| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8. вибхан̇г̇асуд̇д̇аван̣н̣анаа
8. Vibhaṅgasuttavaṇṇanā
8. адтамз гад̇амаа жа бхигкавз саммаад̣̇идтийд̇и згзна барияааязна адтан̇г̇игамаг̇г̇ам̣ вибхаж̇ид̇ваа буна абарзна барияааязна вибхаж̇ид̇угаамо ид̣̇ам̣ д̣̇зсанам̣ аарабхи. д̇ад̇т̇а д̣̇угкз н̃аан̣анд̇и саванасаммасанабадивзд̇хабажжавзгкан̣авасзна жад̇уухаагаарзхи уббаннам̣ н̃аан̣ам̣. самуд̣̇аязби зсзва наяо. сзсзсу бана д̣̇вийсу саммасанасса абхааваа д̇ивид̇хамзва ваддад̇и. звамзд̇ам̣ ‘‘д̣̇угкз н̃аан̣а’’нд̇иаад̣̇инаа жад̇усажжагаммадтаанам̣ д̣̇ассид̇ам̣.
8. Aṭṭhame katamā ca bhikkhave sammādiṭṭhīti ekena pariyāyena aṭṭhaṅgikamaggaṃ vibhajitvā puna aparena pariyāyena vibhajitukāmo idaṃ desanaṃ ārabhi. Tattha dukkhe ñāṇanti savanasammasanapaṭivedhapaccavekkhaṇavasena catūhākārehi uppannaṃ ñāṇaṃ. Samudayepi eseva nayo. Sesesu pana dvīsu sammasanassa abhāvā tividhameva vaṭṭati. Evametaṃ ‘‘dukkhe ñāṇa’’ntiādinā catusaccakammaṭṭhānaṃ dassitaṃ.
д̇ад̇т̇а буримаани д̣̇вз сажжаани ваддам̣, бажчимаани виваддам̣. д̇зсу бхигкуно ваддз гаммадтаанаабхинивзсо ход̇и, виваддз над̇т̇и абхинивзсо. буримаани хи д̣̇вз сажжаани ‘‘бан̃жагканд̇хаа д̣̇угкам̣, д̇ан̣хаа самуд̣̇аяо’’д̇и звам̣ сан̇кзбзна жа, ‘‘гад̇амз бан̃жагканд̇хаа руубагканд̇хо’’д̇иаад̣̇инаа наязна вид̇т̇аарзна жа аажарияасанд̇игз уг̇г̇ан̣хид̇ваа ваажааяа бунаббунам̣ баривад̇д̇знд̇о яог̇ааважаро гаммам̣ гарод̇и. ид̇арзсу бана д̣̇вийсу сажжзсу – ‘‘нирод̇хасажжам̣ идтам̣ ганд̇ам̣ манаабам̣, маг̇г̇асажжам̣ идтам̣ ганд̇ам̣ манааба’’нд̇и звам̣ саванзнзва гаммам̣ гарод̇и. со звам̣ гаронд̇о жад̇д̇аари сажжаани згабадивзд̇хзна бадивиж̇жхад̇и, згаабхисамаязна абхисамзд̇и . д̣̇угкам̣ барин̃н̃аабадивзд̇хзна бадивиж̇жхад̇и, самуд̣̇аяам̣ бахаанабадивзд̇хзна, нирод̇хам̣ сажчигирияабадивзд̇хзна, маг̇г̇ам̣ бхааванаабадивзд̇хзна бадивиж̇жхад̇и. д̣̇угкам̣ барин̃н̃аабхисамаязна…бз… маг̇г̇ам̣ бхааванаабхисамаязна абхисамзд̇и.
Tattha purimāni dve saccāni vaṭṭaṃ, pacchimāni vivaṭṭaṃ. Tesu bhikkhuno vaṭṭe kammaṭṭhānābhiniveso hoti, vivaṭṭe natthi abhiniveso. Purimāni hi dve saccāni ‘‘pañcakkhandhā dukkhaṃ, taṇhā samudayo’’ti evaṃ saṅkhepena ca, ‘‘katame pañcakkhandhā rūpakkhandho’’tiādinā nayena vitthārena ca ācariyasantike uggaṇhitvā vācāya punappunaṃ parivattento yogāvacaro kammaṃ karoti. Itaresu pana dvīsu saccesu – ‘‘nirodhasaccaṃ iṭṭhaṃ kantaṃ manāpaṃ, maggasaccaṃ iṭṭhaṃ kantaṃ manāpa’’nti evaṃ savaneneva kammaṃ karoti. So evaṃ karonto cattāri saccāni ekapaṭivedhena paṭivijjhati, ekābhisamayena abhisameti . Dukkhaṃ pariññāpaṭivedhena paṭivijjhati, samudayaṃ pahānapaṭivedhena, nirodhaṃ sacchikiriyapaṭivedhena, maggaṃ bhāvanāpaṭivedhena paṭivijjhati. Dukkhaṃ pariññābhisamayena…pe… maggaṃ bhāvanābhisamayena abhisameti.
звамасса буб̣б̣абхааг̇з д̣̇вийсу сажжзсу уг̇г̇ахабарибужчаасаванад̇хааран̣асаммасанабадивзд̇хо ход̇и, д̣̇вийсу саванабадивзд̇хоязва. абарабхааг̇з д̇ийсу гижжад̇о бадивзд̇хо ход̇и, нирод̇хз аарамман̣абадивзд̇хо. бажжавзгкан̣аа бана бад̇д̇асажжасса ход̇и. имасса бхигкуно буб̣б̣з бариг̇г̇ахад̇о – ‘‘д̣̇угкам̣ бариж̇аанаами, самуд̣̇аяам̣ баж̇ахаами, нирод̇хам̣ сажчигароми, маг̇г̇ам̣ бхаавзмий’’д̇и аабхог̇асаманнаахаараманасигаарабажжавзгкан̣аа над̇т̇и, бариг̇г̇ахад̇о бадтааяа ход̇и. абарабхааг̇з бана д̣̇угкам̣ барин̃н̃аад̇амзва ход̇и…бз… маг̇г̇о бхаавид̇ова ход̇и.
Evamassa pubbabhāge dvīsu saccesu uggahaparipucchāsavanadhāraṇasammasanapaṭivedho hoti, dvīsu savanapaṭivedhoyeva. Aparabhāge tīsu kiccato paṭivedho hoti, nirodhe ārammaṇapaṭivedho. Paccavekkhaṇā pana pattasaccassa hoti. Imassa bhikkhuno pubbe pariggahato – ‘‘dukkhaṃ parijānāmi, samudayaṃ pajahāmi, nirodhaṃ sacchikaromi, maggaṃ bhāvemī’’ti ābhogasamannāhāramanasikārapaccavekkhaṇā natthi, pariggahato paṭṭhāya hoti. Aparabhāge pana dukkhaṃ pariññātameva hoti…pe… maggo bhāvitova hoti.
д̇ад̇т̇а д̣̇вз сажжаани д̣̇уд̣̇д̣̇асад̇д̇аа г̇амбхийраани, д̣̇вз г̇амбхийрад̇д̇аа д̣̇уд̣̇д̣̇асаани. д̣̇угкасажжан̃хи уббад̇д̇ид̇о баагадам̣, каан̣уган̣дагабахаараад̣̇ийсу ‘‘ахо д̣̇угка’’нд̇и вад̇д̇аб̣б̣ад̇амби аабаж̇ж̇ад̇и. самуд̣̇аяамби каад̣̇ид̇угаамад̇аабхун̃ж̇ид̇угаамад̇аад̣̇ивасзна уббад̇д̇ид̇о баагадам̣. лагкан̣абадивзд̇хад̇о бана убхаяамби г̇амбхийрам̣. ид̇и д̇аани д̣̇уд̣̇д̣̇асад̇д̇аа г̇амбхийраани. ид̇арзсам̣ д̣̇виннам̣ д̣̇ассанад̇т̇ааяа баяог̇о бхаваг̇г̇аг̇г̇ахан̣ад̇т̇ам̣ хад̇т̇абасааран̣ам̣ вияа авийжипусанад̇т̇ам̣ баад̣̇абасааран̣ам̣ вияа сад̇ад̇хаа бхиннасса вааласса годияаа годим̣ бадибаад̣̇анам̣ вияа жа ход̇и. ид̇и д̇аани г̇амбхийрад̇д̇аа д̣̇уд̣̇д̣̇асаани. звам̣ д̣̇уд̣̇д̣̇асад̇д̇аа г̇амбхийрзсу г̇амбхийрад̇д̇аа жа д̣̇уд̣̇д̣̇асзсу жад̇уусу сажжзсу уг̇г̇ахаад̣̇ивасзна ид̣̇ам̣ ‘‘д̣̇угкз н̃аан̣а’’нд̇иаад̣̇и вуд̇д̇ам̣. бадивзд̇хагкан̣з бана згамзва д̇ам̣ н̃аан̣ам̣ ход̇и.
Tattha dve saccāni duddasattā gambhīrāni, dve gambhīrattā duddasāni. Dukkhasaccañhi uppattito pākaṭaṃ, khāṇukaṇṭakapahārādīsu ‘‘aho dukkha’’nti vattabbatampi āpajjati. Samudayampi khāditukāmatābhuñjitukāmatādivasena uppattito pākaṭaṃ. Lakkhaṇapaṭivedhato pana ubhayampi gambhīraṃ. Iti tāni duddasattā gambhīrāni. Itaresaṃ dvinnaṃ dassanatthāya payogo bhavaggaggahaṇatthaṃ hatthapasāraṇaṃ viya avīciphusanatthaṃ pādapasāraṇaṃ viya satadhā bhinnassa vālassa koṭiyā koṭiṃ paṭipādanaṃ viya ca hoti. Iti tāni gambhīrattā duddasāni. Evaṃ duddasattā gambhīresu gambhīrattā ca duddasesu catūsu saccesu uggahādivasena idaṃ ‘‘dukkhe ñāṇa’’ntiādi vuttaṃ. Paṭivedhakkhaṇe pana ekameva taṃ ñāṇaṃ hoti.
нзгкаммасан̇габбаад̣̇ийсу гаамабажжанийгадтзна гаамад̇о ниссадабхаавзна ваа, гаамам̣ саммасанд̇асса уббаннод̇и ваа, гаамабад̣̇агхаад̇ам̣ гаамавуубасамам̣ гаронд̇о уббаннод̇и ваа , гаамавивид̇д̇анд̇з уббаннод̇и ваа нзгкаммасан̇габбо. сзсабад̣̇ад̣̇ваязби зсзва наяо. саб̣б̣зби жа д̇з нзгкаммасан̇габбаад̣̇аяо гаамаб̣яаабаад̣̇авихим̣саавираман̣асан̃н̃аанам̣ наанад̇д̇аа буб̣б̣абхааг̇з наанаа, маг̇г̇агкан̣з бана имзсу д̇ийсу таанзсу уббаннасса агусаласан̇габбасса бад̣̇ажчзд̣̇ад̇о ануббад̇д̇исаад̇ханавасзна маг̇г̇ан̇г̇ам̣ буураяамаано згова гусаласан̇габбо уббаж̇ж̇ад̇и. аяам̣ саммаасан̇габбо наама.
Nekkhammasaṅkappādīsu kāmapaccanīkaṭṭhena kāmato nissaṭabhāvena vā, kāmaṃ sammasantassa uppannoti vā, kāmapadaghātaṃ kāmavūpasamaṃ karonto uppannoti vā , kāmavivittante uppannoti vā nekkhammasaṅkappo. Sesapadadvayepi eseva nayo. Sabbepi ca te nekkhammasaṅkappādayo kāmabyāpādavihiṃsāviramaṇasaññānaṃ nānattā pubbabhāge nānā, maggakkhaṇe pana imesu tīsu ṭhānesu uppannassa akusalasaṅkappassa padacchedato anuppattisādhanavasena maggaṅgaṃ pūrayamāno ekova kusalasaṅkappo uppajjati. Ayaṃ sammāsaṅkappo nāma.
мусааваад̣̇аа взраман̣ийаад̣̇аяоби мусааваад̣̇аад̣̇ийхи вираман̣асан̃н̃аанам̣ наанад̇д̇аа буб̣б̣абхааг̇з наанаа, маг̇г̇агкан̣з бана имзсу жад̇уусу таанзсу уббаннааяа агусалад̣̇уссийляажзд̇анааяа бад̣̇ажчзд̣̇ад̇о ануббад̇д̇исаад̇ханавасзна маг̇г̇ан̇г̇ам̣ буураяамаанаа згаава гусалавзраман̣ий уббаж̇ж̇ад̇и. аяам̣ саммааваажаа наама.
Musāvādā veramaṇīādayopi musāvādādīhi viramaṇasaññānaṃ nānattā pubbabhāge nānā, maggakkhaṇe pana imesu catūsu ṭhānesu uppannāya akusaladussīlyacetanāya padacchedato anuppattisādhanavasena maggaṅgaṃ pūrayamānā ekāva kusalaveramaṇī uppajjati. Ayaṃ sammāvācā nāma.
баан̣аад̇ибаад̇аа взраман̣ий аад̣̇аяоби баан̣аад̇ибаад̇аад̣̇ийхи вираман̣асан̃н̃аанам̣ наанад̇д̇аа буб̣б̣абхааг̇з наанаа, маг̇г̇агкан̣з бана имзсу д̇ийсу таанзсу уббаннааяа агусалад̣̇уссийляажзд̇анааяа агирияад̇о бад̣̇ажчзд̣̇ад̇о ануббад̇д̇исаад̇ханавасзна маг̇г̇ан̇г̇ам̣ буураяамаанаа згаава гусалавзраман̣ий уббаж̇ж̇ад̇и. аяам̣ саммаагамманд̇о наама.
Pāṇātipātā veramaṇī ādayopi pāṇātipātādīhi viramaṇasaññānaṃ nānattā pubbabhāge nānā, maggakkhaṇe pana imesu tīsu ṭhānesu uppannāya akusaladussīlyacetanāya akiriyato padacchedato anuppattisādhanavasena maggaṅgaṃ pūrayamānā ekāva kusalaveramaṇī uppajjati. Ayaṃ sammākammanto nāma.
мижчааааж̇ийванд̇и каад̣̇анийяабхож̇анийяаад̣̇ийнам̣ ад̇т̇ааяа бавад̇д̇ид̇ам̣ гааяаважийд̣̇ужжарид̇ам̣. бахааяаад̇и важ̇ж̇зд̇ваа. саммааааж̇ийвзнаад̇и б̣уд̣̇д̇хабасад̇т̇зна ааж̇ийвзна. ж̇ийвигам̣ габбзд̇ийд̇и ж̇ийвид̇авуд̇д̇им̣ бавад̇д̇зд̇и. саммааж̇ийвоби гуханаад̣̇ийхи вираман̣асан̃н̃аанам̣ наанад̇д̇аа буб̣б̣абхааг̇з наанаа. маг̇г̇агкан̣з бана имзсуязва сад̇д̇асу таанзсу уббаннааяа мижчааж̇ийвад̣̇уссийляажзд̇анааяа бад̣̇ажчзд̣̇ад̇о ануббад̇д̇исаад̇ханавасзна маг̇г̇ан̇г̇ам̣ буураяамаанаа згаава гусалавзраман̣ий уббаж̇ж̇ад̇и. аяам̣ саммааааж̇ийво наама.
Micchāājīvanti khādanīyabhojanīyādīnaṃ atthāya pavattitaṃ kāyavacīduccaritaṃ. Pahāyāti vajjetvā. Sammāājīvenāti buddhapasatthena ājīvena. Jīvikaṃ kappetīti jīvitavuttiṃ pavatteti. Sammājīvopi kuhanādīhi viramaṇasaññānaṃ nānattā pubbabhāge nānā. Maggakkhaṇe pana imesuyeva sattasu ṭhānesu uppannāya micchājīvadussīlyacetanāya padacchedato anuppattisādhanavasena maggaṅgaṃ pūrayamānā ekāva kusalaveramaṇī uppajjati. Ayaṃ sammāājīvo nāma.
ануббаннаананд̇и згасмим̣ бхавз д̇ат̇ааруубз ваа аарамман̣з ад̇д̇ано на уббаннаанам̣, барасса бана уббаж̇ж̇амаанз д̣̇исваа – ‘‘ахо вад̇а мз зваруубаа баабагаа д̇хаммаа на уббаж̇ж̇зяяу’’нд̇и звам̣ ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа. чанд̣̇анд̇и д̇зсам̣ агусалаанам̣ ануббаад̣̇агабадибад̇д̇исаад̇хагам̣ вийрияажчанд̣̇ам̣ ж̇анзд̇и. вааяамад̇ийд̇и вааяаамам̣ гарод̇и. вийрияам̣ аарабхад̇ийд̇и вийрияам̣ бавад̇д̇зд̇и. жид̇д̇ам̣ баг̇г̇ан̣хаад̇ийд̇и вийриязна жид̇д̇ам̣ баг̇г̇ахид̇ам̣ гарод̇и. бад̣̇ахад̇ийд̇и ‘‘гаамам̣ д̇ажо жа нхаару жа адти жа авасиссад̇уу’’д̇и (ма. ни. 2.184) бад̇хаанам̣ бавад̇д̇зд̇и . уббаннаананд̇и самуд̣̇аажааравасзна ад̇д̇ано уббаннабуб̣б̣аанам̣. ид̣̇аани д̇аад̣̇исз на уббаад̣̇зссаамийд̇и д̇зсам̣ бахаанааяа чанд̣̇ам̣ ж̇анзд̇и.
Anuppannānanti ekasmiṃ bhave tathārūpe vā ārammaṇe attano na uppannānaṃ, parassa pana uppajjamāne disvā – ‘‘aho vata me evarūpā pāpakā dhammā na uppajjeyyu’’nti evaṃ anuppannānaṃ pāpakānaṃ akusalānaṃ dhammānaṃ anuppādāya. Chandanti tesaṃ akusalānaṃ anuppādakapaṭipattisādhakaṃ vīriyacchandaṃ janeti. Vāyamatīti vāyāmaṃ karoti. Vīriyaṃ ārabhatīti vīriyaṃ pavatteti. Cittaṃ paggaṇhātīti vīriyena cittaṃ paggahitaṃ karoti. Padahatīti ‘‘kāmaṃ taco ca nhāru ca aṭṭhi ca avasissatū’’ti (ma. ni. 2.184) padhānaṃ pavatteti . Uppannānanti samudācāravasena attano uppannapubbānaṃ. Idāni tādise na uppādessāmīti tesaṃ pahānāya chandaṃ janeti.
ануббаннаанам̣ гусалаананд̇и абадилад̣̇д̇хаанам̣ батамаж̇жхаанаад̣̇ийнам̣. уббаннаананд̇и д̇зсам̣язва бадилад̣̇д̇хаанам̣. тид̇ияаад̇и бунаббунам̣ уббад̇д̇ибаб̣анд̇хавасзна тид̇ад̇т̇ам̣. асаммосааяаад̇и авинаасад̇т̇ам̣. бхияяобхаавааяаад̇и убарибхаавааяа. взбуллааяаад̇и вибулабхаавааяа. баарибуурияаад̇и бхааванааяа барибууран̣ад̇т̇ам̣. аяамби саммаавааяаамо ануббаннаанам̣ агусалаанам̣ ануббаад̣̇анаад̣̇ижид̇д̇анаанад̇д̇аа буб̣б̣абхааг̇з наанаа. маг̇г̇агкан̣з бана имзсуязва жад̇уусу таанзсу гижжасаад̇ханавасзна маг̇г̇ан̇г̇ам̣ буураяамаанам̣ згамзва гусалавийрияам̣ уббаж̇ж̇ад̇и. аяам̣ саммаавааяаамо наама.
Anuppannānaṃ kusalānanti apaṭiladdhānaṃ paṭhamajjhānādīnaṃ. Uppannānanti tesaṃyeva paṭiladdhānaṃ. Ṭhitiyāti punappunaṃ uppattipabandhavasena ṭhitatthaṃ. Asammosāyāti avināsatthaṃ. Bhiyyobhāvāyāti uparibhāvāya. Vepullāyāti vipulabhāvāya. Pāripūriyāti bhāvanāya paripūraṇatthaṃ. Ayampi sammāvāyāmo anuppannānaṃ akusalānaṃ anuppādanādicittanānattā pubbabhāge nānā. Maggakkhaṇe pana imesuyeva catūsu ṭhānesu kiccasādhanavasena maggaṅgaṃ pūrayamānaṃ ekameva kusalavīriyaṃ uppajjati. Ayaṃ sammāvāyāmo nāma.
саммаасад̇иби гааяаад̣̇ибариг̇г̇аахагажид̇д̇аанам̣ наанад̇д̇аа буб̣б̣абхааг̇з наанаа, маг̇г̇агкан̣з бана имзсу жад̇уусу таанзсу гижжасаад̇ханавасзна маг̇г̇ан̇г̇ам̣ буураяамаанаа згаа сад̇и уббаж̇ж̇ад̇и. аяам̣ саммаасад̇и наама.
Sammāsatipi kāyādipariggāhakacittānaṃ nānattā pubbabhāge nānā, maggakkhaṇe pana imesu catūsu ṭhānesu kiccasādhanavasena maggaṅgaṃ pūrayamānā ekā sati uppajjati. Ayaṃ sammāsati nāma.
жхаанаад̣̇ийни буб̣б̣абхааг̇зби маг̇г̇агкан̣зби наанаа, буб̣б̣абхааг̇з самаабад̇д̇ивасзна наанаа, маг̇г̇агкан̣з наанаамаг̇г̇авасзна. згасса хи батамамаг̇г̇о батамаж̇жхааниго ход̇и, д̣̇уд̇ияамаг̇г̇аад̣̇аяоби батамаж̇жхаанигаа ваа д̣̇уд̇ияаад̣̇ийсу ан̃н̃ад̇араж̇жхаанигаа ваа. згасса батамамаг̇г̇о д̣̇уд̇ияаад̣̇ийнам̣ ан̃н̃ад̇араж̇жхааниго ход̇и, д̣̇уд̇ияаад̣̇аяоби д̣̇уд̇ияаад̣̇ийнам̣ ан̃н̃ад̇араж̇жхаанигаа ваа батамаж̇жхаанигаа ваа. звам̣ жад̇д̇аароби маг̇г̇аа жхаанавасзна сад̣̇исаа ваа асад̣̇исаа ваа згажжасад̣̇исаа ваа хонд̇и.
Jhānādīni pubbabhāgepi maggakkhaṇepi nānā, pubbabhāge samāpattivasena nānā, maggakkhaṇe nānāmaggavasena. Ekassa hi paṭhamamaggo paṭhamajjhāniko hoti, dutiyamaggādayopi paṭhamajjhānikā vā dutiyādīsu aññatarajjhānikā vā. Ekassa paṭhamamaggo dutiyādīnaṃ aññatarajjhāniko hoti, dutiyādayopi dutiyādīnaṃ aññatarajjhānikā vā paṭhamajjhānikā vā. Evaṃ cattāropi maggā jhānavasena sadisā vā asadisā vā ekaccasadisā vā honti.
аяам̣ банасса висзсо баад̣̇агаж̇жхаананияамзна ход̇и. баад̣̇агаж̇жхаананияамзна хи батамаж̇жхааналаабхино батамаж̇жхаанаа вудтааяа вибассанд̇асса уббаннамаг̇г̇о батамаж̇жхааниго ход̇и, маг̇г̇ан̇г̇аб̣ож̇жхан̇г̇аани банзд̇т̇а барибун̣н̣аанзва хонд̇и. д̣̇уд̇ияаж̇жхаанад̇о вудтааяа вибассанд̇асса уббанно д̣̇уд̇ияаж̇жхааниго ход̇и, маг̇г̇ан̇г̇аани банзд̇т̇а сад̇д̇а хонд̇и. д̇ад̇ияаж̇жхаанад̇о вудтааяа вибассанд̇асса уббанно д̇ад̇ияаж̇жхааниго, маг̇г̇ан̇г̇аани банзд̇т̇а сад̇д̇а, б̣ож̇жхан̇г̇аани ча хонд̇и. зса наяо жад̇уд̇т̇аж̇жхаанад̇о бадтааяа яаава нзвасан̃н̃аанаасан̃н̃ааяад̇анаа .
Ayaṃ panassa viseso pādakajjhānaniyamena hoti. Pādakajjhānaniyamena hi paṭhamajjhānalābhino paṭhamajjhānā vuṭṭhāya vipassantassa uppannamaggo paṭhamajjhāniko hoti, maggaṅgabojjhaṅgāni panettha paripuṇṇāneva honti. Dutiyajjhānato vuṭṭhāya vipassantassa uppanno dutiyajjhāniko hoti, maggaṅgāni panettha satta honti. Tatiyajjhānato vuṭṭhāya vipassantassa uppanno tatiyajjhāniko, maggaṅgāni panettha satta, bojjhaṅgāni cha honti. Esa nayo catutthajjhānato paṭṭhāya yāva nevasaññānāsaññāyatanā .
ааруббз жад̇уггабан̃жагаж̇жхаанам̣ уббаж̇ж̇ад̇и, д̇ан̃жа логуд̇д̇арам̣, но логияанд̇и вуд̇д̇ам̣. зд̇т̇а гат̇анд̇и? зд̇т̇ааби батамаж̇жхаанаад̣̇ийсу яад̇о вудтааяа сод̇аабад̇д̇имаг̇г̇ам̣ бадилабхид̇ваа аруубасамаабад̇д̇им̣ бхаавзд̇ваа со ааруббз уббанно, д̇ам̣жхаанигаавасса д̇ад̇т̇а д̇аяо маг̇г̇аа уббаж̇ж̇анд̇и. звам̣ баад̣̇агаж̇жхаанамзва нияамзд̇и. гзжи бана т̇зраа – ‘‘вибассанааяа аарамман̣абхууд̇аа канд̇хаа нияамзнд̇ий’’д̇и вад̣̇анд̇и . гзжи ‘‘буг̇г̇алаж̇жхаасаяо нияамзд̇ий’’д̇и вад̣̇анд̇и. гзжи ‘‘вудтаанаг̇ааминийвибассанаа нияамзд̇ий’’д̇и вад̣̇анд̇и. д̇зсам̣ ваад̣̇авинижчаяо висуд̣̇д̇химаг̇г̇з вудтаанаг̇ааминийвибассанаад̇хигаарз вуд̇д̇анаязнзва взд̣̇ид̇аб̣б̣о. аяам̣ вужжад̇и, бхигкавз, саммаасамаад̇хийд̇и аяам̣ буб̣б̣абхааг̇з логияо, абарабхааг̇з логуд̇д̇аро саммаасамаад̇хийд̇и вужжад̇и.
Āruppe catukkapañcakajjhānaṃ uppajjati, tañca lokuttaraṃ, no lokiyanti vuttaṃ. Ettha kathanti? Etthāpi paṭhamajjhānādīsu yato vuṭṭhāya sotāpattimaggaṃ paṭilabhitvā arūpasamāpattiṃ bhāvetvā so āruppe uppanno, taṃjhānikāvassa tattha tayo maggā uppajjanti. Evaṃ pādakajjhānameva niyameti. Keci pana therā – ‘‘vipassanāya ārammaṇabhūtā khandhā niyamentī’’ti vadanti . Keci ‘‘puggalajjhāsayo niyametī’’ti vadanti. Keci ‘‘vuṭṭhānagāminīvipassanā niyametī’’ti vadanti. Tesaṃ vādavinicchayo visuddhimagge vuṭṭhānagāminīvipassanādhikāre vuttanayeneva veditabbo. Ayaṃ vuccati, bhikkhave, sammāsamādhīti ayaṃ pubbabhāge lokiyo, aparabhāge lokuttaro sammāsamādhīti vuccati.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. вибхан̇г̇асуд̇д̇ам̣ • 8. Vibhaṅgasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. вибхан̇г̇асуд̇д̇аван̣н̣анаа • 8. Vibhaṅgasuttavaṇṇanā
