Library / Tipiṭaka / д̇ибидага • Tipiṭaka / нзд̇д̇иббагаран̣а-адтагат̇аа • Nettippakaraṇa-aṭṭhakathā

    2. вижаяахаарасамбаад̇аван̣н̣анаа

    2. Vicayahārasampātavaṇṇanā

    53. звам̣ д̣̇зсанаахаарасамбаад̇ам̣ д̣̇ассзд̇ваа ид̣̇аани вижаяахаарасамбаад̇ам̣ д̣̇ассзнд̇о яасмаа д̣̇зсанаахаарабад̣̇ад̇т̇авижаяо вижаяахааро, д̇асмаа д̣̇зсанаахаарз вибаллаасахзд̇убхаавзна нид̣̇д̇хаарид̇ааяа д̇ан̣хааяа гусалаад̣̇ивибхааг̇абавижаяамукзна вижаяахаарасамбаад̇ам̣ д̣̇ассзд̇ум̣ ‘‘д̇ад̇т̇а д̇ан̣хаа д̣̇увид̇хаа’’д̇иаад̣̇и аарад̣̇д̇хам̣. д̇ад̇т̇а гусалаад̇и гусалад̇хаммаарамман̣аа. гусала-сад̣̇д̣̇о жзд̇т̇а б̣аахид̇игасуд̇д̇з (ма. ни. 2.358 аад̣̇аяо) вияа анаваж̇ж̇ад̇т̇з д̣̇адтаб̣б̣о. гасмаа банзд̇т̇а д̇ан̣хаа гусалабарияааязна уд̣̇д̇хадаа? хздтаа д̣̇зсанаахаарз вибаллаасахзд̇убхаавзна д̇ан̣хам̣ уд̣̇д̇харид̇ваа д̇ассаа васзна сам̣гилзсабагко д̣̇ассид̇о. вижид̇д̇абадибхаанад̇ааяа бана ид̇хааби д̇ан̣хаамукзнзва вод̣̇аанабагкам̣ д̣̇ассзд̇ум̣ гусалабарияааязна д̇ан̣хаа уд̣̇д̇хадаа. д̇ад̇т̇а сам̣саарам̣ г̇амзд̇ийд̇и сам̣саараг̇ааминий, сам̣сааранааяигаад̇и ад̇т̇о. абажаяам̣ ниб̣б̣аанам̣ г̇амзд̇ийд̇и абажаяаг̇ааминий. гат̇ам̣ бана д̇ан̣хаа абажаяаг̇ааминийд̇и? ааха ‘‘бахаанад̇ан̣хаа’’д̇и. д̇ад̣̇ан̇г̇аад̣̇иббахаанасса хзд̇убхууд̇аа д̇ан̣хаа. гат̇ам̣ бана зганд̇асааваж̇ж̇ааяа д̇ан̣хааяа гусалабхаавод̇и? сзвид̇аб̣б̣абхаавад̇о. яат̇аа д̇ан̣хаа, звам̣ мааноби д̣̇увид̇хо гусалоби агусалоби, на д̇ан̣хаа зваад̇и д̇ан̣хааяа нид̣̇ассанабхаавзна маано вуд̇д̇о.

    53. Evaṃ desanāhārasampātaṃ dassetvā idāni vicayahārasampātaṃ dassento yasmā desanāhārapadatthavicayo vicayahāro, tasmā desanāhāre vipallāsahetubhāvena niddhāritāya taṇhāya kusalādivibhāgapavicayamukhena vicayahārasampātaṃ dassetuṃ ‘‘tattha taṇhā duvidhā’’tiādi āraddhaṃ. Tattha kusalāti kusaladhammārammaṇā. Kusala-saddo cettha bāhitikasutte (ma. ni. 2.358 ādayo) viya anavajjatthe daṭṭhabbo. Kasmā panettha taṇhā kusalapariyāyena uddhaṭā? Heṭṭhā desanāhāre vipallāsahetubhāvena taṇhaṃ uddharitvā tassā vasena saṃkilesapakkho dassito. Vicittapaṭibhānatāya pana idhāpi taṇhāmukheneva vodānapakkhaṃ dassetuṃ kusalapariyāyena taṇhā uddhaṭā. Tattha saṃsāraṃ gametīti saṃsāragāminī, saṃsāranāyikāti attho. Apacayaṃ nibbānaṃ gametīti apacayagāminī. Kathaṃ pana taṇhā apacayagāminīti? Āha ‘‘pahānataṇhā’’ti. Tadaṅgādippahānassa hetubhūtā taṇhā. Kathaṃ pana ekantasāvajjāya taṇhāya kusalabhāvoti? Sevitabbabhāvato. Yathā taṇhā, evaṃ mānopi duvidho kusalopi akusalopi, na taṇhā evāti taṇhāya nidassanabhāvena māno vutto.

    д̇ад̇т̇а маанасса яат̇аад̇хиббзд̇ам̣ гусалаад̣̇ибхаавам̣ д̣̇ассзд̇ум̣ ‘‘яам̣ маанам̣ ниссааяаа’’д̇иаад̣̇имааха. вуд̇д̇ан̃хзд̇ам̣ бхаг̇авад̇аа – ‘‘маанамахам̣, д̣̇зваанаминд̣̇а, д̣̇увид̇хзна вад̣̇аами сзвид̇аб̣б̣амби асзвид̇аб̣б̣амбий’’д̇иаад̣̇и. яам̣ нзгкаммассид̇ам̣ д̣̇оманассанд̇иаад̣̇и ‘‘гусалаа’’д̇и вуд̇д̇ад̇ан̣хааяа саруубад̣̇ассанад̇т̇ам̣ вуд̇д̇ам̣. д̇ад̇т̇а нзгкаммассид̇ам̣ д̣̇оманассам̣ наама –

    Tattha mānassa yathādhippetaṃ kusalādibhāvaṃ dassetuṃ ‘‘yaṃ mānaṃ nissāyā’’tiādimāha. Vuttañhetaṃ bhagavatā – ‘‘mānamahaṃ, devānaminda, duvidhena vadāmi sevitabbampi asevitabbampī’’tiādi. Yaṃ nekkhammassitaṃ domanassantiādi ‘‘kusalā’’ti vuttataṇhāya sarūpadassanatthaṃ vuttaṃ. Tattha nekkhammassitaṃ domanassaṃ nāma –

    ‘‘д̇ад̇т̇а гад̇амаани ча нзгкаммассид̇аани д̣̇оманассаани? руубаанам̣д̇взва анижжад̇ам̣ вид̣̇ид̇ваа вибарин̣аамавирааг̇анирод̇хам̣ ‘буб̣б̣з жзва руубаа зд̇арахи жа, саб̣б̣зд̇з руубаа анижжаа д̣̇угкаа вибарин̣аамад̇хаммаа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇исваа ануд̇д̇арзсу вимогкзсу бихам̣ убадтаабзд̇и ‘гуд̣̇аассу наамаахам̣ д̇ад̣̇ааяад̇анам̣ убасамбаж̇ж̇а вихариссаами, яад̣̇арияаа зд̇арахи ааяад̇анам̣ убасамбаж̇ж̇а вихаранд̇ий’д̇и. ид̇и ануд̇д̇арзсу вимогкзсу бихам̣ убадтаабаяад̇о уббаж̇ж̇ад̇и бихаа, бихаабажжаяаа д̣̇оманассам̣. яам̣ зваруубам̣ д̣̇оманассам̣, ид̣̇ам̣ вужжад̇и нзгкаммассид̇ам̣ д̣̇оманасса’’нд̇и (ма. ни. 3.307) –

    ‘‘Tattha katamāni cha nekkhammassitāni domanassāni? Rūpānaṃtveva aniccataṃ viditvā vipariṇāmavirāganirodhaṃ ‘pubbe ceva rūpā etarahi ca, sabbete rūpā aniccā dukkhā vipariṇāmadhammā’ti evametaṃ yathābhūtaṃ sammappaññāya disvā anuttaresu vimokkhesu pihaṃ upaṭṭhāpeti ‘kudāssu nāmāhaṃ tadāyatanaṃ upasampajja viharissāmi, yadariyā etarahi āyatanaṃ upasampajja viharantī’ti. Iti anuttaresu vimokkhesu pihaṃ upaṭṭhāpayato uppajjati pihā, pihāpaccayā domanassaṃ. Yaṃ evarūpaṃ domanassaṃ, idaṃ vuccati nekkhammassitaṃ domanassa’’nti (ma. ni. 3.307) –

    звам̣ часу д̣̇ваарзсу идтаарамман̣з аабаат̇аг̇ад̇з ануд̇д̇аравимогкасан̇каад̇аарияапалад̇хаммзсу бихам̣ убадтаабзд̇ваа д̇ад̣̇ад̇хиг̇амааяа анижжаад̣̇ивасзна вибассанам̣ убадтаабзд̇ваа уссуггаабзд̇ум̣ асаггонд̇асса ‘‘имамби багкам̣ имамби маасам̣, имамби сам̣важчарам̣, вибассанам̣ уссуггаабзд̇ваа арияабхуумим̣ самбаабун̣ид̇ум̣ наасагки’’нд̇и анусожад̇о уббаннам̣ д̣̇оманассам̣ нзгкаммавасзна вибассанаавасзна ануссад̇ивасзна батамаж̇жхаанаад̣̇ивасзна бадибад̇д̇ияаа хзд̇убхаавзна уббаж̇ж̇анад̇о нзгкаммассид̇ам̣ д̣̇оманассам̣ наама. аяам̣ д̇ан̣хаа гусалаад̇и аяам̣ ‘‘бихаа’’д̇и вуд̇д̇аа д̇ан̣хаа гусалаа. гат̇ам̣? рааг̇авирааг̇аа жзд̇овимуд̇д̇и, д̇ад̣̇аарамман̣аа гусалаад̇и. ид̣̇ам̣ вуд̇д̇ам̣ ход̇и – рааг̇авирааг̇аа жзд̇овимуд̇д̇и, на сабхаавзна гусалаа, анаваж̇ж̇адтзна гусалаа. д̇ам̣ уд̣̇д̣̇исса бавад̇д̇ияаа д̇ад̣̇аарамман̣аа бана д̇ан̣хаа гусалаарамман̣ад̇ааяа гусалаад̇и. авиж̇ж̇аавирааг̇аа бан̃н̃аавимуд̇д̇и анаваж̇ж̇адтзна гусалаа. д̇ассаад̇и бан̃н̃аавимуд̇д̇ияаа . яааяа васзна ‘‘д̇асмаа рагкид̇ажид̇д̇ассаа’’д̇и г̇аат̇ааяам̣ ‘‘саб̣б̣аа д̣̇уг̇г̇ад̇ияо ж̇ахз’’д̇и вуд̇д̇ам̣.

    Evaṃ chasu dvāresu iṭṭhārammaṇe āpāthagate anuttaravimokkhasaṅkhātaariyaphaladhammesu pihaṃ upaṭṭhāpetvā tadadhigamāya aniccādivasena vipassanaṃ upaṭṭhāpetvā ussukkāpetuṃ asakkontassa ‘‘imampi pakkhaṃ imampi māsaṃ, imampi saṃvaccharaṃ, vipassanaṃ ussukkāpetvā ariyabhūmiṃ sampāpuṇituṃ nāsakkhi’’nti anusocato uppannaṃ domanassaṃ nekkhammavasena vipassanāvasena anussativasena paṭhamajjhānādivasena paṭipattiyā hetubhāvena uppajjanato nekkhammassitaṃ domanassaṃ nāma. Ayaṃ taṇhā kusalāti ayaṃ ‘‘pihā’’ti vuttā taṇhā kusalā. Kathaṃ? Rāgavirāgā cetovimutti, tadārammaṇā kusalāti. Idaṃ vuttaṃ hoti – rāgavirāgā cetovimutti, na sabhāvena kusalā, anavajjaṭṭhena kusalā. Taṃ uddissa pavattiyā tadārammaṇā pana taṇhā kusalārammaṇatāya kusalāti. Avijjāvirāgā paññāvimutti anavajjaṭṭhena kusalā. Tassāti paññāvimuttiyā . Yāya vasena ‘‘tasmā rakkhitacittassā’’ti gāthāyaṃ ‘‘sabbā duggatiyo jahe’’ti vuttaṃ.

    ид̇и жирад̇арам̣ вибассанаабариваасам̣ баривасид̇ваа д̣̇угкаабадибад̣̇аад̣̇анд̇хаабхин̃н̃ааяа ад̇хиг̇ад̇ааяа бан̃н̃аавимуд̇д̇ияаа васзна вижаяахаарасамбаад̇ам̣ д̣̇ассзд̇ум̣ ‘‘д̇ассаа го бавижаяо’’д̇иаад̣̇и аарад̣̇д̇хам̣. д̇ад̇т̇а яасмаа бан̃н̃аавимуд̇д̇и арияамаг̇г̇амуулигаа, д̇асмаа жад̇уд̇т̇аж̇жхаанабаад̣̇агз арияамаг̇г̇ад̇хаммз уд̣̇д̣̇исид̇ваа д̇зсам̣ ааг̇аманабадибад̣̇ам̣ д̣̇ассзд̇ум̣ ‘‘гад̇т̇а д̣̇адтаб̣б̣о, жад̇уд̇т̇з жхаанз’’д̇иаад̣̇и вуд̇д̇ам̣. д̇ад̇т̇а баарамид̇ааяаад̇и уггам̣саг̇ад̇ааяа жад̇уд̇т̇аж̇жхаанабхааванааяа. язхи адтахи ан̇г̇зхи саманнааг̇ад̇ам̣ жад̇уд̇т̇аж̇жхаанажид̇д̇ам̣ вуд̇д̇ам̣, д̇аани ан̇г̇аани д̣̇ассзд̇ум̣ ‘‘барисуд̣̇д̇ха’’нд̇иаад̣̇и вуд̇д̇ам̣.

    Iti cirataraṃ vipassanāparivāsaṃ parivasitvā dukkhāpaṭipadādandhābhiññāya adhigatāya paññāvimuttiyā vasena vicayahārasampātaṃ dassetuṃ ‘‘tassā ko pavicayo’’tiādi āraddhaṃ. Tattha yasmā paññāvimutti ariyamaggamūlikā, tasmā catutthajjhānapādake ariyamaggadhamme uddisitvā tesaṃ āgamanapaṭipadaṃ dassetuṃ ‘‘kattha daṭṭhabbo, catutthe jhāne’’tiādi vuttaṃ. Tattha pāramitāyāti ukkaṃsagatāya catutthajjhānabhāvanāya. Yehi aṭṭhahi aṅgehi samannāgataṃ catutthajjhānacittaṃ vuttaṃ, tāni aṅgāni dassetuṃ ‘‘parisuddha’’ntiādi vuttaṃ.

    д̇ад̇т̇а убзгкаасад̇ибаарисуд̣̇д̇хибхаавзна барисуд̣̇д̇хам̣. барисуд̣̇д̇хад̇д̇аа зва барияод̣̇аад̇ам̣, бабхассаранд̇и вуд̇д̇ам̣ ход̇и. сукаад̣̇ийнам̣ бажжаяагхаад̇зна вийд̇арааг̇аад̣̇иан̇г̇ан̣ад̇д̇аа анан̇г̇ан̣ам̣. анан̇г̇ан̣ад̇д̇аа зва виг̇ад̇уубаггилзсам̣, ан̇г̇ан̣зна хи жид̇д̇ам̣ убаггилиссад̇и, субхаавид̇ад̇д̇аа муд̣̇убхууд̇ам̣ васибхааваббад̇д̇анд̇и ад̇т̇о. васз вад̇д̇амаанан̃хи жид̇д̇ам̣ ‘‘муд̣̇уу’’д̇и вужжад̇и. муд̣̇уд̇д̇аа зва жа гамманияам̣, гаммагкамам̣ гаммаяог̇г̇анд̇и ад̇т̇о. муд̣̇ун̃хи жид̇д̇ам̣ гамманияам̣ ход̇и , звам̣ бхаавид̇ам̣ муд̣̇ун̃жа ход̇и гамманияан̃жа, яат̇аяид̣̇ам̣, бхигкавз, жид̇д̇а’’нд̇и (а. ни. 1.22). зд̇зсу барисуд̣̇д̇хабхааваад̣̇ийсу тид̇ад̇д̇аа тид̇ам̣. тид̇ад̇д̇ааязва аанзн̃ж̇аббад̇д̇ам̣, ажалам̣ нирин̃ж̇ананд̇и ад̇т̇о. муд̣̇угамман̃н̃абхаавзна ваа ад̇д̇ано васз тид̇ад̇д̇аа тид̇ам̣. сад̣̇д̇хаад̣̇ийхи бариг̇г̇ахид̇ад̇д̇аа аанзн̃ж̇аббад̇д̇ам̣. сад̣̇д̇хаабариг̇г̇ахид̇ан̃хи жид̇д̇ам̣ ассад̣̇д̇хиязна на ин̃ж̇ад̇и, вийрияабариг̇г̇ахид̇ам̣ госаж̇ж̇зна на ин̃ж̇ад̇и, сад̇ибариг̇г̇ахид̇ам̣ бамаад̣̇зна на ин̃ж̇ад̇и, самаад̇хибариг̇г̇ахид̇ам̣ уд̣̇д̇хажжзна на ин̃ж̇ад̇и, бан̃н̃аабариг̇г̇ахид̇ам̣ авиж̇ж̇ааяа на ин̃ж̇ад̇и, обхаасаг̇ад̇ам̣ гилзсанд̇хагаарзна на ин̃ж̇ад̇и. имзхи чахи д̇хаммзхи бариг̇г̇ахид̇ам̣ аанзн̃ж̇аббад̇д̇ам̣ ход̇и. звам̣ адтан̇г̇асаманнааг̇ад̇ам̣ жид̇д̇ам̣ абхинийхаарагкамам̣ ход̇и. абхин̃н̃аасажчигаран̣ийяаанам̣ д̇хаммаанам̣ абхин̃н̃аасажчигирияааяа.

    Tattha upekkhāsatipārisuddhibhāvena parisuddhaṃ. Parisuddhattā eva pariyodātaṃ, pabhassaranti vuttaṃ hoti. Sukhādīnaṃ paccayaghātena vītarāgādiaṅgaṇattā anaṅgaṇaṃ. Anaṅgaṇattā eva vigatūpakkilesaṃ, aṅgaṇena hi cittaṃ upakkilissati, subhāvitattā mudubhūtaṃ vasibhāvappattanti attho. Vase vattamānañhi cittaṃ ‘‘mudū’’ti vuccati. Muduttā eva ca kammaniyaṃ, kammakkhamaṃ kammayogganti attho. Muduñhi cittaṃ kammaniyaṃ hoti , evaṃ bhāvitaṃ muduñca hoti kammaniyañca, yathayidaṃ, bhikkhave, citta’’nti (a. ni. 1.22). Etesu parisuddhabhāvādīsu ṭhitattā ṭhitaṃ. Ṭhitattāyeva āneñjappattaṃ, acalaṃ niriñjananti attho. Mudukammaññabhāvena vā attano vase ṭhitattā ṭhitaṃ. Saddhādīhi pariggahitattā āneñjappattaṃ. Saddhāpariggahitañhi cittaṃ assaddhiyena na iñjati, vīriyapariggahitaṃ kosajjena na iñjati, satipariggahitaṃ pamādena na iñjati, samādhipariggahitaṃ uddhaccena na iñjati, paññāpariggahitaṃ avijjāya na iñjati, obhāsagataṃ kilesandhakārena na iñjati. Imehi chahi dhammehi pariggahitaṃ āneñjappattaṃ hoti. Evaṃ aṭṭhaṅgasamannāgataṃ cittaṃ abhinīhārakkhamaṃ hoti. Abhiññāsacchikaraṇīyānaṃ dhammānaṃ abhiññāsacchikiriyāya.

    абаро наяо – жад̇уд̇т̇аж̇жхаанасамаад̇хинаа самаахид̇ам̣ жид̇д̇ам̣ нийваран̣ад̣̇уурийбхаавзна барисуд̣̇д̇хам̣. вид̇аггаад̣̇исамад̇иггамзна барияод̣̇аад̇ам̣. жхаанабадилаабхабажжанийгаанам̣ баабагаанам̣ ижчааважараанам̣ абхаавзна анан̇г̇ан̣ам̣. ижчааважараананд̇и ижчааяа аважараанам̣ ижчаавасзна од̇ин̣н̣аанам̣ бавад̇д̇аанам̣ наанаббагаараанам̣ гобаабажжаяаананд̇и ад̇т̇о. абхиж̇жхаад̣̇ийнам̣ жид̇д̇убаггилзсаанам̣ виг̇амзна виг̇ад̇уубаггилзсам̣. убхаяамби жзд̇ам̣ анан̇г̇ан̣асуд̇д̇авад̇т̇асуд̇д̇аанам̣ (ма. ни. 1.57 аад̣̇аяо; 70 аад̣̇аяо) васзна взд̣̇ид̇аб̣б̣ам̣. васиббад̇д̇ияаа муд̣̇убхууд̇ам̣. ид̣̇д̇хибаад̣̇абхаавуубаг̇амзна гамманияам̣. бхааванаабаарибуурияаа бан̣ийд̇абхаавуубаг̇амзна тид̇ам̣ аанзн̃ж̇аббад̇д̇ам̣. яат̇аа аанзн̃ж̇абхааваббад̇д̇ам̣ аанзн̃ж̇аббад̇д̇ам̣ ход̇и, звам̣ тид̇анд̇и ад̇т̇о. звамби адтан̇г̇асаманнааг̇ад̇ам̣ жид̇д̇ам̣ абхинийхаарагкамам̣ ход̇и. абхин̃н̃аасажчигаран̣ийяаанам̣ д̇хаммаанам̣ абхин̃н̃аасажчигирияааяа баад̣̇агам̣ бад̣̇адтаанабхууд̇ам̣. д̇знзвааха – ‘‘со д̇ад̇т̇а адтавид̇хам̣ ад̇хиг̇ажчад̇и ча абхин̃н̃аа д̣̇вз жа висзсз’’д̇и.

    Aparo nayo – catutthajjhānasamādhinā samāhitaṃ cittaṃ nīvaraṇadūrībhāvena parisuddhaṃ. Vitakkādisamatikkamena pariyodātaṃ. Jhānapaṭilābhapaccanīkānaṃ pāpakānaṃ icchāvacarānaṃ abhāvena anaṅgaṇaṃ. Icchāvacarānanti icchāya avacarānaṃ icchāvasena otiṇṇānaṃ pavattānaṃ nānappakārānaṃ kopaapaccayānanti attho. Abhijjhādīnaṃ cittupakkilesānaṃ vigamena vigatūpakkilesaṃ. Ubhayampi cetaṃ anaṅgaṇasuttavatthasuttānaṃ (ma. ni. 1.57 ādayo; 70 ādayo) vasena veditabbaṃ. Vasippattiyā mudubhūtaṃ. Iddhipādabhāvūpagamena kammaniyaṃ. Bhāvanāpāripūriyā paṇītabhāvūpagamena ṭhitaṃ āneñjappattaṃ. Yathā āneñjabhāvappattaṃ āneñjappattaṃ hoti, evaṃ ṭhitanti attho. Evampi aṭṭhaṅgasamannāgataṃ cittaṃ abhinīhārakkhamaṃ hoti. Abhiññāsacchikaraṇīyānaṃ dhammānaṃ abhiññāsacchikiriyāya pādakaṃ padaṭṭhānabhūtaṃ. Tenevāha – ‘‘so tattha aṭṭhavidhaṃ adhigacchati cha abhiññā dve ca visese’’ti.

    д̇ад̇т̇а сод̇и ад̇хиг̇ад̇ажад̇уд̇т̇аж̇жхаано яог̇ий. д̇ад̇т̇аад̇и д̇асмим̣ жад̇уд̇т̇аж̇жхаанз ад̇хидтаанабхууд̇з. адтавид̇хам̣ ад̇хиг̇ажчад̇ийд̇и адтавид̇хам̣ г̇ун̣ам̣ ад̇хиг̇ажчад̇и. го бана со адтавид̇хо г̇ун̣од̇и? ааха ‘‘ча абхин̃н̃аа д̣̇вз жа висзсз’’д̇и. маномаяид̣̇д̇хи вибассанаан̃аан̣ан̃жа. д̇ам̣ жид̇д̇анд̇и жад̇уд̇т̇аж̇жхаанажид̇д̇ам̣. ‘‘яад̇о барисуд̣̇д̇хам̣, д̇ад̇о барияод̣̇аад̇а’’нд̇иаад̣̇инаа буримам̣ буримам̣ бажчимасса бажчимасса гааран̣аважананд̇и д̣̇ассзд̇и. д̇ад̣̇убхаяанд̇и язсам̣ рааг̇аад̣̇иан̇г̇ан̣аанам̣ абхиж̇жхаад̣̇иубаггилзсаанан̃жа абхаавзна ‘‘анан̇г̇ан̣ам̣ виг̇ад̇уубаггилзса’’нд̇и жа вуд̇д̇ам̣. д̇аани ан̇г̇ан̣аани убаггилзсаа жаад̇и д̇ам̣ убхаяам̣. д̇ад̣̇убхаяам̣ д̇ан̣хаасабхаавад̇д̇аа д̇ан̣хааяа ануломанад̇о жа д̇ан̣хаабагко. яаа жа ин̃ж̇анаад̇и яаа жа жид̇д̇асса асамаад̣̇аанзна панд̣̇анаа. адтид̇ийд̇и анавадтаанам̣. аяам̣ д̣̇идтибагкод̇и яаа ин̃ж̇анаа адтид̇и жа, аяам̣ мижчаабхинивзсахзд̇уд̇ааяа д̣̇идтибагко.

    Tattha soti adhigatacatutthajjhāno yogī. Tatthāti tasmiṃ catutthajjhāne adhiṭṭhānabhūte. Aṭṭhavidhaṃ adhigacchatīti aṭṭhavidhaṃ guṇaṃ adhigacchati. Ko pana so aṭṭhavidho guṇoti? Āha ‘‘cha abhiññā dve ca visese’’ti. Manomayiddhi vipassanāñāṇañca. Taṃ cittanti catutthajjhānacittaṃ. ‘‘Yato parisuddhaṃ, tato pariyodāta’’ntiādinā purimaṃ purimaṃ pacchimassa pacchimassa kāraṇavacananti dasseti. Tadubhayanti yesaṃ rāgādiaṅgaṇānaṃ abhijjhādiupakkilesānañca abhāvena ‘‘anaṅgaṇaṃ vigatūpakkilesa’’nti ca vuttaṃ. Tāni aṅgaṇāni upakkilesā cāti taṃ ubhayaṃ. Tadubhayaṃ taṇhāsabhāvattā taṇhāya anulomanato ca taṇhāpakkho. Yā ca iñjanāti yā ca cittassa asamādānena phandanā. Aṭṭhitīti anavaṭṭhānaṃ. Ayaṃ diṭṭhipakkhoti yā iñjanā aṭṭhiti ca, ayaṃ micchābhinivesahetutāya diṭṭhipakkho.

    ‘‘жад̇д̇аари инд̣̇рияааний’’д̇иаад̣̇инаа взд̣̇анаад̇оби жад̇уд̇т̇аж̇жхаанам̣ вибхаавзд̇и. звам̣ адтан̇г̇асаманнааг̇ад̇ам̣ жад̇уд̇т̇аж̇жхаанажид̇д̇ам̣ убари абхин̃н̃аад̇хиг̇амааяа абхинийхаарагкамам̣ ход̇и. саа жа абхинийхаарагкамад̇аа жуд̣̇д̣̇асахи аагаарзхи жин̣н̣авасибхаавассзва ход̇и. со жа васибхааво адтасамаабад̇д̇илаабхино, на руубааважараж̇жхаанамад̇д̇алаабхинод̇и ааруббасамаабад̇д̇ияаа манасигааравид̇хим̣ д̣̇ассзнд̇о ‘‘со убаримам̣ самаабад̇д̇им̣ санд̇ад̇о манасигарод̇ий’’д̇иаад̣̇имааха. д̇ад̇т̇а убаримам̣ самаабад̇д̇инд̇и аагаасаанан̃жааяад̇анасамаабад̇д̇им̣. санд̇ад̇о манасигарод̇ийд̇и ан̇г̇асанд̇ад̇ааяаби аарамман̣асанд̇ад̇ааяаби ‘‘санд̇аа’’д̇и манасигарод̇и. яад̇о яад̇о хи ааруббасамаабад̇д̇им̣ санд̇ад̇о манасигарод̇и, д̇ад̇о д̇ад̇о руубааважараж̇жхаанам̣ авуубасанд̇ам̣ худ̇ваа убадтаад̇и. д̇знзвааха – ‘‘д̇асса убаримам̣…бз… сан̣тахад̇ий’’д̇и. угган̣таа жа бадигхасан̃н̃аад̇и бадигхасан̃н̃аасан̇каад̇аасу бан̃жавин̃н̃аан̣асан̃н̃аасу анабхирад̇и сан̣тахад̇и. ‘‘со саб̣б̣асо’’д̇иаад̣̇инаа згад̣̇зсзна ааруббасамаабад̇д̇им̣ д̣̇ассзд̇и. абхин̃н̃аабхинийхааро руубасан̃н̃аад̇и руубааважарасан̃н̃аа наамзд̇аа яаавад̣̇зва абхин̃н̃ад̇т̇аабхинийхаарамад̇д̇ам̣, на бана аруубааважарасамаабад̇д̇ияо вияа санд̇аад̇и ад̇хиббааяо. вогааро наанад̇д̇асан̃н̃аад̇и наанад̇д̇асан̃н̃аа наамзд̇аа наанаарамман̣зсу вогааро, д̇ад̇т̇а жид̇д̇асса аагулаббавад̇д̇ийд̇и ад̇т̇о. самад̇иггамад̇ийд̇и звам̣ д̇ад̇т̇а аад̣̇ийнавад̣̇ассий худ̇ваа д̇аа самад̇иггамад̇и. бадигхасан̃н̃аа жасса аб̣бхад̇т̇ам̣ г̇ажчад̇ийд̇и асса аагаасаанан̃жааяад̇анасамаабад̇д̇им̣ ад̇хиг̇ажчанд̇асса яог̇ино д̣̇асаби бадигхасан̃н̃аа виг̇ажчанд̇и. иминаа батамааруббасамаабад̇д̇имааха.

    ‘‘Cattāri indriyānī’’tiādinā vedanātopi catutthajjhānaṃ vibhāveti. Evaṃ aṭṭhaṅgasamannāgataṃ catutthajjhānacittaṃ upari abhiññādhigamāya abhinīhārakkhamaṃ hoti. Sā ca abhinīhārakkhamatā cuddasahi ākārehi ciṇṇavasibhāvasseva hoti. So ca vasibhāvo aṭṭhasamāpattilābhino, na rūpāvacarajjhānamattalābhinoti āruppasamāpattiyā manasikāravidhiṃ dassento ‘‘so uparimaṃ samāpattiṃ santato manasikarotī’’tiādimāha. Tattha uparimaṃ samāpattinti ākāsānañcāyatanasamāpattiṃ. Santato manasikarotīti aṅgasantatāyapi ārammaṇasantatāyapi ‘‘santā’’ti manasikaroti. Yato yato hi āruppasamāpattiṃ santato manasikaroti, tato tato rūpāvacarajjhānaṃ avūpasantaṃ hutvā upaṭṭhāti. Tenevāha – ‘‘tassa uparimaṃ…pe… saṇṭhahatī’’ti. Ukkaṇṭhā ca paṭighasaññāti paṭighasaññāsaṅkhātāsu pañcaviññāṇasaññāsu anabhirati saṇṭhahati. ‘‘So sabbaso’’tiādinā ekadesena āruppasamāpattiṃ dasseti. Abhiññābhinīhāro rūpasaññāti rūpāvacarasaññā nāmetā yāvadeva abhiññatthābhinīhāramattaṃ, na pana arūpāvacarasamāpattiyo viya santāti adhippāyo. Vokāro nānattasaññāti nānattasaññā nāmetā nānārammaṇesu vokāro, tattha cittassa ākulappavattīti attho. Samatikkamatīti evaṃ tattha ādīnavadassī hutvā tā samatikkamati. Paṭighasaññā cassa abbhatthaṃ gacchatīti assa ākāsānañcāyatanasamāpattiṃ adhigacchantassa yogino dasapi paṭighasaññā vigacchanti. Iminā paṭhamāruppasamāpattimāha.

    звам̣ самаахид̇ассаад̇и звам̣ иминаа вуд̇д̇анаязна руубааважараж̇жхаанз жид̇д̇згаг̇г̇ад̇ааяаби самад̇иггамзна самаахид̇асса. самаахид̇ассаад̇и ааруббасамаад̇хинаа санд̇авуд̇д̇инаа самаахид̇асса. обхаасод̇и яо бурз руубааважараж̇жхаанобхаасо. анд̇арад̇хааяад̇ийд̇и со руубааважараж̇жхаанобхаасо аруубааважараж̇жхаанасамаабаж̇ж̇анагаалз виг̇ажчад̇и. д̣̇ассанан̃жаад̇и руубааважараж̇жхаанажагкунаа д̣̇ассанан̃жа анд̇арад̇хааяад̇и. со самаад̇хийд̇и со яат̇аавуд̇д̇о руубааруубасамаад̇хи. чал̣ан̇г̇асаманнааг̇ад̇од̇и убагаарагабаригкаарасабхаавабхууд̇зхи чахи ан̇г̇зхи саманнааг̇ад̇о. бажжавзгкид̇аб̣б̣од̇и бад̇и авзгкид̇аб̣б̣о, бунаббунам̣ жинд̇зд̇аб̣б̣од̇и ад̇т̇о. бажжавзгкан̣аагаарам̣ саха висаязна д̣̇ассзд̇ум̣ ‘‘анабхиж̇жхаасахаг̇ад̇а’’нд̇иаад̣̇и вуд̇д̇ам̣. д̇ад̇т̇а саб̣б̣алогзд̇и саб̣б̣асмим̣ бияаруубз саад̇аруубз сад̇д̇алогз сан̇кааралогз жа. д̇зна гаамажчанд̣̇асса бахаанамааха. д̇ат̇аа ‘‘аб̣яаабанна’’нд̇иаад̣̇инаа б̣яаабаад̣̇агосаж̇ж̇асаарамбхасаатзяяавигкзбасаммосаанам̣ бахаанам̣. буна д̇аани ча ан̇г̇аани самат̇авибассанаавасзна вибхаж̇ид̇ваа д̣̇ассзд̇ум̣ ‘‘яан̃жа анабхиж̇жхаасахаг̇ад̇а’’нд̇иаад̣̇и вуд̇д̇ам̣. д̇ам̣ саб̣б̣ам̣ сувин̃н̃зяяам̣.

    Evaṃ samāhitassāti evaṃ iminā vuttanayena rūpāvacarajjhāne cittekaggatāyapi samatikkamena samāhitassa. Samāhitassāti āruppasamādhinā santavuttinā samāhitassa. Obhāsoti yo pure rūpāvacarajjhānobhāso. Antaradhāyatīti so rūpāvacarajjhānobhāso arūpāvacarajjhānasamāpajjanakāle vigacchati. Dassanañcāti rūpāvacarajjhānacakkhunā dassanañca antaradhāyati. So samādhīti so yathāvutto rūpārūpasamādhi. Chaḷaṅgasamannāgatoti upakārakaparikkhārasabhāvabhūtehi chahi aṅgehi samannāgato. Paccavekkhitabboti pati avekkhitabbo, punappunaṃ cintetabboti attho. Paccavekkhaṇākāraṃ saha visayena dassetuṃ ‘‘anabhijjhāsahagata’’ntiādi vuttaṃ. Tattha sabbaloketi sabbasmiṃ piyarūpe sātarūpe sattaloke saṅkhāraloke ca. Tena kāmacchandassa pahānamāha. Tathā ‘‘abyāpanna’’ntiādinā byāpādakosajjasārambhasāṭheyyavikkhepasammosānaṃ pahānaṃ. Puna tāni cha aṅgāni samathavipassanāvasena vibhajitvā dassetuṃ ‘‘yañca anabhijjhāsahagata’’ntiādi vuttaṃ. Taṃ sabbaṃ suviññeyyaṃ.

    54. зд̇д̇аавад̇аа ‘‘бан̃н̃аавимуд̇д̇ий’’д̇и вуд̇д̇асса арахад̇д̇апаласса самаад̇химукзна буб̣б̣абхааг̇абадибад̣̇ам̣ д̣̇ассзд̇ваа ид̣̇аани арахад̇д̇апаласамаад̇хим̣ д̣̇ассзд̇ум̣ ‘‘со самаад̇хий’’д̇иаад̣̇и вуд̇д̇ам̣. д̇ад̇т̇а со самаад̇хийд̇и яо со саммаасамаад̇хи. буб̣б̣з вуд̇д̇асса арияамаг̇г̇асамаад̇хисса палабхууд̇о самаад̇хи бан̃жавид̇хзна взд̣̇ид̇аб̣б̣о ид̣̇аани вужжамаанзхи бан̃жахи бажжавзгкан̣ан̃аан̣зхи ад̇д̇ано бажжавзгкид̇аб̣б̣аагаарасан̇каад̇зна бан̃жавид̇хзна взд̣̇ид̇аб̣б̣о. ‘‘аяам̣ самаад̇хи бажжуббаннасуко’’д̇иаад̣̇ийсу арахад̇д̇апаласамаад̇хи аббид̇аббид̇агкан̣з сукад̇д̇аа бажжуббаннасуко. буримо буримо бажчимасса бажчимасса самаад̇хисукасса бажжаяад̇д̇аа ааяад̇им̣ сукавибааго. гилзсзхи аарагад̇д̇аа арияо. гаамаамисаваддаамисалогаамисаанам̣ абхааваа нираамисо. б̣уд̣̇д̇хаад̣̇ийхи махаабурисзхи сзвид̇ад̇д̇аа агаабурисасзвид̇о. ан̇г̇асанд̇ад̇ааяа саб̣б̣агилзсад̣̇арат̇асанд̇ад̇ааяа жа санд̇о. ад̇ид̇д̇игарадтзна бан̣ийд̇о. гилзсабадиббассад̣̇д̇хияаа лад̣̇д̇хад̇д̇аа, гилзсабадиббассад̣̇д̇хибхаавзна ваа лад̣̇д̇хад̇д̇аа бадиббассад̣̇д̇хилад̣̇д̇хо. бассад̣̇д̇хам̣ бассад̣̇д̇хийд̇и хи ид̣̇ам̣ ад̇т̇ад̇о згам̣. бадиббассад̣̇д̇хигилзсзна ваа арахад̇аа лад̣̇д̇хад̇д̇ааби бадиббассад̣̇д̇хилад̣̇д̇хо . згод̣̇ибхаавзна ад̇хиг̇ад̇ад̇д̇аа, згод̣̇ибхаавамзва ваа ад̇хиг̇ад̇ад̇д̇аа згод̣̇ибхааваад̇хиг̇ад̇о. аббаг̇ун̣асаасавасамаад̇хи вияа сасан̇каарзна саббаяог̇зна бажжанийгад̇хаммз ниг̇г̇аяха гилзсз ваарзд̇ваа анад̇хиг̇ад̇ад̇д̇аа насасан̇каараниг̇г̇аяхаваарид̇аг̇ад̇од̇и.

    54. Ettāvatā ‘‘paññāvimuttī’’ti vuttassa arahattaphalassa samādhimukhena pubbabhāgapaṭipadaṃ dassetvā idāni arahattaphalasamādhiṃ dassetuṃ ‘‘so samādhī’’tiādi vuttaṃ. Tattha so samādhīti yo so sammāsamādhi. Pubbe vuttassa ariyamaggasamādhissa phalabhūto samādhi pañcavidhena veditabbo idāni vuccamānehi pañcahi paccavekkhaṇañāṇehi attano paccavekkhitabbākārasaṅkhātena pañcavidhena veditabbo. ‘‘Ayaṃ samādhi paccuppannasukho’’tiādīsu arahattaphalasamādhi appitappitakkhaṇe sukhattā paccuppannasukho. Purimo purimo pacchimassa pacchimassa samādhisukhassa paccayattā āyatiṃ sukhavipāko. Kilesehi ārakattā ariyo. Kāmāmisavaṭṭāmisalokāmisānaṃ abhāvā nirāmiso. Buddhādīhi mahāpurisehi sevitattā akāpurisasevito. Aṅgasantatāya sabbakilesadarathasantatāya ca santo. Atittikaraṭṭhena paṇīto. Kilesapaṭippassaddhiyā laddhattā, kilesapaṭippassaddhibhāvena vā laddhattā paṭippassaddhiladdho. Passaddhaṃ passaddhīti hi idaṃ atthato ekaṃ. Paṭippassaddhikilesena vā arahatā laddhattāpi paṭippassaddhiladdho. Ekodibhāvena adhigatattā, ekodibhāvameva vā adhigatattā ekodibhāvādhigato. Appaguṇasāsavasamādhi viya sasaṅkhārena sappayogena paccanīkadhamme niggayha kilese vāretvā anadhigatattā nasasaṅkhāraniggayhavāritagatoti.

    яад̇о яад̇о бхааг̇ад̇о д̇ан̃жа самаад̇хим̣ самаабаж̇ж̇анд̇о, д̇ад̇о ваа вудтаханд̇о сад̇ивзбуллаббад̇д̇о сад̇ова самаабаж̇ж̇ад̇и сад̇ова вудтахад̇и, яат̇аабарижчиннагаалавасзна ваа сад̇о самаабаж̇ж̇ад̇и сад̇о вудтахад̇и. д̇асмаа яад̣̇зд̇т̇а ‘‘аяам̣ самаад̇хи бажжуббаннасуко жзва ааяад̇ин̃жа сукавибааго’’д̇и звам̣ бажжавзгканд̇асса бажжад̇д̇амзва абараббажжаяан̃аан̣ам̣ уббаж̇ж̇ад̇и, аяамзго аагааро. зса наяо сзсзсуби. звамзд̇зсам̣ бан̃жаннам̣ бажжавзгкид̇аб̣б̣аагаараанам̣ васзна самаад̇хи бан̃жавид̇хзна взд̣̇ид̇аб̣б̣о.

    Yato yato bhāgato tañca samādhiṃ samāpajjanto, tato vā vuṭṭhahanto sativepullappatto satova samāpajjati satova vuṭṭhahati, yathāparicchinnakālavasena vā sato samāpajjati sato vuṭṭhahati. Tasmā yadettha ‘‘ayaṃ samādhi paccuppannasukho ceva āyatiñca sukhavipāko’’ti evaṃ paccavekkhantassa paccattameva aparappaccayañāṇaṃ uppajjati, ayameko ākāro. Esa nayo sesesupi. Evametesaṃ pañcannaṃ paccavekkhitabbākārānaṃ vasena samādhi pañcavidhena veditabbo.

    буна ‘‘яо жа самаад̇хий’’д̇иаад̣̇инаа арахад̇д̇апалз самат̇авибассанаавибхааг̇ам̣ д̣̇ассзд̇и. д̇ад̇т̇а самаад̇хисукасса ‘‘сука’’нд̇и ад̇хиббзд̇ад̇д̇аа ‘‘яо жа самаад̇хи бажжуббаннасуко, яо жа самаад̇хи ааяад̇им̣ сукавибааго, аяам̣ самат̇о’’д̇и вуд̇д̇ам̣. арияанираамисаад̣̇ибхааво бана бан̃н̃аанубхаавзна нибпаж̇ж̇ад̇ийд̇и ааха – ‘‘яо жа самаад̇хи арияо…бз… аяам̣ вибассанаа’’д̇и.

    Puna ‘‘yo ca samādhī’’tiādinā arahattaphale samathavipassanāvibhāgaṃ dasseti. Tattha samādhisukhassa ‘‘sukha’’nti adhippetattā ‘‘yo ca samādhi paccuppannasukho, yo ca samādhi āyatiṃ sukhavipāko, ayaṃ samatho’’ti vuttaṃ. Ariyanirāmisādibhāvo pana paññānubhāvena nipphajjatīti āha – ‘‘yo ca samādhi ariyo…pe… ayaṃ vipassanā’’ti.

    звам̣ арахад̇д̇апаласамаад̇хим̣ вибхааг̇зна д̣̇ассзд̇ваа ид̣̇аани д̇асса буб̣б̣абхааг̇абадибад̣̇ам̣ самаад̇хивибхааг̇зна д̣̇ассзд̇ум̣ ‘‘со самаад̇хий’’д̇и вуд̇д̇ам̣. д̇ад̇т̇а со самаад̇хийд̇и яо со арахад̇д̇апаласамаад̇хисса буб̣б̣абхааг̇абадибад̣̇ааяам̣ вуд̇д̇о руубааважаражад̇уд̇т̇аж̇жхаанасамаад̇хи, со самаад̇хи. бан̃жавид̇хзнаад̇и вагкамаанзна бан̃жаббагаарзна взд̣̇ид̇аб̣б̣о. ‘‘бийд̇ипаран̣ад̇аа’’д̇иаад̣̇ийсу бийд̇им̣ парамаанаа уббаж̇ж̇ад̇ийд̇и д̣̇вийсу жхаанзсу бан̃н̃аа бийд̇ипаран̣ад̇аа наама. сукам̣ парамаанаа уббаж̇ж̇ад̇ийд̇и д̇ийсу жхаанзсу бан̃н̃аа сукапаран̣ад̇аа наама. барзсам̣ жзд̇о парамаанаа уббаж̇ж̇ад̇ийд̇и жзд̇обарияабан̃н̃аа жзд̇опаран̣ад̇аа наама. аалогапаран̣з уббаж̇ж̇ад̇ийд̇и д̣̇иб̣б̣ажагкубан̃н̃аа аалогапаран̣ад̇аа наама. бажжавзгкан̣ан̃аан̣ам̣ бажжавзгкан̣аанимид̇д̇ам̣ наама. вуд̇д̇амби жзд̇ам̣ ‘‘д̣̇вийсу жхаанзсу бан̃н̃аа бийд̇ипаран̣ад̇аа, д̇ийсу жхаанзсу бан̃н̃аа сукапаран̣ад̇аа, баражид̇д̇з н̃аан̣ам̣ жзд̇опаран̣ад̇аа, д̣̇иб̣б̣ажагку аалогапаран̣ад̇аа, д̇амхаа д̇амхаа самаад̇химхаа вудтид̇асса бажжавзгкан̣ан̃аан̣ам̣ бажжавзгкан̣анимид̇д̇а’’нд̇и (вибха. 804).

    Evaṃ arahattaphalasamādhiṃ vibhāgena dassetvā idāni tassa pubbabhāgapaṭipadaṃ samādhivibhāgena dassetuṃ ‘‘so samādhī’’ti vuttaṃ. Tattha so samādhīti yo so arahattaphalasamādhissa pubbabhāgapaṭipadāyaṃ vutto rūpāvacaracatutthajjhānasamādhi, so samādhi. Pañcavidhenāti vakkhamānena pañcappakārena veditabbo. ‘‘Pītipharaṇatā’’tiādīsu pītiṃ pharamānā uppajjatīti dvīsu jhānesu paññā pītipharaṇatā nāma. Sukhaṃ pharamānā uppajjatīti tīsu jhānesu paññā sukhapharaṇatā nāma. Paresaṃ ceto pharamānā uppajjatīti cetopariyapaññā cetopharaṇatā nāma. Ālokapharaṇe uppajjatīti dibbacakkhupaññā ālokapharaṇatā nāma. Paccavekkhaṇañāṇaṃ paccavekkhaṇānimittaṃ nāma. Vuttampi cetaṃ ‘‘dvīsu jhānesu paññā pītipharaṇatā, tīsu jhānesu paññā sukhapharaṇatā, paracitte ñāṇaṃ cetopharaṇatā, dibbacakkhu ālokapharaṇatā, tamhā tamhā samādhimhā vuṭṭhitassa paccavekkhaṇañāṇaṃ paccavekkhaṇanimitta’’nti (vibha. 804).

    ид̇ха самат̇авибассанаавибхааг̇ам̣ д̣̇ассзд̇ум̣ ‘‘яо жа бийд̇ипаран̣о’’д̇иаад̣̇и вуд̇д̇ам̣. зд̇т̇а жа бан̃н̃аасийсзна д̣̇зсанаа гад̇аад̇и бан̃н̃аавасзна сам̣ван̣н̣анаа гад̇аа. бан̃н̃аа бийд̇ипаран̣ад̇аад̇иаад̣̇ийсу самаад̇хисахаг̇ад̇аа зваад̇и д̇ад̇т̇а самаад̇хивасзна самат̇о уд̣̇д̇хадо. д̇асмаа бийд̇исукажзд̇опаран̣ад̇аа висзсад̇о самаад̇хивибпааравасзна иж̇жханд̇ийд̇и д̇аа ‘‘самат̇о’’д̇и вуд̇д̇аа. ид̇араани н̃аан̣авибпааравасзнаад̇и д̇аани ‘‘вибассанаа’’д̇и вуд̇д̇аани.

    Idha samathavipassanāvibhāgaṃ dassetuṃ ‘‘yo ca pītipharaṇo’’tiādi vuttaṃ. Ettha ca paññāsīsena desanā katāti paññāvasena saṃvaṇṇanā katā. Paññā pītipharaṇatātiādīsu samādhisahagatā evāti tattha samādhivasena samatho uddhaṭo. Tasmā pītisukhacetopharaṇatā visesato samādhivipphāravasena ijjhantīti tā ‘‘samatho’’ti vuttā. Itarāni ñāṇavipphāravasenāti tāni ‘‘vipassanā’’ti vuttāni.

    55. ид̣̇аани д̇ам̣ самаад̇хим̣ аарамман̣авасзна вибхаж̇ид̇ваа д̣̇ассзд̇ум̣ ‘‘д̣̇аса гасин̣ааяад̇анааний’’д̇иаад̣̇и вуд̇д̇ам̣. д̇ад̇т̇а гасин̣аж̇жхаанасан̇каад̇аани гасин̣аани жа д̇аани яог̇ино сукависзсаанам̣ ад̇хидтаанабхаавад̇о, манааяад̇анад̇хаммааяад̇анабхаавад̇о жа ааяад̇анаани жаад̇и гасин̣ааяад̇анаани. бат̇авийгасин̣анд̇и гад̇абаригаммам̣ бат̇авийман̣д̣аламби, д̇ад̇т̇а бавад̇д̇ам̣ уг̇г̇ахабадибхааг̇анимид̇д̇амби, д̇асмим̣ нимид̇д̇з уббаннаж̇жхаанамби вужжад̇и. д̇зсу жхаанам̣ ид̇хаад̇хиббзд̇ам̣. аагаасагасин̣анд̇и гасин̣уг̇гхаадимаагаасз бавад̇д̇абатамааруббаж̇жхаанам̣. вин̃н̃аан̣агасин̣анд̇и батамааруббавин̃н̃аан̣аарамман̣ам̣ д̣̇уд̇ияааруббаж̇жхаанам̣. бат̇авийгасин̣аад̣̇игз суд̣̇д̇хасамат̇абхааванаавасзна бавад̇д̇ид̇з санд̇хааяа ‘‘имаани адта гасин̣аани самат̇о’’д̇и вуд̇д̇ам̣. сзсагасин̣ад̣̇ваяам̣ вибассанаад̇хидтаанабхаавзна бавад̇д̇ам̣ ‘‘вибассанаа’’д̇и вуд̇д̇ам̣.

    55. Idāni taṃ samādhiṃ ārammaṇavasena vibhajitvā dassetuṃ ‘‘dasa kasiṇāyatanānī’’tiādi vuttaṃ. Tattha kasiṇajjhānasaṅkhātāni kasiṇāni ca tāni yogino sukhavisesānaṃ adhiṭṭhānabhāvato, manāyatanadhammāyatanabhāvato ca āyatanāni cāti kasiṇāyatanāni. Pathavīkasiṇanti kataparikammaṃ pathavīmaṇḍalampi, tattha pavattaṃ uggahapaṭibhāganimittampi, tasmiṃ nimitte uppannajjhānampi vuccati. Tesu jhānaṃ idhādhippetaṃ. Ākāsakasiṇanti kasiṇugghāṭimākāse pavattapaṭhamāruppajjhānaṃ. Viññāṇakasiṇanti paṭhamāruppaviññāṇārammaṇaṃ dutiyāruppajjhānaṃ. Pathavīkasiṇādike suddhasamathabhāvanāvasena pavattite sandhāya ‘‘imāni aṭṭha kasiṇāni samatho’’ti vuttaṃ. Sesakasiṇadvayaṃ vipassanādhiṭṭhānabhāvena pavattaṃ ‘‘vipassanā’’ti vuttaṃ.

    званд̇и иминаа наязна. саб̣б̣о арияамаг̇г̇од̇и саммаад̣̇идтиаад̣̇ибхаавзна абхинноби арияамаг̇г̇о сад̇ибадтаанаад̣̇ибуб̣б̣абхааг̇абадибад̣̇аабхзд̣̇зна анзгабхзд̣̇абхинно ниравасзсо арияамаг̇г̇о. язна язна аагаарзнаад̇и анабхиж̇жхаад̣̇ийсу, бажжуббаннасукад̇аад̣̇ийсу жа аагаарзсу язна язна аагаарзна вуд̇д̇о. д̇зна д̇знаад̇и д̇зсу д̇зсу аагаарзсу яз яз самат̇авасзна, яз жа яз жа вибассанаавасзна яож̇зд̇ум̣ самбхаванд̇и, д̇зна д̇зна аагаарзна самат̇авибассанаахи арияамаг̇г̇о вижинид̇ваа яож̇зд̇аб̣б̣о. д̇зд̇и самат̇аад̇хидтаанавибассанаад̇хаммаа. д̇ийхи д̇хаммзхи сан̇г̇ахид̇аад̇и д̇ийхи анубассанаад̇хаммзхи сан̇г̇ахид̇аа, г̇ан̣анам̣ г̇ад̇аад̇и ад̇т̇о. гад̇амзхи д̇ийхийд̇и? ааха ‘‘анижжад̇ааяа д̣̇угкад̇ааяа анад̇д̇ад̇ааяаа’’д̇и. анижжад̇ааяа сахажаран̣ад̇о вибассанаа ‘‘анижжад̇аа’’д̇и вуд̇д̇аа. зса наяо сзсзсуби.

    Evanti iminā nayena. Sabbo ariyamaggoti sammādiṭṭhiādibhāvena abhinnopi ariyamaggo satipaṭṭhānādipubbabhāgapaṭipadābhedena anekabhedabhinno niravaseso ariyamaggo. Yena yena ākārenāti anabhijjhādīsu, paccuppannasukhatādīsu ca ākāresu yena yena ākārena vutto. Tena tenāti tesu tesu ākāresu ye ye samathavasena, ye ca ye ca vipassanāvasena yojetuṃ sambhavanti, tena tena ākārena samathavipassanāhi ariyamaggo vicinitvā yojetabbo. Teti samathādhiṭṭhānavipassanādhammā. Tīhi dhammehi saṅgahitāti tīhi anupassanādhammehi saṅgahitā, gaṇanaṃ gatāti attho. Katamehi tīhīti? Āha ‘‘aniccatāya dukkhatāya anattatāyā’’ti. Aniccatāya sahacaraṇato vipassanā ‘‘aniccatā’’ti vuttā. Esa nayo sesesupi.

    со самат̇авибассанам̣ бхааваяамаано д̇ийн̣и вимогкамукаани бхааваяад̇ийд̇и со арияамаг̇г̇аад̇хиг̇амааяа яуд̇д̇аббаяуд̇д̇о яог̇ий гаалзна самат̇ам̣ самаабаж̇ж̇анавасзна гаалзна вибассанам̣ саммасанавасзна вад̣дхаяамаано анимид̇д̇авимогкамукаад̣̇исан̇каад̇аа д̇иссо анубассанаа б̣руухзд̇и. д̇аяо канд̇хз бхааваяад̇ийд̇и д̇иссо анубассанаа убаруубаривисзсам̣ баабзнд̇о сийлагканд̇хо самаад̇хигканд̇хо бан̃н̃аагканд̇ход̇и зд̇з д̇аяо канд̇хз вад̣дхзд̇и. яасмаа бана д̇ийхи канд̇хзхи арияо адтан̇г̇иго маг̇г̇о сан̇г̇ахид̇о, д̇асмаа ‘‘д̇аяо канд̇хз бхааваяанд̇о арияам̣ адтан̇г̇игам̣ маг̇г̇ам̣ бхааваяад̇ий’’д̇и вуд̇д̇ам̣.

    So samathavipassanaṃ bhāvayamāno tīṇi vimokkhamukhāni bhāvayatīti so ariyamaggādhigamāya yuttappayutto yogī kālena samathaṃ samāpajjanavasena kālena vipassanaṃ sammasanavasena vaḍḍhayamāno animittavimokkhamukhādisaṅkhātā tisso anupassanā brūheti. Tayo khandhe bhāvayatīti tisso anupassanā uparūparivisesaṃ pāpento sīlakkhandho samādhikkhandho paññākkhandhoti ete tayo khandhe vaḍḍheti. Yasmā pana tīhi khandhehi ariyo aṭṭhaṅgiko maggo saṅgahito, tasmā ‘‘tayo khandhe bhāvayanto ariyaṃ aṭṭhaṅgikaṃ maggaṃ bhāvayatī’’ti vuttaṃ.

    ид̣̇аани язсам̣ буг̇г̇алаанам̣ яад̇т̇а сигканд̇аанам̣ висзсад̇о нияяаанамукаани язсан̃жа гилзсаанам̣ бадибагкабхууд̇аани д̇ийн̣и вимогкамукаани, д̇зхи сад̣̇д̇хим̣ д̇аани д̣̇ассзд̇ум̣ ‘‘рааг̇ажарид̇о’’д̇иаад̣̇и вуд̇д̇ам̣. д̇ад̇т̇а анимид̇д̇зна вимогкамукзнаад̇и анижжаанубассанааяа. саа хи нижжанимид̇д̇аад̣̇исамуг̇гхааданзна анимид̇д̇о, рааг̇аад̣̇ийнам̣ самужчзд̣̇авимуд̇д̇ияаа вимогкод̇и лад̣̇д̇ханаамасса арияамаг̇г̇асса мукабхаавад̇о д̣̇ваарабхаавад̇о ‘‘анимид̇д̇авимогкамука’’нд̇и вужжад̇и. ад̇хижид̇д̇асигкааяаад̇и самаад̇хисмим̣. сукавзд̣̇анийяам̣ пассам̣ анубаг̇ажчанд̇од̇и сукавзд̣̇анааяа хид̇ам̣ сукавзд̣̇анаагааран̣ад̇о пассам̣ д̇ан̣хааяа анубаг̇ажчанд̇о. сукам̣ взд̣̇анам̣ бариж̇аананд̇од̇и ‘‘аяам̣ сукаа взд̣̇анаа вибарин̣аамаад̣̇инаа д̣̇угкаа’’д̇и бариж̇аананд̇о, сависаяам̣ рааг̇ам̣ самад̇игганд̇о. ‘‘рааг̇амалам̣ баваахзнд̇о’’д̇иаад̣̇инаа д̇зхи барияааязхи рааг̇ассзва бахаанамааха. ‘‘д̣̇осажарид̇о буг̇г̇ало’’д̇иаад̣̇ийсуби вуд̇д̇анаяаанусаарзна ад̇т̇о взд̣̇ид̇аб̣б̣о.

    Idāni yesaṃ puggalānaṃ yattha sikkhantānaṃ visesato niyyānamukhāni yesañca kilesānaṃ paṭipakkhabhūtāni tīṇi vimokkhamukhāni, tehi saddhiṃ tāni dassetuṃ ‘‘rāgacarito’’tiādi vuttaṃ. Tattha animittena vimokkhamukhenāti aniccānupassanāya. Sā hi niccanimittādisamugghāṭanena animitto, rāgādīnaṃ samucchedavimuttiyā vimokkhoti laddhanāmassa ariyamaggassa mukhabhāvato dvārabhāvato ‘‘animittavimokkhamukha’’nti vuccati. Adhicittasikkhāyāti samādhismiṃ. Sukhavedanīyaṃ phassaṃ anupagacchantoti sukhavedanāya hitaṃ sukhavedanākāraṇato phassaṃ taṇhāya anupagacchanto. Sukhaṃ vedanaṃ parijānantoti ‘‘ayaṃ sukhā vedanā vipariṇāmādinā dukkhā’’ti parijānanto, savisayaṃ rāgaṃ samatikkanto. ‘‘Rāgamalaṃ pavāhento’’tiādinā tehi pariyāyehi rāgasseva pahānamāha. ‘‘Dosacarito puggalo’’tiādīsupi vuttanayānusārena attho veditabbo.

    бан̃н̃аад̇хигасса санд̇ад̇исамуухагижжаарамман̣аад̣̇игханавиниб̣бхог̇зна сан̇каарзсу ад̇д̇асун̃н̃ад̇аа баагадаа ход̇ийд̇и висзсад̇о анад̇д̇аанубассанаа бан̃н̃аабад̇хаанаад̇и ааха – ‘‘сун̃н̃ад̇авимогкамукам̣ бан̃н̃аагканд̇хо’’д̇и. д̇ат̇аа сан̇каараанам̣ сарасабабхан̇г̇уд̇ааяа ид̇д̇аракан̣ад̇д̇аа уббаннаанам̣ д̇ад̇т̇а д̇ад̇т̇зва бхиж̇ж̇анам̣ саммаа самаахид̇ассзва баагадам̣ ход̇ийд̇и висзсад̇о анижжаанубассанаа самаад̇хиббад̇хаанаад̇и ааха – ‘‘анимид̇д̇авимогкамукам̣ самаад̇хигканд̇хо’’д̇и. д̇ат̇аа сийлзсу барибуурагаарино канд̇иб̣ахуласса уббаннам̣ д̣̇угкам̣ арад̇ин̃жа абхибхуяяа вихарад̇о сан̇каараанам̣ д̣̇угкад̇аа вибхууд̇аа ход̇ийд̇и д̣̇угкаанубассанаа сийлаббад̇хаанаад̇и ааха – ‘‘аббан̣ихид̇авимогкамукам̣ сийлагканд̇хо’’д̇и. ид̇и д̇ийхи вимогкамукзхи д̇ин̣н̣ам̣ канд̇хаанам̣ сан̇г̇ахид̇ад̇д̇аа вуд̇д̇ам̣ – ‘‘со д̇ийн̣и вимогкамукаани бхааваяанд̇о д̇аяо канд̇хз бхааваяад̇ий’’д̇и. яасмаа жа д̇ийхи жа канд̇хзхи арияасса адтан̇г̇игасса маг̇г̇асса сан̇г̇ахид̇ад̇д̇аа д̇аяо канд̇хз бхааваяанд̇о ‘‘арияам̣ адтан̇г̇игам̣ маг̇г̇ам̣ бхааваяад̇ий’’д̇и вуд̇д̇ам̣. д̇асмаа д̇зхи д̇асса сан̇г̇ахам̣ д̣̇ассзнд̇о ‘‘яаа жа саммааваажаа’’д̇иаад̣̇имааха.

    Paññādhikassa santatisamūhakiccārammaṇādighanavinibbhogena saṅkhāresu attasuññatā pākaṭā hotīti visesato anattānupassanā paññāpadhānāti āha – ‘‘suññatavimokkhamukhaṃ paññākkhandho’’ti. Tathā saṅkhārānaṃ sarasapabhaṅgutāya ittarakhaṇattā uppannānaṃ tattha tattheva bhijjanaṃ sammā samāhitasseva pākaṭaṃ hotīti visesato aniccānupassanā samādhippadhānāti āha – ‘‘animittavimokkhamukhaṃ samādhikkhandho’’ti. Tathā sīlesu paripūrakārino khantibahulassa uppannaṃ dukkhaṃ aratiñca abhibhuyya viharato saṅkhārānaṃ dukkhatā vibhūtā hotīti dukkhānupassanā sīlappadhānāti āha – ‘‘appaṇihitavimokkhamukhaṃ sīlakkhandho’’ti. Iti tīhi vimokkhamukhehi tiṇṇaṃ khandhānaṃ saṅgahitattā vuttaṃ – ‘‘so tīṇi vimokkhamukhāni bhāvayanto tayo khandhe bhāvayatī’’ti. Yasmā ca tīhi ca khandhehi ariyassa aṭṭhaṅgikassa maggassa saṅgahitattā tayo khandhe bhāvayanto ‘‘ariyaṃ aṭṭhaṅgikaṃ maggaṃ bhāvayatī’’ti vuttaṃ. Tasmā tehi tassa saṅgahaṃ dassento ‘‘yā ca sammāvācā’’tiādimāha.

    буна д̇ин̣н̣ам̣ канд̇хаанам̣ самат̇авибассанаабхаавам̣ д̣̇ассзд̇ум̣ ‘‘сийлагканд̇хо’’д̇иаад̣̇и вуд̇д̇ам̣. д̇ад̇т̇а сийлагканд̇хасса канд̇ибад̇хаанад̇д̇аа, самаад̇хисса б̣ахуубагаарад̇д̇аа жа самат̇абагкабхаж̇анам̣ д̣̇адтаб̣б̣ам̣. бхаван̇г̇аанийд̇и убабад̇д̇ибхавасса ан̇г̇аани. д̣̇вз бад̣̇аанийд̇и д̣̇вз баад̣̇аа. язбхуяязна хи бан̃жад̣̇аса жаран̣ад̇хаммаа сийласамаад̇хисан̇г̇ахид̇аад̇и. бхаавид̇агааяод̇и аабхисамаажааригасийласса баарибуурияаа бхаавид̇агааяо. аад̣̇иб̣рахмажарияагасийласса баарибуурияаа бхаавид̇асийло. ат̇а ваа бхаавид̇агааяод̇и инд̣̇рияасам̣варзна бхаавид̇абан̃жад̣̇ваарагааяо. бхаавид̇асийлод̇и авасидтасийлавасзна бхаавид̇асийло. саммаа гааяабхааванааяа сад̇и ажжанд̇ам̣ гааяад̣̇ужжарид̇аббахаанам̣ анаваж̇ж̇ан̃жа удтаанам̣ самбаж̇ж̇ад̇и. д̇ат̇аа ануд̇д̇арз сийлз сиж̇жхамаанз анавасзсад̇о мижчааваажааяа мижчааж̇ийвасса жа бахаанам̣ самбаж̇ж̇ад̇и. жид̇д̇абан̃н̃аасу жа бхаавид̇аасу саммаасад̇исаммаасамаад̇хисаммаад̣̇идтисаммаасан̇габбаа бхааванаабаарибуурим̣ г̇ад̇аа зва хонд̇и д̇ам̣сабхаавад̇д̇аа д̇ад̣̇убхаяагааран̣ад̇д̇аа жаад̇и имамад̇т̇ам̣ д̣̇ассзд̇и ‘‘гааяз бхаавияамаанз’’д̇иаад̣̇инаа.

    Puna tiṇṇaṃ khandhānaṃ samathavipassanābhāvaṃ dassetuṃ ‘‘sīlakkhandho’’tiādi vuttaṃ. Tattha sīlakkhandhassa khantipadhānattā, samādhissa bahūpakārattā ca samathapakkhabhajanaṃ daṭṭhabbaṃ. Bhavaṅgānīti upapattibhavassa aṅgāni. Dve padānīti dve pādā. Yebhuyyena hi pañcadasa caraṇadhammā sīlasamādhisaṅgahitāti. Bhāvitakāyoti ābhisamācārikasīlassa pāripūriyā bhāvitakāyo. Ādibrahmacariyakasīlassa pāripūriyā bhāvitasīlo. Atha vā bhāvitakāyoti indriyasaṃvarena bhāvitapañcadvārakāyo. Bhāvitasīloti avasiṭṭhasīlavasena bhāvitasīlo. Sammā kāyabhāvanāya sati accantaṃ kāyaduccaritappahānaṃ anavajjañca uṭṭhānaṃ sampajjati. Tathā anuttare sīle sijjhamāne anavasesato micchāvācāya micchājīvassa ca pahānaṃ sampajjati. Cittapaññāsu ca bhāvitāsu sammāsatisammāsamādhisammādiṭṭhisammāsaṅkappā bhāvanāpāripūriṃ gatā eva honti taṃsabhāvattā tadubhayakāraṇattā cāti imamatthaṃ dasseti ‘‘kāye bhāviyamāne’’tiādinā.

    бан̃жавид̇хам̣ ад̇хиг̇амам̣ г̇ажчад̇ийд̇и арияамаг̇г̇аад̇хиг̇амамзва авад̇т̇аависзсавасзна бан̃жад̇хаа вибхаж̇ид̇ваа д̣̇ассзд̇и. арияамаг̇г̇о хи киббам̣ сагим̣ згажид̇д̇агкан̣знзва жад̇уусу сажжзсу ад̇д̇анаа ад̇хиг̇анд̇аб̣б̣ам̣ ад̇хиг̇ажчад̇ийд̇и на д̇асса логияасамаабад̇д̇ияаа вияа васибхааванаагижжам̣ ад̇т̇ийд̇и киббаад̇хиг̇амо жа ход̇и. баж̇ахид̇аб̣б̣аанам̣ ажжанд̇авимуд̇д̇ивасзна баж̇аханад̇о вимуд̇д̇аад̇хиг̇амо жа. логиязхи маханд̇аанам̣ сийлагканд̇хаад̣̇ийнам̣ ад̇хиг̇аманабхаавад̇о махаад̇хиг̇амо жа. д̇зсам̣язва вибулапалаанам̣ ад̇хиг̇аманад̇о вибулаад̇хиг̇амо жа. ад̇д̇анаа гад̇д̇аб̣б̣асса гассажи анавасзсад̇о анавасзсаад̇хиг̇амо жа ход̇ийд̇и. гз банзд̇з ад̇хиг̇амаа? гзжи самат̇аанубхаавзна, гзжи вибассанаанубхаавзнаад̇и имам̣ вибхааг̇ам̣ д̣̇ассзд̇ум̣ ‘‘д̇ад̇т̇а самат̇знаа’’д̇иаад̣̇и вуд̇д̇ам̣.

    Pañcavidhaṃ adhigamaṃ gacchatīti ariyamaggādhigamameva avatthāvisesavasena pañcadhā vibhajitvā dasseti. Ariyamaggo hi khippaṃ sakiṃ ekacittakkhaṇeneva catūsu saccesu attanā adhigantabbaṃ adhigacchatīti na tassa lokiyasamāpattiyā viya vasibhāvanākiccaṃ atthīti khippādhigamo ca hoti. Pajahitabbānaṃ accantavimuttivasena pajahanato vimuttādhigamo ca. Lokiyehi mahantānaṃ sīlakkhandhādīnaṃ adhigamanabhāvato mahādhigamo ca. Tesaṃyeva vipulaphalānaṃ adhigamanato vipulādhigamo ca. Attanā kattabbassa kassaci anavasesato anavasesādhigamo ca hotīti. Ke panete adhigamā? Keci samathānubhāvena, keci vipassanānubhāvenāti imaṃ vibhāgaṃ dassetuṃ ‘‘tattha samathenā’’tiādi vuttaṃ.

    56. ид̇и махаат̇зро ‘‘д̇асмаа рагкид̇ажид̇д̇ассаа’’д̇и г̇аат̇ааяа васзна арахад̇д̇апалавимуд̇д̇имукзна вижаяахаарасамбаад̇ам̣ нид̣̇д̣̇исанд̇о д̣̇зсанаагусалад̇ааяа анзгзхи суд̇д̇аббад̣̇зсзхи д̇ассаа буб̣б̣абхааг̇абадибад̣̇ааяа бхааванаависзсаанам̣ бхааванаанисам̣саанан̃жа вибхаж̇анавасзна наанаббагаарад̇о вижаяахаарам̣ д̣̇ассзд̇ваа ид̣̇аани д̣̇асаннам̣ д̇ат̇ааг̇ад̇аб̣алаанамби васзна д̇ам̣ д̣̇ассзд̇ум̣ ‘‘д̇ад̇т̇а яо д̣̇зсаяад̇ий’’д̇иаад̣̇имааха. оваад̣̇зна саавагз на висам̣ваад̣̇аяад̇ийд̇и ад̇д̇ано анусидтияаа д̇хаммасса саванад̇о ‘‘саавагаа’’д̇и лад̣̇д̇ханаамз взнзяяз на виббаламбхзд̇и на ван̃жзд̇и, висам̣ваад̣̇анахзд̇уунам̣ баабад̇хаммаанам̣ арияамаг̇г̇зна б̣од̇химуулз зва суббахийнад̇д̇аа. д̇ивид̇ханд̇и д̇иббагаарам̣, д̇ийхи аагаарзхийд̇и ад̇т̇о. ид̣̇ам̣ гарот̇аад̇и имам̣ саран̣аг̇аманам̣ сийлаад̣̇ин̃жа убасамбаж̇ж̇а вихарат̇а. иминаа убааязна гарот̇аад̇и анзнаби вид̇хинаа саран̣аани сод̇хзнд̇аа сийлаад̣̇ийни барибуурзнд̇аа самбаад̣̇зт̇а. ид̣̇ам̣ во гурумаанаананд̇и ид̣̇ам̣ саран̣аг̇аманам̣ сийлаад̣̇ин̃жа д̇умхаагам̣ ануд̇идтанд̇аанам̣ д̣̇идтад̇хаммасамбарааяаниб̣б̣аанаанам̣ васзна хид̇ааяа сукааяа жа бхависсад̇и, д̇аани самбаад̣̇зт̇аад̇и ад̇т̇о.

    56. Iti mahāthero ‘‘tasmā rakkhitacittassā’’ti gāthāya vasena arahattaphalavimuttimukhena vicayahārasampātaṃ niddisanto desanākusalatāya anekehi suttappadesehi tassā pubbabhāgapaṭipadāya bhāvanāvisesānaṃ bhāvanānisaṃsānañca vibhajanavasena nānappakārato vicayahāraṃ dassetvā idāni dasannaṃ tathāgatabalānampi vasena taṃ dassetuṃ ‘‘tattha yo desayatī’’tiādimāha. Ovādena sāvake na visaṃvādayatīti attano anusiṭṭhiyā dhammassa savanato ‘‘sāvakā’’ti laddhanāme veneyye na vippalambheti na vañceti, visaṃvādanahetūnaṃ pāpadhammānaṃ ariyamaggena bodhimūle eva suppahīnattā. Tividhanti tippakāraṃ, tīhi ākārehīti attho. Idaṃ karothāti imaṃ saraṇagamanaṃ sīlādiñca upasampajja viharatha. Iminā upāyena karothāti anenapi vidhinā saraṇāni sodhentā sīlādīni paripūrentā sampādetha. Idaṃ vo kurumānānanti idaṃ saraṇagamanaṃ sīlādiñca tumhākaṃ anutiṭṭhantānaṃ diṭṭhadhammasamparāyanibbānānaṃ vasena hitāya sukhāya ca bhavissati, tāni sampādethāti attho.

    звам̣ овад̣̇анаагаарам̣ д̣̇ассзд̇ваа яам̣ вуд̇д̇ам̣ – ‘‘оваад̣̇зна саавагз на висам̣ваад̣̇аяад̇ий’’д̇и, д̇ам̣ д̇ат̇ааг̇ад̇аб̣алзхи вибхаж̇ид̇ваа д̣̇ассзд̇ум̣ ‘‘со д̇ат̇аа овад̣̇ид̇о’’д̇иаад̣̇имааха. д̇ад̇т̇а д̇ат̇аад̇и д̇зна багаарзна ‘‘ид̣̇ам̣ гарот̇а, иминаа убааязна гарот̇аа’’д̇иаад̣̇инаа вуд̇д̇аббагаарзна. овад̣̇ид̇од̇и д̇хаммад̣̇зсанааяа саасид̇о. анусидтод̇и д̇ассзва взважанам̣. д̇ат̇аа гаронд̇од̇и яат̇аанусидтам̣ д̇ат̇аа гаронд̇о. д̇ам̣ бхууминд̇и яассаа бхуумияаа ад̇хиг̇амад̇т̇ааяа овад̣̇ид̇о, д̇ам̣ д̣̇ассанабхуумин̃жа бхааванаабхуумин̃жа. нзд̇ам̣ таанам̣ виж̇ж̇ад̇ийд̇и зд̇ам̣ гааран̣ам̣ на виж̇ж̇ад̇и. гааран̣ан̃хи д̇идтад̇и зд̇т̇а палам̣ д̇ад̣̇ааяад̇д̇авуд̇д̇ид̇ааяаад̇и ‘‘таана’’нд̇и вужжад̇и. д̣̇уд̇ияаваарз бхууминд̇и сийлагканд̇хзна бад̇д̇аб̣б̣ам̣ самбад̇д̇ибхавасан̇каад̇ам̣ бхуумим̣.

    Evaṃ ovadanākāraṃ dassetvā yaṃ vuttaṃ – ‘‘ovādena sāvake na visaṃvādayatī’’ti, taṃ tathāgatabalehi vibhajitvā dassetuṃ ‘‘so tathā ovadito’’tiādimāha. Tattha tathāti tena pakārena ‘‘idaṃ karotha, iminā upāyena karothā’’tiādinā vuttappakārena. Ovaditoti dhammadesanāya sāsito. Anusiṭṭhoti tasseva vevacanaṃ. Tathā karontoti yathānusiṭṭhaṃ tathā karonto. Taṃ bhūminti yassā bhūmiyā adhigamatthāya ovadito, taṃ dassanabhūmiñca bhāvanābhūmiñca. Netaṃ ṭhānaṃ vijjatīti etaṃ kāraṇaṃ na vijjati. Kāraṇañhi tiṭṭhati ettha phalaṃ tadāyattavuttitāyāti ‘‘ṭhāna’’nti vuccati. Dutiyavāre bhūminti sīlakkhandhena pattabbaṃ sampattibhavasaṅkhātaṃ bhūmiṃ.

    ид̣̇аани яасмаа бхаг̇авад̇о жад̇увзсаараж̇ж̇ааниби авибарийд̇асабхаавад̇ааяа батамапалан̃аан̣асса висаяависзсо ход̇и, д̇асмаа д̇ааниби д̇асса висаяабхаавзна д̣̇ассзд̇ум̣ ‘‘саммаасамб̣уд̣̇д̇хасса д̇з сад̇о’’д̇иаад̣̇и вуд̇д̇ам̣. д̇ад̇т̇а саммаасамб̣уд̣̇д̇хасса д̇з сад̇од̇и ахам̣ саммаасамб̣уд̣̇д̇хо, маяаа саб̣б̣з д̇хаммаа абхисамб̣уд̣̇д̇хаад̇и бадиж̇аананзна саммаасамб̣уд̣̇д̇хасса д̇з сад̇о. имз д̇хаммаа анабхисамб̣уд̣̇д̇хаад̇и нзд̇ам̣ таанам̣ виж̇ж̇ад̇ийд̇и ‘‘имз наама д̇аяаа д̇хаммаа анабхисамб̣уд̣̇д̇хаа’’д̇и гожи сахад̇хаммзна сахзд̇унаа сагааран̣зна важанзна, сунагкад̇д̇о (д̣̇ий. ни. 3.1 аад̣̇аяо; ма. ни. 1.146 аад̣̇аяо) вияа виббалабанд̇аа бана аббамаан̣ам̣. д̇асмаа сахад̇хаммзна бадижод̣̇зссад̇ийд̇и зд̇ам̣ гааран̣ам̣ на виж̇ж̇ад̇и. зса наяо сзсабад̣̇зсуби. яасса д̇з ад̇т̇ааяа д̇хаммо д̣̇зсид̇од̇и рааг̇аад̣̇ийсу яасса яасса бахаанад̇т̇ааяа асубхабхааванаад̣̇ид̇хаммо гат̇ид̇о. д̇аггарассаад̇и д̇ат̇аа бадибаннасса. висзсаад̇хиг̇аманд̇и абхин̃н̃аабадисамбхид̣̇аад̣̇ивисзсаад̇хиг̇амам̣.

    Idāni yasmā bhagavato catuvesārajjānipi aviparītasabhāvatāya paṭhamaphalañāṇassa visayaviseso hoti, tasmā tānipi tassa visayabhāvena dassetuṃ ‘‘sammāsambuddhassa te sato’’tiādi vuttaṃ. Tattha sammāsambuddhassa te satoti ahaṃ sammāsambuddho, mayā sabbe dhammā abhisambuddhāti paṭijānanena sammāsambuddhassa te sato. Ime dhammā anabhisambuddhāti netaṃ ṭhānaṃ vijjatīti ‘‘ime nāma tayā dhammā anabhisambuddhā’’ti koci sahadhammena sahetunā sakāraṇena vacanena, sunakkhatto (dī. ni. 3.1 ādayo; ma. ni. 1.146 ādayo) viya vippalapantā pana appamāṇaṃ. Tasmā sahadhammena paṭicodessatīti etaṃ kāraṇaṃ na vijjati. Esa nayo sesapadesupi. Yassa te atthāya dhammo desitoti rāgādīsu yassa yassa pahānatthāya asubhabhāvanādidhammo kathito. Takkarassāti tathā paṭipannassa. Visesādhigamanti abhiññāpaṭisambhidādivisesādhigamaṃ.

    анд̇арааяигаад̇и анд̇арааяагаран̣ам̣ анд̇арааяо, со сийлам̣ зд̇зсанд̇и анд̇арааяигаа. анд̇арааяз нияуд̇д̇аа, анд̇арааяам̣ ваа палам̣ араханд̇и, анд̇арааяаббаяож̇анаад̇и ваа анд̇арааяигаа. д̇з бана гаммагилзсаад̣̇ибхзд̣̇зна бан̃жавид̇хаа. анияяаанигаад̇и арияамаг̇г̇аваж̇ж̇аа саб̣б̣з д̇хаммаа.

    Antarāyikāti antarāyakaraṇaṃ antarāyo, so sīlaṃ etesanti antarāyikā. Antarāye niyuttā, antarāyaṃ vā phalaṃ arahanti, antarāyappayojanāti vā antarāyikā. Te pana kammakilesādibhedena pañcavidhā. Aniyyānikāti ariyamaggavajjā sabbe dhammā.

    д̣̇идтисамбаннод̇и маг̇г̇ад̣̇идтияаа самбанно сод̇аабанно арияасааваго. сухад̇анд̇и ад̇ивад̇хид̇ам̣. ид̣̇амби згад̣̇зсагат̇анамзва. мад̇агабзд̇аад̣̇ид̣̇аанамби со на гарод̇и зва. бут̇уж̇ж̇анод̇и бут̇уунам̣ гилзсаабхисан̇каараад̣̇ийнам̣ ж̇ананаад̣̇ийхи гааран̣зхи бут̇уж̇ж̇ано. вуд̇д̇ан̃хзд̇ам̣ –

    Diṭṭhisampannoti maggadiṭṭhiyā sampanno sotāpanno ariyasāvako. Suhatanti ativadhitaṃ. Idampi ekadesakathanameva. Matakapetādidānampi so na karoti eva. Puthujjanoti puthūnaṃ kilesābhisaṅkhārādīnaṃ jananādīhi kāraṇehi puthujjano. Vuttañhetaṃ –

    ‘‘бут̇уунам̣ ж̇ананаад̣̇ийхи, гааран̣зхи бут̇уж̇ж̇ано;

    ‘‘Puthūnaṃ jananādīhi, kāraṇehi puthujjano;

    бут̇уж̇ж̇ананд̇ог̇ад̇хад̇д̇аа, бут̇увааяам̣ ж̇ано ид̇ий’’д̇и. (д̣̇ий. ни. адта. 1.7; ма. ни. адта. 1.2; а. ни. адта. 1.1.51; д̇ха. са. адта. 1007; бади. ма. адта. 2.1.130);

    Puthujjanantogadhattā, puthuvāyaṃ jano itī’’ti. (dī. ni. aṭṭha. 1.7; ma. ni. aṭṭha. 1.2; a. ni. aṭṭha. 1.1.51; dha. sa. aṭṭha. 1007; paṭi. ma. aṭṭha. 2.1.130);

    ‘‘маад̇ара’’нд̇иаад̣̇ийсу ж̇анигаа маад̇аа. ж̇анаго жа бид̇аа. мануссабхууд̇о кийн̣аасаво арахаад̇и ад̇хиббзд̇о. гим̣ бана арияасааваго ан̃н̃з ж̇ийвид̇аа воробзяяаад̇и? зд̇амби адтаанам̣. сажзби бхаванд̇араг̇ад̇ам̣ арияасаавагам̣ ад̇д̇ано арияасаавагабхаавам̣ аж̇аананд̇амби гожи звам̣ вад̣̇зяяа ‘‘ид̣̇ам̣ гунт̇агибиллигам̣ ж̇ийвид̇аа воробзд̇ваа сагалажаггаваал̣аг̇аб̣бхз жаггавад̇д̇ираж̇ж̇ам̣ бадибаж̇ж̇аахий’’д̇и, нзва со нам̣ ж̇ийвид̇аа воробзяяа. ат̇ааби звам̣ вад̣̇зяяум̣ – ‘‘сажз имам̣ на гхаад̇зссаси, сийсам̣ д̇з чинд̣̇иссаамаа’’д̇и, сийсамзвасса чинд̣̇зяяум̣, нзва со д̇ам̣ гхаад̇зяяа. бут̇уж̇ж̇анабхаавасса бана махаасааваж̇ж̇абхаавад̣̇ассанад̇т̇ам̣ арияабхаавасса жа б̣алад̣̇ийбанад̇т̇ам̣ звам̣ вуд̇д̇ам̣. аяан̃хзд̇т̇а ад̇хиббааяо – сааваж̇ж̇о вад̇а бут̇уж̇ж̇анабхааво. яад̇ра хи наама маад̇угхаагаад̣̇ийниби аананд̇арияаани гариссад̇и, махааб̣алова жа арияабхааво, яо зд̇аани гаммаани на гарод̇ийд̇и.

    ‘‘Mātara’’ntiādīsu janikā mātā. Janako ca pitā. Manussabhūto khīṇāsavo arahāti adhippeto. Kiṃ pana ariyasāvako aññe jīvitā voropeyyāti? Etampi aṭṭhānaṃ. Sacepi bhavantaragataṃ ariyasāvakaṃ attano ariyasāvakabhāvaṃ ajānantampi koci evaṃ vadeyya ‘‘idaṃ kunthakipillikaṃ jīvitā voropetvā sakalacakkavāḷagabbhe cakkavattirajjaṃ paṭipajjāhī’’ti, neva so naṃ jīvitā voropeyya. Athāpi evaṃ vadeyyuṃ – ‘‘sace imaṃ na ghātessasi, sīsaṃ te chindissāmā’’ti, sīsamevassa chindeyyuṃ, neva so taṃ ghāteyya. Puthujjanabhāvassa pana mahāsāvajjabhāvadassanatthaṃ ariyabhāvassa ca baladīpanatthaṃ evaṃ vuttaṃ. Ayañhettha adhippāyo – sāvajjo vata puthujjanabhāvo. Yatra hi nāma mātughākādīnipi ānantariyāni karissati, mahābalova ca ariyabhāvo, yo etāni kammāni na karotīti.

    сан̇гхам̣ бхинд̣̇зяяаад̇и самаанасам̣ваасагам̣ самаанасиймааяам̣ тид̇ам̣ бан̃жахи гааран̣зхи сан̇гхам̣ бхинд̣̇зяяа. вуд̇д̇ан̃хзд̇ам̣ – ‘‘бан̃жахубаали, аагаарзхи сан̇гхо бхиж̇ж̇ад̇и гаммзна уд̣̇д̣̇зсзна вохаранд̇о ануссааванзна салаагаг̇г̇аахзнаа’’д̇и (бари. 458).

    Saṅghaṃ bhindeyyāti samānasaṃvāsakaṃ samānasīmāyaṃ ṭhitaṃ pañcahi kāraṇehi saṅghaṃ bhindeyya. Vuttañhetaṃ – ‘‘pañcahupāli, ākārehi saṅgho bhijjati kammena uddesena voharanto anussāvanena salākaggāhenā’’ti (pari. 458).

    д̇ад̇т̇а гаммзнаад̇и абалоганаад̣̇ийсу жад̇уусу гаммзсу ан̃н̃ад̇арагаммзна. уд̣̇д̣̇зсзнаад̇и бан̃жасу баад̇имогкуд̣̇д̣̇зсзсу ан̃н̃ад̇арзна уд̣̇д̣̇зсзна. вохаранд̇од̇и гат̇аяанд̇о, д̇аахи д̇аахи убабад̇д̇ийхи ‘‘ад̇хаммам̣ д̇хаммо’’д̇иаад̣̇ийни адтаарасабхзд̣̇агаравад̇т̇ууни д̣̇ийбаяанд̇о. ануссааванзнаад̇и ‘‘нану д̇умхз ж̇аанаат̇а маяхам̣ ужжагулаа баб̣б̣аж̇ид̇абхаавам̣ б̣ахуссуд̇абхааван̃жа, маад̣̇исо наама уд̣̇д̇хаммам̣ уб̣б̣инаяам̣ сад̇т̇усаасанам̣ г̇аахзяяаад̇и гим̣ д̇умхаагам̣ жид̇д̇амби уббаад̣̇зд̇ум̣ яуд̇д̇ам̣, гимахам̣ абааяад̇о на бхааяаамий’’д̇иаад̣̇инаа наязна ган̣н̣амуулз важийбхзд̣̇ам̣ гад̇ваа ануссааванзна. салаагаг̇г̇аахзнаад̇и звам̣ ануссаавзд̇ваа д̇зсам̣ жид̇д̇ам̣ убад̇т̇амбхзд̇ваа анивад̇д̇ид̇хаммам̣ гад̇ваа ‘‘г̇ан̣хат̇а имам̣ салаага’’нд̇и салаагаг̇г̇аахзна.

    Tattha kammenāti apalokanādīsu catūsu kammesu aññatarakammena. Uddesenāti pañcasu pātimokkhuddesesu aññatarena uddesena. Voharantoti kathayanto, tāhi tāhi upapattīhi ‘‘adhammaṃ dhammo’’tiādīni aṭṭhārasabhedakaravatthūni dīpayanto. Anussāvanenāti ‘‘nanu tumhe jānātha mayhaṃ uccakulā pabbajitabhāvaṃ bahussutabhāvañca, mādiso nāma uddhammaṃ ubbinayaṃ satthusāsanaṃ gāheyyāti kiṃ tumhākaṃ cittampi uppādetuṃ yuttaṃ, kimahaṃ apāyato na bhāyāmī’’tiādinā nayena kaṇṇamūle vacībhedaṃ katvā anussāvanena. Salākaggāhenāti evaṃ anussāvetvā tesaṃ cittaṃ upatthambhetvā anivattidhammaṃ katvā ‘‘gaṇhatha imaṃ salāka’’nti salākaggāhena.

    зд̇т̇а жа гаммамзва уд̣̇д̣̇зсо ваа бамаан̣ам̣, вохаараануссааванасалаагаг̇г̇аахаабанам̣ бана буб̣б̣абхааг̇о . адтаарасавад̇т̇уд̣̇ийбанавасзна хи вохаранд̇зна д̇ад̇т̇а ружиж̇ананад̇т̇ам̣ ануссаавзд̇ваа салаагааяа г̇аахид̇ааяаби абхинно зва ход̇и сан̇гхо. яад̣̇аа бана звам̣ жад̇д̇ааро ваа ад̇ирзгаа ваа салаагам̣ г̇аахзд̇ваа аавзн̣игам̣ гаммам̣ ваа уд̣̇д̣̇зсам̣ ваа гаронд̇и, д̇ад̣̇аа сан̇гхо бхинно наама ход̇и. звам̣ д̣̇идтисамбанно буг̇г̇ало сан̇гхам̣ бхинд̣̇зяяа сан̇гхарааж̇им̣ ваа ж̇анзяяаад̇и нзд̇ам̣ таанам̣ виж̇ж̇ад̇ийд̇и.

    Ettha ca kammameva uddeso vā pamāṇaṃ, vohārānussāvanasalākaggāhāpanaṃ pana pubbabhāgo . Aṭṭhārasavatthudīpanavasena hi voharantena tattha rucijananatthaṃ anussāvetvā salākāya gāhitāyapi abhinno eva hoti saṅgho. Yadā pana evaṃ cattāro vā atirekā vā salākaṃ gāhetvā āveṇikaṃ kammaṃ vā uddesaṃ vā karonti, tadā saṅgho bhinno nāma hoti. Evaṃ diṭṭhisampanno puggalo saṅghaṃ bhindeyya saṅgharājiṃ vā janeyyāti netaṃ ṭhānaṃ vijjatīti.

    д̣̇удтажид̇д̇од̇и вад̇хагажид̇д̇зна бад̣̇удтажид̇д̇о. лохид̇ам̣ уббаад̣̇зяяаад̇и ж̇ийвамаанагасарийрз куд̣̇д̣̇агамагкигааяа биванамад̇д̇амби лохид̇ам̣ уббаад̣̇зяяа. зд̇д̇аавад̇аа хи маад̇угхаад̇аад̣̇ийни бан̃жаананд̇арияагаммаани д̣̇ассид̇аани хонд̇и. яаани бут̇уж̇ж̇ано гарод̇и, на арияасааваго. д̣̇удтажид̇д̇од̇и винаасажид̇д̇зна бад̣̇удтажид̇д̇о. т̇уубанд̇и жзд̇ияам̣. бхинд̣̇зяяаад̇и наасзяяа.

    Duṭṭhacittoti vadhakacittena paduṭṭhacitto. Lohitaṃ uppādeyyāti jīvamānakasarīre khuddakamakkhikāya pivanamattampi lohitaṃ uppādeyya. Ettāvatā hi mātughātādīni pañcānantariyakammāni dassitāni honti. Yāni puthujjano karoti, na ariyasāvako. Duṭṭhacittoti vināsacittena paduṭṭhacitto. Thūpanti cetiyaṃ. Bhindeyyāti nāseyya.

    ан̃н̃ам̣ сад̇т̇ааранд̇и ‘‘аяам̣ мз сад̇т̇аа сад̇т̇у гижжам̣ гаад̇ум̣ самад̇т̇о’’д̇и бхаванд̇арзби ан̃н̃ам̣ д̇ид̇т̇агарам̣. абад̣̇исзяяаад̇и ‘‘аяам̣ мз сад̇т̇аа’’д̇и звам̣ г̇ан̣хзяяаад̇и нзд̇ам̣ таанам̣ виж̇ж̇ад̇и. ид̇о б̣ахид̣̇д̇хаа ан̃н̃ам̣ д̣̇агкин̣зяяам̣ бариязсзяяаад̇и саасанад̇о б̣ахид̣̇д̇хаа ан̃н̃ам̣ б̣аахирагам̣ саман̣ам̣ ваа б̣раахман̣ам̣ ваа ‘‘аяам̣ д̣̇агкин̣аарахо, имасмим̣ гад̇аа гаараа махабпалаа бхависсанд̇ий’’д̇и ад̇хиббааязна д̇асмим̣ бадибаж̇ж̇зяяаад̇и ад̇т̇о. гуд̇уухаламан̇г̇алзна суд̣̇д̇хим̣ бажжзяяаад̇и ‘‘иминаа ид̣̇ам̣ бхависсад̇ий’’д̇и звам̣ бавад̇д̇ад̇д̇аа гуд̇уухаласан̇каад̇зна д̣̇идтасуд̇амуд̇аман̇г̇алзна ад̇д̇ано суд̣̇д̇хим̣ вод̣̇аанам̣ сад̣̇д̣̇ахзяяа.

    Aññaṃ satthāranti ‘‘ayaṃ me satthā satthu kiccaṃ kātuṃ samattho’’ti bhavantarepi aññaṃ titthakaraṃ. Apadiseyyāti ‘‘ayaṃ me satthā’’ti evaṃ gaṇheyyāti netaṃ ṭhānaṃ vijjati. Ito bahiddhā aññaṃ dakkhiṇeyyaṃ pariyeseyyāti sāsanato bahiddhā aññaṃ bāhirakaṃ samaṇaṃ vā brāhmaṇaṃ vā ‘‘ayaṃ dakkhiṇāraho, imasmiṃ katā kārā mahapphalā bhavissantī’’ti adhippāyena tasmiṃ paṭipajjeyyāti attho. Kutūhalamaṅgalena suddhiṃ pacceyyāti ‘‘iminā idaṃ bhavissatī’’ti evaṃ pavattattā kutūhalasaṅkhātena diṭṭhasutamutamaṅgalena attano suddhiṃ vodānaṃ saddaheyya.

    57. ид̇т̇ий рааж̇аа жаггавад̇д̇ий сияаад̇и нзд̇ам̣ таанам̣ виж̇ж̇ад̇ийд̇и яасмаа ид̇т̇ияаа госохид̇авад̇т̇аг̇уяхаад̣̇ийнам̣ абхаавзна лагкан̣аани на барибууранд̇и, ид̇т̇ирад̇анаабхаавзна жа сад̇д̇арад̇анасаман̇г̇ид̇аа на самбаж̇ж̇ад̇и. саб̣б̣амануссаанамби жа на ад̇хиго ад̇д̇абхааво ход̇и, д̇асмаа ‘‘ид̇т̇ий…бз… виж̇ж̇ад̇ий’’д̇и вуд̇д̇ам̣. яасмаа саггад̇д̇аад̣̇ийни д̇ийн̣и таанаани уд̇д̇амаани, ид̇т̇илин̇г̇ан̃жа хийнам̣, д̇асмаа д̇ассаа саггад̇д̇аад̣̇ийниби бадисид̣̇д̇хаанийд̇и. нану жа яат̇аа ид̇т̇илин̇г̇ам̣, звам̣ бурисалин̇г̇амби б̣рахмалогз над̇т̇и, д̇асмаа бурисо махааб̣рахмаа сияаад̇и на вад̇д̇аб̣б̣анд̇и? но на вад̇д̇аб̣б̣ам̣. гасмаа? ид̇ха бурисасса д̇ад̇т̇а ниб̣б̣ад̇д̇анад̇о. ид̇т̇ияо хи ид̇ха жхаанам̣ бхаавзд̇ваа гаалам̣ гад̇ваа б̣рахмабаарисаж̇ж̇аанам̣ сахаб̣яад̇ам̣ убабаж̇ж̇анд̇и, на махааб̣рахмаанам̣. бурисо бана гад̇т̇ажи на уббаж̇ж̇ад̇ийд̇и на вад̇д̇аб̣б̣о. самаанзби д̇ад̇т̇а убхаяалин̇г̇аабхаавз бурисасан̣таанаава д̇ад̇т̇а б̣рахмаано, на ид̇т̇исан̣таанаа, д̇асмаа сувуд̇д̇амзд̇ам̣. ид̇т̇ий д̇ат̇ааг̇ад̇од̇и зд̇т̇а д̇идтад̇у д̇аава саб̣б̣ан̃н̃уг̇ун̣з ниб̣б̣ад̇д̇зд̇ваа логаанам̣ д̇ааран̣асамад̇т̇о б̣уд̣̇д̇хабхааво, бан̣ид̇хаанамад̇д̇амби ид̇т̇ияаа на самбаж̇ж̇ад̇и.

    57.Itthī rājā cakkavattī siyāti netaṃ ṭhānaṃ vijjatīti yasmā itthiyā kosohitavatthaguyhādīnaṃ abhāvena lakkhaṇāni na paripūranti, itthiratanābhāvena ca sattaratanasamaṅgitā na sampajjati. Sabbamanussānampi ca na adhiko attabhāvo hoti, tasmā ‘‘itthī…pe… vijjatī’’ti vuttaṃ. Yasmā sakkattādīni tīṇi ṭhānāni uttamāni, itthiliṅgañca hīnaṃ, tasmā tassā sakkattādīnipi paṭisiddhānīti. Nanu ca yathā itthiliṅgaṃ, evaṃ purisaliṅgampi brahmaloke natthi, tasmā puriso mahābrahmā siyāti na vattabbanti? No na vattabbaṃ. Kasmā? Idha purisassa tattha nibbattanato. Itthiyo hi idha jhānaṃ bhāvetvā kālaṃ katvā brahmapārisajjānaṃ sahabyataṃ upapajjanti, na mahābrahmānaṃ. Puriso pana katthaci na uppajjatīti na vattabbo. Samānepi tattha ubhayaliṅgābhāve purisasaṇṭhānāva tattha brahmāno, na itthisaṇṭhānā, tasmā suvuttametaṃ. Itthī tathāgatoti ettha tiṭṭhatu tāva sabbaññuguṇe nibbattetvā lokānaṃ tāraṇasamattho buddhabhāvo, paṇidhānamattampi itthiyā na sampajjati.

    ‘‘мануссад̇д̇ам̣ лин̇г̇асамбад̇д̇и, хзд̇у сад̇т̇аарад̣̇ассанам̣;

    ‘‘Manussattaṃ liṅgasampatti, hetu satthāradassanaṃ;

    баб̣б̣аж̇ж̇аа г̇ун̣асамбад̇д̇и, ад̇хигааро жа чанд̣̇ад̇аа;

    Pabbajjā guṇasampatti, adhikāro ca chandatā;

    адтад̇хаммасамод̇хаанаа, абхинийхааро самиж̇жхад̇ий’’д̇и. (б̣у. вам̣. 2.59) –

    Aṭṭhadhammasamodhānā, abhinīhāro samijjhatī’’ti. (bu. vaṃ. 2.59) –

    имаани хи бан̣ид̇хаанасамбад̇д̇игааран̣аани. ид̇и бан̣ид̇хаанамад̇д̇амби самбаад̣̇зд̇ум̣ асамад̇т̇ааяа ид̇т̇ияаа гуд̇о б̣уд̣̇д̇хабхаавод̇и ‘‘ид̇т̇ий д̇ат̇ааг̇ад̇о арахам̣ саммаасамб̣уд̣̇д̇хо сияаад̇и нзд̇ам̣ таанам̣ виж̇ж̇ад̇ий’’д̇и вуд̇д̇ам̣. саб̣б̣аагаарабарибууро бун̃н̃уссаяо саб̣б̣аагаарабарибуурамзва ад̇д̇абхаавам̣ ниб̣б̣ад̇д̇зд̇ийд̇и бурисова арахам̣ ход̇и саммаасамб̣уд̣̇д̇хо.

    Imāni hi paṇidhānasampattikāraṇāni. Iti paṇidhānamattampi sampādetuṃ asamatthāya itthiyā kuto buddhabhāvoti ‘‘itthī tathāgato arahaṃ sammāsambuddho siyāti netaṃ ṭhānaṃ vijjatī’’ti vuttaṃ. Sabbākāraparipūro puññussayo sabbākāraparipūrameva attabhāvaṃ nibbattetīti purisova arahaṃ hoti sammāsambuddho.

    згиссаа логад̇хаад̇уяаад̇и д̣̇асасахассилогад̇хаад̇уяаа, яаа ж̇аад̇икзд̇д̇анд̇и вужжад̇и. саа хи д̇ат̇ааг̇ад̇асса г̇аб̣бхогганд̇игаалаад̣̇ийсу гамбад̇и. аан̣аакзд̇д̇ам̣ бана годисад̇асахассажаггаваал̣ам̣. яаа згад̇о сам̣ваддад̇и жа виваддад̇и жа, яад̇т̇а жа аадаанаадияабарид̇д̇аад̣̇ийнам̣ (д̣̇ий. ни. 3.277 аад̣̇аяо) аан̣аа бавад̇д̇ад̇и. висаяакзд̇д̇асса баримаан̣ам̣ над̇т̇и. б̣уд̣̇д̇хаанан̃хи ‘‘яаавад̇агам̣ н̃аан̣ам̣ д̇аавад̇агам̣ нзяяам̣, яаавад̇агам̣ нзяяам̣ д̇аавад̇агам̣ н̃аан̣ам̣, нзяяабарияанд̇игам̣ н̃аан̣ам̣, н̃аан̣абарияанд̇игам̣ нзяяа’’нд̇и (махаани. 69; жуул̣ани. могхарааж̇амаан̣авабужчаанид̣̇д̣̇зса 85; бади. ма. 3.5) важанад̇о ависаяо наама над̇т̇и. ид̇и имзсу д̇ийсу кзд̇д̇зсу д̇иссо сан̇г̇ийд̇ияо аарул̣хз д̇збидагз б̣уд̣̇д̇хаважанз ‘‘табзд̇ваа имам̣ жаггаваал̣ам̣ ан̃н̃асмим̣ жаггаваал̣з б̣уд̣̇д̇хаа уббаж̇ж̇анд̇ий’’д̇и суд̇д̇ам̣ над̇т̇и, на уббаж̇ж̇анд̇ийд̇и бана ад̇т̇и.

    Ekissā lokadhātuyāti dasasahassilokadhātuyā, yā jātikhettanti vuccati. Sā hi tathāgatassa gabbhokkantikālādīsu kampati. Āṇākhettaṃ pana koṭisatasahassacakkavāḷaṃ. Yā ekato saṃvaṭṭati ca vivaṭṭati ca, yattha ca āṭānāṭiyaparittādīnaṃ (dī. ni. 3.277 ādayo) āṇā pavattati. Visayakhettassa parimāṇaṃ natthi. Buddhānañhi ‘‘yāvatakaṃ ñāṇaṃ tāvatakaṃ neyyaṃ, yāvatakaṃ neyyaṃ tāvatakaṃ ñāṇaṃ, neyyapariyantikaṃ ñāṇaṃ, ñāṇapariyantikaṃ neyya’’nti (mahāni. 69; cūḷani. mogharājamāṇavapucchāniddesa 85; paṭi. ma. 3.5) vacanato avisayo nāma natthi. Iti imesu tīsu khettesu tisso saṅgītiyo āruḷhe tepiṭake buddhavacane ‘‘ṭhapetvā imaṃ cakkavāḷaṃ aññasmiṃ cakkavāḷe buddhā uppajjantī’’ti suttaṃ natthi, na uppajjantīti pana atthi.

    абуб̣б̣ам̣ ажариманд̇и абурз абажчаа згад̇о на уббаж̇ж̇анд̇и, бурз ваа бажчаа ваа уббаж̇ж̇анд̇ийд̇и вуд̇д̇ам̣ ход̇и. д̇ад̇т̇а г̇аб̣бхогганд̇ид̇о буб̣б̣з бурзд̇и взд̣̇ид̇аб̣б̣ам̣. д̇ад̇о бадтааяа хи д̣̇асасахассижаггаваал̣агамбанзна кзд̇д̇абариг̇г̇ахо гад̇о наама ход̇и, ан̃н̃асса б̣уд̣̇д̇хасса уббад̇д̇и над̇т̇и. д̇хаад̇убариниб̣б̣аанад̇о барам̣ бана бажчаа, д̇ад̇о хздтааби ан̃н̃асса б̣уд̣̇д̇хасса уббад̇д̇и над̇т̇и, уд̣̇д̇хам̣ на ваарид̇аа.

    Apubbaṃacarimanti apure apacchā ekato na uppajjanti, pure vā pacchā vā uppajjantīti vuttaṃ hoti. Tattha gabbhokkantito pubbe pureti veditabbaṃ. Tato paṭṭhāya hi dasasahassicakkavāḷakampanena khettapariggaho kato nāma hoti, aññassa buddhassa uppatti natthi. Dhātuparinibbānato paraṃ pana pacchā, tato heṭṭhāpi aññassa buddhassa uppatti natthi, uddhaṃ na vāritā.

    гасмаа бана абуб̣б̣ам̣ ажаримам̣ на уббаж̇ж̇анд̇ийд̇и? анажчарияад̇д̇аа. ажчарияамануссаа хи б̣уд̣̇д̇хаа бхаг̇аванд̇о. яат̇ааха – ‘‘згабуг̇г̇ало, бхигкавз, логз уббаж̇ж̇амаано уббаж̇ж̇ад̇и ажчарияамануссо’’д̇иаад̣̇и (а. ни. 1.171). яад̣̇и жа анзгз б̣уд̣̇д̇хаа згад̇о уббаж̇ж̇зяяум̣, анажчарияаа бхавзяяум̣. д̣̇зсанааяа жа висзсаабхаавад̇о. яан̃хи сад̇ибадтаанаад̣̇ибхзд̣̇ам̣ д̇хаммам̣ зго д̣̇зсзд̇и, ан̃н̃знаби со зва д̣̇зсзд̇аб̣б̣о сияаа, виваад̣̇абхаавад̇о жа. б̣ахуусу хи б̣уд̣̇д̇хзсу згад̇о уббаннзсу б̣ахуунам̣ аажарияаанам̣ анд̇зваасигаа вияа ‘‘амхаагам̣ б̣уд̣̇д̇хо баасаад̣̇иго’’д̇иаад̣̇инаа д̇зсам̣ саавагаа вивад̣̇зяяум̣. гим̣ ваа зд̇зна гааран̣аг̇авзсанзна, д̇хаммад̇аавзсаа яам̣ згиссаа логад̇хаад̇уяаа д̣̇вз д̇ат̇ааг̇ад̇аа згад̇о на уббаж̇ж̇анд̇ийд̇и (ми. ба. 5.1.1).

    Kasmā pana apubbaṃ acarimaṃ na uppajjantīti? Anacchariyattā. Acchariyamanussā hi buddhā bhagavanto. Yathāha – ‘‘ekapuggalo, bhikkhave, loke uppajjamāno uppajjati acchariyamanusso’’tiādi (a. ni. 1.171). Yadi ca aneke buddhā ekato uppajjeyyuṃ, anacchariyā bhaveyyuṃ. Desanāya ca visesābhāvato. Yañhi satipaṭṭhānādibhedaṃ dhammaṃ eko deseti, aññenapi so eva desetabbo siyā, vivādabhāvato ca. Bahūsu hi buddhesu ekato uppannesu bahūnaṃ ācariyānaṃ antevāsikā viya ‘‘amhākaṃ buddho pāsādiko’’tiādinā tesaṃ sāvakā vivadeyyuṃ. Kiṃ vā etena kāraṇagavesanena, dhammatāvesā yaṃ ekissā lokadhātuyā dve tathāgatā ekato na uppajjantīti (mi. pa. 5.1.1).

    яат̇аа нимб̣аб̣ийж̇агосаад̇агиб̣ийж̇аад̣̇ийни мад̇хурам̣ палам̣ на ниб̣б̣ад̇д̇знд̇и, асаад̇ам̣ амад̇хурамзва палам̣ ниб̣б̣ад̇д̇знд̇и, звам̣ гааяад̣̇ужжарид̇аад̣̇ийни мад̇хуравибаагам̣ на ниб̣б̣ад̇д̇знд̇и амад̇хурамзва ниб̣б̣ад̇д̇знд̇и. яат̇аа жа ужчуб̣ийж̇асаалиб̣ийж̇аад̣̇ийни мад̇хурам̣ саад̣̇урасамзва палам̣ ниб̣б̣ад̇д̇знд̇и на асаад̇ам̣ гадугам̣. звам̣ гааяасужарид̇аад̣̇ийни мад̇хурамзва вибаагам̣ ниб̣б̣ад̇д̇знд̇и на амад̇хурам̣. вуд̇д̇амби жзд̇ам̣ –

    Yathā nimbabījakosātakibījādīni madhuraṃ phalaṃ na nibbattenti, asātaṃ amadhurameva phalaṃ nibbattenti, evaṃ kāyaduccaritādīni madhuravipākaṃ na nibbattenti amadhurameva nibbattenti. Yathā ca ucchubījasālibījādīni madhuraṃ sādurasameva phalaṃ nibbattenti na asātaṃ kaṭukaṃ. Evaṃ kāyasucaritādīni madhurameva vipākaṃ nibbattenti na amadhuraṃ. Vuttampi cetaṃ –

    ‘‘яаад̣̇исам̣ вабад̇з б̣ийж̇ам̣, д̇аад̣̇исам̣ харад̇з палам̣;

    ‘‘Yādisaṃ vapate bījaṃ, tādisaṃ harate phalaṃ;

    галяаан̣агаарий галяаан̣ам̣, баабагаарий жа баабага’’нд̇и. (сам̣. ни. 1.256; нзд̇д̇и. 122);

    Kalyāṇakārī kalyāṇaṃ, pāpakārī ca pāpaka’’nti. (saṃ. ni. 1.256; netti. 122);

    д̇асмаа ‘‘д̇ин̣н̣ам̣ д̣̇ужжарид̇аана’’нд̇иаад̣̇и вуд̇д̇ам̣.

    Tasmā ‘‘tiṇṇaṃ duccaritāna’’ntiādi vuttaṃ.

    ан̃н̃ад̇аро саман̣о ваа б̣раахман̣о ваад̇и яо гожи баб̣б̣аж̇ж̇аамад̇д̇зна саман̣о ваа ж̇аад̇имад̇д̇зна б̣раахман̣о ваа. баабижчо самбхааванаад̇хиббааязна вимхаабанад̇о гухаго. бажжаяасанниссид̇ааяа баяуд̇д̇аваажааяа васзна лабаго. бажжаяаниб̣б̣ад̇д̇аганимид̇д̇ааважарад̇о нзмид̇д̇аго. гуханалабананзмид̇д̇агад̇д̇ам̣ буб̣б̣ан̇г̇амам̣ гад̇ваад̇и гуханаад̣̇ибхаавамзва бурагкад̇ваа санд̇инд̣̇рияо санд̇амаанасо вияа жаранд̇о. бан̃жа нийваран̣зд̇и гаамажчанд̣̇аад̣̇игз бан̃жа нийваран̣з. аббахааяа асамужчинд̣̇ид̇ваа, жзд̇асо убаггилзсзд̇и нийваран̣з. нийваран̣аа хи жид̇д̇ам̣ убаггилзсзнд̇и гилидтам̣ гаронд̇и виб̣аад̇хзнд̇и убад̇аабзнд̇и жа. д̇асмаа ‘‘жзд̇асо убаггилзсаа’’д̇и вужжанд̇и. бан̃н̃ааяа д̣̇уб̣б̣алийгаран̣зд̇и нийваран̣з. нийваран̣аа хи уббаж̇ж̇амаанаа ануббаннааяа бан̃н̃ааяа уббаж̇ж̇ид̇ум̣ на д̣̇знд̇и. д̇асмаа ‘‘бан̃н̃ааяа д̣̇уб̣б̣алийгаран̣аа’’д̇и вужжанд̇и. анубадтид̇ассад̇ийд̇и жад̇уусу сад̇ибадтаанзсу на убадтид̇ассад̇и. абхааваяид̇ваад̇и авад̣дхаяид̇ваа. ануд̇д̇арам̣ саммаасамб̣од̇хинд̇и арахад̇д̇абад̣̇адтаанам̣ саб̣б̣ан̃н̃уд̇ан̃н̃аан̣ам̣.

    Aññataro samaṇo vā brāhmaṇo vāti yo koci pabbajjāmattena samaṇo vā jātimattena brāhmaṇo vā. Pāpiccho sambhāvanādhippāyena vimhāpanato kuhako. Paccayasannissitāya payuttavācāya vasena lapako. Paccayanibbattakanimittāvacarato nemittako. Kuhanalapananemittakattaṃ pubbaṅgamaṃ katvāti kuhanādibhāvameva purakkhatvā santindriyo santamānaso viya caranto. Pañca nīvaraṇeti kāmacchandādike pañca nīvaraṇe. Appahāya asamucchinditvā, cetaso upakkileseti nīvaraṇe. Nīvaraṇā hi cittaṃ upakkilesenti kiliṭṭhaṃ karonti vibādhenti upatāpenti ca. Tasmā ‘‘cetaso upakkilesā’’ti vuccanti. Paññāya dubbalīkaraṇeti nīvaraṇe. Nīvaraṇā hi uppajjamānā anuppannāya paññāya uppajjituṃ na denti. Tasmā ‘‘paññāya dubbalīkaraṇā’’ti vuccanti. Anupaṭṭhitassatīti catūsu satipaṭṭhānesu na upaṭṭhitassati. Abhāvayitvāti avaḍḍhayitvā. Anuttaraṃ sammāsambodhinti arahattapadaṭṭhānaṃ sabbaññutaññāṇaṃ.

    бажчимаваарз ан̃н̃ад̇аро саман̣о ваа б̣раахман̣о ваад̇и саб̣б̣ан̃н̃уб̣од̇хисад̇д̇ам̣ санд̇хааяа вад̣̇ад̇и. д̇ад̇т̇а саб̣б̣ад̣̇осаабаг̇ад̇од̇и саб̣б̣зхи баарамид̇аабадибагкабхууд̇зхи д̣̇осзхи абаг̇ад̇о. зд̇зна барибуурид̇абаарамибхаавам̣ д̣̇ассзд̇и. сад̇ибадтаанаани вибассанаа, б̣ож̇жхан̇г̇о маг̇г̇о, ануд̇д̇араа саммаасамб̣од̇хи арахад̇д̇ам̣. сад̇ибадтаанаани ваа вибассанаа, б̣ож̇жхан̇г̇аа миссагаа, саммаасамб̣од̇хи арахад̇д̇амзва. сзсам̣ ананд̇араваарз вуд̇д̇абадибагкад̇о взд̣̇ид̇аб̣б̣ам̣. яам̣ зд̇т̇а н̃аан̣анд̇и яам̣ зд̇асмим̣ яат̇аавуд̇д̇з таанз жа таанам̣, адтаанз жа адтаананд̇и бавад̇д̇ам̣ н̃аан̣ам̣. хзд̇усод̇и д̇асса таанасса адтаанасса жа хзд̇уд̇о. таанасод̇и д̇ан̇кан̣з зва ааваж̇ж̇анасамананд̇арам̣. анод̇хисод̇и од̇хиабхаавзна, гин̃жи анавасзсзд̇ваад̇и ад̇т̇о.

    Pacchimavāre aññataro samaṇo vā brāhmaṇo vāti sabbaññubodhisattaṃ sandhāya vadati. Tattha sabbadosāpagatoti sabbehi pāramitāpaṭipakkhabhūtehi dosehi apagato. Etena paripūritapāramibhāvaṃ dasseti. Satipaṭṭhānāni vipassanā, bojjhaṅgo maggo, anuttarā sammāsambodhi arahattaṃ. Satipaṭṭhānāni vā vipassanā, bojjhaṅgā missakā, sammāsambodhi arahattameva. Sesaṃ anantaravāre vuttapaṭipakkhato veditabbaṃ. Yaṃ ettha ñāṇanti yaṃ etasmiṃ yathāvutte ṭhāne ca ṭhānaṃ, aṭṭhāne ca aṭṭhānanti pavattaṃ ñāṇaṃ. Hetusoti tassa ṭhānassa aṭṭhānassa ca hetuto. Ṭhānasoti taṅkhaṇe eva āvajjanasamanantaraṃ. Anodhisoti odhiabhāvena, kiñci anavasesetvāti attho.

    ид̇и таанаадтаанаг̇ад̇аад̇иаад̣̇ийсу звам̣ таанаадтаанабхаавам̣ г̇ад̇аа. саб̣б̣зд̇и каяаваяавираж̇ж̇ананируж̇жханасабхааваа сан̇кад̇ад̇хаммаа, д̇з зва жа сад̇д̇абан̃н̃ад̇д̇ияаа убаад̣̇аанабхууд̇аа гзжи саг̇г̇уубаг̇аа яз д̇хаммажаарино, гзжи абааяуубаг̇аа яз ад̇хаммажаарино, гзжи ниб̣б̣аануубаг̇аа яз гаммагкаяагарам̣ арияамаг̇г̇ам̣ бадибаннаа.

    Iti ṭhānāṭṭhānagatātiādīsu evaṃ ṭhānāṭṭhānabhāvaṃ gatā. Sabbeti khayavayavirajjananirujjhanasabhāvā saṅkhatadhammā, te eva ca sattapaññattiyā upādānabhūtā keci saggūpagā ye dhammacārino, keci apāyūpagā ye adhammacārino, keci nibbānūpagā ye kammakkhayakaraṃ ariyamaggaṃ paṭipannā.

    58. ид̣̇аани яат̇аавуд̇д̇амад̇т̇ам̣ виваранд̇о ‘‘саб̣б̣з сад̇д̇аа мариссанд̇ий’’д̇и г̇аат̇аад̣̇ваяамааха. д̇асса ад̇т̇ам̣ ‘‘саб̣б̣з сад̇д̇аад̇и арияаа жа анарияаа жаа’’д̇иаад̣̇инаа саяамзва нид̣̇д̣̇исад̇и. д̇ад̇т̇а ж̇ийвид̇абарияанд̇о маран̣абарияанд̇од̇и ж̇ийвид̇асса барияанд̇о наама маран̣асан̇каад̇о анд̇о. яат̇аагаммам̣ г̇амиссанд̇ийд̇и зд̇т̇а яад̣̇зд̇ам̣ сад̇д̇аанам̣ яат̇аагаммам̣ г̇аманам̣, аяам̣ гаммассагад̇аад̇и ад̇т̇о . гаммаанам̣ палад̣̇ассаавид̇аа жа авиббаваасо жаад̇и ‘‘бун̃н̃абаабапалуубаг̇аа’’д̇и иминаа важанзна гаммаанам̣ паласса бажжагкагаарид̇аа, гад̇уубажид̇аанам̣ гаммаанам̣ ад̇д̇ано паласса аббад̣̇аанаабхааво жа д̣̇ассид̇од̇и ад̇т̇о.

    58. Idāni yathāvuttamatthaṃ vivaranto ‘‘sabbe sattā marissantī’’ti gāthādvayamāha. Tassa atthaṃ ‘‘sabbe sattāti ariyā ca anariyā cā’’tiādinā sayameva niddisati. Tattha jīvitapariyanto maraṇapariyantoti jīvitassa pariyanto nāma maraṇasaṅkhāto anto. Yathākammaṃ gamissantīti ettha yadetaṃ sattānaṃ yathākammaṃ gamanaṃ, ayaṃ kammassakatāti attho . Kammānaṃ phaladassāvitā ca avippavāso cāti ‘‘puññapāpaphalūpagā’’ti iminā vacanena kammānaṃ phalassa paccakkhakāritā, katūpacitānaṃ kammānaṃ attano phalassa appadānābhāvo ca dassitoti attho.

    гаммамзва гамманд̇ам̣, баабам̣ гамманд̇ам̣ зд̇зсанд̇и баабагамманд̇аа, д̇асса ад̇т̇ам̣ д̣̇ассзд̇ум̣ ‘‘абун̃н̃асан̇каараа’’д̇и вуд̇д̇ам̣. абун̃н̃о сан̇кааро зд̇зсанд̇и абун̃н̃асан̇каараа. баабагамманд̇аад̇и ваа ниссаггаважанам̣, баабагамманд̇ахзд̇ууд̇и ад̇т̇о. д̇ат̇аа бун̃н̃асан̇каараад̇иаад̣̇ийсуби. буна ‘‘нираяам̣ баабагамманд̇аа’’д̇иаад̣̇инаа анд̇ад̣̇ваязна сад̣̇д̇хим̣ маж̇жхимабадибад̣̇ам̣ д̣̇ассзд̇и. д̇ат̇аа ‘‘аяам̣ сам̣гилзсо’’д̇иаад̣̇инаа ваддавиваддавасзна аад̣̇ийнавассаад̣̇аниссаран̣авасзна хзд̇упалавасзна жа г̇аат̇ааяам̣ д̇аяо ад̇т̇авигаббаа д̣̇ассид̇аа. буна ‘‘нираяам̣ баабагамманд̇аад̇и аяам̣ сам̣гилзсо’’д̇иаад̣̇инаа вод̣̇аанавасзна г̇аат̇ааяа ад̇т̇ам̣ д̣̇ассзд̇и.

    Kammameva kammantaṃ, pāpaṃ kammantaṃ etesanti pāpakammantā, tassa atthaṃ dassetuṃ ‘‘apuññasaṅkhārā’’ti vuttaṃ. Apuñño saṅkhāro etesanti apuññasaṅkhārā. Pāpakammantāti vā nissakkavacanaṃ, pāpakammantahetūti attho. Tathā puññasaṅkhārātiādīsupi. Puna ‘‘nirayaṃ pāpakammantā’’tiādinā antadvayena saddhiṃ majjhimapaṭipadaṃ dasseti. Tathā ‘‘ayaṃ saṃkileso’’tiādinā vaṭṭavivaṭṭavasena ādīnavassādanissaraṇavasena hetuphalavasena ca gāthāyaṃ tayo atthavikappā dassitā. Puna ‘‘nirayaṃ pāpakammantāti ayaṃ saṃkileso’’tiādinā vodānavasena gāthāya atthaṃ dasseti.

    59. д̇зна д̇знаад̇и д̇зна д̇зна аж̇жхосид̇авад̇т̇унаа руубабхавааруубабхаваад̣̇инаа. чад̇д̇им̣саад̇и гаамад̇ан̣хаа д̇аава руубаад̣̇ивисаяабхзд̣̇зна ча, д̇ат̇аа бхавад̇ан̣хаа вибхавад̇ан̣хаа жаад̇и адтаараса. д̇аа зва аж̇жхад̇д̇игзсу руубаад̣̇ийсу адтаараса, б̣аахирзсу руубаад̣̇ийсу адтаарасаад̇и звам̣ чад̇д̇им̣са. язна язнаад̇и ‘‘субхам̣ сука’’нд̇иаад̣̇инаа.

    59.Tenatenāti tena tena ajjhositavatthunā rūpabhavaarūpabhavādinā. Chattiṃsāti kāmataṇhā tāva rūpādivisayabhedena cha, tathā bhavataṇhā vibhavataṇhā cāti aṭṭhārasa. Tā eva ajjhattikesu rūpādīsu aṭṭhārasa, bāhiresu rūpādīsu aṭṭhārasāti evaṃ chattiṃsa. Yena yenāti ‘‘subhaṃ sukha’’ntiādinā.

    вод̣̇аанам̣ д̇ивид̇хам̣ канд̇хад̇д̇аяавасзнаад̇и д̇ам̣ д̣̇ассзд̇ум̣ ‘‘д̇ан̣хаасам̣гилзсо’’д̇иаад̣̇и вуд̇д̇ам̣. буна ‘‘саб̣б̣з сад̇д̇аа мариссанд̇ий’’д̇иаад̣̇и бадибад̣̇аавибхааг̇зна г̇аат̇аанамад̇т̇ам̣ д̣̇ассзд̇ум̣ вуд̇д̇ам̣. д̇ад̇т̇а д̇ад̇т̇а г̇ааминийд̇и д̇ад̇т̇а д̇ад̇т̇зва ниб̣б̣аанз г̇ааминий, ниб̣б̣аанасса г̇аманасийлаад̇и ад̇т̇о.

    Vodānaṃ tividhaṃ khandhattayavasenāti taṃ dassetuṃ ‘‘taṇhāsaṃkileso’’tiādi vuttaṃ. Puna ‘‘sabbe sattā marissantī’’tiādi paṭipadāvibhāgena gāthānamatthaṃ dassetuṃ vuttaṃ. Tattha tattha gāminīti tattha tattheva nibbāne gāminī, nibbānassa gamanasīlāti attho.

    буна д̇ад̇т̇ад̇ад̇т̇аг̇ааминийсаб̣б̣ад̇т̇аг̇ааминийнам̣ бадибад̣̇аанам̣ вибхааг̇ам̣ д̣̇ассзд̇ум̣ ‘‘д̇аяо раасий’’д̇иаад̣̇и вуд̇д̇ам̣. яанд̇и яам̣ нираяаад̣̇и. д̇ам̣ д̇ам̣ таанам̣ яат̇аарахам̣ г̇амзд̇ийд̇и саб̣б̣ад̇т̇аг̇ааминий. бадибад̣̇аасан̇каад̇з абун̃н̃агаммз бун̃н̃агаммз жа гаммагкаяагаран̣агаммз жа вибхааг̇асо бхаг̇авад̇о бавад̇д̇анан̃аан̣ам̣. ид̣̇ам̣ саб̣б̣ад̇т̇аг̇ааминий бадибад̣̇аан̃аан̣ам̣ наама д̇ат̇ааг̇ад̇аб̣алам̣. иминаа хи н̃аан̣зна бхаг̇аваа саб̣б̣амби бадибад̣̇ам̣ яат̇аабхууд̇ам̣ баж̇аанаад̇и.

    Puna tatthatatthagāminīsabbatthagāminīnaṃ paṭipadānaṃ vibhāgaṃ dassetuṃ ‘‘tayo rāsī’’tiādi vuttaṃ. Yanti yaṃ nirayādi. Taṃ taṃ ṭhānaṃ yathārahaṃ gametīti sabbatthagāminī. Paṭipadāsaṅkhāte apuññakamme puññakamme ca kammakkhayakaraṇakamme ca vibhāgaso bhagavato pavattanañāṇaṃ. Idaṃ sabbatthagāminī paṭipadāñāṇaṃ nāma tathāgatabalaṃ. Iminā hi ñāṇena bhagavā sabbampi paṭipadaṃ yathābhūtaṃ pajānāti.

    гат̇ам̣? сагалаг̇аамаваасигзсуби згам̣ суугарам̣ ваа миг̇ам̣ ваа маарзнд̇зсу саб̣б̣зсам̣ жзд̇анаа барасса ж̇ийвид̇инд̣̇рияаарамман̣аава ход̇и, д̇ам̣ бана гаммам̣ д̇зсам̣ ааяууханагкан̣зязва наанаа ход̇и. д̇зсу хи зго аад̣̇арзна гарод̇и, зго ‘‘д̇вамби гарохий’’д̇и барзхи ниббийл̣ид̇о гарод̇и , зго самаанажчанд̣̇о вияа худ̇ваа аббадиб̣аахамаано вижарад̇и. д̇зсу зго д̇знзва гаммзна нираяз ниб̣б̣ад̇д̇ад̇и, зго д̇иражчаанаяонияам̣, зго бзд̇д̇ивисаяз, д̇ам̣ д̇ат̇ааг̇ад̇о ааяууханагкан̣з зва ‘‘иминаа нийхаарзна ааяуухид̇ад̇д̇аа зса нираяз ниб̣б̣ад̇д̇иссад̇и, зса д̇иражчаанаяонияам̣, зса бзд̇д̇ивисаяз’’д̇и ж̇аанаад̇и. нираяз ниб̣б̣ад̇д̇анагамби ‘‘зса адтасу махаанираязсу ниб̣б̣ад̇д̇иссад̇и, зса сол̣асасу уссад̣̇зсуу’’д̇и ж̇аанаад̇и. д̇иражчаанаяонияам̣ ниб̣б̣ад̇д̇анагамби ‘‘зса абаад̣̇аго бхависсад̇и, зса д̣̇вибаад̣̇аго, зса жад̇уббаад̣̇аго, зса б̣ахуббаад̣̇аго’’д̇и ж̇аанаад̇и. бзд̇д̇ивисаяз ниб̣б̣ад̇д̇анагамби ‘‘зса ниж̇жхаамад̇ан̣хиго бхависсад̇и, зса куббибаасиго, зса барад̣̇ад̇д̇уубаж̇ийвий’’д̇и ж̇аанаад̇и.

    Kathaṃ? Sakalagāmavāsikesupi ekaṃ sūkaraṃ vā migaṃ vā mārentesu sabbesaṃ cetanā parassa jīvitindriyārammaṇāva hoti, taṃ pana kammaṃ tesaṃ āyūhanakkhaṇeyeva nānā hoti. Tesu hi eko ādarena karoti, eko ‘‘tvampi karohī’’ti parehi nippīḷito karoti , eko samānacchando viya hutvā appaṭibāhamāno vicarati. Tesu eko teneva kammena niraye nibbattati, eko tiracchānayoniyaṃ, eko pettivisaye, taṃ tathāgato āyūhanakkhaṇe eva ‘‘iminā nīhārena āyūhitattā esa niraye nibbattissati, esa tiracchānayoniyaṃ, esa pettivisaye’’ti jānāti. Niraye nibbattanakampi ‘‘esa aṭṭhasu mahānirayesu nibbattissati, esa soḷasasu ussadesū’’ti jānāti. Tiracchānayoniyaṃ nibbattanakampi ‘‘esa apādako bhavissati, esa dvipādako, esa catuppādako, esa bahuppādako’’ti jānāti. Pettivisaye nibbattanakampi ‘‘esa nijjhāmataṇhiko bhavissati, esa khuppipāsiko, esa paradattūpajīvī’’ti jānāti.

    ‘‘д̇зсу жа гаммзсу ид̣̇ам̣ гаммам̣ бадисанд̇хим̣ аагад̣дхиссад̇и, ид̣̇ам̣ наагад̣дхиссад̇и д̣̇уб̣б̣алам̣ д̣̇иннааяа бадисанд̇хияаа убад̇хивзбаггамад̇д̇ам̣ бхависсад̇ий’’д̇и ж̇аанаад̇и. д̇ат̇аа сагалаг̇аамаваасигзсу згад̇о д̣̇аанам̣ д̣̇ад̣̇амаанзсу саб̣б̣зсамби жзд̇анаа д̣̇зяяад̇хаммаарамман̣аава ход̇и, д̇ам̣ бана гаммам̣ д̇зсам̣ ааяууханагкан̣з зва наанам̣ ход̇и. д̇зсу хи гзжи д̣̇звалогз ниб̣б̣ад̇д̇анд̇и, гзжи мануссалогз, д̇ам̣ д̇ат̇ааг̇ад̇о ааяууханагкан̣з зва ‘‘иминаа нийхаарзна ааяуухид̇ад̇д̇аа зса мануссалогз ниб̣б̣ад̇д̇иссад̇и, зса д̣̇звалогз’’д̇и ж̇аанаад̇и. д̇ад̇т̇аби ‘‘зса бараниммид̇авасавад̇д̇ийсу ниб̣б̣ад̇д̇иссад̇и, зса бхуммад̣̇звзсу ниб̣б̣ад̇д̇иссад̇и, зса ж̇здтагад̣̇зварааж̇аа худ̇ваа, зса д̇асса д̣̇уд̇ияам̣ д̇ад̇ияам̣ ваа таананд̇арам̣ гаронд̇о барижаараго худ̇ваа ниб̣б̣ад̇д̇иссад̇ий’’д̇и ж̇аанаад̇и.

    ‘‘Tesu ca kammesu idaṃ kammaṃ paṭisandhiṃ ākaḍḍhissati, idaṃ nākaḍḍhissati dubbalaṃ dinnāya paṭisandhiyā upadhivepakkamattaṃ bhavissatī’’ti jānāti. Tathā sakalagāmavāsikesu ekato dānaṃ dadamānesu sabbesampi cetanā deyyadhammārammaṇāva hoti, taṃ pana kammaṃ tesaṃ āyūhanakkhaṇe eva nānaṃ hoti. Tesu hi keci devaloke nibbattanti, keci manussaloke, taṃ tathāgato āyūhanakkhaṇe eva ‘‘iminā nīhārena āyūhitattā esa manussaloke nibbattissati, esa devaloke’’ti jānāti. Tatthapi ‘‘esa paranimmitavasavattīsu nibbattissati, esa bhummadevesu nibbattissati, esa jeṭṭhakadevarājā hutvā, esa tassa dutiyaṃ tatiyaṃ vā ṭhānantaraṃ karonto paricārako hutvā nibbattissatī’’ti jānāti.

    ‘‘д̇зсу жа гаммзсу ид̣̇ам̣ бадисанд̇хим̣ аагад̣дхид̇ум̣ сагкиссад̇и, ид̣̇ам̣ на сагкиссад̇и д̣̇уб̣б̣алам̣ д̣̇иннааяа бадисанд̇хияаа убад̇хивзбаггамад̇д̇ам̣ бхависсад̇ий’’д̇и ж̇аанаад̇и. д̇ат̇аа ‘‘вибассанам̣ бадтабзнд̇зсу жа зса иминаа нийхаарзна вибассанааяа аарад̣̇д̇хад̇д̇аа арахаа бхависсад̇и, зса анааг̇аамий, зса сагад̣̇ааг̇аамий, зса сод̇аабанно, згаб̣ийж̇ий голам̣голо сад̇д̇агкад̇д̇убарамо, зса маг̇г̇ам̣ бад̇д̇ум̣ на сагкиссад̇и лагкан̣аарамман̣игавибассанааяамзва тассад̇и, зса бажжаяабариг̇г̇ахз, зса наамаруубабариг̇г̇ахз, аруубабариг̇г̇ахз жа тассад̇и, зса махаабхууд̇амад̇д̇амзва вавад̇т̇абзссад̇и, зса гин̃жи саллагкзд̇ум̣ на сагкиссад̇ий’’д̇и ж̇аанаад̇и. ‘‘гасин̣абаригаммам̣ гаронд̇зсуби зса баригаммамад̇д̇з зва тассад̇и, зса нимид̇д̇ам̣ уббаад̣̇зд̇ум̣ сагкиссад̇и, на аббанам̣. зса аббанамби уббаад̣̇зссад̇и, зса жхаанам̣ ад̇хиг̇амиссад̇и, на убаривисзсам̣. зса убаривисзсамби ад̇хиг̇амиссад̇ий’’д̇и ж̇аанаад̇и.

    ‘‘Tesu ca kammesu idaṃ paṭisandhiṃ ākaḍḍhituṃ sakkhissati, idaṃ na sakkhissati dubbalaṃ dinnāya paṭisandhiyā upadhivepakkamattaṃ bhavissatī’’ti jānāti. Tathā ‘‘vipassanaṃ paṭṭhapentesu ca esa iminā nīhārena vipassanāya āraddhattā arahā bhavissati, esa anāgāmī, esa sakadāgāmī, esa sotāpanno, ekabījī kolaṃkolo sattakkhattuparamo, esa maggaṃ pattuṃ na sakkhissati lakkhaṇārammaṇikavipassanāyameva ṭhassati, esa paccayapariggahe, esa nāmarūpapariggahe, arūpapariggahe ca ṭhassati, esa mahābhūtamattameva vavatthapessati, esa kiñci sallakkhetuṃ na sakkhissatī’’ti jānāti. ‘‘Kasiṇaparikammaṃ karontesupi esa parikammamatte eva ṭhassati, esa nimittaṃ uppādetuṃ sakkhissati, na appanaṃ. Esa appanampi uppādessati, esa jhānaṃ adhigamissati, na uparivisesaṃ. Esa uparivisesampi adhigamissatī’’ti jānāti.

    анзгад̇хаад̇ууд̇и анзгаа жагкаад̣̇аяо бат̇аваад̣̇аяо жа д̇хаад̇уяо зд̇ассаад̇и анзгад̇хаад̇у, б̣ахуд̇хаад̇ууд̇и ад̇т̇о. логод̇и канд̇хааяад̇анаад̣̇илого. жагкуд̇хаад̇ууд̇иаад̣̇и яаахи д̇хаад̇уухи ‘‘анзгад̇хаад̇уу’’д̇и лого вуд̇д̇о, д̇аасам̣ саруубад̇о д̣̇ассанам̣. д̇ад̇т̇а сабхаавадтзна ниссад̇д̇адтзна жа д̇хаад̇у. жагку зва д̇хаад̇у жагкуд̇хаад̇у. сзсабад̣̇зсуби зсзва наяо. гаамад̇хаад̇ууд̇и зд̇т̇а д̣̇вз гаамаа гилзсагаамо жа вад̇т̇угаамо жа. гилзсагаамабагкз гаамабадисам̣яуд̇д̇о д̇хаад̇у гаамад̇хаад̇у, гаамавид̇аггассзд̇ам̣ наамам̣. вад̇т̇угаамабагкз бана гаамааважарад̇хаммаа гаамо уд̇д̇арабад̣̇алобзна, гаамо жа со д̇хаад̇у жаад̇и гаамад̇хаад̇у. б̣яаабаад̣̇абадисам̣яуд̇д̇о д̇хаад̇у б̣яаабаад̣̇ад̇хаад̇у, б̣яаабаад̣̇авид̇аггассзд̇ам̣ наамам̣. б̣яаабаад̣̇ова д̇хаад̇у б̣яаабаад̣̇ад̇хаад̇у, д̣̇асааагхаад̇авад̇т̇увисаяасса бадигхассзд̇ам̣ наамам̣. вихим̣саабадисам̣яуд̇д̇о д̇хаад̇у вихим̣саад̇хаад̇у, вихим̣саавид̇агго. вихим̣саа зва ваа д̇хаад̇у вихим̣саад̇хаад̇у, барасад̇д̇авихзсанассзд̇ам̣ наамам̣. нзгкаммааб̣яаабаад̣̇аавихим̣саад̇хаад̇уяо нзгкаммавид̇аггаад̣̇аяо саб̣б̣агусалад̇хаммаа мзд̇д̇аагарун̣аа жаад̇и взд̣̇ид̇аб̣б̣ам̣. руубад̇хаад̇ууд̇и руубабхаво, саб̣б̣з ваа руубад̇хаммаа. аруубад̇хаад̇ууд̇и аруубабхаво, аруубад̇хаммаа ваа. нирод̇хад̇хаад̇ууд̇и нирод̇хад̇ан̣хаа. сан̇каарад̇хаад̇ууд̇и саб̣б̣з сан̇кад̇ад̇хаммаа. сзсам̣ сувин̃н̃зяяам̣.

    Anekadhātūti anekā cakkhādayo pathavādayo ca dhātuyo etassāti anekadhātu, bahudhātūti attho. Lokoti khandhāyatanādiloko. Cakkhudhātūtiādi yāhi dhātūhi ‘‘anekadhātū’’ti loko vutto, tāsaṃ sarūpato dassanaṃ. Tattha sabhāvaṭṭhena nissattaṭṭhena ca dhātu. Cakkhu eva dhātu cakkhudhātu. Sesapadesupi eseva nayo. Kāmadhātūti ettha dve kāmā kilesakāmo ca vatthukāmo ca. Kilesakāmapakkhe kāmapaṭisaṃyutto dhātu kāmadhātu, kāmavitakkassetaṃ nāmaṃ. Vatthukāmapakkhe pana kāmāvacaradhammā kāmo uttarapadalopena, kāmo ca so dhātu cāti kāmadhātu. Byāpādapaṭisaṃyutto dhātu byāpādadhātu, byāpādavitakkassetaṃ nāmaṃ. Byāpādova dhātu byāpādadhātu, dasaāghātavatthuvisayassa paṭighassetaṃ nāmaṃ. Vihiṃsāpaṭisaṃyutto dhātu vihiṃsādhātu, vihiṃsāvitakko. Vihiṃsā eva vā dhātu vihiṃsādhātu, parasattavihesanassetaṃ nāmaṃ. Nekkhammaabyāpādaavihiṃsādhātuyo nekkhammavitakkādayo sabbakusaladhammā mettākaruṇā cāti veditabbaṃ. Rūpadhātūti rūpabhavo, sabbe vā rūpadhammā. Arūpadhātūti arūpabhavo, arūpadhammā vā. Nirodhadhātūti nirodhataṇhā. Saṅkhāradhātūti sabbe saṅkhatadhammā. Sesaṃ suviññeyyaṃ.

    ан̃н̃аман̃н̃авилагкан̣ад̇д̇аа наанаббагаараа д̇хаад̇уяо зд̇асминд̇и наанаад̇хаад̇у, лого. д̇знзвааха – ‘‘ан̃н̃аа жагкуд̇хаад̇у яаава ан̃н̃аа ниб̣б̣аанад̇хаад̇уу’’д̇и, яат̇аа жа ид̣̇ам̣ н̃аан̣ам̣ жагкуд̇хаад̇уаад̣̇ибхзд̣̇зна убаад̣̇иннагасан̇кааралогасса васзна анзгад̇хаад̇унаанаад̇хаад̇улогам̣ баж̇аанаад̇и, звам̣ анубаад̣̇иннагасан̇кааралогассаби васзна д̇ам̣ баж̇аанаад̇и. бажжзгаб̣уд̣̇д̇хаа хи д̣̇вз жа аг̇г̇асаавагаа убаад̣̇иннагасан̇кааралогассзва наанад̇д̇ам̣ ж̇аананд̇и, д̇амби згад̣̇зсзнзва, на ниббад̣̇зсад̇о. анубаад̣̇иннагасан̇кааралогасса бана наанад̇д̇ам̣ на ж̇аананд̇и. бхаг̇аваа бана ‘‘имааяа наама д̇хаад̇уяаа уссаннааяа имасса ругкасса канд̇хо сзд̇о ход̇и, имасса гаал̣о, имасса мадто, имасса парусо, имасса б̣ахало, имасса д̇ануд̇д̇ажо. имааяа наама д̇хаад̇уяаа уссаннааяа имасса ругкасса бад̇д̇ам̣ ван̣н̣асан̣таанаад̣̇ивасзна зваруубам̣ наама ход̇и, имааяа наама д̇хаад̇уяаа уссаннад̇д̇аа имасса ругкасса бубпам̣ нийлам̣ ход̇и бийд̇агам̣ лохид̇агам̣ од̣̇аад̇ам̣ суг̇анд̇хам̣ д̣̇уг̇г̇анд̇хам̣, имааяа наама д̇хаад̇уяаа уссаннааяа палам̣ куд̣̇д̣̇агам̣ маханд̇ам̣ д̣̇ийгхам̣ ваддам̣ сусан̣таанам̣ д̣̇уссан̣таанам̣ мадтам̣ парусам̣ суг̇анд̇хам̣ д̣̇уг̇г̇анд̇хам̣ д̇ид̇д̇ам̣ мад̇хурам̣ гадугам̣ амб̣илам̣ гасаавам̣ ход̇и, имааяа наама д̇хаад̇уяаа уссаннааяа имасса ругкасса ган̣даго д̇икин̣о ход̇и, ад̇икин̣о уж̇уго гудило ган̣хо нийло од̣̇аад̇о ход̇ий’’д̇и звам̣ анубаад̣̇иннасан̇кааралогассааби васзна анзгад̇хаад̇унаанаад̇хаад̇убхаавам̣ ж̇аанаад̇и. саб̣б̣ан̃н̃уб̣уд̣̇д̇хаанам̣ зва хи зд̇ам̣ б̣алам̣, на ан̃н̃зсам̣.

    Aññamaññavilakkhaṇattā nānappakārā dhātuyo etasminti nānādhātu, loko. Tenevāha – ‘‘aññā cakkhudhātu yāva aññā nibbānadhātū’’ti, yathā ca idaṃ ñāṇaṃ cakkhudhātuādibhedena upādinnakasaṅkhāralokassa vasena anekadhātunānādhātulokaṃ pajānāti, evaṃ anupādinnakasaṅkhāralokassapi vasena taṃ pajānāti. Paccekabuddhā hi dve ca aggasāvakā upādinnakasaṅkhāralokasseva nānattaṃ jānanti, tampi ekadeseneva, na nippadesato. Anupādinnakasaṅkhāralokassa pana nānattaṃ na jānanti. Bhagavā pana ‘‘imāya nāma dhātuyā ussannāya imassa rukkhassa khandho seto hoti, imassa kāḷo, imassa maṭṭho, imassa pharuso, imassa bahalo, imassa tanuttaco. Imāya nāma dhātuyā ussannāya imassa rukkhassa pattaṃ vaṇṇasaṇṭhānādivasena evarūpaṃ nāma hoti, imāya nāma dhātuyā ussannattā imassa rukkhassa pupphaṃ nīlaṃ hoti pītakaṃ lohitakaṃ odātaṃ sugandhaṃ duggandhaṃ, imāya nāma dhātuyā ussannāya phalaṃ khuddakaṃ mahantaṃ dīghaṃ vaṭṭaṃ susaṇṭhānaṃ dussaṇṭhānaṃ maṭṭhaṃ pharusaṃ sugandhaṃ duggandhaṃ tittaṃ madhuraṃ kaṭukaṃ ambilaṃ kasāvaṃ hoti, imāya nāma dhātuyā ussannāya imassa rukkhassa kaṇṭako tikhiṇo hoti, atikhiṇo ujuko kuṭilo kaṇho nīlo odāto hotī’’ti evaṃ anupādinnasaṅkhāralokassāpi vasena anekadhātunānādhātubhāvaṃ jānāti. Sabbaññubuddhānaṃ eva hi etaṃ balaṃ, na aññesaṃ.

    60. яам̣ яад̣̇зва д̇хаад̇унд̇и яам̣ гин̃жи хийнаад̣̇исабхаавам̣. яасмаа ад̇химуд̇д̇и наама аж̇жхаасаяад̇хаад̇у, д̇асмаа ад̇химужжанам̣ аж̇жхаасаяасса хийнаад̣̇исабхаавзна бавад̇д̇анам̣. д̇ам̣ бана д̇асса д̇ам̣ д̇ам̣ ад̇хидтаханам̣ абхинивисанан̃жа ход̇ийд̇и ааха – ‘‘ад̇химужжанд̇и, д̇ам̣ д̇ад̣̇зва ад̇хидтаханд̇и абхинивисанд̇ий’’д̇и. ад̇химужжанасса висаяам̣ вибхааг̇зна д̣̇ассзд̇ум̣ ‘‘гзжи руубаад̇химуд̇д̇аа’’д̇иаад̣̇и вуд̇д̇ам̣. д̇ам̣ сувин̃н̃зяяамзва. наанаад̇химуд̇д̇игад̇аан̃аан̣анд̇и хийнаад̣̇ивасзна наанаад̇химуд̇д̇игад̇ааяа н̃аан̣ам̣.

    60.Yaṃ yadeva dhātunti yaṃ kiñci hīnādisabhāvaṃ. Yasmā adhimutti nāma ajjhāsayadhātu, tasmā adhimuccanaṃ ajjhāsayassa hīnādisabhāvena pavattanaṃ. Taṃ pana tassa taṃ taṃ adhiṭṭhahanaṃ abhinivisanañca hotīti āha – ‘‘adhimuccanti, taṃ tadeva adhiṭṭhahanti abhinivisantī’’ti. Adhimuccanassa visayaṃ vibhāgena dassetuṃ ‘‘keci rūpādhimuttā’’tiādi vuttaṃ. Taṃ suviññeyyameva. Nānādhimuttikatāñāṇanti hīnādivasena nānādhimuttikatāya ñāṇaṃ.

    д̇з яат̇аад̇химуд̇д̇аа жа бхаванд̇ийд̇и д̇з хийнаад̇химуд̇д̇игаа бан̣ийд̇аад̇химуд̇д̇игаа сад̇д̇аа яат̇аа яат̇аа ад̇химуд̇д̇аа хонд̇и. д̇ам̣ д̇ам̣ гаммасамаад̣̇аанам̣ самаад̣̇ияанд̇ийд̇и ад̇химуд̇д̇иануруубам̣ д̇ам̣ д̇ам̣ ад̇д̇анаа самаад̣̇ияид̇аб̣б̣ам̣ гад̇д̇аб̣б̣ам̣ гаммам̣ гаронд̇и, д̇аани гаммасамаад̣̇аанаани самудтаанавасзна вибхаж̇анд̇о ‘‘д̇з чаб̣б̣ид̇хам̣ гамма’’нд̇иаад̣̇имааха. д̇ад̇т̇а гзжи лобхавасзна гаммам̣ самаад̣̇ияанд̇ийд̇и самб̣анд̇хид̇аб̣б̣ам̣. зса наяо сзсзсуби. д̇ам̣ вибхаж̇ж̇амаананд̇и д̇ам̣ самудтаанавасзна чаб̣б̣ид̇хам̣ буна бавад̇д̇инивад̇д̇ивасзна вибхаж̇ж̇амаанам̣ д̣̇увид̇хам̣.

    Te yathādhimuttā ca bhavantīti te hīnādhimuttikā paṇītādhimuttikā sattā yathā yathā adhimuttā honti. Taṃ taṃ kammasamādānaṃ samādiyantīti adhimuttianurūpaṃ taṃ taṃ attanā samādiyitabbaṃ kattabbaṃ kammaṃ karonti, tāni kammasamādānāni samuṭṭhānavasena vibhajanto ‘‘te chabbidhaṃ kamma’’ntiādimāha. Tattha keci lobhavasena kammaṃ samādiyantīti sambandhitabbaṃ. Esa nayo sesesupi. Taṃ vibhajjamānanti taṃ samuṭṭhānavasena chabbidhaṃ puna pavattinivattivasena vibhajjamānaṃ duvidhaṃ.

    яам̣ лобхавасзна д̣̇осавасзна мохавасзна жа гаммам̣ гарод̇ийд̇и д̣̇асаагусалагаммабат̇агаммам̣ санд̇хааяа вад̣̇ад̇и. д̇ан̃хи сам̣гилидтад̇ааяа гаал̣аганд̇и ган̣хам̣. абааязсу ниб̣б̣ад̇д̇аабанад̇о гаал̣агавибааганд̇и ган̣хавибаагам̣. яам̣ сад̣̇д̇хаавасзна гаммам̣ гарод̇ийд̇и д̣̇асагусалагаммабат̇агаммам̣. д̇ан̃хи асам̣гилидтад̇д̇аа бан̣д̣аранд̇и суггам̣. саг̇г̇з ниб̣б̣ад̇д̇аабанад̇о бан̣д̣аравибаагад̇д̇аа суггавибаагам̣. яам̣ лобхавасзна д̣̇осавасзна мохавасзна сад̣̇д̇хаавасзна жа гаммам̣ гарод̇и, ид̣̇ам̣ ган̣хасугганд̇и вомиссагагаммам̣. ган̣хасуггавибааганд̇и сукад̣̇угкавибаагам̣. миссагагамман̃хи гад̇ваа агусалавалзна д̇иражчаанаяонияам̣ ман̇г̇алахад̇т̇ибхаавам̣ убабанно гусалзна бавад̇д̇з сукам̣ анубхавад̇и, гусалзна рааж̇агулз ниб̣б̣ад̇д̇оби агусалзна д̣̇угкам̣ взд̣̇аяад̇и. яам̣ вийрияавасзна бан̃н̃аавасзна жа гаммам̣ гарод̇и, ид̣̇ам̣ гаммам̣ аган̣хам̣ асуггам̣ аган̣хаасуггавибааганд̇и гаммагкаяагараа жад̇умаг̇г̇ажзд̇анаа. д̇ан̃хи яад̣̇и ган̣хам̣ бхавзяяа, ган̣хавибаагам̣ д̣̇ад̣̇зяяа. яад̣̇и суггам̣ бхавзяяа, суггаубабад̇д̇ибарияаабаннам̣ вибаагам̣ д̣̇ад̣̇зяяа. убхаяавибаагасса бана аббад̣̇аанад̇о аган̣хаасуггавибааганд̇и аяамзд̇т̇а ад̇т̇о.

    Yaṃ lobhavasena dosavasena mohavasena ca kammaṃ karotīti dasaakusalakammapathakammaṃ sandhāya vadati. Tañhi saṃkiliṭṭhatāya kāḷakanti kaṇhaṃ. Apāyesu nibbattāpanato kāḷakavipākanti kaṇhavipākaṃ. Yaṃ saddhāvasena kammaṃ karotīti dasakusalakammapathakammaṃ. Tañhi asaṃkiliṭṭhattā paṇḍaranti sukkaṃ. Sagge nibbattāpanato paṇḍaravipākattā sukkavipākaṃ. Yaṃ lobhavasena dosavasena mohavasena saddhāvasena ca kammaṃ karoti, idaṃ kaṇhasukkanti vomissakakammaṃ. Kaṇhasukkavipākanti sukhadukkhavipākaṃ. Missakakammañhi katvā akusalavalena tiracchānayoniyaṃ maṅgalahatthibhāvaṃ upapanno kusalena pavatte sukhaṃ anubhavati, kusalena rājakule nibbattopi akusalena dukkhaṃ vedayati. Yaṃ vīriyavasena paññāvasena ca kammaṃ karoti, idaṃ kammaṃ akaṇhaṃ asukkaṃ akaṇhaasukkavipākanti kammakkhayakarā catumaggacetanā. Tañhi yadi kaṇhaṃ bhaveyya, kaṇhavipākaṃ dadeyya. Yadi sukkaṃ bhaveyya, sukkaupapattipariyāpannaṃ vipākaṃ dadeyya. Ubhayavipākassa pana appadānato akaṇhaasukkavipākanti ayamettha attho.

    гаммасамаад̣̇аанз батамам̣ ажзлагабадибад̣̇аа гаамзсу баад̇аб̣яад̇аа, д̣̇уд̇ияам̣ д̇иб̣б̣агилзсасса ассумукассааби руд̣̇ад̇о барисуд̣̇д̇хаб̣рахмажарияажаран̣ам̣, д̇ад̇ияам̣ гаамзсу абаад̇аб̣яад̇аа ажзлагабадибад̣̇аа, жад̇уд̇т̇ам̣ бажжаяз алабхамаанассааби жхаанавибассанаасукасаман̇г̇ино саасанаб̣рахмажарияажаран̣ам̣. яам̣ звам̣ ж̇аад̇ияам̣ гаммасамаад̣̇аананд̇и яам̣ ан̃н̃амби звам̣багаарам̣ гаммам̣. иминаа буг̇г̇алзнаад̇иаад̣̇и д̇асмим̣ гаммавибаагз бхаг̇авад̇о н̃аан̣асса бавад̇д̇анаагаарад̣̇ассанам̣. д̇ад̇т̇а убажид̇анд̇и яат̇аа гад̇ам̣ гаммам̣ палад̣̇аанасамад̇т̇ам̣ ход̇и, д̇ат̇аа гад̇ам̣ убажид̇ам̣. авибагганд̇и на вибаггавибаагам̣. вибаагааяа бажжубадтид̇анд̇и вибаагад̣̇аанааяа гад̇огаасам̣. на жа бхаб̣б̣о абхиниб̣б̣ид̇хаа г̇анд̇унд̇и гилзсаабхисан̇каараанам̣ абхиниб̣б̣иж̇жханад̇о абхиниб̣б̣ид̇хаасан̇каад̇ам̣ арияамаг̇г̇ам̣ ад̇хиг̇анд̇ум̣ на жа бхаб̣б̣о. д̇ам̣ бхаг̇аваа на овад̣̇ад̇ийд̇и д̇ам̣ вибаагааваран̣зна нивуд̇ам̣ буг̇г̇алам̣ бхаг̇аваа сажжабадивзд̇хам̣ бурагкад̇ваа на овад̣̇ад̇и, ваасанад̇т̇ам̣ бана д̇аад̣̇исаанамби д̇хаммам̣ д̣̇зсзд̇и зва, аж̇аад̇асад̇д̇уаад̣̇ийнам̣ вияа.

    Kammasamādāne paṭhamaṃ acelakapaṭipadā kāmesu pātabyatā, dutiyaṃ tibbakilesassa assumukhassāpi rudato parisuddhabrahmacariyacaraṇaṃ, tatiyaṃ kāmesu apātabyatā acelakapaṭipadā, catutthaṃ paccaye alabhamānassāpi jhānavipassanāsukhasamaṅgino sāsanabrahmacariyacaraṇaṃ. Yaṃ evaṃ jātiyaṃ kammasamādānanti yaṃ aññampi evaṃpakāraṃ kammaṃ. Iminā puggalenātiādi tasmiṃ kammavipāke bhagavato ñāṇassa pavattanākāradassanaṃ. Tattha upacitanti yathā kataṃ kammaṃ phaladānasamatthaṃ hoti, tathā kataṃ upacitaṃ. Avipakkanti na vipakkavipākaṃ. Vipākāya paccupaṭṭhitanti vipākadānāya katokāsaṃ. Na ca bhabbo abhinibbidhā gantunti kilesābhisaṅkhārānaṃ abhinibbijjhanato abhinibbidhāsaṅkhātaṃ ariyamaggaṃ adhigantuṃ na ca bhabbo. Taṃ bhagavā na ovadatīti taṃ vipākāvaraṇena nivutaṃ puggalaṃ bhagavā saccapaṭivedhaṃ purakkhatvā na ovadati, vāsanatthaṃ pana tādisānampi dhammaṃ deseti eva, ajātasattuādīnaṃ viya.

    убажид̇анд̇и гаад̇ум̣ аарад̣̇д̇хам̣. д̇знзвааха – ‘‘на жа д̇аава баарибуурим̣ г̇ад̇а’’нд̇и. д̇зна мижчад̇д̇анияаамасса асамад̇т̇ад̇ам̣ д̣̇ассзд̇и. бураа баарибуурим̣ г̇ажчад̇ийд̇и баарибуурим̣ паланибпаад̣̇анасамад̇т̇ад̇ам̣ г̇ажчад̇и бураа ад̇хиг̇ажчзяяа. мижчад̇д̇анияад̇ад̇ааяа саж̇ж̇угам̣ палад̇хаммасса абхааж̇анабхаавам̣ ниб̣б̣ад̇д̇аяад̇и бураа. д̇знзвааха – ‘‘бураа взнзяяад̇д̇ам̣ самад̇иггамад̇ий’’д̇и. ‘‘бураа анияад̇ам̣ самад̇иггамад̇ий’’д̇иби баато, со звад̇т̇о. асамад̇д̇зд̇и гаммз асамбун̣н̣з, д̇з асамбун̣н̣з ваа.

    Upacitanti kātuṃ āraddhaṃ. Tenevāha – ‘‘na ca tāva pāripūriṃ gata’’nti. Tena micchattaniyāmassa asamatthataṃ dasseti. Purā pāripūriṃ gacchatīti pāripūriṃ phalanipphādanasamatthataṃ gacchati purā adhigaccheyya. Micchattaniyatatāya sajjukaṃ phaladhammassa abhājanabhāvaṃ nibbattayati purā. Tenevāha – ‘‘purā veneyyattaṃ samatikkamatī’’ti. ‘‘Purā aniyataṃ samatikkamatī’’tipi pāṭho, so evattho. Asamatteti kamme asampuṇṇe, te asampuṇṇe vā.

    61. звам̣ гилзсанд̇арааяамиссагам̣ гамманд̇арааяам̣ д̣̇ассзд̇ваа ид̣̇аани амиссагам̣ гамманд̇арааяам̣ д̣̇ассзд̇ум̣ ‘‘имасса жа буг̇г̇алассаа’’д̇иаад̣̇и вуд̇д̇ам̣. д̇ам̣ вуд̇д̇анаяамзва.

    61. Evaṃ kilesantarāyamissakaṃ kammantarāyaṃ dassetvā idāni amissakaṃ kammantarāyaṃ dassetuṃ ‘‘imassa ca puggalassā’’tiādi vuttaṃ. Taṃ vuttanayameva.

    саб̣б̣зсанд̇и имасмим̣ б̣аланид̣̇д̣̇зсз вуд̇д̇аанам̣ саб̣б̣зсам̣ гаммаанам̣. муд̣̇умаж̇жхаад̇химад̇д̇ад̇аад̇и муд̣̇умаж̇жхад̇иб̣б̣абхааво. гаммаанан̃хи муд̣̇уаад̣̇ибхаавзна д̇ам̣вибаагаанам̣ муд̣̇умаж̇жхад̇игкабхааво вин̃н̃ааяад̇ийд̇и ад̇хиббааяо. д̣̇идтад̇хаммавзд̣̇анийяанд̇иаад̣̇ийсу д̣̇идтад̇хаммз имасмим̣ ад̇д̇абхаавз взд̣̇ид̇аб̣б̣ам̣ палам̣ д̣̇идтад̇хаммавзд̣̇анийяам̣. убабаж̇ж̇з ананд̇арз ад̇д̇абхаавз взд̣̇ид̇аб̣б̣ам̣ палам̣ убабаж̇ж̇авзд̣̇анийяам̣. абарасмим̣ ад̇д̇абхаавз ид̇о ан̃н̃асмим̣ яасмим̣ гасмин̃жи ад̇д̇абхаавз взд̣̇ид̇аб̣б̣ам̣ палам̣ абараабарияавзд̣̇анийяам̣. згаж̇аванаваарасмин̃хи сад̇д̇асу жзд̇анаасу батамажзд̇анаа д̣̇идтад̇хаммавзд̣̇анийяам̣ наама. барияосаанажзд̇анаа убабаж̇ж̇авзд̣̇анийяам̣ наама. маж̇жхз бан̃жа жзд̇анаа абараабарияавзд̣̇анийяам̣ наама. вибаагавзмад̇д̇ад̇аан̃аан̣анд̇и вибаагавзмад̇д̇ад̇ааяа вибаагависзсз н̃аан̣ам̣. имасса бана гаммавибаагасса г̇ад̇исамбад̇д̇и г̇ад̇ивибад̇д̇и, убад̇хисамбад̇д̇и убад̇хивибад̇д̇и, гааласамбад̇д̇и гаалавибад̇д̇и, баяог̇асамбад̇д̇и баяог̇авибад̇д̇ияо гааран̣ам̣. со жа нзсам̣ гааран̣абхааво ‘‘ад̇т̇згажжаани баабагаани гаммасамаад̣̇аанаани г̇ад̇исамбад̇д̇ибадиб̣аал̣хаани на вибажжанд̇ий’’д̇иаад̣̇ибаал̣ивасзна (вибха. 810) взд̣̇ид̇аб̣б̣о.

    Sabbesanti imasmiṃ balaniddese vuttānaṃ sabbesaṃ kammānaṃ. Mudumajjhādhimattatāti mudumajjhatibbabhāvo. Kammānañhi muduādibhāvena taṃvipākānaṃ mudumajjhatikkhabhāvo viññāyatīti adhippāyo. Diṭṭhadhammavedanīyantiādīsu diṭṭhadhamme imasmiṃ attabhāve veditabbaṃ phalaṃ diṭṭhadhammavedanīyaṃ. Upapajje anantare attabhāve veditabbaṃ phalaṃ upapajjavedanīyaṃ. Aparasmiṃ attabhāve ito aññasmiṃ yasmiṃ kasmiñci attabhāve veditabbaṃ phalaṃ aparāpariyavedanīyaṃ. Ekajavanavārasmiñhi sattasu cetanāsu paṭhamacetanā diṭṭhadhammavedanīyaṃ nāma. Pariyosānacetanā upapajjavedanīyaṃ nāma. Majjhe pañca cetanā aparāpariyavedanīyaṃ nāma. Vipākavemattatāñāṇanti vipākavemattatāya vipākavisese ñāṇaṃ. Imassa pana kammavipākassa gatisampatti gativipatti, upadhisampatti upadhivipatti, kālasampatti kālavipatti, payogasampatti payogavipattiyo kāraṇaṃ. So ca nesaṃ kāraṇabhāvo ‘‘atthekaccāni pāpakāni kammasamādānāni gatisampattipaṭibāḷhāni na vipaccantī’’tiādipāḷivasena (vibha. 810) veditabbo.

    62. ананд̇араб̣аланид̣̇д̣̇зсз вуд̇д̇агаммасамаад̣̇аанабад̣̇знзва жхаанаад̣̇ийни сан̇г̇ахзд̇ваа д̣̇ассзд̇ум̣ ‘‘д̇ат̇аа самаад̣̇иннаанам̣ гаммаана’’нд̇иаад̣̇и вуд̇д̇ам̣. сзгкабут̇уж̇ж̇анасанд̇аанзсу бавад̇д̇аани жхаанаад̣̇ийни гаммам̣ хонд̇и. д̇ад̇т̇а д̇ат̇аа самаад̣̇иннаананд̇и ‘‘суггам̣ суггавибаагам̣ бажжуббаннасукам̣, ааяад̇им̣ сукавибаага’’нд̇и звамаад̣̇иббагаарзхи самаад̣̇иннзсу гаммзсу. сам̣гилзсод̇и бадибагкад̇хаммавасзна гилидтабхааво. вод̣̇аанам̣ бадибагкад̇хаммзхи висуж̇жханам̣. вудтаанам̣ баг̇ун̣авод̣̇аанам̣ бхаван̇г̇авудтаанан̃жа. звам̣ сам̣гилиссад̇ийд̇иаад̣̇ийсу аяамзвад̇т̇о – иминаа аагаарзна жхаанаад̣̇и сам̣гилиссад̇и вод̣̇ааяад̇и вудтахад̇ийд̇и ж̇аананан̃аан̣ам̣ бхаг̇авад̇о анааваран̣ан̃аан̣ам̣, на д̇асса ааваран̣ам̣ ад̇т̇ийд̇и.

    62. Anantarabalaniddese vuttakammasamādānapadeneva jhānādīni saṅgahetvā dassetuṃ ‘‘tathā samādinnānaṃ kammāna’’ntiādi vuttaṃ. Sekkhaputhujjanasantānesu pavattāni jhānādīni kammaṃ honti. Tattha tathā samādinnānanti ‘‘sukkaṃ sukkavipākaṃ paccuppannasukhaṃ, āyatiṃ sukhavipāka’’nti evamādippakārehi samādinnesu kammesu. Saṃkilesoti paṭipakkhadhammavasena kiliṭṭhabhāvo. Vodānaṃ paṭipakkhadhammehi visujjhanaṃ. Vuṭṭhānaṃ paguṇavodānaṃ bhavaṅgavuṭṭhānañca. Evaṃ saṃkilissatītiādīsu ayamevattho – iminā ākārena jhānādi saṃkilissati vodāyati vuṭṭhahatīti jānanañāṇaṃ bhagavato anāvaraṇañāṇaṃ, na tassa āvaraṇaṃ atthīti.

    гад̇и жхаанаанийд̇иаад̣̇и жхаанаад̣̇аяо вибхааг̇зна д̣̇ассзд̇ум̣ аарад̣̇д̇хам̣. жад̇д̇аари жхаанаанийд̇и жад̇угганаяавасзна руубааважараж̇жхаанаани санд̇хааяааха. згаад̣̇асаад̇и ‘‘руубий руубаани бассад̇ий’’д̇иаад̣̇инаа (д̣̇ий. ни. 2.129, 174; 3.339, 358; ма. ни. 2.248; 3.312) адтаннам̣ д̇ин̣н̣ан̃жа сун̃н̃ад̇авимогкаад̣̇ийнам̣ васзна вуд̇д̇ам̣. адтаад̇и д̇зсу табзд̇ваа логуд̇д̇арз вимогкз адта. сад̇д̇аад̇и д̇зсу зва нирод̇хасамаабад̇д̇им̣ табзд̇ваа сад̇д̇а. д̇аяод̇и суд̇д̇анд̇абарияааязна сун̃н̃ад̇авимогкаад̣̇аяо д̇аяо. д̣̇взд̇и абхид̇хаммабарияааязна анимид̇д̇авимогкассаасамбхавад̇о авасзсаа д̣̇вз. зд̇т̇а жа бадибаадияаа сад̇д̇а аббид̇аббид̇агкан̣з вигкамбханавасзна бажжанийгад̇хаммзхи вимужжанад̇о , аарамман̣з ад̇химужжанад̇о жа вимогкаа. нирод̇хасамаабад̇д̇и бана саб̣б̣асо сан̃н̃аавзд̣̇аяид̇зхи вимуд̇д̇ад̇д̇аа абаг̇амавимогко наама. логуд̇д̇араа жа д̇ам̣д̇ам̣маг̇г̇аваж̇жхагилзсзхи самужчзд̣̇авасзна вимуд̇д̇ад̇д̇аа вимогкод̇и аяам̣ висзсо взд̣̇ид̇аб̣б̣о.

    Kati jhānānītiādi jhānādayo vibhāgena dassetuṃ āraddhaṃ. Cattāri jhānānīti catukkanayavasena rūpāvacarajjhānāni sandhāyāha. Ekādasāti ‘‘rūpī rūpāni passatī’’tiādinā (dī. ni. 2.129, 174; 3.339, 358; ma. ni. 2.248; 3.312) aṭṭhannaṃ tiṇṇañca suññatavimokkhādīnaṃ vasena vuttaṃ. Aṭṭhāti tesu ṭhapetvā lokuttare vimokkhe aṭṭha. Sattāti tesu eva nirodhasamāpattiṃ ṭhapetvā satta. Tayoti suttantapariyāyena suññatavimokkhādayo tayo. Dveti abhidhammapariyāyena animittavimokkhassāsambhavato avasesā dve. Ettha ca paṭipāṭiyā satta appitappitakkhaṇe vikkhambhanavasena paccanīkadhammehi vimuccanato , ārammaṇe adhimuccanato ca vimokkhā. Nirodhasamāpatti pana sabbaso saññāvedayitehi vimuttattā apagamavimokkho nāma. Lokuttarā ca taṃtaṃmaggavajjhakilesehi samucchedavasena vimuttattā vimokkhoti ayaṃ viseso veditabbo.

    самаад̇хийсу жад̇угганаяабан̃жаганаязсу батамаж̇жхаанасамаад̇хи савид̇агго савижааро самаад̇хи наама. бан̃жаганаяз д̣̇уд̇ияаж̇жхаанасамаад̇хи авид̇агго вижаарамад̇д̇о самаад̇хи наама. жад̇угганаяз бан̃жаганаязби сзсажхаанзсу самаад̇хи авид̇агго авижааро самаад̇хи наама.

    Samādhīsu catukkanayapañcakanayesu paṭhamajjhānasamādhi savitakko savicāro samādhi nāma. Pañcakanaye dutiyajjhānasamādhi avitakko vicāramatto samādhi nāma. Catukkanaye pañcakanayepi sesajhānesu samādhi avitakko avicāro samādhi nāma.

    самаабад̇д̇ийсу бадибаадияаа адтаннам̣ самаабад̇д̇ийнам̣ ‘‘самаад̇хий’’д̇иби наамам̣ ‘‘самаабад̇д̇ий’’д̇иби. гасмаа? жид̇д̇згаг̇г̇ад̇аасаб̣бхаавад̇о. нирод̇хасамаабад̇д̇ияаа д̇ад̣̇абхаавад̇о на ‘‘самаад̇хий’’д̇и наамам̣. сан̃н̃аасамаабад̇д̇иаад̣̇и хздтаа вуд̇д̇амзва.

    Samāpattīsu paṭipāṭiyā aṭṭhannaṃ samāpattīnaṃ ‘‘samādhī’’tipi nāmaṃ ‘‘samāpattī’’tipi. Kasmā? Cittekaggatāsabbhāvato. Nirodhasamāpattiyā tadabhāvato na ‘‘samādhī’’ti nāmaṃ. Saññāsamāpattiādi heṭṭhā vuttameva.

    хаанабхааг̇ияо самаад̇хийд̇и аббаг̇ун̣зхи батамаж̇жхаанаад̣̇ийхи вудтид̇асса сан̃н̃ааманасигаараанам̣ гаамаад̣̇ианубагканд̣̇анам̣ батамаж̇жхаанаад̣̇исамаад̇хисса хаанабхааг̇ияад̇аа. ‘‘батамаж̇жхаанасса гаамарааг̇аб̣яаабаад̣̇аа сам̣гилзсо’’д̇и вуд̇д̇ад̇д̇аа д̣̇уд̇ияаж̇жхаанаад̣̇ивасзна яож̇зд̇аб̣б̣ам̣. гуггудам̣ вужжад̇и аж̇ан̃н̃ааж̇иг̇ужчанамукзна д̇аббарамад̇аа. гуггудажхааяийд̇и буг̇г̇алаад̇хидтаанзна жхаанаани вуд̇д̇аани, д̣̇вз батамад̣̇уд̇ияаж̇жхаанаанийд̇и вуд̇д̇ам̣ ход̇и. яо батамам̣ д̣̇уд̇ияам̣ ваа жхаанам̣ ниб̣б̣ад̇д̇зд̇ваа ‘‘аламзд̇д̇аавад̇аа’’д̇и сан̇гожам̣ аабаж̇ж̇ад̇и, уд̇д̇ари на вааяамад̇и, д̇асса д̇аани жхаанаани жад̇д̇аариби ‘‘гуггудажхаанааний’’д̇и вужжанд̇и, д̇ам̣саман̇г̇ино жа гуггудажхааяий. д̇зсу буримаани д̣̇вз аасаннаб̣алавабажжад̇т̇игад̇д̇аа висзсабхааг̇ияад̇аабхаавад̇о жа сам̣гилзсабхаавзна вуд̇д̇аани. ид̇араани бана висзсабхааг̇ияад̇аабхаавзби манд̣̇абажжад̇т̇игад̇д̇аа вод̣̇аанабхаавзна вуд̇д̇аанийд̇и д̣̇адтаб̣б̣ам̣.

    Hānabhāgiyo samādhīti appaguṇehi paṭhamajjhānādīhi vuṭṭhitassa saññāmanasikārānaṃ kāmādianupakkhandanaṃ paṭhamajjhānādisamādhissa hānabhāgiyatā. ‘‘Paṭhamajjhānassa kāmarāgabyāpādā saṃkileso’’ti vuttattā dutiyajjhānādivasena yojetabbaṃ. Kukkuṭaṃ vuccati ajaññājigucchanamukhena tapparamatā. Kukkuṭajhāyīti puggalādhiṭṭhānena jhānāni vuttāni, dve paṭhamadutiyajjhānānīti vuttaṃ hoti. Yo paṭhamaṃ dutiyaṃ vā jhānaṃ nibbattetvā ‘‘alamettāvatā’’ti saṅkocaṃ āpajjati, uttari na vāyamati, tassa tāni jhānāni cattāripi ‘‘kukkuṭajhānānī’’ti vuccanti, taṃsamaṅgino ca kukkuṭajhāyī. Tesu purimāni dve āsannabalavapaccatthikattā visesabhāgiyatābhāvato ca saṃkilesabhāvena vuttāni. Itarāni pana visesabhāgiyatābhāvepi mandapaccatthikattā vodānabhāvena vuttānīti daṭṭhabbaṃ.

    висзсабхааг̇ияо самаад̇хийд̇и баг̇ун̣зхи батамаж̇жхаанаад̣̇ийхи вудтид̇асса сан̃н̃ааманасигаараанам̣ д̣̇уд̇ияаж̇жхаанаад̣̇ибагканд̣̇анам̣, баг̇ун̣авод̣̇аанам̣ бхаван̇г̇авудтаанан̃жа ‘‘вудтаана’’нд̇и вуд̇д̇ам̣. хздтимам̣ хздтиман̃хи баг̇ун̣аж̇жхаанам̣ убаримасса убаримасса бад̣̇адтаанам̣ ход̇и. д̇асмаа вод̣̇аанамби ‘‘вудтаана’’нд̇и вуд̇д̇ам̣. бхаван̇г̇авасзна саб̣б̣ажхаанзхи вудтаанам̣ ход̇ийд̇и бхаван̇г̇ан̃жа вод̣̇аанам̣ вудтаанам̣. яасмаа бана вудтаанавасибхаавзна яат̇аабарижчиннагаалам̣ самаабад̇д̇ид̇о вудтаанам̣ ход̇и, д̇асмаа самаабад̇д̇ивудтаанагосаллам̣ ид̇ха ‘‘вудтаана’’нд̇и вуд̇д̇ам̣.

    Visesabhāgiyo samādhīti paguṇehi paṭhamajjhānādīhi vuṭṭhitassa saññāmanasikārānaṃ dutiyajjhānādipakkhandanaṃ, paguṇavodānaṃ bhavaṅgavuṭṭhānañca ‘‘vuṭṭhāna’’nti vuttaṃ. Heṭṭhimaṃ heṭṭhimañhi paguṇajjhānaṃ uparimassa uparimassa padaṭṭhānaṃ hoti. Tasmā vodānampi ‘‘vuṭṭhāna’’nti vuttaṃ. Bhavaṅgavasena sabbajhānehi vuṭṭhānaṃ hotīti bhavaṅgañca vodānaṃ vuṭṭhānaṃ. Yasmā pana vuṭṭhānavasibhāvena yathāparicchinnakālaṃ samāpattito vuṭṭhānaṃ hoti, tasmā samāpattivuṭṭhānakosallaṃ idha ‘‘vuṭṭhāna’’nti vuttaṃ.

    63. д̇ассзва самаад̇хиссаад̇и д̇асса ананд̇араб̣аланид̣̇д̣̇зсз жхаанаад̣̇ибарияааязхи вуд̇д̇асамаад̇хисса. бариваараад̇и баригкаараа. инд̣̇рияаанийд̇и сад̣̇д̇хаасад̇ибан̃н̃инд̣̇рияаани. б̣алаанийд̇и хирод̇д̇аббзхи сад̣̇д̇хим̣ д̇ааниязва. вийрияасса висум̣ г̇ахан̣ам̣ б̣алаанам̣ б̣ахуубагаарад̣̇ассанад̇т̇ам̣. вийрияубад̇т̇амбхзна хи сад̣̇д̇хаад̣̇аяо бадибагкзна агамбанийяаа хонд̇и. д̇знзвааха – ‘‘вийрияавасзна б̣алаани бхаванд̇ий’’д̇и. д̇зсанд̇и инд̣̇рияаанам̣. муд̣̇умаж̇жхаад̇химад̇д̇ад̇аад̇и ависад̣̇ам̣ муд̣̇у. наад̇ивисад̣̇ам̣ маж̇жхам̣. ад̇ивисад̣̇ам̣ ад̇химад̇д̇ам̣ б̣алавам̣ ‘‘д̇игка’’нд̇и вужжад̇и.

    63.Tassevasamādhissāti tassa anantarabalaniddese jhānādipariyāyehi vuttasamādhissa. Parivārāti parikkhārā. Indriyānīti saddhāsatipaññindriyāni. Balānīti hirottappehi saddhiṃ tāniyeva. Vīriyassa visuṃ gahaṇaṃ balānaṃ bahūpakāradassanatthaṃ. Vīriyupatthambhena hi saddhādayo paṭipakkhena akampanīyā honti. Tenevāha – ‘‘vīriyavasena balāni bhavantī’’ti. Tesanti indriyānaṃ. Mudumajjhādhimattatāti avisadaṃ mudu. Nātivisadaṃ majjhaṃ. Ativisadaṃ adhimattaṃ balavaṃ ‘‘tikkha’’nti vuccati.

    взнзяяаанам̣ инд̣̇рияаануруубам̣ бхаг̇авад̇о д̣̇зсанаабавад̇д̇ийд̇и д̣̇ассзд̇ум̣ ‘‘д̇ад̇т̇а бхаг̇аваа’’д̇иаад̣̇и вуд̇д̇ам̣. д̇ад̇т̇а сам̣кид̇д̇авид̇т̇аарзнаад̇и сам̣кид̇д̇асса вид̇т̇аарзна. ат̇а ваа сам̣кид̇д̇знаад̇и уд̣̇д̣̇идтамад̇д̇зна. сам̣кид̇д̇авид̇т̇аарзнаад̇и уд̣̇д̣̇зсзна нид̣̇д̣̇зсзна жа. вид̇т̇аарзнаад̇и уд̣̇д̣̇зсанид̣̇д̣̇зсабадинид̣̇д̣̇зсзхи. муд̣̇уганд̇и лахугам̣ абааяабхаяаваддабхаяаад̣̇ийхи санд̇аж̇ж̇анавасзна бхаарияам̣ агад̇ваа. муд̣̇уд̇игканд̇и наад̇ид̇игкам̣. сам̣взг̇авад̇т̇уухи сам̣взг̇аж̇ананаад̣̇ивасзна бхаарияам̣ гад̇ваа. самат̇ам̣ убад̣̇исад̇ийд̇и самат̇ам̣ ад̇хигам̣ гад̇ваа убад̣̇исад̇и, на д̇ат̇аа вибассананд̇и ад̇хиббааяо. на хи гзвалзна самат̇зна сажжаббадивзд̇хо самбхавад̇и. самат̇авибассананд̇и самад̇хурам̣ самат̇авибассанам̣. вибассананд̇и саад̇исаяам̣ вибассанам̣ убад̣̇исад̇и. яасмаа жзд̇т̇а д̇игкинд̣̇рияаад̣̇аяо уг̇гхадид̇ан̃н̃уаад̣̇аяова, д̇асмаа ‘‘д̇игкинд̣̇рияасса ниссаран̣ам̣ убад̣̇исад̇ий’’д̇иаад̣̇и вуд̇д̇ам̣. д̇ад̇т̇а ад̇хибан̃н̃аасигкааяаад̇и ад̇хибан̃н̃аасигкам̣.

    Veneyyānaṃ indriyānurūpaṃ bhagavato desanāpavattīti dassetuṃ ‘‘tattha bhagavā’’tiādi vuttaṃ. Tattha saṃkhittavitthārenāti saṃkhittassa vitthārena. Atha vā saṃkhittenāti uddiṭṭhamattena. Saṃkhittavitthārenāti uddesena niddesena ca. Vitthārenāti uddesaniddesapaṭiniddesehi. Mudukanti lahukaṃ apāyabhayavaṭṭabhayādīhi santajjanavasena bhāriyaṃ akatvā. Mudutikkhanti nātitikkhaṃ. Saṃvegavatthūhi saṃvegajananādivasena bhāriyaṃ katvā. Samathaṃ upadisatīti samathaṃ adhikaṃ katvā upadisati, na tathā vipassananti adhippāyo. Na hi kevalena samathena saccappaṭivedho sambhavati. Samathavipassananti samadhuraṃ samathavipassanaṃ. Vipassananti sātisayaṃ vipassanaṃ upadisati. Yasmā cettha tikkhindriyādayo ugghaṭitaññuādayova, tasmā ‘‘tikkhindriyassa nissaraṇaṃ upadisatī’’tiādi vuttaṃ. Tattha adhipaññāsikkhāyāti adhipaññāsikkhaṃ.

    яам̣ зд̇т̇а н̃аан̣анд̇и зд̇т̇а инд̣̇рияаанам̣ муд̣̇умаж̇жхаад̇химад̇д̇ад̇ааяа яам̣ н̃аан̣ам̣, ид̣̇ам̣ вужжад̇и барасад̇д̇аанам̣ барабуг̇г̇алаанам̣ инд̣̇рияабаробарияад̇д̇авзмад̇д̇ад̇аан̃аан̣анд̇и самб̣анд̇хид̇аб̣б̣ам̣. д̇асса н̃аан̣асса бавад̇д̇анаагаарам̣ д̣̇ассзд̇ум̣ ‘‘аяам̣ имам̣ бхууми’’нд̇иаад̣̇и вуд̇д̇ам̣. д̇ад̇т̇а аяам̣ имам̣ бхуумим̣ бхааванан̃жа г̇ад̇од̇и аяам̣ буг̇г̇ало звамимам̣ сам̣гилзсаваасанам̣ вод̣̇аанам̣ бхаван̇г̇ан̃жа г̇ад̇о г̇ажчад̇и г̇амиссад̇и жа, гаалаважанижчааяа абхаавад̇о, яат̇аа д̣̇уд̣̇д̇ханд̇и. имааяа взлааяа имасмим̣ самаяз имааяа муд̣̇умаж̇жхад̇игкабхзд̣̇ааяа анусаасанияаа. звам̣д̇хаад̇угод̇и хийнаад̣̇ивасзна звам̣аж̇жхаасаяо звам̣ад̇химуд̇д̇иго. аяан̃жасса аасаяод̇и имасса буг̇г̇аласса аяам̣ сассад̇ужчзд̣̇аббагааро, яат̇аабхууд̇ан̃аан̣аануломаканд̇иббагааро ваа аасаяо. ид̣̇ан̃хи жад̇уб̣б̣ид̇хам̣ аасаяанд̇и зд̇т̇а сад̇д̇аа васанд̇ийд̇и аасаяод̇и вужжад̇и. имам̣ бана бхаг̇аваа сад̇д̇аанам̣ аасаяам̣ ж̇аананд̇о д̇зсам̣ д̣̇идтиг̇ад̇аанам̣ вибассанаан̃аан̣агаммассагад̇ан̃н̃аан̣аанан̃жа аббавад̇д̇игкан̣зби ж̇аанаад̇и зва. вуд̇д̇амби жзд̇ам̣ – ‘‘гаамам̣ сзванд̇ан̃н̃зва ж̇аанаад̇и ‘аяам̣ буг̇г̇ало гаамаг̇аруго гаамаасаяо гаамаад̇химуд̇д̇о’д̇и. гаамам̣ сзванд̇ан̃н̃зва ж̇аанаад̇и ‘аяам̣ буг̇г̇ало нзгкаммаг̇аруго нзгкаммаасаяо нзгкаммаад̇химуд̇д̇о’д̇и. нзгкаммам̣ сзванд̇ан̃н̃зва ж̇аанаад̇и… б̣яаабаад̣̇ам̣… аб̣яаабаад̣̇ам̣… т̇инамид̣̇д̇хам̣… аалогасан̃н̃ам̣ сзванд̇ан̃н̃зва ж̇аанаад̇и ‘аяам̣ буг̇г̇ало т̇инамид̣̇д̇хаг̇аруго т̇инамид̣̇д̇хаасаяо т̇инамид̣̇д̇хаад̇химуд̇д̇о’’’д̇и (бади. ма. 1.113).

    Yaṃ ettha ñāṇanti ettha indriyānaṃ mudumajjhādhimattatāya yaṃ ñāṇaṃ, idaṃ vuccati parasattānaṃ parapuggalānaṃ indriyaparopariyattavemattatāñāṇanti sambandhitabbaṃ. Tassa ñāṇassa pavattanākāraṃ dassetuṃ ‘‘ayaṃ imaṃ bhūmi’’ntiādi vuttaṃ. Tattha ayaṃ imaṃ bhūmiṃ bhāvanañca gatoti ayaṃ puggalo evamimaṃ saṃkilesavāsanaṃ vodānaṃ bhavaṅgañca gato gacchati gamissati ca, kālavacanicchāya abhāvato, yathā duddhanti. Imāya velāya imasmiṃ samaye imāya mudumajjhatikkhabhedāya anusāsaniyā. Evaṃdhātukoti hīnādivasena evaṃajjhāsayo evaṃadhimuttiko. Ayañcassa āsayoti imassa puggalassa ayaṃ sassatucchedappakāro, yathābhūtañāṇānulomakhantippakāro vā āsayo. Idañhi catubbidhaṃ āsayanti ettha sattā vasantīti āsayoti vuccati. Imaṃ pana bhagavā sattānaṃ āsayaṃ jānanto tesaṃ diṭṭhigatānaṃ vipassanāñāṇakammassakataññāṇānañca appavattikkhaṇepi jānāti eva. Vuttampi cetaṃ – ‘‘kāmaṃ sevantaññeva jānāti ‘ayaṃ puggalo kāmagaruko kāmāsayo kāmādhimutto’ti. Kāmaṃ sevantaññeva jānāti ‘ayaṃ puggalo nekkhammagaruko nekkhammāsayo nekkhammādhimutto’ti. Nekkhammaṃ sevantaññeva jānāti… byāpādaṃ… abyāpādaṃ… thinamiddhaṃ… ālokasaññaṃ sevantaññeva jānāti ‘ayaṃ puggalo thinamiddhagaruko thinamiddhāsayo thinamiddhādhimutto’’’ti (paṭi. ma. 1.113).

    аяам̣ анусаяод̇и аяам̣ имасса буг̇г̇аласса гаамарааг̇аад̣̇иго аббахийноязва анусаяид̇агилзсо. аббахийноязва хи т̇аамаг̇ад̇о гилзсо анусаяо. барасад̇д̇аананд̇и бад̇хаанасад̇д̇аанам̣. барабуг̇г̇алаананд̇и д̇ад̇о барзсам̣ сад̇д̇аанам̣, хийнасад̇д̇аананд̇и ад̇т̇о. згад̇т̇амзва ваа зд̇ам̣ бад̣̇ад̣̇ваяам̣ взнзяяавасзна д̣̇вид̇хаа вуд̇д̇ам̣. инд̣̇рияабаробарияад̇д̇авзмад̇д̇ад̇аан̃аан̣анд̇и барабхааво жа абарабхааво жа баробарияад̇д̇ам̣ а-гаарасса огаарам̣ гад̇ваа, д̇асса взмад̇д̇ад̇аа баробарияад̇д̇авзмад̇д̇ад̇аа. сад̣̇д̇хаад̣̇ийнам̣ инд̣̇рияаанам̣ баробарияад̇д̇авзмад̇д̇ад̇ааяа н̃аан̣ам̣ инд̣̇рияабаробарияад̇д̇авзмад̇д̇ад̇аан̃аан̣анд̇и бад̣̇авибхааг̇о взд̣̇ид̇аб̣б̣о.

    Ayaṃ anusayoti ayaṃ imassa puggalassa kāmarāgādiko appahīnoyeva anusayitakileso. Appahīnoyeva hi thāmagato kileso anusayo. Parasattānanti padhānasattānaṃ. Parapuggalānanti tato paresaṃ sattānaṃ, hīnasattānanti attho. Ekatthameva vā etaṃ padadvayaṃ veneyyavasena dvidhā vuttaṃ. Indriyaparopariyattavemattatāñāṇanti parabhāvo ca aparabhāvo ca paropariyattaṃ a-kārassa okāraṃ katvā, tassa vemattatā paropariyattavemattatā. Saddhādīnaṃ indriyānaṃ paropariyattavemattatāya ñāṇaṃ indriyaparopariyattavemattatāñāṇanti padavibhāgo veditabbo.

    д̇ад̇т̇а яанд̇и яам̣ анзгавихид̇асса буб̣б̣зниваасасса ануссаран̣авасзна бхаг̇авад̇о н̃аан̣ам̣, ид̣̇ам̣ адтамам̣ д̇ат̇ааг̇ад̇аб̣аланд̇и самб̣анд̇хо. анзгавихид̇анд̇и анзгавид̇хам̣, анзгзхи ваа багаарзхи бавад̇д̇ид̇ам̣. буб̣б̣зниваасанд̇и ануссарид̇ум̣ ижчид̇ам̣ ад̇д̇ано барзсан̃жа самананд̇араад̇ийд̇ам̣ бхавам̣ аад̣̇им̣ гад̇ваа д̇ад̇т̇а д̇ад̇т̇а нивуд̇т̇асанд̇аанам̣. ануссарад̇ийд̇и ‘‘згамби ж̇аад̇им̣ д̣̇взби ж̇аад̇ияо’’д̇и звам̣ ж̇аад̇ибадибаадияаа ануг̇анд̇ваа сарад̇и, ануд̣̇зва ваа сарад̇и, жид̇д̇з абхининнаамид̇амад̇д̇з зва сарад̇ийд̇и ад̇т̇о. бхаг̇авад̇о хи баригаммагижжам̣ над̇т̇и, ааваж̇ж̇анамад̇д̇знзва сарад̇и. сзяяат̇ид̣̇анд̇и аарад̣̇д̇хаббагааранид̣̇ассанад̇т̇з нибаад̇о. згамби ж̇аад̇инд̇и згамби бадисанд̇химуулам̣ жуд̇ибарияосаанам̣ згабхавабарияаабаннам̣ канд̇хасанд̇аанам̣. зса наяо д̣̇взби ж̇аад̇ияод̇иаад̣̇ийсуби.

    Tattha yanti yaṃ anekavihitassa pubbenivāsassa anussaraṇavasena bhagavato ñāṇaṃ, idaṃ aṭṭhamaṃ tathāgatabalanti sambandho. Anekavihitanti anekavidhaṃ, anekehi vā pakārehi pavattitaṃ. Pubbenivāsanti anussarituṃ icchitaṃ attano paresañca samanantarātītaṃ bhavaṃ ādiṃ katvā tattha tattha nivutthasantānaṃ. Anussaratīti ‘‘ekampi jātiṃ dvepi jātiyo’’ti evaṃ jātipaṭipāṭiyā anugantvā sarati, anudeva vā sarati, citte abhininnāmitamatte eva saratīti attho. Bhagavato hi parikammakiccaṃ natthi, āvajjanamatteneva sarati. Seyyathidanti āraddhappakāranidassanatthe nipāto. Ekampi jātinti ekampi paṭisandhimūlaṃ cutipariyosānaṃ ekabhavapariyāpannaṃ khandhasantānaṃ. Esa nayo dvepi jātiyotiādīsupi.

    анзгзби сам̣ваддагаббзд̇иаад̣̇ийсу бана барихааяамаано габбо сам̣ваддагаббо, вад̣дхамаано виваддагаббод̇и взд̣̇ид̇аб̣б̣о. д̇ад̇т̇а сам̣ваддзна сам̣ваддадтааяий г̇ахид̇о д̇ам̣муулад̇д̇аа, виваддзна жа виваддадтааяий. зван̃хи сад̇и яаани ‘‘жад̇д̇ааримаани, бхигкавз, габбасса асан̇кязяяаани. гад̇амаани жад̇д̇аари? сам̣ваддо сам̣ваддадтааяий виваддо виваддадтааяий’’д̇и (а. ни. 4.156) вуд̇д̇аани , д̇аани саб̣б̣аани бариг̇г̇ахид̇аани хонд̇и. амуд̇раасинд̇иаад̣̇и саран̣аагаарад̣̇ассанам̣. д̇ад̇т̇а амуд̇раасинд̇и амумхи сам̣ваддагаббз, амумхи бхавз ваа яонияам̣ ваа г̇ад̇ияам̣ ваа вин̃н̃аан̣адтид̇ияам̣ ваа сад̇д̇ааваасз ваа сад̇д̇анигааяз ваа. звам̣наамод̇и д̇иссо ваа пуссо ваа. звам̣г̇од̇д̇од̇и бхаг̇г̇аво ваа г̇од̇амо ваа. звам̣ван̣н̣од̇и од̣̇аад̇о ваа саамо ваа. звамаахаарод̇и саалимам̣сод̣̇анаахааро ваа бавад̇д̇апалабхож̇ано ваа. звам̣сукад̣̇угкаббадисам̣взд̣̇ийд̇и анзгаббагаарзна гааяигажзд̇асигаанам̣ саамисанираамисаббабхзд̣̇аанам̣ ваа сукад̣̇угкаанам̣ бадисам̣взд̣̇ий. звамааяубарияанд̇од̇и звам̣ вассасад̇абарамааяубарияанд̇о ваа жад̇ураасийд̇игаббасахассабарамааяубарияанд̇о ваа. со д̇ад̇о жуд̇о амуд̇ра уд̣̇абаад̣̇инд̇и со д̇ад̇о бхавад̇о, сад̇д̇анигааяад̇о ваа жуд̇о буна амугасмим̣ наама сад̇д̇анигааяз уд̣̇абаад̣̇им̣. ат̇а ваа д̇ад̇рааби бхавз ваа сад̇д̇анигааяз ваа ахосим̣. звам̣наамод̇иаад̣̇и вуд̇д̇ад̇т̇амзва.

    Anekepi saṃvaṭṭakappetiādīsu pana parihāyamāno kappo saṃvaṭṭakappo, vaḍḍhamāno vivaṭṭakappoti veditabbo. Tattha saṃvaṭṭena saṃvaṭṭaṭṭhāyī gahito taṃmūlattā, vivaṭṭena ca vivaṭṭaṭṭhāyī. Evañhi sati yāni ‘‘cattārimāni, bhikkhave, kappassa asaṅkhyeyyāni. Katamāni cattāri? Saṃvaṭṭo saṃvaṭṭaṭṭhāyī vivaṭṭo vivaṭṭaṭṭhāyī’’ti (a. ni. 4.156) vuttāni , tāni sabbāni pariggahitāni honti. Amutrāsintiādi saraṇākāradassanaṃ. Tattha amutrāsinti amumhi saṃvaṭṭakappe, amumhi bhave vā yoniyaṃ vā gatiyaṃ vā viññāṇaṭṭhitiyaṃ vā sattāvāse vā sattanikāye vā. Evaṃnāmoti tisso vā phusso vā. Evaṃgottoti bhaggavo vā gotamo vā. Evaṃvaṇṇoti odāto vā sāmo vā. Evamāhāroti sālimaṃsodanāhāro vā pavattaphalabhojano vā. Evaṃsukhadukkhappaṭisaṃvedīti anekappakārena kāyikacetasikānaṃ sāmisanirāmisappabhedānaṃ vā sukhadukkhānaṃ paṭisaṃvedī. Evamāyupariyantoti evaṃ vassasataparamāyupariyanto vā caturāsītikappasahassaparamāyupariyanto vā. So tato cuto amutra udapādinti so tato bhavato, sattanikāyato vā cuto puna amukasmiṃ nāma sattanikāye udapādiṃ. Atha vā tatrāpi bhave vā sattanikāye vā ahosiṃ. Evaṃnāmotiādi vuttatthameva.

    64. д̣̇иб̣б̣знаад̇иаад̣̇ийсу д̣̇иб̣б̣асад̣̇исад̇д̇аа д̣̇иб̣б̣ам̣. д̣̇звад̇аанан̃хи сужарид̇агамманиб̣б̣ад̇д̇амби бид̇д̇асзмхарухираад̣̇ийхи абалиб̣уд̣̇д̇хам̣ убаггилзсавимуд̇д̇ад̇д̇аа д̣̇уурзби аарамман̣аг̇г̇ахан̣асамад̇т̇ам̣ д̣̇иб̣б̣ам̣ басаад̣̇ажагку ход̇и. ид̣̇амби вийрияабхааванааб̣аланиб̣б̣ад̇д̇ам̣ н̃аан̣ажагку д̇аад̣̇исамзваад̇и д̣̇иб̣б̣асад̣̇исад̇д̇аа д̣̇иб̣б̣ам̣, д̣̇иб̣б̣авихааравасзна ваа бадилад̣̇д̇хад̇д̇аа, ад̇д̇анаа жа д̣̇иб̣б̣авихаарасанниссид̇ад̇д̇ааби д̣̇иб̣б̣ам̣, аалогабариг̇г̇ахзна махааж̇уд̇игад̇д̇ааби д̣̇иб̣б̣ам̣, д̇ирогуддаад̣̇иг̇ад̇аруубад̣̇ассанзна махааг̇ад̇игад̇д̇ааби д̣̇иб̣б̣ам̣. д̇ам̣ саб̣б̣ам̣ сад̣̇д̣̇асад̇т̇аанусаарзна взд̣̇ид̇аб̣б̣ам̣. д̣̇ассанадтзна жагку. жагкугижжагаран̣зна жагкумиваад̇иби жагку. жуд̇уубабаад̇ад̣̇ассанзна д̣̇идтивисуд̣̇д̇хихзд̇уд̇д̇аа висуд̣̇д̇хам̣. яо хи жуд̇имад̇д̇амзва бассад̇и, на убабаад̇ам̣, со ужчзд̣̇ад̣̇идтим̣ г̇ан̣хаад̇и. яо убабаад̇амад̇д̇амзва бассад̇и на жуд̇им̣, со навасад̇д̇абаад̇убхаавад̣̇идтим̣ г̇ан̣хаад̇и. яо бана д̇ад̣̇убхаяам̣ бассад̇и, со яасмаа д̣̇увид̇хамби д̇ам̣ д̣̇идтиг̇ад̇ам̣ ад̇ивад̇д̇ад̇и. д̇асмаасса д̇ам̣ д̣̇ассанам̣ д̣̇идтивисуд̣̇д̇хихзд̇у ход̇и. д̇ад̣̇убхаяан̃жа бхаг̇аваа бассад̇и. д̇зна вуд̇д̇ам̣ – ‘‘жуд̇уубабаад̇ад̣̇ассанзна д̣̇идтивисуд̣̇д̇хихзд̇уд̇д̇аа висуд̣̇д̇ха’’нд̇и.

    64.Dibbenātiādīsu dibbasadisattā dibbaṃ. Devatānañhi sucaritakammanibbattampi pittasemharuhirādīhi apalibuddhaṃ upakkilesavimuttattā dūrepi ārammaṇaggahaṇasamatthaṃ dibbaṃ pasādacakkhu hoti. Idampi vīriyabhāvanābalanibbattaṃ ñāṇacakkhu tādisamevāti dibbasadisattā dibbaṃ, dibbavihāravasena vā paṭiladdhattā, attanā ca dibbavihārasannissitattāpi dibbaṃ, ālokapariggahena mahājutikattāpi dibbaṃ, tirokuṭṭādigatarūpadassanena mahāgatikattāpi dibbaṃ. Taṃ sabbaṃ saddasatthānusārena veditabbaṃ. Dassanaṭṭhena cakkhu. Cakkhukiccakaraṇena cakkhumivātipi cakkhu. Cutūpapātadassanena diṭṭhivisuddhihetuttā visuddhaṃ. Yo hi cutimattameva passati, na upapātaṃ, so ucchedadiṭṭhiṃ gaṇhāti. Yo upapātamattameva passati na cutiṃ, so navasattapātubhāvadiṭṭhiṃ gaṇhāti. Yo pana tadubhayaṃ passati, so yasmā duvidhampi taṃ diṭṭhigataṃ ativattati. Tasmāssa taṃ dassanaṃ diṭṭhivisuddhihetu hoti. Tadubhayañca bhagavā passati. Tena vuttaṃ – ‘‘cutūpapātadassanena diṭṭhivisuddhihetuttā visuddha’’nti.

    згаад̣̇асаубаггилзсавирахад̇о ваа висуд̣̇д̇хам̣. яат̇ааха –

    Ekādasaupakkilesavirahato vā visuddhaṃ. Yathāha –

    ‘‘со ко ахам̣ ануруд̣̇д̇хаа ‘вижигижчаа жид̇д̇асса убаггилзсо’д̇и ид̇и вид̣̇ид̇ваа вижигижчам̣ жид̇д̇асса убаггилзсам̣ баж̇ахим̣. ‘аманасигааро жид̇д̇асса убаггилзсо… т̇инамид̣̇д̇хам̣… чамбхид̇ад̇д̇ам̣… уббилам̣… д̣̇удтуллам̣… ажжаарад̣̇д̇хавийрияам̣… ад̇илийнавийрияам̣… абхиж̇аббаа… наанад̇д̇асан̃н̃аа… ад̇иниж̇жхааяид̇ад̇д̇ам̣ руубаанам̣ жид̇д̇асса убаггилзсо’д̇и ид̇и вид̣̇ид̇ваа ад̇иниж̇жхааяид̇ад̇д̇ам̣ руубаанам̣ жид̇д̇асса убаггилзсам̣ баж̇ахи’’нд̇и (ма. ни. 3.242) звамаад̣̇и.

    ‘‘So kho ahaṃ anuruddhā ‘vicikicchā cittassa upakkileso’ti iti viditvā vicikicchaṃ cittassa upakkilesaṃ pajahiṃ. ‘Amanasikāro cittassa upakkileso… thinamiddhaṃ… chambhitattaṃ… uppilaṃ… duṭṭhullaṃ… accāraddhavīriyaṃ… atilīnavīriyaṃ… abhijappā… nānattasaññā… atinijjhāyitattaṃ rūpānaṃ cittassa upakkileso’ti iti viditvā atinijjhāyitattaṃ rūpānaṃ cittassa upakkilesaṃ pajahi’’nti (ma. ni. 3.242) evamādi.

    д̇ад̣̇звам̣ згаад̣̇асаубаггилзсавирахад̇о ваа висуд̣̇д̇хам̣. мануссуубажаарам̣ ад̇иггамид̇ваа руубад̣̇ассанзна ад̇игганд̇амаанусагам̣, мам̣сажагкум̣ ад̇игганд̇ад̇д̇аа ваа ад̇игганд̇амаанусагам̣. д̇зна д̣̇иб̣б̣зна жагкунаа висуд̣̇д̇хзна ад̇игганд̇амаанусагзна.

    Tadevaṃ ekādasaupakkilesavirahato vā visuddhaṃ. Manussūpacāraṃ atikkamitvā rūpadassanena atikkantamānusakaṃ, maṃsacakkhuṃ atikkantattā vā atikkantamānusakaṃ. Tena dibbena cakkhunā visuddhena atikkantamānusakena.

    сад̇д̇з бассад̇ийд̇и мануссо мануссам̣ мам̣сажагкунаа вияа сад̇д̇з бассад̇и ологзд̇и. жавамаанз убабаж̇ж̇амаанзд̇и зд̇т̇а жуд̇игкан̣з убабад̇д̇игкан̣з ваа д̣̇иб̣б̣ажагкунааби д̣̇адтум̣ на саггаа. яз бана аасаннажуд̇игаа ид̣̇аани жависсанд̇и, яз жа г̇ахид̇абадисанд̇хигаа самбад̇и ниб̣б̣ад̇д̇аа, д̇з ‘‘жавамаанаа убабаж̇ж̇амаанаа’’д̇и ад̇хиббзд̇аа. д̇з зваруубз жавамаанз убабаж̇ж̇амаанз. хийнзд̇и моханиссанд̣̇аяуд̇д̇ад̇д̇аа хийнаж̇аад̇игулабхог̇аад̣̇ивасзна хийл̣ид̇з барибхууд̇з. бан̣ийд̇зд̇и амоханиссанд̣̇аяуд̇д̇ад̇д̇аа д̇аб̣б̣ибарийд̇з. суван̣н̣зд̇и ад̣̇осаниссанд̣̇аяуд̇д̇ад̇д̇аа идтаганд̇аманаабаван̣н̣аяуд̇д̇з. д̣̇уб̣б̣ан̣н̣зд̇и д̣̇осаниссанд̣̇аяуд̇д̇ад̇д̇аа анидтааганд̇ааманаабаван̣н̣аяуд̇д̇з абхируубз вируубз ваад̇и ад̇т̇о. суг̇ад̇зд̇и суг̇ад̇иг̇ад̇з, алобханиссанд̣̇аяуд̇д̇ад̇д̇аа ваа ад̣дхз махад̣̇д̇ханз. д̣̇уг̇г̇ад̇зд̇и д̣̇уг̇г̇ад̇иг̇ад̇з, лобханиссанд̣̇аяуд̇д̇ад̇д̇аа ваа д̣̇алид̣̇д̣̇з аббаннабаанабхож̇анз. яат̇аагаммуубаг̇зд̇и яам̣ яам̣ гаммам̣ убажид̇ам̣, д̇зна д̇зна убаг̇ад̇з. д̇ад̇т̇а буримзхи ‘‘жавамаанз’’д̇иаад̣̇ийхи д̣̇иб̣б̣ажагкугижжам̣ вуд̇д̇ам̣. иминаа бана бад̣̇зна яат̇аагаммуубаг̇ан̃аан̣агижжам̣. яат̇аагаммуубаг̇ан̃аан̣аанааг̇ад̇ам̣сан̃аан̣аани жа д̣̇иб̣б̣ажагкубаад̣̇агаанзва д̣̇иб̣б̣ажагкунаа сахзва иж̇жханд̇и.

    Satte passatīti manusso manussaṃ maṃsacakkhunā viya satte passati oloketi. Cavamāne upapajjamāneti ettha cutikkhaṇe upapattikkhaṇe vā dibbacakkhunāpi daṭṭhuṃ na sakkā. Ye pana āsannacutikā idāni cavissanti, ye ca gahitapaṭisandhikā sampati nibbattā, te ‘‘cavamānā upapajjamānā’’ti adhippetā. Te evarūpe cavamāne upapajjamāne. Hīneti mohanissandayuttattā hīnajātikulabhogādivasena hīḷite paribhūte. Paṇīteti amohanissandayuttattā tabbiparīte. Suvaṇṇeti adosanissandayuttattā iṭṭhakantamanāpavaṇṇayutte. Dubbaṇṇeti dosanissandayuttattā aniṭṭhākantāmanāpavaṇṇayutte abhirūpe virūpe vāti attho. Sugateti sugatigate, alobhanissandayuttattā vā aḍḍhe mahaddhane. Duggateti duggatigate, lobhanissandayuttattā vā dalidde appannapānabhojane. Yathākammūpageti yaṃ yaṃ kammaṃ upacitaṃ, tena tena upagate. Tattha purimehi ‘‘cavamāne’’tiādīhi dibbacakkhukiccaṃ vuttaṃ. Iminā pana padena yathākammūpagañāṇakiccaṃ. Yathākammūpagañāṇaanāgataṃsañāṇāni ca dibbacakkhupādakāneva dibbacakkhunā saheva ijjhanti.

    гааяад̣̇ужжарид̇знаад̇иаад̣̇ийсу д̣̇удту жарид̇ам̣, д̣̇удтам̣ ваа жарид̇ам̣ гилзсабууд̇игад̇д̇аа д̣̇ужжарид̇ам̣. гааязна д̣̇ужжарид̇ам̣, гааяад̇о ваа бавад̇д̇ам̣ д̣̇ужжарид̇ам̣ гааяад̣̇ужжарид̇ам̣. звам̣ важийманод̣̇ужжарид̇ааниби д̣̇адтаб̣б̣аани. саманнааг̇ад̇аад̇и саман̇г̇ийбхууд̇аа. арияаанам̣ убаваад̣̇агаад̇и б̣уд̣̇д̇хаад̣̇ийнам̣ арияаанам̣, анд̇амасо г̇ихисод̇аабаннаанамби анд̇имавад̇т̇унаа ваа г̇ун̣абарид̇хам̣санзна ваа убаваад̣̇агаа аггосагаа г̇арахагаа. мижчаад̣̇идтигаад̇и вибарийд̇ад̣̇ассанаа. мижчаад̣̇идтигаммасамаад̣̇аанаад̇и мижчаад̣̇идтихзд̇убхууд̇асамаад̣̇иннанаанаавид̇хагаммаа. яз жа мижчаад̣̇идтимуулагзсу гааяагаммаад̣̇ийсу ан̃н̃зби самаад̣̇абзнд̇и. д̇ад̇т̇а важийманод̣̇ужжарид̇аг̇г̇ахан̣зна арияуубаваад̣̇амижчаад̣̇идтийсу г̇ахид̇аасуби д̇зсам̣ буна важанам̣ махаасааваж̇ж̇абхаавад̣̇ассанад̇т̇ам̣. махаасааваж̇ж̇о хи арияуубаваад̣̇о аананд̇арияасад̣̇исо. яат̇ааха –

    Kāyaduccaritenātiādīsu duṭṭhu caritaṃ, duṭṭhaṃ vā caritaṃ kilesapūtikattā duccaritaṃ. Kāyena duccaritaṃ, kāyato vā pavattaṃ duccaritaṃ kāyaduccaritaṃ. Evaṃ vacīmanoduccaritānipi daṭṭhabbāni. Samannāgatāti samaṅgībhūtā. Ariyānaṃupavādakāti buddhādīnaṃ ariyānaṃ, antamaso gihisotāpannānampi antimavatthunā vā guṇaparidhaṃsanena vā upavādakā akkosakā garahakā. Micchādiṭṭhikāti viparītadassanā. Micchādiṭṭhikammasamādānāti micchādiṭṭhihetubhūtasamādinnanānāvidhakammā. Ye ca micchādiṭṭhimūlakesu kāyakammādīsu aññepi samādapenti. Tattha vacīmanoduccaritaggahaṇena ariyūpavādamicchādiṭṭhīsu gahitāsupi tesaṃ puna vacanaṃ mahāsāvajjabhāvadassanatthaṃ. Mahāsāvajjo hi ariyūpavādo ānantariyasadiso. Yathāha –

    ‘‘сзяяат̇ааби , саарибуд̇д̇а, бхигку сийласамбанно самаад̇хисамбанно бан̃н̃аасамбанно д̣̇идтзва д̇хаммз ан̃н̃ам̣ аараад̇хзяяа, звам̣самбад̣̇амид̣̇ам̣, саарибуд̇д̇а, вад̣̇аами д̇ам̣ ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа яат̇аабхад̇ам̣ нигкид̇д̇о звам̣ нираяз’’д̇и (ма. ни. 1.149).

    ‘‘Seyyathāpi , sāriputta, bhikkhu sīlasampanno samādhisampanno paññāsampanno diṭṭheva dhamme aññaṃ ārādheyya, evaṃsampadamidaṃ, sāriputta, vadāmi taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā yathābhataṃ nikkhitto evaṃ niraye’’ti (ma. ni. 1.149).

    мижчаад̣̇идтид̇о жа махаасааваж̇ж̇ад̇арам̣ наама ан̃н̃ам̣ над̇т̇и. яат̇ааха –

    Micchādiṭṭhito ca mahāsāvajjataraṃ nāma aññaṃ natthi. Yathāha –

    ‘‘наахам̣, бхигкавз, ан̃н̃ам̣ згад̇хаммамби саманубассаами звам̣ махаасааваж̇ж̇ад̇арам̣, яат̇аяид̣̇ам̣, бхигкавз, мижчаад̣̇идти. мижчаад̣̇идтибарамаани, бхигкавз, важ̇ж̇ааний’’д̇и (а. ни. 1.310).

    ‘‘Nāhaṃ, bhikkhave, aññaṃ ekadhammampi samanupassāmi evaṃ mahāsāvajjataraṃ, yathayidaṃ, bhikkhave, micchādiṭṭhi. Micchādiṭṭhiparamāni, bhikkhave, vajjānī’’ti (a. ni. 1.310).

    гааяасса бхзд̣̇аад̇и убаад̣̇иннагканд̇хабарижжааг̇аа. барам̣ маран̣аад̇и д̇ад̣̇ананд̇арам̣ абхиниб̣б̣ад̇д̇агканд̇хаг̇г̇ахан̣з. ат̇а ваа гааяасса бхзд̣̇аад̇и ж̇ийвид̇инд̣̇рияасса убажчзд̣̇аа. барам̣ маран̣аад̇и жуд̇ид̇о уд̣̇д̇хам̣. абааяанд̇иаад̣̇и саб̣б̣ам̣ нираяавзважанам̣. нираяо хи саг̇г̇амогкахзд̇убхууд̇аа бун̃н̃асаммад̇аа аяаа абзд̇ад̇д̇аа, сукаанам̣ ваа ааяасса абхааваа абааяо. д̣̇угкасса г̇ад̇и бадисаран̣анд̇и д̣̇уг̇г̇ад̇и, д̣̇осаб̣ахулад̇ааяа ваа д̣̇удтзна гаммунаа ниб̣б̣ад̇д̇аа г̇ад̇и д̣̇уг̇г̇ад̇и. вивасаа нибад̇анд̇и д̇ад̇т̇а д̣̇уггадагааринод̇и винибаад̇о. над̇т̇и зд̇т̇а ассаад̣̇асан̃н̃ид̇о аяод̇и нираяо.

    Kāyassa bhedāti upādinnakkhandhapariccāgā. Paraṃ maraṇāti tadanantaraṃ abhinibbattakkhandhaggahaṇe. Atha vā kāyassa bhedāti jīvitindriyassa upacchedā. Paraṃ maraṇāti cutito uddhaṃ. Apāyantiādi sabbaṃ nirayavevacanaṃ. Nirayo hi saggamokkhahetubhūtā puññasammatā ayā apetattā, sukhānaṃ vā āyassa abhāvā apāyo. Dukkhassa gati paṭisaraṇanti duggati, dosabahulatāya vā duṭṭhena kammunā nibbattā gati duggati. Vivasā nipatanti tattha dukkaṭakārinoti vinipāto. Natthi ettha assādasaññito ayoti nirayo.

    ат̇а ваа абааяаг̇г̇ахан̣зна д̇иражчаанаяоним̣ д̣̇ийбзд̇и, д̇иражчаанаяони хи абааяо, суг̇ад̇ид̇о абзд̇ад̇д̇аа. на д̣̇уг̇г̇ад̇и, махзсагкаанам̣ нааг̇арааж̇аад̣̇ийнам̣ самбхавад̇о. д̣̇уг̇г̇ад̇иг̇г̇ахан̣зна бзд̇д̇ивисаяам̣ д̣̇ийбзд̇и, со хи абааяо жзва д̣̇уг̇г̇ад̇и жа суг̇ад̇ид̇о абзд̇ад̇д̇аа, д̣̇угкасса жа г̇ад̇ибхууд̇ад̇д̇аа. на д̇у винибаад̇о асурасад̣̇исам̣ авинибад̇ид̇ад̇д̇аа. бзд̇амахид̣̇д̇хигаанан̃хи вимаанааниби ниб̣б̣ад̇д̇анд̇и. винибаад̇аг̇г̇ахан̣зна асурагааяам̣ д̣̇ийбзд̇и, со хи яат̇аавуд̇д̇знад̇т̇зна абааяо жзва д̣̇уг̇г̇ад̇и жа сукасамуссаязхи винибаад̇ад̇д̇аа винибаад̇од̇и вужжад̇и. нираяаг̇г̇ахан̣зна авийжиаад̣̇ианзгаббагаарам̣ нираяамзва д̣̇ийбзд̇и. убабаннаад̇и убаг̇ад̇аа, д̇ад̇т̇а абхиниб̣б̣ад̇д̇аад̇и ад̇хиббааяо. вуд̇д̇авибарияааязна суггабагко взд̣̇ид̇аб̣б̣о.

    Atha vā apāyaggahaṇena tiracchānayoniṃ dīpeti, tiracchānayoni hi apāyo, sugatito apetattā. Na duggati, mahesakkhānaṃ nāgarājādīnaṃ sambhavato. Duggatiggahaṇena pettivisayaṃ dīpeti, so hi apāyo ceva duggati ca sugatito apetattā, dukkhassa ca gatibhūtattā. Na tu vinipāto asurasadisaṃ avinipatitattā. Petamahiddhikānañhi vimānānipi nibbattanti. Vinipātaggahaṇena asurakāyaṃ dīpeti, so hi yathāvuttenatthena apāyo ceva duggati ca sukhasamussayehi vinipātattā vinipātoti vuccati. Nirayaggahaṇena avīciādianekappakāraṃ nirayameva dīpeti. Upapannāti upagatā, tattha abhinibbattāti adhippāyo. Vuttavipariyāyena sukkapakkho veditabbo.

    аяам̣ бана висзсо – зд̇т̇а суг̇ад̇иг̇г̇ахан̣зна мануссаг̇ад̇имби сан̇г̇ан̣хаад̇и. саг̇г̇аг̇г̇ахан̣зна д̣̇зваг̇ад̇им̣ зва. д̇ад̇т̇а сунд̣̇араа г̇ад̇ийд̇и суг̇ад̇и. руубаад̣̇ийхи висаязхи судту аг̇г̇од̇и саг̇г̇о. со саб̣б̣оби луж̇ж̇анабалуж̇ж̇анадтзна логод̇и аяам̣ важанад̇т̇о. амугааяа габбагодияам̣ убажид̇ам̣ д̇знааяам̣ зд̇арахи, анааг̇ад̇з ваа саг̇г̇уубаг̇о абааяуубаг̇о жаад̇и адтаманавамаб̣алан̃аан̣агижжам̣ згаж̇жхам̣ гад̇ваа д̣̇ассид̇ам̣. д̇ат̇аа габбасад̇асахассзваад̇иаад̣̇ийсуби. д̇знзвааха – ‘‘имаани бхаг̇авад̇о д̣̇вз н̃аан̣ааний’’д̇и.

    Ayaṃ pana viseso – ettha sugatiggahaṇena manussagatimpi saṅgaṇhāti. Saggaggahaṇena devagatiṃ eva. Tattha sundarā gatīti sugati. Rūpādīhi visayehi suṭṭhu aggoti saggo. So sabbopi lujjanapalujjanaṭṭhena lokoti ayaṃ vacanattho. Amukāya kappakoṭiyaṃ upacitaṃ tenāyaṃ etarahi, anāgate vā saggūpago apāyūpago cāti aṭṭhamanavamabalañāṇakiccaṃ ekajjhaṃ katvā dassitaṃ. Tathā kappasatasahassevātiādīsupi. Tenevāha – ‘‘imāni bhagavato dve ñāṇānī’’ti.

    нихад̇о мааро б̣од̇химуулзд̇и нихад̇о самужчинно гилзсамааро б̣од̇хиругкамуулз. ид̣̇ам̣ бхаг̇авад̇о д̣̇асамам̣ б̣аланд̇и ид̣̇ам̣ гилзсамаарасса хананам̣ самужчинд̣̇анам̣ бхаг̇авад̇о д̣̇асамам̣ б̣алам̣. д̇знзвааха – ‘‘саб̣б̣аасавабаригкаяам̣ н̃аан̣а’’нд̇и. яасмаа бана яад̣̇аа арахад̇д̇амаг̇г̇зна саваасанаа саб̣б̣з аасаваа кзбид̇аа, д̇ад̣̇аа бхаг̇авад̇аа саб̣б̣ан̃н̃уд̇ан̃н̃аан̣ам̣ ад̇хиг̇ад̇ам̣ наама, д̇асмаа ‘‘яам̣ саб̣б̣ан̃н̃уд̇аа бад̇д̇аа’’д̇иаад̣̇и вуд̇д̇ам̣.

    Nihato māro bodhimūleti nihato samucchinno kilesamāro bodhirukkhamūle. Idaṃ bhagavato dasamaṃ balanti idaṃ kilesamārassa hananaṃ samucchindanaṃ bhagavato dasamaṃ balaṃ. Tenevāha – ‘‘sabbāsavaparikkhayaṃ ñāṇa’’nti. Yasmā pana yadā arahattamaggena savāsanā sabbe āsavā khepitā, tadā bhagavatā sabbaññutaññāṇaṃ adhigataṃ nāma, tasmā ‘‘yaṃ sabbaññutā pattā’’tiādi vuttaṃ.

    аяам̣ д̇аавзд̇т̇а аажарияаанам̣ самаанад̇т̇агат̇аа. бараваад̣̇ий банааха – ‘‘д̣̇асаб̣алан̃аан̣ам̣ наама баадизггам̣ над̇т̇и, яасмаа ‘саб̣б̣ан̃н̃уд̇аа бад̇д̇аа вид̣̇ид̇аа саб̣б̣ад̇хаммаа’д̇и вуд̇д̇ам̣, д̇асмаа саб̣б̣ан̃н̃уд̇ан̃н̃аан̣ассзвааяам̣ бабхзд̣̇о’’д̇и, д̇ам̣ на д̇ат̇аа д̣̇адтаб̣б̣ам̣. ан̃н̃амзва хи д̣̇асаб̣алан̃аан̣ам̣, ан̃н̃ам̣ саб̣б̣ан̃н̃уд̇ан̃н̃аан̣ам̣. д̣̇асаб̣алан̃аан̣ан̃хи сагасагагижжамзва ж̇аанаад̇и, саб̣б̣ан̃н̃уд̇ан̃н̃аан̣ам̣ д̇амби д̇ад̇о авасзсамби ж̇аанаад̇и. д̣̇асаб̣алан̃аан̣зсу хи батамам̣ гааран̣аагааран̣амзва ж̇аанаад̇и. д̣̇уд̇ияам̣ гаммабарижчзд̣̇амзва, д̇ад̇ияам̣ д̇хаад̇унаанад̇д̇агааран̣амзва, жад̇уд̇т̇ам̣ аж̇жхаасаяаад̇химуд̇д̇имзва, бан̃жамам̣ гаммавибааганд̇арамзва, чадтам̣ жхаанаад̣̇ийхи сад̣̇д̇хим̣ д̇зсам̣ сам̣гилзсаад̣̇имзва, сад̇д̇амам̣ инд̣̇рияаанам̣ д̇игкамуд̣̇убхаавамзва, адтамам̣ буб̣б̣знивуд̇т̇агканд̇хасанд̇ад̇имзва, навамам̣ сад̇д̇аанам̣ жуд̇уубабаад̇амзва, д̣̇асамам̣ сажжабарижчзд̣̇амзва. саб̣б̣ан̃н̃уд̇ан̃н̃аан̣ам̣ бана зд̇зхи ж̇аанид̇аб̣б̣ан̃жа д̇ад̇о уд̇д̇арин̃жа баж̇аанаад̇и. зд̇зсам̣ бана гижжам̣ саб̣б̣ам̣ на гарод̇и . д̇ан̃хи жхаанам̣ худ̇ваа аббзд̇ум̣ на саггод̇и, ид̣̇д̇хи худ̇ваа вигуб̣б̣ид̇ум̣ на саггод̇и, маг̇г̇о худ̇ваа гилзсз кзбзд̇ум̣ на саггод̇и.

    Ayaṃ tāvettha ācariyānaṃ samānatthakathā. Paravādī panāha – ‘‘dasabalañāṇaṃ nāma pāṭiekkaṃ natthi, yasmā ‘sabbaññutā pattā viditā sabbadhammā’ti vuttaṃ, tasmā sabbaññutaññāṇassevāyaṃ pabhedo’’ti, taṃ na tathā daṭṭhabbaṃ. Aññameva hi dasabalañāṇaṃ, aññaṃ sabbaññutaññāṇaṃ. Dasabalañāṇañhi sakasakakiccameva jānāti, sabbaññutaññāṇaṃ tampi tato avasesampi jānāti. Dasabalañāṇesu hi paṭhamaṃ kāraṇākāraṇameva jānāti. Dutiyaṃ kammaparicchedameva, tatiyaṃ dhātunānattakāraṇameva, catutthaṃ ajjhāsayādhimuttimeva, pañcamaṃ kammavipākantarameva, chaṭṭhaṃ jhānādīhi saddhiṃ tesaṃ saṃkilesādimeva, sattamaṃ indriyānaṃ tikkhamudubhāvameva, aṭṭhamaṃ pubbenivutthakkhandhasantatimeva, navamaṃ sattānaṃ cutūpapātameva, dasamaṃ saccaparicchedameva. Sabbaññutaññāṇaṃ pana etehi jānitabbañca tato uttariñca pajānāti. Etesaṃ pana kiccaṃ sabbaṃ na karoti . Tañhi jhānaṃ hutvā appetuṃ na sakkoti, iddhi hutvā vikubbituṃ na sakkoti, maggo hutvā kilese khepetuṃ na sakkoti.

    абижа бараваад̣̇ий звам̣ бужчид̇аб̣б̣о ‘‘д̣̇асаб̣алан̃аан̣ам̣ наамзд̇ам̣ савид̇аггасавижаарам̣ авид̇аггавижаарамад̇д̇ам̣ авид̇аггаавижаарам̣ гаамааважарам̣ руубааважарам̣ аруубааважарам̣ логияам̣ логуд̇д̇ара’’нд̇и. ж̇аананд̇о ‘‘бадибаадияаа сад̇д̇а савид̇аггасавижаарааний’’д̇и вагкад̇и, д̇ад̇о бараани д̣̇вз авид̇аггаавижаараанийд̇и, аасавагкаяан̃аан̣ам̣ сияаа савид̇аггасавижаарам̣, сияаа авид̇аггавижаарамад̇д̇ам̣, сияаа авид̇аггаавижааранд̇и. д̇ат̇аа бадибаадияаа сад̇д̇а гаамааважараани, д̇ад̇о д̣̇вз руубааважараани, авасаанз згам̣ логуд̇д̇аранд̇и вагкад̇и. саб̣б̣ан̃н̃уд̇ан̃н̃аан̣ам̣ бана савид̇аггасавижаарамзва гаамааважарамзва логияамзваад̇и нидтамзд̇т̇а г̇анд̇аб̣б̣ам̣.

    Apica paravādī evaṃ pucchitabbo ‘‘dasabalañāṇaṃ nāmetaṃ savitakkasavicāraṃ avitakkavicāramattaṃ avitakkaavicāraṃ kāmāvacaraṃ rūpāvacaraṃ arūpāvacaraṃ lokiyaṃ lokuttara’’nti. Jānanto ‘‘paṭipāṭiyā satta savitakkasavicārānī’’ti vakkhati, tato parāni dve avitakkaavicārānīti, āsavakkhayañāṇaṃ siyā savitakkasavicāraṃ, siyā avitakkavicāramattaṃ, siyā avitakkaavicāranti. Tathā paṭipāṭiyā satta kāmāvacarāni, tato dve rūpāvacarāni, avasāne ekaṃ lokuttaranti vakkhati. Sabbaññutaññāṇaṃ pana savitakkasavicārameva kāmāvacarameva lokiyamevāti niṭṭhamettha gantabbaṃ.

    вижаяахаарасамбаад̇аван̣н̣анаа нидтид̇аа.

    Vicayahārasampātavaṇṇanā niṭṭhitā.




    Next: 3. яуд̇д̇ихаарасамбаад̇аван̣н̣анаа • 3. Yuttihārasampātavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 2. вижаяахаарасамбаад̇о • 2. Vicayahārasampāto

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 2. вижаяахаарасамбаад̇аван̣н̣анаа • 2. Vicayahārasampātavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 2. вижаяахаарасамбаад̇авибхааванаа • 2. Vicayahārasampātavibhāvanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact