| Library / Tipiṭaka / д̇ибидага • Tipiṭaka / жарияаабидагабаал̣и • Cariyāpiṭakapāḷi |
9. взссанд̇аражарияаа
9. Vessantaracariyā
67.
67.
‘‘яаа мз ахоси ж̇анигаа, пуссад̇ий 1 наама кад̇д̇ияаа;
‘‘Yā me ahosi janikā, phussatī 2 nāma khattiyā;
саа ад̇ийд̇аасу ж̇аад̇ийсу, саггасса махзсий бияаа.
Sā atītāsu jātīsu, sakkassa mahesī piyā.
68.
68.
‘‘д̇ассаа ааяугкаяам̣ н̃ад̇ваа, д̣̇звинд̣̇о зд̇ад̣̇аб̣рави;
‘‘Tassā āyukkhayaṃ ñatvā, devindo etadabravi;
‘д̣̇ад̣̇аами д̇з д̣̇аса варз, варабхад̣̇д̣̇з яад̣̇ижчаси’.
‘Dadāmi te dasa vare, varabhadde yadicchasi’.
69.
69.
‘‘звам̣ вуд̇д̇аа жа саа д̣̇звий, саггам̣ бунид̣̇амаб̣рави;
‘‘Evaṃ vuttā ca sā devī, sakkaṃ punidamabravi;
‘гим̣ ну мз абараад̇хад̇т̇и, гим̣ ну д̣̇зссаа ахам̣ д̇ава;
‘Kiṃ nu me aparādhatthi, kiṃ nu dessā ahaṃ tava;
раммаа жаавзси мам̣ таанаа, ваад̇ова д̇харан̣ийрухам̣’.
Rammā cāvesi maṃ ṭhānā, vātova dharaṇīruhaṃ’.
70.
70.
‘‘звам̣ вуд̇д̇о жа со сагго, буна д̇ассид̣̇амаб̣рави;
‘‘Evaṃ vutto ca so sakko, puna tassidamabravi;
‘на жзва д̇з гад̇ам̣ баабам̣, на жа мз д̇вам̣си аббияаа.
‘Na ceva te kataṃ pāpaṃ, na ca me tvaṃsi appiyā.
71.
71.
‘‘‘зд̇д̇агам̣язва д̇з ааяу, жаванагаало бхависсад̇и;
‘‘‘Ettakaṃyeva te āyu, cavanakālo bhavissati;
бадиг̇г̇ан̣ха маяаа д̣̇иннз, варз д̣̇аса варуд̇д̇амз’.
Paṭiggaṇha mayā dinne, vare dasa varuttame’.
72.
72.
‘‘саггзна саа д̣̇иннавараа, д̇удтахадтаа бамод̣̇ид̇аа;
‘‘Sakkena sā dinnavarā, tuṭṭhahaṭṭhā pamoditā;
мамам̣ аб̣бханд̇арам̣ гад̇ваа, пуссад̇ий д̣̇аса варз варий.
Mamaṃ abbhantaraṃ katvā, phussatī dasa vare varī.
73.
73.
‘‘д̇ад̇о жуд̇аа саа пуссад̇ий, кад̇д̇ияз убабаж̇ж̇ат̇а;
‘‘Tato cutā sā phussatī, khattiye upapajjatha;
ж̇зд̇уд̇д̇арамхи наг̇арз, сан̃ж̇аязна самааг̇ами.
Jetuttaramhi nagare, sañjayena samāgami.
74.
74.
‘‘яад̣̇аахам̣ пуссад̇ияаа гужчим̣, огганд̇о бияамаад̇уяаа;
‘‘Yadāhaṃ phussatiyā kucchiṃ, okkanto piyamātuyā;
мама д̇зж̇зна мз маад̇аа, сад̣̇аа д̣̇аанарад̇аа аху.
Mama tejena me mātā, sadā dānaratā ahu.
75.
75.
‘‘ад̇ханз аад̇урз ж̇ин̣н̣з, яаажагз ад̣̇д̇хигз 3 ж̇анз;
‘‘Adhane āture jiṇṇe, yācake addhike 4 jane;
саман̣з б̣раахман̣з кийн̣з, д̣̇зд̇и д̣̇аанам̣ агин̃жанз.
Samaṇe brāhmaṇe khīṇe, deti dānaṃ akiñcane.
76.
76.
‘‘д̣̇аса маасз д̇хаараяид̇ваана, гаронд̇з бурам̣ бад̣̇агкин̣ам̣;
‘‘Dasa māse dhārayitvāna, karonte puraṃ padakkhiṇaṃ;
взссаанам̣ вийт̇ияаа маж̇жхз, ж̇анзси пуссад̇ий мамам̣.
Vessānaṃ vīthiyā majjhe, janesi phussatī mamaṃ.
77.
77.
‘‘на маяхам̣ мад̇д̇игам̣ наамам̣, наби бзд̇д̇игасамбхавам̣;
‘‘Na mayhaṃ mattikaṃ nāmaṃ, napi pettikasambhavaṃ;
ж̇аад̇зд̇т̇а взссавийт̇ияаа, д̇асмаа взссанд̇аро аху.
Jātettha vessavīthiyā, tasmā vessantaro ahu.
78.
78.
‘‘яад̣̇аахам̣ д̣̇аараго хоми, ж̇аад̇ияаа адтавассиго;
‘‘Yadāhaṃ dārako homi, jātiyā aṭṭhavassiko;
д̇ад̣̇аа нисаж̇ж̇а баасаад̣̇з, д̣̇аанам̣ д̣̇аад̇ум̣ вижинд̇аяим̣.
Tadā nisajja pāsāde, dānaṃ dātuṃ vicintayiṃ.
79.
79.
‘‘‘хад̣̇аяам̣ д̣̇ад̣̇зяяам̣ жагкум̣, мам̣самби руд̇хирамби жа;
‘‘‘Hadayaṃ dadeyyaṃ cakkhuṃ, maṃsampi rudhirampi ca;
д̣̇ад̣̇зяяам̣ гааяам̣ саавзд̇ваа, яад̣̇и гожи яаажаяз мамам̣’.
Dadeyyaṃ kāyaṃ sāvetvā, yadi koci yācaye mamaṃ’.
80.
80.
‘‘сабхаавам̣ жинд̇аяанд̇асса, агамбид̇амасан̣тид̇ам̣;
‘‘Sabhāvaṃ cintayantassa, akampitamasaṇṭhitaṃ;
агамби д̇ад̇т̇а бат̇авий, синзруванавадам̣сагаа.
Akampi tattha pathavī, sineruvanavaṭaṃsakā.
81.
81.
‘‘анвад̣̇д̇хамаасз баннарасз, бун̣н̣амаасз убосат̇з;
‘‘Anvaddhamāse pannarase, puṇṇamāse uposathe;
бажжаяам̣ нааг̇амааруяха, д̣̇аанам̣ д̣̇аад̇ум̣ убааг̇амим̣.
Paccayaṃ nāgamāruyha, dānaṃ dātuṃ upāgamiṃ.
82.
82.
‘‘галин̇г̇арадтависаяаа , б̣раахман̣аа убаг̇ан̃чу мам̣;
‘‘Kaliṅgaraṭṭhavisayā , brāhmaṇā upagañchu maṃ;
аяаажум̣ мам̣ хад̇т̇инааг̇ам̣, д̇хан̃н̃ам̣ ман̇г̇аласаммад̇ам̣.
Ayācuṃ maṃ hatthināgaṃ, dhaññaṃ maṅgalasammataṃ.
83.
83.
‘‘авудтиго ж̇анабад̣̇о, д̣̇уб̣бхигко чаад̇аго махаа;
‘‘Avuṭṭhiko janapado, dubbhikkho chātako mahā;
д̣̇ад̣̇аахи баварам̣ нааг̇ам̣, саб̣б̣асзд̇ам̣ г̇аж̇уд̇д̇амам̣.
Dadāhi pavaraṃ nāgaṃ, sabbasetaṃ gajuttamaṃ.
84.
84.
‘‘д̣̇ад̣̇аами на вигамбаами, яам̣ мам̣ яаажанд̇и б̣раахман̣аа;
‘‘Dadāmi na vikampāmi, yaṃ maṃ yācanti brāhmaṇā;
85.
85.
‘‘на мз яаажагамануббад̇д̇з, бадигкзбо анужчаво;
‘‘Na me yācakamanuppatte, paṭikkhepo anucchavo;
‘маа мз бхиж̇ж̇и самаад̣̇аанам̣, д̣̇ассаами вибулам̣ г̇аж̇ам̣’.
‘Mā me bhijji samādānaṃ, dassāmi vipulaṃ gajaṃ’.
86.
86.
‘‘нааг̇ам̣ г̇ахзд̇ваа сон̣д̣ааяа, бхин̇г̇аарз рад̇анаамаяз;
‘‘Nāgaṃ gahetvā soṇḍāya, bhiṅgāre ratanāmaye;
ж̇алам̣ хад̇т̇з аагирид̇ваа, б̣раахман̣аанам̣ ад̣̇ам̣ г̇аж̇ам̣.
Jalaṃ hatthe ākiritvā, brāhmaṇānaṃ adaṃ gajaṃ.
87.
87.
‘‘бунаабарам̣ д̣̇ад̣̇анд̇асса, саб̣б̣асзд̇ам̣ г̇аж̇уд̇д̇амам̣;
‘‘Punāparaṃ dadantassa, sabbasetaṃ gajuttamaṃ;
д̇ад̣̇ааби бат̇авий гамби, синзруванавадам̣сагаа.
Tadāpi pathavī kampi, sineruvanavaṭaṃsakā.
88.
88.
‘‘д̇асса нааг̇асса д̣̇аанзна, сиваяо гуд̣̇д̇хаа самааг̇ад̇аа;
‘‘Tassa nāgassa dānena, sivayo kuddhā samāgatā;
баб̣б̣ааж̇зсум̣ сагаа радтаа, ‘ван̇гам̣ г̇ажчад̇у баб̣б̣ад̇ам̣’.
Pabbājesuṃ sakā raṭṭhā, ‘vaṅkaṃ gacchatu pabbataṃ’.
89.
89.
‘‘д̇зсам̣ нижчубхамаанаанам̣, агамбид̇т̇амасан̣тид̇ам̣;
‘‘Tesaṃ nicchubhamānānaṃ, akampitthamasaṇṭhitaṃ;
махаад̣̇аанам̣ бавад̇д̇зд̇ум̣, згам̣ варамаяаажисам̣.
Mahādānaṃ pavattetuṃ, ekaṃ varamayācisaṃ.
90.
90.
‘‘яаажид̇аа сиваяо саб̣б̣з, згам̣ варамад̣̇ам̣су мз;
‘‘Yācitā sivayo sabbe, ekaṃ varamadaṃsu me;
сааваяид̇ваа ган̣н̣абхзрим̣, махаад̣̇аанам̣ д̣̇ад̣̇аамахам̣.
Sāvayitvā kaṇṇabheriṃ, mahādānaṃ dadāmahaṃ.
91.
91.
‘‘ат̇зд̇т̇а вад̇д̇ад̇ий сад̣̇д̣̇о, д̇умуло бхзраво махаа;
‘‘Athettha vattatī saddo, tumulo bheravo mahā;
д̣̇аанзнимам̣ нийхаранд̇и, буна д̣̇аанам̣ д̣̇ад̣̇аад̇аяам̣.
Dānenimaṃ nīharanti, puna dānaṃ dadātayaṃ.
92.
92.
‘‘хад̇т̇им̣ ассз рат̇з д̣̇ад̇ваа, д̣̇аасим̣ д̣̇аасам̣ г̇авам̣ д̇ханам̣;
‘‘Hatthiṃ asse rathe datvā, dāsiṃ dāsaṃ gavaṃ dhanaṃ;
махаад̣̇аанам̣ д̣̇ад̣̇ид̇ваана, наг̇араа нигкамим̣ д̇ад̣̇аа.
Mahādānaṃ daditvāna, nagarā nikkhamiṃ tadā.
93.
93.
‘‘нигкамид̇ваана наг̇араа, нивад̇д̇ид̇ваа вилогид̇з;
‘‘Nikkhamitvāna nagarā, nivattitvā vilokite;
д̇ад̣̇ааби бат̇авий гамби, синзруванавадам̣сагаа.
Tadāpi pathavī kampi, sineruvanavaṭaṃsakā.
94.
94.
‘‘жад̇уваахим̣ рат̇ам̣ д̣̇ад̇ваа, тад̇ваа жаад̇уммахаабат̇з;
‘‘Catuvāhiṃ rathaṃ datvā, ṭhatvā cātummahāpathe;
згаагияо ад̣̇уд̇ияо, мад̣̇д̣̇ид̣̇звим̣ ид̣̇амаб̣равим̣.
Ekākiyo adutiyo, maddideviṃ idamabraviṃ.
95.
95.
‘‘‘д̇вам̣ мад̣̇д̣̇и ган̣хам̣ г̇ан̣хаахи, лахугаа зсаа ганидтигаа;
‘‘‘Tvaṃ maddi kaṇhaṃ gaṇhāhi, lahukā esā kaniṭṭhikā;
ахам̣ ж̇аалим̣ г̇ахзссаами, г̇аруго бхаад̇иго хи со’.
Ahaṃ jāliṃ gahessāmi, garuko bhātiko hi so’.
96.
96.
‘‘бад̣̇умам̣ бун̣д̣арийгам̣ва, мад̣̇д̣̇ий ган̣хааж̇инаг̇г̇ахий;
‘‘Padumaṃ puṇḍarīkaṃva, maddī kaṇhājinaggahī;
ахам̣ суван̣н̣аб̣имб̣ам̣ва, ж̇аалим̣ кад̇д̇ияамаг̇г̇ахим̣.
Ahaṃ suvaṇṇabimbaṃva, jāliṃ khattiyamaggahiṃ.
97.
97.
‘‘абхиж̇аад̇аа сукумаалаа, кад̇д̇ияаа жад̇уро ж̇анаа;
‘‘Abhijātā sukhumālā, khattiyā caturo janā;
висамам̣ самам̣ аггаманд̇аа, ван̇гам̣ г̇ажчаама баб̣б̣ад̇ам̣.
Visamaṃ samaṃ akkamantā, vaṅkaṃ gacchāma pabbataṃ.
98.
98.
‘‘яз гзжи мануж̇аа знд̇и, анумаг̇г̇з бадиббат̇з;
‘‘Ye keci manujā enti, anumagge paṭippathe;
маг̇г̇анд̇з бадибужчаама, ‘гухим̣ ван̇ганд̇а 7 баб̣б̣ад̇о’.
Maggante paṭipucchāma, ‘kuhiṃ vaṅkanta 8 pabbato’.
99.
99.
‘‘д̇з д̇ад̇т̇а амхз бассид̇ваа, гарун̣ам̣ г̇ирамуд̣̇ийраяум̣;
‘‘Te tattha amhe passitvā, karuṇaṃ giramudīrayuṃ;
д̣̇угкам̣ д̇з бадивзд̣̇знд̇и, д̣̇уурз ван̇ганд̇абаб̣б̣ад̇о.
Dukkhaṃ te paṭivedenti, dūre vaṅkantapabbato.
100.
100.
‘‘яад̣̇и бассанд̇и баванз, д̣̇аарагаа палинз д̣̇умз;
‘‘Yadi passanti pavane, dārakā phaline dume;
д̇зсам̣ палаанам̣ хзд̇умхи, убарод̣̇анд̇и д̣̇аарагаа.
Tesaṃ phalānaṃ hetumhi, uparodanti dārakā.
101.
101.
‘‘род̣̇анд̇з д̣̇аарагз д̣̇исваа, уб̣б̣ид̣̇д̇хаа 9 вибулаа д̣̇умаа;
‘‘Rodante dārake disvā, ubbiddhā 10 vipulā dumā;
саяамзвон̣амид̇ваана, убаг̇ажчанд̇и д̣̇аарагз.
Sayamevoṇamitvāna, upagacchanti dārake.
102.
102.
‘‘ид̣̇ам̣ ажчарияам̣ д̣̇исваа, аб̣бхуд̇ам̣ ломахам̣санам̣;
‘‘Idaṃ acchariyaṃ disvā, abbhutaṃ lomahaṃsanaṃ;
саахугаарам̣ 11 бавад̇д̇зси, мад̣̇д̣̇ий саб̣б̣ан̇г̇асобханаа.
Sāhukāraṃ 12 pavattesi, maddī sabbaṅgasobhanā.
103.
103.
‘‘ажчзрам̣ вад̇а логасмим̣, аб̣бхуд̇ам̣ ломахам̣санам̣;
‘‘Accheraṃ vata lokasmiṃ, abbhutaṃ lomahaṃsanaṃ;
взссанд̇арасса д̇зж̇зна, саяамзвон̣ад̇аа д̣̇умаа.
Vessantarassa tejena, sayamevoṇatā dumā.
104.
104.
‘‘сан̇кибим̣су бат̇ам̣ яагкаа, анугамбааяа д̣̇аарагз;
‘‘Saṅkhipiṃsu pathaṃ yakkhā, anukampāya dārake;
105.
105.
‘‘садтирааж̇асахассаани, д̇ад̣̇аа васанд̇и маад̇улз;
‘‘Saṭṭhirājasahassāni, tadā vasanti mātule;
саб̣б̣з бан̃ж̇алигаа худ̇ваа, род̣̇амаанаа убааг̇амум̣.
Sabbe pañjalikā hutvā, rodamānā upāgamuṃ.
106.
106.
‘‘д̇ад̇т̇а вад̇д̇зд̇ваа саллаабам̣, жзд̇зхи жзд̇абуд̇д̇зхи;
‘‘Tattha vattetvā sallāpaṃ, cetehi cetaputtehi;
д̇з д̇ад̇о нигкамид̇ваана, ван̇гам̣ аг̇аму баб̣б̣ад̇ам̣.
Te tato nikkhamitvāna, vaṅkaṃ agamu pabbataṃ.
107.
107.
‘‘ааманд̇аяид̇ваа д̣̇звинд̣̇о, виссагаммам̣ 15 махид̣̇д̇хигам̣;
‘‘Āmantayitvā devindo, vissakammaṃ 16 mahiddhikaṃ;
ассамам̣ сугад̇ам̣ раммам̣, бан̣н̣асаалам̣ сумаабаяа.
Assamaṃ sukataṃ rammaṃ, paṇṇasālaṃ sumāpaya.
108.
108.
‘‘саггасса важанам̣ суд̇ваа, виссагаммо махид̣̇д̇хиго;
‘‘Sakkassa vacanaṃ sutvā, vissakammo mahiddhiko;
ассамам̣ сугад̇ам̣ раммам̣, бан̣н̣асаалам̣ сумаабаяи.
Assamaṃ sukataṃ rammaṃ, paṇṇasālaṃ sumāpayi.
109.
109.
‘‘аж̇жхог̇аахзд̇ваа баванам̣, аббасад̣̇д̣̇ам̣ нираагулам̣;
‘‘Ajjhogāhetvā pavanaṃ, appasaddaṃ nirākulaṃ;
жад̇уро ж̇анаа маяам̣ д̇ад̇т̇а, васаама баб̣б̣ад̇анд̇арз.
Caturo janā mayaṃ tattha, vasāma pabbatantare.
110.
110.
‘‘ахан̃жа мад̣̇д̣̇ид̣̇звий жа, ж̇аалий ган̣хааж̇инаа жубхо;
‘‘Ahañca maddidevī ca, jālī kaṇhājinā cubho;
ан̃н̃аман̃н̃ам̣ согануд̣̇аа, васаама ассамз д̇ад̣̇аа.
Aññamaññaṃ sokanudā, vasāma assame tadā.
111.
111.
‘‘д̣̇аарагз анурагканд̇о, асун̃н̃о хоми ассамз;
‘‘Dārake anurakkhanto, asuñño homi assame;
мад̣̇д̣̇ий палам̣ аахарид̇ваа, босзд̇и саа д̇аяо ж̇анз.
Maddī phalaṃ āharitvā, poseti sā tayo jane.
112.
112.
‘‘баванз васамаанасса, ад̣̇д̇хиго мам̣ убааг̇ами;
‘‘Pavane vasamānassa, addhiko maṃ upāgami;
ааяаажи буд̇д̇агз маяхам̣, ж̇аалим̣ ган̣хааж̇инам̣ жубхо.
Āyāci puttake mayhaṃ, jāliṃ kaṇhājinaṃ cubho.
113.
113.
‘‘яаажагам̣ убаг̇ад̇ам̣ д̣̇исваа, хаасо мз убабаж̇ж̇ат̇а;
‘‘Yācakaṃ upagataṃ disvā, hāso me upapajjatha;
убхо буд̇д̇з г̇ахзд̇ваана, ад̣̇аасим̣ б̣раахман̣з д̇ад̣̇аа.
Ubho putte gahetvāna, adāsiṃ brāhmaṇe tadā.
114.
114.
‘‘сагз буд̇д̇з жаж̇анд̇асса, ж̇ууж̇агз б̣раахман̣з яад̣̇аа;
‘‘Sake putte cajantassa, jūjake brāhmaṇe yadā;
д̇ад̣̇ааби бат̇авий гамби, синзруванавадам̣сагаа.
Tadāpi pathavī kampi, sineruvanavaṭaṃsakā.
115.
115.
‘‘бунад̣̇зва сагго оруяха, худ̇ваа б̣раахман̣асаннибхо;
‘‘Punadeva sakko oruyha, hutvā brāhmaṇasannibho;
ааяаажи мам̣ мад̣̇д̣̇ид̣̇звим̣, сийлаванд̇им̣ бад̇иб̣б̣ад̇ам̣.
Āyāci maṃ maddideviṃ, sīlavantiṃ patibbataṃ.
116.
116.
‘‘мад̣̇д̣̇им̣ хад̇т̇з г̇ахзд̇ваана, уд̣̇аган̃ж̇али буурияа;
‘‘Maddiṃ hatthe gahetvāna, udakañjali pūriya;
басаннаманасан̇габбо, д̇асса мад̣̇д̣̇им̣ ад̣̇аасахам̣.
Pasannamanasaṅkappo, tassa maddiṃ adāsahaṃ.
117.
117.
‘‘мад̣̇д̣̇ияаа д̣̇ийяамаанааяа, г̇аг̇анз д̣̇зваа бамод̣̇ид̇аа;
‘‘Maddiyā dīyamānāya, gagane devā pamoditā;
д̇ад̣̇ааби бат̇авий гамби, синзруванавадам̣сагаа.
Tadāpi pathavī kampi, sineruvanavaṭaṃsakā.
118.
118.
‘‘ж̇аалим̣ ган̣хааж̇инам̣ д̇хийд̇ам̣, мад̣̇д̣̇ид̣̇звим̣ бад̇иб̣б̣ад̇ам̣;
‘‘Jāliṃ kaṇhājinaṃ dhītaṃ, maddideviṃ patibbataṃ;
жаж̇амаано на жинд̇зсим̣, б̣од̇хияааязва гааран̣аа.
Cajamāno na cintesiṃ, bodhiyāyeva kāraṇā.
119.
119.
‘‘на мз д̣̇зссаа убхо буд̇д̇аа, мад̣̇д̣̇ид̣̇звий на д̣̇зссияаа;
‘‘Na me dessā ubho puttā, maddidevī na dessiyā;
саб̣б̣ан̃н̃уд̇ам̣ бияам̣ маяхам̣, д̇асмаа бияз ад̣̇аасахам̣.
Sabbaññutaṃ piyaṃ mayhaṃ, tasmā piye adāsahaṃ.
120.
120.
‘‘бунаабарам̣ б̣рахааран̃н̃з, маад̇аабид̇усамааг̇амз;
‘‘Punāparaṃ brahāraññe, mātāpitusamāgame;
гарун̣ам̣ барид̣̇званд̇з, саллабанд̇з сукам̣ д̣̇укам̣.
Karuṇaṃ paridevante, sallapante sukhaṃ dukhaṃ.
121.
121.
д̇ад̣̇ааби бат̇авий гамби, синзруванавадам̣сагаа.
Tadāpi pathavī kampi, sineruvanavaṭaṃsakā.
122.
122.
‘‘бунаабарам̣ б̣рахааран̃н̃аа, нигкамид̇ваа сан̃аад̇ибхи;
‘‘Punāparaṃ brahāraññā, nikkhamitvā sañātibhi;
бависаами бурам̣ раммам̣, ж̇зд̇уд̇д̇арам̣ буруд̇д̇амам̣.
Pavisāmi puraṃ rammaṃ, jetuttaraṃ puruttamaṃ.
123.
123.
‘‘рад̇анаани сад̇д̇а вассим̣су, махаамзгхо бавассат̇а;
‘‘Ratanāni satta vassiṃsu, mahāmegho pavassatha;
д̇ад̣̇ааби бат̇авий гамби, синзруванавадам̣сагаа.
Tadāpi pathavī kampi, sineruvanavaṭaṃsakā.
124.
124.
‘‘ажзд̇анааяам̣ бат̇авий, авин̃н̃ааяа сукам̣ д̣̇укам̣;
‘‘Acetanāyaṃ pathavī, aviññāya sukhaṃ dukhaṃ;
сааби д̣̇аанаб̣алаа маяхам̣, сад̇д̇агкад̇д̇ум̣ багамбат̇аа’’д̇и.
Sāpi dānabalā mayhaṃ, sattakkhattuṃ pakampathā’’ti.
взссанд̇аражарияам̣ навамам̣.
Vessantaracariyaṃ navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / жарияаабидага-адтагат̇аа • Cariyāpiṭaka-aṭṭhakathā / 9. взссанд̇аражарияааван̣н̣анаа • 9. Vessantaracariyāvaṇṇanā
