| Library / Tipiṭaka / တိပိဋက • Tipiṭaka / နေတ္တိပ္ပကရဏ-အဋ္ဌကထာ • Nettippakaraṇa-aṭṭhakathā |
၁၀. ဝေဝစနဟာရသမ္ပာတဝဏ္ဏနာ
10. Vevacanahārasampātavaṇṇanā
၇၂. ‘‘မာနသံ ဟဒယံ ပဏ္ဍရံ ဝိညာဏံ ဝိညာဏက္ခန္ဓော မနောဝိညာဏဓာတူ’’တိ (ဓ. သ. ၆) စ စိတ္တသ္သ ဝေဝစနံ။ ‘‘တက္ကော ဝိတက္ကော သင္ကပ္ပော အပ္ပနာ ဗ္ယပ္ပနာ စေတသော အဘိနိရောပနာ’’တိ စ သမ္မာသင္ကပ္ပသ္သ။ ‘‘ပညာ ပဇာနနာ ဝိစယော ပဝိစယော’’တိအာဒိနာ (ဓ. သ. ၁၆) သမ္မာဒိဋ္ဌိယာ။ ‘‘ထိနံ ထိယနာ ထိယိတတ္တံ စိတ္တသ္သ အကလ္လတာ အကမ္မညတာ ဩနာဟော ပရိနာဟော အန္တောသင္ကောစော’’တိ ထိနသ္သ။ ‘‘အကလ္လတာ အကမ္မညတာ ကာယာလသိယံ သုပ္ယံ သုပ္ယနာ သုပိတတ္တ’’န္တိ (ဓ. သ. ၁၁၆၃) မိဒ္ဓသ္သ။ ‘‘ဘိက္ခကော ဘိက္ခူ’’တိအာဒိနာ (ပာရာ. ၄၅) ဘိက္ခုပဒသ္သ။ ‘‘ဒုဂ္ဂတိ အပာယော ဝိနိပာတော ဝဋ္ဋဒုက္ခံ သံသာရော’’တိအာဒိနာ ဒုဂ္ဂတိယာ ဝေဝစနံ ဝေဒိတဗ္ဗံ။
72. ‘‘Mānasaṃ hadayaṃ paṇḍaraṃ viññāṇaṃ viññāṇakkhandho manoviññāṇadhātū’’ti (dha. sa. 6) ca cittassa vevacanaṃ. ‘‘Takko vitakko saṅkappo appanā byappanā cetaso abhiniropanā’’ti ca sammāsaṅkappassa. ‘‘Paññā pajānanā vicayo pavicayo’’tiādinā (dha. sa. 16) sammādiṭṭhiyā. ‘‘Thinaṃ thiyanā thiyitattaṃ cittassa akallatā akammaññatā onāho parināho antosaṅkoco’’ti thinassa. ‘‘Akallatā akammaññatā kāyālasiyaṃ supyaṃ supyanā supitatta’’nti (dha. sa. 1163) middhassa. ‘‘Bhikkhako bhikkhū’’tiādinā (pārā. 45) bhikkhupadassa. ‘‘Duggati apāyo vinipāto vaṭṭadukkhaṃ saṃsāro’’tiādinā duggatiyā vevacanaṃ veditabbaṃ.
ဝေဝစနဟာရသမ္ပာတဝဏ္ဏနာ နိဋ္ဌိတာ။
Vevacanahārasampātavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / ခုဒ္ဒကနိကာယ • Khuddakanikāya / နေတ္တိပ္ပကရဏပာဠိ • Nettippakaraṇapāḷi / ၁၀. ဝေဝစနဟာရသမ္ပာတော • 10. Vevacanahārasampāto
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / ခုဒ္ဒကနိကာယ (ဋီကာ) • Khuddakanikāya (ṭīkā) / နေတ္တိဝိဘာဝိနီ • Nettivibhāvinī / ၁၀. ဝေဝစနဟာရသမ္ပာတဝိဘာဝနာ • 10. Vevacanahārasampātavibhāvanā
