| Library / Tipiṭaka / ติปิฎก • Tipiṭaka / เนตฺติปฺปกรณ-อฎฺฐกถา • Nettippakaraṇa-aṭṭhakathā |
๘. วิภตฺติหารสมฺปาตวณฺณนา
8. Vibhattihārasampātavaṇṇanā
๗๐. กุสลปโกฺข กุสลปเกฺขน นิทฺทิสิตโพฺพติ รกฺขิตจิตฺตสฺสาติ สติสํวโร, โส ฉพฺพิโธ ทฺวารวเสน จกฺขุทฺวารสํวโร ยาว มโนทฺวารสํวโรติฯ สมฺมาสงฺกโปฺป ติวิโธ – เนกฺขมฺมสงฺกโปฺป, อพฺยาปาทสงฺกโปฺป, อวิหิํสาสงฺกโปฺปติฯ สมฺมาทิฎฺฐิ อฎฺฐวิธา ทุเกฺข ญาณํ…เป.… อิทปฺปจฺจยตาปฎิจฺจสมุปฺปเนฺนสุ ธเมฺมสุ ญาณนฺติฯ อุทยพฺพยญาณํ ปญฺญาสวิธํ อวิชฺชาสมุทยา รูปสมุทโย…เป.… วิปริณามลกฺขณํ ปสฺสโนฺตปิ วิญฺญาณกฺขนฺธสฺส วยํ ปสฺสติฯ ถินมิทฺธาภิภวนํ จตุพฺพิธํ จตุมคฺควเสนฯ ตตฺถ สติสํวโร โลกิยโลกุตฺตรวเสน ทุวิโธฯ เตสุ โลกิโย กามาวจโรว, โลกุตฺตโร ทสฺสนภาวนาเภทโต ทุวิโธฯ เอกเมโก เจตฺถ จตุสติปฎฺฐานเภทโต จตุพฺพิโธฯ เอส นโย สมฺมาสงฺกปฺปาทีสุปิฯ
70.Kusalapakkhokusalapakkhena niddisitabboti rakkhitacittassāti satisaṃvaro, so chabbidho dvāravasena cakkhudvārasaṃvaro yāva manodvārasaṃvaroti. Sammāsaṅkappo tividho – nekkhammasaṅkappo, abyāpādasaṅkappo, avihiṃsāsaṅkappoti. Sammādiṭṭhi aṭṭhavidhā dukkhe ñāṇaṃ…pe… idappaccayatāpaṭiccasamuppannesu dhammesu ñāṇanti. Udayabbayañāṇaṃ paññāsavidhaṃ avijjāsamudayā rūpasamudayo…pe… vipariṇāmalakkhaṇaṃ passantopi viññāṇakkhandhassa vayaṃ passati. Thinamiddhābhibhavanaṃ catubbidhaṃ catumaggavasena. Tattha satisaṃvaro lokiyalokuttaravasena duvidho. Tesu lokiyo kāmāvacarova, lokuttaro dassanabhāvanābhedato duvidho. Ekameko cettha catusatipaṭṭhānabhedato catubbidho. Esa nayo sammāsaṅkappādīsupi.
อยํ ปน วิเสโส – สมฺมาสงฺกโปฺป ปฐมชฺฌานวเสน รูปาวจโรติปิ นีหริตโพฺพฯ ปทฎฺฐานวิภาโค ปทฎฺฐานหารสมฺปาเต วุตฺตนเยน วตฺตโพฺพ ฯ อกุสลปเกฺข อสํวโร จกฺขุอสํวโร…เป.… กายอสํวโร, โจปนกายอสํวโร, วาจาอสํวโร, มโนอสํวโรติ อฎฺฐวิโธฯ มิจฺฉาสงฺกโปฺป กามวิตกฺกาทิวเสน ติวิโธฯ อญฺญาณํ ‘‘ทุเกฺข อญฺญาณ’’นฺติอาทินา อฎฺฐวิธา วิภตฺตํฯ สมฺมาทิฎฺฐิปฎิปกฺขโต มิจฺฉาทิฎฺฐิ ทฺวาสฎฺฐิวิเธน เวทิตพฺพาฯ ถินมิทฺธํ อุปฺปตฺติภูมิโต ปญฺจวิธนฺติ เอวํ อกุสลปเกฺข วิภตฺติ เวทิตพฺพาฯ
Ayaṃ pana viseso – sammāsaṅkappo paṭhamajjhānavasena rūpāvacarotipi nīharitabbo. Padaṭṭhānavibhāgo padaṭṭhānahārasampāte vuttanayena vattabbo . Akusalapakkhe asaṃvaro cakkhuasaṃvaro…pe… kāyaasaṃvaro, copanakāyaasaṃvaro, vācāasaṃvaro, manoasaṃvaroti aṭṭhavidho. Micchāsaṅkappo kāmavitakkādivasena tividho. Aññāṇaṃ ‘‘dukkhe aññāṇa’’ntiādinā aṭṭhavidhā vibhattaṃ. Sammādiṭṭhipaṭipakkhato micchādiṭṭhi dvāsaṭṭhividhena veditabbā. Thinamiddhaṃ uppattibhūmito pañcavidhanti evaṃ akusalapakkhe vibhatti veditabbā.
วิภตฺติหารสมฺปาตวณฺณนา นิฎฺฐิตาฯ
Vibhattihārasampātavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / ขุทฺทกนิกาย • Khuddakanikāya / เนตฺติปฺปกรณปาฬิ • Nettippakaraṇapāḷi / ๘. วิภตฺติหารสมฺปาโต • 8. Vibhattihārasampāto
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / ขุทฺทกนิกาย (ฎีกา) • Khuddakanikāya (ṭīkā) / เนตฺติวิภาวินี • Nettivibhāvinī / ๘. วิภตฺติหารสมฺปาตวิภาวนา • 8. Vibhattihārasampātavibhāvanā
