| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. вибхан̇г̇асуд̇д̇аван̣н̣анаа
10. Vibhaṅgasuttavaṇṇanā
832. д̣̇асамз госаж̇ж̇асахаг̇ад̇од̇и ид̇ха бхигку чанд̣̇ам̣ уббаад̣̇зд̇ваа гаммадтаанам̣ манасигаронд̇о нисийд̣̇ад̇и. ат̇асса жид̇д̇з лийнаагааро оггамад̇и, со ‘‘лийнаагааро мз огганд̇о’’д̇и н̃ад̇ваа абааяабхаязна жид̇д̇ам̣ д̇аж̇ж̇зд̇ваа буна чанд̣̇ам̣ уббаад̣̇зд̇ваа гаммадтаанам̣ манаси гарод̇и. ат̇асса буна лийнаагааро оггамад̇и. со буна абааяабхаязна жид̇д̇ам̣ д̇аж̇ж̇зд̇ваа чанд̣̇ам̣ уббаад̣̇зд̇ваа гаммадтаанам̣ манаси гарод̇ийд̇и звамасса госаж̇ж̇зна вогин̣н̣ад̇д̇аа чанд̣̇о госаж̇ж̇асахаг̇ад̇о наама ход̇и. госаж̇ж̇асамбаяуд̇д̇од̇и д̇ассзва взважанам̣.
832. Dasame kosajjasahagatoti idha bhikkhu chandaṃ uppādetvā kammaṭṭhānaṃ manasikaronto nisīdati. Athassa citte līnākāro okkamati, so ‘‘līnākāro me okkanto’’ti ñatvā apāyabhayena cittaṃ tajjetvā puna chandaṃ uppādetvā kammaṭṭhānaṃ manasi karoti. Athassa puna līnākāro okkamati. So puna apāyabhayena cittaṃ tajjetvā chandaṃ uppādetvā kammaṭṭhānaṃ manasi karotīti evamassa kosajjena vokiṇṇattā chando kosajjasahagato nāma hoti. Kosajjasampayuttoti tasseva vevacanaṃ.
уд̣̇д̇хажжасахаг̇ад̇од̇и ид̇ха бхигку чанд̣̇ам̣ уббаад̣̇зд̇ваа гаммадтаанам̣ манасигаронд̇о нисийд̣̇ад̇и. ат̇асса жид̇д̇ам̣ уд̣̇д̇хажжз бад̇ад̇и. со б̣уд̣̇д̇хад̇хаммасан̇гхаг̇ун̣з ааваж̇ж̇зд̇ваа жид̇д̇ам̣ хаасзд̇ваа д̇осзд̇ваа гамманияам̣ гад̇ваа буна чанд̣̇ам̣ уббаад̣̇зд̇ваа гаммадтаанам̣ манаси гарод̇и. ат̇асса буна жид̇д̇ам̣ уд̣̇д̇хажжз бад̇ад̇и. со буна б̣уд̣̇д̇хад̇хаммасан̇гхаг̇ун̣з ааваж̇ж̇зд̇ваа жид̇д̇ам̣ хаасзд̇ваа д̇осзд̇ваа гамманияам̣ гад̇ваа чанд̣̇ам̣ уббаад̣̇зд̇ваа гаммадтаанам̣ манаси гарод̇ийд̇и звамасса уд̣̇д̇хажжзна вогин̣н̣ад̇д̇аа чанд̣̇о уд̣̇д̇хажжасахаг̇ад̇о наама ход̇и.
Uddhaccasahagatoti idha bhikkhu chandaṃ uppādetvā kammaṭṭhānaṃ manasikaronto nisīdati. Athassa cittaṃ uddhacce patati. So buddhadhammasaṅghaguṇe āvajjetvā cittaṃ hāsetvā tosetvā kammaniyaṃ katvā puna chandaṃ uppādetvā kammaṭṭhānaṃ manasi karoti. Athassa puna cittaṃ uddhacce patati. So puna buddhadhammasaṅghaguṇe āvajjetvā cittaṃ hāsetvā tosetvā kammaniyaṃ katvā chandaṃ uppādetvā kammaṭṭhānaṃ manasi karotīti evamassa uddhaccena vokiṇṇattā chando uddhaccasahagato nāma hoti.
т̇инамид̣̇д̇хасахаг̇ад̇од̇и ид̇ха бхигку чанд̣̇ам̣ уббаад̣̇зд̇ваа гаммадтаанам̣ манасигаронд̇о нисийд̣̇ад̇и. ат̇асса т̇инамид̣̇д̇хам̣ уббаж̇ж̇ад̇и. со ‘‘уббаннам̣ мз т̇инамид̣̇д̇ха’’нд̇и н̃ад̇ваа уд̣̇агзна мукам̣ бун̃чид̇ваа, ган̣н̣з аагад̣дхид̇ваа баг̇ун̣ам̣ д̇хаммам̣ саж̇жхааяид̇ваа д̣̇иваа г̇ахид̇ам̣ ваа аалогасан̃н̃ам̣ манасигарид̇ваа т̇инамид̣̇д̇хам̣ винод̣̇зд̇ваа буна чанд̣̇ам̣ уббаад̣̇зд̇ваа гаммадтаанам̣ манаси гарод̇и. ат̇асса буна т̇инамид̣̇д̇хам̣ уббаж̇ж̇ад̇и. со вуд̇д̇анаязнзва буна т̇инамид̣̇д̇хам̣ винод̣̇зд̇ваа чанд̣̇ам̣ уббаад̣̇зд̇ваа гаммадтаанам̣ манаси гарод̇ийд̇и звамасса т̇инамид̣̇д̇хзна вогин̣н̣ад̇д̇аа чанд̣̇о т̇инамид̣̇д̇хасахаг̇ад̇о наама ход̇и.
Thinamiddhasahagatoti idha bhikkhu chandaṃ uppādetvā kammaṭṭhānaṃ manasikaronto nisīdati. Athassa thinamiddhaṃ uppajjati. So ‘‘uppannaṃ me thinamiddha’’nti ñatvā udakena mukhaṃ puñchitvā, kaṇṇe ākaḍḍhitvā paguṇaṃ dhammaṃ sajjhāyitvā divā gahitaṃ vā ālokasaññaṃ manasikaritvā thinamiddhaṃ vinodetvā puna chandaṃ uppādetvā kammaṭṭhānaṃ manasi karoti. Athassa puna thinamiddhaṃ uppajjati. So vuttanayeneva puna thinamiddhaṃ vinodetvā chandaṃ uppādetvā kammaṭṭhānaṃ manasi karotīti evamassa thinamiddhena vokiṇṇattā chando thinamiddhasahagato nāma hoti.
анувигкид̇д̇од̇и ид̇ха бхигку чанд̣̇ам̣ уббаад̣̇зд̇ваа гаммадтаанам̣ манасигаронд̇о нисийд̣̇ад̇и. ат̇асса гаамаг̇ун̣аарамман̣з жид̇д̇ам̣ вигкибад̇и. со ‘‘б̣ахид̣̇д̇хаа вигкид̇д̇ам̣ мз жид̇д̇а’’нд̇и н̃ад̇ваа анамад̇аг̇г̇а (сам̣. ни. 2.124-125) д̣̇звад̣̇ууд̇а- (ма. ни. 3.261) жзлобама (сам̣. ни. 5.1104) анааг̇ад̇абхаяасуд̇д̇аад̣̇ийни (а. ни. 5.77) ааваж̇ж̇знд̇о суд̇д̇ад̣̇ан̣д̣зна жид̇д̇ам̣ д̇аж̇ж̇зд̇ваа гамманияам̣ гад̇ваа буна чанд̣̇ам̣ уббаад̣̇зд̇ваа гаммадтаанам̣ манаси гарод̇и. ат̇асса буна жид̇д̇ам̣ вигкибад̇и. со буна суд̇д̇ад̣̇ан̣д̣зна жид̇д̇ам̣ гамманияам̣ гад̇ваа чанд̣̇ам̣ уббаад̣̇зд̇ваа гаммадтаанам̣ манаси гарод̇ийд̇и звамасса гаамавид̇аггавогин̣н̣ад̇д̇аа чанд̣̇о б̣ахид̣̇д̇хаа бан̃жа гаамаг̇ун̣з аараб̣бха анувигкид̇д̇о анувисадо ход̇и.
Anuvikkhittoti idha bhikkhu chandaṃ uppādetvā kammaṭṭhānaṃ manasikaronto nisīdati. Athassa kāmaguṇārammaṇe cittaṃ vikkhipati. So ‘‘bahiddhā vikkhittaṃ me citta’’nti ñatvā anamatagga (saṃ. ni. 2.124-125) devadūta- (ma. ni. 3.261) celopama (saṃ. ni. 5.1104) anāgatabhayasuttādīni (a. ni. 5.77) āvajjento suttadaṇḍena cittaṃ tajjetvā kammaniyaṃ katvā puna chandaṃ uppādetvā kammaṭṭhānaṃ manasi karoti. Athassa puna cittaṃ vikkhipati. So puna suttadaṇḍena cittaṃ kammaniyaṃ katvā chandaṃ uppādetvā kammaṭṭhānaṃ manasi karotīti evamassa kāmavitakkavokiṇṇattā chando bahiddhā pañca kāmaguṇe ārabbha anuvikkhitto anuvisaṭo hoti.
яат̇аа бурз д̇ат̇аа бажчаад̇и гаммадтаанавасзнаби д̣̇зсанаавасзнаби буримабажчимад̇аа взд̣̇ид̇аб̣б̣аа. гат̇ам̣? гаммадтаанз д̇аава гаммадтаанасса абхинивзсо бурз наама, арахад̇д̇ам̣ бажчаа наама. д̇ад̇т̇а яо бхигку муулагаммадтаанз абхинивисид̇ваа ад̇илийнаад̣̇ийсу жад̇уусу таанзсу жид̇д̇асса оггаманам̣ бадисзд̇хзд̇ваа, д̣̇удтаг̇он̣з яож̇зд̇ваа саарзнд̇о вияа жад̇урассагхадигам̣ од̇аарзнд̇о вияа жад̇уннам̣ таанаанам̣ згадтаанзби асаж̇ж̇анд̇о сан̇каарз саммасид̇ваа арахад̇д̇ам̣ баабун̣аад̇и. аяамби яат̇аа бурз д̇ат̇аа бажчаа вихарад̇и наама. аяам̣ гаммадтаанавасзна буримабажчимад̇аа. д̣̇зсанаавасзна бана гзсаа бурз наама, мад̇т̇алун̇г̇ам̣ бажчаа наама. д̇ад̇т̇а яо бхигку гзсзсу абхинивисид̇ваа ван̣н̣асан̣таанаад̣̇ивасзна гзсаад̣̇аяо бариг̇г̇ан̣ханд̇о жад̇уусу таанзсу асаж̇ж̇анд̇о яаава мад̇т̇алун̇г̇аа бхааванам̣ баабзд̇и, аяамби яат̇аа бурз д̇ат̇аа бажчаа вихарад̇и наама. звам̣ д̣̇зсанаавасзна буримабажчимад̇аа взд̣̇ид̇аб̣б̣аа. яат̇аа бажчаа д̇ат̇аа бурзд̇и ид̣̇ам̣ буримассзва взважанам̣.
Yathā pure tathā pacchāti kammaṭṭhānavasenapi desanāvasenapi purimapacchimatā veditabbā. Kathaṃ? Kammaṭṭhāne tāva kammaṭṭhānassa abhiniveso pure nāma, arahattaṃ pacchā nāma. Tattha yo bhikkhu mūlakammaṭṭhāne abhinivisitvā atilīnādīsu catūsu ṭhānesu cittassa okkamanaṃ paṭisedhetvā, duṭṭhagoṇe yojetvā sārento viya caturassaghaṭikaṃ otārento viya catunnaṃ ṭhānānaṃ ekaṭṭhānepi asajjanto saṅkhāre sammasitvā arahattaṃ pāpuṇāti. Ayampi yathā pure tathā pacchā viharati nāma. Ayaṃ kammaṭṭhānavasena purimapacchimatā. Desanāvasena pana kesā pure nāma, matthaluṅgaṃ pacchā nāma. Tattha yo bhikkhu kesesu abhinivisitvā vaṇṇasaṇṭhānādivasena kesādayo pariggaṇhanto catūsu ṭhānesu asajjanto yāva matthaluṅgā bhāvanaṃ pāpeti, ayampi yathā pure tathā pacchā viharati nāma. Evaṃ desanāvasena purimapacchimatā veditabbā. Yathā pacchā tathā pureti idaṃ purimasseva vevacanaṃ.
яат̇аа ад̇хо д̇ат̇аа уд̣̇д̇ханд̇и ид̣̇ам̣ сарийравасзна взд̣̇ид̇аб̣б̣ам̣. д̇знзвааха ‘‘уд̣̇д̇хам̣ баад̣̇ад̇алаа ад̇хо гзсамад̇т̇агаа’’д̇и. д̇ад̇т̇а яо бхигку баад̣̇ад̇алад̇о бадтааяа яаава гзсамад̇т̇агаа д̣̇вад̇д̇им̣саагааравасзна ваа баад̣̇ан̇г̇улиаг̇г̇абаб̣б̣адтид̇о яаава сийсагадаахам̣, сийсагадаахад̇о яаава баад̣̇ан̇г̇улийнам̣ аг̇г̇абаб̣б̣адтийни , д̇аава адтивасзна ваа бхааванам̣ баабзд̇и жад̇уусу таанзсу згадтаанзби асаж̇ж̇анд̇о. аяам̣ яат̇аа уд̣̇д̇хам̣ д̇ат̇аа ад̇хо, яат̇аа ад̇хо д̇ат̇аа уд̣̇д̇хам̣ вихарад̇и наама.
Yathā adho tathā uddhanti idaṃ sarīravasena veditabbaṃ. Tenevāha ‘‘uddhaṃ pādatalā adho kesamatthakā’’ti. Tattha yo bhikkhu pādatalato paṭṭhāya yāva kesamatthakā dvattiṃsākāravasena vā pādaṅguliaggapabbaṭṭhito yāva sīsakaṭāhaṃ, sīsakaṭāhato yāva pādaṅgulīnaṃ aggapabbaṭṭhīni , tāva aṭṭhivasena vā bhāvanaṃ pāpeti catūsu ṭhānesu ekaṭṭhānepi asajjanto. Ayaṃ yathā uddhaṃ tathā adho, yathā adho tathā uddhaṃ viharati nāma.
язхи аагаарзхийд̇и язхи годтаасзхи. язхи лин̇г̇зхийд̇и язхи сан̣таанзхи. язхи нимид̇д̇зхийд̇и язхи убадтаанзхи. аалогасан̃н̃аа суг̇г̇ахид̇аа ход̇ийд̇и яо бхигку ан̇г̇ан̣з нисийд̣̇ид̇ваа аалогасан̃н̃ам̣ манаси гарод̇и, гаалзна нимийлзд̇и, гаалзна уммийлзд̇и. ат̇асса яад̣̇аа нимийлзнд̇ассааби уммийлзд̇ваа ологзнд̇асса вияа згасад̣̇исамзва убадтаад̇и, д̇ад̣̇аа аалогасан̃н̃аа ж̇аад̇аа наама ход̇и. ‘‘д̣̇иваасан̃н̃аа’’д̇иби д̇ассзва наамам̣. саа жа бана рад̇д̇им̣ уббаж̇ж̇амаанаа суг̇г̇ахид̇аа наама ход̇и. сваад̇хидтид̇аад̇иби д̇ассзва взважанам̣. судту ад̇хидтид̇аа судту табид̇аа сваад̇хидтид̇аа наама вужжад̇и. саа ад̇т̇ад̇о суг̇г̇ахид̇ааязва. яо ваа аалогзна т̇инамид̣̇д̇хам̣ винод̣̇зд̇ваа чанд̣̇ам̣ уббаад̣̇зд̇ваа гаммадтаанам̣ манаси гарод̇и, д̇асса д̣̇ивааби аалогасан̃н̃аа суг̇г̇ахид̇аа сваад̇хидтид̇аа наама. рад̇д̇и ваа ход̇у д̣̇иваа ваа язна аалогзна т̇инамид̣̇д̇хам̣ винод̣̇зд̇ваа гаммадтаанам̣ манаси гарод̇и, д̇асмим̣ т̇инамид̣̇д̇хавинод̣̇анз аалогз уббаннаа сан̃н̃аа суг̇г̇ахид̇ааязва наама. вийрияаад̣̇ийсуби зсзва наяо. имасмим̣ суд̇д̇з чаннам̣ абхин̃н̃аанам̣ баад̣̇агид̣̇д̇хи гат̇ид̇аа.
Yehi ākārehīti yehi koṭṭhāsehi. Yehi liṅgehīti yehi saṇṭhānehi. Yehi nimittehīti yehi upaṭṭhānehi. Ālokasaññā suggahitā hotīti yo bhikkhu aṅgaṇe nisīditvā ālokasaññaṃ manasi karoti, kālena nimīleti, kālena ummīleti. Athassa yadā nimīlentassāpi ummīletvā olokentassa viya ekasadisameva upaṭṭhāti, tadā ālokasaññā jātā nāma hoti. ‘‘Divāsaññā’’tipi tasseva nāmaṃ. Sā ca pana rattiṃ uppajjamānā suggahitā nāma hoti. Svādhiṭṭhitātipi tasseva vevacanaṃ. Suṭṭhu adhiṭṭhitā suṭṭhu ṭhapitā svādhiṭṭhitā nāma vuccati. Sā atthato suggahitāyeva. Yo vā ālokena thinamiddhaṃ vinodetvā chandaṃ uppādetvā kammaṭṭhānaṃ manasi karoti, tassa divāpi ālokasaññā suggahitā svādhiṭṭhitā nāma. Ratti vā hotu divā vā yena ālokena thinamiddhaṃ vinodetvā kammaṭṭhānaṃ manasi karoti, tasmiṃ thinamiddhavinodane āloke uppannā saññā suggahitāyeva nāma. Vīriyādīsupi eseva nayo. Imasmiṃ sutte channaṃ abhiññānaṃ pādakiddhi kathitā.
баасаад̣̇агамбанаваг̇г̇о д̣̇уд̇ияо.
Pāsādakampanavaggo dutiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. вибхан̇г̇асуд̇д̇ам̣ • 10. Vibhaṅgasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. вибхан̇г̇асуд̇д̇аван̣н̣анаа • 10. Vibhaṅgasuttavaṇṇanā
