| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൮. വേരോചനഅസുരിന്ദസുത്തവണ്ണനാ
8. Verocanaasurindasuttavaṇṇanā
൨൫൪. അട്ഠമേ അട്ഠംസൂതി ദ്വാരപാലരൂപകാനി വിയ ഠിതാ. നിപ്ഫദാതി നിപ്ഫത്തി, യാവ അത്ഥോ നിപ്ഫജ്ജതി, താവ വായമേഥേവാതി വദതി. ദുതിയഗാഥാ സക്കസ്സ. തത്ഥ ഖന്ത്യാ ഭിയ്യോതി നിപ്ഫന്നസോഭനേസു അത്ഥേസു ഖന്തിതോ ഉത്തരിതരോ അത്ഥോ നാമ നത്ഥി. അത്ഥജാതാതി കിച്ചജാതാ. സോണസിങ്ഗാലാദയോപി ഹി ഉപാദായ അകിച്ചജാതോ സത്തോ നാമ നത്ഥി. ഇതോ ഏത്തോ ഗമനമത്തമ്പി കിച്ചമേവ ഹോതി. സംയോഗപരമാ ത്വേവ, സമ്ഭോഗാ സബ്ബപാണിനന്തി പാരിവാസികഓദനാദീനി ഹി അസമ്ഭോഗാരഹാനി ഹോന്തി, താനി പുന ഉണ്ഹാപേത്വാ ഭജ്ജിത്വാ സപ്പിമധുഫാണിതാദീഹി സംയോജിതാനി സമ്ഭോഗാരഹാനി ഹോന്തി. തേനാഹ ‘‘സംയോഗപരമാ ത്വേവ, സമ്ഭോഗാ സബ്ബപാണിന’’ന്തി . നിപ്ഫന്നസോഭനോ അത്ഥോതി ഇമേ അത്ഥാ നാമ നിപ്ഫന്നാവ സോഭന്തി. പുന ചതുത്ഥഗാഥാ സക്കസ്സ. തത്ഥാപി വുത്തനയേനേവ അത്ഥോ വേദിതബ്ബോ. അട്ഠമം.
254. Aṭṭhame aṭṭhaṃsūti dvārapālarūpakāni viya ṭhitā. Nipphadāti nipphatti, yāva attho nipphajjati, tāva vāyamethevāti vadati. Dutiyagāthā sakkassa. Tattha khantyā bhiyyoti nipphannasobhanesu atthesu khantito uttaritaro attho nāma natthi. Atthajātāti kiccajātā. Soṇasiṅgālādayopi hi upādāya akiccajāto satto nāma natthi. Ito etto gamanamattampi kiccameva hoti. Saṃyogaparamā tveva, sambhogā sabbapāṇinanti pārivāsikaodanādīni hi asambhogārahāni honti, tāni puna uṇhāpetvā bhajjitvā sappimadhuphāṇitādīhi saṃyojitāni sambhogārahāni honti. Tenāha ‘‘saṃyogaparamā tveva, sambhogā sabbapāṇina’’nti . Nipphannasobhano atthoti ime atthā nāma nipphannāva sobhanti. Puna catutthagāthā sakkassa. Tatthāpi vuttanayeneva attho veditabbo. Aṭṭhamaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൮. വേരോചനഅസുരിന്ദസുത്തം • 8. Verocanaasurindasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൮. വേരോചനഅസുരിന്ദസുത്തവണ്ണനാ • 8. Verocanaasurindasuttavaṇṇanā
