| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. вибхан̇г̇асуд̇д̇аван̣н̣анаа
2. Vibhaṅgasuttavaṇṇanā
2. д̣̇уд̇иязби вуд̇д̇анаязнзва суд̇д̇анигкзбо взд̣̇ид̇аб̣б̣о. аяам̣ бана висзсо – батамам̣ уг̇гхадид̇ан̃н̃уубуг̇г̇алаанам̣ васзна сан̇кзбад̇о д̣̇ассид̇ам̣, ид̣̇ам̣ вибан̃жид̇ан̃н̃уунам̣ васзна вид̇т̇аарад̇од̇и. имасмин̃жа бана суд̇д̇з жад̇ассо валлихаарагабурисуубамаа вад̇д̇аб̣б̣аа, д̇аа висуд̣̇д̇химаг̇г̇з вуд̇д̇аа зва. яат̇аа хи валлихаараго бурисо валлияаа аг̇г̇ам̣ д̣̇исваа д̇ад̣̇анусаарзна муулам̣ бариязсанд̇о д̇ам̣ д̣̇исваа валлим̣ муулз чзд̇ваа аад̣̇ааяа гаммз убанзяяа, звам̣ бхаг̇аваа вид̇т̇аарад̣̇зсанам̣ д̣̇зсзнд̇о бадижжасамуббаад̣̇асса аг̇г̇абхууд̇аа ж̇араамаран̣аа бадтааяа яаава муулабхууд̇ам̣ авиж̇ж̇аабад̣̇ам̣, д̇аава д̣̇зсанам̣ аахарид̇ваа буна ваддавиваддам̣ д̣̇зсзнд̇о нидтабзси.
2. Dutiyepi vuttanayeneva suttanikkhepo veditabbo. Ayaṃ pana viseso – paṭhamaṃ ugghaṭitaññūpuggalānaṃ vasena saṅkhepato dassitaṃ, idaṃ vipañcitaññūnaṃ vasena vitthāratoti. Imasmiñca pana sutte catasso vallihārakapurisūpamā vattabbā, tā visuddhimagge vuttā eva. Yathā hi vallihārako puriso valliyā aggaṃ disvā tadanusārena mūlaṃ pariyesanto taṃ disvā valliṃ mūle chetvā ādāya kamme upaneyya, evaṃ bhagavā vitthāradesanaṃ desento paṭiccasamuppādassa aggabhūtā jarāmaraṇā paṭṭhāya yāva mūlabhūtaṃ avijjāpadaṃ, tāva desanaṃ āharitvā puna vaṭṭavivaṭṭaṃ desento niṭṭhapesi.
д̇ад̇рааяам̣ ж̇араамаран̣аад̣̇ийнам̣ вид̇т̇аарад̣̇зсанааяа ад̇т̇анижчаяо – ж̇араамаран̣анид̣̇д̣̇зсз д̇аава д̇зсам̣ д̇зсанд̇и аяам̣ сан̇кзбад̇о анзгзсам̣ сад̇д̇аанам̣ саад̇хааран̣анид̣̇д̣̇зсод̇и вин̃н̃аад̇аб̣б̣о. яаа д̣̇звад̣̇ад̇д̇асса ж̇араа, яаа сомад̣̇ад̇д̇ассаад̇и зван̃хи д̣̇ивасамби гат̇знд̇асса нзва сад̇д̇аа барияаад̣̇аанам̣ г̇ажчанд̇и. имзхи бана д̣̇вийхи бад̣̇зхи на гожи сад̇д̇о абарияаад̣̇инно ход̇и. д̇асмаа вуд̇д̇ам̣, ‘‘аяам̣ сан̇кзбад̇о анзгзсам̣ сад̇д̇аанам̣ саад̇хааран̣анид̣̇д̣̇зсо’’д̇и. д̇амхи д̇амхийд̇и аяам̣ г̇ад̇иж̇аад̇ивасзна анзгзсам̣ сад̇д̇анигааяаанам̣ саад̇хааран̣анид̣̇д̣̇зсо. сад̇д̇анигааязд̇и саад̇хааран̣анид̣̇д̣̇зсзна нид̣̇д̣̇идтасса саруубанид̣̇ассанам̣. ж̇араа ж̇ийран̣ад̇аад̇иаад̣̇ийсу бана ж̇араад̇и сабхааванид̣̇д̣̇зсо. ж̇ийран̣ад̇аад̇и аагааранид̣̇д̣̇зсо. кан̣д̣ижжанд̇иаад̣̇аяо д̇аяо гаалаад̇иггамз гижжанид̣̇д̣̇зсаа, бажчимаа д̣̇вз багад̇инид̣̇д̣̇зсаа. аяан̃хи ж̇араад̇и иминаа бад̣̇зна сабхаавад̇о д̣̇ийбид̇аа, д̇знассааяам̣ сабхааванид̣̇д̣̇зсо . ж̇ийран̣ад̇аад̇и иминаа аагаарад̇о, д̇знассааяам̣ аагааранид̣̇д̣̇зсо. кан̣д̣ижжанд̇и иминаа гаалаад̇иггамз д̣̇анд̇анакаанам̣ кан̣д̣ид̇абхаавагаран̣агижжад̇о. баалижжанд̇и иминаа гзсаломаанам̣ балид̇абхаавагаран̣агижжад̇о. валид̇д̇ажад̇аад̇и иминаа мам̣сам̣ милаабзд̇ваа д̇ажавалибхаавагаран̣агижжад̇о д̣̇ийбид̇аа. д̇знассаа имз кан̣д̣ижжанд̇иаад̣̇аяо д̇аяо гаалаад̇иггамз гижжанид̣̇д̣̇зсаа. д̇зхи имзсам̣ вигаараанам̣ д̣̇ассанавасзна баагадийбхууд̇аа баагадаж̇араа д̣̇ассид̇аа. яат̇зва хи уд̣̇агасса ваа ваад̇асса ваа аг̇г̇ино ваа д̇ин̣аругкаад̣̇ийнам̣ сам̣бхаг̇г̇абалибхаг̇г̇ад̇ааяа ваа жхаамад̇ааяа ваа г̇ад̇амаг̇г̇о баагадо ход̇и, на жа со г̇ад̇амаг̇г̇о д̇аанзва уд̣̇агаад̣̇ийни, звамзва ж̇арааяа д̣̇анд̇аад̣̇ийсу кан̣д̣ижжаад̣̇ивасзна г̇ад̇амаг̇г̇о баагадо, жагкум̣ уммийлзд̇вааби г̇аяхад̇и на жа кан̣д̣ижжаад̣̇ийнзва ж̇араа. на хи ж̇араа жагкувин̃н̃зяяаа ход̇и.
Tatrāyaṃ jarāmaraṇādīnaṃ vitthāradesanāya atthanicchayo – jarāmaraṇaniddese tāva tesaṃ tesanti ayaṃ saṅkhepato anekesaṃ sattānaṃ sādhāraṇaniddesoti viññātabbo. Yā devadattassa jarā, yā somadattassāti evañhi divasampi kathentassa neva sattā pariyādānaṃ gacchanti. Imehi pana dvīhi padehi na koci satto apariyādinno hoti. Tasmā vuttaṃ, ‘‘ayaṃ saṅkhepato anekesaṃ sattānaṃ sādhāraṇaniddeso’’ti. Tamhi tamhīti ayaṃ gatijātivasena anekesaṃ sattanikāyānaṃ sādhāraṇaniddeso. Sattanikāyeti sādhāraṇaniddesena niddiṭṭhassa sarūpanidassanaṃ. Jarā jīraṇatātiādīsu pana jarāti sabhāvaniddeso. Jīraṇatāti ākāraniddeso. Khaṇḍiccantiādayo tayo kālātikkame kiccaniddesā, pacchimā dve pakatiniddesā. Ayañhi jarāti iminā padena sabhāvato dīpitā, tenassāyaṃ sabhāvaniddeso . Jīraṇatāti iminā ākārato, tenassāyaṃ ākāraniddeso. Khaṇḍiccanti iminā kālātikkame dantanakhānaṃ khaṇḍitabhāvakaraṇakiccato. Pāliccanti iminā kesalomānaṃ palitabhāvakaraṇakiccato. Valittacatāti iminā maṃsaṃ milāpetvā tacavalibhāvakaraṇakiccato dīpitā. Tenassā ime khaṇḍiccantiādayo tayo kālātikkame kiccaniddesā. Tehi imesaṃ vikārānaṃ dassanavasena pākaṭībhūtā pākaṭajarā dassitā. Yatheva hi udakassa vā vātassa vā aggino vā tiṇarukkhādīnaṃ saṃbhaggapalibhaggatāya vā jhāmatāya vā gatamaggo pākaṭo hoti, na ca so gatamaggo tāneva udakādīni, evameva jarāya dantādīsu khaṇḍiccādivasena gatamaggo pākaṭo, cakkhuṃ ummīletvāpi gayhati na ca khaṇḍiccādīneva jarā. Na hi jarā cakkhuviññeyyā hoti.
ааяуно сам̣хаани инд̣̇рияаанам̣ барибаагод̇и имзхи бана бад̣̇зхи гаалаад̇иггамзязва абхиб̣яад̇д̇ааяа ааяугкаяа-жагкаад̣̇иинд̣̇рияа-барибаагасан̃н̃ид̇ааяа багад̇ияаа д̣̇ийбид̇аа. д̇знассимз бажчимаа д̣̇вз багад̇инид̣̇д̣̇зсаад̇и взд̣̇ид̇аб̣б̣аа. д̇ад̇т̇а яасмаа ж̇арам̣ бад̇д̇асса ааяу хааяад̇и, д̇асмаа ж̇араа ‘‘ааяуно сам̣хааний’’д̇и палуубажаарзна вуд̇д̇аа. яасмаа жа д̣̇ахарагаалз суббасаннаани сукумамби ад̇д̇ано висаяам̣ сукзнзва г̇ан̣ханасамад̇т̇аани жагкаад̣̇ийни инд̣̇рияаани ж̇арам̣ бад̇д̇асса барибаггаани аалул̣ид̇аани ависад̣̇аани, ол̣ааригамби ад̇д̇ано висаяам̣ г̇ахзд̇ум̣ асамад̇т̇аани хонд̇и, д̇асмаа ‘‘инд̣̇рияаанам̣ барибааго’’д̇и палуубажаарзнзва вуд̇д̇аа.
Āyuno saṃhāni indriyānaṃ paripākoti imehi pana padehi kālātikkameyeva abhibyattāya āyukkhaya-cakkhādiindriya-paripākasaññitāya pakatiyā dīpitā. Tenassime pacchimā dve pakatiniddesāti veditabbā. Tattha yasmā jaraṃ pattassa āyu hāyati, tasmā jarā ‘‘āyuno saṃhānī’’ti phalūpacārena vuttā. Yasmā ca daharakāle suppasannāni sukhumampi attano visayaṃ sukheneva gaṇhanasamatthāni cakkhādīni indriyāni jaraṃ pattassa paripakkāni āluḷitāni avisadāni, oḷārikampi attano visayaṃ gahetuṃ asamatthāni honti, tasmā ‘‘indriyānaṃ paripāko’’ti phalūpacāreneva vuttā.
саа банааяам̣ звам̣ нид̣̇д̣̇идтаа саб̣б̣ааби ж̇араа баагадаа бадижчаннаад̇и д̣̇увид̇хаа ход̇и. д̇ад̇т̇а д̣̇анд̇аад̣̇ийсу кан̣д̣аад̣̇ибхаавад̣̇ассанад̇о руубад̇хаммзсу ж̇араа баагадаж̇араа наама, аруубад̇хаммзсу бана ж̇араа д̇аад̣̇исасса вигаарасса ад̣̇ассанад̇о бадижчаннаж̇араа наама. д̇ад̇т̇а явааяам̣ кан̣д̣аад̣̇ибхааво д̣̇иссад̇и, со д̇аад̣̇исаанам̣ д̣̇анд̇аад̣̇ийнам̣ сувин̃н̃зяяад̇д̇аа ван̣н̣оязва, д̇ам̣ жагкунаа д̣̇исваа манод̣̇ваарзна жинд̇зд̇ваа ‘‘имз д̣̇анд̇аа ж̇арааяа бахадаа’’д̇и ж̇арам̣ ж̇аанаад̇и уд̣̇агадтаанз б̣ад̣̇д̇хаани г̇осийсаад̣̇ийни ологзд̇ваа хздтаа уд̣̇агасса ад̇т̇ибхаавам̣ ж̇аананам̣ вияа. буна авийжи савийжийд̇и звамби д̣̇увид̇хаа ход̇и. д̇ад̇т̇а ман̣и-ганага-раж̇ад̇а-баваал̣ажанд̣̇асуурияаад̣̇ийнам̣ вияа манд̣̇ад̣̇асагаад̣̇ийсу баан̣ийнам̣ вияа жа бубпапалабаллаваад̣̇ийсу жа абаан̣ийнам̣ вияа анд̇аранд̇араа ван̣н̣ависзсаад̣̇ийнам̣ д̣̇увин̃н̃зяяад̇д̇аа ж̇араа авийжиж̇араа наама, ниранд̇араж̇араад̇и ад̇т̇о. д̇ад̇о ан̃н̃зсу бана яат̇аавуд̇д̇зсу анд̇аранд̇араа ван̣н̣ависзсаад̣̇ийнам̣ сувин̃н̃зяяад̇д̇аа ж̇араа савийжиж̇араа наамаад̇и взд̣̇ид̇аб̣б̣аа.
Sā panāyaṃ evaṃ niddiṭṭhā sabbāpi jarā pākaṭā paṭicchannāti duvidhā hoti. Tattha dantādīsu khaṇḍādibhāvadassanato rūpadhammesu jarā pākaṭajarā nāma, arūpadhammesu pana jarā tādisassa vikārassa adassanato paṭicchannajarā nāma. Tattha yvāyaṃ khaṇḍādibhāvo dissati, so tādisānaṃ dantādīnaṃ suviññeyyattā vaṇṇoyeva, taṃ cakkhunā disvā manodvārena cintetvā ‘‘ime dantā jarāya pahaṭā’’ti jaraṃ jānāti udakaṭṭhāne baddhāni gosīsādīni oloketvā heṭṭhā udakassa atthibhāvaṃ jānanaṃ viya. Puna avīci savīcīti evampi duvidhā hoti. Tattha maṇi-kanaka-rajata-pavāḷacandasūriyādīnaṃ viya mandadasakādīsu pāṇīnaṃ viya ca pupphaphalapallavādīsu ca apāṇīnaṃ viya antarantarā vaṇṇavisesādīnaṃ duviññeyyattā jarā avīcijarā nāma, nirantarajarāti attho. Tato aññesu pana yathāvuttesu antarantarā vaṇṇavisesādīnaṃ suviññeyyattā jarā savīcijarā nāmāti veditabbā.
ид̇о барам̣ д̇зсам̣ д̇зсанд̇иаад̣̇и вуд̇д̇анаязнзва взд̣̇ид̇аб̣б̣ам̣. жуд̇и жаванад̇аад̇иаад̣̇ийсу бана жуд̇ийд̇и жаванагавасзна вужжад̇и, згажад̇убан̃жагканд̇хасааман̃н̃аважанамзд̇ам̣. жаванад̇аад̇и бхаававажанзна лагкан̣анид̣̇ассанам̣ . бхзд̣̇од̇и жуд̇игканд̇хаанам̣ бхан̇г̇уббад̇д̇ибарид̣̇ийбанам̣. анд̇арад̇хаананд̇и гхадассзва бхиннасса бхиннаанам̣ жуд̇игканд̇хаанам̣ язна гзнажи барияааязна таанаабхаавабарид̣̇ийбанам̣. мажжу маран̣анд̇и мажжусан̇каад̇ам̣ маран̣ам̣, д̇зна самужчзд̣̇амаран̣аад̣̇ийни нисзд̇хзд̇и. гаало наама анд̇аго, д̇асса гирияаа гаалагирияаа. звам̣ д̇зна логасаммуд̇ияаа маран̣ам̣ д̣̇ийбзд̇и.
Ito paraṃ tesaṃ tesantiādi vuttanayeneva veditabbaṃ. Cuti cavanatātiādīsu pana cutīti cavanakavasena vuccati, ekacatupañcakkhandhasāmaññavacanametaṃ. Cavanatāti bhāvavacanena lakkhaṇanidassanaṃ . Bhedoti cutikkhandhānaṃ bhaṅguppattiparidīpanaṃ. Antaradhānanti ghaṭasseva bhinnassa bhinnānaṃ cutikkhandhānaṃ yena kenaci pariyāyena ṭhānābhāvaparidīpanaṃ. Maccu maraṇanti maccusaṅkhātaṃ maraṇaṃ, tena samucchedamaraṇādīni nisedheti. Kālo nāma antako, tassa kiriyā kālakiriyā. Evaṃ tena lokasammutiyā maraṇaṃ dīpeti.
ид̣̇аани барамад̇т̇зна д̣̇ийбзд̇ум̣ канд̇хаанам̣ бхзд̣̇од̇иаад̣̇имааха. барамад̇т̇зна хи канд̇хааязва бхиж̇ж̇анд̇и, на сад̇д̇о наама гожи марад̇и. канд̇хзсу бана бхиж̇ж̇амаанзсу сад̇д̇о марад̇и, бхиннзсу мад̇од̇и вохааро ход̇и. зд̇т̇а жа жад̇убан̃жавогааравасзна канд̇хаанам̣ бхзд̣̇о, згавогааравасзна гал̣зварасса нигкзбо. жад̇увогааравасзна жа канд̇хаанам̣ бхзд̣̇о, сзсад̣̇ваяавасзна гал̣зварасса нигкзбо взд̣̇ид̇аб̣б̣о. гасмаа? бхавад̣̇ваязби руубагааяасан̇каад̇асса гал̣зварасса саб̣бхаавад̇о. ат̇а ваа яасмаа жаад̇умахаарааж̇игаад̣̇ийсу канд̇хаа бхиж̇ж̇анд̇зва, на гин̃жи нигкибад̇и, д̇асмаа д̇зсам̣ васзна канд̇хаанам̣ бхзд̣̇о, мануссаад̣̇ийсу гал̣зварасса нигкзбо. зд̇т̇а жа гал̣зварасса нигкзбагааран̣ад̇о маран̣ам̣ ‘‘гал̣зварасса нигкзбо’’д̇и вуд̇д̇анд̇и звамад̇т̇о д̣̇адтаб̣б̣о. ид̇и аяан̃жа ж̇араа ид̣̇ан̃жа маран̣ам̣, ид̣̇ам̣ вужжад̇и, бхигкавзд̇и ид̣̇ам̣ убхаяамби згад̇о гад̇ваа ж̇араамаран̣анд̇и гат̇ийяад̇и.
Idāni paramatthena dīpetuṃ khandhānaṃ bhedotiādimāha. Paramatthena hi khandhāyeva bhijjanti, na satto nāma koci marati. Khandhesu pana bhijjamānesu satto marati, bhinnesu matoti vohāro hoti. Ettha ca catupañcavokāravasena khandhānaṃ bhedo, ekavokāravasena kaḷevarassa nikkhepo. Catuvokāravasena ca khandhānaṃ bhedo, sesadvayavasena kaḷevarassa nikkhepo veditabbo. Kasmā? Bhavadvayepi rūpakāyasaṅkhātassa kaḷevarassa sabbhāvato. Atha vā yasmā cātumahārājikādīsu khandhā bhijjanteva, na kiñci nikkhipati, tasmā tesaṃ vasena khandhānaṃ bhedo, manussādīsu kaḷevarassa nikkhepo. Ettha ca kaḷevarassa nikkhepakāraṇato maraṇaṃ ‘‘kaḷevarassa nikkhepo’’ti vuttanti evamattho daṭṭhabbo. Iti ayañca jarā idañca maraṇaṃ, idaṃ vuccati, bhikkhaveti idaṃ ubhayampi ekato katvā jarāmaraṇanti kathīyati.
ж̇аад̇инид̣̇д̣̇зсз ж̇аад̇и сан̃ж̇аад̇ийд̇иаад̣̇ийсу ж̇ааяанадтзна ж̇аад̇и, саа абарибун̣н̣ааяад̇анавасзна яуд̇д̇аа. сан̃ж̇ааяанадтзна сан̃ж̇аад̇и, саа барибун̣н̣ааяад̇анавасзна яуд̇д̇аа. оггаманадтзна огганд̇и, саа ан̣д̣аж̇аж̇алааб̣уж̇авасзна яуд̇д̇аа. д̇з хи ан̣д̣агосан̃жа вад̇т̇игосан̃жа оггаманд̇аа бависанд̇аа вияа бадисанд̇хим̣ г̇ан̣ханд̇и. абхиниб̣б̣ад̇д̇анадтзна абхиниб̣б̣ад̇д̇и, саа сам̣сзд̣̇аж̇аобабаад̇игавасзна яуд̇д̇аа. д̇з хи баагадааязва худ̇ваа ниб̣б̣ад̇д̇анд̇и. аяам̣ д̇аава вохаарад̣̇зсанаа.
Jātiniddese jāti sañjātītiādīsu jāyanaṭṭhena jāti, sā aparipuṇṇāyatanavasena yuttā. Sañjāyanaṭṭhena sañjāti, sā paripuṇṇāyatanavasena yuttā. Okkamanaṭṭhena okkanti, sā aṇḍajajalābujavasena yuttā. Te hi aṇḍakosañca vatthikosañca okkamantā pavisantā viya paṭisandhiṃ gaṇhanti. Abhinibbattanaṭṭhena abhinibbatti, sā saṃsedajaopapātikavasena yuttā. Te hi pākaṭāyeva hutvā nibbattanti. Ayaṃ tāva vohāradesanā.
ид̣̇аани барамад̇т̇ад̣̇зсанаа ход̇и. канд̇хааязва хи барамад̇т̇ад̇о баад̇убхаванд̇и, на сад̇д̇о. д̇ад̇т̇а жа канд̇хаананд̇и згавогаарабхавз згасса, жад̇увогаарабхавз жад̇уннам̣, бан̃жавогаарабхавз бан̃жаннамби г̇ахан̣ам̣ взд̣̇ид̇аб̣б̣ам̣. баад̇убхаавод̇и уббад̇д̇и. ааяад̇анаананд̇и зд̇т̇а д̇ад̇ра д̇ад̇ра уббаж̇ж̇амаанааяад̇анавасзна сан̇г̇ахо взд̣̇ид̇аб̣б̣о. бадилаабход̇и санд̇ад̇ияам̣ баад̇убхаавоязва. баад̇убхаванд̇аанзва хи д̇аани бадилад̣̇д̇хаани наама хонд̇и. аяам̣ вужжад̇и, бхигкавз, ж̇аад̇ийд̇и иминаа бад̣̇зна вохаарад̇о барамад̇т̇ад̇о жа д̣̇зсид̇ааяа ж̇аад̇ияаа ниг̇аманам̣ гарод̇ийд̇и.
Idāni paramatthadesanā hoti. Khandhāyeva hi paramatthato pātubhavanti, na satto. Tattha ca khandhānanti ekavokārabhave ekassa, catuvokārabhave catunnaṃ, pañcavokārabhave pañcannampi gahaṇaṃ veditabbaṃ. Pātubhāvoti uppatti. Āyatanānanti ettha tatra tatra uppajjamānāyatanavasena saṅgaho veditabbo. Paṭilābhoti santatiyaṃ pātubhāvoyeva. Pātubhavantāneva hi tāni paṭiladdhāni nāma honti. Ayaṃ vuccati, bhikkhave, jātīti iminā padena vohārato paramatthato ca desitāya jātiyā nigamanaṃ karotīti.
бхаванид̣̇д̣̇зсз гаамабхавод̇и гаммабхаво жа убабад̇д̇ибхаво жа. д̇ад̇т̇а гаммабхаво наама гаамабхавуубаг̇агаммамзва. д̇ан̃хи д̇ад̇т̇а убабад̇д̇ибхавасса гааран̣ад̇д̇аа ‘‘суко б̣уд̣̇д̇хаанам̣ уббаад̣̇о (д̇ха. ба. 194) д̣̇угко баабасса ужжаяо’’д̇иаад̣̇ийни (д̇ха. ба. 117) вияа палавохаарзна бхавод̇и вуд̇д̇ам̣. убабад̇д̇ибхаво наама д̇зна гаммзна ниб̣б̣ад̇д̇ам̣ убаад̣̇ин̣н̣агканд̇хабан̃жагам̣. д̇ан̃хи д̇ад̇т̇а бхавад̇ийд̇и гад̇ваа бхавод̇и вуд̇д̇ам̣. саб̣б̣ат̇ааби ид̣̇ам̣ гамман̃жа убабад̇д̇ин̃жа убхаяамбзд̇амид̇ха ‘‘гаамабхаво’’д̇и вуд̇д̇ам̣. зса наяо руубааруубабхавзсууд̇и.
Bhavaniddese kāmabhavoti kammabhavo ca upapattibhavo ca. Tattha kammabhavo nāma kāmabhavūpagakammameva. Tañhi tattha upapattibhavassa kāraṇattā ‘‘sukho buddhānaṃ uppādo (dha. pa. 194) dukkho pāpassa uccayo’’tiādīni (dha. pa. 117) viya phalavohārena bhavoti vuttaṃ. Upapattibhavo nāma tena kammena nibbattaṃ upādiṇṇakkhandhapañcakaṃ. Tañhi tattha bhavatīti katvā bhavoti vuttaṃ. Sabbathāpi idaṃ kammañca upapattiñca ubhayampetamidha ‘‘kāmabhavo’’ti vuttaṃ. Esa nayo rūpārūpabhavesūti.
убаад̣̇аананид̣̇д̣̇зсз гаамубаад̣̇аананд̇иаад̣̇ийсу вад̇т̇угаамам̣ убаад̣̇ияанд̇и зд̇зна, саяам̣ ваа д̇ам̣ убаад̣̇ияад̇ийд̇и гаамубаад̣̇аанам̣, гаамо жа со убаад̣̇аанан̃жаад̇и гаамубаад̣̇аанам̣. убаад̣̇аананд̇и д̣̇ал̣хаг̇г̇ахан̣ам̣ вужжад̇и. д̣̇ал̣хад̇т̇о хи зд̇т̇а убасад̣̇д̣̇о убааяаасаубагадтаад̣̇ийсу вияа. бан̃жагаамаг̇ун̣игарааг̇ассзд̇ам̣ ад̇хиважанам̣. аяамзд̇т̇а сан̇кзбо. вид̇т̇аарад̇о банзд̇ам̣, ‘‘д̇ад̇т̇а гад̇амам̣ гаамубаад̣̇аанам̣? яо гаамзсу гаамажчанд̣̇о’’д̇и (д̇ха. са. 1220; вибха. 938) вуд̇д̇анаязнзва взд̣̇ид̇аб̣б̣ам̣.
Upādānaniddese kāmupādānantiādīsu vatthukāmaṃ upādiyanti etena, sayaṃ vā taṃ upādiyatīti kāmupādānaṃ, kāmo ca so upādānañcāti kāmupādānaṃ. Upādānanti daḷhaggahaṇaṃ vuccati. Daḷhattho hi ettha upasaddo upāyāsaupakaṭṭhādīsu viya. Pañcakāmaguṇikarāgassetaṃ adhivacanaṃ. Ayamettha saṅkhepo. Vitthārato panetaṃ, ‘‘tattha katamaṃ kāmupādānaṃ? Yo kāmesu kāmacchando’’ti (dha. sa. 1220; vibha. 938) vuttanayeneva veditabbaṃ.
д̇ат̇аа д̣̇идти жа саа убаад̣̇аанан̃жаад̇и д̣̇идтубаад̣̇аанам̣. ат̇а ваа д̣̇идтим̣ убаад̣̇ияад̇и, убаад̣̇ияанд̇и ваа зд̇зна д̣̇идтинд̇и д̣̇идтубаад̣̇аанам̣. убаад̣̇ияад̇и хи буримад̣̇идтим̣ уд̇д̇арад̣̇идти, убаад̣̇ияанд̇и жа д̇ааяа д̣̇идтим̣. яат̇ааха – ‘‘сассад̇о ад̇д̇аа жа лого жа ид̣̇амзва сажжам̣ могхаман̃н̃а’’нд̇иаад̣̇и (ма. ни. 3.27). сийлаб̣б̣ад̇убаад̣̇аанаад̇д̇аваад̣̇убаад̣̇аанаваж̇ж̇асса саб̣б̣ад̣̇идтиг̇ад̇ассзд̇ам̣ ад̇хиважанам̣. аяамзд̇т̇а сан̇кзбо, вид̇т̇аарад̇о банзд̇ам̣, ‘‘д̇ад̇т̇а гад̇амам̣ д̣̇идтубаад̣̇аанам̣? над̇т̇и д̣̇инна’’нд̇и (д̇ха. са. 1221) вуд̇д̇анаязнзва взд̣̇ид̇аб̣б̣ам̣.
Tathā diṭṭhi ca sā upādānañcāti diṭṭhupādānaṃ. Atha vā diṭṭhiṃ upādiyati, upādiyanti vā etena diṭṭhinti diṭṭhupādānaṃ. Upādiyati hi purimadiṭṭhiṃ uttaradiṭṭhi, upādiyanti ca tāya diṭṭhiṃ. Yathāha – ‘‘sassato attā ca loko ca idameva saccaṃ moghamañña’’ntiādi (ma. ni. 3.27). Sīlabbatupādānaattavādupādānavajjassa sabbadiṭṭhigatassetaṃ adhivacanaṃ. Ayamettha saṅkhepo, vitthārato panetaṃ, ‘‘tattha katamaṃ diṭṭhupādānaṃ? Natthi dinna’’nti (dha. sa. 1221) vuttanayeneva veditabbaṃ.
д̇ат̇аа сийлаб̣б̣ад̇амубаад̣̇ияанд̇и зд̇зна, саяам̣ ваа д̇ам̣ убаад̣̇ияад̇и, сийлаб̣б̣ад̇ан̃жа д̇ам̣ убаад̣̇аанан̃жаад̇и ваа сийлаб̣б̣ад̇убаад̣̇аанам̣. г̇осийлаг̇овад̇аад̣̇ийни хи ‘‘звам̣ суд̣̇д̇хий’’д̇и (д̇ха. са. 1222; вибха. 938) абхинивзсад̇о саяамзва убаад̣̇аанаанийд̇и. аяамзд̇т̇а сан̇кзбо, вид̇т̇аарад̇о банзд̇ам̣, ‘‘д̇ад̇т̇а гад̇амам̣ сийлаб̣б̣ад̇убаад̣̇аанам̣? ид̇о б̣ахид̣̇д̇хаа саман̣аб̣раахман̣аанам̣ сийлзна суд̣̇д̇хий’’д̇и вуд̇д̇анаязнзва взд̣̇ид̇аб̣б̣ам̣.
Tathā sīlabbatamupādiyanti etena, sayaṃ vā taṃ upādiyati, sīlabbatañca taṃ upādānañcāti vā sīlabbatupādānaṃ. Gosīlagovatādīni hi ‘‘evaṃ suddhī’’ti (dha. sa. 1222; vibha. 938) abhinivesato sayameva upādānānīti. Ayamettha saṅkhepo, vitthārato panetaṃ, ‘‘tattha katamaṃ sīlabbatupādānaṃ? Ito bahiddhā samaṇabrāhmaṇānaṃ sīlena suddhī’’ti vuttanayeneva veditabbaṃ.
ид̣̇аани вад̣̇анд̇и зд̇знаад̇и ваад̣̇о, убаад̣̇ияанд̇и зд̇знаад̇и убаад̣̇аанам̣, гим̣ вад̣̇анд̇и убаад̣̇ияанд̇и ваа? ад̇д̇аанам̣. ад̇д̇ано ваад̣̇убаад̣̇аанам̣ ад̇д̇аваад̣̇убаад̣̇аанам̣. ад̇д̇аваад̣̇амад̇д̇амзва ваа ад̇д̇аад̇и убаад̣̇ияанд̇и зд̇знаад̇и ад̇д̇аваад̣̇убаад̣̇аанам̣. вийсад̇ивад̇т̇угааяа саггааяад̣̇идтияаа зд̇ам̣ ад̇хиважанам̣. аяамзд̇т̇а сан̇кзбо, вид̇т̇аарад̇о банзд̇ам̣, ‘‘д̇ад̇т̇а гад̇амам̣ ад̇д̇аваад̣̇убаад̣̇аанам̣? ид̇ха ассуд̇аваа бут̇уж̇ж̇ано арияаанам̣ ад̣̇ассаавий’’д̇и вуд̇д̇анаязнзва взд̣̇ид̇аб̣б̣ам̣.
Idāni vadanti etenāti vādo, upādiyanti etenāti upādānaṃ, kiṃ vadanti upādiyanti vā? Attānaṃ. Attano vādupādānaṃ attavādupādānaṃ. Attavādamattameva vā attāti upādiyanti etenāti attavādupādānaṃ. Vīsativatthukāya sakkāyadiṭṭhiyā etaṃ adhivacanaṃ. Ayamettha saṅkhepo, vitthārato panetaṃ, ‘‘tattha katamaṃ attavādupādānaṃ? Idha assutavā puthujjano ariyānaṃ adassāvī’’ti vuttanayeneva veditabbaṃ.
д̇ан̣хаанид̣̇д̣̇зсз руубад̇ан̣хаа…бз… д̇хаммад̇ан̣хаад̇и зд̇ам̣ жагкуд̣̇ваараад̣̇ийсу ж̇аванавийт̇ияаа бавад̇д̇ааяа д̇ан̣хааяа ‘‘сздтибуд̇д̇о б̣раахман̣абуд̇д̇о’’д̇и звамаад̣̇ийсу бид̇ид̇о наамам̣ вияа бид̇исад̣̇исаарамман̣ад̇о наамам̣. зд̇т̇а жа руубаарамман̣аа д̇ан̣хаа, руубз д̇ан̣хаад̇и руубад̇ан̣хаа. саа гаамарааг̇абхаавзна руубам̣ ассаад̣̇знд̇ий бавад̇д̇амаанаа гаамад̇ан̣хаа, сассад̇ад̣̇идтисахаг̇ад̇арааг̇абхаавзна ‘‘руубам̣ нижжам̣ д̇хувам̣ сассад̇а’’нд̇и звам̣ ассаад̣̇знд̇ий бавад̇д̇амаанаа бхавад̇ан̣хаа, ужчзд̣̇ад̣̇идтисахаг̇ад̇арааг̇абхаавзна ‘‘руубам̣ ужчиж̇ж̇ад̇и винассад̇и бзжжа на бхавад̇ий’’д̇и звам̣ ассаад̣̇знд̇ий бавад̇д̇амаанаа вибхавад̇ан̣хаад̇и руубад̇ан̣хаа звам̣ д̇ивид̇хаа ход̇и. яат̇аа жа руубад̇ан̣хаа, д̇ат̇аа сад̣̇д̣̇ад̇ан̣хаад̣̇аяобийд̇и звам̣ д̇аани адтаараса д̇ан̣хаавижарид̇аани хонд̇и. д̇аани аж̇жхад̇д̇аруубаад̣̇ийсу адтаараса, б̣ахид̣̇д̇хааруубаад̣̇ийсу адтаарасаад̇и чад̇д̇им̣са. ид̇и ад̇ийд̇аани чад̇д̇им̣са, анааг̇ад̇аани чад̇д̇им̣са, бажжуббаннаани чад̇д̇им̣саад̇и звам̣ адтасад̇ам̣ д̇ан̣хаавижарид̇аани хонд̇и. ‘‘аж̇жхад̇д̇игасса убаад̣̇ааяа асмийд̇и ход̇и, ид̇т̇асмийд̇и ход̇ий’’д̇и (вибха. 973) ваа звамаад̣̇ийни аж̇жхад̇д̇игаруубаад̣̇иниссид̇аани адтаараса, ‘‘б̣аахирасса убаад̣̇ааяа иминаа асмийд̇и ход̇и, иминаа ид̇т̇асмийд̇и ход̇ий’’д̇и (вибха. 975) ваа звамаад̣̇ийни б̣аахираруубаад̣̇иниссид̇аани адтаарасаад̇и чад̇д̇им̣са, ид̇и ад̇ийд̇аани чад̇д̇им̣са, анааг̇ад̇аани чад̇д̇им̣са, бажжуббаннаани чад̇д̇им̣саад̇и звамби адтасад̇ам̣ д̇ан̣хаавижарид̇аани хонд̇и. буна сан̇г̇ахз гарияамаанз руубаад̣̇ийсу аарамман̣зсу чал̣зва д̇ан̣хаагааяаа д̇иссоязва гаамад̇ан̣хаад̣̇аяо хонд̇ийд̇и. звам̣ –
Taṇhāniddese rūpataṇhā…pe… dhammataṇhāti etaṃ cakkhudvārādīsu javanavīthiyā pavattāya taṇhāya ‘‘seṭṭhiputto brāhmaṇaputto’’ti evamādīsu pitito nāmaṃ viya pitisadisārammaṇato nāmaṃ. Ettha ca rūpārammaṇā taṇhā, rūpe taṇhāti rūpataṇhā. Sā kāmarāgabhāvena rūpaṃ assādentī pavattamānā kāmataṇhā, sassatadiṭṭhisahagatarāgabhāvena ‘‘rūpaṃ niccaṃ dhuvaṃ sassata’’nti evaṃ assādentī pavattamānā bhavataṇhā, ucchedadiṭṭhisahagatarāgabhāvena ‘‘rūpaṃ ucchijjati vinassati pecca na bhavatī’’ti evaṃ assādentī pavattamānā vibhavataṇhāti rūpataṇhā evaṃ tividhā hoti. Yathā ca rūpataṇhā, tathā saddataṇhādayopīti evaṃ tāni aṭṭhārasa taṇhāvicaritāni honti. Tāni ajjhattarūpādīsu aṭṭhārasa, bahiddhārūpādīsu aṭṭhārasāti chattiṃsa. Iti atītāni chattiṃsa, anāgatāni chattiṃsa, paccuppannāni chattiṃsāti evaṃ aṭṭhasataṃ taṇhāvicaritāni honti. ‘‘Ajjhattikassa upādāya asmīti hoti, itthasmīti hotī’’ti (vibha. 973) vā evamādīni ajjhattikarūpādinissitāni aṭṭhārasa, ‘‘bāhirassa upādāya iminā asmīti hoti, iminā itthasmīti hotī’’ti (vibha. 975) vā evamādīni bāhirarūpādinissitāni aṭṭhārasāti chattiṃsa, iti atītāni chattiṃsa, anāgatāni chattiṃsa, paccuppannāni chattiṃsāti evampi aṭṭhasataṃ taṇhāvicaritāni honti. Puna saṅgahe kariyamāne rūpādīsu ārammaṇesu chaḷeva taṇhākāyā tissoyeva kāmataṇhādayo hontīti. Evaṃ –
‘‘нид̣̇д̣̇зсад̇т̇зна нид̣̇д̣̇зса, вид̇т̇аараа вид̇т̇аарасса жа;
‘‘Niddesatthena niddesa, vitthārā vitthārassa ca;
буна сан̇г̇ахад̇о д̇ан̣хаа, вин̃н̃аад̇аб̣б̣аа вибхаавинаа’’д̇и.
Puna saṅgahato taṇhā, viññātabbā vibhāvinā’’ti.
взд̣̇анаанид̣̇д̣̇зсз взд̣̇анаагааяаад̇и взд̣̇анаасамуухаа. жагкусампассаж̇аа взд̣̇анаа…бз… маносампассаж̇аавзд̣̇анаад̇и зд̇ам̣ ‘‘жагкусампассаж̇аавзд̣̇анаа ад̇т̇и гусалаа, ад̇т̇и агусалаа, ад̇т̇и аб̣яаагад̇аа’’д̇и звам̣ вибхан̇г̇з (вибха. 34) ааг̇ад̇ад̇д̇аа жагкуд̣̇ваараад̣̇ийсу бавад̇д̇аанам̣ гусалаагусалааб̣яаагад̇авзд̣̇анаанам̣ ‘‘саарибуд̇д̇о манд̇аан̣ибуд̇д̇о’’д̇и звамаад̣̇ийсу маад̇ид̇о наамам̣ вияа маад̇исад̣̇исад̇о вад̇т̇уд̇о наамам̣. важанад̇т̇о банзд̇т̇а – жагкусампассахзд̇у ж̇аад̇аа взд̣̇анаа жагкусампассаж̇аа взд̣̇анаад̇и. зсзва наяо саб̣б̣ад̇т̇а. аяам̣ д̇аавзд̇т̇а саб̣б̣асан̇г̇аахигаа гат̇аа. вибаагавасзна бана жагкуд̣̇ваарз д̣̇вз жагкувин̃н̃аан̣аани, д̣̇вз манод̇хаад̇уяо, д̇иссо мановин̃н̃аан̣ад̇хаад̇уяод̇и зд̇аахи самбаяуд̇д̇авасзна взд̣̇анаа взд̣̇ид̇аб̣б̣аа. зсзва наяо сод̇ад̣̇ваараад̣̇ийсу. манод̣̇ваарз мановин̃н̃аан̣ад̇хаад̇усамбаяуд̇д̇аава.
Vedanāniddese vedanākāyāti vedanāsamūhā. Cakkhusamphassajā vedanā…pe… manosamphassajāvedanāti etaṃ ‘‘cakkhusamphassajāvedanā atthi kusalā, atthi akusalā, atthi abyākatā’’ti evaṃ vibhaṅge (vibha. 34) āgatattā cakkhudvārādīsu pavattānaṃ kusalākusalābyākatavedanānaṃ ‘‘sāriputto mantāṇiputto’’ti evamādīsu mātito nāmaṃ viya mātisadisato vatthuto nāmaṃ. Vacanattho panettha – cakkhusamphassahetu jātā vedanā cakkhusamphassajā vedanāti. Eseva nayo sabbattha. Ayaṃ tāvettha sabbasaṅgāhikā kathā. Vipākavasena pana cakkhudvāre dve cakkhuviññāṇāni, dve manodhātuyo, tisso manoviññāṇadhātuyoti etāhi sampayuttavasena vedanā veditabbā. Eseva nayo sotadvārādīsu. Manodvāre manoviññāṇadhātusampayuttāva.
пассанид̣̇д̣̇зсз жагкусампассод̇и жагкумхи сампассо. зса наяо саб̣б̣ад̇т̇а. жагкусампассо…бз… гааяасампассод̇и зд̇д̇аавад̇аа жа гусалаагусалавибаагаа бан̃жавад̇т̇угаа д̣̇аса пассаа вуд̇д̇аа хонд̇и. маносампассод̇и иминаа сзсаб̣аавийсад̇илогияавибаагаманасамбаяуд̇д̇аа пассаа.
Phassaniddese cakkhusamphassoti cakkhumhi samphasso. Esa nayo sabbattha. Cakkhusamphasso…pe… kāyasamphassoti ettāvatā ca kusalākusalavipākā pañcavatthukā dasa phassā vuttā honti. Manosamphassoti iminā sesabāvīsatilokiyavipākamanasampayuttā phassā.
сал̣ааяад̇ананид̣̇д̣̇зсз жагкааяад̇ананд̇иаад̣̇ийсу яам̣ вад̇д̇аб̣б̣ам̣, д̇ам̣ висуд̣̇д̇химаг̇г̇з канд̇ханид̣̇д̣̇зсз жзва ааяад̇ананид̣̇д̣̇зсз жа вуд̇д̇амзва.
Saḷāyatananiddese cakkhāyatanantiādīsu yaṃ vattabbaṃ, taṃ visuddhimagge khandhaniddese ceva āyatananiddese ca vuttameva.
наамаруубанид̣̇д̣̇зсз наманалагкан̣ам̣ наамам̣. руббаналагкан̣ам̣ руубам̣. вибхаж̇анз банасса взд̣̇анаад̇и взд̣̇анаагканд̇хо, сан̃н̃аад̇и сан̃н̃аагканд̇хо, жзд̇анаа пассо манасигаарод̇и сан̇каарагканд̇хо взд̣̇ид̇аб̣б̣о. гааман̃жа ан̃н̃зби сан̇каарагканд̇хасан̇г̇ахид̇аа д̇хаммаа санд̇и, имз бана д̇аяо саб̣б̣ад̣̇уб̣б̣алзсуби жид̇д̇зсу санд̇и, д̇асмаа зд̇зсам̣язва васзнзд̇т̇а сан̇каарагканд̇хо д̣̇ассид̇о. жад̇д̇ааро жа махаабхууд̇аад̇и зд̇т̇а жад̇д̇аарод̇и г̇ан̣анабарижчзд̣̇о. махаабхууд̇аад̇и бат̇авийаабад̇зж̇авааяаанамзд̇ам̣ ад̇хиважанам̣. язна бана гааран̣зна д̇аани махаабхууд̇аанийд̇и вужжанд̇и, яо жзд̇т̇а ан̃н̃о винижчаяанаяо, со саб̣б̣о висуд̣̇д̇химаг̇г̇з руубагканд̇ханид̣̇д̣̇зсз вуд̇д̇о. жад̇уннан̃жа махаабхууд̇аанам̣ убаад̣̇ааяаад̇и зд̇т̇а бана жад̇уннанд̇и убаяог̇ад̇т̇з саамиважанам̣, жад̇д̇аари махаабхууд̇аанийд̇и вуд̇д̇ам̣ ход̇и. убаад̣̇ааяаад̇и убаад̣̇ияид̇ваа, г̇ахзд̇ваад̇и ад̇т̇о. ниссааяаад̇иби згз. ‘‘вад̇д̇амаана’’нд̇и аяан̃жзд̇т̇а баатасзсо. самуухад̇т̇з ваа зд̇ам̣ саамиважанам̣, жад̇уннам̣ махаабхууд̇аанам̣ самуухам̣ убаад̣̇ааяа вад̇д̇амаанам̣ руубанд̇и зд̇т̇а ад̇т̇о взд̣̇ид̇аб̣б̣о. звам̣ саб̣б̣ат̇ааби яаани жа жад̇д̇аари бат̇авийаад̣̇ийни махаабхууд̇аани, яан̃жа жад̇уннам̣ махаабхууд̇аанам̣ убаад̣̇ааяа вад̇д̇амаанам̣ жагкааяад̇анаад̣̇ибхзд̣̇зна абхид̇хаммабаал̣ияамзва вуд̇д̇ам̣ д̇звийсад̇ивид̇хам̣ руубам̣, д̇ам̣ саб̣б̣амби руубанд̇и взд̣̇ид̇аб̣б̣ам̣.
Nāmarūpaniddese namanalakkhaṇaṃ nāmaṃ. Ruppanalakkhaṇaṃ rūpaṃ. Vibhajane panassa vedanāti vedanākkhandho, saññāti saññākkhandho, cetanā phasso manasikāroti saṅkhārakkhandho veditabbo. Kāmañca aññepi saṅkhārakkhandhasaṅgahitā dhammā santi, ime pana tayo sabbadubbalesupi cittesu santi, tasmā etesaṃyeva vasenettha saṅkhārakkhandho dassito. Cattāro ca mahābhūtāti ettha cattāroti gaṇanaparicchedo. Mahābhūtāti pathavīāpatejavāyānametaṃ adhivacanaṃ. Yena pana kāraṇena tāni mahābhūtānīti vuccanti, yo cettha añño vinicchayanayo, so sabbo visuddhimagge rūpakkhandhaniddese vutto. Catunnañca mahābhūtānaṃ upādāyāti ettha pana catunnanti upayogatthe sāmivacanaṃ, cattāri mahābhūtānīti vuttaṃ hoti. Upādāyāti upādiyitvā, gahetvāti attho. Nissāyātipi eke. ‘‘Vattamāna’’nti ayañcettha pāṭhaseso. Samūhatthe vā etaṃ sāmivacanaṃ, catunnaṃ mahābhūtānaṃ samūhaṃ upādāya vattamānaṃ rūpanti ettha attho veditabbo. Evaṃ sabbathāpi yāni ca cattāri pathavīādīni mahābhūtāni, yañca catunnaṃ mahābhūtānaṃ upādāya vattamānaṃ cakkhāyatanādibhedena abhidhammapāḷiyameva vuttaṃ tevīsatividhaṃ rūpaṃ, taṃ sabbampi rūpanti veditabbaṃ.
вин̃н̃аан̣анид̣̇д̣̇зсз жагкувин̃н̃аан̣анд̇и жагкумхи вин̃н̃аан̣ам̣, жагкуд̇о ваа ж̇аад̇ам̣ вин̃н̃аан̣анд̇и жагкувин̃н̃аан̣ам̣. звам̣ сод̇агхаанаж̇ивхаагааяавин̃н̃аан̣аани. ид̇арам̣ бана маноязва вин̃н̃аан̣анд̇и мановин̃н̃аан̣ам̣. д̣̇вибан̃жавин̃н̃аан̣аваж̇ж̇ид̇ад̇збхуумагавибаагажид̇д̇ассзд̇ам̣ ад̇хиважанам̣.
Viññāṇaniddese cakkhuviññāṇanti cakkhumhi viññāṇaṃ, cakkhuto vā jātaṃ viññāṇanti cakkhuviññāṇaṃ. Evaṃ sotaghānajivhākāyaviññāṇāni. Itaraṃ pana manoyeva viññāṇanti manoviññāṇaṃ. Dvipañcaviññāṇavajjitatebhūmakavipākacittassetaṃ adhivacanaṃ.
сан̇кааранид̣̇д̣̇зсз абхисан̇каран̣алагкан̣о сан̇кааро. вибхаж̇анз банасса гааяасан̇каарод̇и гааяад̇о бавад̇д̇асан̇кааро. гааяад̣̇ваарз жобанавасзна бавад̇д̇аанам̣ гаамааважарагусалад̇о адтаннам̣, агусалад̇о д̣̇ваад̣̇асаннанд̇и вийсад̇ияаа гааяасан̃жзд̇анаанамзд̇ам̣ ад̇хиважанам̣. важийсан̇каарод̇и важанад̇о бавад̇д̇асан̇кааро, важийд̣̇ваарз важанабхзд̣̇авасзна бавад̇д̇аанам̣ вийсад̇ияаа зва важийсан̃жзд̇анаанамзд̇ам̣ ад̇хиважанам̣. жид̇д̇асан̇каарод̇и жид̇д̇ад̇о бавад̇д̇асан̇кааро, гааяаважийд̣̇ваарз жобанам̣ агад̇ваа рахо нисийд̣̇ид̇ваа жинд̇знд̇асса бавад̇д̇аанам̣ логияагусалаагусалавасзна згуунад̇им̣саманосан̃жзд̇анаанамзд̇ам̣ ад̇хиважанам̣.
Saṅkhāraniddese abhisaṅkharaṇalakkhaṇo saṅkhāro. Vibhajane panassa kāyasaṅkhāroti kāyato pavattasaṅkhāro. Kāyadvāre copanavasena pavattānaṃ kāmāvacarakusalato aṭṭhannaṃ, akusalato dvādasannanti vīsatiyā kāyasañcetanānametaṃ adhivacanaṃ. Vacīsaṅkhāroti vacanato pavattasaṅkhāro, vacīdvāre vacanabhedavasena pavattānaṃ vīsatiyā eva vacīsañcetanānametaṃ adhivacanaṃ. Cittasaṅkhāroti cittato pavattasaṅkhāro, kāyavacīdvāre copanaṃ akatvā raho nisīditvā cintentassa pavattānaṃ lokiyakusalākusalavasena ekūnatiṃsamanosañcetanānametaṃ adhivacanaṃ.
авиж̇ж̇аанид̣̇д̣̇зсз д̣̇угкз ан̃н̃аан̣анд̇и д̣̇угкасажжз ан̃н̃аан̣ам̣, мохассзд̇ам̣ ад̇хиважанам̣. зса наяо д̣̇угкасамуд̣̇аяз ан̃н̃аан̣анд̇иаад̣̇ийсу. д̇ад̇т̇а жад̇уухи гааран̣зхи д̣̇угкз ан̃н̃аан̣ам̣ взд̣̇ид̇аб̣б̣ам̣ анд̇ог̇ад̇хад̇о вад̇т̇уд̇о аарамман̣ад̇о бадижчаад̣̇анад̇о жа. д̇ат̇аа хи д̇ам̣ д̣̇угкасажжабарияаабаннад̇д̇аа д̣̇угкз анд̇ог̇ад̇хам̣, д̣̇угкасажжан̃жасса ниссаяабажжаяабхаавзна вад̇т̇у, аарамман̣абажжаяабхаавзна аарамман̣ам̣, д̣̇угкасажжам̣ зд̇ам̣ бадижчаад̣̇зд̇и д̇асса яаат̇аавалагкан̣абадивзд̇ханивааран̣зна н̃аан̣аббавад̇д̇ияаа жзд̇т̇а аббад̣̇аанзна.
Avijjāniddese dukkhe aññāṇanti dukkhasacce aññāṇaṃ, mohassetaṃ adhivacanaṃ. Esa nayo dukkhasamudaye aññāṇantiādīsu. Tattha catūhi kāraṇehi dukkhe aññāṇaṃ veditabbaṃ antogadhato vatthuto ārammaṇato paṭicchādanato ca. Tathā hi taṃ dukkhasaccapariyāpannattā dukkhe antogadhaṃ, dukkhasaccañcassa nissayapaccayabhāvena vatthu, ārammaṇapaccayabhāvena ārammaṇaṃ, dukkhasaccaṃ etaṃ paṭicchādeti tassa yāthāvalakkhaṇapaṭivedhanivāraṇena ñāṇappavattiyā cettha appadānena.
д̣̇угкасамуд̣̇аяз ан̃н̃аан̣ам̣ д̇ийхи гааран̣зхи взд̣̇ид̇аб̣б̣ам̣ вад̇т̇уд̇о аарамман̣ад̇о бадижчаад̣̇анад̇о жа. нирод̇хз бадибад̣̇ааяа жа ан̃н̃аан̣ам̣ згзнзва гааран̣зна взд̣̇ид̇аб̣б̣ам̣ бадижчаад̣̇анад̇о. нирод̇хабадибад̣̇аанан̃хи бадижчаад̣̇агамзва ан̃н̃аан̣ам̣ д̇зсам̣ яаат̇аавалагкан̣абадивзд̇ханивааран̣зна д̇зсу жа н̃аан̣аббавад̇д̇ияаа аббад̣̇аанзна. на бана д̇ам̣ д̇ад̇т̇а анд̇ог̇ад̇хам̣ д̇асмим̣ сажжад̣̇ваяз абарияаабаннад̇д̇аа, на д̇асса д̇ам̣ сажжад̣̇ваяам̣ вад̇т̇у асахаж̇аад̇ад̇д̇аа, наарамман̣ам̣, д̇ад̣̇аараб̣бха аббавад̇д̇анад̇о. бажчиман̃хи сажжад̣̇ваяам̣ г̇амбхийрад̇д̇аа д̣̇уд̣̇д̣̇асам̣, на д̇ад̇т̇а анд̇хабхууд̇ам̣ ан̃н̃аан̣ам̣ бавад̇д̇ад̇и. буримам̣ бана важанийяад̇д̇зна сабхаавалагкан̣асса д̣̇уд̣̇д̣̇асад̇д̇аа г̇амбхийрам̣, д̇ад̇т̇а вибаллаасаг̇аахавасзна бавад̇д̇ад̇и.
Dukkhasamudaye aññāṇaṃ tīhi kāraṇehi veditabbaṃ vatthuto ārammaṇato paṭicchādanato ca. Nirodhe paṭipadāya ca aññāṇaṃ ekeneva kāraṇena veditabbaṃ paṭicchādanato. Nirodhapaṭipadānañhi paṭicchādakameva aññāṇaṃ tesaṃ yāthāvalakkhaṇapaṭivedhanivāraṇena tesu ca ñāṇappavattiyā appadānena. Na pana taṃ tattha antogadhaṃ tasmiṃ saccadvaye apariyāpannattā, na tassa taṃ saccadvayaṃ vatthu asahajātattā, nārammaṇaṃ, tadārabbha appavattanato. Pacchimañhi saccadvayaṃ gambhīrattā duddasaṃ, na tattha andhabhūtaṃ aññāṇaṃ pavattati. Purimaṃ pana vacanīyattena sabhāvalakkhaṇassa duddasattā gambhīraṃ, tattha vipallāsagāhavasena pavattati.
абижа ‘‘д̣̇угкз’’д̇и зд̇д̇аавад̇аа сан̇г̇ахад̇о вад̇т̇уд̇о аарамман̣ад̇о гижжад̇о жа авиж̇ж̇аа д̣̇ийбид̇аа. ‘‘д̣̇угкасамуд̣̇аяз’’д̇и зд̇д̇аавад̇аа вад̇т̇уд̇о аарамман̣ад̇о гижжад̇о жа. ‘‘д̣̇угканирод̇хз д̣̇угканирод̇хаг̇ааминияаа бадибад̣̇ааяаа’’д̇и зд̇д̇аавад̇аа гижжад̇о. ависзсад̇о бана ‘‘ан̃н̃аан̣а’’нд̇и зд̇зна сабхаавад̇о нид̣̇д̣̇идтаад̇и н̃аад̇аб̣б̣аа.
Apica ‘‘dukkhe’’ti ettāvatā saṅgahato vatthuto ārammaṇato kiccato ca avijjā dīpitā. ‘‘Dukkhasamudaye’’ti ettāvatā vatthuto ārammaṇato kiccato ca. ‘‘Dukkhanirodhe dukkhanirodhagāminiyā paṭipadāyā’’ti ettāvatā kiccato. Avisesato pana ‘‘aññāṇa’’nti etena sabhāvato niddiṭṭhāti ñātabbā.
ид̇и ко, бхигкавзд̇и звам̣ ко, бхигкавз. нирод̇хо ход̇ийд̇и ануббаад̣̇о ход̇и. абижзд̇т̇а саб̣б̣зхзва д̇зхи нирод̇хабад̣̇зхи ниб̣б̣аанам̣ д̣̇зсид̇ам̣. ниб̣б̣аанан̃хи ааг̇амма д̇з д̇з д̇хаммаа нируж̇жханд̇и, д̇асмаа д̇ам̣ д̇зсам̣ д̇зсам̣ нирод̇ход̇и вужжад̇и. ид̇и бхаг̇аваа имасмим̣ суд̇д̇з д̣̇ваад̣̇асахи бад̣̇зхи ваддавиваддам̣ д̣̇зсзнд̇о арахад̇д̇анигуудзнзва д̣̇зсанам̣ нидтабзси. д̣̇зсанаабарияосаанз вуд̇д̇анаязнзва бан̃жасад̇аа бхигкуу арахад̇д̇з бад̇идтахим̣сууд̇и.
Iti kho, bhikkhaveti evaṃ kho, bhikkhave. Nirodho hotīti anuppādo hoti. Apicettha sabbeheva tehi nirodhapadehi nibbānaṃ desitaṃ. Nibbānañhi āgamma te te dhammā nirujjhanti, tasmā taṃ tesaṃ tesaṃ nirodhoti vuccati. Iti bhagavā imasmiṃ sutte dvādasahi padehi vaṭṭavivaṭṭaṃ desento arahattanikūṭeneva desanaṃ niṭṭhapesi. Desanāpariyosāne vuttanayeneva pañcasatā bhikkhū arahatte patiṭṭhahiṃsūti.
вибхан̇г̇асуд̇д̇ам̣ д̣̇уд̇ияам̣.
Vibhaṅgasuttaṃ dutiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. вибхан̇г̇асуд̇д̇ам̣ • 2. Vibhaṅgasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. вибхан̇г̇асуд̇д̇аван̣н̣анаа • 2. Vibhaṅgasuttavaṇṇanā
