| Library / Tipiṭaka / д̇ибидага • Tipiṭaka / нзд̇д̇ивибхаавиний • Nettivibhāvinī |
10. взважанахааравибхан̇г̇авибхааванаа
10. Vevacanahāravibhaṅgavibhāvanā
37. язна язна сам̣ван̣н̣анаависзсабхууд̇зна бавад̇д̇анахааравибхан̇г̇зна баривад̇д̇зд̇аб̣б̣аа суд̇д̇ад̇т̇аа вибхад̇д̇аа, со сам̣ван̣н̣анаависзсабхууд̇о баривад̇д̇анахааравибхан̇г̇о барибун̣н̣о, ‘‘гад̇амо взважанахааравибхан̇г̇о’’д̇и бужчид̇аб̣б̣ад̇д̇аа ‘‘д̇ад̇т̇а гад̇амо взважано хааро’’д̇иаад̣̇и вуд̇д̇ам̣. д̇ад̇т̇а д̇ад̇т̇аад̇и д̇зсу нид̣̇д̣̇идтзсу сол̣асасу д̣̇зсанаахаараад̣̇ийсу гад̇амо сам̣ван̣н̣анаависзсо взважано хааро взважанахааравибхан̇г̇о наамаад̇и бужчад̇и. ‘‘взважанаани б̣ахууний’’д̇иаад̣̇инид̣̇д̣̇зсасса ид̣̇аани маяаа вужжамаано ‘‘згам̣ бхаг̇аваа д̇хамма’’нд̇иаад̣̇иго вид̇т̇аарасам̣ван̣н̣анаависзсо взважано хааро взважанахааравибхан̇г̇о наамаад̇и ад̇т̇о г̇ахзд̇аб̣б̣о. ‘‘яаани взважанаани нид̣̇д̇хаарид̇аани, гад̇амаани д̇аани взважанааний’’д̇и бужчид̇аб̣б̣ад̇д̇аа ‘‘яат̇аа зга’’нд̇иаад̣̇и вуд̇д̇ам̣. згам̣ вин̃н̃аад̇аб̣б̣ам̣ д̇хаммам̣ сабхаавад̇хаммам̣ бан̃н̃аабзд̇аб̣б̣ам̣ ваа д̇хаммам̣ ан̃н̃аман̃н̃зхи яат̇аа язхи багаарзхи жзва взважанзхи жа бхаг̇аваа нид̣̇д̣̇исад̇и, д̇ат̇аабагаараани взважанаани вин̃н̃аад̇аб̣б̣аанийд̇и ад̇т̇о. ‘‘д̇аани взважанаани гинд̇и бхаг̇аваа аахаа’’д̇и вад̇д̇аб̣б̣ад̇д̇аа ‘‘яат̇ааха бхаг̇аваа’’д̇иаад̣̇и вуд̇д̇ам̣. яат̇аа яам̣яам̣багаараани взважанаани –
37. Yena yena saṃvaṇṇanāvisesabhūtena pavattanahāravibhaṅgena parivattetabbā suttatthā vibhattā, so saṃvaṇṇanāvisesabhūto parivattanahāravibhaṅgo paripuṇṇo, ‘‘katamo vevacanahāravibhaṅgo’’ti pucchitabbattā ‘‘tattha katamo vevacano hāro’’tiādi vuttaṃ. Tattha tatthāti tesu niddiṭṭhesu soḷasasu desanāhārādīsu katamo saṃvaṇṇanāviseso vevacano hāro vevacanahāravibhaṅgo nāmāti pucchati. ‘‘Vevacanāni bahūnī’’tiādiniddesassa idāni mayā vuccamāno ‘‘ekaṃ bhagavā dhamma’’ntiādiko vitthārasaṃvaṇṇanāviseso vevacano hāro vevacanahāravibhaṅgo nāmāti attho gahetabbo. ‘‘Yāni vevacanāni niddhāritāni, katamāni tāni vevacanānī’’ti pucchitabbattā ‘‘yathā eka’’ntiādi vuttaṃ. Ekaṃ viññātabbaṃ dhammaṃ sabhāvadhammaṃ paññāpetabbaṃ vā dhammaṃ aññamaññehi yathā yehi pakārehi ceva vevacanehi ca bhagavā niddisati, tathāpakārāni vevacanāni viññātabbānīti attho. ‘‘Tāni vevacanāni kinti bhagavā āhā’’ti vattabbattā ‘‘yathāha bhagavā’’tiādi vuttaṃ. Yathā yaṃyaṃpakārāni vevacanāni –
‘‘аасаа жа бихаа жа абхинанд̣̇анаа жа, анзгад̇хаад̇уусу сараа бад̇идтид̇аа;
‘‘Āsā ca pihā ca abhinandanā ca, anekadhātūsu sarā patiṭṭhitā;
ан̃н̃аан̣амуулаббабхаваа баж̇аббид̇аа, саб̣б̣аа маяаа б̣яанд̇игад̇аа самуулигаа’’д̇и. –
Aññāṇamūlappabhavā pajappitā, sabbā mayā byantikatā samūlikā’’ti. –
бхаг̇аваа ааха, д̇ам̣д̇ам̣багаараани взважанаани вин̃н̃аад̇аб̣б̣аанийд̇и ад̇т̇о.
Bhagavā āha, taṃtaṃpakārāni vevacanāni viññātabbānīti attho.
згассзва д̇хаммасса анзгзхи барияааяабхууд̇зхи взважанзхи нид̣̇д̣̇исанз палам̣ адтагат̇ааяам̣ (нзд̇д̇и. адта. 37) б̣ахуд̇хаа вуд̇д̇ам̣, д̇асмаа амхзхи на д̣̇ассид̇ам̣. ‘‘гад̇амаа аасаа, гад̇амаа бихаад̣̇ий’’д̇и бужчид̇аб̣б̣ад̇д̇аа ‘‘аасаа наама вужжад̇ий’’д̇иаад̣̇и вуд̇д̇ам̣. яаа бхависсасса ад̇т̇асса аасийсанаа авассам̣ ааг̇амиссад̇ийд̇и яаа аасаа асса аасийсанд̇асса буг̇г̇аласса уббаж̇ж̇ад̇и, д̇асса аасийсанаа ‘‘аасаа наамаа’’д̇и вужжад̇и. вад̇д̇амаанасса яаа бад̇т̇анаа асса бад̇т̇аяанд̇асса уббаж̇ж̇ад̇и, сзяяад̇арам̣ ваа ан̃н̃ам̣ д̣̇исваа ‘‘зд̣̇исо ахам̣ бхавзяяа’’нд̇и яаа бихаа асса бихаяанд̇асса уббаж̇ж̇ад̇и, саа бад̇т̇анаа ‘‘бихаа наамаа’’д̇и вужжад̇и. анааг̇ад̇ад̇т̇ам̣ аараб̣бха бавад̇д̇аа д̇ан̣хаа ‘‘аасаа’’д̇и вужжад̇и, анааг̇ад̇абажжуббаннад̇т̇ам̣ аараб̣бха бавад̇д̇аа д̇ан̣хаа ‘‘бихаа’’д̇и вужжад̇и, д̇ат̇ааби д̇ан̣хаабхаавзна згад̇д̇аа зго д̇хаммова ад̇т̇асса ижчид̇асса нибпад̇д̇и ад̇т̇анибпад̇д̇и, бадибаалзд̇и зд̇ааяа д̇ан̣хааяаад̇и бадибааланаа, ад̇т̇анибпад̇д̇ияаа бадибааланаад̇и ад̇т̇анибпад̇д̇ибадибааланаа. яаа д̇ан̣хаа асса баалаяанд̇асса буг̇г̇аласса уббаж̇ж̇ад̇и, саа д̇ан̣хаа ‘‘абхинанд̣̇анаа’’д̇и вужжад̇и.
Ekasseva dhammassa anekehi pariyāyabhūtehi vevacanehi niddisane phalaṃ aṭṭhakathāyaṃ (netti. aṭṭha. 37) bahudhā vuttaṃ, tasmā amhehi na dassitaṃ. ‘‘Katamā āsā, katamā pihādī’’ti pucchitabbattā ‘‘āsā nāma vuccatī’’tiādi vuttaṃ. Yā bhavissassa atthassa āsīsanā avassaṃ āgamissatīti yā āsā assa āsīsantassa puggalassa uppajjati, tassa āsīsanā ‘‘āsā nāmā’’ti vuccati. Vattamānassa yā patthanā assa patthayantassa uppajjati, seyyataraṃ vā aññaṃ disvā ‘‘ediso ahaṃ bhaveyya’’nti yā pihā assa pihayantassa uppajjati, sā patthanā ‘‘pihā nāmā’’ti vuccati. Anāgatatthaṃ ārabbha pavattā taṇhā ‘‘āsā’’ti vuccati, anāgatapaccuppannatthaṃ ārabbha pavattā taṇhā ‘‘pihā’’ti vuccati, tathāpi taṇhābhāvena ekattā eko dhammova atthassa icchitassa nipphatti atthanipphatti, paṭipāleti etāya taṇhāyāti paṭipālanā, atthanipphattiyā paṭipālanāti atthanipphattipaṭipālanā. Yā taṇhā assa pālayantassa puggalassa uppajjati, sā taṇhā ‘‘abhinandanā’’ti vuccati.
‘‘яаа ад̇т̇анибпад̇д̇и д̇ан̣хааяа бадибаалзд̇аб̣б̣аа, гад̇амаа саа ад̇т̇анибпад̇д̇ий’’д̇и бужчид̇аб̣б̣ад̇д̇аа д̇ам̣ ад̇т̇анибпад̇д̇им̣ сад̇д̇ад̇о ваа сан̇каарад̇о ваа вибхаж̇ид̇ваа д̣̇ассзнд̇о ‘‘бияам̣ ваа н̃аад̇им̣, бияам̣ ваа д̇хамма’’нд̇иаад̣̇имааха. д̇ад̇т̇а ‘‘н̃аад̇и’’нд̇и иминаа мид̇д̇аб̣анд̇хаваад̣̇аяоби г̇ахид̇аа. д̇хаммам̣ бана бияаруубаарамман̣аад̣̇игам̣ чаб̣б̣ид̇хамби яааяа д̇ан̣хааяа д̇ан̣хиго абхинанд̣̇ад̇и, саа д̇ан̣хаа ‘‘абхинанд̣̇анаа наамаа’’д̇и вужжад̇и. бадиггуулам̣ н̃аад̇им̣ ваа д̇хаммам̣ ваа вибаллаасавасзна аббадиггуулам̣ н̃аад̇им̣ ваа д̇хаммам̣ ваа сабхаававасзна аббадиггуулад̇о яааяа д̇ан̣хааяа д̇ан̣хиго абхинанд̣̇ад̇и , саа д̇ан̣хаа ваа ‘‘абхинанд̣̇анаа наамаа’’д̇и вужжад̇ийд̇и яож̇зд̇ваа ад̇т̇о г̇ахзд̇аб̣б̣о.
‘‘Yā atthanipphatti taṇhāya paṭipāletabbā, katamā sā atthanipphattī’’ti pucchitabbattā taṃ atthanipphattiṃ sattato vā saṅkhārato vā vibhajitvā dassento ‘‘piyaṃ vā ñātiṃ, piyaṃ vā dhamma’’ntiādimāha. Tattha ‘‘ñāti’’nti iminā mittabandhavādayopi gahitā. Dhammaṃ pana piyarūpārammaṇādikaṃ chabbidhampi yāya taṇhāya taṇhiko abhinandati, sā taṇhā ‘‘abhinandanā nāmā’’ti vuccati. Paṭikkūlaṃ ñātiṃ vā dhammaṃ vā vipallāsavasena appaṭikkūlaṃ ñātiṃ vā dhammaṃ vā sabhāvavasena appaṭikkūlato yāya taṇhāya taṇhiko abhinandati , sā taṇhā vā ‘‘abhinandanā nāmā’’ti vuccatīti yojetvā attho gahetabbo.
‘‘яаасу анзгаасу д̇хаад̇уусу вуд̇д̇аббагаараа д̇ан̣хаа ‘сараа’д̇и бхаг̇авад̇аа вуд̇д̇аа, гад̇амаа д̇аа д̇хаад̇уяо’’д̇и бужчид̇аб̣б̣ад̇д̇аа д̇аа д̇хаад̇уяо саруубад̇о д̣̇ассзд̇ум̣ ‘‘жагкуд̇хаад̇уу’’д̇иаад̣̇и вуд̇д̇ам̣.
‘‘Yāsu anekāsu dhātūsu vuttappakārā taṇhā ‘sarā’ti bhagavatā vuttā, katamā tā dhātuyo’’ti pucchitabbattā tā dhātuyo sarūpato dassetuṃ ‘‘cakkhudhātū’’tiādi vuttaṃ.
‘‘д̇аасу д̇хаад̇уусу гад̇амааяа д̇хаад̇уяаа гад̇амаа сараа бад̇идтид̇аа бавад̇д̇аа’’д̇и бужчид̇аб̣б̣ад̇д̇аа имааяа д̇хаад̇уяаа аяам̣ сараа бад̇идтид̇аа бавад̇д̇аад̇и нияамзд̇ваа д̣̇ассзд̇ум̣ ‘‘сараад̇и гзжи руубаад̇химуд̇д̇аа’’д̇иаад̣̇и вуд̇д̇ам̣. д̇ад̇т̇а гзжийд̇и сараасан̇каад̇ааяа руубад̇ан̣хааяа д̇ан̣хигаа буг̇г̇алаа. руубаад̇химуд̇д̇аад̇и руубад̇хаад̇усан̇каад̇з аарамман̣з ад̇химуд̇д̇аа аж̇жхосид̇аа. иминаа бад̣̇зна руубад̇ан̣хаасан̇каад̇аа сараа руубад̇хаад̇уяаа бад̇идтид̇аа бавад̇д̇аад̇и г̇ахид̇аа, ‘‘гзжи сад̣̇д̣̇аад̇химуд̇д̇аа’’д̇иаад̣̇ийхиби сад̣̇д̣̇ад̇ан̣хаасан̇каад̇аад̣̇аяо сараа сад̣̇д̣̇ад̇хаад̇уяаад̣̇ийсу бад̇идтид̇аа бавад̇д̇аа сараава г̇ахид̇аа. гзжи д̇хаммаад̇химуд̇д̇аад̇и зд̇т̇а д̇хаммаг̇г̇ахан̣зна жагкуд̇хаад̇усод̇ад̇хаад̇угхаанад̇хаад̇уж̇ивхаад̇хаад̇угааяад̇хаад̇усад̇д̇авин̃н̃аан̣ад̇хаад̇уд̇хаммад̇хаад̇уяо г̇ахид̇аа, д̇асмаа адтаараса д̇хаад̇уяо бад̇идтаанабхаавзна г̇ахид̇ааби чаб̣б̣ид̇хаава г̇ахид̇аад̇и д̣̇адтаб̣б̣аа. ‘‘руубаад̇химуд̇д̇аад̣̇ийсу гид̇д̇агаани бад̣̇аани д̇ан̣хаабагкз д̇ан̣хааяа взважанаа’’д̇и бужчид̇аб̣б̣ад̇д̇аа зд̇аад̣̇исаани зд̇д̇агаани бад̣̇аани д̇ан̣хаабагкз д̇ан̣хаавзважанаанийд̇и нияамзд̇ваа д̣̇ассзд̇ум̣ ‘‘д̇ад̇т̇а яаани ча г̇зхасид̇ааний’’д̇иаад̣̇и вуд̇д̇ам̣. д̇ад̇т̇аад̇и д̇зсу часу руубаад̣̇ийсу. ча г̇зхасид̇аани д̣̇оманассаанийд̇и часу руубаад̣̇ийсу бавад̇д̇ам̣ д̇ан̣хаабзмам̣ ниссааяа бавад̇д̇аани ча д̣̇оманассаани. зса наяо сзсзсуби. ‘‘ча убзгкаа г̇зхасид̇ааби бхаг̇авад̇аа вуд̇д̇аа, гасмаа на г̇ахид̇аа’’д̇и вад̇д̇аб̣б̣ад̇д̇аа ‘‘яаа ча убзгкаа г̇зхасид̇аа, аяам̣ д̣̇идтибагко’’д̇и вуд̇д̇ам̣, д̣̇идтибагкад̇д̇аа на г̇ахид̇аад̇и ад̇т̇о.
‘‘Tāsu dhātūsu katamāya dhātuyā katamā sarā patiṭṭhitā pavattā’’ti pucchitabbattā imāya dhātuyā ayaṃ sarā patiṭṭhitā pavattāti niyametvā dassetuṃ ‘‘sarāti keci rūpādhimuttā’’tiādi vuttaṃ. Tattha kecīti sarāsaṅkhātāya rūpataṇhāya taṇhikā puggalā. Rūpādhimuttāti rūpadhātusaṅkhāte ārammaṇe adhimuttā ajjhositā. Iminā padena rūpataṇhāsaṅkhātā sarā rūpadhātuyā patiṭṭhitā pavattāti gahitā, ‘‘keci saddādhimuttā’’tiādīhipi saddataṇhāsaṅkhātādayo sarā saddadhātuyādīsu patiṭṭhitā pavattā sarāva gahitā. Keci dhammādhimuttāti ettha dhammaggahaṇena cakkhudhātusotadhātughānadhātujivhādhātukāyadhātusattaviññāṇadhātudhammadhātuyo gahitā, tasmā aṭṭhārasa dhātuyo patiṭṭhānabhāvena gahitāpi chabbidhāva gahitāti daṭṭhabbā. ‘‘Rūpādhimuttādīsu kittakāni padāni taṇhāpakkhe taṇhāya vevacanā’’ti pucchitabbattā etādisāni ettakāni padāni taṇhāpakkhe taṇhāvevacanānīti niyametvā dassetuṃ ‘‘tattha yāni cha gehasitānī’’tiādi vuttaṃ. Tatthāti tesu chasu rūpādīsu. Cha gehasitāni domanassānīti chasu rūpādīsu pavattaṃ taṇhāpemaṃ nissāya pavattāni cha domanassāni. Esa nayo sesesupi. ‘‘Cha upekkhā gehasitāpi bhagavatā vuttā, kasmā na gahitā’’ti vattabbattā ‘‘yā cha upekkhā gehasitā, ayaṃ diṭṭhipakkho’’ti vuttaṃ, diṭṭhipakkhattā na gahitāti attho.
38. ‘‘гат̇ам̣ вуд̇д̇аббагаараа д̇ан̣хаа зва г̇ахид̇аа’’д̇и вад̇д̇аб̣б̣ад̇д̇аа ‘‘сааязва бад̇т̇анаагаарзнаа’’д̇иаад̣̇и вуд̇д̇ам̣. саа вуд̇д̇аббагаараа зва д̇ан̣хаа бад̇т̇анаагаарзна бавад̇д̇анад̇о аасаад̣̇ибарияааязна вуд̇д̇аа, руубаад̣̇иаарамман̣ад̇хаммзсу нанд̣̇анад̇о ‘‘д̇хаммананд̣̇ий’’д̇и барияааязна вуд̇д̇аа, руубаад̣̇иаарамман̣ад̇хаммзсу г̇илид̇ваа баринидтабзд̇и вияа аж̇жхосааяа д̇идтанад̇о ‘‘д̇хаммаж̇жхосаана’’нд̇и барияааязна вуд̇д̇аа, д̇асмаа д̇ан̣хааяа взважанаани хонд̇и.
38. ‘‘Kathaṃ vuttappakārā taṇhā eva gahitā’’ti vattabbattā ‘‘sāyeva patthanākārenā’’tiādi vuttaṃ. Sā vuttappakārā eva taṇhā patthanākārena pavattanato āsādipariyāyena vuttā, rūpādiārammaṇadhammesu nandanato ‘‘dhammanandī’’ti pariyāyena vuttā, rūpādiārammaṇadhammesu gilitvā pariniṭṭhapeti viya ajjhosāya tiṭṭhanato ‘‘dhammajjhosāna’’nti pariyāyena vuttā, tasmā taṇhāya vevacanāni honti.
д̇ан̣хааяа взважанаани аажариязна нид̣̇д̣̇идтаани, амхзхи жа н̃аад̇аани, ‘‘гад̇амаани жид̇д̇асса взважанааний’’д̇и бужчид̇аб̣б̣ад̇д̇аа ‘‘жид̇д̇ам̣ мано’’д̇иаад̣̇и вуд̇д̇ам̣. ‘‘аарамман̣ам̣ жинд̇зд̇ийд̇и жид̇д̇ам̣. манад̇и ж̇аанаад̇ийд̇и мано. виж̇аанаад̇ийд̇и вин̃н̃аан̣а’’нд̇иаад̣̇инаа ад̇т̇о багаран̣зсу (д̇ха. са. адта. 5) вуд̇д̇ова, д̇асмаа амхзхи на вид̇т̇аарид̇о. взважанааниязва имаани имасса взважанаанийд̇и зд̇д̇агааниязва гат̇аяиссаама. ‘‘бан̃н̃инд̣̇рияам̣ бан̃н̃ааб̣ала’’нд̇иаад̣̇ийни бан̃н̃аавзважанаани.
Taṇhāya vevacanāni ācariyena niddiṭṭhāni, amhehi ca ñātāni, ‘‘katamāni cittassa vevacanānī’’ti pucchitabbattā ‘‘cittaṃ mano’’tiādi vuttaṃ. ‘‘Ārammaṇaṃ cintetīti cittaṃ. Manati jānātīti mano. Vijānātīti viññāṇa’’ntiādinā attho pakaraṇesu (dha. sa. aṭṭha. 5) vuttova, tasmā amhehi na vitthārito. Vevacanāniyeva imāni imassa vevacanānīti ettakāniyeva kathayissāma. ‘‘Paññindriyaṃ paññābala’’ntiādīni paññāvevacanāni.
‘‘арахам̣ саммаасамб̣уд̣̇д̇хо’’д̇иаад̣̇ийни б̣уд̣̇д̇хасса взважанаани. ‘‘д̇аани гад̇т̇а д̣̇зсид̇ааний’’д̇и бужчид̇аб̣б̣ад̇д̇аа ‘‘яат̇аа жа б̣уд̣̇д̇хаануссад̇ияам̣ вуд̇д̇а’’нд̇иаад̣̇и вуд̇д̇ам̣. б̣уд̣̇д̇хаануссад̇ид̣̇зсанааяам̣ яат̇аа жа яам̣яам̣багаарам̣ взважанам̣ бхаг̇авад̇аа ‘‘ид̇иби со бхаг̇аваа арахам̣…бз… бхаг̇авад̇о’’д̇и вуд̇д̇ам̣, зд̇ам̣багаарам̣ взважанам̣ б̣уд̣̇д̇хаануссад̇ияаа взважанам̣ б̣уд̣̇д̇хасса взважананд̇и д̣̇адтаб̣б̣ам̣. ‘‘яат̇аа жа д̇хаммаануссад̇ияам̣ вуд̇д̇а’’нд̇иаад̣̇ийсуби звамзва яож̇анаа гаад̇аб̣б̣аа.
‘‘Arahaṃ sammāsambuddho’’tiādīni buddhassa vevacanāni. ‘‘Tāni kattha desitānī’’ti pucchitabbattā ‘‘yathā ca buddhānussatiyaṃ vutta’’ntiādi vuttaṃ. Buddhānussatidesanāyaṃ yathā ca yaṃyaṃpakāraṃ vevacanaṃ bhagavatā ‘‘itipi so bhagavā arahaṃ…pe… bhagavato’’ti vuttaṃ, etaṃpakāraṃ vevacanaṃ buddhānussatiyā vevacanaṃ buddhassa vevacananti daṭṭhabbaṃ. ‘‘Yathā ca dhammānussatiyaṃ vutta’’ntiādīsupi evameva yojanā kātabbā.
‘‘д̇знаахаа’’д̇иаад̣̇яаанусанд̇хяаад̣̇иад̇т̇о жзва ‘‘нияуд̇д̇о взважано хааро’’д̇иаанусанд̇хяаад̣̇иад̇т̇о жа вуд̇д̇анаяаанусаарзна взд̣̇ид̇аб̣б̣о.
‘‘Tenāhā’’tiādyānusandhyādiattho ceva ‘‘niyutto vevacano hāro’’tiānusandhyādiattho ca vuttanayānusārena veditabbo.
ид̇и взважанахааравибхан̇г̇з сад̇д̇иб̣алаануруубаа ражид̇аа
Iti vevacanahāravibhaṅge sattibalānurūpā racitā
вибхааванаа нидтид̇аа.
Vibhāvanā niṭṭhitā.
бан̣д̣ид̇зхи бана адтагат̇аадийгаанусаарзна г̇амбхийрад̇т̇о вид̇т̇аарад̇о вибхаж̇ид̇ваа г̇ахзд̇аб̣б̣од̇и.
Paṇḍitehi pana aṭṭhakathāṭīkānusārena gambhīrattho vitthārato vibhajitvā gahetabboti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 10. взважанахааравибхан̇г̇о • 10. Vevacanahāravibhaṅgo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 10. взважанахааравибхан̇г̇аван̣н̣анаа • 10. Vevacanahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 10. взважанахааравибхан̇г̇аван̣н̣анаа • 10. Vevacanahāravibhaṅgavaṇṇanā
