| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੯. વੇਸਾਲੀਸੁਤ੍ਤવਣ੍ਣਨਾ
9. Vesālīsuttavaṇṇanā
੯੮੫. ਨવਮੇ વੇਸਾਲਿਯਨ੍ਤਿ ਏવਂਨਾਮਕੇ ਇਤ੍ਥਿਲਿਙ੍ਗવਸੇਨ ਪવਤ੍ਤવੋਹਾਰੇ ਨਗਰੇ। ਤਞ੍ਹਿ ਨਗਰਂ ਤਿਕ੍ਖਤ੍ਤੁਂ ਪਾਕਾਰਪਰਿਕ੍ਖੇਪવਡ੍ਢਨੇਨ વਿਸਾਲੀਭੂਤਤ੍ਤਾ વੇਸਾਲੀਤਿ વੁਚ੍ਚਤਿ। ਇਦਮ੍ਪਿ ਚ ਨਗਰਂ ਸਬ੍ਬਞ੍ਞੁਤਂ ਪਤ੍ਤੇਯੇવ ਸਮ੍ਮਾਸਮ੍ਬੁਦ੍ਧੇ ਸਬ੍ਬਾਕਾਰવੇਪੁਲ੍ਲਤਂ ਪਤ੍ਤਨ੍ਤਿ વੇਦਿਤਬ੍ਬਂ। ਏવਂ ਗੋਚਰਗਾਮਂ ਦਸ੍ਸੇਤ੍વਾ ਨਿવਾਸਟ੍ਠਾਨਮਾਹ ਮਹਾવਨੇ ਕੂਟਾਗਾਰਸਾਲਾਯਨ੍ਤਿ। ਤਤ੍ਥ ਮਹਾવਨਂ ਨਾਮ ਸਯਂਜਾਤਂ ਅਰੋਪਿਮਂ ਸਪਰਿਚ੍ਛੇਦਂ ਮਹਨ੍ਤਂ વਨਂ। ਕਪਿਲવਤ੍ਥੁਸਾਮਨ੍ਤਾ ਪਨ ਮਹਾવਨਂ ਹਿਮવਨ੍ਤੇਨ ਸਹ ਏਕਾਬਦ੍ਧਂ ਅਪਰਿਚ੍ਛੇਦਂ ਹੁਤ੍વਾ ਮਹਾਸਮੁਦ੍ਦਂ ਆਹਚ੍ਚ ਠਿਤਂ। ਇਦਂ ਤਾਦਿਸਂ ਨ ਹੋਤਿ, ਸਪਰਿਚ੍ਛੇਦਂ ਮਹਨ੍ਤਂ વਨਨ੍ਤਿ ਮਹਾવਨਂ। ਕੂਟਾਗਾਰਸਾਲਾ ਪਨ ਮਹਾવਨਂ ਨਿਸ੍ਸਾਯ ਕਤੇ ਆਰਾਮੇ ਕੂਟਾਗਾਰਂ ਅਨ੍ਤੋਕਤ੍વਾ ਹਂਸવਟ੍ਟਕਚ੍ਛਨ੍ਨੇਨ ਕਤਾ ਸਬ੍ਬਾਕਾਰਸਮ੍ਪਨ੍ਨਾ ਬੁਦ੍ਧਸ੍ਸ ਭਗવਤੋ ਗਨ੍ਧਕੁਟੀਤਿ વੇਦਿਤਬ੍ਬਾ।
985. Navame vesāliyanti evaṃnāmake itthiliṅgavasena pavattavohāre nagare. Tañhi nagaraṃ tikkhattuṃ pākāraparikkhepavaḍḍhanena visālībhūtattā vesālīti vuccati. Idampi ca nagaraṃ sabbaññutaṃ patteyeva sammāsambuddhe sabbākāravepullataṃ pattanti veditabbaṃ. Evaṃ gocaragāmaṃ dassetvā nivāsaṭṭhānamāha mahāvane kūṭāgārasālāyanti. Tattha mahāvanaṃ nāma sayaṃjātaṃ aropimaṃ saparicchedaṃ mahantaṃ vanaṃ. Kapilavatthusāmantā pana mahāvanaṃ himavantena saha ekābaddhaṃ aparicchedaṃ hutvā mahāsamuddaṃ āhacca ṭhitaṃ. Idaṃ tādisaṃ na hoti, saparicchedaṃ mahantaṃ vananti mahāvanaṃ. Kūṭāgārasālā pana mahāvanaṃ nissāya kate ārāme kūṭāgāraṃ antokatvā haṃsavaṭṭakacchannena katā sabbākārasampannā buddhassa bhagavato gandhakuṭīti veditabbā.
ਅਨੇਕਪਰਿਯਾਯੇਨ ਅਸੁਭਕਥਂ ਕਥੇਤੀਤਿ ਅਨੇਕੇਹਿ ਕਾਰਣੇਹਿ ਅਸੁਭਾਕਾਰਸਨ੍ਦਸ੍ਸਨਪ੍ਪવਤ੍ਤਂ ਕਾਯવਿਚ੍ਛਨ੍ਦਨੀਯਕਥਂ ਕਥੇਤਿ। ਸੇਯ੍ਯਥਿਦਂ – ਅਤ੍ਥਿ ਇਮਸ੍ਮਿਂ ਕਾਯੇ ਕੇਸਾ ਲੋਮਾ ਨਖਾ ਦਨ੍ਤਾ…ਪੇ॰… ਮੁਤ੍ਤਨ੍ਤਿ। ਕਿਂ વੁਤ੍ਤਂ ਹੋਤਿ? ਭਿਕ੍ਖવੇ, ਇਮਸ੍ਮਿਂ ਬ੍ਯਾਮਮਤ੍ਤੇ ਕਲ਼ੇવਰੇ ਸਬ੍ਬਾਕਾਰੇਨਪਿ વਿਚਿਨਨ੍ਤੋ ਨ ਕੋਚਿ ਕਿਞ੍ਚਿ ਮੁਤ੍ਤਂ વਾ ਮਣਿਂ વਾ વੇਲ਼ੁਰਿਯਂ વਾ ਅਗਰੁਂ વਾ ਚਨ੍ਦਨਂ વਾ ਕੁਙ੍ਕੁਮਂ વਾ ਕਪ੍ਪੁਰਂ વਾ વਾਸਚੁਣ੍ਣਾਦਿਂ વਾ ਅਣੁਮਤ੍ਤਮ੍ਪਿ ਸੁਚਿਭਾવਂ ਪਸ੍ਸਤਿ, ਅਥ ਖੋ ਪਰਮਦੁਗ੍ਗਨ੍ਧਂ ਜੇਗੁਚ੍ਛਅਸ੍ਸਿਰਿਕਦਸ੍ਸਨਂ ਕੇਸਲੋਮਾਦਿਨਾਨਪ੍ਪਕਾਰਂ ਅਸੁਚਿਮੇવ ਪਸ੍ਸਤਿ, ਤਸ੍ਮਾ ਨ ਏਤ੍ਥ ਛਨ੍ਦੋ વਾ ਰਾਗੋ વਾ ਕਰਣੀਯੋ। ਯੇਪਿ ਉਤ੍ਤਮਙ੍ਗੇ ਸਿਰਸਿ ਜਾਤਾ ਕੇਸਾ ਨਾਮ, ਤੇਪਿ ਅਸੁਭਾ ਚੇવ ਅਸੁਚਿਨੋ ਚ ਪਟਿਕੂਲਾ ਚ। ਸੋ ਚ ਨੇਸਂ ਅਸੁਭਾਸੁਚਿਪਟਿਕੂਲਭਾવੋ વਣ੍ਣਤੋਪਿ ਸਣ੍ਠਾਨਤੋਪਿ ਗਨ੍ਧਤੋਪਿ ਆਸਯਤੋਪਿ ਓਕਾਸਤੋਪੀਤਿ ਪਞ੍ਚਹਾਕਾਰੇਹਿ વੇਦਿਤਬ੍ਬੋ। ਏવਂ ਲੋਮਾਦੀਨਮ੍ਪੀਤਿ ਅਯਮੇਤ੍ਥ ਸਙ੍ਖੇਪੋ, વਿਤ੍ਥਾਰੋ ਪਨ વਿਸੁਦ੍ਧਿਮਗ੍ਗੇ (વਿਸੁਦ੍ਧਿ॰ ੧.੩੦੭) વੁਤ੍ਤਨਯੇਨੇવ વੇਦਿਤਬ੍ਬੋ। ਇਤਿ ਭਗવਾ ਏਕਮੇਕਸ੍ਮਿਂ ਕੋਟ੍ਠਾਸੇ ਪਞ੍ਚਪਞ੍ਚਪ੍ਪਭੇਦੇਨ ਅਨੇਕਪਰਿਯਾਯੇਨ ਅਸੁਭਕਥਂ ਕਥੇਤਿ।
Anekapariyāyena asubhakathaṃ kathetīti anekehi kāraṇehi asubhākārasandassanappavattaṃ kāyavicchandanīyakathaṃ katheti. Seyyathidaṃ – atthi imasmiṃ kāye kesā lomā nakhā dantā…pe… muttanti. Kiṃ vuttaṃ hoti? Bhikkhave, imasmiṃ byāmamatte kaḷevare sabbākārenapi vicinanto na koci kiñci muttaṃ vā maṇiṃ vā veḷuriyaṃ vā agaruṃ vā candanaṃ vā kuṅkumaṃ vā kappuraṃ vā vāsacuṇṇādiṃ vā aṇumattampi sucibhāvaṃ passati, atha kho paramaduggandhaṃ jegucchaassirikadassanaṃ kesalomādinānappakāraṃ asucimeva passati, tasmā na ettha chando vā rāgo vā karaṇīyo. Yepi uttamaṅge sirasi jātā kesā nāma, tepi asubhā ceva asucino ca paṭikūlā ca. So ca nesaṃ asubhāsucipaṭikūlabhāvo vaṇṇatopi saṇṭhānatopi gandhatopi āsayatopi okāsatopīti pañcahākārehi veditabbo. Evaṃ lomādīnampīti ayamettha saṅkhepo, vitthāro pana visuddhimagge (visuddhi. 1.307) vuttanayeneva veditabbo. Iti bhagavā ekamekasmiṃ koṭṭhāse pañcapañcappabhedena anekapariyāyena asubhakathaṃ katheti.
ਅਸੁਭਾਯ વਣ੍ਣਂ ਭਾਸਤੀਤਿ ਉਦ੍ਧੁਮਾਤਕਾਦਿવਸੇਨ ਅਸੁਭਮਾਤਿਕਂ ਨਿਕ੍ਖਿਪਿਤ੍વਾ ਪਦਭਾਜਨੀਯੇਨ ਤਂ વਿਭਜਨ੍ਤੋ વਣ੍ਣੇਨ੍ਤੋ ਅਸੁਭਾਯ વਣ੍ਣਂ ਭਾਸਤਿ। ਅਸੁਭਭਾવਨਾਯ વਣ੍ਣਂ ਭਾਸਤੀਤਿ ਯਾ ਅਯਂ ਕੇਸਾਦੀਸੁ વਾ ਉਦ੍ਧੁਮਾਤਕਾਦੀਸੁ વਾ ਅਜ੍ਝਤ੍ਤਬਹਿਦ੍ਧਾવਤ੍ਥੂਸੁ ਅਸੁਭਾਕਾਰਂ ਗਹੇਤ੍વਾ ਪવਤ੍ਤਸ੍ਸ ਚਿਤ੍ਤਸ੍ਸ ਭਾવਨਾ વਡ੍ਢਨਾ ਫਾਤਿਕਮ੍ਮਂ, ਤਸ੍ਸਾ ਅਸੁਭਭਾવਨਾਯ ਆਨਿਸਂਸਂ ਦਸ੍ਸੇਨ੍ਤੋ વਣ੍ਣਂ ਭਾਸਤਿ, ਗੁਣਂ ਪਰਿਕਿਤ੍ਤੇਤਿ। ਸੇਯ੍ਯਥਿਦਂ – ‘‘ਅਸੁਭਭਾવਨਾਭਿਯੁਤ੍ਤੋ, ਭਿਕ੍ਖવੇ, ਭਿਕ੍ਖੁ ਕੇਸਾਦੀਸੁ વਾ વਤ੍ਥੂਸੁ ਉਦ੍ਧੁਮਾਤਕਾਦੀਸੁ વਾ ਪਞ੍ਚਙ੍ਗવਿਪ੍ਪਹੀਨਂ ਪਞ੍ਚਙ੍ਗਸਮਨ੍ਨਾਗਤਂ ਤਿવਿਧਕਲ੍ਯਾਣਂ ਦਸਲਕ੍ਖਣਸਮ੍ਪਨ੍ਨਂ ਪਠਮਜ੍ਝਾਨਂ ਪਟਿਲਭਤਿ। ਸੋ ਤਂ ਪਠਮਜ੍ਝਾਨਸਙ੍ਖਾਤਂ ਚਿਤ੍ਤਮਞ੍ਜੂਸਂ ਨਿਸ੍ਸਾਯ વਿਪਸ੍ਸਨਂ વਡ੍ਢੇਤ੍વਾ ਉਤ੍ਤਮਤ੍ਥਂ ਅਰਹਤ੍ਤਂ ਪਾਪੁਣਾਤੀ’’ਤਿ।
Asubhāya vaṇṇaṃ bhāsatīti uddhumātakādivasena asubhamātikaṃ nikkhipitvā padabhājanīyena taṃ vibhajanto vaṇṇento asubhāya vaṇṇaṃ bhāsati. Asubhabhāvanāya vaṇṇaṃ bhāsatīti yā ayaṃ kesādīsu vā uddhumātakādīsu vā ajjhattabahiddhāvatthūsu asubhākāraṃ gahetvā pavattassa cittassa bhāvanā vaḍḍhanā phātikammaṃ, tassā asubhabhāvanāya ānisaṃsaṃ dassento vaṇṇaṃ bhāsati, guṇaṃ parikitteti. Seyyathidaṃ – ‘‘asubhabhāvanābhiyutto, bhikkhave, bhikkhu kesādīsu vā vatthūsu uddhumātakādīsu vā pañcaṅgavippahīnaṃ pañcaṅgasamannāgataṃ tividhakalyāṇaṃ dasalakkhaṇasampannaṃ paṭhamajjhānaṃ paṭilabhati. So taṃ paṭhamajjhānasaṅkhātaṃ cittamañjūsaṃ nissāya vipassanaṃ vaḍḍhetvā uttamatthaṃ arahattaṃ pāpuṇātī’’ti.
ਇਚ੍ਛਾਮਹਂ, ਭਿਕ੍ਖવੇ, ਅਡ੍ਢਮਾਸਂ ਪਟਿਸਲ੍ਲੀਯਿਤੁਨ੍ਤਿ ਅਹਂ, ਭਿਕ੍ਖવੇ, ਏਕਂ ਅਡ੍ਢਮਾਸਂ ਪਟਿਸਲ੍ਲੀਯਿਤੁਂ ਨਿਲੀਯਿਤੁਂ ਏਕਕੋવ ਹੁਤ੍વਾ વਿਹਰਿਤੁਂ ਇਚ੍ਛਾਮੀਤਿ ਅਤ੍ਥੋ। ਨਾਮ੍ਹਿ ਕੇਨਚਿ ਉਪਸਙ੍ਕਮਿਤਬ੍ਬੋ ਅਞ੍ਞਤ੍ਰ ਏਕੇਨ ਪਿਣ੍ਡਪਾਤਨੀਹਾਰਕੇਨਾਤਿ ਯੋ ਅਤ੍ਤਨਾ ਪਯੁਤ੍ਤવਾਚਂ ਅਕਤ੍વਾ ਮਮਤ੍ਥਾਯ ਸਦ੍ਧੇਸੁ ਕੁਲੇਸੁ ਪਟਿਯਤ੍ਤਪਿਣ੍ਡਪਾਤਂ ਨੀਹਰਿਤ੍વਾ ਮਯ੍ਹਂ ਉਪਨਾਮੇਤਿ, ਤਂ ਪਿਣ੍ਡਪਾਤਨੀਹਾਰਕਂ ਏਕਂ ਭਿਕ੍ਖੁਂ ਠਪੇਤ੍વਾ ਨਾਮ੍ਹਿ ਅਞ੍ਞੇਨ ਕੇਨਚਿ ਭਿਕ੍ਖੁਨਾ વਾ ਗਹਟ੍ਠੇਨ વਾ ਉਪਸਙ੍ਕਮਿਤਬ੍ਬੋਤਿ।
Icchāmahaṃ, bhikkhave, aḍḍhamāsaṃ paṭisallīyitunti ahaṃ, bhikkhave, ekaṃ aḍḍhamāsaṃ paṭisallīyituṃ nilīyituṃ ekakova hutvā viharituṃ icchāmīti attho. Nāmhi kenaci upasaṅkamitabbo aññatra ekena piṇḍapātanīhārakenāti yo attanā payuttavācaṃ akatvā mamatthāya saddhesu kulesu paṭiyattapiṇḍapātaṃ nīharitvā mayhaṃ upanāmeti, taṃ piṇḍapātanīhārakaṃ ekaṃ bhikkhuṃ ṭhapetvā nāmhi aññena kenaci bhikkhunā vā gahaṭṭhena vā upasaṅkamitabboti.
ਕਸ੍ਮਾ ਪਨ ਏવਮਾਹਾਤਿ? ਅਤੀਤੇ ਕਿਰ ਪਞ੍ਚਸਤਾ ਮਿਗਲੁਦ੍ਦਕਾ ਮਹਤੀਹਿ ਦਣ੍ਡવਾਗੁਰਾਦੀਹਿ ਅਰਞ੍ਞਂ ਪਰਿਕ੍ਖਿਪਿਤ੍વਾ ਹਟ੍ਠਤੁਟ੍ਠਾ ਏਕਤੋਯੇવ ਯਾવਜੀવਂ ਮਿਗਪਕ੍ਖਿਘਾਤਕਮ੍ਮੇਨ ਜੀવਿਕਂ ਕਪ੍ਪੇਤ੍વਾ ਨਿਰਯੇ ਉਪ੍ਪਨ੍ਨਾ। ਤੇ ਤਤ੍ਥ ਪਚ੍ਚਿਤ੍વਾ ਪੁਬ੍ਬੇ ਕਤੇਨ ਕੇਨਚਿਦੇવ ਕੁਸਲਕਮ੍ਮੇਨ ਮਨੁਸ੍ਸੇਸੁ ਉਪ੍ਪਨ੍ਨਾ ਕਲ੍ਯਾਣੂਪਨਿਸ੍ਸਯવਸੇਨ ਸਬ੍ਬੇਪਿ ਭਗવਤੋ ਸਨ੍ਤਿਕੇ ਪਬ੍ਬਜ੍ਜਞ੍ਚ ਉਪਸਮ੍ਪਦਞ੍ਚ ਲਭਿਂਸੁ। ਤੇਸਂ ਤਤੋ ਮੂਲਾਕੁਸਲਕਮ੍ਮਤੋ ਅવਿਪਕ੍ਕવਿਪਾਕਾ ਅਪਰਾਪਰਚੇਤਨਾ ਤਸ੍ਮਿਂ ਅਡ੍ਢਮਾਸਬ੍ਭਨ੍ਤਰੇ ਅਤ੍ਤੂਪਕ੍ਕਮੇਨ ਚ ਪਰੂਪਕ੍ਕਮੇਨ ਚ ਜੀવਿਤੂਪਚ੍ਛੇਦਾਯ ਓਕਾਸਮਕਾਸਿ। ਤਂ ਭਗવਾ ਅਦ੍ਦਸ। ਕਮ੍ਮવਿਪਾਕੋ ਚ ਨਾਮ ਨ ਸਕ੍ਕਾ ਕੇਨਚਿ ਪਟਿਬਾਹਿਤੁਂ। ਤੇਸੁ ਚ ਭਿਕ੍ਖੂਸੁ ਪੁਥੁਜ੍ਜਨਾਪਿ ਅਤ੍ਥਿ, ਸੋਤਾਪਨ੍ਨਸਕਦਾਗਾਮਿਅਨਾਗਾਮਿਖੀਣਾਸવਾਪਿ। ਤਤ੍ਥ ਖੀਣਾਸવਾ ਅਪ੍ਪਟਿਸਨ੍ਧਿਕਾ, ਇਤਰੇ ਅਰਿਯਸਾવਕਾ ਨਿਯਤਗਤਿਕਾ ਸੁਗਤਿਪਰਾਯਣਾ, ਪੁਥੁਜ੍ਜਨਾਨਂ ਗਤਿ ਅਨਿਯਤਾ।
Kasmā pana evamāhāti? Atīte kira pañcasatā migaluddakā mahatīhi daṇḍavāgurādīhi araññaṃ parikkhipitvā haṭṭhatuṭṭhā ekatoyeva yāvajīvaṃ migapakkhighātakammena jīvikaṃ kappetvā niraye uppannā. Te tattha paccitvā pubbe katena kenacideva kusalakammena manussesu uppannā kalyāṇūpanissayavasena sabbepi bhagavato santike pabbajjañca upasampadañca labhiṃsu. Tesaṃ tato mūlākusalakammato avipakkavipākā aparāparacetanā tasmiṃ aḍḍhamāsabbhantare attūpakkamena ca parūpakkamena ca jīvitūpacchedāya okāsamakāsi. Taṃ bhagavā addasa. Kammavipāko ca nāma na sakkā kenaci paṭibāhituṃ. Tesu ca bhikkhūsu puthujjanāpi atthi, sotāpannasakadāgāmianāgāmikhīṇāsavāpi. Tattha khīṇāsavā appaṭisandhikā, itare ariyasāvakā niyatagatikā sugatiparāyaṇā, puthujjanānaṃ gati aniyatā.
ਅਥ ਭਗવਾ ਚਿਨ੍ਤੇਸਿ – ‘‘ਇਮੇ ਅਤ੍ਤਭਾવੇ ਛਨ੍ਦਰਾਗੇਨ ਮਰਣਭਯਭੀਤਾ ਨ ਸਕ੍ਖਿਸ੍ਸਨ੍ਤਿ ਗਤਿਂ વਿਸੋਧੇਤੁਂ, ਹਨ੍ਦ ਨੇਸਂ ਛਨ੍ਦਰਾਗਪ੍ਪਹਾਨਾਯ ਅਸੁਭਕਥਂ ਕਥੇਮਿ। ਤਂ ਸੁਤ੍વਾ ਅਤ੍ਤਭਾવੇ વਿਗਤਚ੍ਛਨ੍ਦਰਾਗਤਾਯ ਗਤਿવਿਸੋਧਨਂ ਕਤ੍વਾ ਸਗ੍ਗੇ ਪਟਿਸਨ੍ਧਿਂ ਗਣ੍ਹਿਸ੍ਸਨ੍ਤਿ, ਏવਂ ਤੇਸਂ ਮਮ ਸਨ੍ਤਿਕੇ ਪਬ੍ਬਜ੍ਜਾ ਸਾਤ੍ਥਿਕਾ ਭવਿਸ੍ਸਤੀ’’ਤਿ। ਤਤੋ ਤੇਸਂ ਅਨੁਗ੍ਗਹਾਯ ਅਸੁਭਕਥਂ ਕਥੇਸਿ ਕਮ੍ਮਟ੍ਠਾਨਸੀਸੇਨ, ਨੋ ਮਰਣવਣ੍ਣਸਂવਣ੍ਣਨਾਧਿਪ੍ਪਾਯੇਨ। ਕਥੇਤ੍વਾ ਚ ਪਨਸ੍ਸ ਏਤਦਹੋਸਿ – ‘‘ਸਚੇ ਇਮਂ ਅਡ੍ਢਮਾਸਂ ਮਂ ਭਿਕ੍ਖੂ ਪਸ੍ਸਿਸ੍ਸਨ੍ਤਿ, ‘ਅਜ੍ਜ ਏਕੋ ਭਿਕ੍ਖੁ ਮਤੋ, ਅਜ੍ਜ ਦ੍વੇ…ਪੇ॰… ਅਜ੍ਜ ਦਸਾ’ਤਿ ਆਗਨ੍ਤ੍વਾ ਆਰੋਚੇਸ੍ਸਨ੍ਤਿ, ਅਯਞ੍ਚ ਕਮ੍ਮવਿਪਾਕੋ ਨ ਸਕ੍ਕਾ ਮਯਾ વਾ ਅਞ੍ਞੇਨ વਾ ਪਟਿਬਾਹਿਤੁਂ, ਸ੍વਾਹਂ ਤਂ ਸੁਤ੍વਾਪਿ ਕਿਂ ਕਰਿਸ੍ਸਾਮਿ, ਕਿਂ ਮੇ ਅਨਤ੍ਥਕੇਨ ਅਨਯਬ੍ਯਸਨੇਨ ਸੁਤੇਨ, ਹਨ੍ਦਾਹਂ ਭਿਕ੍ਖੂਨਂ ਅਦਸ੍ਸਨਂ ਉਪਗਚ੍ਛਾਮੀ’’ਤਿ। ਤਸ੍ਮਾ ਏવਮਾਹ – ‘‘ਇਚ੍ਛਾਮਹਂ, ਭਿਕ੍ਖવੇ, ਅਡ੍ਢਮਾਸਂ ਪਟਿਸਲ੍ਲੀਯਿਤੁਂ, ਨਾਮ੍ਹਿ ਕੇਨਚਿ ਉਪਸਙ੍ਕਮਿਤਬ੍ਬੋ ਅਞ੍ਞਤ੍ਰ ਏਕੇਨ ਪਿਣ੍ਡਪਾਤਨੀਹਾਰਕੇਨਾ’’ਤਿ।
Atha bhagavā cintesi – ‘‘ime attabhāve chandarāgena maraṇabhayabhītā na sakkhissanti gatiṃ visodhetuṃ, handa nesaṃ chandarāgappahānāya asubhakathaṃ kathemi. Taṃ sutvā attabhāve vigatacchandarāgatāya gativisodhanaṃ katvā sagge paṭisandhiṃ gaṇhissanti, evaṃ tesaṃ mama santike pabbajjā sātthikā bhavissatī’’ti. Tato tesaṃ anuggahāya asubhakathaṃ kathesi kammaṭṭhānasīsena, no maraṇavaṇṇasaṃvaṇṇanādhippāyena. Kathetvā ca panassa etadahosi – ‘‘sace imaṃ aḍḍhamāsaṃ maṃ bhikkhū passissanti, ‘ajja eko bhikkhu mato, ajja dve…pe… ajja dasā’ti āgantvā ārocessanti, ayañca kammavipāko na sakkā mayā vā aññena vā paṭibāhituṃ, svāhaṃ taṃ sutvāpi kiṃ karissāmi, kiṃ me anatthakena anayabyasanena sutena, handāhaṃ bhikkhūnaṃ adassanaṃ upagacchāmī’’ti. Tasmā evamāha – ‘‘icchāmahaṃ, bhikkhave, aḍḍhamāsaṃ paṭisallīyituṃ, nāmhi kenaci upasaṅkamitabbo aññatra ekena piṇḍapātanīhārakenā’’ti.
ਅਪਰੇ ਪਨਾਹੁ – ‘‘ਪਰੂਪવਾਦવਿવਜ੍ਜਨਤ੍ਥਂ ਏવਂ વਤ੍વਾ ਪਟਿਸਲ੍ਲੀਨੋ’’ਤਿ। ਪਰੇ ਕਿਰ ਭਗવਨ੍ਤਂ ਉਪવਦਿਸ੍ਸਨ੍ਤਿ – ‘‘ਅਯਂ ‘ਸਬ੍ਬਞ੍ਞੂ ਅਹਂ ਸਦ੍ਧਮ੍ਮવਰਚਕ੍ਕવਤ੍ਤੀ’ਤਿ ਪਟਿਜਾਨਮਾਨੋ ਅਤ੍ਤਨੋਪਿ ਸਾવਕੇ ਅਞ੍ਞਮਞ੍ਞਂ ਘਾਤੇਨ੍ਤੇ ਨਿવਾਰੇਤੁਂ ਨ ਸਕ੍ਕੋਤਿ, ਕਿਂ ਅਞ੍ਞਂ ਸਕ੍ਖਿਸ੍ਸਤੀ’’ਤਿ? ਤਤ੍ਰ ਪਣ੍ਡਿਤਾ વਕ੍ਖਨ੍ਤਿ – ‘‘ਭਗવਾ ਪਟਿਸਲ੍ਲਾਨਮਨੁਯੁਤ੍ਤੋ ਨ ਇਮਂ ਪવਤ੍ਤਿਂ ਜਾਨਾਤਿ, ਕੋਚਿਸ੍ਸ ਆਰੋਚਯਿਤਾਪਿ ਨਤ੍ਥਿ , ਸਚੇ ਜਾਨੇਯ੍ਯ ਅਦ੍ਧਾ ਨਿવਾਰੇਯ੍ਯਾ’’ਤਿ। ਇਦਂ ਪਨ ਇਚ੍ਛਾਮਤ੍ਤਂ, ਪਠਮਮੇવੇਤ੍ਥ ਕਾਰਣਂ। ਨਾਸ੍ਸੁਧਾਤਿ ਏਤ੍ਥ ਅਸ੍ਸੁਧਾਤਿ ਪਦਪੂਰਣਮਤ੍ਤੇ ਅવਧਾਰਣਤ੍ਥੇ વਾ ਨਿਪਾਤੋ, ਨੇવ ਕੋਚਿ ਭਗવਨ੍ਤਂ ਉਪਸਙ੍ਕਮੀਤਿ ਅਤ੍ਥੋ।
Apare panāhu – ‘‘parūpavādavivajjanatthaṃ evaṃ vatvā paṭisallīno’’ti. Pare kira bhagavantaṃ upavadissanti – ‘‘ayaṃ ‘sabbaññū ahaṃ saddhammavaracakkavattī’ti paṭijānamāno attanopi sāvake aññamaññaṃ ghātente nivāretuṃ na sakkoti, kiṃ aññaṃ sakkhissatī’’ti? Tatra paṇḍitā vakkhanti – ‘‘bhagavā paṭisallānamanuyutto na imaṃ pavattiṃ jānāti, kocissa ārocayitāpi natthi , sace jāneyya addhā nivāreyyā’’ti. Idaṃ pana icchāmattaṃ, paṭhamamevettha kāraṇaṃ. Nāssudhāti ettha assudhāti padapūraṇamatte avadhāraṇatthe vā nipāto, neva koci bhagavantaṃ upasaṅkamīti attho.
ਅਨੇਕੇਹਿ વਣ੍ਣਸਣ੍ਠਾਨਾਦੀਹਿ ਕਾਰਣੇਹਿ વੋਕਾਰੋ ਅਸ੍ਸਾਤਿ ਅਨੇਕਾਕਾਰવੋਕਾਰੋ। ਅਨੇਕਾਕਾਰવੋਕਿਣ੍ਣੋ ਅਨੇਕਾਕਾਰੇਨ ਸਮ੍ਮਿਸ੍ਸੋਤਿ વੁਤ੍ਤਂ ਹੋਤਿ। ਕੋ ਸੋ? ਅਸੁਭਭਾવਨਾਨੁਯੋਗੋ, ਤਂ ਅਨੇਕਾਕਾਰવੋਕਾਰਂ। ਅਸੁਭਭਾવਨਾਨੁਯੋਗਮਨੁਯੁਤ੍ਤਾ વਿਹਰਨ੍ਤੀਤਿ ਯੁਤ੍ਤਪ੍ਪਯੁਤ੍ਤਾ વਿਹਰਨ੍ਤਿ। ਅਟ੍ਟੀਯਮਾਨਾਤਿ ਤੇਨ ਕਾਯੇਨ ਅਟ੍ਟਾ ਦੁਕ੍ਖਿਤਾ ਹੋਨ੍ਤਿ। ਹਰਾਯਮਾਨਾਤਿ ਲਜ੍ਜਮਾਨਾ। ਜਿਗੁਚ੍ਛਮਾਨਾਤਿ ਜਿਗੁਚ੍ਛਂ ਉਪ੍ਪਾਦਯਮਾਨਾ। ਸਤ੍ਥਹਾਰਕਂ ਪਰਿਯੇਸਨ੍ਤੀਤਿ ਜੀવਿਤਹਰਣਕਸਤ੍ਥਂ ਪਰਿਯੇਸਨ੍ਤਿ। ਨ ਕੇવਲਞ੍ਚ ਤੇ ਸਤ੍ਥਂ ਪਰਿਯੇਸਿਤ੍વਾ ਅਤ੍ਤਨਾ વਾ ਅਤ੍ਤਾਨਂ ਜੀવਿਤਾ વੋਰੋਪੇਨ੍ਤਿ, ਮਿਗਲਣ੍ਡਿਕਮ੍ਪਿ ਪਨ ਸਮਣਕੁਤ੍ਤਕਂ ਉਪਸਙ੍ਕਮਿਤ੍વਾ, ‘‘ਸਾਧੁ ਨੋ, ਆવੁਸੋ, ਜੀવਿਤਾ વੋਰੋਪੇਹੀ’’ਤਿ વਦਨ੍ਤਿ। ਏਤ੍ਥ ਚ ਅਰਿਯਾ ਨੇવ ਪਾਣਾਤਿਪਾਤਂ ਕਰਿਂਸੁ, ਨ ਸਮਾਦਪੇਸੁਂ, ਨ ਸਮਨੁਞ੍ਞਾ ਅਹੇਸੁਂ। ਪੁਥੁਜ੍ਜਨਾ ਪਨ ਸਬ੍ਬਮਕਂਸੁ।
Anekehi vaṇṇasaṇṭhānādīhi kāraṇehi vokāro assāti anekākāravokāro. Anekākāravokiṇṇo anekākārena sammissoti vuttaṃ hoti. Ko so? Asubhabhāvanānuyogo, taṃ anekākāravokāraṃ. Asubhabhāvanānuyogamanuyuttā viharantīti yuttappayuttā viharanti. Aṭṭīyamānāti tena kāyena aṭṭā dukkhitā honti. Harāyamānāti lajjamānā. Jigucchamānāti jigucchaṃ uppādayamānā. Satthahārakaṃ pariyesantīti jīvitaharaṇakasatthaṃ pariyesanti. Na kevalañca te satthaṃ pariyesitvā attanā vā attānaṃ jīvitā voropenti, migalaṇḍikampi pana samaṇakuttakaṃ upasaṅkamitvā, ‘‘sādhu no, āvuso, jīvitā voropehī’’ti vadanti. Ettha ca ariyā neva pāṇātipātaṃ kariṃsu, na samādapesuṃ, na samanuññā ahesuṃ. Puthujjanā pana sabbamakaṃsu.
ਪਟਿਸਲ੍ਲਾਨਾ વੁਟ੍ਠਿਤੋਤਿ ਤੇਸਂ ਪਞ੍ਚਨ੍ਨਂ ਭਿਕ੍ਖੁਸਤਾਨਂ ਜੀવਿਤਕ੍ਖਯਪ੍ਪਤ੍ਤਭਾવਂ ਞਤ੍વਾ ਤਤੋ ਏਕੀਭਾવਤੋ વੁਟ੍ਠਿਤੋ ਜਾਨਨ੍ਤੋਪਿ ਅਜਾਨਨ੍ਤੋ વਿਯ ਕਥਾਸਮੁਟ੍ਠਾਪਨਤ੍ਥਂ ਆਯਸ੍ਮਨ੍ਤਂ ਆਨਨ੍ਦਂ ਆਮਨ੍ਤੇਸਿ। ਕਿਂ ਨੁ ਖੋ, ਆਨਨ੍ਦ, ਤਨੁਭੂਤੋ વਿਯ ਭਿਕ੍ਖੁਸਙ੍ਘੋਤਿ ਇਤੋ, ਆਨਨ੍ਦ, ਪੁਬ੍ਬੇ ਬਹੂ ਭਿਕ੍ਖੂ ਏਕਤੋ ਉਪਟ੍ਠਾਨਂ ਆਗਚ੍ਛਨ੍ਤਿ, ਉਦ੍ਦੇਸਂ ਪਰਿਪੁਚ੍ਛਂ ਗਣ੍ਹਨ੍ਤਿ, ਸਜ੍ਝਾਯਨ੍ਤਿ, ਏਕਪਜ੍ਜੋਤੋ વਿਯ ਆਰਾਮੋ ਦਿਸ੍ਸਤਿ। ਇਦਾਨਿ ਪਨ ਅਡ੍ਢਮਾਸਮਤ੍ਤਸ੍ਸ ਅਚ੍ਚਯੇਨ ਤਨੁਭੂਤੋ વਿਯ ਤਨੁਕੋ ਮਨ੍ਦੋ ਅਪ੍ਪਕੋ વਿਰਲ਼ੋ વਿਯ ਜਾਤੋ ਭਿਕ੍ਖੁਸਙ੍ਘੋ। ਕਿਂ ਨੁ ਖੋ ਕਾਰਣਂ? ਕਿਂ ਦਿਸਾਸੁ ਪਕ੍ਕਨ੍ਤਾ ਭਿਕ੍ਖੂਤਿ?
Paṭisallānā vuṭṭhitoti tesaṃ pañcannaṃ bhikkhusatānaṃ jīvitakkhayappattabhāvaṃ ñatvā tato ekībhāvato vuṭṭhito jānantopi ajānanto viya kathāsamuṭṭhāpanatthaṃ āyasmantaṃ ānandaṃ āmantesi. Kiṃ nu kho, ānanda, tanubhūto viya bhikkhusaṅghoti ito, ānanda, pubbe bahū bhikkhū ekato upaṭṭhānaṃ āgacchanti, uddesaṃ paripucchaṃ gaṇhanti, sajjhāyanti, ekapajjoto viya ārāmo dissati. Idāni pana aḍḍhamāsamattassa accayena tanubhūto viya tanuko mando appako viraḷo viya jāto bhikkhusaṅgho. Kiṃ nu kho kāraṇaṃ? Kiṃ disāsu pakkantā bhikkhūti?
ਅਥਾਯਸ੍ਮਾ ਆਨਨ੍ਦੋ ਕਮ੍ਮવਿਪਾਕੇਨ ਤੇਸਂ ਜੀવਿਤਕ੍ਖਯਪ੍ਪਤ੍ਤਿਂ ਅਸਲ੍ਲਕ੍ਖੇਨ੍ਤੋ ਅਸੁਭਕਮ੍ਮਟ੍ਠਾਨਾਨੁਯੋਗਪਚ੍ਚਯਾ ਪਨ ਸਲ੍ਲਕ੍ਖੇਨ੍ਤੋ ਤਥਾ ਹਿ ਪਨ, ਭਨ੍ਤੇ ਭਗવਾਤਿਆਦਿਂ વਤ੍વਾ ਭਿਕ੍ਖੂਨਂ ਅਰਹਤ੍ਤਪ੍ਪਤ੍ਤਿਯਾ ਅਞ੍ਞਂ ਕਮ੍ਮਟ੍ਠਾਨਂ ਯਾਚਨ੍ਤੋ, ਸਾਧੁ, ਭਨ੍ਤੇ, ਭਗવਾਤਿਆਦਿਮਾਹ। ਤਸ੍ਸਤ੍ਥੋ – ਸਾਧੁ, ਭਨ੍ਤੇ, ਭਗવਾ ਅਞ੍ਞਂ ਕਾਰਣਂ ਆਚਿਕ੍ਖਤੁ, ਯੇਨ ਭਿਕ੍ਖੁਸਙ੍ਘੋ ਅਰਹਤ੍ਤੇ ਪਤਿਟ੍ਠਹੇਯ੍ਯ । ਮਹਾਸਮੁਦ੍ਦਂ ਓਰੋਹਣਤਿਤ੍ਥਾਨਿ વਿਯ ਅਞ੍ਞਾਨਿਪਿ ਦਸਾਨੁਸ੍ਸਤਿ, ਦਸਕਸਿਣ, ਚਤੁਧਾਤੁવવਤ੍ਥਾਨ, ਬ੍ਰਹ੍ਮવਿਹਾਰ, ਆਨਾਪਾਨਸ੍ਸਤਿਪਭੇਦਾਨਿ ਬਹੂਨਿ ਨਿਬ੍ਬਾਨੋਰੋਹਣਕਮ੍ਮਟ੍ਠਾਨਾਨਿ ਸਨ੍ਤਿ, ਤੇਸੁ ਭਗવਾ ਭਿਕ੍ਖੂ ਸਮਸ੍ਸਾਸੇਤ੍વਾ ਅਞ੍ਞਤਰਂ ਕਮ੍ਮਟ੍ਠਾਨਂ ਆਚਿਕ੍ਖਤੂਤਿ ਅਧਿਪ੍ਪਾਯੋ।
Athāyasmā ānando kammavipākena tesaṃ jīvitakkhayappattiṃ asallakkhento asubhakammaṭṭhānānuyogapaccayā pana sallakkhento tathā hi pana, bhante bhagavātiādiṃ vatvā bhikkhūnaṃ arahattappattiyā aññaṃ kammaṭṭhānaṃ yācanto, sādhu, bhante, bhagavātiādimāha. Tassattho – sādhu, bhante, bhagavā aññaṃ kāraṇaṃ ācikkhatu, yena bhikkhusaṅgho arahatte patiṭṭhaheyya . Mahāsamuddaṃ orohaṇatitthāni viya aññānipi dasānussati, dasakasiṇa, catudhātuvavatthāna, brahmavihāra, ānāpānassatipabhedāni bahūni nibbānorohaṇakammaṭṭhānāni santi, tesu bhagavā bhikkhū samassāsetvā aññataraṃ kammaṭṭhānaṃ ācikkhatūti adhippāyo.
ਅਥ ਭਗવਾ ਤਥਾ ਕਾਤੁਕਾਮੋ ਥੇਰਂ ਉਯ੍ਯੋਜੇਨ੍ਤੋ ਤੇਨਹਾਨਨ੍ਦਾਤਿਆਦਿਮਾਹ। ਤਤ੍ਥ વੇਸਾਲਿਂ ਉਪਨਿਸ੍ਸਾਯਾਤਿ વੇਸਾਲਿਯਂ ਉਪਨਿਸ੍ਸਾਯ ਸਮਨ੍ਤਾ ਗਾવੁਤੇਪਿ ਅਡ੍ਢਯੋਜਨੇਪਿ ਯਾવਤਿਕਾ વਿਹਰਨ੍ਤਿ, ਤੇ ਸਬ੍ਬੇ ਸਨ੍ਨਿਪਾਤੇਹੀਤਿ ਅਤ੍ਥੋ। ਸਬ੍ਬੇ ਉਪਟ੍ਠਾਨਸਾਲਾਯਂ ਸਨ੍ਨਿਪਾਤੇਤ੍વਾਤਿ ਅਤ੍ਤਨਾ ਗਨ੍ਤੁਂ ਯੁਤ੍ਤਟ੍ਠਾਨਂ ਸਯਂ ਗਨ੍ਤ੍વਾ ਅਞ੍ਞਤ੍ਥ ਦਹਰਭਿਕ੍ਖੂ ਪਹਿਣਿਤ੍વਾ ਮੁਹੁਤ੍ਤੇਨੇવ ਅਨવਸੇਸੇ ਭਿਕ੍ਖੂ ਉਪਟ੍ਠਾਨਸਾਲਾਯਂ ਸਮੂਹਂ ਕਤ੍વਾ। ਯਸ੍ਸਦਾਨਿ, ਭਨ੍ਤੇ, ਭਗવਾ ਕਾਲਂ ਮਞ੍ਞਤੀਤਿ ਏਤ੍ਥ ਅਯਮਧਿਪ੍ਪਾਯੋ – ਭਗવਾ ਭਿਕ੍ਖੁਸਙ੍ਘੋ ਸਨ੍ਨਿਪਤਿਤੋ, ਏਸ ਕਾਲੋ ਭਿਕ੍ਖੂਨਂ ਧਮ੍ਮਕਥਂ ਕਾਤੁਂ, ਅਨੁਸਾਸਨਿਂ ਦਾਤੁਂ, ਇਦਾਨਿ ਯਸ੍ਸ ਤੁਮ੍ਹੇ ਕਾਲਂ ਜਾਨਾਥ, ਤਂ ਕਾਤਬ੍ਬਨ੍ਤਿ।
Atha bhagavā tathā kātukāmo theraṃ uyyojento tenahānandātiādimāha. Tattha vesāliṃ upanissāyāti vesāliyaṃ upanissāya samantā gāvutepi aḍḍhayojanepi yāvatikā viharanti, te sabbe sannipātehīti attho. Sabbe upaṭṭhānasālāyaṃ sannipātetvāti attanā gantuṃ yuttaṭṭhānaṃ sayaṃ gantvā aññattha daharabhikkhū pahiṇitvā muhutteneva anavasese bhikkhū upaṭṭhānasālāyaṃ samūhaṃ katvā. Yassadāni, bhante, bhagavā kālaṃ maññatīti ettha ayamadhippāyo – bhagavā bhikkhusaṅgho sannipatito, esa kālo bhikkhūnaṃ dhammakathaṃ kātuṃ, anusāsaniṃ dātuṃ, idāni yassa tumhe kālaṃ jānātha, taṃ kātabbanti.
ਅਥ ਖੋ ਭਗવਾ ਭਿਕ੍ਖੂ ਆਮਨ੍ਤੇਸਿ, ਅਯਮ੍ਪਿ ਖੋ, ਭਿਕ੍ਖવੇਤਿ। ਆਮਨ੍ਤੇਤ੍વਾ ਚ ਪਨ ਭਿਕ੍ਖੂਨਂ ਅਰਹਤ੍ਤਪ੍ਪਤ੍ਤਿਯਾ ਪੁਬ੍ਬੇ ਆਚਿਕ੍ਖਿਤਅਸੁਭਕਮ੍ਮਟ੍ਠਾਨਤੋ ਅਞ੍ਞਂ ਪਰਿਯਾਯਂ ਆਚਿਕ੍ਖਨ੍ਤੋ ਆਨਾਪਾਨਸ੍ਸਤਿਸਮਾਧੀਤਿਆਦਿਮਾਹ। ਤਤ੍ਥ ਆਨਾਪਾਨਸ੍ਸਤਿਸਮਾਧੀਤਿ ਆਨਾਪਾਨਪਰਿਗ੍ਗਾਹਿਕਾਯ ਸਤਿਯਾ ਸਦ੍ਧਿਂ ਸਮ੍ਪਯੁਤ੍ਤੋ ਸਮਾਧਿ, ਆਨਾਪਾਨਸ੍ਸਤਿਯਂ વਾ ਸਮਾਧਿ, ਆਨਾਪਾਨਸ੍ਸਤਿਸਮਾਧਿ। ਭਾવਿਤੋਤਿ ਉਪ੍ਪਾਦਿਤੋ વਡ੍ਢਿਤੋ વਾ। ਬਹੁਲੀਕਤੋਤਿ ਪੁਨਪ੍ਪੁਨਂ ਕਤੋ। ਸਨ੍ਤੋ ਚੇવ ਪਣੀਤੋ ਚਾਤਿ ਸਨ੍ਤੋ ਚੇવ ਪਣੀਤੋ ਚੇવ। ਉਭਯਤ੍ਥ ਏવਸਦ੍ਦੇਨ ਨਿਯਮੋ વੇਦਿਤਬ੍ਬੋ। ਕਿਂ વੁਤ੍ਤਂ ਹੋਤਿ? ਅਯਞ੍ਹਿ ਯਥਾ ਅਸੁਭਕਮ੍ਮਟ੍ਠਾਨਂ ਕੇવਲਂ ਪਟਿવੇਧવਸੇਨ ਸਨ੍ਤਞ੍ਚ ਪਣੀਤਞ੍ਚ, ਓਲ਼ਾਰਿਕਾਰਮ੍ਮਣਤ੍ਤਾ ਪਨ ਪਟਿਕੂਲਾਰਮ੍ਮਣਤ੍ਤਾ ਚ ਆਰਮ੍ਮਣવਸੇਨ ਨੇવ ਸਨ੍ਤਂ ਨ ਪਣੀਤਂ, ਨ ਏવਂ ਕੇਨਚਿ ਪਰਿਯਾਯੇਨ ਅਸਨ੍ਤੋ વਾ ਅਪ੍ਪਣੀਤੋ વਾ, ਅਪਿਚ ਖੋ ਆਰਮ੍ਮਣਸਨ੍ਤਤਾਯਪਿ ਸਨ੍ਤੋ વੂਪਸਨ੍ਤੋ ਨਿਬ੍ਬੁਤੋ, ਪਟਿવੇਧਸਙ੍ਖਾਤਾਯ ਅਙ੍ਗਸਨ੍ਤਤਾਯਪਿ, ਆਰਮ੍ਮਣਪਣੀਤਤਾਯ ਪਣੀਤੋ ਅਤਿਤ੍ਤਿਕਰੋ, ਅਙ੍ਗਪਣੀਤਤਾਯਪੀਤਿ। ਤੇਨ વੁਤ੍ਤਂ ‘‘ਸਨ੍ਤੋ ਚੇવ ਪਣੀਤੋ ਚਾ’’ਤਿ।
Atha kho bhagavā bhikkhū āmantesi, ayampi kho, bhikkhaveti. Āmantetvā ca pana bhikkhūnaṃ arahattappattiyā pubbe ācikkhitaasubhakammaṭṭhānato aññaṃ pariyāyaṃ ācikkhanto ānāpānassatisamādhītiādimāha. Tattha ānāpānassatisamādhīti ānāpānapariggāhikāya satiyā saddhiṃ sampayutto samādhi, ānāpānassatiyaṃ vā samādhi, ānāpānassatisamādhi. Bhāvitoti uppādito vaḍḍhito vā. Bahulīkatoti punappunaṃ kato. Santo ceva paṇīto cāti santo ceva paṇīto ceva. Ubhayattha evasaddena niyamo veditabbo. Kiṃ vuttaṃ hoti? Ayañhi yathā asubhakammaṭṭhānaṃ kevalaṃ paṭivedhavasena santañca paṇītañca, oḷārikārammaṇattā pana paṭikūlārammaṇattā ca ārammaṇavasena neva santaṃ na paṇītaṃ, na evaṃ kenaci pariyāyena asanto vā appaṇīto vā, apica kho ārammaṇasantatāyapi santo vūpasanto nibbuto, paṭivedhasaṅkhātāya aṅgasantatāyapi, ārammaṇapaṇītatāya paṇīto atittikaro, aṅgapaṇītatāyapīti. Tena vuttaṃ ‘‘santo ceva paṇīto cā’’ti.
ਅਸੇਚਨਕੋ ਚ ਸੁਖੋ ਚ વਿਹਾਰੋਤਿ ਏਤ੍ਥ ਪਨ ਨਾਸ੍ਸ ਸੇਚਨਨ੍ਤਿ ਅਸੇਚਨਕੋ, ਅਨਾਸਿਤ੍ਤਕੋ ਅਬ੍ਬੋਕਿਣ੍ਣੋ ਪਾਟਿਯੇਕ੍ਕੋ ਆવੇਣਿਕੋ, ਨਤ੍ਥਿ ਏਤ੍ਥ ਪਰਿਕਮ੍ਮੇਨ વਾ ਉਪਚਾਰੇਨ વਾ ਸਨ੍ਤਤਾ, ਆਦਿਸਮਨ੍ਨਾਹਾਰਤੋ ਪਭੁਤਿ ਅਤ੍ਤਨੋ ਸਭਾવੇਨੇવ ਸਨ੍ਤੋ ਚ ਪਣੀਤੋ ਚਾਤਿ ਅਤ੍ਥੋ। ਕੇਚਿ ‘‘ਅਸੇਚਨਕੋ’’ਤਿ ਅਨਾਸਿਤ੍ਤਕੋ ਓਜવਨ੍ਤੋ, ਸਭਾવੇਨੇવ ਮਧੁਰੋ’’ਤਿ વਦਨ੍ਤਿ। ਏવਮਯਂ ਅਸੇਚਨਕੋ ਚ ਅਪ੍ਪਿਤਪ੍ਪਿਤਕ੍ਖਣੇ ਕਾਯਿਕਚੇਤਸਿਕਸੁਖਪ੍ਪਟਿਲਾਭਾਯ ਸਂવਤ੍ਤਨਤੋ ਸੁਖੋ ਚ વਿਹਾਰੋਤਿ વੇਦਿਤਬ੍ਬੋ।
Asecanakoca sukho ca vihāroti ettha pana nāssa secananti asecanako, anāsittako abbokiṇṇo pāṭiyekko āveṇiko, natthi ettha parikammena vā upacārena vā santatā, ādisamannāhārato pabhuti attano sabhāveneva santo ca paṇīto cāti attho. Keci ‘‘asecanako’’ti anāsittako ojavanto, sabhāveneva madhuro’’ti vadanti. Evamayaṃ asecanako ca appitappitakkhaṇe kāyikacetasikasukhappaṭilābhāya saṃvattanato sukho ca vihāroti veditabbo.
ਉਪ੍ਪਨ੍ਨੁਪ੍ਪਨ੍ਨੇਤਿ ਅવਿਕ੍ਖਮ੍ਭਿਤੇ। ਪਾਪਕੇਤਿ ਲਾਮਕੇ। ਅਕੁਸਲੇ ਧਮ੍ਮੇਤਿ ਅਕੋਸਲ੍ਲਸਮ੍ਭੂਤੇ ਧਮ੍ਮੇ। ਠਾਨਸੋ ਅਨ੍ਤਰਧਾਪੇਤੀਤਿ ਖਣੇਨੇવ ਅਨ੍ਤਰਧਾਪੇਤਿ વਿਕ੍ਖਮ੍ਭੇਤਿ। વੂਪਸਮੇਤੀਤਿ ਸੁਟ੍ਠੁ ਉਪਸਮੇਤਿ, ਨਿਬ੍ਬੇਧਭਾਗਿਯਤ੍ਤਾ ਅਨੁਪੁਬ੍ਬੇਨ ਅਰਿਯਮਗ੍ਗવੁਦ੍ਧਿਪ੍ਪਤ੍ਤੋ ਸਮੁਚ੍ਛਿਨ੍ਦਤਿ, ਪਟਿਪ੍ਪਸ੍ਸਮ੍ਭੇਤੀਤਿ વੁਤ੍ਤਂ ਹੋਤਿ। ਗਿਮ੍ਹਾਨਂ ਪਚ੍ਛਿਮੇ ਮਾਸੇਤਿ ਆਸਾਲ਼੍ਹਮਾਸੇ। ਊਹਤਂ ਰਜੋਜਲ੍ਲਨ੍ਤਿ ਅਟ੍ਠ ਮਾਸੇ વਾਤਾਤਪਸੁਕ੍ਖਾਯ ਗੋਮਹਿਂਸਾਦਿਪਾਦਪ੍ਪਹਾਰਸਮ੍ਭਿਨ੍ਨਾਯ ਪਥવਿਯਾ ਉਦ੍ਧਂ ਹਤਂ ਊਹਤਂ ਆਕਾਸੇ ਸਮੁਟ੍ਠਿਤਂ ਰਜਞ੍ਚ ਰੇਣੁਞ੍ਚ। ਮਹਾ ਅਕਾਲਮੇਘੋਤਿ ਸਬ੍ਬਂ ਨਭਂ ਅਜ੍ਝੋਤ੍ਥਰਿਤ੍વਾ ਉਟ੍ਠਿਤੋ ਆਸਾਲ਼੍ਹਜੁਣ੍ਹਪਕ੍ਖੇ ਸਕਲਂ ਅਡ੍ਢਮਾਸਂ વਸ੍ਸਨਕਮੇਘੋ। ਸੋ ਹਿ ਅਸਮ੍ਪਤ੍ਤੇ વਸ੍ਸਕਾਲੇ ਉਪ੍ਪਨ੍ਨਤ੍ਤਾ ਅਕਾਲਮੇਘੋਤਿ ਇਧ ਅਧਿਪ੍ਪੇਤੋ। ਠਾਨਸੋ ਅਨ੍ਤਰਾਧਾਪੇਤਿ વੂਪਸਮੇਤੀਤਿ ਖਣੇਨੇવ ਅਦਸ੍ਸਨਂ ਨੇਤਿ ਪਥવਿਯਂ ਸਨ੍ਨਿਸੀਦਾਪੇਤਿ। ਏવਮੇવ ਖੋਤਿ ਓਪਮ੍ਮਨਿਦਸ੍ਸਨਮੇਤਂ। ਤਤੋ ਪਰਂ વੁਤ੍ਤਨਯਮੇવ।
Uppannuppanneti avikkhambhite. Pāpaketi lāmake. Akusale dhammeti akosallasambhūte dhamme. Ṭhānaso antaradhāpetīti khaṇeneva antaradhāpeti vikkhambheti. Vūpasametīti suṭṭhu upasameti, nibbedhabhāgiyattā anupubbena ariyamaggavuddhippatto samucchindati, paṭippassambhetīti vuttaṃ hoti. Gimhānaṃ pacchime māseti āsāḷhamāse. Ūhataṃ rajojallanti aṭṭha māse vātātapasukkhāya gomahiṃsādipādappahārasambhinnāya pathaviyā uddhaṃ hataṃ ūhataṃ ākāse samuṭṭhitaṃ rajañca reṇuñca. Mahā akālameghoti sabbaṃ nabhaṃ ajjhottharitvā uṭṭhito āsāḷhajuṇhapakkhe sakalaṃ aḍḍhamāsaṃ vassanakamegho. So hi asampatte vassakāle uppannattā akālameghoti idha adhippeto. Ṭhānaso antarādhāpeti vūpasametīti khaṇeneva adassanaṃ neti pathaviyaṃ sannisīdāpeti. Evameva khoti opammanidassanametaṃ. Tato paraṃ vuttanayameva.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. વੇਸਾਲੀਸੁਤ੍ਤਂ • 9. Vesālīsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੯. વੇਸਾਲੀਸੁਤ੍ਤવਣ੍ਣਨਾ • 9. Vesālīsuttavaṇṇanā
