| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
2. вибхад̇д̇исуд̇д̇аван̣н̣анаа
2. Vibhattisuttavaṇṇanā
172. д̣̇уд̇ияз ад̇т̇абадисамбхид̣̇аад̇и бан̃жасу ад̇т̇зсу бабхзд̣̇аг̇ад̇ам̣ н̃аан̣ам̣. од̇хисод̇и гааран̣асо. б̣яан̃ж̇анасод̇и агкарасо. анзгабарияааязнаад̇и анзгзхи гааран̣зхи. аажигкаамийд̇и гат̇зми. д̣̇зсзмийд̇и баагадам̣ гад̇ваа гат̇зми. бан̃н̃аабзмийд̇и ж̇аанаабзми. бадтабзмийд̇и бадтабзд̇ваа бавад̇д̇зд̇ваа гат̇зми. вивараамийд̇и вивадам̣ гад̇ваа гат̇зми. вибхаж̇аамийд̇и вибхаж̇ид̇ваа гат̇зми. уд̇д̇аанийгаромийд̇и г̇амбхийрам̣ уд̇д̇аанагам̣ гад̇ваа гат̇зми. со мам̣ бан̃хзнаад̇и со мам̣ бан̃хзна убаг̇ажчад̇у. ахам̣ взяяаагаран̣знаад̇и ахамасса бан̃хагат̇анзна жид̇д̇ам̣ аараад̇хзссаами. яо но д̇хаммаанам̣ сугусалод̇и яо амхаагам̣ ад̇хиг̇ад̇ад̇хаммаанам̣ сугусало сад̇т̇аа, со зса саммукийбхууд̇о. яад̣̇и маяаа ад̇т̇абадисамбхид̣̇аа на сажчигад̇аа, ‘‘сажчигарохи д̇аава саарибуд̇д̇аа’’д̇и вад̇ваа мам̣ бадиб̣аахиссад̇ийд̇и сад̇т̇у бурад̇о нисиннагова сийханаад̣̇ам̣ над̣̇ад̇и. иминаа убааязна саб̣б̣ад̇т̇а ад̇т̇о взд̣̇ид̇аб̣б̣о. имаасу жа бана бадисамбхид̣̇аасу д̇иссо бадисамбхид̣̇аа логияаа, ад̇т̇абадисамбхид̣̇аа логияалогуд̇д̇араад̇и.
172. Dutiye atthapaṭisambhidāti pañcasu atthesu pabhedagataṃ ñāṇaṃ. Odhisoti kāraṇaso. Byañjanasoti akkharaso. Anekapariyāyenāti anekehi kāraṇehi. Ācikkhāmīti kathemi. Desemīti pākaṭaṃ katvā kathemi. Paññāpemīti jānāpemi. Paṭṭhapemīti paṭṭhapetvā pavattetvā kathemi. Vivarāmīti vivaṭaṃ katvā kathemi. Vibhajāmīti vibhajitvā kathemi. Uttānīkaromīti gambhīraṃ uttānakaṃ katvā kathemi. So maṃ pañhenāti so maṃ pañhena upagacchatu. Ahaṃ veyyākaraṇenāti ahamassa pañhakathanena cittaṃ ārādhessāmi. Yo no dhammānaṃ sukusaloti yo amhākaṃ adhigatadhammānaṃ sukusalo satthā, so esa sammukhībhūto. Yadi mayā atthapaṭisambhidā na sacchikatā, ‘‘sacchikarohi tāva sāriputtā’’ti vatvā maṃ paṭibāhissatīti satthu purato nisinnakova sīhanādaṃ nadati. Iminā upāyena sabbattha attho veditabbo. Imāsu ca pana paṭisambhidāsu tisso paṭisambhidā lokiyā, atthapaṭisambhidā lokiyalokuttarāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. вибхад̇д̇исуд̇д̇ам̣ • 2. Vibhattisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2. вибхад̇д̇исуд̇д̇аван̣н̣анаа • 2. Vibhattisuttavaṇṇanā
