| Library / Tipiṭaka / д̇ибидага • Tipiṭaka / нзд̇д̇ивибхаавиний • Nettivibhāvinī |
10. взважанахаарасамбаад̇авибхааванаа
10. Vevacanahārasampātavibhāvanā
72. язна язна баривад̇д̇анахаарасамбаад̇зна суд̇д̇аббад̣̇зсад̇т̇аа баривад̇д̇зд̇аб̣б̣аа, со баривад̇д̇ано хаарасамбаад̇од̇и барибун̣н̣о, ‘‘гад̇амо взважано хаарасамбаад̇о’’д̇и бужчид̇аб̣б̣ад̇д̇аа ‘‘д̇ад̇т̇а гад̇амо взважано хаарасамбаад̇о’’д̇иаад̣̇и вуд̇д̇ам̣.
72. Yena yena parivattanahārasampātena suttappadesatthā parivattetabbā, so parivattano hārasampātoti paripuṇṇo, ‘‘katamo vevacano hārasampāto’’ti pucchitabbattā ‘‘tattha katamo vevacano hārasampāto’’tiādi vuttaṃ.
‘‘гад̇амзсам̣ суд̇д̇аббад̣̇зсад̇т̇аанам̣, суд̇д̇абад̣̇аанам̣ ваа гад̇амаани взважанааний’’д̇и бужчид̇аб̣б̣ад̇д̇аа ‘‘д̇асмаа’’д̇иаад̣̇и вуд̇д̇ам̣. яаа ‘‘д̇асмаа…бз… г̇ожаро’’д̇и г̇аат̇аа вуд̇д̇аа, д̇ааяа г̇аат̇ааяа ‘‘рагкид̇ажид̇д̇ассаа’’д̇и бад̣̇зна вуд̇д̇асса жид̇д̇асса, ‘‘рагкид̇ажид̇д̇ассаа’’д̇и зд̇т̇а жид̇д̇асса бад̣̇асса ваа ‘‘жид̇д̇ам̣…бз… виж̇аанид̇ад̇д̇а’’нд̇и яам̣ важанам̣ вуд̇д̇ам̣, ид̣̇ам̣ важанам̣ взважанам̣, ‘‘маанасам̣ хад̣̇аяа’’нд̇иаад̣̇иважанамби (д̇ха. са. 17, 63) жид̇д̇асса взважанам̣. ‘‘саммаасан̇габбаг̇ожаро’’д̇и зд̇т̇а саммаасан̇габбасса ‘‘нзгкаммасан̇габбо аб̣яаабаад̣̇асан̇габбо авихим̣саасан̇габбо’’д̇и яам̣ важанам̣ вуд̇д̇ам̣, ид̣̇ам̣ важанам̣ взважанам̣, ‘‘д̇агго вид̇агго’’д̇иаад̣̇и (д̇ха. са. 7) важанамби саммаасан̇габбасса взважанам̣. ‘‘саммаад̣̇идтибурзгкааро’’д̇и зд̇т̇а саммаад̣̇идтибад̣̇асса ‘‘саммаад̣̇идти наама бан̃н̃аасад̇т̇ам̣ бан̃н̃аакаг̇г̇о бан̃н̃аарад̇анам̣ бан̃н̃аабад̇од̣̇о бан̃н̃аабаасаад̣̇о’’д̇и яам̣ важанам̣ вуд̇д̇ам̣, ид̣̇ам̣ важанам̣ взважанам̣, ‘‘бан̃н̃аа баж̇аананаа вижаяо’’д̇иаад̣̇и (д̇ха. са. 16) важанамби саммаад̣̇идтибад̣̇асса взважанам̣. ‘‘т̇инам̣ т̇ияанаа т̇ияид̇ад̇д̇ам̣ жид̇д̇асса, жид̇д̇асса агаллад̇аа агамман̃н̃ад̇аа онаахо барияонаахо анд̇осан̇гожо’’д̇и (д̇ха. са. 1162-1163) яам̣ важанам̣ вуд̇д̇ам̣, ид̣̇ам̣ важанам̣ т̇инасса взважанам̣. ‘‘гааяасса агаллад̇аа агамман̃н̃ад̇аа гааяааласияам̣ соббам̣ субанаа суббид̇ад̇д̇а’’нд̇и (д̇ха. са. 1163) яам̣ важанам̣ вуд̇д̇ам̣, ид̣̇ам̣ важанам̣ мид̣̇д̇хасса взважанам̣. ‘‘бхигкаго бхигкуу’’д̇иаад̣̇игам̣ (баараа. 45; вибха. 510) яам̣ важанам̣ вуд̇д̇ам̣, ид̣̇ам̣ важанам̣ бхигкубад̣̇асса взважанам̣. ‘‘д̣̇уг̇г̇ад̇и абааяо винибаад̇о ваддад̣̇угкам̣ сам̣сааро’’д̇иаад̣̇игам̣ яам̣ важанам̣ вуд̇д̇ам̣, ид̣̇ам̣ важанам̣ д̣̇уг̇г̇ад̇ибад̣̇асса взважанам̣. ид̇и взважанаани нийхарид̇аани.
‘‘Katamesaṃ suttappadesatthānaṃ, suttapadānaṃ vā katamāni vevacanānī’’ti pucchitabbattā ‘‘tasmā’’tiādi vuttaṃ. Yā ‘‘tasmā…pe… gocaro’’ti gāthā vuttā, tāya gāthāya ‘‘rakkhitacittassā’’ti padena vuttassa cittassa, ‘‘rakkhitacittassā’’ti ettha cittassa padassa vā ‘‘cittaṃ…pe… vijānitatta’’nti yaṃ vacanaṃ vuttaṃ, idaṃ vacanaṃ vevacanaṃ, ‘‘mānasaṃ hadaya’’ntiādivacanampi (dha. sa. 17, 63) cittassa vevacanaṃ. ‘‘Sammāsaṅkappagocaro’’ti ettha sammāsaṅkappassa ‘‘nekkhammasaṅkappo abyāpādasaṅkappo avihiṃsāsaṅkappo’’ti yaṃ vacanaṃ vuttaṃ, idaṃ vacanaṃ vevacanaṃ, ‘‘takko vitakko’’tiādi (dha. sa. 7) vacanampi sammāsaṅkappassa vevacanaṃ. ‘‘Sammādiṭṭhipurekkhāro’’ti ettha sammādiṭṭhipadassa ‘‘sammādiṭṭhi nāma paññāsatthaṃ paññākhaggo paññāratanaṃ paññāpatodo paññāpāsādo’’ti yaṃ vacanaṃ vuttaṃ, idaṃ vacanaṃ vevacanaṃ, ‘‘paññā pajānanā vicayo’’tiādi (dha. sa. 16) vacanampi sammādiṭṭhipadassa vevacanaṃ. ‘‘Thinaṃ thiyanā thiyitattaṃ cittassa, cittassa akallatā akammaññatā onāho pariyonāho antosaṅkoco’’ti (dha. sa. 1162-1163) yaṃ vacanaṃ vuttaṃ, idaṃ vacanaṃ thinassa vevacanaṃ. ‘‘Kāyassa akallatā akammaññatā kāyālasiyaṃ soppaṃ supanā suppitatta’’nti (dha. sa. 1163) yaṃ vacanaṃ vuttaṃ, idaṃ vacanaṃ middhassa vevacanaṃ. ‘‘Bhikkhako bhikkhū’’tiādikaṃ (pārā. 45; vibha. 510) yaṃ vacanaṃ vuttaṃ, idaṃ vacanaṃ bhikkhupadassa vevacanaṃ. ‘‘Duggati apāyo vinipāto vaṭṭadukkhaṃ saṃsāro’’tiādikaṃ yaṃ vacanaṃ vuttaṃ, idaṃ vacanaṃ duggatipadassa vevacanaṃ. Iti vevacanāni nīharitāni.
‘‘зд̇д̇агова взважанахаарасамбаад̇о барибун̣н̣о’’д̇и вад̇д̇аб̣б̣ад̇д̇аа ‘‘нияуд̇д̇о взважано хаарасамбаад̇о’’д̇и вуд̇д̇ам̣. язна язна сам̣ван̣н̣анаависзсабхууд̇зна взважанахаарасамбаад̇зна взважанаани нийхарид̇аани, со со сам̣ван̣н̣анаависзсабхууд̇о взважанахаарасамбаад̇о нияуд̇д̇о яат̇аасамбхавам̣ нийхарид̇ваа яуж̇ж̇ид̇аб̣б̣од̇и ад̇т̇о г̇ахид̇од̇и.
‘‘Ettakova vevacanahārasampāto paripuṇṇo’’ti vattabbattā ‘‘niyutto vevacano hārasampāto’’ti vuttaṃ. Yena yena saṃvaṇṇanāvisesabhūtena vevacanahārasampātena vevacanāni nīharitāni, so so saṃvaṇṇanāvisesabhūto vevacanahārasampāto niyutto yathāsambhavaṃ nīharitvā yujjitabboti attho gahitoti.
ид̇и взважанахаарасамбаад̇з сад̇д̇иб̣алаануруубаа ражид̇аа
Iti vevacanahārasampāte sattibalānurūpā racitā
вибхааванаа нидтид̇аа.
Vibhāvanā niṭṭhitā.
бан̣д̣ид̇зхи бана…бз… г̇ахзд̇аб̣б̣од̇и.
Paṇḍitehi pana…pe… gahetabboti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 10. взважанахаарасамбаад̇о • 10. Vevacanahārasampāto
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 10. взважанахаарасамбаад̇аван̣н̣анаа • 10. Vevacanahārasampātavaṇṇanā
