̇ун̣з ‘‘аарад̣̇д̇хам̣ ко бана мз вийрияа’’нд̇иаад̣̇инаа багаасзнд̇о ад̇д̇ано гарун̣аавибпаарам̣ багаасзд̇ийд̇и г̇ахзд̇аб̣б̣о. варабхууримзд̇хасо варабут̇улан̃аан̣о, бхуурийд̇и ваа бхууми, бхууми вияа бад̇т̇адаварабан̃н̃од̇и ад̇т̇о. аб̣уж̇жхи зд̇т̇аад̇иби ад̇хигаран̣зна ругко б̣од̇хи. саяам̣ б̣уж̇жхад̇и, б̣уж̇жханд̇и ваа д̇зна д̇ам̣саман̇г̇инод̇и маг̇г̇о б̣од̇хи, звам̣ саб̣б̣ан̃н̃уд̇ан̃н̃аан̣амби. б̣уж̇жхийяад̇ийд̇и ниб̣б̣аанам̣ б̣од̇хи. д̇иссаннам̣ виж̇ж̇аанам̣ убаниссаяавад̇о яат̇аасамбхавам̣ д̇иссо виж̇ж̇аа взд̣̇ид̇аб̣б̣аа. згаг̇г̇ад̇аавасзна д̇игкабхааво. д̇игкоби згажжо саро лагкам̣ бад̇ваа гун̣то ход̇и, на д̇ат̇аа ид̣̇ам̣. сад̇инд̣̇рияавасзнасса карабхааво, сад̣̇д̇хинд̣̇рияавасзна виббасаннабхааво, анд̇араа аносаггид̇ваа гилзсабажжад̇т̇игаанам̣ судту абхибхаванад̇о вийрияинд̣̇рияавасзнасса суурабхааво жа взд̣̇ид̇аб̣б̣о. маг̇г̇авиж̇ааяанад̇т̇ам̣ г̇аб̣бхаг̇г̇ахан̣агаало сан̇каарубзгкаананд̇арамануломад̇д̇аа.

чанд̣̇од̇и жа сан̇габбод̇и жа авад̇т̇анд̇арабхзд̣̇абхинно рааг̇ова –

‘‘сзнахаад̇т̇яан̇г̇амубзд̇и,

рад̇д̇ахад̣̇аяо рааг̇зна;

саммаг̇ад̇з рад̇д̇агаамамубзд̇и,

гаамабад̇ид̇ам̣ логасса маад̇рааламад̇ий’’д̇и –

аад̣̇ийсу вияа –

вибхан̇г̇зязва гин̃жааби ад̇т̇о вуд̇д̇од̇и зд̇т̇а аяамад̇хиббааяо – вибхан̇г̇абаал̣им̣ аанзд̇ваа ид̇ха вуд̇д̇оби саб̣б̣зсам̣ убагаарааяа на ход̇и, д̇асмаа д̇ам̣ адтагат̇аанаязнзва багаасаяиссаамийд̇и. ид̇од̇и гаамзхи. гааяавивзгаад̣̇ийсу убад̇хививзго д̇ад̇ияо, д̇асмаа д̇ад̇ияам̣ чад̣д̣зд̇ваа д̣̇вз г̇ахзд̇ваа д̇ад̣̇ан̇г̇аад̣̇ийсу вигкамбханавивзгам̣ г̇ахзд̇ваа ‘‘д̇аяо зваа’’д̇и вуд̇д̇аа. звам̣ сад̇и жид̇д̇авигкамбханаа згад̇т̇аа зваад̇и висзсо на сияаад̇и жз? аббанааваарад̇д̇аа на банзвам̣ д̣̇адтаб̣б̣ам̣. гааяавивзгаг̇г̇ахан̣зна буб̣б̣абхааг̇аг̇г̇ахан̣ам̣ н̃ааяад̇и, д̇асмаа жид̇д̇авивзгод̇и д̇ад̣̇ан̇г̇авивзго вуд̇д̇о, вигкамбханзна аббанаагаалзд̇и г̇ахзд̇аб̣б̣ам̣ асан̇гарад̇о. ат̇а ваа жид̇д̇авивзгзна д̇ад̣̇ан̇г̇авигкамбханаа г̇ахид̇аа, ид̇арзна вигкамбханавивзго зваад̇иби яуд̇д̇ам̣, гилзсагаамад̇д̇аа ваа д̣̇вийсу гаммзсу барияаабанно бурисо вияа. яат̇аа авиж̇ж̇амаанзна авиж̇ж̇амаанабан̃н̃ад̇д̇ивасзна логз ‘‘сапало ругко’’д̇и вужжад̇и, д̇ат̇зва виж̇ж̇амаанзна виж̇ж̇амаанабан̃н̃ад̇д̇ивасзна саасанз ‘‘савид̇аггам̣ савижаарам̣ жхаана’’нд̇и вужжад̇ийд̇и ад̇хиббааяо.

вуубасамаад̇и зд̇т̇а гзсам̣ вуубасамаад̇и, гим̣ батамаж̇жхаанигаанам̣, уд̣̇ааху д̣̇уд̇ияаж̇жхаанигаананд̇и? зд̇т̇а яад̣̇и батамаж̇жхаанигаанам̣, над̇т̇и д̇зсам̣ вуубасамо. на хи батамаж̇жхаанам̣ вид̇аггавижаарарахид̇ам̣ ад̇т̇и. яад̣̇и д̣̇уд̇ияаж̇жхаанигаанам̣, над̇т̇зва вуубасамо д̇ад̇т̇а д̇ад̣̇абхааваад̇и жз? д̇знзд̇ам̣ вужжад̇и ‘‘самад̇иггамаа’’д̇и, самад̇иггамоби на д̇зсам̣язва. гинд̇у сагалассаби батамаж̇жхаанад̇хаммараасиссаад̇и жз? д̇знзд̇ам̣ вужжад̇и ‘‘ол̣ааригасса бана самад̇иггамаа’’д̇иаад̣̇и. саб̣б̣зби батамаж̇жхаанад̇хаммаа ол̣ааригаава д̣̇уд̇ияаж̇жхаанад̇о, на гзвалам̣ вид̇аггавижаарад̣̇ваяамзваад̇и жз? на вид̇аггавижаарааязва д̇зхи самбаяуд̇д̇аанам̣ ол̣ааригабхаавад̇од̇и д̇зсвзва аад̣̇ийнавад̣̇ассанзна д̣̇уд̇ияаж̇жхаанагкан̣з д̇зсам̣ абхааво ход̇и. д̇зна вуд̇д̇ам̣ ‘‘д̣̇уд̇ияаж̇жхаанагкан̣з абаад̇убхааваа’’д̇и, яасса д̇хаммассаанубхаавзна, яог̇зна ваа ид̣̇ам̣ жхаанам̣ ‘‘самбасаад̣̇ана’’нд̇и вужжад̇и ‘‘згод̣̇ибхаава’’нд̇и жа, д̇асса д̣̇ассанад̇т̇ам̣ сад̣̇д̇хаасамаад̇хаяо вибхан̇г̇з вуд̇д̇аа. бан̣ийд̇абхож̇анасигкаабад̣̇з (баажи. 257 аад̣̇аяо) саббиаад̣̇аяо вияаад̇и вуд̇д̇з аяам̣ ад̇т̇аван̣н̣анаа на вируж̇жхад̇и. самам̣ бассад̇ийд̇и лийнуд̣̇д̇хажжам̣ бахааяа кийн̣аасавасса часу д̣̇ваарзсу идтаанидтачал̣аарамман̣аабаат̇з барисуд̣̇д̇хабагад̇ибхааваавиж̇аханаагаарабхууд̇аа убзгкаа чал̣ан̇г̇убзгкаа. нийваран̣аад̣̇ибадисан̇каасанд̇идтанааг̇ахан̣з маж̇жхад̇д̇абхууд̇аа убзгкаа, аяам̣ сан̇каарубзгкаа наама. вижинанз маж̇жхад̇д̇абхууд̇аа убзгкаа вибассанубзгкаа наама. д̇ад̇т̇а чал̣ан̇г̇убзгкаа б̣рахмавихаарубзгкаа б̣ож̇жхан̇г̇убзгкаа д̇ад̇рамаж̇жхад̇д̇убзгкаа жхаанубзгкаа баарисуд̣̇д̇хубзгкаа жа ад̇т̇ад̇о згаа д̇ад̇рамаж̇жхад̇д̇убзгкаава, авад̇т̇аабхзд̣̇зна бхзд̣̇о нзсам̣. сан̇каарубзгкаавибассанубзгкаанамби згад̇аа бан̃н̃аавасзна, гижжавасзна бана д̣̇увид̇хад̇аа взд̣̇ид̇аб̣б̣аа.

чал̣ан̇г̇убзгкаа гаамааважараа, б̣рахмавихаарубзгкаа руубааважараад̇иаад̣̇инаа бхуумивасзна. чал̣ан̇г̇убзгкаа кийн̣аасавассзва, б̣рахмавихаарубзгкаа д̇ин̣н̣амби бут̇уж̇ж̇анасзгкаасзгкаананд̇и звам̣ буг̇г̇алавасзна. чал̣ан̇г̇убзгкаа соманассубзгкаасахаг̇ад̇ажид̇д̇асамбаяуд̇д̇аа, б̣рахмавихаарубзгкаа убзгкаасахаг̇ад̇ажид̇д̇асамбаяуд̇д̇аа зваад̇и звам̣ жид̇д̇авасзна. чал̣ан̇г̇убзгкаа чал̣аарамман̣аа, б̣рахмавихаарубзгкаа д̇хаммаарамман̣ааваад̇и аарамман̣авасзна. взд̣̇анубзгкаа взд̣̇анаагканд̇хзна сан̇г̇ахид̇аа, ид̇араа нава сан̇каарагканд̇хзнаад̇и канд̇хасан̇г̇ахавасзна. чал̣ан̇г̇убзгкаа б̣рахмавихаараб̣ож̇жхан̇г̇ажхаанубзгкаа баарисуд̣̇д̇хид̇ад̇рамаж̇жхад̇д̇убзгкаа жа ад̇т̇ад̇о згаа, д̇асмаа згагкан̣з згаава сияаа, на ид̇араа, д̇ат̇аа сан̇каарубзгкаавибассанубзгкааби. взд̣̇анаавийрияубзгкаанам̣ згагкан̣з сияаа уббад̇д̇ийд̇и. чал̣ан̇г̇убзгкаа аб̣яаагад̇аа, б̣рахмавихаарубзгкаа гусалааб̣яаагад̇аа, д̇ат̇аа сзсаа. взд̣̇анубзгкаа бана сияаа агусалааби. звам̣ гусалад̇д̇игавасзна. д̣̇асабзд̇аа сан̇кзбзна жад̇д̇аарова д̇хаммаа вийрияавзд̣̇анаад̇ад̇рамаж̇жхад̇д̇ан̃аан̣авасзна. ‘‘д̣̇угкад̣̇оманассасукасоманассаана’’нд̇и звам̣ бахаанаггамзна авад̇ваа вибхан̇г̇з вуд̇д̇анаязна гасмаа вуд̇д̇аанийд̇и жз? суд̇д̇аанурагкан̣ад̇т̇ам̣. идтаанидтавибарийд̇анд̇и зд̇т̇а ‘‘аарамман̣авасзна аг̇г̇ахзд̇ваа идтаанидтавибарийд̇аагаарзна анубхавад̇ийд̇и г̇ахзд̇аб̣б̣а’’нд̇и вад̣̇анд̇и. гасмаа? згам̣язва гасин̣ам̣ аараб̣бха саб̣б̣зсам̣ бавад̇д̇ид̇о. д̇ад̇ияаж̇жхаанад̇о бадтааяа убагаараа худ̇ваа ааг̇ад̇аад̇и сад̇исийсзна д̣̇зсанаа гад̇аа, виг̇ад̇авалаахагаад̣̇инаа соммад̇ааяа рад̇д̇ияаа валаахагаад̣̇инаа гаалуссияз сад̇иби д̣̇иваа вияа анубагааригаа на ход̇и рад̇д̇им̣, д̇асмаа ‘‘ад̇д̇ано убагаарагад̇д̇зна ваа’’д̇и вуд̇д̇ам̣. ‘‘суурияаббабхаабхибхаваа, рад̇д̇ияаа алаабхаад̇и имз д̣̇вз хзд̇уу абарисуд̣̇д̇хад̇ааяа гааран̣ам̣. соммабхаавзна, ад̇д̇ано убагаарагад̇д̇зна жаад̇и имз д̣̇вз сабхааг̇ад̇ааяа гааран̣а’’нд̇и вад̣̇анд̇и, д̇ассаа абарисуд̣̇д̇хааяа ж̇аад̇ияаад̇и вуд̇д̇ам̣ ход̇и, д̇асмаа гааран̣аважананд̇и згз.

жхаанагат̇ааван̣н̣анаа нидтид̇аа.