| Library / Tipiṭaka / д̇ибидага • Tipiṭaka / б̣уд̣̇д̇хавам̣сабаал̣и • Buddhavaṃsapāḷi |
23. взссабхууб̣уд̣̇д̇хавам̣со
23. Vessabhūbuddhavaṃso
1.
1.
д̇ад̇т̇зва ман̣д̣агаббамхи, асамо аббадибуг̇г̇ало;
Tattheva maṇḍakappamhi, asamo appaṭipuggalo;
2.
2.
аад̣̇ид̇д̇ам̣ вад̇а рааг̇аг̇г̇и, д̇ан̣хаанам̣ виж̇ид̇ам̣ д̇ад̣̇аа;
Ādittaṃ vata rāgaggi, taṇhānaṃ vijitaṃ tadā;
нааг̇ова б̣анд̇ханам̣ чзд̇ваа, бад̇д̇о самб̣од̇химуд̇д̇амам̣.
Nāgova bandhanaṃ chetvā, patto sambodhimuttamaṃ.
3.
3.
д̇хаммажаггам̣ бавад̇д̇знд̇з, взссабхуулоганааяагз;
Dhammacakkaṃ pavattente, vessabhūlokanāyake;
асийд̇игодисахассаанам̣, батамаабхисамаяо аху.
Asītikoṭisahassānaṃ, paṭhamābhisamayo ahu.
4.
4.
багганд̇з жааригам̣ радтз, логаж̇здтз нараасабхз;
Pakkante cārikaṃ raṭṭhe, lokajeṭṭhe narāsabhe;
сад̇д̇ад̇игодисахассаанам̣, д̣̇уд̇ияаабхисамаяо аху.
Sattatikoṭisahassānaṃ, dutiyābhisamayo ahu.
5.
5.
махаад̣̇идтим̣ винод̣̇знд̇о, баадихзрам̣ гарод̇и со;
Mahādiṭṭhiṃ vinodento, pāṭiheraṃ karoti so;
самааг̇ад̇аа нарамаруу, д̣̇асасахассий сад̣̇звагз.
Samāgatā naramarū, dasasahassī sadevake.
6.
6.
махааажчарияам̣ д̣̇исваа, аб̣бхуд̇ам̣ ломахам̣санам̣;
Mahāacchariyaṃ disvā, abbhutaṃ lomahaṃsanaṃ;
д̣̇зваа жзва мануссаа жа, б̣уж̇жхарз садтигодияо.
Devā ceva manussā ca, bujjhare saṭṭhikoṭiyo.
7.
7.
саннибаад̇аа д̇аяо аасум̣, взссабхусса махзсино;
Sannipātā tayo āsuṃ, vessabhussa mahesino;
кийн̣аасаваанам̣ вималаанам̣, санд̇ажид̇д̇аана д̇аад̣̇инам̣.
Khīṇāsavānaṃ vimalānaṃ, santacittāna tādinaṃ.
8.
8.
асийд̇ибхигкусахассаанам̣, батамо ааси самааг̇амо;
Asītibhikkhusahassānaṃ, paṭhamo āsi samāgamo;
сад̇д̇ад̇ибхигкусахассаанам̣, д̣̇уд̇ияо ааси самааг̇амо.
Sattatibhikkhusahassānaṃ, dutiyo āsi samāgamo.
9.
9.
садтибхигкусахассаанам̣ , д̇ад̇ияо ааси самааг̇амо;
Saṭṭhibhikkhusahassānaṃ , tatiyo āsi samāgamo;
ж̇араад̣̇ибхаяабхийд̇аанам̣, орасаанам̣ махзсино.
Jarādibhayabhītānaṃ, orasānaṃ mahesino.
10.
10.
ахам̣ д̇зна самаязна, суд̣̇ассано наама кад̇д̇ияо;
Ahaṃ tena samayena, sudassano nāma khattiyo;
ниманд̇зд̇ваа махаавийрам̣, д̣̇аанам̣ д̣̇ад̇ваа махаарахам̣;
Nimantetvā mahāvīraṃ, dānaṃ datvā mahārahaṃ;
аннабаанзна вад̇т̇зна, сасан̇гхам̣ ж̇ина бууж̇аяим̣.
Annapānena vatthena, sasaṅghaṃ jina pūjayiṃ.
11.
11.
д̇асса б̣уд̣̇д̇хасса асамасса, жаггам̣ вад̇д̇ид̇амуд̇д̇амам̣;
Tassa buddhassa asamassa, cakkaṃ vattitamuttamaṃ;
суд̇ваана бан̣ид̇ам̣ д̇хаммам̣, баб̣б̣аж̇ж̇амабхирожаяим̣.
Sutvāna paṇitaṃ dhammaṃ, pabbajjamabhirocayiṃ.
12.
12.
махаад̣̇аанам̣ бавад̇д̇зд̇ваа, рад̇д̇инд̣̇ивамад̇анд̣̇ид̇о;
Mahādānaṃ pavattetvā, rattindivamatandito;
баб̣б̣аж̇ж̇ам̣ г̇ун̣асамбаннам̣, баб̣б̣аж̇им̣ ж̇инасанд̇игз.
Pabbajjaṃ guṇasampannaṃ, pabbajiṃ jinasantike.
13.
13.
аажаараг̇ун̣асамбанно, вад̇д̇асийласамаахид̇о;
Ācāraguṇasampanno, vattasīlasamāhito;
саб̣б̣ан̃н̃уд̇ам̣ г̇авзсанд̇о, рамаами ж̇инасаасанз.
Sabbaññutaṃ gavesanto, ramāmi jinasāsane.
14.
14.
сад̣̇д̇хаабийд̇им̣ убаг̇анд̇ваа, б̣уд̣̇д̇хам̣ ванд̣̇аами сад̇т̇арам̣;
Saddhāpītiṃ upagantvā, buddhaṃ vandāmi sattharaṃ;
бийд̇и уббаж̇ж̇ад̇и маяхам̣, б̣од̇хияааязва гааран̣аа.
Pīti uppajjati mayhaṃ, bodhiyāyeva kāraṇā.
15.
15.
анивад̇д̇амаанасам̣ н̃ад̇ваа, самб̣уд̣̇д̇хо зд̇ад̣̇аб̣рави;
Anivattamānasaṃ ñatvā, sambuddho etadabravi;
‘‘згад̇им̣сз ид̇о габбз, аяам̣ б̣уд̣̇д̇хо бхависсад̇и.
‘‘Ekatiṃse ito kappe, ayaṃ buddho bhavissati.
16.
16.
‘‘аху габилавхаяаа раммаа…бз… хзссаама саммукаа имам̣’’.
‘‘Ahu kapilavhayā rammā…pe… hessāma sammukhā imaṃ’’.
17.
17.
д̇ассаахам̣ важанам̣ суд̇ваа, бхияяо жид̇д̇ам̣ басаад̣̇аяим̣;
Tassāhaṃ vacanaṃ sutvā, bhiyyo cittaṃ pasādayiṃ;
уд̇д̇арим̣ вад̇амад̇хидтаасим̣, д̣̇асабаарамибуурияаа.
Uttariṃ vatamadhiṭṭhāsiṃ, dasapāramipūriyā.
18.
18.
аномам̣ наама наг̇арам̣, суббад̇ийд̇о наама кад̇д̇ияо;
Anomaṃ nāma nagaraṃ, suppatīto nāma khattiyo;
маад̇аа яасавад̇ий наама, взссабхусса махзсино.
Mātā yasavatī nāma, vessabhussa mahesino.
19.
19.
ча жа вассасахассаани, аг̇аарам̣ аж̇жха со васи;
Cha ca vassasahassāni, agāraṃ ajjha so vasi;
ружи суружи рад̇ивад̣дхано, д̇аяо баасаад̣̇амуд̇д̇амаа.
Ruci suruci rativaḍḍhano, tayo pāsādamuttamā.
20.
20.
ануунад̇им̣сасахассаани, наарияо самалан̇гад̇аа;
Anūnatiṃsasahassāni, nāriyo samalaṅkatā;
сужид̇д̇аа наама саа наарий, суббаб̣уд̣̇д̇хо наама ад̇раж̇о.
Sucittā nāma sā nārī, suppabuddho nāma atrajo.
21.
21.
нимид̇д̇з жад̇уро д̣̇исваа, сивигааяаабхинигками;
Nimitte caturo disvā, sivikāyābhinikkhami;
чамаасам̣ бад̇хаанажаарам̣, ажарий бурисуд̇д̇амо.
Chamāsaṃ padhānacāraṃ, acarī purisuttamo.
22.
22.
б̣рахмунаа яаажид̇о санд̇о, взссабхуулоганааяаго;
Brahmunā yācito santo, vessabhūlokanāyako;
вад̇д̇и жаггам̣ махаавийро, арун̣аараамз наруд̇д̇амо.
Vatti cakkaṃ mahāvīro, aruṇārāme naruttamo.
23.
23.
сон̣о жа уд̇д̇аро жзва, ахзсум̣ аг̇г̇асаавагаа;
Soṇo ca uttaro ceva, ahesuṃ aggasāvakā;
убасанд̇о наамубадтааго, взссабхусса махзсино.
Upasanto nāmupaṭṭhāko, vessabhussa mahesino.
24.
24.
б̣од̇хи д̇асса бхаг̇авад̇о, махаасаалод̇и вужжад̇и.
Bodhi tassa bhagavato, mahāsāloti vuccati.
25.
25.
сод̇т̇иго жзва рамбхо жа, ахзсум̣ аг̇г̇убадтагаа;
Sotthiko ceva rambho ca, ahesuṃ aggupaṭṭhakā;
г̇од̇амий сиримаа жзва, ахзсум̣ аг̇г̇убадтигаа.
Gotamī sirimā ceva, ahesuṃ aggupaṭṭhikā.
26.
26.
садтирад̇анамуб̣б̣зд̇хо, хзмаяуубасамуубамо;
Saṭṭhiratanamubbedho, hemayūpasamūpamo;
гааяаа нижчарад̇и расми, рад̇д̇им̣ва баб̣б̣ад̇з сикий.
Kāyā niccharati rasmi, rattiṃva pabbate sikhī.
27.
27.
садтивассасахассаани, ааяу д̇асса махзсино;
Saṭṭhivassasahassāni, āyu tassa mahesino;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
28.
28.
д̇хаммам̣ вид̇т̇ааригам̣ гад̇ваа, вибхаж̇ид̇ваа махааж̇анам̣;
Dhammaṃ vitthārikaṃ katvā, vibhajitvā mahājanaṃ;
д̇хамманаавам̣ табзд̇ваана, ниб̣б̣уд̇о со сасааваго.
Dhammanāvaṃ ṭhapetvāna, nibbuto so sasāvako.
29.
29.
д̣̇ассанзяяам̣ саб̣б̣аж̇анам̣, вихаарам̣ ирияаабат̇ам̣;
Dassaneyyaṃ sabbajanaṃ, vihāraṃ iriyāpathaṃ;
саб̣б̣ам̣ д̇аманд̇арахид̇ам̣, нану рид̇д̇аа саб̣б̣асан̇каараа.
Sabbaṃ tamantarahitaṃ, nanu rittā sabbasaṅkhārā.
30.
30.
взссабхуу ж̇инаваро сад̇т̇аа, кзмаараамамхи ниб̣б̣уд̇о;
Vessabhū jinavaro satthā, khemārāmamhi nibbuto;
д̇хаад̇увид̇т̇ааригам̣ ааси, д̇зсу д̇зсу бад̣̇зсад̇од̇и.
Dhātuvitthārikaṃ āsi, tesu tesu padesatoti.
взссабхусса бхаг̇авад̇о вам̣со згавийсад̇имо.
Vessabhussa bhagavato vaṃso ekavīsatimo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / б̣уд̣̇д̇хавам̣са-адтагат̇аа • Buddhavaṃsa-aṭṭhakathā / 23. взссабхууб̣уд̣̇д̇хавам̣саван̣н̣анаа • 23. Vessabhūbuddhavaṃsavaṇṇanā
