| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
8. взсаараж̇ж̇асуд̇д̇аван̣н̣анаа
8. Vesārajjasuttavaṇṇanā
8. адтамз б̣яаамохавасзна саран̣абариязсанам̣ саараж̇ж̇анам̣ саарад̣̇о, б̣яаамохабхаяам̣. виг̇ад̇о саарад̣̇о зд̇ассаад̇и висаарад̣̇о, д̇асса бхааво взсаараж̇ж̇ам̣. д̇ам̣ бана н̃аан̣асамбад̣̇ам̣, бахаанасамбад̣̇ам̣, д̣̇зсанаависзсасамбад̣̇ам̣ кзман̃жа ниссааяа бавад̇д̇ам̣ жад̇уб̣б̣ид̇хабажжавзгкан̣ан̃аан̣ам̣. д̇знааха ‘‘жад̇уусу таанзсуу’’д̇иаад̣̇и. усабхасса ид̣̇анд̇и аасабхам̣, сздтадтаанам̣. саб̣б̣ан̃н̃уд̇абадиж̇аананавасзна абхимукам̣ г̇ажчанд̇и, адта ваа барисаа убасан̇гаманд̇ийд̇и аасабхаа, буб̣б̣аб̣уд̣̇д̇хаа. ид̣̇ам̣ банаад̇и б̣уд̣̇д̇хаанам̣ таанам̣ саб̣б̣ан̃н̃уд̇амзва вад̣̇ад̇и. д̇идтамаановаад̇и авад̣̇анд̇оби д̇идтамаанова бадиж̇аанаад̇и наамаад̇и ад̇т̇о. убаг̇ажчад̇ийд̇и ануж̇аанаад̇и.
8. Aṭṭhame byāmohavasena saraṇapariyesanaṃ sārajjanaṃ sārado, byāmohabhayaṃ. Vigato sārado etassāti visārado, tassa bhāvo vesārajjaṃ. Taṃ pana ñāṇasampadaṃ, pahānasampadaṃ, desanāvisesasampadaṃ khemañca nissāya pavattaṃ catubbidhapaccavekkhaṇañāṇaṃ. Tenāha ‘‘catūsu ṭhānesū’’tiādi. Usabhassa idanti āsabhaṃ, seṭṭhaṭṭhānaṃ. Sabbaññutapaṭijānanavasena abhimukhaṃ gacchanti, aṭṭha vā parisā upasaṅkamantīti āsabhā, pubbabuddhā. Idaṃ panāti buddhānaṃ ṭhānaṃ sabbaññutameva vadati. Tiṭṭhamānovāti avadantopi tiṭṭhamānova paṭijānāti nāmāti attho. Upagacchatīti anujānāti.
адтасу барисаасууд̇и ‘‘абхиж̇аанаами ко банаахам̣, саарибуд̇д̇а, анзгасад̇ам̣ кад̇д̇ияабарисам̣ убасан̇гамид̇аа…бз… б̣раахман̣абарисам̣ г̇ахабад̇ибарисам̣, саман̣абарисам̣, жаад̇умахаарааж̇игабарисам̣, д̇аавад̇им̣сабарисам̣, маарабарисам̣, б̣рахмабарисам̣ убасан̇гамид̇аа, д̇ад̇раби маяаа саннисиннабуб̣б̣ан̃жзва саллабид̇абуб̣б̣ан̃жа саагажчаа жа самаабаж̇ж̇ид̇абуб̣б̣аа. д̇ад̇ра вад̇а мам̣ ‘бхаяам̣ ваа саараж̇ж̇ам̣ ваа оггамиссад̇ий’д̇и нимид̇д̇амзд̇ам̣, саарибуд̇д̇а, на саманубассаамий’’д̇и (ма. ни. 1.151) звам̣ вуд̇д̇абарисаасу. абхийд̇анаад̣̇ам̣ над̣̇ад̇ийд̇и барад̇о д̣̇ассид̇ан̃аан̣аяог̇зна висаарад̣̇о аханд̇и абхийд̇анаад̣̇ам̣ над̣̇ад̇и. сийханаад̣̇асуд̇д̇знаад̇и канд̇хаваг̇г̇з ааг̇ад̇зна сийханаад̣̇асуд̇д̇зна.
Aṭṭhasu parisāsūti ‘‘abhijānāmi kho panāhaṃ, sāriputta, anekasataṃ khattiyaparisaṃ upasaṅkamitā…pe… brāhmaṇaparisaṃ gahapatiparisaṃ, samaṇaparisaṃ, cātumahārājikaparisaṃ, tāvatiṃsaparisaṃ, māraparisaṃ, brahmaparisaṃ upasaṅkamitā, tatrapi mayā sannisinnapubbañceva sallapitapubbañca sākacchā ca samāpajjitapubbā. Tatra vata maṃ ‘bhayaṃ vā sārajjaṃ vā okkamissatī’ti nimittametaṃ, sāriputta, na samanupassāmī’’ti (ma. ni. 1.151) evaṃ vuttaparisāsu. Abhītanādaṃ nadatīti parato dassitañāṇayogena visārado ahanti abhītanādaṃ nadati. Sīhanādasuttenāti khandhavagge āgatena sīhanādasuttena.
‘‘д̣̇звамануссаанам̣ жад̇ужаггам̣ вад̇д̇ад̇ий’’д̇и (а. ни. 4.31) суд̇д̇асзсзна саббурисуубаниссаяаад̣̇ипаласамбад̇д̇ибавад̇д̇и вуд̇д̇аа, буримасаббурисуубаниссаяаад̣̇иубаниссаяаа бажчимасаббурисуубаниссаяаад̣̇исамбад̇д̇ибавад̇д̇и ваа вуд̇д̇аа. аад̣̇и-сад̣̇д̣̇зна д̇ад̇т̇а жа жаггасад̣̇д̣̇асса г̇ахан̣ам̣ взд̣̇ид̇аб̣б̣ам̣. вижаггасан̣таанаа асани зва асанивижаггам̣. уражаггаад̣̇ийсууд̇и аад̣̇и-сад̣̇д̣̇зна аан̣аасамуухаад̣̇ийсуби жаггасад̣̇д̣̇асса бавад̇д̇и взд̣̇ид̇аб̣б̣аа. ‘‘сан̇гхабхзд̣̇ам̣ гариссаама жаггабхзд̣̇а’’нд̇иаад̣̇ийсу (баараа. 409; жуул̣ава. 343) хи аан̣аа ‘‘жагга’’нд̇и вуд̇д̇аа. ‘‘д̣̇зважаггам̣ асуражагга’’нд̇иаад̣̇ийсу самууход̇и.
‘‘Devamanussānaṃ catucakkaṃ vattatī’’ti (a. ni. 4.31) suttasesena sappurisūpanissayādiphalasampattipavatti vuttā, purimasappurisūpanissayādiupanissayā pacchimasappurisūpanissayādisampattipavatti vā vuttā. Ādi-saddena tattha ca cakkasaddassa gahaṇaṃ veditabbaṃ. Vicakkasaṇṭhānā asani eva asanivicakkaṃ. Uracakkādīsūti ādi-saddena āṇāsamūhādīsupi cakkasaddassa pavatti veditabbā. ‘‘Saṅghabhedaṃ karissāma cakkabheda’’ntiādīsu (pārā. 409; cūḷava. 343) hi āṇā ‘‘cakka’’nti vuttā. ‘‘Devacakkaṃ asuracakka’’ntiādīsu samūhoti.
бадивзд̇ханидтад̇д̇аа арахад̇д̇амаг̇г̇ан̃аан̣ам̣ бадивзд̇ход̇и ‘‘палагкан̣з уббаннам̣ наамаа’’д̇и вуд̇д̇ам̣. д̇зна бадилад̣̇д̇хассаби д̣̇зсанаан̃аан̣асса гижжанибпад̇д̇и барасса б̣уж̇жханамад̇д̇зна ход̇ийд̇и ‘‘ан̃н̃аасигон̣д̣ан̃н̃асса сод̇аабад̇д̇и…бз… палагкан̣з бавад̇д̇ам̣ наамаа’’д̇и вуд̇д̇ам̣. д̇ад̇о барам̣ бана яаава бариниб̣б̣аанаа д̣̇зсанаан̃аан̣аббавад̇д̇и д̇ассзва бавад̇д̇ид̇асса д̇хаммажаггасса таананд̇и взд̣̇ид̇аб̣б̣ам̣.
Paṭivedhaniṭṭhattā arahattamaggañāṇaṃ paṭivedhoti ‘‘phalakkhaṇe uppannaṃ nāmā’’ti vuttaṃ. Tena paṭiladdhassapi desanāñāṇassa kiccanipphatti parassa bujjhanamattena hotīti ‘‘aññāsikoṇḍaññassa sotāpatti…pe… phalakkhaṇe pavattaṃ nāmā’’ti vuttaṃ. Tato paraṃ pana yāva parinibbānā desanāñāṇappavatti tasseva pavattitassa dhammacakkassa ṭhānanti veditabbaṃ.
д̣̇ассид̇ад̇хаммзсууд̇и вуд̇д̇ад̇хаммзсу. важанамад̇д̇амзва хи д̇зсам̣, на бана д̣̇ассанам̣ д̇аад̣̇исассзва д̇хаммасса абхаавад̇о. бхаг̇авад̇о зва ваа ‘‘имз д̇хаммаа анабхисамб̣уд̣̇д̇хо’’д̇и барасса важанавасзна д̣̇ассид̇ад̇хаммзсу. ‘‘д̇хаммабадисамбхид̣̇аа’’д̇иаад̣̇ийсу (вибха. 718-721) вияа д̇хамма-сад̣̇д̣̇о хзд̇убарияааяод̇и ааха ‘‘сахад̇хаммзнаад̇и сахзд̇унаа’’д̇и. хзд̇ууд̇и жа убабад̇д̇исаад̇ханахзд̇у взд̣̇ид̇аб̣б̣о, на гаараго, самбаабаго ваа. нимид̇д̇анд̇и жод̣̇анааяа гааран̣ам̣. д̇ад̇т̇а жод̣̇аго жод̣̇анам̣ гарод̇ийд̇и гааран̣ам̣, д̇хаммо жод̣̇анам̣ гарод̇и зд̇знаад̇и гааран̣ам̣. д̇знааха ‘‘буг̇г̇алобий’’д̇иаад̣̇и. кзманд̇и гзнажи аббадиб̣аахияабхаавзна анубад̣̇д̣̇уд̇ам̣.
Dassitadhammesūti vuttadhammesu. Vacanamattameva hi tesaṃ, na pana dassanaṃ tādisasseva dhammassa abhāvato. Bhagavato eva vā ‘‘ime dhammā anabhisambuddho’’ti parassa vacanavasena dassitadhammesu. ‘‘Dhammapaṭisambhidā’’tiādīsu (vibha. 718-721) viya dhamma-saddo hetupariyāyoti āha ‘‘sahadhammenāti sahetunā’’ti. Hetūti ca upapattisādhanahetu veditabbo, na kārako, sampāpako vā. Nimittanti codanāya kāraṇaṃ. Tattha codako codanaṃ karotīti kāraṇaṃ, dhammo codanaṃ karoti etenāti kāraṇaṃ. Tenāha ‘‘puggalopī’’tiādi. Khemanti kenaci appaṭibāhiyabhāvena anupaddutaṃ.
анд̇арааяо зд̇зсам̣ ад̇т̇и, анд̇арааяз ваа нияуд̇д̇аад̇и анд̇арааяигаа. звам̣бхууд̇аа бана д̇з яасмаа анд̇арааяагараа наама хонд̇и, д̇асмаа ааха ‘‘анд̇арааяам̣ гаронд̇ийд̇и анд̇арааяигаа’’д̇и. асан̃жижжа вийд̇иггамз наад̇исааваж̇ж̇аад̇и гад̇ваа вуд̇д̇ам̣ ‘‘сан̃жижжа вийд̇игганд̇аа’’д̇и. сад̇д̇а аабад̇д̇игканд̇хаад̇иаад̣̇и нид̣̇ассанамад̇д̇ам̣ ид̇арзсамби жад̇уннам̣ ‘‘анд̇арааяигаа’’д̇и вуд̇д̇ад̇хаммаанам̣ д̇аб̣бхаавз б̣яабхижаараабхаавад̇о. ид̇ха бана мзт̇унад̇хаммо ад̇хиббзд̇од̇и ид̣̇ам̣ адтуббад̇д̇ивасзна вуд̇д̇ам̣ аридтасигкаабад̣̇ам̣ (баажи. 417) вияа. яасмаа д̇ам̣кан̣амби гаамаанам̣ аад̣̇ийнавам̣ д̣̇исваа вирад̇о ход̇и жз, висзсам̣ ад̇хиг̇ажчад̇и, на гаамзсу аасад̇д̇о, д̇асмаа вуд̇д̇ам̣ ‘‘мзт̇уна…бз…анд̇арааяо ход̇ий’’д̇и. д̇ад̇т̇а яасса гассажийд̇и на гзвалам̣ баб̣б̣аж̇ид̇ассзва, ат̇а ко яасса гассажи. д̇ат̇аа хи вуд̇д̇ам̣ ‘‘мзт̇унамануяуд̇д̇асса, муссад̇звааби саасана’’нд̇и (су. ни. 820).
Antarāyo etesaṃ atthi, antarāye vā niyuttāti antarāyikā. Evaṃbhūtā pana te yasmā antarāyakarā nāma honti, tasmā āha ‘‘antarāyaṃ karontīti antarāyikā’’ti. Asañcicca vītikkame nātisāvajjāti katvā vuttaṃ ‘‘sañcicca vītikkantā’’ti. Satta āpattikkhandhātiādi nidassanamattaṃ itaresampi catunnaṃ ‘‘antarāyikā’’ti vuttadhammānaṃ tabbhāve byabhicārābhāvato. Idha pana methunadhammo adhippetoti idaṃ aṭṭhuppattivasena vuttaṃ ariṭṭhasikkhāpadaṃ (pāci. 417) viya. Yasmā taṃkhaṇampi kāmānaṃ ādīnavaṃ disvā virato hoti ce, visesaṃ adhigacchati, na kāmesu āsatto, tasmā vuttaṃ ‘‘methuna…pe…antarāyo hotī’’ti. Tattha yassa kassacīti na kevalaṃ pabbajitasseva, atha kho yassa kassaci. Tathā hi vuttaṃ ‘‘methunamanuyuttassa, mussatevāpi sāsana’’nti (su. ni. 820).
д̇асмим̣ анияяаанигад̇хаммзд̇и д̇асмим̣ барзхи баригаббид̇аанияяаанигад̇хамманимид̇д̇ам̣. нимид̇д̇ад̇т̇з хи ид̣̇ам̣ гаммасам̣яог̇з бхуммам̣.
Tasmiṃ aniyyānikadhammeti tasmiṃ parehi parikappitaaniyyānikadhammanimittaṃ. Nimittatthe hi idaṃ kammasaṃyoge bhummaṃ.
убаниб̣ад̣̇д̇хаад̇и виражид̇аа. д̇знааха ‘‘абхисан̇кад̇аа’’д̇и. бут̇убхааванд̇и б̣ахубхаавам̣. бут̇уухи ваа сид̇аад̇и б̣ахуухи саман̣аб̣раахман̣зхи сид̇аа убаниб̣ад̣̇д̇хаа.
Upanibaddhāti viracitā. Tenāha ‘‘abhisaṅkhatā’’ti. Puthubhāvanti bahubhāvaṃ. Puthūhi vā sitāti bahūhi samaṇabrāhmaṇehi sitā upanibaddhā.
взсаараж̇ж̇асуд̇д̇аван̣н̣анаа нидтид̇аа.
Vesārajjasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. взсаараж̇ж̇асуд̇д̇ам̣ • 8. Vesārajjasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. взсаараж̇ж̇асуд̇д̇аван̣н̣анаа • 8. Vesārajjasuttavaṇṇanā
