| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. вибхан̇г̇асуд̇д̇ам̣
10. Vibhaṅgasuttaṃ
406. ‘‘сад̇ибадтаанан̃жа во, бхигкавз, д̣̇зсзссаами сад̇ибадтаанабхааванан̃жа сад̇ибадтаанабхааванааг̇ааминин̃жа бадибад̣̇ам̣. д̇ам̣ сун̣аат̇а’’. ‘‘гад̇аман̃жа, бхигкавз, сад̇ибадтаанам̣? ид̇ха, бхигкавз, бхигку гааяз гааяаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣; взд̣̇анаасу взд̣̇анаанубассий вихарад̇и…бз… жид̇д̇з жид̇д̇аанубассий вихарад̇и…бз… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. ид̣̇ам̣ вужжад̇и, бхигкавз, сад̇ибадтаанам̣’’.
406. ‘‘Satipaṭṭhānañca vo, bhikkhave, desessāmi satipaṭṭhānabhāvanañca satipaṭṭhānabhāvanāgāminiñca paṭipadaṃ. Taṃ suṇātha’’. ‘‘Katamañca, bhikkhave, satipaṭṭhānaṃ? Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu vedanānupassī viharati…pe… citte cittānupassī viharati…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Idaṃ vuccati, bhikkhave, satipaṭṭhānaṃ’’.
‘‘гад̇амаа жа, бхигкавз, сад̇ибадтаанабхааванаа? ид̇ха, бхигкавз, бхигку самуд̣̇аяад̇хаммаанубассий гааяасмим̣ вихарад̇и, ваяад̇хаммаанубассий гааяасмим̣ вихарад̇и, самуд̣̇аяаваяад̇хаммаанубассий гааяасмим̣ вихарад̇и, аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. самуд̣̇аяад̇хаммаанубассий взд̣̇анаасу вихарад̇и…бз… самуд̣̇аяад̇хаммаанубассий жид̇д̇з вихарад̇и… самуд̣̇аяад̇хаммаанубассий д̇хаммзсу вихарад̇и, ваяад̇хаммаанубассий д̇хаммзсу вихарад̇и, самуд̣̇аяаваяад̇хаммаанубассий д̇хаммзсу вихарад̇и, аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. аяам̣ вужжад̇и, бхигкавз, сад̇ибадтаанабхааванаа.
‘‘Katamā ca, bhikkhave, satipaṭṭhānabhāvanā? Idha, bhikkhave, bhikkhu samudayadhammānupassī kāyasmiṃ viharati, vayadhammānupassī kāyasmiṃ viharati, samudayavayadhammānupassī kāyasmiṃ viharati, ātāpī sampajāno satimā, vineyya loke abhijjhādomanassaṃ. Samudayadhammānupassī vedanāsu viharati…pe… samudayadhammānupassī citte viharati… samudayadhammānupassī dhammesu viharati, vayadhammānupassī dhammesu viharati, samudayavayadhammānupassī dhammesu viharati, ātāpī sampajāno satimā, vineyya loke abhijjhādomanassaṃ. Ayaṃ vuccati, bhikkhave, satipaṭṭhānabhāvanā.
‘‘гад̇амаа жа, бхигкавз, сад̇ибадтаанабхааванааг̇ааминий бадибад̣̇аа? аяамзва арияо адтан̇г̇иго маг̇г̇о, сзяяат̇ид̣̇ам̣ – саммаад̣̇идти, саммаасан̇габбо, саммааваажаа, саммаагамманд̇о, саммааааж̇ийво, саммаавааяаамо, саммаасад̇и, саммаасамаад̇хи. аяам̣ вужжад̇и, бхигкавз, сад̇ибадтаанабхааванааг̇ааминий бадибад̣̇аа’’д̇и. д̣̇асамам̣.
‘‘Katamā ca, bhikkhave, satipaṭṭhānabhāvanāgāminī paṭipadā? Ayameva ariyo aṭṭhaṅgiko maggo, seyyathidaṃ – sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi. Ayaṃ vuccati, bhikkhave, satipaṭṭhānabhāvanāgāminī paṭipadā’’ti. Dasamaṃ.
анануссуд̇аваг̇г̇о жад̇уд̇т̇о.
Ananussutavaggo catuttho.
д̇ассуд̣̇д̣̇аанам̣ –
Tassuddānaṃ –
анануссуд̇ам̣ вирааг̇о, вирад̣̇д̇хо бхааванаа сад̇и;
Ananussutaṃ virāgo, viraddho bhāvanā sati;
ан̃н̃аа чанд̣̇ам̣ барин̃н̃ааяа, бхааванаа вибхан̇г̇зна жаад̇и.
Aññā chandaṃ pariññāya, bhāvanā vibhaṅgena cāti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. анануссуд̇аваг̇г̇аван̣н̣анаа • 4. Ananussutavaggavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. анануссуд̇аваг̇г̇аван̣н̣анаа • 4. Ananussutavaggavaṇṇanā
