| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၈. ဝေရောစနအသုရိန္ဒသုတ္တဝဏ္ဏနာ
8. Verocanaasurindasuttavaṇṇanā
၂၅၄. ဒ္ဝာရပာလရူပကာနိ ဝိယာတိ ဒ္ဝာရပာလာကာရေန ကတပဋိမာယော ဝိယ။ ဝာယမေထေဝ, န အန္တရာ သံကောစံ အာပဇ္ဇေယ္ယာတိ အဓိပ္ပာယော။ နိပ္ဖန္နသောဘနေသူတိ နိပ္ဖန္နဘာဝေန သုန္ဒရေသု။ သဗ္ဗေ ဟိ အနိပ္ဖန္နာ အတ္ထာ န သောဘန္တိ။ ကိစ္စဇာတာတိ ဝိပ္ပကတဘာဝေန သဉ္ဇာတကိစ္စာ။ အကိစ္စဇာတောတိ အသဉ္ဇာတကိစ္စော ကိစ္စရဟိတော နာမ နတ္ထိ ဂမနဋ္ဌိတသယနနိသဇ္ဇာဒိဝသေန ဥပ္ပဇ္ဇနကဒုက္ခဝိနောဒနဘာဝတော။ သံယောဂပရမာတ္ဝေဝ သမ္ဘောဂာတိ ဣမေသံ သတ္တာနံ သံဘုဉ္ဇိတဗ္ဗဝတ္ထူနိ နာမ ပကတိယာ ဝိရောဓသီလာနိပိ အသံယောဂေန ဝာ အသုန္ဒရာနိပိ, တာနိ အဘိသင္ခရဏပစနသံယောဇနပရမာနိ ဝေဒိတဗ္ဗာနိ တထာ သတိ သမ္ဘောဂာရဟဘာဝူပဂမနတော။ တေနာဟ ‘‘ပာရိဝာသိကဩဒနာဒီနီ’’တိအာဒိ။ ဥဏ္ဟာပေတ္ဝာ ပရိဘုဉ္ဇိတဗ္ဗယုတ္တေ ပရိဘဇ္ဇိတ္ဝာတိ အဓိပ္ပာယော။
254.Dvārapālarūpakāniviyāti dvārapālākārena katapaṭimāyo viya. Vāyametheva, na antarā saṃkocaṃ āpajjeyyāti adhippāyo. Nipphannasobhanesūti nipphannabhāvena sundaresu. Sabbe hi anipphannā atthā na sobhanti. Kiccajātāti vippakatabhāvena sañjātakiccā. Akiccajātoti asañjātakicco kiccarahito nāma natthi gamanaṭṭhitasayananisajjādivasena uppajjanakadukkhavinodanabhāvato. Saṃyogaparamātveva sambhogāti imesaṃ sattānaṃ saṃbhuñjitabbavatthūni nāma pakatiyā virodhasīlānipi asaṃyogena vā asundarānipi, tāni abhisaṅkharaṇapacanasaṃyojanaparamāni veditabbāni tathā sati sambhogārahabhāvūpagamanato. Tenāha ‘‘pārivāsikaodanādīnī’’tiādi. Uṇhāpetvā paribhuñjitabbayutte paribhajjitvāti adhippāyo.
ဝေရောစနအသုရိန္ဒသုတ္တဝဏ္ဏနာ နိဋ္ဌိတာ။
Verocanaasurindasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၈. ဝေရောစနအသုရိန္ဒသုတ္တံ • 8. Verocanaasurindasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၈. ဝေရောစနအသုရိန္ဒသုတ္တဝဏ္ဏနာ • 8. Verocanaasurindasuttavaṇṇanā
