| Library / Tipiṭaka / д̇ибидага • Tipiṭaka / нзд̇д̇иббагаран̣а-адтагат̇аа • Nettippakaraṇa-aṭṭhakathā |
8. вибхад̇д̇ихаарасамбаад̇аван̣н̣анаа
8. Vibhattihārasampātavaṇṇanā
70. гусалабагко гусалабагкзна нид̣̇д̣̇исид̇аб̣б̣од̇и рагкид̇ажид̇д̇ассаад̇и сад̇исам̣варо, со чаб̣б̣ид̇хо д̣̇вааравасзна жагкуд̣̇ваарасам̣варо яаава манод̣̇ваарасам̣варод̇и. саммаасан̇габбо д̇ивид̇хо – нзгкаммасан̇габбо, аб̣яаабаад̣̇асан̇габбо, авихим̣саасан̇габбод̇и. саммаад̣̇идти адтавид̇хаа д̣̇угкз н̃аан̣ам̣…бз… ид̣̇аббажжаяад̇аабадижжасамуббаннзсу д̇хаммзсу н̃аан̣анд̇и. уд̣̇аяаб̣б̣аяан̃аан̣ам̣ бан̃н̃аасавид̇хам̣ авиж̇ж̇аасамуд̣̇аяаа руубасамуд̣̇аяо…бз… вибарин̣аамалагкан̣ам̣ бассанд̇оби вин̃н̃аан̣агканд̇хасса ваяам̣ бассад̇и. т̇инамид̣̇д̇хаабхибхаванам̣ жад̇уб̣б̣ид̇хам̣ жад̇умаг̇г̇авасзна. д̇ад̇т̇а сад̇исам̣варо логияалогуд̇д̇аравасзна д̣̇увид̇хо. д̇зсу логияо гаамааважарова, логуд̇д̇аро д̣̇ассанабхааванаабхзд̣̇ад̇о д̣̇увид̇хо. згамзго жзд̇т̇а жад̇усад̇ибадтаанабхзд̣̇ад̇о жад̇уб̣б̣ид̇хо. зса наяо саммаасан̇габбаад̣̇ийсуби.
70.Kusalapakkhokusalapakkhena niddisitabboti rakkhitacittassāti satisaṃvaro, so chabbidho dvāravasena cakkhudvārasaṃvaro yāva manodvārasaṃvaroti. Sammāsaṅkappo tividho – nekkhammasaṅkappo, abyāpādasaṅkappo, avihiṃsāsaṅkappoti. Sammādiṭṭhi aṭṭhavidhā dukkhe ñāṇaṃ…pe… idappaccayatāpaṭiccasamuppannesu dhammesu ñāṇanti. Udayabbayañāṇaṃ paññāsavidhaṃ avijjāsamudayā rūpasamudayo…pe… vipariṇāmalakkhaṇaṃ passantopi viññāṇakkhandhassa vayaṃ passati. Thinamiddhābhibhavanaṃ catubbidhaṃ catumaggavasena. Tattha satisaṃvaro lokiyalokuttaravasena duvidho. Tesu lokiyo kāmāvacarova, lokuttaro dassanabhāvanābhedato duvidho. Ekameko cettha catusatipaṭṭhānabhedato catubbidho. Esa nayo sammāsaṅkappādīsupi.
аяам̣ бана висзсо – саммаасан̇габбо батамаж̇жхаанавасзна руубааважарод̇иби нийхарид̇аб̣б̣о. бад̣̇адтаанавибхааг̇о бад̣̇адтаанахаарасамбаад̇з вуд̇д̇анаязна вад̇д̇аб̣б̣о . агусалабагкз асам̣варо жагкуасам̣варо…бз… гааяаасам̣варо, жобанагааяаасам̣варо, ваажааасам̣варо, маноасам̣варод̇и адтавид̇хо. мижчаасан̇габбо гаамавид̇аггаад̣̇ивасзна д̇ивид̇хо. ан̃н̃аан̣ам̣ ‘‘д̣̇угкз ан̃н̃аан̣а’’нд̇иаад̣̇инаа адтавид̇хаа вибхад̇д̇ам̣. саммаад̣̇идтибадибагкад̇о мижчаад̣̇идти д̣̇ваасадтивид̇хзна взд̣̇ид̇аб̣б̣аа. т̇инамид̣̇д̇хам̣ уббад̇д̇ибхуумид̇о бан̃жавид̇ханд̇и звам̣ агусалабагкз вибхад̇д̇и взд̣̇ид̇аб̣б̣аа.
Ayaṃ pana viseso – sammāsaṅkappo paṭhamajjhānavasena rūpāvacarotipi nīharitabbo. Padaṭṭhānavibhāgo padaṭṭhānahārasampāte vuttanayena vattabbo . Akusalapakkhe asaṃvaro cakkhuasaṃvaro…pe… kāyaasaṃvaro, copanakāyaasaṃvaro, vācāasaṃvaro, manoasaṃvaroti aṭṭhavidho. Micchāsaṅkappo kāmavitakkādivasena tividho. Aññāṇaṃ ‘‘dukkhe aññāṇa’’ntiādinā aṭṭhavidhā vibhattaṃ. Sammādiṭṭhipaṭipakkhato micchādiṭṭhi dvāsaṭṭhividhena veditabbā. Thinamiddhaṃ uppattibhūmito pañcavidhanti evaṃ akusalapakkhe vibhatti veditabbā.
вибхад̇д̇ихаарасамбаад̇аван̣н̣анаа нидтид̇аа.
Vibhattihārasampātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 8. вибхад̇д̇ихаарасамбаад̇о • 8. Vibhattihārasampāto
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 8. вибхад̇д̇ихаарасамбаад̇авибхааванаа • 8. Vibhattihārasampātavibhāvanā
