| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๘. เวโรจนอสุรินฺทสุตฺตวณฺณนา
8. Verocanaasurindasuttavaṇṇanā
๒๕๔. ทฺวารปาลรูปกานิ วิยาติ ทฺวารปาลากาเรน กตปฎิมาโย วิยฯ วายเมเถว, น อนฺตรา สํโกจํ อาปเชฺชยฺยาติ อธิปฺปาโยฯ นิปฺผนฺนโสภเนสูติ นิปฺผนฺนภาเวน สุนฺทเรสุฯ สเพฺพ หิ อนิปฺผนฺนา อตฺถา น โสภนฺติฯ กิจฺจชาตาติ วิปฺปกตภาเวน สญฺชาตกิจฺจาฯ อกิจฺจชาโตติ อสญฺชาตกิโจฺจ กิจฺจรหิโต นาม นตฺถิ คมนฎฺฐิตสยนนิสชฺชาทิวเสน อุปฺปชฺชนกทุกฺขวิโนทนภาวโตฯ สํโยคปรมาเตฺวว สโมฺภคาติ อิเมสํ สตฺตานํ สํภุญฺชิตพฺพวตฺถูนิ นาม ปกติยา วิโรธสีลานิปิ อสํโยเคน วา อสุนฺทรานิปิ, ตานิ อภิสงฺขรณปจนสํโยชนปรมานิ เวทิตพฺพานิ ตถา สติ สโมฺภคารหภาวูปคมนโตฯ เตนาห ‘‘ปาริวาสิกโอทนาทีนี’’ติอาทิฯ อุณฺหาเปตฺวา ปริภุญฺชิตพฺพยุเตฺต ปริภชฺชิตฺวาติ อธิปฺปาโยฯ
254.Dvārapālarūpakāniviyāti dvārapālākārena katapaṭimāyo viya. Vāyametheva, na antarā saṃkocaṃ āpajjeyyāti adhippāyo. Nipphannasobhanesūti nipphannabhāvena sundaresu. Sabbe hi anipphannā atthā na sobhanti. Kiccajātāti vippakatabhāvena sañjātakiccā. Akiccajātoti asañjātakicco kiccarahito nāma natthi gamanaṭṭhitasayananisajjādivasena uppajjanakadukkhavinodanabhāvato. Saṃyogaparamātveva sambhogāti imesaṃ sattānaṃ saṃbhuñjitabbavatthūni nāma pakatiyā virodhasīlānipi asaṃyogena vā asundarānipi, tāni abhisaṅkharaṇapacanasaṃyojanaparamāni veditabbāni tathā sati sambhogārahabhāvūpagamanato. Tenāha ‘‘pārivāsikaodanādīnī’’tiādi. Uṇhāpetvā paribhuñjitabbayutte paribhajjitvāti adhippāyo.
เวโรจนอสุรินฺทสุตฺตวณฺณนา นิฎฺฐิตาฯ
Verocanaasurindasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๘. เวโรจนอสุรินฺทสุตฺตํ • 8. Verocanaasurindasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๘. เวโรจนอสุรินฺทสุตฺตวณฺณนา • 8. Verocanaasurindasuttavaṇṇanā
