| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
2. விப⁴த்திஸுத்தவண்ணனா
2. Vibhattisuttavaṇṇanā
172. து³தியே அத்த²படிஸம்பி⁴தா³தி பஞ்சஸு அத்தே²ஸு பபே⁴த³க³தங் ஞாணங். ஓதி⁴ஸோதி காரணஸோ. ப்³யஞ்ஜனஸோதி அக்க²ரஸோ. அனேகபரியாயேனாதி அனேகேஹி காரணேஹி. ஆசிக்கா²மீதி கதே²மி. தே³ஸேமீதி பாகடங் கத்வா கதே²மி. பஞ்ஞாபேமீதி ஜானாபேமி. பட்ட²பேமீதி பட்ட²பெத்வா பவத்தெத்வா கதே²மி. விவராமீதி விவடங் கத்வா கதே²மி. விப⁴ஜாமீதி விப⁴ஜித்வா கதே²மி. உத்தானீகரோமீதி க³ம்பீ⁴ரங் உத்தானகங் கத்வா கதே²மி. ஸோ மங் பஞ்ஹேனாதி ஸோ மங் பஞ்ஹேன உபக³ச்ச²து. அஹங் வெய்யாகரணேனாதி அஹமஸ்ஸ பஞ்ஹகத²னேன சித்தங் ஆராதெ⁴ஸ்ஸாமி. யோ நோ த⁴ம்மானங் ஸுகுஸலோதி யோ அம்ஹாகங் அதி⁴க³தத⁴ம்மானங் ஸுகுஸலோ ஸத்தா², ஸோ ஏஸ ஸம்முகீ²பூ⁴தோ. யதி³ மயா அத்த²படிஸம்பி⁴தா³ ந ஸச்சி²கதா, ‘‘ஸச்சி²கரோஹி தாவ ஸாரிபுத்தா’’தி வத்வா மங் படிபா³ஹிஸ்ஸதீதி ஸத்து² புரதோ நிஸின்னகோவ ஸீஹனாத³ங் நத³தி. இமினா உபாயேன ஸப்³ப³த்த² அத்தோ² வேதி³தப்³போ³. இமாஸு ச பன படிஸம்பி⁴தா³ஸு திஸ்ஸோ படிஸம்பி⁴தா³ லோகியா, அத்த²படிஸம்பி⁴தா³ லோகியலோகுத்தராதி.
172. Dutiye atthapaṭisambhidāti pañcasu atthesu pabhedagataṃ ñāṇaṃ. Odhisoti kāraṇaso. Byañjanasoti akkharaso. Anekapariyāyenāti anekehi kāraṇehi. Ācikkhāmīti kathemi. Desemīti pākaṭaṃ katvā kathemi. Paññāpemīti jānāpemi. Paṭṭhapemīti paṭṭhapetvā pavattetvā kathemi. Vivarāmīti vivaṭaṃ katvā kathemi. Vibhajāmīti vibhajitvā kathemi. Uttānīkaromīti gambhīraṃ uttānakaṃ katvā kathemi. So maṃ pañhenāti so maṃ pañhena upagacchatu. Ahaṃ veyyākaraṇenāti ahamassa pañhakathanena cittaṃ ārādhessāmi. Yo no dhammānaṃ sukusaloti yo amhākaṃ adhigatadhammānaṃ sukusalo satthā, so esa sammukhībhūto. Yadi mayā atthapaṭisambhidā na sacchikatā, ‘‘sacchikarohi tāva sāriputtā’’ti vatvā maṃ paṭibāhissatīti satthu purato nisinnakova sīhanādaṃ nadati. Iminā upāyena sabbattha attho veditabbo. Imāsu ca pana paṭisambhidāsu tisso paṭisambhidā lokiyā, atthapaṭisambhidā lokiyalokuttarāti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 2. விப⁴த்திஸுத்தங் • 2. Vibhattisuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 2. விப⁴த்திஸுத்தவண்ணனா • 2. Vibhattisuttavaṇṇanā
