| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੮. વੇਰੋਚਨਅਸੁਰਿਨ੍ਦਸੁਤ੍ਤવਣ੍ਣਨਾ
8. Verocanaasurindasuttavaṇṇanā
੨੫੪. ਅਟ੍ਠਮੇ ਅਟ੍ਠਂਸੂਤਿ ਦ੍વਾਰਪਾਲਰੂਪਕਾਨਿ વਿਯ ਠਿਤਾ। ਨਿਪ੍ਫਦਾਤਿ ਨਿਪ੍ਫਤ੍ਤਿ, ਯਾવ ਅਤ੍ਥੋ ਨਿਪ੍ਫਜ੍ਜਤਿ, ਤਾવ વਾਯਮੇਥੇવਾਤਿ વਦਤਿ। ਦੁਤਿਯਗਾਥਾ ਸਕ੍ਕਸ੍ਸ। ਤਤ੍ਥ ਖਨ੍ਤ੍ਯਾ ਭਿਯ੍ਯੋਤਿ ਨਿਪ੍ਫਨ੍ਨਸੋਭਨੇਸੁ ਅਤ੍ਥੇਸੁ ਖਨ੍ਤਿਤੋ ਉਤ੍ਤਰਿਤਰੋ ਅਤ੍ਥੋ ਨਾਮ ਨਤ੍ਥਿ। ਅਤ੍ਥਜਾਤਾਤਿ ਕਿਚ੍ਚਜਾਤਾ। ਸੋਣਸਿਙ੍ਗਾਲਾਦਯੋਪਿ ਹਿ ਉਪਾਦਾਯ ਅਕਿਚ੍ਚਜਾਤੋ ਸਤ੍ਤੋ ਨਾਮ ਨਤ੍ਥਿ। ਇਤੋ ਏਤ੍ਤੋ ਗਮਨਮਤ੍ਤਮ੍ਪਿ ਕਿਚ੍ਚਮੇવ ਹੋਤਿ। ਸਂਯੋਗਪਰਮਾ ਤ੍વੇવ, ਸਮ੍ਭੋਗਾ ਸਬ੍ਬਪਾਣਿਨਨ੍ਤਿ ਪਾਰਿવਾਸਿਕਓਦਨਾਦੀਨਿ ਹਿ ਅਸਮ੍ਭੋਗਾਰਹਾਨਿ ਹੋਨ੍ਤਿ, ਤਾਨਿ ਪੁਨ ਉਣ੍ਹਾਪੇਤ੍વਾ ਭਜ੍ਜਿਤ੍વਾ ਸਪ੍ਪਿਮਧੁਫਾਣਿਤਾਦੀਹਿ ਸਂਯੋਜਿਤਾਨਿ ਸਮ੍ਭੋਗਾਰਹਾਨਿ ਹੋਨ੍ਤਿ। ਤੇਨਾਹ ‘‘ਸਂਯੋਗਪਰਮਾ ਤ੍વੇવ, ਸਮ੍ਭੋਗਾ ਸਬ੍ਬਪਾਣਿਨ’’ਨ੍ਤਿ । ਨਿਪ੍ਫਨ੍ਨਸੋਭਨੋ ਅਤ੍ਥੋਤਿ ਇਮੇ ਅਤ੍ਥਾ ਨਾਮ ਨਿਪ੍ਫਨ੍ਨਾવ ਸੋਭਨ੍ਤਿ। ਪੁਨ ਚਤੁਤ੍ਥਗਾਥਾ ਸਕ੍ਕਸ੍ਸ। ਤਤ੍ਥਾਪਿ વੁਤ੍ਤਨਯੇਨੇવ ਅਤ੍ਥੋ વੇਦਿਤਬ੍ਬੋ। ਅਟ੍ਠਮਂ।
254. Aṭṭhame aṭṭhaṃsūti dvārapālarūpakāni viya ṭhitā. Nipphadāti nipphatti, yāva attho nipphajjati, tāva vāyamethevāti vadati. Dutiyagāthā sakkassa. Tattha khantyā bhiyyoti nipphannasobhanesu atthesu khantito uttaritaro attho nāma natthi. Atthajātāti kiccajātā. Soṇasiṅgālādayopi hi upādāya akiccajāto satto nāma natthi. Ito etto gamanamattampi kiccameva hoti. Saṃyogaparamā tveva, sambhogā sabbapāṇinanti pārivāsikaodanādīni hi asambhogārahāni honti, tāni puna uṇhāpetvā bhajjitvā sappimadhuphāṇitādīhi saṃyojitāni sambhogārahāni honti. Tenāha ‘‘saṃyogaparamā tveva, sambhogā sabbapāṇina’’nti . Nipphannasobhano atthoti ime atthā nāma nipphannāva sobhanti. Puna catutthagāthā sakkassa. Tatthāpi vuttanayeneva attho veditabbo. Aṭṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. વੇਰੋਚਨਅਸੁਰਿਨ੍ਦਸੁਤ੍ਤਂ • 8. Verocanaasurindasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. વੇਰੋਚਨਅਸੁਰਿਨ੍ਦਸੁਤ੍ਤવਣ੍ਣਨਾ • 8. Verocanaasurindasuttavaṇṇanā
