| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2. вибхад̇д̇исуд̇д̇аван̣н̣анаа
2. Vibhattisuttavaṇṇanā
172. д̣̇уд̇ияз ад̇т̇аббабхзд̣̇асса саллагкан̣авибхааванававад̇т̇аанагаран̣асамад̇т̇ам̣ ад̇т̇з бабхзд̣̇аг̇ад̇ам̣ н̃аан̣ам̣ ад̇т̇абадисамбхид̣̇аа. ад̇т̇од̇и жзд̇т̇а сан̇кзбад̇о хзд̇упалам̣. д̇ан̃хи хзд̇увасзна аран̣ийяам̣ г̇анд̇аб̣б̣ам̣ бад̇д̇аб̣б̣ам̣, д̇асмаа ‘‘ад̇т̇о’’д̇и вужжад̇и. бабхзд̣̇ад̇о бана яам̣ гин̃жи бажжаяасамуббаннам̣, ниб̣б̣аанам̣, бхаасид̇ад̇т̇о, вибааго, гирияаад̇и имз бан̃жа д̇хаммаа ‘‘ад̇т̇о’’д̇и взд̣̇ид̇аб̣б̣аа , д̇ам̣ ад̇т̇ам̣ бажжавзгканд̇асса д̇асмим̣ ад̇т̇з бабхзд̣̇аг̇ад̇ам̣ н̃аан̣ам̣ ад̇т̇абадисамбхид̣̇аа. д̇знааха ‘‘бан̃жасу ад̇т̇зсу бабхзд̣̇аг̇ад̇ам̣ н̃аан̣а’’нд̇и. аажигкаамийд̇иаад̣̇ийсу аад̣̇ид̇о гат̇знд̇о аажигкад̇и наама, уд̣̇д̣̇исад̇ийд̇и ад̇т̇о. д̇амзва уд̣̇д̣̇зсам̣ барияосаабзнд̇о д̣̇зсзд̇и. яат̇аауд̣̇д̣̇идтамад̇т̇ам̣ уд̣̇д̣̇исанавасзна багаарзхи н̃аабзнд̇о н̃аабзд̇и. багаарзхи зва д̇амад̇т̇ам̣ бад̇идтаабзнд̇о бадтабзд̇и. яат̇аауд̣̇д̣̇идтам̣ бадинид̣̇д̣̇исанавасзна виварад̇и. вивадам̣ вибхаж̇ад̇и. вибхад̇д̇аад̇т̇ам̣ хзд̇ууд̣̇аахаран̣ад̣̇ассанзхи баагадам̣ гаронд̇о уд̇д̇ааним̣ гарод̇и.
172. Dutiye atthappabhedassa sallakkhaṇavibhāvanavavatthānakaraṇasamatthaṃ atthe pabhedagataṃ ñāṇaṃ atthapaṭisambhidā. Atthoti cettha saṅkhepato hetuphalaṃ. Tañhi hetuvasena araṇīyaṃ gantabbaṃ pattabbaṃ, tasmā ‘‘attho’’ti vuccati. Pabhedato pana yaṃ kiñci paccayasamuppannaṃ, nibbānaṃ, bhāsitattho, vipāko, kiriyāti ime pañca dhammā ‘‘attho’’ti veditabbā , taṃ atthaṃ paccavekkhantassa tasmiṃ atthe pabhedagataṃ ñāṇaṃ atthapaṭisambhidā. Tenāha ‘‘pañcasu atthesu pabhedagataṃ ñāṇa’’nti. Ācikkhāmītiādīsu ādito kathento ācikkhati nāma, uddisatīti attho. Tameva uddesaṃ pariyosāpento deseti. Yathāuddiṭṭhamatthaṃ uddisanavasena pakārehi ñāpento ñāpeti. Pakārehi eva tamatthaṃ patiṭṭhāpento paṭṭhapeti. Yathāuddiṭṭhaṃ paṭiniddisanavasena vivarati. Vivaṭaṃ vibhajati. Vibhattaatthaṃ hetūdāharaṇadassanehi pākaṭaṃ karonto uttāniṃ karoti.
д̇иссо бадисамбхид̣̇аад̇и д̇хамманируд̇д̇ибадибхаанабадисамбхид̣̇аа. д̇ад̇т̇а д̇хаммабадисамбхид̣̇аа наама д̇хаммаббабхзд̣̇асса саллагкан̣авибхааванававад̇т̇аанагаран̣асамад̇т̇ам̣ н̃аан̣ам̣. д̇хаммод̇и жа сан̇кзбад̇о бажжаяо. со хи яасмаа д̇ам̣ д̇ам̣ вид̣̇ахад̇и бавад̇д̇зд̇и жзва баабзд̇и жа, д̇асмаа ‘‘д̇хаммо’’д̇и вужжад̇и. бабхзд̣̇ад̇о бана яо гожи паланиб̣б̣ад̇д̇аго хзд̇у, арияамаг̇г̇о, бхаасид̇ам̣, гусалам̣, агусаланд̇и имз бан̃жа д̇хаммаа ‘‘д̇хаммо’’д̇и взд̣̇ид̇аб̣б̣аа, д̇ам̣ д̇хаммам̣ бажжавзгканд̇асса д̇асмим̣ д̇хаммз бабхзд̣̇аг̇ад̇ам̣ н̃аан̣ам̣ д̇хаммабадисамбхид̣̇аа. нируд̇д̇иббабхзд̣̇асса саллагкан̣авибхааванававад̇т̇аанагаран̣асамад̇т̇ам̣ нируд̇д̇аабхилаабз бабхзд̣̇аг̇ад̇ам̣ н̃аан̣ам̣ нируд̇д̇ибадисамбхид̣̇аад̇и. ид̣̇ам̣ вуд̇д̇ам̣ ход̇и – ад̇т̇з жа д̇хаммз жа яаа сабхааванируд̇д̇и, д̇ам̣ сабхааванируд̇д̇им̣ сад̣̇д̣̇ам̣ аарамман̣ам̣ гад̇ваа бажжавзгканд̇асса д̇асмим̣ сабхааванируд̇д̇аабхилаабз бабхзд̣̇аг̇ад̇ам̣ н̃аан̣ам̣ нируд̇д̇ибадисамбхид̣̇аад̇и.
Tisso paṭisambhidāti dhammaniruttipaṭibhānapaṭisambhidā. Tattha dhammapaṭisambhidā nāma dhammappabhedassa sallakkhaṇavibhāvanavavatthānakaraṇasamatthaṃ ñāṇaṃ. Dhammoti ca saṅkhepato paccayo. So hi yasmā taṃ taṃ vidahati pavatteti ceva pāpeti ca, tasmā ‘‘dhammo’’ti vuccati. Pabhedato pana yo koci phalanibbattako hetu, ariyamaggo, bhāsitaṃ, kusalaṃ, akusalanti ime pañca dhammā ‘‘dhammo’’ti veditabbā, taṃ dhammaṃ paccavekkhantassa tasmiṃ dhamme pabhedagataṃ ñāṇaṃ dhammapaṭisambhidā. Niruttippabhedassa sallakkhaṇavibhāvanavavatthānakaraṇasamatthaṃ niruttābhilāpe pabhedagataṃ ñāṇaṃ niruttipaṭisambhidāti. Idaṃ vuttaṃ hoti – atthe ca dhamme ca yā sabhāvanirutti, taṃ sabhāvaniruttiṃ saddaṃ ārammaṇaṃ katvā paccavekkhantassa tasmiṃ sabhāvaniruttābhilāpe pabhedagataṃ ñāṇaṃ niruttipaṭisambhidāti.
звамаяам̣ нируд̇д̇ибадисамбхид̣̇аа сад̣̇д̣̇аарамман̣аа наама ж̇аад̇аа, на бан̃н̃ад̇д̇иаарамман̣аа. гасмаа? яасмаа сад̣̇д̣̇ам̣ суд̇ваа ‘‘аяам̣ сабхааванируд̇д̇ий’’д̇и ж̇аананд̇и. бадисамбхид̣̇ааббад̇д̇о хи ‘‘пассо’’д̇и вуд̇д̇з ‘‘аяам̣ сабхааванируд̇д̇ий’’д̇и ж̇аанаад̇и, ‘‘пассаа’’д̇и ваа ‘‘пасса’’нд̇и ваа вуд̇д̇з бана ‘‘аяам̣ асабхааванируд̇д̇ий’’д̇и ж̇аанаад̇и. взд̣̇анаад̣̇ийсуби зсзва наяо. ан̃н̃ам̣ банзса наамаакяаад̇аубасаг̇г̇аб̣яан̃ж̇анасад̣̇д̣̇ам̣ ж̇аанаад̇и на ж̇аанаад̇ийд̇и? яад̣̇аг̇г̇зна сад̣̇д̣̇ам̣ ж̇аанид̇ваа ‘‘аяам̣ сабхааванируд̇д̇и, аяам̣ асабхааванируд̇д̇ий’’д̇и ж̇аанаад̇и, д̇ад̣̇аг̇г̇зна д̇амби ж̇ааниссад̇ийд̇и. д̇ам̣ бана ‘‘наяид̣̇ам̣ бадисамбхид̣̇аагижжа’’нд̇и бадигкибид̇ваа ид̣̇ам̣ вад̇т̇у гат̇ид̇ам̣ –
Evamayaṃ niruttipaṭisambhidā saddārammaṇā nāma jātā, na paññattiārammaṇā. Kasmā? Yasmā saddaṃ sutvā ‘‘ayaṃ sabhāvaniruttī’’ti jānanti. Paṭisambhidāppatto hi ‘‘phasso’’ti vutte ‘‘ayaṃ sabhāvaniruttī’’ti jānāti, ‘‘phassā’’ti vā ‘‘phassa’’nti vā vutte pana ‘‘ayaṃ asabhāvaniruttī’’ti jānāti. Vedanādīsupi eseva nayo. Aññaṃ panesa nāmākhyātaupasaggabyañjanasaddaṃ jānāti na jānātīti? Yadaggena saddaṃ jānitvā ‘‘ayaṃ sabhāvanirutti, ayaṃ asabhāvaniruttī’’ti jānāti, tadaggena tampi jānissatīti. Taṃ pana ‘‘nayidaṃ paṭisambhidākicca’’nti paṭikkhipitvā idaṃ vatthu kathitaṃ –
д̇иссад̣̇ад̇д̇ад̇т̇зро гира б̣од̇химан̣д̣з суван̣н̣асалаагам̣ г̇ахзд̇ваа ‘‘адтаарасасу бхаасаасу гад̇арабхаасааяа гат̇змий’’д̇и баваарзси. д̇ам̣ бана д̇зна ад̇д̇ано уг̇г̇ахз тад̇ваа баваарид̇ам̣, на бадисамбхид̣̇ааяа тид̇зна. со хи махаабан̃н̃ад̇ааяа д̇ам̣ д̇ам̣ бхаасам̣ гат̇аабзд̇ваа уг̇г̇ахзд̇ваа звам̣ баваарзси. ‘‘бхаасам̣ наама сад̇д̇аа уг̇г̇ан̣ханд̇ий’’д̇и вад̇ваа банзд̇т̇а ид̣̇ам̣ гат̇ид̇ам̣. маад̇аабид̇аро хи д̣̇ахарагаалз гумаарагз ман̃жз ваа бийтз ваа нибаж̇ж̇аабзд̇ваа д̇ам̣ д̇ам̣ гат̇аяамаанаа д̇аани д̇аани гижжаани гаронд̇и. д̣̇аарагаа д̇зсам̣ д̇ам̣ д̇ам̣ бхаасам̣ вавад̇т̇аабзнд̇и ‘‘иминаа ид̣̇ам̣ вуд̇д̇а’’нд̇и. г̇ажчанд̇з г̇ажчанд̇з гаалз саб̣б̣амби бхаасам̣ ж̇аананд̇и. маад̇аа д̣̇амил̣ий, бид̇аа анд̇хаго. д̇зсам̣ ж̇аад̇о д̣̇аараго сажз маад̇угат̇ам̣ батамам̣ сун̣аад̇и, д̣̇амил̣абхаасам̣ бхаасиссад̇и. сажз бид̇угат̇ам̣ батамам̣ сун̣аад̇и, анд̇хагабхаасам̣ бхаасиссад̇и. убхиннамби бана гат̇ам̣ ассун̣анд̇о мааг̇ад̇хабхаасам̣ бхаасиссад̇и. яоби аг̇аамагз махаааран̃н̃з ниб̣б̣ад̇д̇о, д̇ад̇т̇а ан̃н̃о гат̇знд̇о наама над̇т̇и. соби ад̇д̇ано д̇хаммад̇ааяа важанам̣ самудтаабзнд̇о, мааг̇ад̇хабхаасамзва бхаасиссад̇и. нираяз, д̇иражчаанаяонияам̣, бзд̇д̇ивисаяз, мануссалогз, д̣̇звалогзд̇и саб̣б̣ад̇т̇а мааг̇ад̇хабхаасаава уссаннаа, сзсаа оддагираад̇аанд̇хагаяонагад̣̇амил̣абхаасаад̣̇игаа адтаараса бхаасаа баривад̇д̇анд̇и, гааланд̇арзна ан̃н̃ат̇аа хонд̇и жа нассанд̇и жа.
Tissadattatthero kira bodhimaṇḍe suvaṇṇasalākaṃ gahetvā ‘‘aṭṭhārasasu bhāsāsu katarabhāsāya kathemī’’ti pavāresi. Taṃ pana tena attano uggahe ṭhatvā pavāritaṃ, na paṭisambhidāya ṭhitena. So hi mahāpaññatāya taṃ taṃ bhāsaṃ kathāpetvā uggahetvā evaṃ pavāresi. ‘‘Bhāsaṃ nāma sattā uggaṇhantī’’ti vatvā panettha idaṃ kathitaṃ. Mātāpitaro hi daharakāle kumārake mañce vā pīṭhe vā nipajjāpetvā taṃ taṃ kathayamānā tāni tāni kiccāni karonti. Dārakā tesaṃ taṃ taṃ bhāsaṃ vavatthāpenti ‘‘iminā idaṃ vutta’’nti. Gacchante gacchante kāle sabbampi bhāsaṃ jānanti. Mātā damiḷī, pitā andhako. Tesaṃ jāto dārako sace mātukathaṃ paṭhamaṃ suṇāti, damiḷabhāsaṃ bhāsissati. Sace pitukathaṃ paṭhamaṃ suṇāti, andhakabhāsaṃ bhāsissati. Ubhinnampi pana kathaṃ assuṇanto māgadhabhāsaṃ bhāsissati. Yopi agāmake mahāaraññe nibbatto, tattha añño kathento nāma natthi. Sopi attano dhammatāya vacanaṃ samuṭṭhāpento, māgadhabhāsameva bhāsissati. Niraye, tiracchānayoniyaṃ, pettivisaye, manussaloke, devaloketi sabbattha māgadhabhāsāva ussannā, sesā oṭṭakirātaandhakayonakadamiḷabhāsādikā aṭṭhārasa bhāsā parivattanti, kālantarena aññathā honti ca nassanti ca.
аяамзвзгаа яат̇аабхужжаб̣рахмавохаараарияавохаарасан̇каад̇аа мааг̇ад̇хабхаасаа на баривад̇д̇ад̇и. саа хи гад̇т̇ажи гад̣̇аажи баривад̇д̇анд̇ийби на саб̣б̣ад̇т̇а саб̣б̣ад̣̇аа саб̣б̣ат̇аава баривад̇д̇ад̇и, габбавинаасзби д̇идтад̇иязва. саммаасамб̣уд̣̇д̇хоби хи д̇збидагам̣ б̣уд̣̇д̇хаважанам̣ д̇анд̇им̣ ааробзнд̇о мааг̇ад̇хабхаасааяа зва ааробзси. гасмаа? зван̃хи аахарид̇ум̣ сукам̣ ход̇и. мааг̇ад̇хабхаасааяа хи д̇анд̇им̣ аарул̣хасса б̣уд̣̇д̇хаважанасса бадисамбхид̣̇ааббад̇д̇аанам̣ сод̇абат̇ааг̇аманамзва бабан̃жо. д̇зна сан̇гхадид̇амад̇д̇знзва наяасад̇зна наяасахассзна ад̇т̇о убадтаад̇и. ан̃н̃ааяа бхаасааяа д̇анд̇им̣ аарул̣хагам̣ сод̇хзд̇ваа уг̇г̇ахзд̇аб̣б̣ам̣ ход̇и, б̣ахумби уг̇г̇ахзд̇ваа бана бут̇уж̇ж̇анасса бадисамбхид̣̇ааббад̇д̇и наама над̇т̇и, арияасааваго нобадисамбхид̣̇ааббад̇д̇о наама над̇т̇и.
Ayamevekā yathābhuccabrahmavohāraariyavohārasaṅkhātā māgadhabhāsā na parivattati. Sā hi katthaci kadāci parivattantīpi na sabbattha sabbadā sabbathāva parivattati, kappavināsepi tiṭṭhatiyeva. Sammāsambuddhopi hi tepiṭakaṃ buddhavacanaṃ tantiṃ āropento māgadhabhāsāya eva āropesi. Kasmā? Evañhi āharituṃ sukhaṃ hoti. Māgadhabhāsāya hi tantiṃ āruḷhassa buddhavacanassa paṭisambhidāppattānaṃ sotapathāgamanameva papañco. Tena saṅghaṭitamatteneva nayasatena nayasahassena attho upaṭṭhāti. Aññāya bhāsāya tantiṃ āruḷhakaṃ sodhetvā uggahetabbaṃ hoti, bahumpi uggahetvā pana puthujjanassa paṭisambhidāppatti nāma natthi, ariyasāvako nopaṭisambhidāppatto nāma natthi.
бадибхаанаббабхзд̣̇асса саллагкан̣авибхааванававад̇т̇аанагаран̣асамад̇т̇ам̣ бадибхаанз бабхзд̣̇аг̇ад̇ам̣ н̃аан̣ам̣ бадибхаанабадисамбхид̣̇аа. ад̇т̇ад̇хаммаад̣̇ивисаязсу хи д̇ийсу н̃аан̣зсу ‘‘имаани н̃аан̣аани ид̣̇амад̇т̇аж̇од̇агааний’’д̇и (вибха. 725-731) звам̣ бавад̇д̇ан̃аан̣ассзд̇ам̣ ад̇хиважанам̣. имаа бана жад̇ассо бадисамбхид̣̇аа д̣̇вийсу таанзсу бабхзд̣̇ам̣ г̇ажчанд̇и, бан̃жахи гааран̣зхи висад̣̇аа хонд̇ийд̇и взд̣̇ид̇аб̣б̣аа. гад̇амзсу д̣̇вийсу? сзгкабхуумияан̃жа асзгкабхуумияан̃жа, д̇ад̇т̇а саарибуд̇д̇ад̇т̇зрасса махаамог̇г̇аллаанад̇т̇зрасса махаагассабад̇т̇зрасса махаагажжааяанад̇т̇зрасса махаагодтигад̇т̇зрассаад̇и асийд̇ияааби махаат̇зраанам̣ бадисамбхид̣̇аа асзгкабхуумияам̣ бабхзд̣̇аг̇ад̇аа. аананд̣̇ад̇т̇зрасса, жид̇д̇асса г̇ахабад̇ино, д̇хаммигасса убаасагасса, убаалисса г̇ахабад̇ино, куж̇ж̇уд̇д̇арааяа убаасигааяаад̇и звамаад̣̇ийнам̣ бадисамбхид̣̇аа сзгкабхуумияам̣ бабхзд̣̇аг̇ад̇аад̇и имаасу д̣̇вийсу бхуумийсу бабхзд̣̇ам̣ г̇ажчанд̇и. бабхзд̣̇о наама маг̇г̇зхи ад̇хиг̇ад̇аанам̣ бадисамбхид̣̇аанам̣ бабхзд̣̇аг̇аманам̣.
Paṭibhānappabhedassa sallakkhaṇavibhāvanavavatthānakaraṇasamatthaṃ paṭibhāne pabhedagataṃ ñāṇaṃ paṭibhānapaṭisambhidā. Atthadhammādivisayesu hi tīsu ñāṇesu ‘‘imāni ñāṇāni idamatthajotakānī’’ti (vibha. 725-731) evaṃ pavattañāṇassetaṃ adhivacanaṃ. Imā pana catasso paṭisambhidā dvīsu ṭhānesu pabhedaṃ gacchanti, pañcahi kāraṇehi visadā hontīti veditabbā. Katamesu dvīsu? Sekkhabhūmiyañca asekkhabhūmiyañca, tattha sāriputtattherassa mahāmoggallānattherassa mahākassapattherassa mahākaccāyanattherassa mahākoṭṭhikattherassāti asītiyāpi mahātherānaṃ paṭisambhidā asekkhabhūmiyaṃ pabhedagatā. Ānandattherassa, cittassa gahapatino, dhammikassa upāsakassa, upālissa gahapatino, khujjuttarāya upāsikāyāti evamādīnaṃ paṭisambhidā sekkhabhūmiyaṃ pabhedagatāti imāsu dvīsu bhūmīsu pabhedaṃ gacchanti. Pabhedo nāma maggehi adhigatānaṃ paṭisambhidānaṃ pabhedagamanaṃ.
гад̇амзхи бан̃жахи гааран̣зхи бадисамбхид̣̇аа висад̣̇аа хонд̇ийд̇и? ад̇хиг̇амзна, барияад̇д̇ияаа, саванзна , барибужчааяа, буб̣б̣аяог̇зна. д̇ад̇т̇а ад̇хиг̇амо наама арахад̇д̇ам̣. д̇ан̃хи бад̇д̇асса бадисамбхид̣̇аа висад̣̇аа хонд̇и. саванам̣ наама д̇хаммассаванам̣. саггажжам̣ сун̣анд̇асса хи бадисамбхид̣̇аа висад̣̇аа хонд̇и. барибужчаа наама адтагат̇аа. уг̇г̇ахид̇абаал̣ияаа ад̇т̇ам̣ гат̇знд̇асса хи бадисамбхид̣̇аа висад̣̇аа хонд̇и. буб̣б̣аяог̇о наама буб̣б̣аяог̇ааважарад̇аа харан̣абажжаахаран̣анаязна барихадагаммадтаанад̇аа. буб̣б̣аяог̇ааважарасса хи бадисамбхид̣̇аа висад̣̇аа хонд̇и.
Katamehi pañcahi kāraṇehi paṭisambhidā visadā hontīti? Adhigamena, pariyattiyā, savanena , paripucchāya, pubbayogena. Tattha adhigamo nāma arahattaṃ. Tañhi pattassa paṭisambhidā visadā honti. Savanaṃ nāma dhammassavanaṃ. Sakkaccaṃ suṇantassa hi paṭisambhidā visadā honti. Paripucchā nāma aṭṭhakathā. Uggahitapāḷiyā atthaṃ kathentassa hi paṭisambhidā visadā honti. Pubbayogo nāma pubbayogāvacaratā haraṇapaccāharaṇanayena parihaṭakammaṭṭhānatā. Pubbayogāvacarassa hi paṭisambhidā visadā honti.
зд̇зсу бана барияад̇д̇и, саванам̣, барибужчаад̇и имаани д̇ийн̣и бабхзд̣̇ассзва б̣алавагааран̣аани, буб̣б̣аяог̇о ад̇хиг̇амасса б̣алавабажжаяо. бабхзд̣̇асса ход̇и на ход̇ийд̇и? ход̇и, на бана яат̇аа ад̇хиг̇амасса б̣алавабажжаяо ход̇и, д̇ат̇аа бабхзд̣̇асса. барияад̇д̇исаванабарибужчаа хи буб̣б̣з хонд̇у ваа маа ваа, буб̣б̣аяог̇зна бана буб̣б̣з жзва зд̇арахи жа сан̇каарасаммасанам̣ винаа бадисамбхид̣̇аад̇хиг̇амо наама над̇т̇и. имз бана д̣̇взби згад̇о худ̇ваа бадисамбхид̣̇аа убад̇т̇амбхзд̇ваа висад̣̇аа хонд̇ийд̇и.
Etesu pana pariyatti, savanaṃ, paripucchāti imāni tīṇi pabhedasseva balavakāraṇāni, pubbayogo adhigamassa balavapaccayo. Pabhedassa hoti na hotīti? Hoti, na pana yathā adhigamassa balavapaccayo hoti, tathā pabhedassa. Pariyattisavanaparipucchā hi pubbe hontu vā mā vā, pubbayogena pana pubbe ceva etarahi ca saṅkhārasammasanaṃ vinā paṭisambhidādhigamo nāma natthi. Ime pana dvepi ekato hutvā paṭisambhidā upatthambhetvā visadā hontīti.
вибхад̇д̇исуд̇д̇аван̣н̣анаа нидтид̇аа.
Vibhattisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. вибхад̇д̇исуд̇д̇ам̣ • 2. Vibhattisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. вибхад̇д̇исуд̇д̇аван̣н̣анаа • 2. Vibhattisuttavaṇṇanā
