| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౮. వేరోచనఅసురిన్దసుత్తవణ్ణనా
8. Verocanaasurindasuttavaṇṇanā
౨౫౪. అట్ఠమే అట్ఠంసూతి ద్వారపాలరూపకాని వియ ఠితా. నిప్ఫదాతి నిప్ఫత్తి, యావ అత్థో నిప్ఫజ్జతి, తావ వాయమేథేవాతి వదతి. దుతియగాథా సక్కస్స. తత్థ ఖన్త్యా భియ్యోతి నిప్ఫన్నసోభనేసు అత్థేసు ఖన్తితో ఉత్తరితరో అత్థో నామ నత్థి. అత్థజాతాతి కిచ్చజాతా. సోణసిఙ్గాలాదయోపి హి ఉపాదాయ అకిచ్చజాతో సత్తో నామ నత్థి. ఇతో ఏత్తో గమనమత్తమ్పి కిచ్చమేవ హోతి. సంయోగపరమా త్వేవ, సమ్భోగా సబ్బపాణినన్తి పారివాసికఓదనాదీని హి అసమ్భోగారహాని హోన్తి, తాని పున ఉణ్హాపేత్వా భజ్జిత్వా సప్పిమధుఫాణితాదీహి సంయోజితాని సమ్భోగారహాని హోన్తి. తేనాహ ‘‘సంయోగపరమా త్వేవ, సమ్భోగా సబ్బపాణిన’’న్తి . నిప్ఫన్నసోభనో అత్థోతి ఇమే అత్థా నామ నిప్ఫన్నావ సోభన్తి. పున చతుత్థగాథా సక్కస్స. తత్థాపి వుత్తనయేనేవ అత్థో వేదితబ్బో. అట్ఠమం.
254. Aṭṭhame aṭṭhaṃsūti dvārapālarūpakāni viya ṭhitā. Nipphadāti nipphatti, yāva attho nipphajjati, tāva vāyamethevāti vadati. Dutiyagāthā sakkassa. Tattha khantyā bhiyyoti nipphannasobhanesu atthesu khantito uttaritaro attho nāma natthi. Atthajātāti kiccajātā. Soṇasiṅgālādayopi hi upādāya akiccajāto satto nāma natthi. Ito etto gamanamattampi kiccameva hoti. Saṃyogaparamā tveva, sambhogā sabbapāṇinanti pārivāsikaodanādīni hi asambhogārahāni honti, tāni puna uṇhāpetvā bhajjitvā sappimadhuphāṇitādīhi saṃyojitāni sambhogārahāni honti. Tenāha ‘‘saṃyogaparamā tveva, sambhogā sabbapāṇina’’nti . Nipphannasobhano atthoti ime atthā nāma nipphannāva sobhanti. Puna catutthagāthā sakkassa. Tatthāpi vuttanayeneva attho veditabbo. Aṭṭhamaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౮. వేరోచనఅసురిన్దసుత్తం • 8. Verocanaasurindasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౮. వేరోచనఅసురిన్దసుత్తవణ్ణనా • 8. Verocanaasurindasuttavaṇṇanā
