| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
8. வேரோசனஅஸுரிந்த³ஸுத்தவண்ணனா
8. Verocanaasurindasuttavaṇṇanā
254. அட்ட²மே அட்ட²ங்ஸூதி த்³வாரபாலரூபகானி விய டி²தா. நிப்ப²தா³தி நிப்ப²த்தி, யாவ அத்தோ² நிப்ப²ஜ்ஜதி, தாவ வாயமேதே²வாதி வத³தி. து³தியகா³தா² ஸக்கஸ்ஸ. தத்த² க²ந்த்யா பி⁴ய்யோதி நிப்ப²ன்னஸோப⁴னேஸு அத்தே²ஸு க²ந்திதோ உத்தரிதரோ அத்தோ² நாம நத்தி². அத்த²ஜாதாதி கிச்சஜாதா. ஸோணஸிங்கா³லாத³யோபி ஹி உபாதா³ய அகிச்சஜாதோ ஸத்தோ நாம நத்தி². இதோ எத்தோ க³மனமத்தம்பி கிச்சமேவ ஹோதி. ஸங்யோக³பரமா த்வேவ, ஸம்போ⁴கா³ ஸப்³ப³பாணினந்தி பாரிவாஸிகஓத³னாதீ³னி ஹி அஸம்போ⁴கா³ரஹானி ஹொந்தி, தானி புன உண்ஹாபெத்வா ப⁴ஜ்ஜித்வா ஸப்பிமது⁴பா²ணிதாதீ³ஹி ஸங்யோஜிதானி ஸம்போ⁴கா³ரஹானி ஹொந்தி. தேனாஹ ‘‘ஸங்யோக³பரமா த்வேவ, ஸம்போ⁴கா³ ஸப்³ப³பாணின’’ந்தி . நிப்ப²ன்னஸோப⁴னோ அத்தோ²தி இமே அத்தா² நாம நிப்ப²ன்னாவ ஸோப⁴ந்தி. புன சதுத்த²கா³தா² ஸக்கஸ்ஸ. தத்தா²பி வுத்தனயேனேவ அத்தோ² வேதி³தப்³போ³. அட்ட²மங்.
254. Aṭṭhame aṭṭhaṃsūti dvārapālarūpakāni viya ṭhitā. Nipphadāti nipphatti, yāva attho nipphajjati, tāva vāyamethevāti vadati. Dutiyagāthā sakkassa. Tattha khantyā bhiyyoti nipphannasobhanesu atthesu khantito uttaritaro attho nāma natthi. Atthajātāti kiccajātā. Soṇasiṅgālādayopi hi upādāya akiccajāto satto nāma natthi. Ito etto gamanamattampi kiccameva hoti. Saṃyogaparamā tveva, sambhogā sabbapāṇinanti pārivāsikaodanādīni hi asambhogārahāni honti, tāni puna uṇhāpetvā bhajjitvā sappimadhuphāṇitādīhi saṃyojitāni sambhogārahāni honti. Tenāha ‘‘saṃyogaparamā tveva, sambhogā sabbapāṇina’’nti . Nipphannasobhano atthoti ime atthā nāma nipphannāva sobhanti. Puna catutthagāthā sakkassa. Tatthāpi vuttanayeneva attho veditabbo. Aṭṭhamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. வேரோசனஅஸுரிந்த³ஸுத்தங் • 8. Verocanaasurindasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 8. வேரோசனஅஸுரிந்த³ஸுத்தவண்ணனா • 8. Verocanaasurindasuttavaṇṇanā
