| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๘. เวโรจนอสุรินฺทสุตฺตวณฺณนา
8. Verocanaasurindasuttavaṇṇanā
๒๕๔. อฎฺฐเม อฎฺฐํสูติ ทฺวารปาลรูปกานิ วิย ฐิตาฯ นิปฺผทาติ นิปฺผตฺติ, ยาว อโตฺถ นิปฺผชฺชติ, ตาว วายเมเถวาติ วทติฯ ทุติยคาถา สกฺกสฺสฯ ตตฺถ ขนฺตฺยา ภิโยฺยติ นิปฺผนฺนโสภเนสุ อเตฺถสุ ขนฺติโต อุตฺตริตโร อโตฺถ นาม นตฺถิฯ อตฺถชาตาติ กิจฺจชาตาฯ โสณสิงฺคาลาทโยปิ หิ อุปาทาย อกิจฺจชาโต สโตฺต นาม นตฺถิฯ อิโต เอโตฺต คมนมตฺตมฺปิ กิจฺจเมว โหติฯ สํโยคปรมา เตฺวว, สโมฺภคา สพฺพปาณินนฺติ ปาริวาสิกโอทนาทีนิ หิ อสโมฺภคารหานิ โหนฺติ, ตานิ ปุน อุณฺหาเปตฺวา ภชฺชิตฺวา สปฺปิมธุผาณิตาทีหิ สํโยชิตานิ สโมฺภคารหานิ โหนฺติฯ เตนาห ‘‘สํโยคปรมา เตฺวว, สโมฺภคา สพฺพปาณิน’’นฺติ ฯ นิปฺผนฺนโสภโน อโตฺถติ อิเม อตฺถา นาม นิปฺผนฺนาว โสภนฺติฯ ปุน จตุตฺถคาถา สกฺกสฺสฯ ตตฺถาปิ วุตฺตนเยเนว อโตฺถ เวทิตโพฺพฯ อฎฺฐมํฯ
254. Aṭṭhame aṭṭhaṃsūti dvārapālarūpakāni viya ṭhitā. Nipphadāti nipphatti, yāva attho nipphajjati, tāva vāyamethevāti vadati. Dutiyagāthā sakkassa. Tattha khantyā bhiyyoti nipphannasobhanesu atthesu khantito uttaritaro attho nāma natthi. Atthajātāti kiccajātā. Soṇasiṅgālādayopi hi upādāya akiccajāto satto nāma natthi. Ito etto gamanamattampi kiccameva hoti. Saṃyogaparamā tveva, sambhogā sabbapāṇinanti pārivāsikaodanādīni hi asambhogārahāni honti, tāni puna uṇhāpetvā bhajjitvā sappimadhuphāṇitādīhi saṃyojitāni sambhogārahāni honti. Tenāha ‘‘saṃyogaparamā tveva, sambhogā sabbapāṇina’’nti . Nipphannasobhano atthoti ime atthā nāma nipphannāva sobhanti. Puna catutthagāthā sakkassa. Tatthāpi vuttanayeneva attho veditabbo. Aṭṭhamaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๘. เวโรจนอสุรินฺทสุตฺตํ • 8. Verocanaasurindasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๘. เวโรจนอสุรินฺทสุตฺตวณฺณนา • 8. Verocanaasurindasuttavaṇṇanā
