| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. взрожанаасуринд̣̇асуд̇д̇аван̣н̣анаа
8. Verocanaasurindasuttavaṇṇanā
254. д̣̇ваарабааларуубагаани вияаад̇и д̣̇ваарабаалаагаарзна гад̇абадимааяо вияа. вааяамзт̇зва, на анд̇араа сам̣гожам̣ аабаж̇ж̇зяяаад̇и ад̇хиббааяо. нибпаннасобханзсууд̇и нибпаннабхаавзна сунд̣̇арзсу. саб̣б̣з хи анибпаннаа ад̇т̇аа на собханд̇и. гижжаж̇аад̇аад̇и виббагад̇абхаавзна сан̃ж̇аад̇агижжаа. агижжаж̇аад̇од̇и асан̃ж̇аад̇агижжо гижжарахид̇о наама над̇т̇и г̇аманадтид̇асаяананисаж̇ж̇аад̣̇ивасзна уббаж̇ж̇анагад̣̇угкавинод̣̇анабхаавад̇о. сам̣яог̇абарамаад̇взва самбхог̇аад̇и имзсам̣ сад̇д̇аанам̣ сам̣бхун̃ж̇ид̇аб̣б̣авад̇т̇ууни наама багад̇ияаа вирод̇хасийлааниби асам̣яог̇зна ваа асунд̣̇арааниби, д̇аани абхисан̇каран̣абажанасам̣яож̇анабарамаани взд̣̇ид̇аб̣б̣аани д̇ат̇аа сад̇и самбхог̇аарахабхаавуубаг̇аманад̇о. д̇знааха ‘‘баариваасигаод̣̇анаад̣̇ийний’’д̇иаад̣̇и. ун̣хаабзд̇ваа барибхун̃ж̇ид̇аб̣б̣аяуд̇д̇з барибхаж̇ж̇ид̇ваад̇и ад̇хиббааяо.
254.Dvārapālarūpakāniviyāti dvārapālākārena katapaṭimāyo viya. Vāyametheva, na antarā saṃkocaṃ āpajjeyyāti adhippāyo. Nipphannasobhanesūti nipphannabhāvena sundaresu. Sabbe hi anipphannā atthā na sobhanti. Kiccajātāti vippakatabhāvena sañjātakiccā. Akiccajātoti asañjātakicco kiccarahito nāma natthi gamanaṭṭhitasayananisajjādivasena uppajjanakadukkhavinodanabhāvato. Saṃyogaparamātveva sambhogāti imesaṃ sattānaṃ saṃbhuñjitabbavatthūni nāma pakatiyā virodhasīlānipi asaṃyogena vā asundarānipi, tāni abhisaṅkharaṇapacanasaṃyojanaparamāni veditabbāni tathā sati sambhogārahabhāvūpagamanato. Tenāha ‘‘pārivāsikaodanādīnī’’tiādi. Uṇhāpetvā paribhuñjitabbayutte paribhajjitvāti adhippāyo.
взрожанаасуринд̣̇асуд̇д̇аван̣н̣анаа нидтид̇аа.
Verocanaasurindasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. взрожанаасуринд̣̇асуд̇д̇ам̣ • 8. Verocanaasurindasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. взрожанаасуринд̣̇асуд̇д̇аван̣н̣анаа • 8. Verocanaasurindasuttavaṇṇanā
