| Library / Tipiṭaka / তিপিটক • Tipiṭaka / মজ্ঝিমনিকায (টীকা) • Majjhimanikāya (ṭīkā) |
২. ৰেরঞ্জকসুত্তৰণ্ণনা
2. Verañjakasuttavaṇṇanā
৪৪৪. ৰেরঞ্জৰাসিনোতি ৰেরঞ্জগামৰাসিনো। কেচি পন ‘‘ৰিৰিধরট্ঠৰাসিনো ৰেরঞ্জকা’’তি এতমত্থং ৰদন্তি, তেসং মতেন ‘‘ৰেরজ্জকা’’তি পাল়িযা ভৰিতব্বন্তি। অনিযমিতকিচ্চেনাতি ‘‘ইমিনা নামা’’তি এৰং ন নিযমিতেন কিচ্চেন। অযং ৰিসেসোতি অযং পুগ্গলাধিট্ঠানধম্মাধিট্ঠানকতো ইমেসু দ্ৰীসু সুত্তেসু দেসনায ৰিসেসো, অত্থো পন দেসনানযো চ মজ্ঝে ভিন্নসুৰণ্ণং ৰিয অৰিসিট্ঠোতি দস্সেতি। কস্মা পন ভগৰা কত্থচি পুগ্গলাধিট্ঠানদেসনং দেসেতি, কত্থচি ধম্মাধিট্ঠানন্তি? দেসনাৰিলাসতো ৰেনেয্যজ্ঝাসযতো চ। দেসনাৰিলাসপ্পত্তা হি বুদ্ধা ভগৰন্তো, তে যথারুচি কত্থচি পুগ্গলাধিট্ঠানং কত্ৰা, কত্থচি ধম্মাধিট্ঠানং কত্ৰা ধম্মং দেসেন্তি। যে পন ৰেনেয্যা সাসনক্কমং অনোতিণ্ণা, তেসং পুগ্গলাধিট্ঠানদেসনং দেসেন্তি। যে ওতিণ্ণা, তেসং ধম্মাধিট্ঠানং। সম্মুতিসচ্চৰিসযা পুগ্গলাধিট্ঠানা, ইতরা পরমত্থসচ্চৰিসযা। পুরিমা করুণানুকূলা, ইতরা পঞ্ঞানুকূলা। সদ্ধানুসারিগোত্তানং ৰা পুরিমা। তে হি পুগ্গলপ্পমাণা, পচ্ছিমা ধম্মানুসারীনং। সদ্ধাচরিততায ৰা লোকাধিপতীনং ৰসেন পুগ্গলাধিট্ঠানা, পঞ্ঞাচরিততায ধম্মাধিপতীনং ৰসেন ধম্মাধিট্ঠানা। পুরিমা চ নেয্যত্থা, পচ্ছিমা নীতত্থা। ইতি ভগৰা তং তং ৰিসেসং অৰেক্খিত্ৰা তত্থ তত্থ দুৰিধং দেসনং দেসেতীতি ৰেদিতব্বং।
444.Verañjavāsinoti verañjagāmavāsino. Keci pana ‘‘vividharaṭṭhavāsino verañjakā’’ti etamatthaṃ vadanti, tesaṃ matena ‘‘verajjakā’’ti pāḷiyā bhavitabbanti. Aniyamitakiccenāti ‘‘iminā nāmā’’ti evaṃ na niyamitena kiccena. Ayaṃ visesoti ayaṃ puggalādhiṭṭhānadhammādhiṭṭhānakato imesu dvīsu suttesu desanāya viseso, attho pana desanānayo ca majjhe bhinnasuvaṇṇaṃ viya avisiṭṭhoti dasseti. Kasmā pana bhagavā katthaci puggalādhiṭṭhānadesanaṃ deseti, katthaci dhammādhiṭṭhānanti? Desanāvilāsato veneyyajjhāsayato ca. Desanāvilāsappattā hi buddhā bhagavanto, te yathāruci katthaci puggalādhiṭṭhānaṃ katvā, katthaci dhammādhiṭṭhānaṃ katvā dhammaṃ desenti. Ye pana veneyyā sāsanakkamaṃ anotiṇṇā, tesaṃ puggalādhiṭṭhānadesanaṃ desenti. Ye otiṇṇā, tesaṃ dhammādhiṭṭhānaṃ. Sammutisaccavisayā puggalādhiṭṭhānā, itarā paramatthasaccavisayā. Purimā karuṇānukūlā, itarā paññānukūlā. Saddhānusārigottānaṃ vā purimā. Te hi puggalappamāṇā, pacchimā dhammānusārīnaṃ. Saddhācaritatāya vā lokādhipatīnaṃ vasena puggalādhiṭṭhānā, paññācaritatāya dhammādhipatīnaṃ vasena dhammādhiṭṭhānā. Purimā ca neyyatthā, pacchimā nītatthā. Iti bhagavā taṃ taṃ visesaṃ avekkhitvā tattha tattha duvidhaṃ desanaṃ desetīti veditabbaṃ.
ৰেরঞ্জকসুত্তৰণ্ণনায লীনত্থপ্পকাসনা সমত্তা।
Verañjakasuttavaṇṇanāya līnatthappakāsanā samattā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / মজ্ঝিমনিকায • Majjhimanikāya / ২. ৰেরঞ্জকসুত্তং • 2. Verañjakasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / মজ্ঝিমনিকায (অট্ঠকথা) • Majjhimanikāya (aṭṭhakathā) / ২. ৰেরঞ্জকসুত্তৰণ্ণনা • 2. Verañjakasuttavaṇṇanā
