| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৮. ৰেরোচনঅসুরিন্দসুত্তৰণ্ণনা
8. Verocanaasurindasuttavaṇṇanā
২৫৪. অট্ঠমে অট্ঠংসূতি দ্ৰারপালরূপকানি ৰিয ঠিতা। নিপ্ফদাতি নিপ্ফত্তি, যাৰ অত্থো নিপ্ফজ্জতি, তাৰ ৰাযমেথেৰাতি ৰদতি। দুতিযগাথা সক্কস্স। তত্থ খন্ত্যা ভিয্যোতি নিপ্ফন্নসোভনেসু অত্থেসু খন্তিতো উত্তরিতরো অত্থো নাম নত্থি। অত্থজাতাতি কিচ্চজাতা। সোণসিঙ্গালাদযোপি হি উপাদায অকিচ্চজাতো সত্তো নাম নত্থি। ইতো এত্তো গমনমত্তম্পি কিচ্চমেৰ হোতি। সংযোগপরমা ত্ৰেৰ, সম্ভোগা সব্বপাণিনন্তি পারিৰাসিকওদনাদীনি হি অসম্ভোগারহানি হোন্তি, তানি পুন উণ্হাপেত্ৰা ভজ্জিত্ৰা সপ্পিমধুফাণিতাদীহি সংযোজিতানি সম্ভোগারহানি হোন্তি। তেনাহ ‘‘সংযোগপরমা ত্ৰেৰ, সম্ভোগা সব্বপাণিন’’ন্তি । নিপ্ফন্নসোভনো অত্থোতি ইমে অত্থা নাম নিপ্ফন্নাৰ সোভন্তি। পুন চতুত্থগাথা সক্কস্স। তত্থাপি ৰুত্তনযেনেৰ অত্থো ৰেদিতব্বো। অট্ঠমং।
254. Aṭṭhame aṭṭhaṃsūti dvārapālarūpakāni viya ṭhitā. Nipphadāti nipphatti, yāva attho nipphajjati, tāva vāyamethevāti vadati. Dutiyagāthā sakkassa. Tattha khantyā bhiyyoti nipphannasobhanesu atthesu khantito uttaritaro attho nāma natthi. Atthajātāti kiccajātā. Soṇasiṅgālādayopi hi upādāya akiccajāto satto nāma natthi. Ito etto gamanamattampi kiccameva hoti. Saṃyogaparamā tveva, sambhogā sabbapāṇinanti pārivāsikaodanādīni hi asambhogārahāni honti, tāni puna uṇhāpetvā bhajjitvā sappimadhuphāṇitādīhi saṃyojitāni sambhogārahāni honti. Tenāha ‘‘saṃyogaparamā tveva, sambhogā sabbapāṇina’’nti . Nipphannasobhano atthoti ime atthā nāma nipphannāva sobhanti. Puna catutthagāthā sakkassa. Tatthāpi vuttanayeneva attho veditabbo. Aṭṭhamaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৮. ৰেরোচনঅসুরিন্দসুত্তং • 8. Verocanaasurindasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৮. ৰেরোচনঅসুরিন্দসুত্তৰণ্ণনা • 8. Verocanaasurindasuttavaṇṇanā
