| Library / Tipiṭaka / திபிடக • Tipiṭaka / நெத்திப்பகரண-அட்ட²கதா² • Nettippakaraṇa-aṭṭhakathā |
10. வேவசனஹாரஸம்பாதவண்ணனா
10. Vevacanahārasampātavaṇṇanā
72. ‘‘மானஸங் ஹத³யங் பண்ட³ரங் விஞ்ஞாணங் விஞ்ஞாணக்க²ந்தோ⁴ மனோவிஞ்ஞாணதா⁴தூ’’தி (த⁴॰ ஸ॰ 6) ச சித்தஸ்ஸ வேவசனங். ‘‘தக்கோ விதக்கோ ஸங்கப்போ அப்பனா ப்³யப்பனா சேதஸோ அபி⁴னிரோபனா’’தி ச ஸம்மாஸங்கப்பஸ்ஸ. ‘‘பஞ்ஞா பஜானநா விசயோ பவிசயோ’’திஆதி³னா (த⁴॰ ஸ॰ 16) ஸம்மாதி³ட்டி²யா. ‘‘தி²னங் தி²யனா தி²யிதத்தங் சித்தஸ்ஸ அகல்லதா அகம்மஞ்ஞதா ஓனாஹோ பரினாஹோ அந்தோஸங்கோசோ’’தி தி²னஸ்ஸ. ‘‘அகல்லதா அகம்மஞ்ஞதா காயாலஸியங் ஸுப்யங் ஸுப்யனா ஸுபிதத்த’’ந்தி (த⁴॰ ஸ॰ 1163) மித்³த⁴ஸ்ஸ. ‘‘பி⁴க்க²கோ பி⁴க்கூ²’’திஆதி³னா (பாரா॰ 45) பி⁴க்கு²பத³ஸ்ஸ. ‘‘து³க்³க³தி அபாயோ வினிபாதோ வட்டது³க்க²ங் ஸங்ஸாரோ’’திஆதி³னா து³க்³க³தியா வேவசனங் வேதி³தப்³ப³ங்.
72. ‘‘Mānasaṃ hadayaṃ paṇḍaraṃ viññāṇaṃ viññāṇakkhandho manoviññāṇadhātū’’ti (dha. sa. 6) ca cittassa vevacanaṃ. ‘‘Takko vitakko saṅkappo appanā byappanā cetaso abhiniropanā’’ti ca sammāsaṅkappassa. ‘‘Paññā pajānanā vicayo pavicayo’’tiādinā (dha. sa. 16) sammādiṭṭhiyā. ‘‘Thinaṃ thiyanā thiyitattaṃ cittassa akallatā akammaññatā onāho parināho antosaṅkoco’’ti thinassa. ‘‘Akallatā akammaññatā kāyālasiyaṃ supyaṃ supyanā supitatta’’nti (dha. sa. 1163) middhassa. ‘‘Bhikkhako bhikkhū’’tiādinā (pārā. 45) bhikkhupadassa. ‘‘Duggati apāyo vinipāto vaṭṭadukkhaṃ saṃsāro’’tiādinā duggatiyā vevacanaṃ veditabbaṃ.
வேவசனஹாரஸம்பாதவண்ணனா நிட்டி²தா.
Vevacanahārasampātavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / நெத்திப்பகரணபாளி • Nettippakaraṇapāḷi / 10. வேவசனஹாரஸம்பாதோ • 10. Vevacanahārasampāto
டீகா • Tīkā / ஸுத்தபிடக (டீகா) • Suttapiṭaka (ṭīkā) / கு²த்³த³கனிகாய (டீகா) • Khuddakanikāya (ṭīkā) / நெத்திவிபா⁴வினீ • Nettivibhāvinī / 10. வேவசனஹாரஸம்பாதவிபா⁴வனா • 10. Vevacanahārasampātavibhāvanā
