| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
८. वेरोचनअसुरिन्दसुत्तवण्णना
8. Verocanaasurindasuttavaṇṇanā
२५४. अट्ठमे अट्ठंसूति द्वारपालरूपकानि विय ठिता। निप्फदाति निप्फत्ति, याव अत्थो निप्फज्जति, ताव वायमेथेवाति वदति। दुतियगाथा सक्कस्स। तत्थ खन्त्या भिय्योति निप्फन्नसोभनेसु अत्थेसु खन्तितो उत्तरितरो अत्थो नाम नत्थि। अत्थजाताति किच्चजाता। सोणसिङ्गालादयोपि हि उपादाय अकिच्चजातो सत्तो नाम नत्थि। इतो एत्तो गमनमत्तम्पि किच्चमेव होति। संयोगपरमा त्वेव, सम्भोगा सब्बपाणिनन्ति पारिवासिकओदनादीनि हि असम्भोगारहानि होन्ति, तानि पुन उण्हापेत्वा भज्जित्वा सप्पिमधुफाणितादीहि संयोजितानि सम्भोगारहानि होन्ति। तेनाह ‘‘संयोगपरमा त्वेव, सम्भोगा सब्बपाणिन’’न्ति । निप्फन्नसोभनो अत्थोति इमे अत्था नाम निप्फन्नाव सोभन्ति। पुन चतुत्थगाथा सक्कस्स। तत्थापि वुत्तनयेनेव अत्थो वेदितब्बो। अट्ठमं।
254. Aṭṭhame aṭṭhaṃsūti dvārapālarūpakāni viya ṭhitā. Nipphadāti nipphatti, yāva attho nipphajjati, tāva vāyamethevāti vadati. Dutiyagāthā sakkassa. Tattha khantyā bhiyyoti nipphannasobhanesu atthesu khantito uttaritaro attho nāma natthi. Atthajātāti kiccajātā. Soṇasiṅgālādayopi hi upādāya akiccajāto satto nāma natthi. Ito etto gamanamattampi kiccameva hoti. Saṃyogaparamā tveva, sambhogā sabbapāṇinanti pārivāsikaodanādīni hi asambhogārahāni honti, tāni puna uṇhāpetvā bhajjitvā sappimadhuphāṇitādīhi saṃyojitāni sambhogārahāni honti. Tenāha ‘‘saṃyogaparamā tveva, sambhogā sabbapāṇina’’nti . Nipphannasobhano atthoti ime atthā nāma nipphannāva sobhanti. Puna catutthagāthā sakkassa. Tatthāpi vuttanayeneva attho veditabbo. Aṭṭhamaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ८. वेरोचनअसुरिन्दसुत्तं • 8. Verocanaasurindasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ८. वेरोचनअसुरिन्दसुत्तवण्णना • 8. Verocanaasurindasuttavaṇṇanā
