| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੨. વਿਭਤ੍ਤਿਸੁਤ੍ਤਂ
2. Vibhattisuttaṃ
੧੭੨. ਤਤ੍ਰ ਖੋ ਆਯਸ੍ਮਾ ਸਾਰਿਪੁਤ੍ਤੋ ਭਿਕ੍ਖੂ ਆਮਨ੍ਤੇਸਿ – ‘‘ਆવੁਸੋ ਭਿਕ੍ਖવੇ’’ਤਿ। ‘‘ਆવੁਸੋ’’ਤਿ ਖੋ ਤੇ ਭਿਕ੍ਖੂ ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਪਚ੍ਚਸ੍ਸੋਸੁਂ। ਆਯਸ੍ਮਾ ਸਾਰਿਪੁਤ੍ਤੋ ਏਤਦવੋਚ –
172. Tatra kho āyasmā sāriputto bhikkhū āmantesi – ‘‘āvuso bhikkhave’’ti. ‘‘Āvuso’’ti kho te bhikkhū āyasmato sāriputtassa paccassosuṃ. Āyasmā sāriputto etadavoca –
‘‘ਅਦ੍ਧਮਾਸੂਪਸਮ੍ਪਨ੍ਨੇਨ ਮੇ, ਆવੁਸੋ, ਅਤ੍ਥਪਟਿਸਮ੍ਭਿਦਾ ਸਚ੍ਛਿਕਤਾ ਓਧਿਸੋ ਬ੍ਯਞ੍ਜਨਸੋ। ਤਮਹਂ ਅਨੇਕਪਰਿਯਾਯੇਨ ਆਚਿਕ੍ਖਾਮਿ ਦੇਸੇਮਿ ਪਞ੍ਞਾਪੇਮਿ ਪਟ੍ਠਪੇਮਿ વਿવਰਾਮਿ વਿਭਜਾਮਿ ਉਤ੍ਤਾਨੀਕਰੋਮਿ। ਯਸ੍ਸ ਖੋ ਪਨਸ੍ਸ ਕਙ੍ਖਾ વਾ વਿਮਤਿ વਾ, ਸੋ ਮਂ ਪਞ੍ਹੇਨ। ਅਹਂ વੇਯ੍ਯਾਕਰਣੇਨ ਸਮ੍ਮੁਖੀਭੂਤੋ ਨੋ ਸਤ੍ਥਾ ਯੋ ਨੋ ਧਮ੍ਮਾਨਂ ਸੁਕੁਸਲੋ।
‘‘Addhamāsūpasampannena me, āvuso, atthapaṭisambhidā sacchikatā odhiso byañjanaso. Tamahaṃ anekapariyāyena ācikkhāmi desemi paññāpemi paṭṭhapemi vivarāmi vibhajāmi uttānīkaromi. Yassa kho panassa kaṅkhā vā vimati vā, so maṃ pañhena. Ahaṃ veyyākaraṇena sammukhībhūto no satthā yo no dhammānaṃ sukusalo.
‘‘ਅਦ੍ਧਮਾਸੂਪਸਮ੍ਪਨ੍ਨੇਨ ਮੇ, ਆવੁਸੋ, ਧਮ੍ਮਪਟਿਸਮ੍ਭਿਦਾ ਸਚ੍ਛਿਕਤਾ ਓਧਿਸੋ ਬ੍ਯਞ੍ਜਨਸੋ। ਤਮਹਂ ਅਨੇਕਪਰਿਯਾਯੇਨ ਆਚਿਕ੍ਖਾਮਿ ਦੇਸੇਮਿ ਪਞ੍ਞਾਪੇਮਿ ਪਟ੍ਠਪੇਮਿ વਿવਰਾਮਿ વਿਭਜਾਮਿ ਉਤ੍ਤਾਨੀਕਰੋਮਿ। ਯਸ੍ਸ ਖੋ ਪਨਸ੍ਸ ਕਙ੍ਖਾ વਾ વਿਮਤਿ વਾ, ਸੋ ਮਂ ਪਞ੍ਹੇਨ। ਅਹਂ વੇਯ੍ਯਾਕਰਣੇਨ ਸਮ੍ਮੁਖੀਭੂਤੋ ਨੋ ਸਤ੍ਥਾ ਯੋ ਨੋ ਧਮ੍ਮਾਨਂ ਸੁਕੁਸਲੋ।
‘‘Addhamāsūpasampannena me, āvuso, dhammapaṭisambhidā sacchikatā odhiso byañjanaso. Tamahaṃ anekapariyāyena ācikkhāmi desemi paññāpemi paṭṭhapemi vivarāmi vibhajāmi uttānīkaromi. Yassa kho panassa kaṅkhā vā vimati vā, so maṃ pañhena. Ahaṃ veyyākaraṇena sammukhībhūto no satthā yo no dhammānaṃ sukusalo.
‘‘ਅਦ੍ਧਮਾਸੂਪਸਮ੍ਪਨ੍ਨੇਨ ਮੇ, ਆવੁਸੋ, ਨਿਰੁਤ੍ਤਿਪਟਿਸਮ੍ਭਿਦਾ ਸਚ੍ਛਿਕਤਾ ਓਧਿਸੋ ਬ੍ਯਞ੍ਜਨਸੋ। ਤਮਹਂ ਅਨੇਕਪਰਿਯਾਯੇਨ ਆਚਿਕ੍ਖਾਮਿ ਦੇਸੇਮਿ ਪਞ੍ਞਾਪੇਮਿ ਪਟ੍ਠਪੇਮਿ વਿવਰਾਮਿ વਿਭਜਾਮਿ ਉਤ੍ਤਾਨੀਕਰੋਮਿ। ਯਸ੍ਸ ਖੋ ਪਨਸ੍ਸ ਕਙ੍ਖਾ વਾ વਿਮਤਿ વਾ, ਸੋ ਮਂ ਪਞ੍ਹੇਨ। ਅਹਂ વੇਯ੍ਯਾਕਰਣੇਨ ਸਮ੍ਮੁਖੀਭੂਤੋ ਨੋ ਸਤ੍ਥਾ ਯੋ ਨੋ ਧਮ੍ਮਾਨਂ ਸੁਕੁਸਲੋ।
‘‘Addhamāsūpasampannena me, āvuso, niruttipaṭisambhidā sacchikatā odhiso byañjanaso. Tamahaṃ anekapariyāyena ācikkhāmi desemi paññāpemi paṭṭhapemi vivarāmi vibhajāmi uttānīkaromi. Yassa kho panassa kaṅkhā vā vimati vā, so maṃ pañhena. Ahaṃ veyyākaraṇena sammukhībhūto no satthā yo no dhammānaṃ sukusalo.
‘‘ਅਦ੍ਧਮਾਸੂਪਸਮ੍ਪਨ੍ਨੇਨ ਮੇ, ਆવੁਸੋ, ਪਟਿਭਾਨਪਟਿਸਮ੍ਭਿਦਾ ਸਚ੍ਛਿਕਤਾ ਓਧਿਸੋ ਬ੍ਯਞ੍ਜਨਸੋ। ਤਮਹਂ ਅਨੇਕਪਰਿਯਾਯੇਨ ਆਚਿਕ੍ਖਾਮਿ ਦੇਸੇਮਿ ਪਞ੍ਞਾਪੇਮਿ ਪਟ੍ਠਪੇਮਿ વਿવਰਾਮਿ વਿਭਜਾਮਿ ਉਤ੍ਤਾਨੀਕਰੋਮਿ। ਯਸ੍ਸ ਖੋ ਪਨਸ੍ਸ ਕਙ੍ਖਾ વਾ વਿਮਤਿ વਾ, ਸੋ ਮਂ ਪਞ੍ਹੇਨ। ਅਹਂ વੇਯ੍ਯਾਕਰਣੇਨ ਸਮ੍ਮੁਖੀਭੂਤੋ ਨੋ ਸਤ੍ਥਾ ਯੋ ਨੋ ਧਮ੍ਮਾਨਂ ਸੁਕੁਸਲੋ’’ਤਿ। ਦੁਤਿਯਂ।
‘‘Addhamāsūpasampannena me, āvuso, paṭibhānapaṭisambhidā sacchikatā odhiso byañjanaso. Tamahaṃ anekapariyāyena ācikkhāmi desemi paññāpemi paṭṭhapemi vivarāmi vibhajāmi uttānīkaromi. Yassa kho panassa kaṅkhā vā vimati vā, so maṃ pañhena. Ahaṃ veyyākaraṇena sammukhībhūto no satthā yo no dhammānaṃ sukusalo’’ti. Dutiyaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੨. વਿਭਤ੍ਤਿਸੁਤ੍ਤવਣ੍ਣਨਾ • 2. Vibhattisuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੨. વਿਭਤ੍ਤਿਸੁਤ੍ਤવਣ੍ਣਨਾ • 2. Vibhattisuttavaṇṇanā
