| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) |
੨. વੇਰਞ੍ਜਕਸੁਤ੍ਤવਣ੍ਣਨਾ
2. Verañjakasuttavaṇṇanā
੪੪੪. વੇਰਞ੍ਜવਾਸਿਨੋਤਿ વੇਰਞ੍ਜਗਾਮવਾਸਿਨੋ। ਕੇਚਿ ਪਨ ‘‘વਿવਿਧਰਟ੍ਠવਾਸਿਨੋ વੇਰਞ੍ਜਕਾ’’ਤਿ ਏਤਮਤ੍ਥਂ વਦਨ੍ਤਿ, ਤੇਸਂ ਮਤੇਨ ‘‘વੇਰਜ੍ਜਕਾ’’ਤਿ ਪਾਲ਼ਿਯਾ ਭવਿਤਬ੍ਬਨ੍ਤਿ। ਅਨਿਯਮਿਤਕਿਚ੍ਚੇਨਾਤਿ ‘‘ਇਮਿਨਾ ਨਾਮਾ’’ਤਿ ਏવਂ ਨ ਨਿਯਮਿਤੇਨ ਕਿਚ੍ਚੇਨ। ਅਯਂ વਿਸੇਸੋਤਿ ਅਯਂ ਪੁਗ੍ਗਲਾਧਿਟ੍ਠਾਨਧਮ੍ਮਾਧਿਟ੍ਠਾਨਕਤੋ ਇਮੇਸੁ ਦ੍વੀਸੁ ਸੁਤ੍ਤੇਸੁ ਦੇਸਨਾਯ વਿਸੇਸੋ, ਅਤ੍ਥੋ ਪਨ ਦੇਸਨਾਨਯੋ ਚ ਮਜ੍ਝੇ ਭਿਨ੍ਨਸੁવਣ੍ਣਂ વਿਯ ਅવਿਸਿਟ੍ਠੋਤਿ ਦਸ੍ਸੇਤਿ। ਕਸ੍ਮਾ ਪਨ ਭਗવਾ ਕਤ੍ਥਚਿ ਪੁਗ੍ਗਲਾਧਿਟ੍ਠਾਨਦੇਸਨਂ ਦੇਸੇਤਿ, ਕਤ੍ਥਚਿ ਧਮ੍ਮਾਧਿਟ੍ਠਾਨਨ੍ਤਿ? ਦੇਸਨਾવਿਲਾਸਤੋ વੇਨੇਯ੍ਯਜ੍ਝਾਸਯਤੋ ਚ। ਦੇਸਨਾવਿਲਾਸਪ੍ਪਤ੍ਤਾ ਹਿ ਬੁਦ੍ਧਾ ਭਗવਨ੍ਤੋ, ਤੇ ਯਥਾਰੁਚਿ ਕਤ੍ਥਚਿ ਪੁਗ੍ਗਲਾਧਿਟ੍ਠਾਨਂ ਕਤ੍વਾ, ਕਤ੍ਥਚਿ ਧਮ੍ਮਾਧਿਟ੍ਠਾਨਂ ਕਤ੍વਾ ਧਮ੍ਮਂ ਦੇਸੇਨ੍ਤਿ। ਯੇ ਪਨ વੇਨੇਯ੍ਯਾ ਸਾਸਨਕ੍ਕਮਂ ਅਨੋਤਿਣ੍ਣਾ, ਤੇਸਂ ਪੁਗ੍ਗਲਾਧਿਟ੍ਠਾਨਦੇਸਨਂ ਦੇਸੇਨ੍ਤਿ। ਯੇ ਓਤਿਣ੍ਣਾ, ਤੇਸਂ ਧਮ੍ਮਾਧਿਟ੍ਠਾਨਂ। ਸਮ੍ਮੁਤਿਸਚ੍ਚવਿਸਯਾ ਪੁਗ੍ਗਲਾਧਿਟ੍ਠਾਨਾ, ਇਤਰਾ ਪਰਮਤ੍ਥਸਚ੍ਚવਿਸਯਾ। ਪੁਰਿਮਾ ਕਰੁਣਾਨੁਕੂਲਾ, ਇਤਰਾ ਪਞ੍ਞਾਨੁਕੂਲਾ। ਸਦ੍ਧਾਨੁਸਾਰਿਗੋਤ੍ਤਾਨਂ વਾ ਪੁਰਿਮਾ। ਤੇ ਹਿ ਪੁਗ੍ਗਲਪ੍ਪਮਾਣਾ, ਪਚ੍ਛਿਮਾ ਧਮ੍ਮਾਨੁਸਾਰੀਨਂ। ਸਦ੍ਧਾਚਰਿਤਤਾਯ વਾ ਲੋਕਾਧਿਪਤੀਨਂ વਸੇਨ ਪੁਗ੍ਗਲਾਧਿਟ੍ਠਾਨਾ, ਪਞ੍ਞਾਚਰਿਤਤਾਯ ਧਮ੍ਮਾਧਿਪਤੀਨਂ વਸੇਨ ਧਮ੍ਮਾਧਿਟ੍ਠਾਨਾ। ਪੁਰਿਮਾ ਚ ਨੇਯ੍ਯਤ੍ਥਾ, ਪਚ੍ਛਿਮਾ ਨੀਤਤ੍ਥਾ। ਇਤਿ ਭਗવਾ ਤਂ ਤਂ વਿਸੇਸਂ ਅવੇਕ੍ਖਿਤ੍વਾ ਤਤ੍ਥ ਤਤ੍ਥ ਦੁવਿਧਂ ਦੇਸਨਂ ਦੇਸੇਤੀਤਿ વੇਦਿਤਬ੍ਬਂ।
444.Verañjavāsinoti verañjagāmavāsino. Keci pana ‘‘vividharaṭṭhavāsino verañjakā’’ti etamatthaṃ vadanti, tesaṃ matena ‘‘verajjakā’’ti pāḷiyā bhavitabbanti. Aniyamitakiccenāti ‘‘iminā nāmā’’ti evaṃ na niyamitena kiccena. Ayaṃ visesoti ayaṃ puggalādhiṭṭhānadhammādhiṭṭhānakato imesu dvīsu suttesu desanāya viseso, attho pana desanānayo ca majjhe bhinnasuvaṇṇaṃ viya avisiṭṭhoti dasseti. Kasmā pana bhagavā katthaci puggalādhiṭṭhānadesanaṃ deseti, katthaci dhammādhiṭṭhānanti? Desanāvilāsato veneyyajjhāsayato ca. Desanāvilāsappattā hi buddhā bhagavanto, te yathāruci katthaci puggalādhiṭṭhānaṃ katvā, katthaci dhammādhiṭṭhānaṃ katvā dhammaṃ desenti. Ye pana veneyyā sāsanakkamaṃ anotiṇṇā, tesaṃ puggalādhiṭṭhānadesanaṃ desenti. Ye otiṇṇā, tesaṃ dhammādhiṭṭhānaṃ. Sammutisaccavisayā puggalādhiṭṭhānā, itarā paramatthasaccavisayā. Purimā karuṇānukūlā, itarā paññānukūlā. Saddhānusārigottānaṃ vā purimā. Te hi puggalappamāṇā, pacchimā dhammānusārīnaṃ. Saddhācaritatāya vā lokādhipatīnaṃ vasena puggalādhiṭṭhānā, paññācaritatāya dhammādhipatīnaṃ vasena dhammādhiṭṭhānā. Purimā ca neyyatthā, pacchimā nītatthā. Iti bhagavā taṃ taṃ visesaṃ avekkhitvā tattha tattha duvidhaṃ desanaṃ desetīti veditabbaṃ.
વੇਰਞ੍ਜਕਸੁਤ੍ਤવਣ੍ਣਨਾਯ ਲੀਨਤ੍ਥਪ੍ਪਕਾਸਨਾ ਸਮਤ੍ਤਾ।
Verañjakasuttavaṇṇanāya līnatthappakāsanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੨. વੇਰਞ੍ਜਕਸੁਤ੍ਤਂ • 2. Verañjakasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) / ੨. વੇਰਞ੍ਜਕਸੁਤ੍ਤવਣ੍ਣਨਾ • 2. Verañjakasuttavaṇṇanā
