| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. вибхан̇г̇асуд̇д̇ам̣
10. Vibhaṅgasuttaṃ
832. ‘‘жад̇д̇ааромз, бхигкавз, ид̣̇д̇хибаад̣̇аа бхаавид̇аа б̣ахулийгад̇аа махабпалаа хонд̇и махаанисам̣саа’’.
832. ‘‘Cattārome, bhikkhave, iddhipādā bhāvitā bahulīkatā mahapphalā honti mahānisaṃsā’’.
‘‘гат̇ам̣ бхаавид̇аа жа, бхигкавз, жад̇д̇ааро ид̣̇д̇хибаад̣̇аа гат̇ам̣ б̣ахулийгад̇аа махабпалаа хонд̇и махаанисам̣саа? ид̇ха, бхигкавз , бхигку чанд̣̇асамаад̇хиббад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и – ‘ид̇и мз чанд̣̇о на жа ад̇илийно бхависсад̇и, на жа ад̇иббаг̇г̇ахид̇о бхависсад̇и, на жа аж̇жхад̇д̇ам̣ сам̣кид̇д̇о бхависсад̇и, на жа б̣ахид̣̇д̇хаа вигкид̇д̇о бхависсад̇и’. бажчаабурзсан̃н̃ий жа вихарад̇и – ‘яат̇аа бурз д̇ат̇аа бажчаа, яат̇аа бажчаа д̇ат̇аа бурз; яат̇аа ад̇хо д̇ат̇аа уд̣̇д̇хам̣, яат̇аа уд̣̇д̇хам̣ д̇ат̇аа ад̇хо; яат̇аа д̣̇иваа д̇ат̇аа рад̇д̇им̣ яат̇аа рад̇д̇им̣ д̇ат̇аа д̣̇иваа’. ид̇и вивадзна жзд̇асаа абарияонад̣̇д̇хзна саббабхаасам̣ жид̇д̇ам̣ бхаавзд̇и. вийрияасамаад̇хи…бз… жид̇д̇асамаад̇хи…бз… виймам̣саасамаад̇хиббад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и – ‘ид̇и мз виймам̣саа на жа ад̇илийнаа бхависсад̇и, на жа ад̇иббаг̇г̇ахид̇аа бхависсад̇и, на жа аж̇жхад̇д̇ам̣ сам̣кид̇д̇аа бхависсад̇и, на жа б̣ахид̣̇д̇хаа вигкид̇д̇аа бхависсад̇и’. бажчаабурзсан̃н̃ий жа вихарад̇и – ‘яат̇аа бурз д̇ат̇аа бажчаа, яат̇аа бажчаа д̇ат̇аа бурз; яат̇аа ад̇хо д̇ат̇аа уд̣̇д̇хам̣, яат̇аа уд̣̇д̇хам̣ д̇ат̇аа ад̇хо; яат̇аа д̣̇иваа д̇ат̇аа рад̇д̇им̣, яат̇аа рад̇д̇им̣ д̇ат̇аа д̣̇иваа’. ид̇и вивадзна жзд̇асаа абарияонад̣̇д̇хзна саббабхаасам̣ жид̇д̇ам̣ бхаавзд̇и.
‘‘Kathaṃ bhāvitā ca, bhikkhave, cattāro iddhipādā kathaṃ bahulīkatā mahapphalā honti mahānisaṃsā? Idha, bhikkhave , bhikkhu chandasamādhippadhānasaṅkhārasamannāgataṃ iddhipādaṃ bhāveti – ‘iti me chando na ca atilīno bhavissati, na ca atippaggahito bhavissati, na ca ajjhattaṃ saṃkhitto bhavissati, na ca bahiddhā vikkhitto bhavissati’. Pacchāpuresaññī ca viharati – ‘yathā pure tathā pacchā, yathā pacchā tathā pure; yathā adho tathā uddhaṃ, yathā uddhaṃ tathā adho; yathā divā tathā rattiṃ yathā rattiṃ tathā divā’. Iti vivaṭena cetasā apariyonaddhena sappabhāsaṃ cittaṃ bhāveti. Vīriyasamādhi…pe… cittasamādhi…pe… vīmaṃsāsamādhippadhānasaṅkhārasamannāgataṃ iddhipādaṃ bhāveti – ‘iti me vīmaṃsā na ca atilīnā bhavissati, na ca atippaggahitā bhavissati, na ca ajjhattaṃ saṃkhittā bhavissati, na ca bahiddhā vikkhittā bhavissati’. Pacchāpuresaññī ca viharati – ‘yathā pure tathā pacchā, yathā pacchā tathā pure; yathā adho tathā uddhaṃ, yathā uddhaṃ tathā adho; yathā divā tathā rattiṃ, yathā rattiṃ tathā divā’. Iti vivaṭena cetasā apariyonaddhena sappabhāsaṃ cittaṃ bhāveti.
‘‘гад̇амо жа, бхигкавз, ад̇илийно чанд̣̇о? яо, бхигкавз, чанд̣̇о госаж̇ж̇асахаг̇ад̇о госаж̇ж̇асамбаяуд̇д̇о – аяам̣ вужжад̇и, бхигкавз, ад̇илийно чанд̣̇о.
‘‘Katamo ca, bhikkhave, atilīno chando? Yo, bhikkhave, chando kosajjasahagato kosajjasampayutto – ayaṃ vuccati, bhikkhave, atilīno chando.
‘‘гад̇амо жа, бхигкавз, ад̇иббаг̇г̇ахид̇о чанд̣̇о? яо, бхигкавз, чанд̣̇о уд̣̇д̇хажжасахаг̇ад̇о уд̣̇д̇хажжасамбаяуд̇д̇о – аяам̣ вужжад̇и, бхигкавз, ад̇иббаг̇г̇ахид̇о чанд̣̇о.
‘‘Katamo ca, bhikkhave, atippaggahito chando? Yo, bhikkhave, chando uddhaccasahagato uddhaccasampayutto – ayaṃ vuccati, bhikkhave, atippaggahito chando.
‘‘гад̇амо жа, бхигкавз, аж̇жхад̇д̇ам̣ сам̣кид̇д̇о чанд̣̇о? яо, бхигкавз, чанд̣̇о т̇инамид̣̇д̇хасахаг̇ад̇о т̇инамид̣̇д̇хасамбаяуд̇д̇о – аяам̣ вужжад̇и, бхигкавз, аж̇жхад̇д̇ам̣ сам̣кид̇д̇о чанд̣̇о.
‘‘Katamo ca, bhikkhave, ajjhattaṃ saṃkhitto chando? Yo, bhikkhave, chando thinamiddhasahagato thinamiddhasampayutto – ayaṃ vuccati, bhikkhave, ajjhattaṃ saṃkhitto chando.
‘‘гад̇амо жа, бхигкавз, б̣ахид̣̇д̇хаа вигкид̇д̇о чанд̣̇о? яо, бхигкавз, чанд̣̇о б̣ахид̣̇д̇хаа бан̃жа гаамаг̇ун̣з аараб̣бха анувигкид̇д̇о анувисадо – аяам̣ вужжад̇и, бхигкавз, б̣ахид̣̇д̇хаа вигкид̇д̇о чанд̣̇о.
‘‘Katamo ca, bhikkhave, bahiddhā vikkhitto chando? Yo, bhikkhave, chando bahiddhā pañca kāmaguṇe ārabbha anuvikkhitto anuvisaṭo – ayaṃ vuccati, bhikkhave, bahiddhā vikkhitto chando.
‘‘гат̇ан̃жа, бхигкавз, бхигку бажчаабурзсан̃н̃ий жа вихарад̇и – яат̇аа бурз д̇ат̇аа бажчаа, яат̇аа бажчаа д̇ат̇аа бурз? ид̇ха , бхигкавз, бхигкуно бажчаабурзсан̃н̃аа суг̇г̇ахид̇аа ход̇и суманасигад̇аа суубад̇хаарид̇аа суббадивид̣̇д̇хаа бан̃н̃ааяа. звам̣ ко, бхигкавз, бхигку бажчаабурзсан̃н̃ий жа вихарад̇и – яат̇аа бурз д̇ат̇аа бажчаа, яат̇аа бажчаа д̇ат̇аа бурз.
‘‘Kathañca, bhikkhave, bhikkhu pacchāpuresaññī ca viharati – yathā pure tathā pacchā, yathā pacchā tathā pure? Idha , bhikkhave, bhikkhuno pacchāpuresaññā suggahitā hoti sumanasikatā sūpadhāritā suppaṭividdhā paññāya. Evaṃ kho, bhikkhave, bhikkhu pacchāpuresaññī ca viharati – yathā pure tathā pacchā, yathā pacchā tathā pure.
‘‘гат̇ан̃жа, бхигкавз, бхигку яат̇аа ад̇хо д̇ат̇аа уд̣̇д̇хам̣, яат̇аа уд̣̇д̇хам̣ д̇ат̇аа ад̇хо вихарад̇и? ид̇ха, бхигкавз, бхигку имамзва гааяам̣ уд̣̇д̇хам̣ баад̣̇ад̇алаа ад̇хо гзсамад̇т̇агаа д̇ажабарияанд̇ам̣ буурам̣ наанаббагаарасса асужино бажжавзгкад̇и – ‘ад̇т̇и имасмим̣ гааяз гзсаа ломаа накаа д̣̇анд̇аа д̇ажо мам̣сам̣ нхаару адти адтимин̃ж̇ам̣ ваггам̣ хад̣̇аяам̣ яаганам̣ гиломагам̣ бихагам̣ бабпаасам̣ анд̇ам̣ анд̇аг̇ун̣ам̣ уд̣̇арияам̣ гарийсам̣ бид̇д̇ам̣ сзмхам̣ буб̣б̣о лохид̇ам̣ сзд̣̇о мзд̣̇о ассу васаа кзл̣о син̇гхаан̣игаа ласигаа муд̇д̇а’нд̇и. звам̣ ко, бхигкавз, бхигку яат̇аа ад̇хо д̇ат̇аа уд̣̇д̇хам̣, яат̇аа уд̣̇д̇хам̣ д̇ат̇аа ад̇хо вихарад̇и.
‘‘Kathañca, bhikkhave, bhikkhu yathā adho tathā uddhaṃ, yathā uddhaṃ tathā adho viharati? Idha, bhikkhave, bhikkhu imameva kāyaṃ uddhaṃ pādatalā adho kesamatthakā tacapariyantaṃ pūraṃ nānappakārassa asucino paccavekkhati – ‘atthi imasmiṃ kāye kesā lomā nakhā dantā taco maṃsaṃ nhāru aṭṭhi aṭṭhimiñjaṃ vakkaṃ hadayaṃ yakanaṃ kilomakaṃ pihakaṃ papphāsaṃ antaṃ antaguṇaṃ udariyaṃ karīsaṃ pittaṃ semhaṃ pubbo lohitaṃ sedo medo assu vasā kheḷo siṅghāṇikā lasikā mutta’nti. Evaṃ kho, bhikkhave, bhikkhu yathā adho tathā uddhaṃ, yathā uddhaṃ tathā adho viharati.
‘‘гат̇ан̃жа , бхигкавз, бхигку яат̇аа д̣̇иваа д̇ат̇аа рад̇д̇им̣, яат̇аа рад̇д̇им̣ д̇ат̇аа д̣̇иваа вихарад̇и? ид̇ха, бхигкавз, бхигку язхи аагаарзхи язхи лин̇г̇зхи язхи нимид̇д̇зхи д̣̇иваа чанд̣̇асамаад̇хиббад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и, со д̇зхи аагаарзхи д̇зхи лин̇г̇зхи д̇зхи нимид̇д̇зхи рад̇д̇им̣ чанд̣̇асамаад̇хиббад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и; язхи ваа бана аагаарзхи язхи лин̇г̇зхи язхи нимид̇д̇зхи рад̇д̇им̣ чанд̣̇асамаад̇хиббад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и, со д̇зхи аагаарзхи д̇зхи лин̇г̇зхи д̇зхи нимид̇д̇зхи д̣̇иваа чанд̣̇асамаад̇хиббад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и. звам̣ ко, бхигкавз, бхигку яат̇аа д̣̇иваа д̇ат̇аа рад̇д̇им̣, яат̇аа рад̇д̇им̣ д̇ат̇аа д̣̇иваа вихарад̇и.
‘‘Kathañca , bhikkhave, bhikkhu yathā divā tathā rattiṃ, yathā rattiṃ tathā divā viharati? Idha, bhikkhave, bhikkhu yehi ākārehi yehi liṅgehi yehi nimittehi divā chandasamādhippadhānasaṅkhārasamannāgataṃ iddhipādaṃ bhāveti, so tehi ākārehi tehi liṅgehi tehi nimittehi rattiṃ chandasamādhippadhānasaṅkhārasamannāgataṃ iddhipādaṃ bhāveti; yehi vā pana ākārehi yehi liṅgehi yehi nimittehi rattiṃ chandasamādhippadhānasaṅkhārasamannāgataṃ iddhipādaṃ bhāveti, so tehi ākārehi tehi liṅgehi tehi nimittehi divā chandasamādhippadhānasaṅkhārasamannāgataṃ iddhipādaṃ bhāveti. Evaṃ kho, bhikkhave, bhikkhu yathā divā tathā rattiṃ, yathā rattiṃ tathā divā viharati.
‘‘гат̇ан̃жа , бхигкавз, бхигку вивадзна жзд̇асаа абарияонад̣̇д̇хзна саббабхаасам̣ жид̇д̇ам̣ бхаавзд̇и? ид̇ха, бхигкавз, бхигкуно аалогасан̃н̃аа суг̇г̇ахид̇аа ход̇и д̣̇иваасан̃н̃аа сваад̇хидтид̇аа. звам̣ ко, бхигкавз, бхигку вивадзна жзд̇асаа абарияонад̣̇д̇хзна саббабхаасам̣ жид̇д̇ам̣ бхаавзд̇и.
‘‘Kathañca , bhikkhave, bhikkhu vivaṭena cetasā apariyonaddhena sappabhāsaṃ cittaṃ bhāveti? Idha, bhikkhave, bhikkhuno ālokasaññā suggahitā hoti divāsaññā svādhiṭṭhitā. Evaṃ kho, bhikkhave, bhikkhu vivaṭena cetasā apariyonaddhena sappabhāsaṃ cittaṃ bhāveti.
‘‘гад̇аман̃жа , бхигкавз, ад̇илийнам̣ вийрияам̣? яам̣, бхигкавз, вийрияам̣ госаж̇ж̇асахаг̇ад̇ам̣ госаж̇ж̇асамбаяуд̇д̇ам̣ – ид̣̇ам̣ вужжад̇и, бхигкавз, ад̇илийнам̣ вийрияам̣.
‘‘Katamañca , bhikkhave, atilīnaṃ vīriyaṃ? Yaṃ, bhikkhave, vīriyaṃ kosajjasahagataṃ kosajjasampayuttaṃ – idaṃ vuccati, bhikkhave, atilīnaṃ vīriyaṃ.
‘‘гад̇аман̃жа, бхигкавз, ад̇иббаг̇г̇ахид̇ам̣ вийрияам̣? яам̣, бхигкавз, вийрияам̣ уд̣̇д̇хажжасахаг̇ад̇ам̣ уд̣̇д̇хажжасамбаяуд̇д̇ам̣ – ид̣̇ам̣ вужжад̇и, бхигкавз, ад̇иббаг̇г̇ахид̇ам̣ вийрияам̣.
‘‘Katamañca, bhikkhave, atippaggahitaṃ vīriyaṃ? Yaṃ, bhikkhave, vīriyaṃ uddhaccasahagataṃ uddhaccasampayuttaṃ – idaṃ vuccati, bhikkhave, atippaggahitaṃ vīriyaṃ.
‘‘гад̇аман̃жа, бхигкавз, аж̇жхад̇д̇ам̣ сам̣кид̇д̇ам̣ вийрияам̣? яам̣, бхигкавз, вийрияам̣ т̇инамид̣̇д̇хасахаг̇ад̇ам̣ т̇инамид̣̇д̇хасамбаяуд̇д̇ам̣ – ид̣̇ам̣ вужжад̇и, бхигкавз, аж̇жхад̇д̇ам̣ сам̣кид̇д̇ам̣ вийрияам̣.
‘‘Katamañca, bhikkhave, ajjhattaṃ saṃkhittaṃ vīriyaṃ? Yaṃ, bhikkhave, vīriyaṃ thinamiddhasahagataṃ thinamiddhasampayuttaṃ – idaṃ vuccati, bhikkhave, ajjhattaṃ saṃkhittaṃ vīriyaṃ.
‘‘гад̇аман̃жа, бхигкавз, б̣ахид̣̇д̇хаа вигкид̇д̇ам̣ вийрияам̣? яам̣, бхигкавз, вийрияам̣ б̣ахид̣̇д̇хаа бан̃жа гаамаг̇ун̣з аараб̣бха анувигкид̇д̇ам̣ анувисадам̣ – ид̣̇ам̣ вужжад̇и, бхигкавз, б̣ахид̣̇д̇хаа вигкид̇д̇ам̣ вийрияам̣…бз….
‘‘Katamañca, bhikkhave, bahiddhā vikkhittaṃ vīriyaṃ? Yaṃ, bhikkhave, vīriyaṃ bahiddhā pañca kāmaguṇe ārabbha anuvikkhittaṃ anuvisaṭaṃ – idaṃ vuccati, bhikkhave, bahiddhā vikkhittaṃ vīriyaṃ…pe….
‘‘гат̇ан̃жа, бхигкавз, бхигку вивадзна жзд̇асаа абарияонад̣̇д̇хзна саббабхаасам̣ жид̇д̇ам̣ бхаавзд̇и ? ид̇ха, бхигкавз, бхигкуно аалогасан̃н̃аа суг̇г̇ахид̇аа ход̇и д̣̇иваасан̃н̃аа сваад̇хидтид̇аа. звам̣ ко, бхигкавз, бхигку вивадзна жзд̇асаа абарияонад̣̇д̇хзна саббабхаасам̣ жид̇д̇ам̣ бхаавзд̇и.
‘‘Kathañca, bhikkhave, bhikkhu vivaṭena cetasā apariyonaddhena sappabhāsaṃ cittaṃ bhāveti ? Idha, bhikkhave, bhikkhuno ālokasaññā suggahitā hoti divāsaññā svādhiṭṭhitā. Evaṃ kho, bhikkhave, bhikkhu vivaṭena cetasā apariyonaddhena sappabhāsaṃ cittaṃ bhāveti.
‘‘гад̇аман̃жа, бхигкавз, ад̇илийнам̣ жид̇д̇ам̣? яам̣, бхигкавз, жид̇д̇ам̣ госаж̇ж̇асахаг̇ад̇ам̣ госаж̇ж̇асамбаяуд̇д̇ам̣ – ид̣̇ам̣ вужжад̇и, бхигкавз, ад̇илийнам̣ жид̇д̇ам̣.
‘‘Katamañca, bhikkhave, atilīnaṃ cittaṃ? Yaṃ, bhikkhave, cittaṃ kosajjasahagataṃ kosajjasampayuttaṃ – idaṃ vuccati, bhikkhave, atilīnaṃ cittaṃ.
‘‘гад̇аман̃жа, бхигкавз, ад̇иббаг̇г̇ахид̇ам̣ жид̇д̇ам̣? яам̣, бхигкавз, жид̇д̇ам̣ уд̣̇д̇хажжасахаг̇ад̇ам̣ уд̣̇д̇хажжасамбаяуд̇д̇ам̣ – ид̣̇ам̣ вужжад̇и, бхигкавз, ад̇иббаг̇г̇ахид̇ам̣ жид̇д̇ам̣.
‘‘Katamañca, bhikkhave, atippaggahitaṃ cittaṃ? Yaṃ, bhikkhave, cittaṃ uddhaccasahagataṃ uddhaccasampayuttaṃ – idaṃ vuccati, bhikkhave, atippaggahitaṃ cittaṃ.
‘‘гад̇аман̃жа, бхигкавз, аж̇жхад̇д̇ам̣ сам̣кид̇д̇ам̣ жид̇д̇ам̣? яам̣, бхигкавз, жид̇д̇ам̣ т̇инамид̣̇д̇хасахаг̇ад̇ам̣ т̇инамид̣̇д̇хасамбаяуд̇д̇ам̣ – ид̣̇ам̣ вужжад̇и, бхигкавз, аж̇жхад̇д̇ам̣ сам̣кид̇д̇ам̣ жид̇д̇ам̣.
‘‘Katamañca, bhikkhave, ajjhattaṃ saṃkhittaṃ cittaṃ? Yaṃ, bhikkhave, cittaṃ thinamiddhasahagataṃ thinamiddhasampayuttaṃ – idaṃ vuccati, bhikkhave, ajjhattaṃ saṃkhittaṃ cittaṃ.
‘‘гад̇аман̃жа , бхигкавз, б̣ахид̣̇д̇хаа вигкид̇д̇ам̣ жид̇д̇ам̣? яам̣, бхигкавз, жид̇д̇ам̣ б̣ахид̣̇д̇хаа бан̃жа гаамаг̇ун̣з аараб̣бха анувигкид̇д̇ам̣ анувисадам̣ – ид̣̇ам̣ вужжад̇и, бхигкавз, б̣ахид̣̇д̇хаа вигкид̇д̇ам̣ жид̇д̇ам̣…бз… звам̣ ко, бхигкавз, бхигку вивадзна жзд̇асаа абарияонад̣̇д̇хзна саббабхаасам̣ жид̇д̇ам̣ бхаавзд̇и.
‘‘Katamañca , bhikkhave, bahiddhā vikkhittaṃ cittaṃ? Yaṃ, bhikkhave, cittaṃ bahiddhā pañca kāmaguṇe ārabbha anuvikkhittaṃ anuvisaṭaṃ – idaṃ vuccati, bhikkhave, bahiddhā vikkhittaṃ cittaṃ…pe… evaṃ kho, bhikkhave, bhikkhu vivaṭena cetasā apariyonaddhena sappabhāsaṃ cittaṃ bhāveti.
‘‘гад̇амаа жа, бхигкавз, ад̇илийнаа виймам̣саа? яаа, бхигкавз, виймам̣саа госаж̇ж̇асахаг̇ад̇аа госаж̇ж̇асамбаяуд̇д̇аа – аяам̣ вужжад̇и, бхигкавз, ад̇илийнаа виймам̣саа.
‘‘Katamā ca, bhikkhave, atilīnā vīmaṃsā? Yā, bhikkhave, vīmaṃsā kosajjasahagatā kosajjasampayuttā – ayaṃ vuccati, bhikkhave, atilīnā vīmaṃsā.
‘‘гад̇амаа жа, бхигкавз, ад̇иббаг̇г̇ахид̇аа виймам̣саа? яаа, бхигкавз, виймам̣саа уд̣̇д̇хажжасахаг̇ад̇аа уд̣̇д̇хажжасамбаяуд̇д̇аа – аяам̣ вужжад̇и, бхигкавз, ад̇иббаг̇г̇ахид̇аа виймам̣саа.
‘‘Katamā ca, bhikkhave, atippaggahitā vīmaṃsā? Yā, bhikkhave, vīmaṃsā uddhaccasahagatā uddhaccasampayuttā – ayaṃ vuccati, bhikkhave, atippaggahitā vīmaṃsā.
‘‘гад̇амаа жа, бхигкавз, аж̇жхад̇д̇ам̣ сам̣кид̇д̇аа виймам̣саа? яаа, бхигкавз, виймам̣саа т̇инамид̣̇д̇хасахаг̇ад̇аа т̇инамид̣̇д̇хасамбаяуд̇д̇аа – аяам̣ вужжад̇и, бхигкавз, аж̇жхад̇д̇ам̣ сам̣кид̇д̇аа виймам̣саа.
‘‘Katamā ca, bhikkhave, ajjhattaṃ saṃkhittā vīmaṃsā? Yā, bhikkhave, vīmaṃsā thinamiddhasahagatā thinamiddhasampayuttā – ayaṃ vuccati, bhikkhave, ajjhattaṃ saṃkhittā vīmaṃsā.
‘‘гад̇амаа жа, бхигкавз, б̣ахид̣̇д̇хаа вигкид̇д̇аа виймам̣саа? яаа, бхигкавз, виймам̣саа б̣ахид̣̇д̇хаа бан̃жа гаамаг̇ун̣з аараб̣бха анувигкид̇д̇аа анувисадаа – аяам̣ вужжад̇и, бхигкавз, б̣ахид̣̇д̇хаа вигкид̇д̇аа виймам̣саа…бз… звам̣ ко, бхигкавз, бхигку вивадзна жзд̇асаа абарияонад̣̇д̇хзна саббабхаасам̣ жид̇д̇ам̣ бхаавзд̇и. звам̣ бхаавид̇аа ко, бхигкавз, жад̇д̇ааро ид̣̇д̇хибаад̣̇аа звам̣ б̣ахулийгад̇аа махабпалаа хонд̇и махаанисам̣саа.
‘‘Katamā ca, bhikkhave, bahiddhā vikkhittā vīmaṃsā? Yā, bhikkhave, vīmaṃsā bahiddhā pañca kāmaguṇe ārabbha anuvikkhittā anuvisaṭā – ayaṃ vuccati, bhikkhave, bahiddhā vikkhittā vīmaṃsā…pe… evaṃ kho, bhikkhave, bhikkhu vivaṭena cetasā apariyonaddhena sappabhāsaṃ cittaṃ bhāveti. Evaṃ bhāvitā kho, bhikkhave, cattāro iddhipādā evaṃ bahulīkatā mahapphalā honti mahānisaṃsā.
‘‘звам̣ бхаавид̇зсу ко, бхигкавз, бхигку жад̇уусу ид̣̇д̇хибаад̣̇зсу звам̣ б̣ахулийгад̇зсу, анзгавихид̇ам̣ ид̣̇д̇хивид̇хам̣ бажжанубход̇и – згоби худ̇ваа б̣ахуд̇хаа ход̇и, б̣ахуд̇хааби худ̇ваа зго ход̇и…бз… яаава б̣рахмалогааби гааязна васам̣ вад̇д̇зд̇и. звам̣ бхаавид̇зсу ко, бхигкавз, бхигку жад̇уусу ид̣̇д̇хибаад̣̇зсу звам̣ б̣ахулийгад̇зсу, аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇ий’’д̇и. д̣̇асамам̣.
‘‘Evaṃ bhāvitesu kho, bhikkhave, bhikkhu catūsu iddhipādesu evaṃ bahulīkatesu, anekavihitaṃ iddhividhaṃ paccanubhoti – ekopi hutvā bahudhā hoti, bahudhāpi hutvā eko hoti…pe… yāva brahmalokāpi kāyena vasaṃ vatteti. Evaṃ bhāvitesu kho, bhikkhave, bhikkhu catūsu iddhipādesu evaṃ bahulīkatesu, āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī’’ti. Dasamaṃ.
баасаад̣̇агамбанаваг̇г̇о д̣̇уд̇ияо.
Pāsādakampanavaggo dutiyo.
д̇ассуд̣̇д̣̇аанам̣ –
Tassuddānaṃ –
буб̣б̣ам̣ махабпалам̣ чанд̣̇ам̣, мог̇г̇аллаанан̃жа ун̣н̣аабхам̣;
Pubbaṃ mahapphalaṃ chandaṃ, moggallānañca uṇṇābhaṃ;
д̣̇вз саман̣аб̣раахман̣аа бхигку, д̣̇зсанаа вибхан̇г̇зна жаад̇и.
Dve samaṇabrāhmaṇā bhikkhu, desanā vibhaṅgena cāti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. вибхан̇г̇асуд̇д̇аван̣н̣анаа • 10. Vibhaṅgasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. вибхан̇г̇асуд̇д̇аван̣н̣анаа • 10. Vibhaṅgasuttavaṇṇanā
