| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๒. วิภตฺติสุตฺตวณฺณนา
2. Vibhattisuttavaṇṇanā
๑๗๒. ทุติเย อตฺถปฎิสมฺภิทาติ ปญฺจสุ อเตฺถสุ ปเภทคตํ ญาณํฯ โอธิโสติ การณโสฯ พฺยญฺชนโสติ อกฺขรโสฯ อเนกปริยาเยนาติ อเนเกหิ การเณหิฯ อาจิกฺขามีติ กเถมิฯ เทเสมีติ ปากฎํ กตฺวา กเถมิฯ ปญฺญาเปมีติ ชานาเปมิฯ ปฎฺฐเปมีติ ปฎฺฐเปตฺวา ปวเตฺตตฺวา กเถมิฯ วิวรามีติ วิวฎํ กตฺวา กเถมิฯ วิภชามีติ วิภชิตฺวา กเถมิฯ อุตฺตานีกโรมีติ คมฺภีรํ อุตฺตานกํ กตฺวา กเถมิฯ โส มํ ปเญฺหนาติ โส มํ ปเญฺหน อุปคจฺฉตุฯ อหํ เวยฺยากรเณนาติ อหมสฺส ปญฺหกถเนน จิตฺตํ อาราเธสฺสามิฯ โย โน ธมฺมานํ สุกุสโลติ โย อมฺหากํ อธิคตธมฺมานํ สุกุสโล สตฺถา, โส เอส สมฺมุขีภูโตฯ ยทิ มยา อตฺถปฎิสมฺภิทา น สจฺฉิกตา, ‘‘สจฺฉิกโรหิ ตาว สาริปุตฺตา’’ติ วตฺวา มํ ปฎิพาหิสฺสตีติ สตฺถุ ปุรโต นิสินฺนโกว สีหนาทํ นทติฯ อิมินา อุปาเยน สพฺพตฺถ อโตฺถ เวทิตโพฺพฯ อิมาสุ จ ปน ปฎิสมฺภิทาสุ ติโสฺส ปฎิสมฺภิทา โลกิยา, อตฺถปฎิสมฺภิทา โลกิยโลกุตฺตราติฯ
172. Dutiye atthapaṭisambhidāti pañcasu atthesu pabhedagataṃ ñāṇaṃ. Odhisoti kāraṇaso. Byañjanasoti akkharaso. Anekapariyāyenāti anekehi kāraṇehi. Ācikkhāmīti kathemi. Desemīti pākaṭaṃ katvā kathemi. Paññāpemīti jānāpemi. Paṭṭhapemīti paṭṭhapetvā pavattetvā kathemi. Vivarāmīti vivaṭaṃ katvā kathemi. Vibhajāmīti vibhajitvā kathemi. Uttānīkaromīti gambhīraṃ uttānakaṃ katvā kathemi. So maṃ pañhenāti so maṃ pañhena upagacchatu. Ahaṃ veyyākaraṇenāti ahamassa pañhakathanena cittaṃ ārādhessāmi. Yo no dhammānaṃ sukusaloti yo amhākaṃ adhigatadhammānaṃ sukusalo satthā, so esa sammukhībhūto. Yadi mayā atthapaṭisambhidā na sacchikatā, ‘‘sacchikarohi tāva sāriputtā’’ti vatvā maṃ paṭibāhissatīti satthu purato nisinnakova sīhanādaṃ nadati. Iminā upāyena sabbattha attho veditabbo. Imāsu ca pana paṭisambhidāsu tisso paṭisambhidā lokiyā, atthapaṭisambhidā lokiyalokuttarāti.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๒. วิภตฺติสุตฺตํ • 2. Vibhattisuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๒. วิภตฺติสุตฺตวณฺณนา • 2. Vibhattisuttavaṇṇanā
