| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
9. взсаалийсуд̇д̇аван̣н̣анаа
9. Vesālīsuttavaṇṇanā
985. баагаарабаригкзбавад̣дханзнаад̇и баагаарабаригкзбзна бхуумияаа вад̣дханзна. рааж̇аг̇ахасаавад̇т̇ияо вияа ид̣̇амби жа наг̇арам̣…бз… саб̣б̣аагааравзбуллад̇ам̣ бад̇д̇ам̣. анзгабарияааязнаад̇и зд̇т̇а барияааяасад̣̇д̣̇о гааран̣аважанод̇и ааха ‘‘анзгзхи гааран̣зхий’’д̇и, аяам̣ гааяо авин̃н̃аан̣агоби савин̃н̃аан̣агоби звамби асубхо звамби асубход̇и наанаавид̇хзхи гааран̣зхийд̇и ад̇т̇о. асубхаагаарасанд̣̇ассанаббавад̇д̇анд̇и гзсаад̣̇ивасзна д̇ад̇т̇ааби ван̣н̣аад̣̇ид̇о асубхаагаарасса саб̣б̣асо д̣̇ассанавасзна бавад̇д̇ам̣. гааяавижчанд̣̇анийяагат̇анд̇и ад̇д̇ано барасса жа гараж̇агааяз вижчанд̣̇ануббаад̣̇анагат̇ам̣. муд̇д̇ам̣ ваад̇иаад̣̇инаа б̣яад̇ирзгамукзна гааяасса аманун̃н̃ад̇ам̣ д̣̇ассзд̇и. д̇ад̇т̇а аад̣̇ид̇о д̇ийхи бад̣̇зхи ад̣̇ассанийяад̇ааяа асаарагад̇ааяа жа, маж̇жхз жад̇уухи д̣̇уг̇г̇анд̇хад̇ааяа, анд̇з згзна лзсамад̇д̇знаби манун̃н̃ад̇аабхаавамасса д̣̇ассзд̇и. ат̇а код̇иаад̣̇инаа анваяад̇о саруубзнзва аманун̃н̃ад̇ааяа д̣̇ассанам̣. ‘‘гзсаломаад̣̇ий’’д̇и сан̇кзбад̇о вуд̇д̇амад̇т̇ам̣ вибхааг̇зна д̣̇ассзд̇ум̣ ‘‘язбий’’д̇иаад̣̇и вуд̇д̇ам̣.
985.Pākāraparikkhepavaḍḍhanenāti pākāraparikkhepena bhūmiyā vaḍḍhanena. Rājagahasāvatthiyo viya idampi ca nagaraṃ…pe… sabbākāravepullataṃ pattaṃ. Anekapariyāyenāti ettha pariyāyasaddo kāraṇavacanoti āha ‘‘anekehi kāraṇehī’’ti, ayaṃ kāyo aviññāṇakopi saviññāṇakopi evampi asubho evampi asubhoti nānāvidhehi kāraṇehīti attho. Asubhākārasandassanappavattanti kesādivasena tatthāpi vaṇṇādito asubhākārassa sabbaso dassanavasena pavattaṃ. Kāyavicchandanīyakathanti attano parassa ca karajakāye vicchandanuppādanakathaṃ. Muttaṃ vātiādinā byatirekamukhena kāyassa amanuññataṃ dasseti. Tattha ādito tīhi padehi adassanīyatāya asārakatāya ca, majjhe catūhi duggandhatāya, ante ekena lesamattenapi manuññatābhāvamassa dasseti. Atha khotiādinā anvayato sarūpeneva amanuññatāya dassanaṃ. ‘‘Kesalomādī’’ti saṅkhepato vuttamatthaṃ vibhāgena dassetuṃ ‘‘yepī’’tiādi vuttaṃ.
ван̣н̣знд̇од̇и вид̇т̇аарзнд̇о. асубхааяаад̇и асубхамаад̇игааяа. паад̇игамманд̇и б̣ахулийгааро. гилзсажорзхи анабхибхаванийяад̇д̇аа жхаанам̣ ‘‘жид̇д̇аман̃ж̇ууса’’нд̇и вуд̇д̇ам̣. ниссааяаад̇и баад̣̇агам̣ гад̇ваа.
Vaṇṇentoti vitthārento. Asubhāyāti asubhamātikāya. Phātikammanti bahulīkāro. Kilesacorehi anabhibhavanīyattā jhānaṃ ‘‘cittamañjūsa’’nti vuttaṃ. Nissāyāti pādakaṃ katvā.
абарз бана ‘‘д̇асмим̣ гира ад̣̇д̇хамаасз на гожи б̣уд̣̇д̇хавзнзяяо ахоси, д̇асмаа бхаг̇аваа звамааха – ‘ижчаамахам̣, бхигкавз’д̇иаад̣̇ий’’д̇и вад̣̇анд̇и. барз гираад̇и гира-сад̣̇д̣̇о аружисам̣суужанад̇т̇о. д̇знааха ‘‘ид̣̇ам̣ бана ижчаамад̇д̇а’’нд̇и.
Apare pana ‘‘tasmiṃ kira addhamāse na koci buddhaveneyyo ahosi, tasmā bhagavā evamāha – ‘icchāmahaṃ, bhikkhave’tiādī’’ti vadanti. Pare kirāti kira-saddo arucisaṃsūcanattho. Tenāha ‘‘idaṃ pana icchāmatta’’nti.
анзгагааран̣асаммиссод̇и зд̇т̇а гааран̣ам̣ наама гааяасса асужид̣̇уг̇г̇анд̇хаж̇зг̇ужчабадигуулад̇аава. саб̣б̣амагам̣сууд̇и бут̇уж̇ж̇анаа наама сааваж̇ж̇зби д̇ад̇т̇а анаваж̇ж̇асан̃н̃ино худ̇ваа гаран̣агаараабанасаманун̃н̃ад̇аабхзд̣̇ам̣ саб̣б̣ам̣ баабам̣ агам̣су . гаамам̣ д̣̇асаануссад̇иг̇г̇ахан̣знзва аанаабаанассад̇и г̇ахид̇аа, саа бана д̇ад̇т̇а саннибад̇ид̇абхигкуусу б̣ахуунам̣ саббааяаа саад̇т̇игаа жа, д̇асмаа буна г̇ахид̇аа. д̇ат̇аа хи бхаг̇аваа д̇амзва гаммадтаанам̣ имасмим̣ суд̇д̇з гат̇зси. аахаарз бадигууласан̃н̃аа асубхагаммадтаанасад̣̇исаа, жад̇д̇ааро бана ааруббаа аад̣̇игаммигаанам̣ аяог̇яаад̇и д̇зсам̣ ид̇ха аг̇г̇ахан̣ам̣ д̣̇адтаб̣б̣ам̣.
Anekakāraṇasammissoti ettha kāraṇaṃ nāma kāyassa asuciduggandhajegucchapaṭikūlatāva. Sabbamakaṃsūti puthujjanā nāma sāvajjepi tattha anavajjasaññino hutvā karaṇakārāpanasamanuññatābhedaṃ sabbaṃ pāpaṃ akaṃsu . Kāmaṃ dasānussatiggahaṇeneva ānāpānassati gahitā, sā pana tattha sannipatitabhikkhūsu bahūnaṃ sappāyā sātthikā ca, tasmā puna gahitā. Tathā hi bhagavā tameva kammaṭṭhānaṃ imasmiṃ sutte kathesi. Āhāre paṭikūlasaññā asubhakammaṭṭhānasadisā, cattāro pana āruppā ādikammikānaṃ ayogyāti tesaṃ idha aggahaṇaṃ daṭṭhabbaṃ.
взсаалим̣ убаниссааяаад̇и взсаалийнаг̇арам̣ г̇ожараг̇аамам̣ гад̇ваа. мухуд̇д̇знзваад̇и сад̇т̇ари сад̣̇д̇хаммз жа г̇ааравзна убаг̇ад̇абхигкуунам̣ важанасамананд̇арамзва удтахим̣сууд̇и гад̇ваа вуд̇д̇ам̣. б̣уд̣̇д̇хагаалз гира бхигкуу бхаг̇авад̇о санд̣̇зсам̣ сирасаа самбадижчид̇ум̣ охид̇асод̇аа вихаранд̇и.
Vesāliṃ upanissāyāti vesālīnagaraṃ gocaragāmaṃ katvā. Muhuttenevāti satthari saddhamme ca gāravena upagatabhikkhūnaṃ vacanasamanantarameva uṭṭhahiṃsūti katvā vuttaṃ. Buddhakāle kira bhikkhū bhagavato sandesaṃ sirasā sampaṭicchituṃ ohitasotā viharanti.
аанаабаанабариг̇г̇аахигааяаад̇и ассаасабассаасз бариг̇г̇ан̣ханавасзна бавад̇д̇ааяа сад̇ияаа. самбаяуд̇д̇о самаад̇хийд̇и д̇ааяа самбаяуд̇д̇аан̃н̃аман̃н̃абажжаяабхууд̇ааяа уббанно самаад̇хи. аанаабаанассад̇ияам̣ ваа самаад̇хийд̇и иминаа убаниссаяабажжаяасабхаавамби д̣̇ассзд̇и, убхаяад̇т̇ааби сахаж̇аад̇аад̣̇ийнам̣ сад̇д̇аннамби бажжаяаанам̣ васзна бажжаяабхаавам̣ д̣̇ассзд̇и. ‘‘яат̇аабадибаннаа мз саавагаа жад̇д̇ааро сад̇ибадтаанз бхаавзнд̇ий’’д̇иаад̣̇ийсу уббаад̣̇анавад̣дханадтзна бхааванаад̇и вужжад̇ийд̇и д̇ад̣̇убхаяавасзна ад̇т̇ам̣ д̣̇ассзнд̇о ‘‘бхаавид̇од̇и уббаад̣̇ид̇о вад̣дхид̇о ваа’’д̇и ааха. д̇ад̇т̇а бхаавам̣ виж̇ж̇амаанад̇ам̣ ид̇о г̇ад̇од̇и бхаавид̇о, уббаад̣̇ид̇о бадилад̣̇д̇хамад̇д̇од̇и ад̇т̇о. уббанно бана лад̣̇д̇хаасзвано бхаавид̇о, баг̇ун̣абхаавам̣ аабаад̣̇ид̇о вад̣дхид̇од̇и ад̇т̇о. б̣ахулийгад̇од̇и б̣ахулам̣ бавад̇д̇ид̇о. д̇зна ааваж̇ж̇анаад̣̇ивасийбхааваббад̇д̇имааха. яо хи васийбхаавамаабаад̣̇ид̇о, со ижчид̇ижчид̇агкан̣з самаабаж̇ж̇ид̇аб̣б̣ад̇о бунаббунам̣ бавад̇д̇иссад̇и. д̇зна вуд̇д̇ам̣ ‘‘бунаббунам̣ гад̇о’’д̇и. яат̇аа ‘‘ид̇хзва, бхигкавз, саман̣о (ма. ни. 1.139; а. ни. 4.241), вивижжзва гаамзхий’’д̇и (д̣̇ий. ни. 1.226; ма. ни. 1.271; сам̣. ни. 2.152; а. ни. 4.123) жа звамаад̣̇ийсу батамабад̣̇з вуд̇д̇о зва-сад̣̇д̣̇о д̣̇уд̇ияаад̣̇ийсуби вуд̇д̇оязва ход̇и, звамид̇хаабийд̇и ааха ‘‘убхаяад̇т̇а звасад̣̇д̣̇зна нияамо взд̣̇ид̇аб̣б̣о’’д̇и. убхаяад̇т̇а нияамзна лад̣̇д̇хаг̇ун̣ам̣ д̣̇ассзд̇ум̣ ‘‘аяам̣ хий’’д̇иаад̣̇и вуд̇д̇ам̣.
Ānāpānapariggāhikāyāti assāsapassāse pariggaṇhanavasena pavattāya satiyā. Sampayutto samādhīti tāya sampayuttaaññamaññapaccayabhūtāya uppanno samādhi. Ānāpānassatiyaṃ vā samādhīti iminā upanissayapaccayasabhāvampi dasseti, ubhayatthāpi sahajātādīnaṃ sattannampi paccayānaṃ vasena paccayabhāvaṃ dasseti. ‘‘Yathāpaṭipannā me sāvakā cattāro satipaṭṭhāne bhāventī’’tiādīsu uppādanavaḍḍhanaṭṭhena bhāvanāti vuccatīti tadubhayavasena atthaṃ dassento ‘‘bhāvitoti uppādito vaḍḍhito vā’’ti āha. Tattha bhāvaṃ vijjamānataṃ ito gatoti bhāvito, uppādito paṭiladdhamattoti attho. Uppanno pana laddhāsevano bhāvito, paguṇabhāvaṃ āpādito vaḍḍhitoti attho. Bahulīkatoti bahulaṃ pavattito. Tena āvajjanādivasībhāvappattimāha. Yo hi vasībhāvamāpādito, so icchiticchitakkhaṇe samāpajjitabbato punappunaṃ pavattissati. Tena vuttaṃ ‘‘punappunaṃ kato’’ti. Yathā ‘‘idheva, bhikkhave, samaṇo (ma. ni. 1.139; a. ni. 4.241), vivicceva kāmehī’’ti (dī. ni. 1.226; ma. ni. 1.271; saṃ. ni. 2.152; a. ni. 4.123) ca evamādīsu paṭhamapade vutto eva-saddo dutiyādīsupi vuttoyeva hoti, evamidhāpīti āha ‘‘ubhayattha evasaddena niyamo veditabbo’’ti. Ubhayattha niyamena laddhaguṇaṃ dassetuṃ ‘‘ayaṃ hī’’tiādi vuttaṃ.
асубхагаммадтаананд̇и асубхаарамман̣ам̣ жхаанамааха. д̇ан̃хи асубхзсу яог̇агаммабхаавад̇о яог̇ино сукависзсаанам̣ гааран̣абхаавад̇о жа ‘‘асубхагаммадтаана’’нд̇и вужжад̇и. гзваланд̇и иминаа аарамман̣ам̣ нивад̇д̇зд̇и. бадивзд̇хавасзнаад̇и жхаанабадивзд̇хавасзна. жхаанан̃хи бхааванаависзсзна иж̇жханд̇ам̣ ад̇д̇ано висаяам̣ бадивиж̇жханд̇амзва бавад̇д̇ад̇и яат̇аасабхаавад̇о бадивиж̇жхияад̇и жаад̇и бадивзд̇ход̇и вужжад̇и. ол̣ааригаарамман̣ад̇д̇аад̇и б̣ийбхажчаарамман̣ад̇д̇аа. бадигуулаарамман̣ад̇д̇аад̇и ж̇иг̇ужчид̇аб̣б̣аарамман̣ад̇д̇аа. барияааязнаад̇и гааран̣зна, лзсанд̇арзна ваа. аарамман̣асанд̇ад̇ааяаад̇и ануггамзна вижид̇аб̣б̣ад̇ам̣ бад̇д̇аарамман̣асса барамасукумад̇ам̣ санд̇хааяааха. санд̇зхи саннисиннз аарамман̣з бавад̇д̇амаано д̇хаммо саяамби саннисиннова ход̇и. д̇знааха ‘‘санд̇о вуубасанд̇о ниб̣б̣уд̇о’’д̇и, ниб̣б̣уд̇асаб̣б̣абарил̣ааход̇и ад̇т̇о. аарамман̣асанд̇ад̇ааяа д̇ад̣̇аарамман̣аанам̣ д̇хаммаанам̣ санд̇ад̇аа логуд̇д̇арад̇хаммаарамман̣аахи бажжавзгкан̣аахи взд̣̇ид̇аб̣б̣аа.
Asubhakammaṭṭhānanti asubhārammaṇaṃ jhānamāha. Tañhi asubhesu yogakammabhāvato yogino sukhavisesānaṃ kāraṇabhāvato ca ‘‘asubhakammaṭṭhāna’’nti vuccati. Kevalanti iminā ārammaṇaṃ nivatteti. Paṭivedhavasenāti jhānapaṭivedhavasena. Jhānañhi bhāvanāvisesena ijjhantaṃ attano visayaṃ paṭivijjhantameva pavattati yathāsabhāvato paṭivijjhiyati cāti paṭivedhoti vuccati. Oḷārikārammaṇattāti bībhacchārammaṇattā. Paṭikūlārammaṇattāti jigucchitabbārammaṇattā. Pariyāyenāti kāraṇena, lesantarena vā. Ārammaṇasantatāyāti anukkamena vicitabbataṃ pattārammaṇassa paramasukhumataṃ sandhāyāha. Santehi sannisinne ārammaṇe pavattamāno dhammo sayampi sannisinnova hoti. Tenāha ‘‘santo vūpasanto nibbuto’’ti, nibbutasabbapariḷāhoti attho. Ārammaṇasantatāya tadārammaṇānaṃ dhammānaṃ santatā lokuttaradhammārammaṇāhi paccavekkhaṇāhi veditabbā.
наасса санд̇абан̣ийд̇абхааваавахам̣ гин̃жи сзжананд̇и асзжанаго. асзжанагад̇д̇аа анаасид̇д̇аго, анаасид̇д̇агад̇д̇аа зва аб̣б̣огин̣н̣о, асаммиссо баригаммаад̣̇инаа. д̇ад̇о зва баадиязгго висум̣язвзго. аавзн̣иго асаад̇хааран̣о. саб̣б̣амзд̇ам̣ сарасад̇о зва санд̇абхаавам̣ д̣̇ассзд̇ум̣ вуд̇д̇ам̣, баригаммам̣ ваа санд̇абхааванимид̇д̇ам̣. баригамманд̇и жа гасин̣агаран̣аад̣̇инимид̇д̇уббаад̣̇абарияосаанам̣, д̇аад̣̇исам̣ зд̇т̇а над̇т̇ийд̇и ад̇хиббааяо. д̇ад̣̇аа хи гаммадтаанам̣ нирассаад̣̇ад̇д̇аа асанд̇ам̣ аббан̣ийд̇ам̣ сияаа. убажаарз ваа над̇т̇и зд̇т̇а санд̇ад̇аад̇и яож̇анаа. яат̇аа убажаарагкан̣з нийваран̣аад̣̇ивиг̇амзна ан̇г̇абаад̇убхаавзна жа барзсам̣ санд̇ад̇аа ход̇и, на звамимасса. аяам̣ бана аад̣̇исаманнаа…бз… бан̣ийд̇о жаад̇и яож̇анаа. гзжийд̇и уд̇д̇аравихаараваасино. анаасид̇д̇агод̇и убасзжанзна анаасид̇д̇аго. д̇знааха – ‘‘ож̇аванд̇о’’д̇и ож̇аванд̇асад̣̇исод̇и ад̇т̇о. мад̇хурод̇и идто. жзд̇асигасукабадилаабхасам̣вад̇д̇анам̣ д̇игажад̇уггаж̇жхаанавасзна, убзгкааяа ваа санд̇абхаавзна сукаг̇ад̇игад̇д̇аа саб̣б̣зсамби жхаанаанам̣ васзна взд̣̇ид̇аб̣б̣ам̣. жхаанасамудтаанабан̣ийд̇аруубапудтасарийрад̇аавасзна бана гааяигасукабадилаабхасам̣вад̇д̇анам̣ д̣̇адтаб̣б̣ам̣, д̇ан̃жа ко жхаанад̇о вудтид̇агаалз. имасмим̣ багкз ‘‘аббид̇аббид̇агкан̣з’’д̇и ид̣̇ам̣ хзд̇умхи бхуммаважанам̣ д̣̇адтаб̣б̣ам̣.
Nāssa santapaṇītabhāvāvahaṃ kiñci secananti asecanako. Asecanakattā anāsittako, anāsittakattā eva abbokiṇṇo, asammisso parikammādinā. Tato eva pāṭiyekko visuṃyeveko. Āveṇiko asādhāraṇo. Sabbametaṃ sarasato eva santabhāvaṃ dassetuṃ vuttaṃ, parikammaṃ vā santabhāvanimittaṃ. Parikammanti ca kasiṇakaraṇādinimittuppādapariyosānaṃ, tādisaṃ ettha natthīti adhippāyo. Tadā hi kammaṭṭhānaṃ nirassādattā asantaṃ appaṇītaṃ siyā. Upacāre vā natthi ettha santatāti yojanā. Yathā upacārakkhaṇe nīvaraṇādivigamena aṅgapātubhāvena ca paresaṃ santatā hoti, na evamimassa. Ayaṃ pana ādisamannā…pe… paṇīto cāti yojanā. Kecīti uttaravihāravāsino. Anāsittakoti upasecanena anāsittako. Tenāha – ‘‘ojavanto’’ti ojavantasadisoti attho. Madhuroti iṭṭho. Cetasikasukhapaṭilābhasaṃvattanaṃ tikacatukkajjhānavasena, upekkhāya vā santabhāvena sukhagatikattā sabbesampi jhānānaṃ vasena veditabbaṃ. Jhānasamuṭṭhānapaṇītarūpaphuṭṭhasarīratāvasena pana kāyikasukhapaṭilābhasaṃvattanaṃ daṭṭhabbaṃ, tañca kho jhānato vuṭṭhitakāle. Imasmiṃ pakkhe ‘‘appitappitakkhaṇe’’ti idaṃ hetumhi bhummavacanaṃ daṭṭhabbaṃ.
авигкамбхид̇зд̇и жхаанзна сагасанд̇аанад̇о анийхад̇з аббахийнз. агосалласамбхууд̇зд̇и агосаллам̣ вужжад̇и авиж̇ж̇аа, д̇ад̇о самбхууд̇з. авиж̇ж̇аабуб̣б̣ан̇г̇амаа хи саб̣б̣з баабад̇хаммаа. кан̣знзваад̇и ад̇д̇ано бавад̇д̇игкан̣знзва. анд̇арад̇хаабзд̇ийд̇и зд̇т̇а анд̇арад̇хаабанам̣ винаасанам̣, д̇ам̣ бана жхаанагад̇д̇угам̣ ид̇хаад̇хиббзд̇анд̇и барияудтаанаббахаанам̣ ход̇ийд̇и ааха – ‘‘вигкамбхзд̇ий’’д̇и. вуубасамзд̇ийд̇и висзсзна убасамзд̇и. висзсзна убасаманам̣ бана саммад̣̇зва убасаманам̣ ход̇ийд̇и ааха ‘‘судту убасамзд̇ий’’д̇и. саасанигасса жхаанабхааванаа язбхуяязна ниб̣б̣зд̇хабхааг̇ияаа ход̇ийд̇и ааха ‘‘ниб̣б̣зд̇хабхааг̇ияад̇д̇аа’’д̇и. арияамаг̇г̇асса баад̣̇агабхууд̇о аяам̣ самаад̇хи ануггамзна вад̣дхид̇ваа арияамаг̇г̇абхаавам̣ убаг̇ад̇о вияа ход̇ийд̇и ааха ‘‘анубуб̣б̣зна арияамаг̇г̇авуд̣дхиббад̇д̇о’’д̇и. аяам̣ банад̇т̇о вирааг̇анирод̇хабадиниссаг̇г̇аанубассанаанам̣ васзна саммад̣̇зва яуж̇ж̇ад̇и. сзсам̣ сувин̃н̃зяяамзва.
Avikkhambhiteti jhānena sakasantānato anīhate appahīne. Akosallasambhūteti akosallaṃ vuccati avijjā, tato sambhūte. Avijjāpubbaṅgamā hi sabbe pāpadhammā. Khaṇenevāti attano pavattikkhaṇeneva. Antaradhāpetīti ettha antaradhāpanaṃ vināsanaṃ, taṃ pana jhānakattukaṃ idhādhippetanti pariyuṭṭhānappahānaṃ hotīti āha – ‘‘vikkhambhetī’’ti. Vūpasametīti visesena upasameti. Visesena upasamanaṃ pana sammadeva upasamanaṃ hotīti āha ‘‘suṭṭhu upasametī’’ti. Sāsanikassa jhānabhāvanā yebhuyyena nibbedhabhāgiyā hotīti āha ‘‘nibbedhabhāgiyattā’’ti. Ariyamaggassa pādakabhūto ayaṃ samādhi anukkamena vaḍḍhitvā ariyamaggabhāvaṃ upagato viya hotīti āha ‘‘anupubbena ariyamaggavuḍḍhippatto’’ti. Ayaṃ panattho virāganirodhapaṭinissaggānupassanānaṃ vasena sammadeva yujjati. Sesaṃ suviññeyyameva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. взсаалийсуд̇д̇ам̣ • 9. Vesālīsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. взсаалийсуд̇д̇аван̣н̣анаа • 9. Vesālīsuttavaṇṇanā
