| Library / Tipiṭaka / д̇ибидага • Tipiṭaka / нзд̇д̇ивибхаавиний • Nettivibhāvinī |
8. вибхад̇д̇ихааравибхан̇г̇авибхааванаа
8. Vibhattihāravibhaṅgavibhāvanā
33. язна язна сам̣ван̣н̣анаависзсабхууд̇зна ааваддахааравибхан̇г̇зна ааваддзд̇аб̣б̣аа бад̣̇адтаанаад̣̇аяо вибхад̇д̇аа, со сам̣ван̣н̣анаависзсабхууд̇о ааваддахааравибхан̇г̇о барибун̣н̣о, ‘‘д̇ад̇т̇а гад̇амо вибхад̇д̇ихааравибхан̇г̇о’’д̇и бужчид̇аб̣б̣ад̇д̇аа ‘‘д̇ад̇т̇а гад̇амо вибхад̇д̇ихааро’’д̇иаад̣̇и вуд̇д̇ам̣. д̇ад̇т̇а д̇ад̇т̇аад̇и д̇зсу нид̣̇д̣̇идтзсу сол̣асасу д̣̇зсанаахаараад̣̇ийсу гад̇амо сам̣ван̣н̣анаависзсо вибхад̇д̇ихааро вибхад̇д̇ихааравибхан̇г̇о наамаад̇и бужчад̇и. ‘‘д̇хамман̃жа бад̣̇адтаанам̣ бхуумин̃жаа’’д̇иаад̣̇инид̣̇д̣̇зсасса ид̣̇аани маяаа вужжамаано ‘‘д̣̇вз суд̇д̇ааний’’д̇иаад̣̇иго вид̇т̇аарабхууд̇о сам̣ван̣н̣анаависзсо вибхад̇д̇ихааро вибхад̇д̇ихааравибхан̇г̇о наамаад̇и ад̇т̇о г̇ахзд̇аб̣б̣о.
33. Yena yena saṃvaṇṇanāvisesabhūtena āvaṭṭahāravibhaṅgena āvaṭṭetabbā padaṭṭhānādayo vibhattā, so saṃvaṇṇanāvisesabhūto āvaṭṭahāravibhaṅgo paripuṇṇo, ‘‘tattha katamo vibhattihāravibhaṅgo’’ti pucchitabbattā ‘‘tattha katamo vibhattihāro’’tiādi vuttaṃ. Tattha tatthāti tesu niddiṭṭhesu soḷasasu desanāhārādīsu katamo saṃvaṇṇanāviseso vibhattihāro vibhattihāravibhaṅgo nāmāti pucchati. ‘‘Dhammañca padaṭṭhānaṃ bhūmiñcā’’tiādiniddesassa idāni mayā vuccamāno ‘‘dve suttānī’’tiādiko vitthārabhūto saṃvaṇṇanāviseso vibhattihāro vibhattihāravibhaṅgo nāmāti attho gahetabbo.
‘‘язсу суд̇д̇зсу вуд̇д̇аа д̇хаммабад̣̇адтаанабхуумияо иминаа вибхад̇д̇ихаарзна вибхад̇д̇аа, д̇аани суд̇д̇аани гид̇д̇агааний’’д̇и бужчид̇аб̣б̣ад̇д̇аа д̇аани суд̇д̇аани батамам̣ д̣̇ассзд̇ум̣ ‘‘д̣̇вз суд̇д̇аани ваасанаабхааг̇ияан̃жа ниб̣б̣зд̇хабхааг̇ияан̃жаа’’д̇и вуд̇д̇ам̣. д̇ад̇т̇а ваасанаабхааг̇ияанд̇и бун̃н̃абхааванаа ваасанаа наама, ваасанааяа бхааг̇о годтаасо ваасанаабхааг̇о, ваасанаабхааг̇з ваажагабхаавзна нияуд̇д̇ам̣ суд̇д̇анд̇и ваасанаабхааг̇ияам̣, гад̇амам̣ д̇ам̣? яасмим̣ суд̇д̇з д̇ийн̣и бун̃н̃агирияавад̇т̇ууни бхаг̇авад̇аа д̣̇зсид̇аани, д̇ам̣ суд̇д̇ам̣ ваасанаабхааг̇ияам̣. ниб̣б̣зд̇хабхааг̇ияанд̇и лобхагканд̇хаад̣̇ийнам̣ ниб̣б̣иж̇жханам̣ бад̣̇ааланам̣ ниб̣б̣зд̇хо, ниб̣б̣зд̇хасса бхааг̇о годтаасо ниб̣б̣зд̇хабхааг̇о, ниб̣б̣зд̇хабхааг̇з ваажагабхаавзна нияуд̇д̇ам̣ суд̇д̇анд̇и ниб̣б̣зд̇хабхааг̇ияам̣, гад̇амам̣ д̇ам̣? яасмим̣ суд̇д̇з сзгкаасзгкад̇хаммаа бхаг̇авад̇аа д̣̇зсид̇аа, д̇ам̣ суд̇д̇ам̣ ниб̣б̣зд̇хабхааг̇ияам̣.
‘‘Yesu suttesu vuttā dhammapadaṭṭhānabhūmiyo iminā vibhattihārena vibhattā, tāni suttāni kittakānī’’ti pucchitabbattā tāni suttāni paṭhamaṃ dassetuṃ ‘‘dve suttāni vāsanābhāgiyañca nibbedhabhāgiyañcā’’ti vuttaṃ. Tattha vāsanābhāgiyanti puññabhāvanā vāsanā nāma, vāsanāya bhāgo koṭṭhāso vāsanābhāgo, vāsanābhāge vācakabhāvena niyuttaṃ suttanti vāsanābhāgiyaṃ, katamaṃ taṃ? Yasmiṃ sutte tīṇi puññakiriyavatthūni bhagavatā desitāni, taṃ suttaṃ vāsanābhāgiyaṃ. Nibbedhabhāgiyanti lobhakkhandhādīnaṃ nibbijjhanaṃ padālanaṃ nibbedho, nibbedhassa bhāgo koṭṭhāso nibbedhabhāgo, nibbedhabhāge vācakabhāvena niyuttaṃ suttanti nibbedhabhāgiyaṃ, katamaṃ taṃ? Yasmiṃ sutte sekkhāsekkhadhammā bhagavatā desitā, taṃ suttaṃ nibbedhabhāgiyaṃ.
‘‘д̇зсам̣ суд̇д̇аанам̣ бадиг̇г̇аахагаа буг̇г̇алаа яаахи бадибад̣̇аахи самбаж̇ж̇анд̇и, д̇аа бадибад̣̇аа гид̇д̇игаа’’д̇и бужчид̇аб̣б̣ад̇д̇аа ‘‘д̣̇вз бадибад̣̇аа’’д̇иаад̣̇и вуд̇д̇ам̣. д̣̇аанасийлабхааванаамаяабун̃н̃абхааг̇з бхаваа бадибад̣̇аад̇и бун̃н̃абхааг̇ияаа. палабхааг̇з бхаваа бадибад̣̇аад̇и палабхааг̇ияаа. ‘‘язсу сийлзсу тид̇аа бадиг̇г̇аахагаа бадибаж̇ж̇анд̇и, д̇аани сийлаани гид̇д̇агааний’’д̇и бужчид̇аб̣б̣ад̇д̇аа ‘‘д̣̇вз сийлааний’’д̇иаад̣̇и вуд̇д̇ам̣. сам̣варад̇и зд̇зна сам̣варзнаад̇и сам̣варо, со сам̣варо баад̇имогкасам̣варо, сад̇исам̣варо, н̃аан̣асам̣варо, канд̇исам̣варо, вийрияасам̣варод̇и бан̃жавид̇хо. саб̣б̣оби баабасам̣варан̣ад̇о сам̣варо, логияалогуд̇д̇арасамбад̇д̇идтаанад̇д̇аа сийлам̣ наама. баж̇ахад̇и зд̇зна бахаад̇аб̣б̣зд̇и бахаанам̣, баж̇аханам̣ ваа бахаанам̣, д̇ан̃жа бахаанам̣ д̇ад̣̇ан̇г̇аббахаанам̣, вигкамбханаббахаанам̣, самужчзд̣̇аббахаанам̣, бадибассад̣̇д̇хиббахаанам̣, ниссаран̣аббахаананд̇и бан̃жавид̇хам̣. д̇ад̇т̇а ниссаран̣аббахаанам̣ важ̇ж̇зд̇ваа жад̇уб̣б̣ид̇хам̣ бахаанам̣ вуд̇д̇анаязна сийлам̣ наама.
‘‘Tesaṃ suttānaṃ paṭiggāhakā puggalā yāhi paṭipadāhi sampajjanti, tā paṭipadā kittikā’’ti pucchitabbattā ‘‘dve paṭipadā’’tiādi vuttaṃ. Dānasīlabhāvanāmayapuññabhāge bhavā paṭipadāti puññabhāgiyā. Phalabhāge bhavā paṭipadāti phalabhāgiyā. ‘‘Yesu sīlesu ṭhitā paṭiggāhakā paṭipajjanti, tāni sīlāni kittakānī’’ti pucchitabbattā ‘‘dve sīlānī’’tiādi vuttaṃ. Saṃvarati etena saṃvarenāti saṃvaro, so saṃvaro pātimokkhasaṃvaro, satisaṃvaro, ñāṇasaṃvaro, khantisaṃvaro, vīriyasaṃvaroti pañcavidho. Sabbopi pāpasaṃvaraṇato saṃvaro, lokiyalokuttarasampattiṭṭhānattā sīlaṃ nāma. Pajahati etena pahātabbeti pahānaṃ, pajahanaṃ vā pahānaṃ, tañca pahānaṃ tadaṅgappahānaṃ, vikkhambhanappahānaṃ, samucchedappahānaṃ, paṭipassaddhippahānaṃ, nissaraṇappahānanti pañcavidhaṃ. Tattha nissaraṇappahānaṃ vajjetvā catubbidhaṃ pahānaṃ vuttanayena sīlaṃ nāma.
‘‘д̇зсу суд̇д̇аад̣̇ийсу бхаг̇аваа гад̇амам̣ суд̇д̇ам̣ гад̇амааяа бадибад̣̇ааяа д̣̇зсаяад̇и, гад̇арасмим̣ сийлз тид̇о буг̇г̇ало гад̇амзна сийлзна б̣рахмажаарий бхавад̇ий’’д̇и бужчид̇аб̣б̣ад̇д̇аа д̇ат̇аа вибхаж̇ид̇ваа д̣̇ассзд̇ум̣ ‘‘д̇ад̇т̇а бхаг̇аваа’’д̇иаад̣̇и вуд̇д̇ам̣. д̇ад̇т̇а д̇зсу ваасанаабхааг̇ияаад̣̇ийсу суд̇д̇зсу ваасанаабхааг̇ияам̣ суд̇д̇ам̣ д̇ад̇т̇а д̇аасу бун̃н̃абхааг̇ияаад̣̇ибадибад̣̇аасу бун̃н̃абхааг̇ияааяа бадибад̣̇ааяа бхаг̇аваа яасса буг̇г̇аласса д̣̇зсаяад̇и, со ваасанаабхааг̇ияасуд̇д̇абадиг̇г̇аахаго буг̇г̇ало д̇ад̇т̇а сам̣варасийлаад̣̇ийсу сам̣варасийлз тид̇о худ̇ваа д̇зна сам̣варасийласан̇каад̇зна б̣рахмажариязна сздтажариязна б̣рахмажаарий сздтаажаарабуураго бхавад̇и. д̇ад̇т̇а д̇зсу ваасанаабхааг̇ияаад̣̇ийсу суд̇д̇зсу ниб̣б̣зд̇хабхааг̇ияам̣ суд̇д̇ам̣ д̇ад̇т̇а д̇аасу бун̃н̃абхааг̇ияаад̣̇ибадибад̣̇аасу палабхааг̇ияааяа бадибад̣̇ааяа яасса буг̇г̇аласса бхаг̇аваа д̣̇зсаяад̇и, со ниб̣б̣зд̇хабхааг̇ияасуд̇д̇абадиг̇г̇аахаго буг̇г̇ало д̇ад̇т̇а сам̣варасийлаад̣̇ийсу бахаанасийлз самужчзд̣̇аббассад̣̇д̇хиббахаанавасзна тид̇о худ̇ваа д̇зна бахаанасийласан̇каад̇зна висзсабхууд̇зна маг̇г̇асан̇каад̇зна б̣рахмажариязна б̣рахмажаарий бхавад̇ийд̇и яож̇анаа гаад̇аб̣б̣аа.
‘‘Tesu suttādīsu bhagavā katamaṃ suttaṃ katamāya paṭipadāya desayati, katarasmiṃ sīle ṭhito puggalo katamena sīlena brahmacārī bhavatī’’ti pucchitabbattā tathā vibhajitvā dassetuṃ ‘‘tattha bhagavā’’tiādi vuttaṃ. Tattha tesu vāsanābhāgiyādīsu suttesu vāsanābhāgiyaṃ suttaṃ tattha tāsu puññabhāgiyādipaṭipadāsu puññabhāgiyāya paṭipadāya bhagavā yassa puggalassa desayati, so vāsanābhāgiyasuttapaṭiggāhako puggalo tattha saṃvarasīlādīsu saṃvarasīle ṭhito hutvā tena saṃvarasīlasaṅkhātena brahmacariyena seṭṭhacariyena brahmacārī seṭṭhācārapūrako bhavati. Tattha tesu vāsanābhāgiyādīsu suttesu nibbedhabhāgiyaṃ suttaṃ tattha tāsu puññabhāgiyādipaṭipadāsu phalabhāgiyāya paṭipadāya yassa puggalassa bhagavā desayati, so nibbedhabhāgiyasuttapaṭiggāhako puggalo tattha saṃvarasīlādīsu pahānasīle samucchedappassaddhippahānavasena ṭhito hutvā tena pahānasīlasaṅkhātena visesabhūtena maggasaṅkhātena brahmacariyena brahmacārī bhavatīti yojanā kātabbā.
‘‘ваасанаабхааг̇ияасуд̇д̇аад̣̇ийсу гад̇амам̣ ваасанаабхааг̇ияам̣ суд̇д̇а’’нд̇и бужчид̇аб̣б̣ад̇д̇аа ‘‘д̇ад̇т̇а гад̇ама’’нд̇иаад̣̇и вуд̇д̇ам̣. д̇ад̇т̇а д̇ад̇т̇аад̇и д̇зсу ваасанаабхааг̇ияасуд̇д̇аад̣̇ийсу. д̣̇аанагат̇аад̇и саббурисад̣̇аанад̣̇аанапалаасаббурисад̣̇аанад̣̇аанапалагат̇аа. сийлагат̇аад̇и бан̃жасийлаад̣̇исийлапалагат̇аа. саг̇г̇агат̇аад̇и саг̇г̇асамбад̇д̇исукагат̇аа жзва саг̇г̇з ниб̣б̣ад̇д̇аабагабун̃н̃агат̇аа жа. аад̣̇ийнавод̇и аад̣̇ийнавад̣̇ассаго суд̇д̇анд̇о. аанисам̣сод̇и аанисам̣сад̣̇ассаго суд̇д̇анд̇о. ваасанаабхааг̇ияам̣ суд̇д̇ам̣ наамаад̇и яож̇анаа.
‘‘Vāsanābhāgiyasuttādīsu katamaṃ vāsanābhāgiyaṃ sutta’’nti pucchitabbattā ‘‘tattha katama’’ntiādi vuttaṃ. Tattha tatthāti tesu vāsanābhāgiyasuttādīsu. Dānakathāti sappurisadānadānaphalaasappurisadānadānaphalakathā. Sīlakathāti pañcasīlādisīlaphalakathā. Saggakathāti saggasampattisukhakathā ceva sagge nibbattāpakapuññakathā ca. Ādīnavoti ādīnavadassako suttanto. Ānisaṃsoti ānisaṃsadassako suttanto. Vāsanābhāgiyaṃ suttaṃ nāmāti yojanā.
‘‘д̇ад̇т̇а гад̇ама’’нд̇иаад̣̇ийсу анусанд̇хяад̇т̇о вуд̇д̇анаяова. яаа д̣̇зсанаа жад̇усажжаббагаасанаа, саа д̣̇зсанаа ниб̣б̣зд̇хабхааг̇ияам̣ суд̇д̇ам̣ наамаад̇и яож̇анаа. зван̃жа сад̇и ваасанаабхааг̇ияасуд̇д̇ассаби ниб̣б̣зд̇хабхааг̇ияасуд̇д̇абхааво аабаж̇ж̇зяяа жад̇усажжаббагаасанад̇од̇и жод̣̇анам̣ манаси гад̇ваа ‘‘ваасанаабхааг̇ияз суд̇д̇з’’д̇иаад̣̇и вуд̇д̇ам̣. ваасанаабхааг̇ияз суд̇д̇з баж̇аананаа вудтаанаг̇ааминивибассанаа арияамаг̇г̇абад̣̇адтаанабхууд̇аа бан̃н̃аа над̇т̇и, маг̇г̇о арияамаг̇г̇о над̇т̇и, палам̣ арияапалам̣ над̇т̇и. ниб̣б̣зд̇хабхааг̇ияз суд̇д̇з бана баж̇аананаад̣̇аяо ад̇т̇и, ваасанаабхааг̇ияз суд̇д̇з над̇т̇и. ‘‘баж̇аананаа’’д̇иаад̣̇инаа жад̇усажжаббагаасанаа д̣̇аанагат̇аад̣̇игаа ниб̣б̣зд̇хабхааг̇ияз суд̇д̇з анд̇ог̇ад̇хаа, ид̇арам̣язва ваасанаабхааг̇ияасуд̇д̇анд̇и наамаад̇и д̣̇ассзд̇и. язсу суд̇д̇зсу вуд̇д̇аа д̇хаммабад̣̇адтаанабхуумияо вибхад̇д̇аа, д̇аани суд̇д̇аани д̣̇взязва на хонд̇и, гасмаа ‘‘д̣̇взязва суд̇д̇аани нид̣̇д̇хаарид̇ааний’’д̇и жз вад̣̇зяяум̣? асан̇гарад̇о суд̇д̇з вуд̇д̇аанам̣ д̇хаммабад̣̇адтаанабхуумийнам̣ вибхаж̇ид̇аб̣б̣аанам̣ сувин̃н̃зяяад̇д̇аа. ‘‘яад̣̇и звам̣ сам̣гилзсабхааг̇ияаасзгкабхааг̇ияасуд̇д̇ааниби нид̣̇д̇хаарид̇аани асан̇гарад̇д̇аа’’д̇и жз вад̣̇зяяум̣? но нид̣̇д̇хаарид̇аани, ваасанаабхааг̇ияасуд̇д̇з нид̣̇д̇хаарид̇з сам̣гилзсабхааг̇ияасуд̇д̇амби нид̣̇д̇хаарид̇ам̣, сам̣гилзсад̇хаммад̇о ниссадтад̇хаммаанам̣язва ваасанаабхааг̇ияад̇хаммад̇д̇аа ниб̣б̣зд̇хабхааг̇ияасуд̇д̇з жа нид̣̇д̇хаарид̇з асзгкабхааг̇ияасуд̇д̇амби нид̣̇д̇хаарид̇ам̣ анан̃н̃ад̇д̇аа.
‘‘Tattha katama’’ntiādīsu anusandhyattho vuttanayova. Yā desanā catusaccappakāsanā, sā desanā nibbedhabhāgiyaṃ suttaṃ nāmāti yojanā. Evañca sati vāsanābhāgiyasuttassapi nibbedhabhāgiyasuttabhāvo āpajjeyya catusaccappakāsanatoti codanaṃ manasi katvā ‘‘vāsanābhāgiye sutte’’tiādi vuttaṃ. Vāsanābhāgiye sutte pajānanā vuṭṭhānagāminivipassanā ariyamaggapadaṭṭhānabhūtā paññā natthi, maggo ariyamaggo natthi, phalaṃ ariyaphalaṃ natthi. Nibbedhabhāgiye sutte pana pajānanādayo atthi, vāsanābhāgiye sutte natthi. ‘‘Pajānanā’’tiādinā catusaccappakāsanā dānakathādikā nibbedhabhāgiye sutte antogadhā, itaraṃyeva vāsanābhāgiyasuttanti nāmāti dasseti. Yesu suttesu vuttā dhammapadaṭṭhānabhūmiyo vibhattā, tāni suttāni dveyeva na honti, kasmā ‘‘dveyeva suttāni niddhāritānī’’ti ce vadeyyuṃ? Asaṅkarato sutte vuttānaṃ dhammapadaṭṭhānabhūmīnaṃ vibhajitabbānaṃ suviññeyyattā. ‘‘Yadi evaṃ saṃkilesabhāgiyaasekkhabhāgiyasuttānipi niddhāritāni asaṅkarattā’’ti ce vadeyyuṃ? No niddhāritāni, vāsanābhāgiyasutte niddhārite saṃkilesabhāgiyasuttampi niddhāritaṃ, saṃkilesadhammato nissaṭṭhadhammānaṃyeva vāsanābhāgiyadhammattā nibbedhabhāgiyasutte ca niddhārite asekkhabhāgiyasuttampi niddhāritaṃ anaññattā.
‘‘язсу суд̇д̇зсу вуд̇д̇аа д̇хаммабад̣̇адтаанабхуумияо вибхад̇д̇ихаарзна вибхад̇д̇аа, д̇аани суд̇д̇аани гад̇амзна палзна яож̇аяид̇аб̣б̣ааний’’д̇и бужчид̇аб̣б̣ад̇д̇аа ‘‘имаани жад̇д̇аари суд̇д̇ааний’’д̇иаад̣̇и вуд̇д̇ам̣. д̇ад̇т̇а имаани жад̇д̇аари суд̇д̇аанийд̇и яат̇аанид̣̇д̇хаарид̇аани ваасанаабхааг̇ияаниб̣б̣зд̇хабхааг̇ияасуд̇д̇аани жзва д̇ам̣нид̣̇д̇хааран̣зна нид̣̇д̇хаарид̇аани сам̣гилзсабхааг̇ияаасзгкабхааг̇ияасуд̇д̇аани жаад̇и жад̇д̇аари суд̇д̇аани имзсам̣язва жад̇уннам̣ суд̇д̇аанам̣ д̣̇зсанааяа наязна нийд̇зна палзна саб̣б̣ад̇о саб̣б̣абхааг̇зна сам̣варасийлаббахаанасийлзна б̣рахмажариязна яож̇аяид̇аб̣б̣аани. яож̇знд̇зна жа саб̣б̣ад̇о саб̣б̣абхааг̇зна жа бад̣̇аад̣̇ивижаязна хаарзна сам̣варасийлаад̣̇игам̣ палам̣ вижинид̇ваа яуд̇д̇ихаарзна яуд̇д̇ам̣ палам̣ г̇авзсид̇ваа ‘‘ид̣̇ам̣ палам̣ имасса буг̇г̇аласса палам̣, ид̣̇ам̣ палам̣ имасса суд̇д̇асса пала’’нд̇и суд̇д̇аани висум̣ висум̣ палзна яож̇аяид̇аб̣б̣аанийд̇и ад̇т̇о г̇ахзд̇аб̣б̣о.
‘‘Yesu suttesu vuttā dhammapadaṭṭhānabhūmiyo vibhattihārena vibhattā, tāni suttāni katamena phalena yojayitabbānī’’ti pucchitabbattā ‘‘imāni cattāri suttānī’’tiādi vuttaṃ. Tattha imāni cattāri suttānīti yathāniddhāritāni vāsanābhāgiyanibbedhabhāgiyasuttāni ceva taṃniddhāraṇena niddhāritāni saṃkilesabhāgiyaasekkhabhāgiyasuttāni cāti cattāri suttāni imesaṃyeva catunnaṃ suttānaṃ desanāya nayena nītena phalena sabbato sabbabhāgena saṃvarasīlappahānasīlena brahmacariyena yojayitabbāni. Yojentena ca sabbato sabbabhāgena ca padādivicayena hārena saṃvarasīlādikaṃ phalaṃ vicinitvā yuttihārena yuttaṃ phalaṃ gavesitvā ‘‘idaṃ phalaṃ imassa puggalassa phalaṃ, idaṃ phalaṃ imassa suttassa phala’’nti suttāni visuṃ visuṃ phalena yojayitabbānīti attho gahetabbo.
‘‘гид̇д̇агзна палзна б̣рахмажариязна яож̇зд̇аб̣б̣ааний’’д̇и бужчид̇аб̣б̣ад̇д̇аа ‘‘яаавад̇игаа н̃аан̣асса бхуумий’’д̇и вуд̇д̇ам̣. бхаг̇авад̇аа д̣̇зсид̇зна ваасанаабхааг̇ияасуд̇д̇зна сид̣̇д̇хаа яаавад̇игаа бун̃н̃абхааг̇ияаа бадибад̣̇аад̣̇аяо вибхаж̇анан̃аан̣асса бхууми аарамман̣аа бхавид̇умараханд̇и, д̇аавад̇игаахи бхуумийхи ваасанаабхааг̇ияасуд̇д̇ам̣ яож̇аяид̇аб̣б̣ам̣. ниб̣б̣зд̇хабхааг̇ияасуд̇д̇зна сид̣̇д̇хаа яаавад̇игаа палабхааг̇ияаа бадибад̣̇аад̣̇аяо вибхаж̇анан̃аан̣асса бхууми аарамман̣аа бхавид̇умараханд̇и, д̇аавад̇игаахи бхуумийхи ниб̣б̣зд̇хабхааг̇ияасуд̇д̇ам̣ яож̇зд̇аб̣б̣ам̣. ид̇арад̣̇ваяамби суд̇д̇ам̣ яат̇аасамбхавам̣ яож̇зд̇аб̣б̣ам̣. зд̇зна н̃аан̣асса бхуумийнам̣ суд̇д̇ад̇т̇аанам̣ б̣ахувид̇хад̇д̇ам̣ д̣̇ассзд̇и.
‘‘Kittakena phalena brahmacariyena yojetabbānī’’ti pucchitabbattā ‘‘yāvatikā ñāṇassa bhūmī’’ti vuttaṃ. Bhagavatā desitena vāsanābhāgiyasuttena siddhā yāvatikā puññabhāgiyā paṭipadādayo vibhajanañāṇassa bhūmi ārammaṇā bhavitumarahanti, tāvatikāhi bhūmīhi vāsanābhāgiyasuttaṃ yojayitabbaṃ. Nibbedhabhāgiyasuttena siddhā yāvatikā phalabhāgiyā paṭipadādayo vibhajanañāṇassa bhūmi ārammaṇā bhavitumarahanti, tāvatikāhi bhūmīhi nibbedhabhāgiyasuttaṃ yojetabbaṃ. Itaradvayampi suttaṃ yathāsambhavaṃ yojetabbaṃ. Etena ñāṇassa bhūmīnaṃ suttatthānaṃ bahuvidhattaṃ dasseti.
34. ваасанаабхааг̇ияасуд̇д̇аад̣̇ийсу вуд̇д̇аа д̇хаммаа ваасанаабхааг̇ияаниб̣б̣зд̇хабхааг̇ияабхаавзхи аажариязна вибхад̇д̇аа, амхзхи жа н̃аад̇аа, ‘‘гат̇ам̣ сам̣гилзсабхааг̇ияаасзгкаабхааг̇ияабхаавзхи асаад̇хааран̣аасаад̇хааран̣абхаавзхи вибхаж̇ид̇аб̣б̣аа’’д̇и бужчид̇аб̣б̣ад̇д̇аа ‘‘д̇ад̇т̇а гад̇амз д̇хаммаа саад̇хааран̣аа’’д̇иаад̣̇и аарад̣̇д̇хам̣. адтагат̇ааяа бана –
34. Vāsanābhāgiyasuttādīsu vuttā dhammā vāsanābhāgiyanibbedhabhāgiyabhāvehi ācariyena vibhattā, amhehi ca ñātā, ‘‘kathaṃ saṃkilesabhāgiyaasekkhābhāgiyabhāvehi asādhāraṇāsādhāraṇabhāvehi vibhajitabbā’’ti pucchitabbattā ‘‘tattha katame dhammā sādhāraṇā’’tiādi āraddhaṃ. Aṭṭhakathāya pana –
‘‘звам̣ ваасанаабхааг̇ияаниб̣б̣зд̇хабхааг̇ияабхаавзхи д̇хаммз згад̣̇зсзна вибхаж̇ид̇ваа ид̣̇аани д̇зсам̣ гилзсабхааг̇ияаасзгкабхааг̇ияабхаавзхи саад̇хааран̣аасаад̇хааран̣абхаавзхи вибхаж̇ид̇ум̣ ‘д̇ад̇т̇а гад̇амз д̇хаммаа саад̇хааран̣аа’д̇иаад̣̇и аарад̣̇д̇ха’’нд̇и (нзд̇д̇и. адта. 34) –
‘‘Evaṃ vāsanābhāgiyanibbedhabhāgiyabhāvehi dhamme ekadesena vibhajitvā idāni tesaṃ kilesabhāgiyaasekkhabhāgiyabhāvehi sādhāraṇāsādhāraṇabhāvehi vibhajituṃ ‘tattha katame dhammā sādhāraṇā’tiādi āraddha’’nti (netti. aṭṭha. 34) –
вуд̇д̇ам̣. д̇ад̇т̇а д̇ад̇т̇аад̇и яз д̇хаммаа суд̇д̇з вуд̇д̇аа вибхад̇д̇ихаарзна вибхаж̇ид̇аб̣б̣аа, д̇зсу д̇хаммзсу гад̇амз д̇хаммаа саад̇хааран̣аад̇и бужчад̇и, д̣̇вз д̇хаммаа саад̇хааран̣аад̇и виссаж̇ж̇зд̇и. д̇з д̣̇вз д̇хаммз саруубад̇о д̣̇ассзд̇ум̣ ‘‘наамасаад̇хааран̣аа, вад̇т̇усаад̇хааран̣аа жаа’’д̇и вуд̇д̇ам̣. д̇ад̇т̇а наамасаад̇хааран̣аад̇и наамзна наамабан̃н̃ад̇д̇ияаа саад̇хааран̣аа самаанаа, ‘‘гусалаа’’д̇и наамзна згавийсад̇и жид̇д̇уббаад̣̇аа самаанаа, ‘‘агусалаа’’д̇яаад̣̇инаамзна д̣̇ваад̣̇аса жид̇д̇уббаад̣̇аа самаанаа, гусалаад̣̇инаамабан̃н̃ад̇д̇иважанзна важанийяаа ад̇т̇аа гусалаад̣̇инаамасаад̇хааран̣аад̇и вуд̇д̇аа. д̇зна дийгааяам̣ –
Vuttaṃ. Tattha tatthāti ye dhammā sutte vuttā vibhattihārena vibhajitabbā, tesu dhammesu katame dhammā sādhāraṇāti pucchati, dve dhammā sādhāraṇāti vissajjeti. Te dve dhamme sarūpato dassetuṃ ‘‘nāmasādhāraṇā, vatthusādhāraṇā cā’’ti vuttaṃ. Tattha nāmasādhāraṇāti nāmena nāmapaññattiyā sādhāraṇā samānā, ‘‘kusalā’’ti nāmena ekavīsati cittuppādā samānā, ‘‘akusalā’’tyādināmena dvādasa cittuppādā samānā, kusalādināmapaññattivacanena vacanīyā atthā kusalādināmasādhāraṇāti vuttā. Tena ṭīkāyaṃ –
‘‘наамам̣ наамабан̃н̃ад̇д̇и, д̇ам̣мукзнзва сад̣̇д̣̇ад̇о д̇ад̣̇ад̇т̇ааваг̇амо. сад̣̇д̣̇зна жа сааман̃н̃аруубзнзва д̇ат̇ааруубасса ад̇т̇асса г̇ахан̣ам̣, на висзсаруубзна. д̇асмаа сад̣̇д̣̇аважанийяаа ад̇т̇аа саад̇хааран̣аруубанаамааяад̇д̇аг̇ахан̣ийяад̇ааяа наамасаад̇хааран̣аа вуд̇д̇аа’’д̇и –
‘‘Nāmaṃ nāmapaññatti, taṃmukheneva saddato tadatthāvagamo. Saddena ca sāmaññarūpeneva tathārūpassa atthassa gahaṇaṃ, na visesarūpena. Tasmā saddavacanīyā atthā sādhāraṇarūpanāmāyattagahaṇīyatāya nāmasādhāraṇā vuttā’’ti –
вуд̇д̇ам̣. вад̇т̇усаад̇хааран̣аад̇и бад̇идтаанабхууд̇зна вад̇т̇унаа саад̇хааран̣аа. яасмим̣ бад̇идтаанабхууд̇з санд̇аанз ваа жид̇д̇уббаад̣̇аад̣̇имхи ваа яз д̇хаммаа бавад̇д̇анд̇и, д̇з д̇хаммаа д̇зна санд̇аанзна ваа вад̇т̇унаа д̇зна жид̇д̇уббаад̣̇аад̣̇инаа ваа саад̇хааран̣аа самаанаад̇и ад̇т̇о. згасанд̇аанз бад̇ид̇ад̇д̇аа пусанаад̣̇исабхаавад̇о бхиннааби вад̇т̇усаад̇хааран̣аа самаанавад̇т̇угааязва бхаванд̇ийд̇и вибхад̇д̇ихаарзна вибхаж̇ид̇ваад̇и вуд̇д̇ам̣ ход̇и.
Vuttaṃ. Vatthusādhāraṇāti patiṭṭhānabhūtena vatthunā sādhāraṇā. Yasmiṃ patiṭṭhānabhūte santāne vā cittuppādādimhi vā ye dhammā pavattanti, te dhammā tena santānena vā vatthunā tena cittuppādādinā vā sādhāraṇā samānāti attho. Ekasantāne patitattā phusanādisabhāvato bhinnāpi vatthusādhāraṇā samānavatthukāyeva bhavantīti vibhattihārena vibhajitvāti vuttaṃ hoti.
‘‘гим̣ наамасаад̇хааран̣авад̇т̇усаад̇хааран̣ааязва вибхаж̇ид̇аб̣б̣аа, ан̃н̃ам̣ вибхаж̇ид̇аб̣б̣ам̣ над̇т̇ий’’д̇и бужчид̇аб̣б̣ад̇д̇аа ‘‘яам̣ ваа банаа’’д̇иаад̣̇и вуд̇д̇ам̣. наамасаад̇хааран̣авад̇т̇усаад̇хааран̣зхи ан̃н̃ам̣ яам̣ ваа бана гижжасаад̇хааран̣абажжаяасаад̇хааран̣абадибагкаад̣̇исаад̇хааран̣амби д̇хаммаж̇аад̇ам̣ звам̣ж̇аад̇ияам̣ саад̇хааран̣аж̇аад̇ияам̣, д̇амби саб̣б̣ам̣ вижаяахаарзна вижинид̇ваа яуд̇д̇ихаарзна г̇авзсид̇ваа яуд̇д̇ам̣ саад̇хааран̣ам̣ вибхад̇д̇ихаарзна вибхаж̇ид̇аб̣б̣анд̇и ад̇хиббааяо. ‘‘д̇зсу наамасаад̇хааран̣аад̣̇ийсу гад̇амз наамасаад̇хааран̣аа, гад̇амз вад̇т̇усаад̇хааран̣аа’’д̇и бужчид̇аб̣б̣ад̇д̇аа ‘‘мижчад̇д̇анияад̇аанам̣ сад̇д̇аана’’нд̇иаад̣̇и вуд̇д̇ам̣. маад̇угхаад̇агаад̣̇ийнам̣ чаннам̣ мижчад̇д̇анияад̇агаммагараанам̣ сад̇д̇аанан̃жа д̣̇уг̇г̇ад̇иахзд̇угасуг̇ад̇иахзд̇угад̣̇ухзд̇угад̇ихзд̇угаанам̣ жад̇уннам̣ бут̇уж̇ж̇анаанам̣ анияад̇агаммагараанам̣ сад̇д̇аанан̃жа санд̇аанз бавад̇д̇аа д̣̇ассанабахаад̇аб̣б̣аа гилзсаа д̣̇ассанабахаад̇аб̣б̣анаамасаад̇хааран̣аа самаанаа бхаванд̇и саггааяад̣̇идтивижигижчаасийлаб̣б̣ад̇абараамасанавасзна бхиннасабхааваанамби д̣̇ассанабахаад̇аб̣б̣анааманаад̇ивад̇д̇анад̇о. вуд̇д̇аббагаараанам̣ нияад̇аанияад̇асад̇д̇аанам̣ д̣̇ассанабахаад̇аб̣б̣аанам̣ гилзсаанам̣ бад̇идтаанавад̇т̇убхаавад̇о вад̇т̇усаад̇хааран̣аа жа самаанавад̇т̇угаад̇и ад̇т̇о. бут̇уж̇ж̇анасса д̣̇уг̇г̇ад̇иахзд̇угаад̣̇ижад̇уб̣б̣ид̇хасад̇д̇асса, сод̇аабаннасса жа санд̇аанз бавад̇д̇аа гаамарааг̇аб̣яаабаад̣̇аа гилзсаа гаамарааг̇аб̣яаабаад̣̇анаамасаад̇хааран̣аа самаанаа бхаванд̇и сагад̣̇ааг̇аамимаг̇г̇аббахаад̇аб̣б̣аанааг̇аамимаг̇г̇аббахаад̇аб̣б̣авасзна бхиннасабхааваанамби гаамарааг̇аб̣яаабаад̣̇анааманаад̇ивад̇д̇анад̇о. вуд̇д̇аббагаарасса бут̇уж̇ж̇анасса, сод̇аабаннасса жа гаамарааг̇аб̣яаабаад̣̇аанам̣ бад̇идтаанавад̇т̇убхаавад̇о вад̇т̇усаад̇хааран̣аа самаанавад̇т̇угаад̇и ад̇т̇о жа г̇ахзд̇аб̣б̣о. бут̇уж̇ж̇анасса, анааг̇аамисса жа санд̇аанз бавад̇д̇аа уд̣̇д̇хам̣бхааг̇ияаа сам̣яож̇анаа уд̣̇д̇хамбхааг̇ияанаамасаад̇хааран̣аа самаанаа бхаванд̇и руубарааг̇аад̣̇ивасзна бхиннасабхааваанамби уд̣̇д̇хам̣бхааг̇ияанааманаад̇ивад̇д̇анад̇о. бут̇уж̇ж̇анасса, анааг̇аамисса жа уд̣̇д̇хам̣бхааг̇ияаанам̣ бад̇идтаанавад̇т̇убхаавад̇о вад̇т̇усаад̇хааран̣аа самаанавад̇т̇угаад̇и ад̇т̇о жа г̇ахзд̇аб̣б̣о. д̇зна вуд̇д̇ам̣ дийгааяам̣ – ‘‘д̣̇ассанабахаад̇аб̣б̣аанан̃хи яат̇аа мижчад̇д̇анияад̇асад̇д̇аа бавад̇д̇идтаанам̣, звам̣ анияад̇аабий’’д̇и вуд̇д̇ам̣. сан̇кзбад̇о бана сам̣гилзсабагкз бахаанзгадтаа гилзсаа наамасаад̇хааран̣аа хонд̇и, сахаж̇згадтаа гилзсаа вад̇т̇усаад̇хааран̣аад̇и д̣̇адтаб̣б̣аа.
‘‘Kiṃ nāmasādhāraṇavatthusādhāraṇāyeva vibhajitabbā, aññaṃ vibhajitabbaṃ natthī’’ti pucchitabbattā ‘‘yaṃ vā panā’’tiādi vuttaṃ. Nāmasādhāraṇavatthusādhāraṇehi aññaṃ yaṃ vā pana kiccasādhāraṇapaccayasādhāraṇapaṭipakkhādisādhāraṇampi dhammajātaṃ evaṃjātiyaṃ sādhāraṇajātiyaṃ, tampi sabbaṃ vicayahārena vicinitvā yuttihārena gavesitvā yuttaṃ sādhāraṇaṃ vibhattihārena vibhajitabbanti adhippāyo. ‘‘Tesu nāmasādhāraṇādīsu katame nāmasādhāraṇā, katame vatthusādhāraṇā’’ti pucchitabbattā ‘‘micchattaniyatānaṃ sattāna’’ntiādi vuttaṃ. Mātughātakādīnaṃ channaṃ micchattaniyatakammakarānaṃ sattānañca duggatiahetukasugatiahetukaduhetukatihetukānaṃ catunnaṃ puthujjanānaṃ aniyatakammakarānaṃ sattānañca santāne pavattā dassanapahātabbā kilesā dassanapahātabbanāmasādhāraṇā samānā bhavanti sakkāyadiṭṭhivicikicchāsīlabbataparāmasanavasena bhinnasabhāvānampi dassanapahātabbanāmanātivattanato. Vuttappakārānaṃ niyatāniyatasattānaṃ dassanapahātabbānaṃ kilesānaṃ patiṭṭhānavatthubhāvato vatthusādhāraṇā ca samānavatthukāti attho. Puthujjanassa duggatiahetukādicatubbidhasattassa, sotāpannassa ca santāne pavattā kāmarāgabyāpādā kilesā kāmarāgabyāpādanāmasādhāraṇā samānā bhavanti sakadāgāmimaggappahātabbaanāgāmimaggappahātabbavasena bhinnasabhāvānampi kāmarāgabyāpādanāmanātivattanato. Vuttappakārassa puthujjanassa, sotāpannassa ca kāmarāgabyāpādānaṃ patiṭṭhānavatthubhāvato vatthusādhāraṇā samānavatthukāti attho ca gahetabbo. Puthujjanassa, anāgāmissa ca santāne pavattā uddhaṃbhāgiyā saṃyojanā uddhambhāgiyanāmasādhāraṇā samānā bhavanti rūparāgādivasena bhinnasabhāvānampi uddhaṃbhāgiyanāmanātivattanato. Puthujjanassa, anāgāmissa ca uddhaṃbhāgiyānaṃ patiṭṭhānavatthubhāvato vatthusādhāraṇā samānavatthukāti attho ca gahetabbo. Tena vuttaṃ ṭīkāyaṃ – ‘‘dassanapahātabbānañhi yathā micchattaniyatasattā pavattiṭṭhānaṃ, evaṃ aniyatāpī’’ti vuttaṃ. Saṅkhepato pana saṃkilesapakkhe pahānekaṭṭhā kilesā nāmasādhāraṇā honti, sahajekaṭṭhā kilesā vatthusādhāraṇāti daṭṭhabbā.
сам̣гилзсабагкз саад̇хааран̣аа аажариязна вибхад̇д̇аа, амхзхи жа н̃аад̇аа, ‘‘гат̇ам̣ вод̣̇аанабагкз саад̇хааран̣аа вибхад̇д̇аа’’д̇и бужчид̇аб̣б̣ад̇д̇аа ‘‘яам̣ гин̃жи арияасааваго’’д̇иаад̣̇и вуд̇д̇ам̣. д̇ад̇т̇а яам̣ гин̃жийд̇и сааман̃н̃авасзна вуд̇д̇аа батамаж̇жхаанасамаабад̇д̇иаад̣̇игаа логияаа самаабад̇д̇иязва г̇ахид̇аа. арияасаавагод̇и арияасса бхаг̇авад̇о сааваго арияасаавагод̇и вад̇д̇аб̣б̣о, жхааналаабхий жа паладто жа буг̇г̇ало, на маг̇г̇адто. маг̇г̇адто хи логияам̣ яам̣ гин̃жи самаабад̇д̇им̣ на самаабаж̇ж̇ад̇и. саб̣б̣аа саа логияасамаабад̇д̇и руубааважараа аруубааважараа д̣̇иб̣б̣авихааро б̣рахмавихааро батамаж̇жхаанасамаабад̇д̇ийд̇и звамаад̣̇ийхи барияааязхи саад̇хааран̣аа д̇ам̣саман̇г̇ийхи вийд̇арааг̇аавийд̇арааг̇зхи саад̇хааран̣аа логияасамаабад̇д̇инааманаад̇ивад̇д̇анад̇о жа вийд̇арааг̇аавийд̇арааг̇зхи самаабаж̇ж̇ид̇аб̣б̣ад̇о жа. ‘‘арияасааваго жа логияам̣ самаабад̇д̇им̣ самаабаж̇ж̇анд̇о од̇хисо од̇хисо самаабаж̇ж̇ад̇и, звам̣ сад̇и гат̇ам̣ вийд̇арааг̇зхи саад̇хааран̣аад̇и сад̣̇д̣̇ахид̇аб̣б̣аа’’д̇и вад̇д̇аб̣б̣ад̇д̇аа ‘‘саад̇хааран̣аа хи д̇хаммаа’’д̇иаад̣̇и вуд̇д̇ам̣. адтагат̇ааяам̣ бана – ‘‘гат̇ам̣ д̇з од̇хисо г̇ахид̇аа, ат̇а од̇хисо г̇ахзд̇аб̣б̣аа, гат̇ам̣ саад̇хааран̣аад̇и ануяог̇ам̣ манаси гад̇ваа д̇ам̣ висод̇хзнд̇о ааха – ‘саад̇хааран̣аа хи д̇хаммаа звам̣ ан̃н̃аман̃н̃а’нд̇иаад̣̇ий’’д̇и вуд̇д̇ам̣.
Saṃkilesapakkhe sādhāraṇā ācariyena vibhattā, amhehi ca ñātā, ‘‘kathaṃ vodānapakkhe sādhāraṇā vibhattā’’ti pucchitabbattā ‘‘yaṃ kiñci ariyasāvako’’tiādi vuttaṃ. Tattha yaṃ kiñcīti sāmaññavasena vuttā paṭhamajjhānasamāpattiādikā lokiyā samāpattiyeva gahitā. Ariyasāvakoti ariyassa bhagavato sāvako ariyasāvakoti vattabbo, jhānalābhī ca phalaṭṭho ca puggalo, na maggaṭṭho. Maggaṭṭho hi lokiyaṃ yaṃ kiñci samāpattiṃ na samāpajjati. Sabbā sā lokiyasamāpatti rūpāvacarā arūpāvacarā dibbavihāro brahmavihāro paṭhamajjhānasamāpattīti evamādīhi pariyāyehi sādhāraṇā taṃsamaṅgīhi vītarāgāvītarāgehi sādhāraṇā lokiyasamāpattināmanātivattanato ca vītarāgāvītarāgehi samāpajjitabbato ca. ‘‘Ariyasāvako ca lokiyaṃ samāpattiṃ samāpajjanto odhiso odhiso samāpajjati, evaṃ sati kathaṃ vītarāgehi sādhāraṇāti saddahitabbā’’ti vattabbattā ‘‘sādhāraṇā hi dhammā’’tiādi vuttaṃ. Aṭṭhakathāyaṃ pana – ‘‘kathaṃ te odhiso gahitā, atha odhiso gahetabbā, kathaṃ sādhāraṇāti anuyogaṃ manasi katvā taṃ visodhento āha – ‘sādhāraṇā hi dhammā evaṃ aññamañña’ntiādī’’ti vuttaṃ.
д̇ад̇т̇а звам̣ вийд̇арааг̇аавийд̇арааг̇зхи од̇хисо од̇хисо самаабаж̇ж̇ид̇аб̣б̣аа д̇хаммаа барам̣ барам̣ бажчаа бажчаа бавад̇д̇ияамаанам̣ д̇хаммаж̇аад̇ам̣ сагам̣ сагам̣ буб̣б̣з буб̣б̣з ж̇аад̇ам̣ ‘‘логияасамаабад̇д̇ий’’д̇и наамам̣ нияад̇ависаяам̣ ан̃н̃аман̃н̃ам̣ худ̇ваа хи яасмаа наад̇ивад̇д̇анд̇и, д̇асмаа саад̇хааран̣аад̇и сад̣̇д̣̇ахид̇аб̣б̣аа г̇ахзд̇аб̣б̣аад̇и ад̇т̇о. ‘‘барам̣ барам̣ самаабаж̇ж̇анд̇о гат̇ам̣ наад̇ивад̇д̇ад̇ий’’д̇и вад̇д̇аб̣б̣ад̇д̇аа наад̇ивад̇д̇анам̣ баагадам̣ гаад̇ум̣ ‘‘яобий’’д̇иаад̣̇и вуд̇д̇ам̣. яо арияасааваго ваа авийд̇арааг̇о ваа. имзхи логияасамаабад̇д̇ид̇хаммзхи саманнааг̇ад̇о, со арияасааваго ваа авийд̇арааг̇о ваа барам̣ барам̣ самаабаж̇ж̇анд̇оби д̇ам̣ д̇хаммам̣ логияам̣ самаабад̇д̇ид̇хаммам̣ наад̇ивад̇д̇ад̇и, ан̃н̃ам̣ убаг̇анд̇ваа наад̇иггамад̇ийд̇и ад̇т̇о. язхи логияасамаабад̇д̇ид̇хаммзхи саманнааг̇ад̇о, имз логияасамаабад̇д̇и д̇хаммаа саад̇хааран̣ааваад̇и д̣̇адтаб̣б̣аа.
Tattha evaṃ vītarāgāvītarāgehi odhiso odhiso samāpajjitabbā dhammā paraṃ paraṃ pacchā pacchā pavattiyamānaṃ dhammajātaṃ sakaṃ sakaṃ pubbe pubbe jātaṃ ‘‘lokiyasamāpattī’’ti nāmaṃ niyatavisayaṃ aññamaññaṃ hutvā hi yasmā nātivattanti, tasmā sādhāraṇāti saddahitabbā gahetabbāti attho. ‘‘Paraṃ paraṃ samāpajjanto kathaṃ nātivattatī’’ti vattabbattā nātivattanaṃ pākaṭaṃ kātuṃ ‘‘yopī’’tiādi vuttaṃ. Yo ariyasāvako vā avītarāgo vā. Imehi lokiyasamāpattidhammehi samannāgato, so ariyasāvako vā avītarāgo vā paraṃ paraṃ samāpajjantopi taṃ dhammaṃ lokiyaṃ samāpattidhammaṃ nātivattati, aññaṃ upagantvā nātikkamatīti attho. Yehi lokiyasamāpattidhammehi samannāgato, ime lokiyasamāpatti dhammā sādhāraṇāvāti daṭṭhabbā.
‘‘ваасанаабхааг̇ияаад̣̇исуд̇д̇зсу вуд̇д̇аа яз д̇хаммаа иминаа вибхад̇д̇ихаарзна вибхад̇д̇аа, язсу д̇хаммзсу гад̇амз д̇хаммаа асаад̇хааран̣аа’’д̇и бужчид̇аб̣б̣ад̇д̇аа ‘‘д̇ад̇т̇а гад̇амз д̇хаммаа асаад̇хааран̣аа’’д̇иаад̣̇и вуд̇д̇ам̣. д̇ад̇т̇а д̇зсу вибхаж̇ид̇аб̣б̣зсу д̇хаммзсу гад̇амз д̇хаммаа асаад̇хааран̣аад̇и бужчад̇и, бужчид̇ваа яаава д̣̇зсанам̣ убаад̣̇ааяа асаад̇хааран̣аа д̇хаммаа г̇авзсид̇аб̣б̣аа, ‘‘сзгкаасзгкаа’’д̇и ваа г̇авзсид̇аб̣б̣аа, ‘‘бхаб̣б̣аабхаб̣б̣аа’’д̇и ваа г̇авзсид̇аб̣б̣аа. ат̇а ваа яаава ‘‘сзгкаасзгкаа бхаб̣б̣аабхаб̣б̣аа’’д̇и д̣̇зсанаа вуд̇д̇аа, д̇аава д̣̇зсанам̣ убаад̣̇ааяа асаад̇хааран̣аа г̇авзсид̇аб̣б̣аа. гат̇ам̣ г̇авзсид̇аб̣б̣аа? ариязсу сзгкаасзгкад̇хаммавасзна ‘‘сзгкаа’’д̇и наамам̣ асзгкзна асаад̇хааран̣ам̣, ‘‘асзгкаа’’д̇и наамам̣ сзгкзна асаад̇хааран̣анд̇и ваа, анариязсу ‘‘бхаб̣б̣аа’’д̇и наамам̣ абхаб̣б̣зна асаад̇хааран̣ам̣, ‘‘абхаб̣б̣аа’’д̇и наамам̣ бхаб̣б̣зна асаад̇хааран̣анд̇и ваа г̇авзсид̇аб̣б̣аа. гаамарааг̇аб̣яаабаад̣̇аа сам̣яож̇анаа аббахийнад̇д̇аа анусаяабхаавзна уббаж̇ж̇анаарахад̇д̇аа адтамагасса сод̇аабад̇д̇имаг̇г̇адтасса жа сод̇аабаннасса паладтасса жа саад̇хааран̣аа бхаванд̇и, д̇хаммад̇аа д̇хаммасабхааво асаад̇хааран̣о. ид̣̇ам̣ вуд̇д̇ам̣ ход̇и – ‘‘адтамагасса сод̇аабад̇д̇имаг̇г̇адтад̇аа сод̇аабаннасса асаад̇хааран̣аа, сод̇аабаннасса сод̇аабаннапаладтад̇аа жа адтамагасса сод̇аабад̇д̇имаг̇г̇адтасса асаад̇хааран̣аа. адтамагасса ваа бахийяамаанагилзсад̇аа сод̇аабаннасса асаад̇хааран̣аа, сод̇аабаннасса бахийнагилзсад̇аа жа адтамагасса асаад̇хааран̣аа’’д̇и.
‘‘Vāsanābhāgiyādisuttesu vuttā ye dhammā iminā vibhattihārena vibhattā, yesu dhammesu katame dhammā asādhāraṇā’’ti pucchitabbattā ‘‘tattha katame dhammā asādhāraṇā’’tiādi vuttaṃ. Tattha tesu vibhajitabbesu dhammesu katame dhammā asādhāraṇāti pucchati, pucchitvā yāva desanaṃ upādāya asādhāraṇā dhammā gavesitabbā, ‘‘sekkhāsekkhā’’ti vā gavesitabbā, ‘‘bhabbābhabbā’’ti vā gavesitabbā. Atha vā yāva ‘‘sekkhāsekkhā bhabbābhabbā’’ti desanā vuttā, tāva desanaṃ upādāya asādhāraṇā gavesitabbā. Kathaṃ gavesitabbā? Ariyesu sekkhāsekkhadhammavasena ‘‘sekkhā’’ti nāmaṃ asekkhena asādhāraṇaṃ, ‘‘asekkhā’’ti nāmaṃ sekkhena asādhāraṇanti vā, anariyesu ‘‘bhabbā’’ti nāmaṃ abhabbena asādhāraṇaṃ, ‘‘abhabbā’’ti nāmaṃ bhabbena asādhāraṇanti vā gavesitabbā. Kāmarāgabyāpādā saṃyojanā appahīnattā anusayabhāvena uppajjanārahattā aṭṭhamakassa sotāpattimaggaṭṭhassa ca sotāpannassa phalaṭṭhassa ca sādhāraṇā bhavanti, dhammatā dhammasabhāvo asādhāraṇo. Idaṃ vuttaṃ hoti – ‘‘aṭṭhamakassa sotāpattimaggaṭṭhatā sotāpannassa asādhāraṇā, sotāpannassa sotāpannaphalaṭṭhatā ca aṭṭhamakassa sotāpattimaggaṭṭhassa asādhāraṇā. Aṭṭhamakassa vā pahīyamānakilesatā sotāpannassa asādhāraṇā, sotāpannassa pahīnakilesatā ca aṭṭhamakassa asādhāraṇā’’ti.
уд̣̇д̇хамбхааг̇ияаа сам̣яож̇анаа аббахийнад̇д̇аа анусаяабхаавзна уббаж̇ж̇анаарахад̇д̇аа адтамагасса маг̇г̇адтабхаавзна адтамагасад̣̇исасса анааг̇аамимаг̇г̇адтасса жа анааг̇аамисса паладтасса жа саад̇хааран̣аа, д̇хаммад̇аа д̇хаммасабхааво асаад̇хааран̣аа. ид̣̇ам̣ вуд̇д̇ам̣ ход̇и – ‘‘адтамагасса анааг̇аамимаг̇г̇адтад̇аа анааг̇аамисса паладтасса асаад̇хааран̣аа, анааг̇аамисса анааг̇аамипаладтад̇аа жа адтамагасса асаад̇хааран̣аа. адтамагасса ваа бахийяамаанагилзсад̇аа анааг̇аамисса асаад̇хааран̣аа, анааг̇аамисса паладтасса бахийнагилзсад̇аа жа адтамагасса асаад̇хааран̣аа’’д̇и. ‘‘маг̇г̇адтад̇аа паладтад̇ааяа асаад̇хааран̣аа, паладтад̇аа жа маг̇г̇адтад̇ааяа асаад̇хааран̣аа’’д̇иби вад̇д̇ум̣ ваддад̇и. саб̣б̣зсам̣ сад̇д̇аннам̣ сзгкаанам̣ буг̇г̇алаанам̣ наамам̣ ‘‘сзгкаа’’д̇и наамам̣ саад̇хааран̣ам̣. д̇хаммад̇аа асаад̇хааран̣аад̇и жад̇уннам̣ маг̇г̇адтаанам̣ д̇ам̣д̇ам̣маг̇г̇адтад̇аа ан̃н̃аман̃н̃ам̣ маг̇г̇адтаанам̣ асаад̇хааран̣аа. хздтимапалад̇д̇аяадтаанан̃жа асаад̇хааран̣аа, хздтимапалад̇д̇аяадтаанам̣ д̇ам̣д̇ам̣паладтад̇аа жа ан̃н̃аман̃н̃ам̣ паладтаанам̣ асаад̇хааран̣аа, жад̇уннам̣ маг̇г̇адтаанан̃жа асаад̇хааран̣аад̇и ад̇т̇о. ‘‘сзгкаанам̣ д̇ам̣д̇ам̣маг̇г̇адтад̇аа д̇ам̣д̇ам̣паладтад̇ааяа асаад̇хааран̣аа, д̇ам̣д̇ам̣паладтад̇аа жа д̇ам̣д̇ам̣маг̇г̇адтад̇ааяа асаад̇хааран̣аа’’д̇и вад̇д̇умби ваддад̇и. саб̣б̣зсам̣ бадибаннагаананд̇и палад̇т̇ааяа бадибаж̇ж̇анд̇ийд̇и бадибаннагаа, д̇зсам̣ маг̇г̇асаман̇г̇ийнам̣ жад̇уннам̣ буг̇г̇алаанам̣ наамам̣ ‘‘бадибаннагаа’’д̇и наамам̣ саад̇хааран̣ам̣, д̇хаммад̇аа д̇ам̣д̇ам̣маг̇г̇адтад̇аа асаад̇хааран̣аа. саб̣б̣зсам̣ сзгкаанам̣ сад̇д̇аннам̣ буг̇г̇алаанам̣ сзгкаанам̣ сийлам̣ саад̇хааран̣ам̣, д̇хаммад̇аа д̇ам̣д̇ам̣маг̇г̇адтапаладтад̇аа асаад̇хааран̣аад̇и. ваасанаабхааг̇ияасам̣гилзсабхааг̇ияасуд̇д̇зсу вуд̇д̇аа д̣̇ассанзнабахаад̇аб̣б̣аад̣̇аяо жзва ниб̣б̣зд̇хабхааг̇ияаасзгкабхааг̇ияасуд̇д̇зсу вуд̇д̇аа сзгкаад̣̇аяо жа д̇хаммаа саад̇хааран̣аасаад̇хааран̣абхзд̣̇зна вибхад̇д̇ихаарзна вибхаж̇ид̇аб̣б̣аад̇и ад̇хиббааяо взд̣̇ид̇аб̣б̣о.
Uddhambhāgiyā saṃyojanā appahīnattā anusayabhāvena uppajjanārahattā aṭṭhamakassa maggaṭṭhabhāvena aṭṭhamakasadisassa anāgāmimaggaṭṭhassa ca anāgāmissa phalaṭṭhassa ca sādhāraṇā, dhammatā dhammasabhāvo asādhāraṇā. Idaṃ vuttaṃ hoti – ‘‘aṭṭhamakassa anāgāmimaggaṭṭhatā anāgāmissa phalaṭṭhassa asādhāraṇā, anāgāmissa anāgāmiphalaṭṭhatā ca aṭṭhamakassa asādhāraṇā. Aṭṭhamakassa vā pahīyamānakilesatā anāgāmissa asādhāraṇā, anāgāmissa phalaṭṭhassa pahīnakilesatā ca aṭṭhamakassa asādhāraṇā’’ti. ‘‘Maggaṭṭhatā phalaṭṭhatāya asādhāraṇā, phalaṭṭhatā ca maggaṭṭhatāya asādhāraṇā’’tipi vattuṃ vaṭṭati. Sabbesaṃ sattannaṃ sekkhānaṃ puggalānaṃ nāmaṃ‘‘sekkhā’’ti nāmaṃ sādhāraṇaṃ. Dhammatā asādhāraṇāti catunnaṃ maggaṭṭhānaṃ taṃtaṃmaggaṭṭhatā aññamaññaṃ maggaṭṭhānaṃ asādhāraṇā. Heṭṭhimaphalattayaṭṭhānañca asādhāraṇā, heṭṭhimaphalattayaṭṭhānaṃ taṃtaṃphalaṭṭhatā ca aññamaññaṃ phalaṭṭhānaṃ asādhāraṇā, catunnaṃ maggaṭṭhānañca asādhāraṇāti attho. ‘‘Sekkhānaṃ taṃtaṃmaggaṭṭhatā taṃtaṃphalaṭṭhatāya asādhāraṇā, taṃtaṃphalaṭṭhatā ca taṃtaṃmaggaṭṭhatāya asādhāraṇā’’ti vattumpi vaṭṭati. Sabbesaṃ paṭipannakānanti phalatthāya paṭipajjantīti paṭipannakā, tesaṃ maggasamaṅgīnaṃ catunnaṃ puggalānaṃ nāmaṃ ‘‘paṭipannakā’’ti nāmaṃ sādhāraṇaṃ, dhammatā taṃtaṃmaggaṭṭhatā asādhāraṇā. Sabbesaṃ sekkhānaṃ sattannaṃ puggalānaṃ sekkhānaṃ sīlaṃ sādhāraṇaṃ, dhammatā taṃtaṃmaggaṭṭhaphalaṭṭhatā asādhāraṇāti. Vāsanābhāgiyasaṃkilesabhāgiyasuttesu vuttā dassanenapahātabbādayo ceva nibbedhabhāgiyaasekkhabhāgiyasuttesu vuttā sekkhādayo ca dhammā sādhāraṇāsādhāraṇabhedena vibhattihārena vibhajitabbāti adhippāyo veditabbo.
‘‘адтамагассаа’’д̇иаад̣̇инаа ариязсу буг̇г̇алзсу асаад̇хааран̣аа аажариязна вибхад̇д̇аа, амхзхи жа н̃аад̇аа, ‘‘гат̇ам̣ анариязсу асаад̇хааран̣аа вибхад̇д̇аа’’д̇и бужчид̇аб̣б̣ад̇д̇аа ариязсу вуд̇д̇анаяаанусаарзна анариязсуби вибхаж̇ид̇ваа г̇авзсид̇аб̣б̣аад̇и д̣̇ассзд̇ум̣ ‘‘звам̣ висзсаанубассинаа’’д̇иаад̣̇и вуд̇д̇ам̣ . адтагат̇ааяам̣ бана – ‘‘звам̣ ‘адтамагассаа’д̇иаад̣̇инаа арияабуг̇г̇алзсу асаад̇хааран̣ад̇хаммам̣ д̣̇ассзд̇ваа ид̇арзсу наяад̣̇ассанад̇т̇ам̣ ‘звам̣ висзсаанубассинаа’д̇иаад̣̇и вуд̇д̇а’’нд̇и вуд̇д̇ам̣. звам̣ ариязсу вуд̇д̇анаяаанусаарзна бхаб̣б̣аабхаб̣б̣зсу анариязсу висзсаанубассинаа асаад̇хааран̣ад̇о висзсам̣ асаад̇хааран̣ам̣ анубассинаа г̇авзсагзна бан̣д̣ид̇зна бхаб̣б̣аабхаб̣б̣зсуби хийнуггадтамаж̇жхимам̣ убаад̣̇ааяа г̇авзсид̇аб̣б̣ам̣. гат̇ам̣? маад̇угхаад̇аад̣̇ивасзна бавад̇д̇аанам̣ бадигхасамбаяуд̇д̇ад̣̇идтисамбаяуд̇д̇асад̇д̇амаж̇аванажид̇д̇уббаад̣̇аанам̣ мижчад̇д̇анияад̇аанам̣ д̇ам̣саман̇г̇ийнам̣ ваа д̇ат̇аабавад̇д̇аа батамаж̇аванажид̇д̇убаад̣̇аад̣̇аяо анияад̇аа д̇хаммаа бадигхасамбаяуд̇д̇аад̣̇ибхаавзна саад̇хааран̣аа, мижчад̇д̇анияад̇аа д̇хаммаа згажид̇д̇уббаад̣̇ад̇д̇аа асаад̇хааран̣аа. яат̇аа хи жид̇д̇ам̣ ‘‘жид̇д̇асам̣садта’’нд̇и на вад̇д̇аб̣б̣ам̣, звам̣ мижчад̇д̇анияад̇ааби ‘‘мижчад̇д̇анияад̇асаад̇хааран̣аа’’д̇и на вад̇д̇аб̣б̣аа. мижчад̇д̇анияад̇зсуби нияад̇амижчаад̣̇идтигаанам̣ д̣̇идтисамбаяуд̇д̇асад̇д̇амаж̇аванажид̇д̇уббаад̣̇асаман̇г̇ийнам̣ анияад̇аа д̣̇идтисамбаяуд̇д̇абатамаж̇аванажид̇д̇уббаад̣̇аад̣̇аяо д̇хаммаа д̣̇идтисамбаяуд̇д̇аад̣̇ибхаавзна саад̇хааран̣аа, нияад̇амижчаад̣̇идти згажид̇д̇уббаад̣̇асаман̇г̇ийбхаавад̇о асаад̇хааран̣аа. д̇знааха адтагат̇аажарияо –
‘‘Aṭṭhamakassā’’tiādinā ariyesu puggalesu asādhāraṇā ācariyena vibhattā, amhehi ca ñātā, ‘‘kathaṃ anariyesu asādhāraṇā vibhattā’’ti pucchitabbattā ariyesu vuttanayānusārena anariyesupi vibhajitvā gavesitabbāti dassetuṃ ‘‘evaṃ visesānupassinā’’tiādi vuttaṃ . Aṭṭhakathāyaṃ pana – ‘‘evaṃ ‘aṭṭhamakassā’tiādinā ariyapuggalesu asādhāraṇadhammaṃ dassetvā itaresu nayadassanatthaṃ ‘evaṃ visesānupassinā’tiādi vutta’’nti vuttaṃ. Evaṃ ariyesu vuttanayānusārena bhabbābhabbesu anariyesu visesānupassinā asādhāraṇato visesaṃ asādhāraṇaṃ anupassinā gavesakena paṇḍitena bhabbābhabbesupi hīnukkaṭṭhamajjhimaṃ upādāya gavesitabbaṃ. Kathaṃ? Mātughātādivasena pavattānaṃ paṭighasampayuttadiṭṭhisampayuttasattamajavanacittuppādānaṃ micchattaniyatānaṃ taṃsamaṅgīnaṃ vā tathāpavattā paṭhamajavanacittupādādayo aniyatā dhammā paṭighasampayuttādibhāvena sādhāraṇā, micchattaniyatā dhammā ekacittuppādattā asādhāraṇā. Yathā hi cittaṃ ‘‘cittasaṃsaṭṭha’’nti na vattabbaṃ, evaṃ micchattaniyatāpi ‘‘micchattaniyatasādhāraṇā’’ti na vattabbā. Micchattaniyatesupi niyatamicchādiṭṭhikānaṃ diṭṭhisampayuttasattamajavanacittuppādasamaṅgīnaṃ aniyatā diṭṭhisampayuttapaṭhamajavanacittuppādādayo dhammā diṭṭhisampayuttādibhāvena sādhāraṇā, niyatamicchādiṭṭhi ekacittuppādasamaṅgībhāvato asādhāraṇā. Tenāha aṭṭhakathācariyo –
‘‘мижчад̇д̇анияад̇аанам̣ анияад̇аа д̇хаммаа саад̇хааран̣а, мижчад̇д̇анияад̇аа д̇хаммаа асаад̇хааран̣аа. мижчад̇д̇анияад̇зсуби нияад̇амижчаад̣̇идтигаанам̣ анияад̇аа д̇хаммаа саад̇хааран̣аа, нияад̇амижчаад̣̇идти асаад̇хааран̣аад̇и иминаа наязна висзсаанубассинаа взд̣̇ид̇аб̣б̣аа’’д̇и (нзд̇д̇и. адта. 34).
‘‘Micchattaniyatānaṃ aniyatā dhammā sādhāraṇa, micchattaniyatā dhammā asādhāraṇā. Micchattaniyatesupi niyatamicchādiṭṭhikānaṃ aniyatā dhammā sādhāraṇā, niyatamicchādiṭṭhi asādhāraṇāti iminā nayena visesānupassinā veditabbā’’ti (netti. aṭṭha. 34).
д̇ад̇т̇а ‘‘иминаа наязнаа’’д̇и иминаа мижчад̇д̇анияад̇аанам̣ уббаж̇ж̇ид̇ум̣ бхаб̣б̣аа анияад̇аа д̇хаммаа саад̇хааран̣аа, уббаж̇ж̇ид̇ум̣ абхаб̣б̣аа анияад̇аа д̇хаммаа асаад̇хааран̣аад̇и г̇ахид̇аа. д̇зна вуд̇д̇ам̣ ‘‘бхаб̣б̣аабхаб̣б̣аа’’д̇и. д̇ат̇аа хийнасса хийно хийнабхаавзна саад̇хааран̣о, маж̇жхимуггадтаа асаад̇хааран̣аа. маж̇жхимасса маж̇жхимо саад̇хааран̣о, хийнуггадтаа асаад̇хааран̣аа. уггадтасса уггадто уггадтабхаавзна саад̇хааран̣о, хийнамаж̇жхимаа асаад̇хааран̣аад̇иби г̇авзсид̇аб̣б̣аа. д̇знааха – ‘‘хийнуггадтамаж̇жхимам̣ убаад̣̇ааяа г̇авзсид̇аб̣б̣а’’нд̇и.
Tattha ‘‘iminā nayenā’’ti iminā micchattaniyatānaṃ uppajjituṃ bhabbā aniyatā dhammā sādhāraṇā, uppajjituṃ abhabbā aniyatā dhammā asādhāraṇāti gahitā. Tena vuttaṃ ‘‘bhabbābhabbā’’ti. Tathā hīnassa hīno hīnabhāvena sādhāraṇo, majjhimukkaṭṭhā asādhāraṇā. Majjhimassa majjhimo sādhāraṇo, hīnukkaṭṭhā asādhāraṇā. Ukkaṭṭhassa ukkaṭṭho ukkaṭṭhabhāvena sādhāraṇo, hīnamajjhimā asādhāraṇātipi gavesitabbā. Tenāha – ‘‘hīnukkaṭṭhamajjhimaṃ upādāya gavesitabba’’nti.
‘‘д̇ад̇т̇а гад̇амз д̇хаммаа саад̇хааран̣аа’’д̇иаад̣̇инаа наанаавид̇хзна вибхад̇д̇ихааранаязна д̇хаммаа вибхаж̇ид̇ваа д̣̇ассид̇аа, амхзхи жа н̃аад̇аа, ‘‘гат̇ам̣ бхуумибад̣̇адтаанаани вибхад̇д̇ихааранаязна вибхаж̇ид̇ваа д̣̇ассид̇ааний’’д̇и бужчид̇аб̣б̣абхаавад̇о д̇хаммавибхаж̇анаананд̇арам̣ бхуумибад̣̇адтаанаани вибхаж̇ид̇ваа д̣̇ассзнд̇о ‘‘д̣̇ассанабхуумий’’д̇иаад̣̇имааха. д̇ад̇т̇а д̣̇ассанабхуумийд̇и д̣̇ассанам̣ бхавад̇и зд̇т̇а батамамаг̇г̇зд̇и д̣̇ассанабхууми, сод̇аабад̇д̇имаг̇г̇о . нияаамаавагганд̇ияаад̇и нияаманам̣ нияаамо, го со? самбад̇д̇анияаамо, авагганам̣ авагганд̇и, сод̇аабад̇д̇ипалам̣, нияаамасса авагганд̇и нияаамаавагганд̇и, д̇ааяа. д̣̇ассанабхууминаамаго сод̇аабад̇д̇имаг̇г̇о нияаамаавагганд̇инаамагасса сод̇аабад̇д̇ипаласса бад̇д̇ияаа бад̣̇адтаанам̣. батамамаг̇г̇асаман̇г̇ий буг̇г̇ало хи нияаамам̣ оггаманд̇о наама, паласаман̇г̇ий бана нияаамам̣ огганд̇о наама ход̇и, д̇асмаа нияаамаавагганд̇исад̣̇д̣̇зна батамапалуббад̇д̇и г̇ахид̇аа. бхааванаабхуумийд̇и убаримаг̇г̇ад̇д̇аяам̣. уд̇д̇аригаананд̇и д̇асса д̇асса маг̇г̇асса убарибавад̇д̇аанам̣ д̇ам̣д̇ам̣палаанам̣ бад̇д̇ияаа бад̣̇адтаананд̇и бажжзгам̣ яож̇зд̇аб̣б̣ам̣.
‘‘Tattha katame dhammā sādhāraṇā’’tiādinā nānāvidhena vibhattihāranayena dhammā vibhajitvā dassitā, amhehi ca ñātā, ‘‘kathaṃ bhūmipadaṭṭhānāni vibhattihāranayena vibhajitvā dassitānī’’ti pucchitabbabhāvato dhammavibhajanānantaraṃ bhūmipadaṭṭhānāni vibhajitvā dassento ‘‘dassanabhūmī’’tiādimāha. Tattha dassanabhūmīti dassanaṃ bhavati ettha paṭhamamaggeti dassanabhūmi, sotāpattimaggo . Niyāmāvakkantiyāti niyamanaṃ niyāmo, ko so? Sampattaniyāmo, avakkanaṃ avakkanti, sotāpattiphalaṃ, niyāmassa avakkanti niyāmāvakkanti, tāya. Dassanabhūmināmako sotāpattimaggo niyāmāvakkantināmakassa sotāpattiphalassa pattiyā padaṭṭhānaṃ. Paṭhamamaggasamaṅgī puggalo hi niyāmaṃ okkamanto nāma, phalasamaṅgī pana niyāmaṃ okkanto nāma hoti, tasmā niyāmāvakkantisaddena paṭhamaphaluppatti gahitā. Bhāvanābhūmīti uparimaggattayaṃ. Uttarikānanti tassa tassa maggassa uparipavattānaṃ taṃtaṃphalānaṃ pattiyā padaṭṭhānanti paccekaṃ yojetabbaṃ.
д̣̇угкаа бадибад̣̇аа д̣̇анд̇хаабхин̃н̃аа манд̣̇абан̃н̃асса уббаж̇ж̇анад̇о самат̇ам̣ ааваханд̇ий худ̇ваа самат̇асса бад̣̇адтаанам̣ ход̇и, сукаабадибад̣̇аа киббаабхин̃н̃аа н̃аан̣аад̇хигасса уббаж̇ж̇анад̇о вибассанааваханд̇ий худ̇ваа вибассанааяа бад̣̇адтаанам̣, авасзсаа д̣̇вз бадибад̣̇ааби наад̇ибан̃н̃асса уббаж̇ж̇анад̇о самат̇асса бад̣̇адтаананд̇и г̇ахзд̇аб̣б̣аа. д̇зна адтагат̇ааяам̣ вуд̇д̇ам̣ – ‘‘ид̇араа бана д̇иссоби бадибад̣̇аа самат̇ам̣ ааваханд̇ий’’д̇иаад̣̇и (нзд̇д̇и. адта. 34). д̣̇аанамаяам̣ бун̃н̃агирияавад̇т̇у саяамзва зганд̇зна д̇хаммассаванасса бад̣̇адтаанам̣ на ход̇и, ванд̣̇анаяаажанабан̃хаабужчанаад̣̇аяоби бад̣̇адтаанам̣ хонд̇и, д̇асмаа д̇зхи гааран̣зхи саад̇хааран̣ам̣ худ̇ваа барад̇огхосасса бад̣̇адтаанам̣ ход̇и, барад̇огхосо жа д̇хаммассаванабан̃хаависсаж̇ж̇анаад̣̇ивасзна бавад̇д̇о. д̣̇аад̇аб̣б̣авад̇т̇убарижжаж̇анаванд̣̇анаяаажанагаалзсу хи язбхуяязна д̇хаммам̣ д̣̇зсзнд̇и, бан̃хаабужчанаад̣̇игаалзсу жа виссаж̇ж̇знд̇и, бадибужчасаагажчаад̣̇ийни ваа гаронд̇и. сийламаяам̣ бун̃н̃агирияавад̇т̇у баамож̇ж̇абийд̇ибассад̣̇д̇хисукасамаад̇хийхи бад̣̇адтаанабхаавзна саад̇хааран̣ам̣ худ̇ваа жинд̇аамаяияаа бан̃н̃ааяа бад̣̇адтаанам̣ ход̇и. сийлаванд̇асса хи сийлам̣ бажжавзгканд̇асса баамож̇ж̇аад̣̇аяо хонд̇и, самаахид̇о жа д̇хаммажинд̇анз самад̇т̇о ход̇и.
Dukkhā paṭipadā dandhābhiññā mandapaññassa uppajjanato samathaṃ āvahantī hutvā samathassa padaṭṭhānaṃ hoti, sukhāpaṭipadā khippābhiññā ñāṇādhikassa uppajjanato vipassanāvahantī hutvā vipassanāya padaṭṭhānaṃ, avasesā dve paṭipadāpi nātipaññassa uppajjanato samathassa padaṭṭhānanti gahetabbā. Tena aṭṭhakathāyaṃ vuttaṃ – ‘‘itarā pana tissopi paṭipadā samathaṃ āvahantī’’tiādi (netti. aṭṭha. 34). Dānamayaṃ puññakiriyavatthu sayameva ekantena dhammassavanassa padaṭṭhānaṃ na hoti, vandanayācanapañhāpucchanādayopi padaṭṭhānaṃ honti, tasmā tehi kāraṇehi sādhāraṇaṃ hutvā paratoghosassa padaṭṭhānaṃ hoti, paratoghoso ca dhammassavanapañhāvissajjanādivasena pavatto. Dātabbavatthupariccajanavandanayācanakālesu hi yebhuyyena dhammaṃ desenti, pañhāpucchanādikālesu ca vissajjenti, paṭipucchasākacchādīni vā karonti. Sīlamayaṃ puññakiriyavatthu pāmojjapītipassaddhisukhasamādhīhi padaṭṭhānabhāvena sādhāraṇaṃ hutvā cintāmayiyā paññāya padaṭṭhānaṃ hoti. Sīlavantassa hi sīlaṃ paccavekkhantassa pāmojjādayo honti, samāhito ca dhammacintane samattho hoti.
бхааванаамаяам̣ бун̃н̃агирияавад̇т̇ууд̇и буримаа буримаа самат̇абхааванаа жзва вибассанаабхааванаа жа бун̃н̃агирияавад̇т̇уд̣̇аанасийлаад̣̇ийхи гааран̣зхи саад̇хааран̣ам̣ худ̇ваа бхааванаамаяияаа бан̃н̃ааяа бажчимааяа бажчимааяа самат̇абхааванааяа жзва вибассанаабхааванааяа жа бад̣̇адтаанам̣. д̇зна вуд̇д̇ам̣ адтагат̇ааяам̣ – ‘‘саад̇хааран̣анд̇и на б̣ийж̇ам̣ вияа ан̇гурасса, д̣̇ассанабхуумиаад̣̇аяо вияа нияаамаавагганд̇иаад̣̇ийнам̣ аавзн̣игам̣ , ат̇а ко саад̇хааран̣ам̣ д̇ад̣̇ан̃н̃агааран̣зхибий’’д̇и. ‘‘д̣̇аанамаяасийламаяабхааванаамаяабун̃н̃агирияавад̇т̇уунам̣ барад̇огхосажинд̇аамаяибхааванаамаяибан̃н̃аанам̣ бад̣̇адтаанабхааво аажариязна вибхад̇д̇о, звам̣ сад̇и д̇зсам̣ д̣̇аанамаяаад̣̇ийнам̣ яат̇ааггамам̣ барияад̇д̇иб̣аахусажжагаммадтаанаануяог̇амаг̇г̇асаммаад̣̇идтийнам̣ бад̣̇адтаанабхааво на бхавзяяаа’’д̇и вад̇д̇аб̣б̣ад̇д̇аа д̇ат̇аабавад̇д̇ам̣ бад̣̇адтаанабхаавамби д̣̇ассзд̇ум̣ ‘‘д̣̇аанамаяам̣ бун̃н̃агирияавад̇т̇у барад̇о жа гхосасса суд̇амаяияаа жа бан̃н̃ааяаа’’д̇иаад̣̇и вуд̇д̇ам̣. адтагат̇ааяам̣ бана –
Bhāvanāmayaṃ puññakiriyavatthūti purimā purimā samathabhāvanā ceva vipassanābhāvanā ca puññakiriyavatthudānasīlādīhi kāraṇehi sādhāraṇaṃ hutvā bhāvanāmayiyā paññāya pacchimāya pacchimāya samathabhāvanāya ceva vipassanābhāvanāya ca padaṭṭhānaṃ. Tena vuttaṃ aṭṭhakathāyaṃ – ‘‘sādhāraṇanti na bījaṃ viya aṅkurassa, dassanabhūmiādayo viya niyāmāvakkantiādīnaṃ āveṇikaṃ , atha kho sādhāraṇaṃ tadaññakāraṇehipī’’ti. ‘‘Dānamayasīlamayabhāvanāmayapuññakiriyavatthūnaṃ paratoghosacintāmayibhāvanāmayipaññānaṃ padaṭṭhānabhāvo ācariyena vibhatto, evaṃ sati tesaṃ dānamayādīnaṃ yathākkamaṃ pariyattibāhusaccakammaṭṭhānānuyogamaggasammādiṭṭhīnaṃ padaṭṭhānabhāvo na bhaveyyā’’ti vattabbattā tathāpavattaṃ padaṭṭhānabhāvampi dassetuṃ ‘‘dānamayaṃ puññakiriyavatthu parato ca ghosassa sutamayiyā ca paññāyā’’tiādi vuttaṃ. Aṭṭhakathāyaṃ pana –
‘‘ид̣̇аани яасмаа д̣̇аанам̣, сийлам̣, логияабхааванаа жа на гзвалам̣ яат̇аавуд̇д̇абарад̇огхосаад̣̇ийнам̣язва, ат̇а ко яат̇ааггамам̣ барияад̇д̇иб̣аахусажжагаммадтаанаануяог̇амаг̇г̇асаммаад̣̇идтийнамби бажжаяаа хонд̇и, д̇асмаа д̇амби наяам̣ д̣̇ассзд̇ум̣ буна ‘д̣̇аанамаяа’нд̇иаад̣̇инаа д̣̇зсанам̣ вад̣дхзсий’’д̇и (нзд̇д̇и. адта. 34) –
‘‘Idāni yasmā dānaṃ, sīlaṃ, lokiyabhāvanā ca na kevalaṃ yathāvuttaparatoghosādīnaṃyeva, atha kho yathākkamaṃ pariyattibāhusaccakammaṭṭhānānuyogamaggasammādiṭṭhīnampi paccayā honti, tasmā tampi nayaṃ dassetuṃ puna ‘dānamaya’ntiādinā desanaṃ vaḍḍhesī’’ti (netti. aṭṭha. 34) –
вуд̇д̇ам̣. д̇ад̇т̇а д̣̇аанамаяабун̃н̃агирияавад̇т̇уно барад̇огхосасса саад̇хааран̣абад̣̇адтаанабхааво хздтаа вуд̇д̇анаязна н̃аад̇аб̣б̣о. д̣̇аанам̣ бана д̣̇ад̇ваа д̣̇зсанам̣ суд̇ваа суд̇аанусаарзна вид̇т̇аарзд̇ваа жинд̇знд̇асса бавад̇д̇амаанааяа суд̇амаяияаа бан̃н̃ааяа ванд̣̇анаяаажанаад̣̇ийхи саад̇хааран̣ам̣ худ̇ваа бад̣̇адтаанам̣ ход̇и. сийламаяабун̃н̃агирияавад̇т̇уноби жинд̇аамаяияаа бан̃н̃ааяа саад̇хааран̣абад̣̇адтаанабхааво вуд̇д̇оязва. барисуд̣̇д̇хасийлам̣ бана ниссааяа ‘‘жхаанам̣ ниб̣б̣ад̇д̇зссаами, маг̇г̇апалам̣ ниб̣б̣ад̇д̇зссаамий’’д̇иаад̣̇инаа бажжавзгканд̇асса бавад̇д̇амаанасса яонисоманасигаарасса баамож̇ж̇аад̣̇ийхи саад̇хааран̣ам̣ худ̇ваа бад̣̇адтаанам̣ ход̇и. бхааванаамаяабун̃н̃агирияавад̇т̇уно бхааванаамаяияаа бан̃н̃ааяа саад̇хааран̣абад̣̇адтаанабхаавоби вуд̇д̇оязва. самат̇абхааванаасан̇каад̇ам̣ бана жхаанам̣ баад̣̇агам̣ гад̇ваа ваа барибаагам̣ вибассанаабхаавам̣язва ваа ниссааяа бавад̇д̇амаанааяа саммаад̣̇идтияаа барисуд̣̇д̇хасийлаад̣̇ийхи саад̇хааран̣ам̣ худ̇ваа бад̣̇адтаанам̣ ход̇и.
Vuttaṃ. Tattha dānamayapuññakiriyavatthuno paratoghosassa sādhāraṇapadaṭṭhānabhāvo heṭṭhā vuttanayena ñātabbo. Dānaṃ pana datvā desanaṃ sutvā sutānusārena vitthāretvā cintentassa pavattamānāya sutamayiyā paññāya vandanayācanādīhi sādhāraṇaṃ hutvā padaṭṭhānaṃ hoti. Sīlamayapuññakiriyavatthunopi cintāmayiyā paññāya sādhāraṇapadaṭṭhānabhāvo vuttoyeva. Parisuddhasīlaṃ pana nissāya ‘‘jhānaṃ nibbattessāmi, maggaphalaṃ nibbattessāmī’’tiādinā paccavekkhantassa pavattamānassa yonisomanasikārassa pāmojjādīhi sādhāraṇaṃ hutvā padaṭṭhānaṃ hoti. Bhāvanāmayapuññakiriyavatthuno bhāvanāmayiyā paññāya sādhāraṇapadaṭṭhānabhāvopi vuttoyeva. Samathabhāvanāsaṅkhātaṃ pana jhānaṃ pādakaṃ katvā vā paripākaṃ vipassanābhāvaṃyeva vā nissāya pavattamānāya sammādiṭṭhiyā parisuddhasīlādīhi sādhāraṇaṃ hutvā padaṭṭhānaṃ hoti.
д̣̇аанамаяабун̃н̃агирияавад̇т̇уаад̣̇ийнам̣ барад̇огхосаад̣̇ийнам̣ бад̣̇адтаанабхааво бунаббунам̣ аажариязна вибхад̇д̇о, амхзхи жа н̃аад̇о, ‘‘бад̇ируубад̣̇зсаваасаад̣̇аяоби имзсам̣ д̇хаммаанам̣ бад̣̇адтаанаанийд̇и яат̇аа вибхаж̇ид̇аб̣б̣аа, амхзхи жа вин̃н̃аад̇аб̣б̣аа, д̇ат̇аа вибхаж̇ид̇ваа д̣̇ассзт̇аа’’д̇и вад̇д̇аб̣б̣ад̇д̇аа д̇зби вибхаж̇ид̇ваа д̣̇ассзд̇ум̣ ‘‘бад̇ируубад̣̇зсаваасо’’д̇иаад̣̇имааха. адтагат̇ааяам̣ бана ‘‘д̇ат̇аа бад̇ируубад̣̇зсаваасаад̣̇аяо гааяавивзгажид̇д̇авивзгаад̣̇ийнам̣ гааран̣ам̣ хонд̇ийд̇и имам̣ наяам̣ д̣̇ассзд̇ум̣ ‘бад̇ируубад̣̇зсаваасо’д̇иаад̣̇имаахаа’’д̇и (нзд̇д̇и. адта. 34) вуд̇д̇ам̣. бад̇ируубад̣̇зсам̣ ниссааяа васанд̇асса гааяавивзгажид̇д̇авивзгавад̣дханад̇о, самаад̇хивад̣дханад̇о жа бад̇ируубад̣̇зсаваасо гааяажид̇д̇авивзгасса жа убажаарасамаад̇хиаббанаасамаад̇хисса жа сийлаад̣̇ийхи саад̇хааран̣ам̣ худ̇ваа бад̣̇адтаанам̣. саббурисуубаниссаяод̇и саббурисасанд̇аанз бавад̇д̇о баяирубаасад̇о ааламб̣ид̇аб̣б̣о басаад̣̇о, д̇ад̇о ваа убаниссаяам̣ лабхид̇ваа баяирубаасанд̇аанам̣ санд̇аанз бавад̇д̇о буб̣б̣абасаад̣̇о яат̇аавид̇хо саббурисуубаниссаяо баяирубаасанд̇асса сад̣̇д̇хаасамбаннасса рад̇анад̇д̇аяз д̇ин̣н̣ам̣ авзжжаббасаад̣̇аанам̣ рад̇анад̇д̇аяаг̇ун̣аад̣̇ийхи саад̇хааран̣ам̣ худ̇ваа бад̣̇адтаанам̣, самат̇асса лабхананимид̇д̇ад̣̇ааяагам̣ саббурисам̣ баяирубаасид̇ваа д̇зна д̣̇иннанаяз тад̇ваа бавад̇д̇зд̇аб̣б̣асса самат̇асса саббурисуубаниссаяо сийлабаамож̇ж̇абийд̇аад̣̇ийхи саад̇хааран̣ам̣ худ̇ваа бад̣̇адтаанам̣. ад̇д̇асаммаабан̣ихид̇асса баабаж̇иг̇ужчаад̣̇ийнам̣ самбхавад̇о ад̇д̇асаммаабан̣ид̇хаанам̣ ж̇аад̇иваяаад̣̇ибажжавзгкан̣зна саад̇хааран̣ам̣ худ̇ваа хирияаа жа бад̣̇адтаанам̣, ад̇д̇асаммаабан̣ихид̇асса ниб̣б̣ид̣̇аад̣̇ийнам̣ самбхавад̇о сийлаад̣̇ийхи саад̇хааран̣ам̣ худ̇ваа вибассанааяа жа бад̣̇адтаанам̣.
Dānamayapuññakiriyavatthuādīnaṃ paratoghosādīnaṃ padaṭṭhānabhāvo punappunaṃ ācariyena vibhatto, amhehi ca ñāto, ‘‘patirūpadesavāsādayopi imesaṃ dhammānaṃ padaṭṭhānānīti yathā vibhajitabbā, amhehi ca viññātabbā, tathā vibhajitvā dassethā’’ti vattabbattā tepi vibhajitvā dassetuṃ ‘‘patirūpadesavāso’’tiādimāha. Aṭṭhakathāyaṃ pana ‘‘tathā patirūpadesavāsādayo kāyavivekacittavivekādīnaṃ kāraṇaṃ hontīti imaṃ nayaṃ dassetuṃ ‘patirūpadesavāso’tiādimāhā’’ti (netti. aṭṭha. 34) vuttaṃ. Patirūpadesaṃ nissāya vasantassa kāyavivekacittavivekavaḍḍhanato, samādhivaḍḍhanato ca patirūpadesavāso kāyacittavivekassa ca upacārasamādhiappanāsamādhissa ca sīlādīhi sādhāraṇaṃ hutvā padaṭṭhānaṃ. Sappurisūpanissayoti sappurisasantāne pavatto payirupāsato ālambitabbo pasādo, tato vā upanissayaṃ labhitvā payirupāsantānaṃ santāne pavatto pubbapasādo yathāvidho sappurisūpanissayo payirupāsantassa saddhāsampannassa ratanattaye tiṇṇaṃ aveccappasādānaṃ ratanattayaguṇādīhi sādhāraṇaṃ hutvā padaṭṭhānaṃ, samathassa labhananimittadāyakaṃ sappurisaṃ payirupāsitvā tena dinnanaye ṭhatvā pavattetabbassa samathassa sappurisūpanissayo sīlapāmojjapītādīhi sādhāraṇaṃ hutvā padaṭṭhānaṃ. Attasammāpaṇihitassa pāpajigucchādīnaṃ sambhavato attasammāpaṇidhānaṃ jātivayādipaccavekkhaṇena sādhāraṇaṃ hutvā hiriyā ca padaṭṭhānaṃ, attasammāpaṇihitassa nibbidādīnaṃ sambhavato sīlādīhi sādhāraṇaṃ hutvā vipassanāya ca padaṭṭhānaṃ.
д̇ад̣̇ан̇г̇аад̣̇ивасзна агусалабарижжааг̇о ниб̣б̣ид̣̇аан̃аан̣аад̣̇ийхи саад̇хааран̣ам̣ худ̇ваа гусалавиймам̣сааяа бадисан̇каанубассанааяа бан̃н̃ааяа жа арияамаг̇г̇асамаад̇хинд̣̇рияасса жа бад̣̇адтаанам̣. д̇хаммасваагкаад̇ад̇аа сваагкаад̇ад̇хаммассаванаанусаарзна бавад̇д̇агусаламуулагаа логияалогуд̇д̇арасамбад̇д̇и гусаламууларобанаа наама, д̇ааяа жа д̇ат̇аавид̇хагусаламуулагааяа паласамаабад̇д̇ияаа жа бад̣̇адтаанам̣. сан̇гхасуббадибаннад̇аа сан̇гхасудтуд̇ааяа сан̇гхасса убадтаагаанам̣ судтубхаавааяа саббад̇иссавааяа важанасамбадижчанабхаавааяа бад̣̇адтаанам̣. сад̇т̇усамбад̣̇аа сад̇т̇ари жзва д̇хаммаад̣̇ийсу жа г̇ун̣ааж̇аананад̇ааяа аббасаннаанан̃жа басаад̣̇ааяа басаннаанан̃жа аббамад̇д̇агабасаад̣̇аанан̃жа бхияяобхаавааяа вад̣дханааяа бад̣̇адтаанам̣. аббадихад̇абаад̇имогкад̇аа сан̇гхамаж̇жхз ваа барисамаж̇жхз ваа д̣̇умман̇гуунам̣ д̣̇уммукаанам̣ д̣̇уссийлаанам̣ буг̇г̇алаанам̣ ниг̇г̇ахааяа, бзсалаанам̣ баад̇имогкасам̣вараад̣̇исийласамбаннаанам̣ буг̇г̇алаанам̣ паасувихаарааяа жа бад̣̇адтаанам̣ ход̇и. хонд̇о бана яат̇аануруубзхи ан̃н̃зхи гааран̣зхи саад̇хааран̣ам̣ худ̇ваа ход̇ийд̇и взд̣̇ид̇аб̣б̣о.
Tadaṅgādivasena akusalapariccāgo nibbidāñāṇādīhi sādhāraṇaṃ hutvā kusalavīmaṃsāya paṭisaṅkhānupassanāya paññāya ca ariyamaggasamādhindriyassa ca padaṭṭhānaṃ. Dhammasvākkhātatā svākkhātadhammassavanānusārena pavattakusalamūlakā lokiyalokuttarasampatti kusalamūlaropanā nāma, tāya ca tathāvidhakusalamūlakāya phalasamāpattiyā ca padaṭṭhānaṃ. Saṅghasuppaṭipannatā saṅghasuṭṭhutāya saṅghassa upaṭṭhākānaṃ suṭṭhubhāvāya sappatissavāya vacanasampaṭicchanabhāvāya padaṭṭhānaṃ. Satthusampadā satthari ceva dhammādīsu ca guṇaajānanatāya appasannānañca pasādāya pasannānañca appamattakapasādānañca bhiyyobhāvāya vaḍḍhanāya padaṭṭhānaṃ. Appaṭihatapātimokkhatā saṅghamajjhe vā parisamajjhe vā dummaṅkūnaṃ dummukhānaṃ dussīlānaṃ puggalānaṃ niggahāya, pesalānaṃ pātimokkhasaṃvarādisīlasampannānaṃ puggalānaṃ phāsuvihārāya ca padaṭṭhānaṃ hoti. Honto pana yathānurūpehi aññehi kāraṇehi sādhāraṇaṃ hutvā hotīti veditabbo.
‘‘ваасанаабхааг̇ияасуд̇д̇аад̣̇ийсу вуд̇д̇ад̇хаммабхуумибад̣̇адтаанаанам̣ вибхад̇д̇ихаарзна вибхаж̇ид̇аб̣б̣абхааво амхзхи гзна ж̇аанид̇аб̣б̣о сад̣̇д̣̇ахид̇аб̣б̣о’’д̇и бужчид̇аб̣б̣ад̇д̇аа ‘‘д̇знаахаа’’д̇иаад̣̇и вуд̇д̇ам̣. д̇ассад̇т̇о вуд̇д̇анаяаанусаарзна взд̣̇ид̇аб̣б̣о.
‘‘Vāsanābhāgiyasuttādīsu vuttadhammabhūmipadaṭṭhānānaṃ vibhattihārena vibhajitabbabhāvo amhehi kena jānitabbo saddahitabbo’’ti pucchitabbattā ‘‘tenāhā’’tiādi vuttaṃ. Tassattho vuttanayānusārena veditabbo.
‘‘зд̇д̇аавад̇аа жа вибхад̇д̇ихааро барибун̣н̣о, ан̃н̃о нияуд̇д̇о над̇т̇ий’’д̇и вад̇д̇аб̣б̣ад̇д̇аа ‘‘нияуд̇д̇о вибхад̇д̇ихааро’’д̇и вуд̇д̇ам̣. яад̇т̇а яад̇т̇а суд̇д̇з яз яз д̇хаммаад̣̇аяо вуд̇д̇аа, д̇ад̇т̇а д̇ад̇т̇а суд̇д̇з вуд̇д̇зсу д̇зсу д̇зсу д̇хаммаад̣̇ийсу яат̇аалаабхавасзна яо яо вибхад̇д̇ихааро яож̇ид̇о, со со вибхад̇д̇ихааро нид̣̇д̇хаарзд̇ваа яуд̇д̇о яож̇ид̇од̇и ад̇т̇о д̣̇адтаб̣б̣о.
‘‘Ettāvatā ca vibhattihāro paripuṇṇo, añño niyutto natthī’’ti vattabbattā ‘‘niyutto vibhattihāro’’ti vuttaṃ. Yattha yattha sutte ye ye dhammādayo vuttā, tattha tattha sutte vuttesu tesu tesu dhammādīsu yathālābhavasena yo yo vibhattihāro yojito, so so vibhattihāro niddhāretvā yutto yojitoti attho daṭṭhabbo.
ид̇и вибхад̇д̇ихааравибхан̇г̇з сад̇д̇иб̣алаануруубаа ражид̇аа
Iti vibhattihāravibhaṅge sattibalānurūpā racitā
вибхааванаа нидтид̇аа.
Vibhāvanā niṭṭhitā.
бан̣д̣ид̇зхи бана адтагат̇аадийгаанусаарзнзва г̇амбхийрад̇т̇о вид̇т̇аарад̇о вибхаж̇ид̇ваа г̇ахзд̇аб̣б̣од̇и.
Paṇḍitehi pana aṭṭhakathāṭīkānusāreneva gambhīrattho vitthārato vibhajitvā gahetabboti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 8. вибхад̇д̇ихааравибхан̇г̇о • 8. Vibhattihāravibhaṅgo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 8. вибхад̇д̇ихааравибхан̇г̇аван̣н̣анаа • 8. Vibhattihāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 8. вибхад̇д̇ихааравибхан̇г̇аван̣н̣анаа • 8. Vibhattihāravibhaṅgavaṇṇanā
