| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. вибхан̇г̇асуд̇д̇ам̣
2. Vibhaṅgasuttaṃ
2. саавад̇т̇ияам̣ вихарад̇и…бз… ‘‘бадижжасамуббаад̣̇ам̣ во, бхигкавз, д̣̇зсзссаами вибхаж̇иссаами. д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
2. Sāvatthiyaṃ viharati…pe… ‘‘paṭiccasamuppādaṃ vo, bhikkhave, desessāmi vibhajissāmi. Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
‘‘гад̇амо жа, бхигкавз, бадижжасамуббаад̣̇о? авиж̇ж̇аабажжаяаа, бхигкавз, сан̇каараа; сан̇каарабажжаяаа вин̃н̃аан̣ам̣; вин̃н̃аан̣абажжаяаа наамаруубам̣; наамаруубабажжаяаа сал̣ааяад̇анам̣; сал̣ааяад̇анабажжаяаа пассо; пассабажжаяаа взд̣̇анаа; взд̣̇анаабажжаяаа д̇ан̣хаа; д̇ан̣хаабажжаяаа убаад̣̇аанам̣; убаад̣̇аанабажжаяаа бхаво; бхавабажжаяаа ж̇аад̇и ; ж̇аад̇ибажжаяаа ж̇араамаран̣ам̣ согабарид̣̇звад̣̇угкад̣̇оманассубааяаасаа самбхаванд̇и. звамзд̇асса гзваласса д̣̇угкагканд̇хасса самуд̣̇аяо ход̇и.
‘‘Katamo ca, bhikkhave, paṭiccasamuppādo? Avijjāpaccayā, bhikkhave, saṅkhārā; saṅkhārapaccayā viññāṇaṃ; viññāṇapaccayā nāmarūpaṃ; nāmarūpapaccayā saḷāyatanaṃ; saḷāyatanapaccayā phasso; phassapaccayā vedanā; vedanāpaccayā taṇhā; taṇhāpaccayā upādānaṃ; upādānapaccayā bhavo; bhavapaccayā jāti ; jātipaccayā jarāmaraṇaṃ sokaparidevadukkhadomanassupāyāsā sambhavanti. Evametassa kevalassa dukkhakkhandhassa samudayo hoti.
‘‘гад̇аман̃жа, бхигкавз, ж̇араамаран̣ам̣? яаа д̇зсам̣ д̇зсам̣ сад̇д̇аанам̣ д̇амхи д̇амхи сад̇д̇анигааяз ж̇араа ж̇ийран̣ад̇аа кан̣д̣ижжам̣ баалижжам̣ валид̇д̇ажад̇аа ааяуно сам̣хаани инд̣̇рияаанам̣ барибааго; аяам̣ вужжад̇и ж̇араа. яаа д̇зсам̣ д̇зсам̣ сад̇д̇аанам̣ д̇амхаа д̇амхаа сад̇д̇анигааяаа жуд̇и жаванад̇аа бхзд̣̇о анд̇арад̇хаанам̣ мажжу маран̣ам̣ гаалагирияаа канд̇хаанам̣ бхзд̣̇о гал̣зварасса нигкзбо ( ) 1, ид̣̇ам̣ вужжад̇и маран̣ам̣. ид̇и аяан̃жа ж̇араа, ид̣̇ан̃жа маран̣ам̣. ид̣̇ам̣ вужжад̇и, бхигкавз, ж̇араамаран̣ам̣.
‘‘Katamañca, bhikkhave, jarāmaraṇaṃ? Yā tesaṃ tesaṃ sattānaṃ tamhi tamhi sattanikāye jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko; ayaṃ vuccati jarā. Yā tesaṃ tesaṃ sattānaṃ tamhā tamhā sattanikāyā cuti cavanatā bhedo antaradhānaṃ maccu maraṇaṃ kālakiriyā khandhānaṃ bhedo kaḷevarassa nikkhepo ( ) 2, idaṃ vuccati maraṇaṃ. Iti ayañca jarā, idañca maraṇaṃ. Idaṃ vuccati, bhikkhave, jarāmaraṇaṃ.
‘‘гад̇амаа жа, бхигкавз, ж̇аад̇и? яаа д̇зсам̣ д̇зсам̣ сад̇д̇аанам̣ д̇амхи д̇амхи сад̇д̇анигааяз ж̇аад̇и сан̃ж̇аад̇и огганд̇и ниб̣б̣ад̇д̇и абхиниб̣б̣ад̇д̇и канд̇хаанам̣ баад̇убхааво ааяад̇анаанам̣ бадилаабхо. аяам̣ вужжад̇и, бхигкавз, ж̇аад̇и.
‘‘Katamā ca, bhikkhave, jāti? Yā tesaṃ tesaṃ sattānaṃ tamhi tamhi sattanikāye jāti sañjāti okkanti nibbatti abhinibbatti khandhānaṃ pātubhāvo āyatanānaṃ paṭilābho. Ayaṃ vuccati, bhikkhave, jāti.
‘‘гад̇амо жа, бхигкавз, бхаво? д̇аяо мз, бхигкавз, бхаваа – гаамабхаво, руубабхаво, аруубабхаво. аяам̣ вужжад̇и, бхигкавз, бхаво.
‘‘Katamo ca, bhikkhave, bhavo? Tayo me, bhikkhave, bhavā – kāmabhavo, rūpabhavo, arūpabhavo. Ayaṃ vuccati, bhikkhave, bhavo.
‘‘гад̇аман̃жа, бхигкавз, убаад̣̇аанам̣? жад̇д̇ааримаани, бхигкавз, убаад̣̇аанаани – гаамубаад̣̇аанам̣, д̣̇идтубаад̣̇аанам̣, сийлаб̣б̣ад̇убаад̣̇аанам̣, ад̇д̇аваад̣̇убаад̣̇аанам̣. ид̣̇ам̣ вужжад̇и, бхигкавз, убаад̣̇аанам̣.
‘‘Katamañca, bhikkhave, upādānaṃ? Cattārimāni, bhikkhave, upādānāni – kāmupādānaṃ, diṭṭhupādānaṃ, sīlabbatupādānaṃ, attavādupādānaṃ. Idaṃ vuccati, bhikkhave, upādānaṃ.
‘‘гад̇амаа жа, бхигкавз, д̇ан̣хаа? чаяимз, бхигкавз, д̇ан̣хаагааяаа – руубад̇ан̣хаа, сад̣̇д̣̇ад̇ан̣хаа, г̇анд̇хад̇ан̣хаа, расад̇ан̣хаа, подтаб̣б̣ад̇ан̣хаа, д̇хаммад̇ан̣хаа. аяам̣ вужжад̇и, бхигкавз, д̇ан̣хаа.
‘‘Katamā ca, bhikkhave, taṇhā? Chayime, bhikkhave, taṇhākāyā – rūpataṇhā, saddataṇhā, gandhataṇhā, rasataṇhā, phoṭṭhabbataṇhā, dhammataṇhā. Ayaṃ vuccati, bhikkhave, taṇhā.
‘‘гад̇амаа жа, бхигкавз, взд̣̇анаа? чаяимз, бхигкавз, взд̣̇анаагааяаа – жагкусампассаж̇аа взд̣̇анаа, сод̇асампассаж̇аа взд̣̇анаа, гхаанасампассаж̇аа взд̣̇анаа, ж̇ивхаасампассаж̇аа взд̣̇анаа, гааяасампассаж̇аа взд̣̇анаа, маносампассаж̇аа взд̣̇анаа. аяам̣ вужжад̇и, бхигкавз, взд̣̇анаа.
‘‘Katamā ca, bhikkhave, vedanā? Chayime, bhikkhave, vedanākāyā – cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā. Ayaṃ vuccati, bhikkhave, vedanā.
‘‘гад̇амо жа, бхигкавз, пассо? чаяимз, бхигкавз, пассагааяаа – жагкусампассо, сод̇асампассо, гхаанасампассо, ж̇ивхаасампассо, гааяасампассо, маносампассо. аяам̣ вужжад̇и, бхигкавз, пассо.
‘‘Katamo ca, bhikkhave, phasso? Chayime, bhikkhave, phassakāyā – cakkhusamphasso, sotasamphasso, ghānasamphasso, jivhāsamphasso, kāyasamphasso, manosamphasso. Ayaṃ vuccati, bhikkhave, phasso.
‘‘гад̇аман̃жа, бхигкавз, сал̣ааяад̇анам̣? жагкааяад̇анам̣, сод̇ааяад̇анам̣, гхаанааяад̇анам̣, ж̇ивхааяад̇анам̣, гааяааяад̇анам̣, манааяад̇анам̣ – ид̣̇ам̣ вужжад̇и, бхигкавз, сал̣ааяад̇анам̣.
‘‘Katamañca, bhikkhave, saḷāyatanaṃ? Cakkhāyatanaṃ, sotāyatanaṃ, ghānāyatanaṃ, jivhāyatanaṃ, kāyāyatanaṃ, manāyatanaṃ – idaṃ vuccati, bhikkhave, saḷāyatanaṃ.
‘‘гад̇аман̃жа , бхигкавз, наамаруубам̣? взд̣̇анаа, сан̃н̃аа, жзд̇анаа, пассо, манасигааро – ид̣̇ам̣ вужжад̇и наамам̣. жад̇д̇ааро жа махаабхууд̇аа, жад̇уннан̃жа махаабхууд̇аанам̣ убаад̣̇ааяаруубам̣. ид̣̇ам̣ вужжад̇и руубам̣. ид̇и ид̣̇ан̃жа наамам̣, ид̣̇ан̃жа руубам̣. ид̣̇ам̣ вужжад̇и, бхигкавз, наамаруубам̣.
‘‘Katamañca , bhikkhave, nāmarūpaṃ? Vedanā, saññā, cetanā, phasso, manasikāro – idaṃ vuccati nāmaṃ. Cattāro ca mahābhūtā, catunnañca mahābhūtānaṃ upādāyarūpaṃ. Idaṃ vuccati rūpaṃ. Iti idañca nāmaṃ, idañca rūpaṃ. Idaṃ vuccati, bhikkhave, nāmarūpaṃ.
‘‘гад̇аман̃жа, бхигкавз, вин̃н̃аан̣ам̣? чаяимз, бхигкавз, вин̃н̃аан̣агааяаа – жагкувин̃н̃аан̣ам̣, сод̇авин̃н̃аан̣ам̣, гхаанавин̃н̃аан̣ам̣, ж̇ивхаавин̃н̃аан̣ам̣, гааяавин̃н̃аан̣ам̣, мановин̃н̃аан̣ам̣. ид̣̇ам̣ вужжад̇и, бхигкавз, вин̃н̃аан̣ам̣.
‘‘Katamañca, bhikkhave, viññāṇaṃ? Chayime, bhikkhave, viññāṇakāyā – cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manoviññāṇaṃ. Idaṃ vuccati, bhikkhave, viññāṇaṃ.
‘‘гад̇амз жа, бхигкавз, сан̇каараа? д̇аяомз, бхигкавз, сан̇каараа – гааяасан̇кааро, важийсан̇кааро, жид̇д̇асан̇кааро. имз вужжанд̇и, бхигкавз, сан̇каараа.
‘‘Katame ca, bhikkhave, saṅkhārā? Tayome, bhikkhave, saṅkhārā – kāyasaṅkhāro, vacīsaṅkhāro, cittasaṅkhāro. Ime vuccanti, bhikkhave, saṅkhārā.
‘‘гад̇амаа жа, бхигкавз, авиж̇ж̇аа? яам̣ ко, бхигкавз, д̣̇угкз ан̃н̃аан̣ам̣, д̣̇угкасамуд̣̇аяз ан̃н̃аан̣ам̣, д̣̇угканирод̇хз ан̃н̃аан̣ам̣, д̣̇угканирод̇хаг̇ааминияаа бадибад̣̇ааяа ан̃н̃аан̣ам̣. аяам̣ вужжад̇и, бхигкавз, авиж̇ж̇аа.
‘‘Katamā ca, bhikkhave, avijjā? Yaṃ kho, bhikkhave, dukkhe aññāṇaṃ, dukkhasamudaye aññāṇaṃ, dukkhanirodhe aññāṇaṃ, dukkhanirodhagāminiyā paṭipadāya aññāṇaṃ. Ayaṃ vuccati, bhikkhave, avijjā.
‘‘ид̇и ко, бхигкавз, авиж̇ж̇аабажжаяаа сан̇каараа; сан̇каарабажжаяаа вин̃н̃аан̣ам̣…бз… звамзд̇асса гзваласса д̣̇угкагканд̇хасса самуд̣̇аяо ход̇и. авиж̇ж̇ааяа д̇взва асзсавирааг̇анирод̇хаа сан̇кааранирод̇хо; сан̇кааранирод̇хаа вин̃н̃аан̣анирод̇хо…бз… звамзд̇асса гзваласса д̣̇угкагканд̇хасса нирод̇хо ход̇ий’’д̇и. д̣̇уд̇ияам̣.
‘‘Iti kho, bhikkhave, avijjāpaccayā saṅkhārā; saṅkhārapaccayā viññāṇaṃ…pe… evametassa kevalassa dukkhakkhandhassa samudayo hoti. Avijjāya tveva asesavirāganirodhā saṅkhāranirodho; saṅkhāranirodhā viññāṇanirodho…pe… evametassa kevalassa dukkhakkhandhassa nirodho hotī’’ti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. вибхан̇г̇асуд̇д̇аван̣н̣анаа • 2. Vibhaṅgasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. вибхан̇г̇асуд̇д̇аван̣н̣анаа • 2. Vibhaṅgasuttavaṇṇanā
