| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
8. взсаараж̇ж̇асуд̇д̇аван̣н̣анаа
8. Vesārajjasuttavaṇṇanā
8. адтамз взсаараж̇ж̇аанийд̇и зд̇т̇а саараж̇ж̇абадибагко взсаараж̇ж̇ам̣, жад̇уусу таанзсу саараж̇ж̇аабхаавам̣ бажжавзгканд̇асса уббаннасоманассамаяан̃аан̣ассзд̇ам̣ наамам̣. аасабхам̣ таананд̇и сздтадтаанам̣ уд̇д̇амадтаанам̣. аасабхаа ваа буб̣б̣аб̣уд̣̇д̇хаа, д̇зсам̣ таананд̇и ад̇т̇о. абижа г̇авасад̇аж̇здтаго усабхо, г̇авасахассаж̇здтаго васабхо. важ̇асад̇аж̇здтаго ваа усабхо, важ̇асахассаж̇здтаго васабхо , саб̣б̣аг̇авасздто саб̣б̣абариссаяасахо сзд̇о баасаад̣̇иго махаабхааравахо асанисад̇асад̣̇д̣̇зхиби асамбагамбияо нисабхо, со ид̇ха усабход̇и ад̇хиббзд̇о. ид̣̇амби хи д̇асса барияааяаважанам̣. усабхасса ид̣̇анд̇и аасабхам̣. таананд̇и жад̇уухи баад̣̇зхи бат̇авим̣ уббийл̣зд̇ваа вавад̇т̇аанам̣. ид̣̇ам̣ бана аасабхам̣ вияаад̇и аасабхам̣. яат̇зва хи нисабхасан̇каад̇о усабхо жад̇уухи баад̣̇зхи бат̇авим̣ уббийл̣зд̇ваа ажаладтаанзна д̇идтад̇и, звам̣ д̇ат̇ааг̇ад̇оби жад̇уухи взсаараж̇ж̇абаад̣̇зхи адтабарисабат̇авим̣ уббийл̣зд̇ваа сад̣̇звагз логз гзнажи бажжад̇т̇игзна бажжаамид̇д̇зна агамбияо ажаладтаанзна д̇идтад̇и. звам̣ д̇идтамаанова д̇ам̣ аасабхам̣ таанам̣ бадиж̇аанаад̇и убаг̇ажчад̇и на бажжагкаад̇и, ад̇д̇ани ааробзд̇и. д̇зна вуд̇д̇ам̣ ‘‘аасабхам̣ таанам̣ бадиж̇аанаад̇ий’’д̇и.
8. Aṭṭhame vesārajjānīti ettha sārajjapaṭipakkho vesārajjaṃ, catūsu ṭhānesu sārajjābhāvaṃ paccavekkhantassa uppannasomanassamayañāṇassetaṃ nāmaṃ. Āsabhaṃ ṭhānanti seṭṭhaṭṭhānaṃ uttamaṭṭhānaṃ. Āsabhā vā pubbabuddhā, tesaṃ ṭhānanti attho. Apica gavasatajeṭṭhako usabho, gavasahassajeṭṭhako vasabho. Vajasatajeṭṭhako vā usabho, vajasahassajeṭṭhako vasabho , sabbagavaseṭṭho sabbaparissayasaho seto pāsādiko mahābhāravaho asanisatasaddehipi asampakampiyo nisabho, so idha usabhoti adhippeto. Idampi hi tassa pariyāyavacanaṃ. Usabhassa idanti āsabhaṃ. Ṭhānanti catūhi pādehi pathaviṃ uppīḷetvā vavatthānaṃ. Idaṃ pana āsabhaṃ viyāti āsabhaṃ. Yatheva hi nisabhasaṅkhāto usabho catūhi pādehi pathaviṃ uppīḷetvā acalaṭṭhānena tiṭṭhati, evaṃ tathāgatopi catūhi vesārajjapādehi aṭṭhaparisapathaviṃ uppīḷetvā sadevake loke kenaci paccatthikena paccāmittena akampiyo acalaṭṭhānena tiṭṭhati. Evaṃ tiṭṭhamānova taṃ āsabhaṃ ṭhānaṃ paṭijānāti upagacchati na paccakkhāti, attani āropeti. Tena vuttaṃ ‘‘āsabhaṃ ṭhānaṃ paṭijānātī’’ti.
барисаасууд̇и адтасу барисаасу. сийханаад̣̇ам̣ над̣̇ад̇ийд̇и сздтанаад̣̇ам̣ абхийд̇анаад̣̇ам̣ над̣̇ад̇и, сийханаад̣̇асад̣̇исам̣ ваа наад̣̇ам̣ над̣̇ад̇и. аяамад̇т̇о сийханаад̣̇асуд̇д̇зна д̣̇ассзд̇аб̣б̣о. яат̇аа ваа сийхо саханад̇о жа хананад̇о жа сийход̇и вужжад̇и, звам̣ д̇ат̇ааг̇ад̇о логад̇хаммаанам̣ саханад̇о бараббаваад̣̇аанан̃жа хананад̇о сийход̇и вужжад̇и. звам̣ вуд̇д̇асса сийхасса наад̣̇ам̣ сийханаад̣̇ам̣. д̇ад̇т̇а яат̇аа сийхо сийхаб̣алзна саманнааг̇ад̇о саб̣б̣ад̇т̇а висаарад̣̇о виг̇ад̇аломахам̣со сийханаад̣̇ам̣ над̣̇ад̇и, звам̣ д̇ат̇ааг̇ад̇асийхоби д̇ат̇ааг̇ад̇аб̣алзхи саманнааг̇ад̇о адтасу барисаасу висаарад̣̇о виг̇ад̇аломахам̣со ‘‘ид̇и рууба’’нд̇иаад̣̇инаа наязна наанаавид̇хад̣̇зсанаавилаасасамбаннам̣ сийханаад̣̇ам̣ над̣̇ад̇и. д̇зна вуд̇д̇ам̣ ‘‘барисаасу сийханаад̣̇ам̣ над̣̇ад̇ий’’д̇и.
Parisāsūti aṭṭhasu parisāsu. Sīhanādaṃ nadatīti seṭṭhanādaṃ abhītanādaṃ nadati, sīhanādasadisaṃ vā nādaṃ nadati. Ayamattho sīhanādasuttena dassetabbo. Yathā vā sīho sahanato ca hananato ca sīhoti vuccati, evaṃ tathāgato lokadhammānaṃ sahanato parappavādānañca hananato sīhoti vuccati. Evaṃ vuttassa sīhassa nādaṃ sīhanādaṃ. Tattha yathā sīho sīhabalena samannāgato sabbattha visārado vigatalomahaṃso sīhanādaṃ nadati, evaṃ tathāgatasīhopi tathāgatabalehi samannāgato aṭṭhasu parisāsu visārado vigatalomahaṃso ‘‘iti rūpa’’ntiādinā nayena nānāvidhadesanāvilāsasampannaṃ sīhanādaṃ nadati. Tena vuttaṃ ‘‘parisāsu sīhanādaṃ nadatī’’ti.
б̣рахмажаггам̣ бавад̇д̇зд̇ийд̇и зд̇т̇а б̣рахманд̇и сздтам̣ уд̇д̇амам̣ висуд̣̇д̇хам̣. жаггасад̣̇д̣̇о банааяам̣ –
Brahmacakkaṃpavattetīti ettha brahmanti seṭṭhaṃ uttamaṃ visuddhaṃ. Cakkasaddo panāyaṃ –
‘‘самбад̇д̇ияам̣ лагкан̣з жа, рат̇ан̇г̇з ирияаабат̇з;
‘‘Sampattiyaṃ lakkhaṇe ca, rathaṅge iriyāpathe;
д̣̇аанз рад̇анад̇хаммуура-жаггаад̣̇ийсу жа д̣̇иссад̇и;
Dāne ratanadhammūra-cakkādīsu ca dissati;
д̇хаммажаггз ид̇ха мад̇о, д̇ан̃жа д̣̇взд̇хаа вибхааваяз’’.
Dhammacakke idha mato, tañca dvedhā vibhāvaye’’.
‘‘жад̇д̇ааримаани, бхигкавз, жаггаани, язхи саманнааг̇ад̇аанам̣ д̣̇звамануссаана’’нд̇иаад̣̇ийсу (а. ни. 4.31) хи аяам̣ самбад̇д̇ияам̣ д̣̇иссад̇и. ‘‘баад̣̇ад̇алзсу жаггаани ж̇аад̇ааний’’д̇и (д̣̇ий. ни. 2.35) зд̇т̇а лагкан̣з. ‘‘жаггам̣ва вахад̇о бад̣̇а’’нд̇и (д̇ха. ба. 1) зд̇т̇а рат̇ан̇г̇з. ‘‘жад̇ужаггам̣ навад̣̇ваара’’нд̇и (сам̣. ни. 1.29) зд̇т̇а ирияаабат̇з. ‘‘д̣̇ад̣̇ам̣ бхун̃ж̇а маа жа бамаад̣̇о, жаггам̣ вад̇д̇аяа саб̣б̣абаан̣ина’’нд̇и (ж̇аа. 1.7.149) зд̇т̇а д̣̇аанз. ‘‘д̣̇иб̣б̣ам̣ жаггарад̇анам̣ баад̇урахосий’’д̇и (д̣̇ий. ни. 2.243; ма. ни. 3.256) зд̇т̇а рад̇анажаггз. ‘‘маяаа бавад̇д̇ид̇ам̣ жагга’’нд̇и (су. ни. 562) зд̇т̇а д̇хаммажаггз. ‘‘ижчаахад̇асса босасса, жаггам̣ бхамад̇и мад̇т̇агз’’д̇и (ж̇аа. 1.1.104; 1.5.103) зд̇т̇а уражаггз. ‘‘курабарияанд̇зна жзби жаггзнаа’’д̇и (д̣̇ий. ни. 1.166) зд̇т̇а бахаран̣ажаггз. ‘‘асанивижагга’’нд̇и (д̣̇ий. ни. 3.61; сам̣. ни. 2.162) зд̇т̇а асаниман̣д̣алз. ид̇ха банааяам̣ д̇хаммажаггз мад̇о.
‘‘Cattārimāni, bhikkhave, cakkāni, yehi samannāgatānaṃ devamanussāna’’ntiādīsu (a. ni. 4.31) hi ayaṃ sampattiyaṃ dissati. ‘‘Pādatalesu cakkāni jātānī’’ti (dī. ni. 2.35) ettha lakkhaṇe. ‘‘Cakkaṃva vahato pada’’nti (dha. pa. 1) ettha rathaṅge. ‘‘Catucakkaṃ navadvāra’’nti (saṃ. ni. 1.29) ettha iriyāpathe. ‘‘Dadaṃ bhuñja mā ca pamādo, cakkaṃ vattaya sabbapāṇina’’nti (jā. 1.7.149) ettha dāne. ‘‘Dibbaṃ cakkaratanaṃ pāturahosī’’ti (dī. ni. 2.243; ma. ni. 3.256) ettha ratanacakke. ‘‘Mayā pavattitaṃ cakka’’nti (su. ni. 562) ettha dhammacakke. ‘‘Icchāhatassa posassa, cakkaṃ bhamati matthake’’ti (jā. 1.1.104; 1.5.103) ettha uracakke. ‘‘Khurapariyantena cepi cakkenā’’ti (dī. ni. 1.166) ettha paharaṇacakke. ‘‘Asanivicakka’’nti (dī. ni. 3.61; saṃ. ni. 2.162) ettha asanimaṇḍale. Idha panāyaṃ dhammacakke mato.
д̇ам̣ банзд̇ам̣ д̇хаммажаггам̣ д̣̇увид̇хам̣ ход̇и бадивзд̇хан̃аан̣ан̃жа д̣̇зсанаан̃аан̣ан̃жа. д̇ад̇т̇а бан̃н̃аабабхаавид̇ам̣ ад̇д̇ано арияапалаавахам̣ бадивзд̇хан̃аан̣ам̣, гарун̣аабабхаавид̇ам̣ саавагаанам̣ арияапалаавахам̣ д̣̇зсанаан̃аан̣ам̣. д̇ад̇т̇а бадивзд̇хан̃аан̣ам̣ уббаж̇ж̇амаанам̣ уббаннанд̇и д̣̇увид̇хам̣. д̇ан̃хи абхинигкаманад̇о яаава арахад̇д̇амаг̇г̇аа уббаж̇ж̇амаанам̣, палагкан̣з уббаннам̣ наама. д̇усид̇абхаванад̇о ваа яаава махааб̣од̇хибаллан̇гз арахад̇д̇амаг̇г̇аа уббаж̇ж̇амаанам̣, палагкан̣з уббаннам̣ наама. д̣̇ийбан̇гарад̇о бадтааяа ваа яаава б̣од̇хибаллан̇гз арахад̇д̇амаг̇г̇аа уббаж̇ж̇амаанам̣, палагкан̣з уббаннам̣ наама. д̣̇зсанаан̃аан̣амби бавад̇д̇амаанам̣ бавад̇д̇анд̇и д̣̇увид̇хам̣. д̇ан̃хи яаава ан̃н̃аасигон̣д̣ан̃н̃асса сод̇аабад̇д̇имаг̇г̇аа бавад̇д̇амаанам̣, палагкан̣з бавад̇д̇ам̣ наама. д̇зсу бадивзд̇хан̃аан̣ам̣ логуд̇д̇арам̣, д̣̇зсанаан̃аан̣ам̣ логияам̣. убхаяамби банзд̇ам̣ ан̃н̃зхи асаад̇хааран̣ам̣, б̣уд̣̇д̇хаанам̣язва орасан̃аан̣ам̣.
Taṃ panetaṃ dhammacakkaṃ duvidhaṃ hoti paṭivedhañāṇañca desanāñāṇañca. Tattha paññāpabhāvitaṃ attano ariyaphalāvahaṃ paṭivedhañāṇaṃ, karuṇāpabhāvitaṃ sāvakānaṃ ariyaphalāvahaṃ desanāñāṇaṃ. Tattha paṭivedhañāṇaṃ uppajjamānaṃ uppannanti duvidhaṃ. Tañhi abhinikkhamanato yāva arahattamaggā uppajjamānaṃ, phalakkhaṇe uppannaṃ nāma. Tusitabhavanato vā yāva mahābodhipallaṅke arahattamaggā uppajjamānaṃ, phalakkhaṇe uppannaṃ nāma. Dīpaṅkarato paṭṭhāya vā yāva bodhipallaṅke arahattamaggā uppajjamānaṃ, phalakkhaṇe uppannaṃ nāma. Desanāñāṇampi pavattamānaṃ pavattanti duvidhaṃ. Tañhi yāva aññāsikoṇḍaññassa sotāpattimaggā pavattamānaṃ, phalakkhaṇe pavattaṃ nāma. Tesu paṭivedhañāṇaṃ lokuttaraṃ, desanāñāṇaṃ lokiyaṃ. Ubhayampi panetaṃ aññehi asādhāraṇaṃ, buddhānaṃyeva orasañāṇaṃ.
саммаасамб̣уд̣̇д̇хасса д̇з бадиж̇аанад̇од̇и ‘‘ахам̣ саммаасамб̣уд̣̇д̇хо, саб̣б̣з д̇хаммаа маяаа абхисамб̣уд̣̇д̇хаа’’д̇и звам̣ бадиж̇аанад̇о д̇ава. анабхисамб̣уд̣̇д̇хаад̇и имз наама д̇хаммаа д̇аяаа анабхисамб̣уд̣̇д̇хаа. д̇ад̇ра вад̇аад̇и д̇зсу ‘‘анабхисамб̣уд̣̇д̇хаа’’д̇и звам̣ д̣̇ассид̇ад̇хаммзсу. сахад̇хаммзнаад̇и сахзд̇унаа сагааран̣зна важанзна. нимид̇д̇амзд̇анд̇и зд̇т̇а буг̇г̇алоби д̇хаммоби нимид̇д̇анд̇и ад̇хиббзд̇о . д̇ам̣ буг̇г̇алам̣ на бассаами, яо мам̣ бадижод̣̇зссад̇и. д̇ам̣ д̇хаммам̣ на бассаами, яам̣ д̣̇ассзд̇ваа ‘‘аяам̣ наама д̇хаммо д̇аяаа анабхисамб̣уд̣̇д̇хо’’д̇и мам̣ бадижод̣̇зссад̇ийд̇и аяамзд̇т̇а ад̇т̇о. кзмаббад̇д̇од̇и кзмам̣ бад̇д̇о. сзсабад̣̇ад̣̇ваяам̣ имассзва взважанам̣. саб̣б̣амбзд̇ам̣ взсаараж̇ж̇ан̃аан̣амзва санд̇хааяа вуд̇д̇ам̣. д̣̇асаб̣аласса хи ‘‘аяам̣ наама д̇хаммо д̇аяаа анабхисамб̣уд̣̇д̇хо’’д̇и жод̣̇агам̣ буг̇г̇алам̣ ваа жод̣̇анаагааран̣ам̣ анабхисамб̣уд̣̇д̇хад̇хаммам̣ ваа абассад̇о ‘‘сабхааваб̣уд̣̇д̇хоязва вад̇а самаано ахам̣ б̣уд̣̇д̇хосмийд̇и вад̣̇аамий’’д̇и бажжавзгканд̇асса б̣алавад̇арам̣ соманассам̣ уббаж̇ж̇ад̇и, д̇зна самбаяуд̇д̇ам̣ н̃аан̣ам̣ взсаараж̇ж̇ам̣ наама. д̇ам̣ санд̇хааяа ‘‘кзмаббад̇д̇о’’д̇иаад̣̇имааха. звам̣ саб̣б̣ад̇т̇а ад̇т̇о взд̣̇ид̇аб̣б̣о.
Sammāsambuddhassa te paṭijānatoti ‘‘ahaṃ sammāsambuddho, sabbe dhammā mayā abhisambuddhā’’ti evaṃ paṭijānato tava. Anabhisambuddhāti ime nāma dhammā tayā anabhisambuddhā. Tatra vatāti tesu ‘‘anabhisambuddhā’’ti evaṃ dassitadhammesu. Sahadhammenāti sahetunā sakāraṇena vacanena. Nimittametanti ettha puggalopi dhammopi nimittanti adhippeto . Taṃ puggalaṃ na passāmi, yo maṃ paṭicodessati. Taṃ dhammaṃ na passāmi, yaṃ dassetvā ‘‘ayaṃ nāma dhammo tayā anabhisambuddho’’ti maṃ paṭicodessatīti ayamettha attho. Khemappattoti khemaṃ patto. Sesapadadvayaṃ imasseva vevacanaṃ. Sabbampetaṃ vesārajjañāṇameva sandhāya vuttaṃ. Dasabalassa hi ‘‘ayaṃ nāma dhammo tayā anabhisambuddho’’ti codakaṃ puggalaṃ vā codanākāraṇaṃ anabhisambuddhadhammaṃ vā apassato ‘‘sabhāvabuddhoyeva vata samāno ahaṃ buddhosmīti vadāmī’’ti paccavekkhantassa balavataraṃ somanassaṃ uppajjati, tena sampayuttaṃ ñāṇaṃ vesārajjaṃ nāma. Taṃ sandhāya ‘‘khemappatto’’tiādimāha. Evaṃ sabbattha attho veditabbo.
анд̇арааяигаа д̇хаммаад̇и зд̇т̇а бана анд̇арааяам̣ гаронд̇ийд̇и анд̇арааяигаа. д̇з ад̇т̇ад̇о сан̃жижжа вийд̇игганд̇аа сад̇д̇а аабад̇д̇игканд̇хаа. сан̃жижжа вийд̇игганд̇ам̣ хи анд̇амасо д̣̇уггадад̣̇уб̣бхаасид̇амби маг̇г̇апалаанам̣ анд̇арааяам̣ гарод̇и. ид̇ха бана мзт̇унад̇хаммо ад̇хиббзд̇о. мзт̇унам̣ сзвад̇о хи яасса гассажи ниссам̣саяамзва маг̇г̇апалаанам̣ анд̇арааяо ход̇и.
Antarāyikā dhammāti ettha pana antarāyaṃ karontīti antarāyikā. Te atthato sañcicca vītikkantā satta āpattikkhandhā. Sañcicca vītikkantaṃ hi antamaso dukkaṭadubbhāsitampi maggaphalānaṃ antarāyaṃ karoti. Idha pana methunadhammo adhippeto. Methunaṃ sevato hi yassa kassaci nissaṃsayameva maggaphalānaṃ antarāyo hoti.
яасса ко бана д̇з ад̇т̇ааяаад̇и рааг̇агкаяаад̣̇ийсу яасса ад̇т̇ааяа. д̇хаммо д̣̇зсид̇од̇и асубхабхааванаад̣̇ид̇хаммо гат̇ид̇о. д̇ад̇ра вад̇а манд̇и д̇асмим̣ анияяаанигад̇хаммз мам̣. сзсам̣ вуд̇д̇анаязнзва взд̣̇ид̇аб̣б̣ам̣.
Yassa kho pana te atthāyāti rāgakkhayādīsu yassa atthāya. Dhammo desitoti asubhabhāvanādidhammo kathito. Tatra vata manti tasmiṃ aniyyānikadhamme maṃ. Sesaṃ vuttanayeneva veditabbaṃ.
ваад̣̇абат̇аад̇и ваад̣̇ааязва. бут̇ууд̇и б̣ахуу. сид̇аад̇и убаниб̣ад̣̇д̇хаа абхисан̇кад̇аа. ат̇а ваа бут̇уссид̇аад̇и бут̇убхаавам̣ сид̇аа убаг̇ад̇аа, бут̇уухи ваа сид̇аад̇иби бут̇уссид̇аа. яам̣ ниссид̇аад̇и зд̇арахиби яам̣ ваад̣̇абат̇ам̣ ниссид̇аа. на д̇з бхаванд̇ийд̇и д̇з ваад̣̇абат̇аа на бхаванд̇и бхиж̇ж̇анд̇и винассанд̇и. д̇хаммажагганд̇и д̣̇зсанаан̃аан̣ассаби бадивзд̇хан̃аан̣ассаби зд̇ам̣ наамам̣. д̇зсу д̣̇зсанаан̃аан̣ам̣ логияам̣, бадивзд̇хан̃аан̣ам̣ логуд̇д̇арам̣. гзвалийд̇и сагалаг̇ун̣асаманнааг̇ад̇о. д̇аад̣̇исанд̇и д̇ат̇аавид̇хам̣.
Vādapathāti vādāyeva. Puthūti bahū. Sitāti upanibaddhā abhisaṅkhatā. Atha vā puthussitāti puthubhāvaṃ sitā upagatā, puthūhi vā sitātipi puthussitā. Yaṃ nissitāti etarahipi yaṃ vādapathaṃ nissitā. Na te bhavantīti te vādapathā na bhavanti bhijjanti vinassanti. Dhammacakkanti desanāñāṇassapi paṭivedhañāṇassapi etaṃ nāmaṃ. Tesu desanāñāṇaṃ lokiyaṃ, paṭivedhañāṇaṃ lokuttaraṃ. Kevalīti sakalaguṇasamannāgato. Tādisanti tathāvidhaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. взсаараж̇ж̇асуд̇д̇ам̣ • 8. Vesārajjasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8. взсаараж̇ж̇асуд̇д̇аван̣н̣анаа • 8. Vesārajjasuttavaṇṇanā
