| Library / Tipiṭaka / д̇ибидага • Tipiṭaka / нзд̇д̇ивибхаавиний • Nettivibhāvinī |
2. вижаяахаарасамбаад̇авибхааванаа
2. Vicayahārasampātavibhāvanā
53. язна д̣̇зсанаахаарасамбаад̇зна ассаад̣̇аад̣̇аяо аажариязна вибхад̇д̇аа, амхзхи жа н̃аад̇аа, со д̣̇зсанаахаарасамбаад̇о барибун̣н̣о, ‘‘гад̇амо вижаяахаарасамбаад̇о’’д̇и бужчид̇аб̣б̣ад̇д̇аа ‘‘д̇ад̇т̇а гад̇амо вижаяо хаарасамбаад̇о’’д̇иаад̣̇и вуд̇д̇ам̣. д̇ад̇т̇аад̇и д̇зсу д̣̇зсанаахаарасамбаад̇аад̣̇ийсу сол̣асасу хаарасамбаад̇зсу гад̇амо сам̣ван̣н̣анаависзсо вижаяахаарасамбаад̇о наамаад̇и бужчад̇и. имзсу д̇хаммзсу аяам̣ д̇хаммо язна сам̣ван̣н̣анаависзсзна вижаяид̇аб̣б̣о, со сам̣ван̣н̣анаависзсо вижаяахаарасамбаад̇о наамаад̇и нияамзд̇ваа вибхаж̇ид̇ум̣ ‘‘д̇ад̇т̇а д̇ан̣хаа’’д̇иаад̣̇и вуд̇д̇ам̣. адтагат̇ааяам̣ бана –
53. Yena desanāhārasampātena assādādayo ācariyena vibhattā, amhehi ca ñātā, so desanāhārasampāto paripuṇṇo, ‘‘katamo vicayahārasampāto’’ti pucchitabbattā ‘‘tattha katamo vicayo hārasampāto’’tiādi vuttaṃ. Tatthāti tesu desanāhārasampātādīsu soḷasasu hārasampātesu katamo saṃvaṇṇanāviseso vicayahārasampāto nāmāti pucchati. Imesu dhammesu ayaṃ dhammo yena saṃvaṇṇanāvisesena vicayitabbo, so saṃvaṇṇanāviseso vicayahārasampāto nāmāti niyametvā vibhajituṃ ‘‘tattha taṇhā’’tiādi vuttaṃ. Aṭṭhakathāyaṃ pana –
‘‘звам̣ д̣̇зсанаахаарасамбаад̇ам̣ д̣̇ассзд̇ваа ид̣̇аани вижаяахаарасамбаад̇ам̣ д̣̇ассзнд̇о яасмаа д̣̇зсанаахаарабад̣̇ад̇т̇авижаяо вижаяахааро, д̇асмаа д̣̇зсанаахаарз вибаллаасахзд̇убхаавзна нид̣̇д̇хаарид̇ааяа д̇ан̣хааяа гусалаад̣̇ивибхааг̇абавижаяамукзна вижаяахаарасамбаад̇ам̣ д̣̇ассзд̇ум̣ ‘д̇ад̇т̇а д̇ан̣хаа д̣̇увид̇хаа’д̇иаад̣̇и аарад̣̇д̇ха’’нд̇и (нзд̇д̇и. адта. 53) –
‘‘Evaṃ desanāhārasampātaṃ dassetvā idāni vicayahārasampātaṃ dassento yasmā desanāhārapadatthavicayo vicayahāro, tasmā desanāhāre vipallāsahetubhāvena niddhāritāya taṇhāya kusalādivibhāgapavicayamukhena vicayahārasampātaṃ dassetuṃ ‘tattha taṇhā duvidhā’tiādi āraddha’’nti (netti. aṭṭha. 53) –
вуд̇д̇ам̣. д̇ад̇т̇а д̇ад̇т̇аад̇и д̇асмим̣ ‘‘арагкид̇зна жид̇д̇знаа’’д̇иаад̣̇исуд̇д̇ад̇т̇з д̣̇зсанаахаарасамбаад̇зна сам̣ван̣н̣ид̇з агусалад̇хаммз ‘‘д̇ан̣хаа’’д̇и нид̣̇д̇хаарид̇аа саб̣б̣ад̇ан̣хаа. гусалаабийд̇и жад̇убхуумагз гусалз уд̣̇д̣̇исса бавад̇д̇аа д̇ан̣хааби. агусалаабийд̇и агусалад̇хаммз уд̣̇д̣̇исса бавад̇д̇аа д̇ан̣хаабийд̇и д̣̇увид̇хаа ход̇ийд̇и вижаяид̇аб̣б̣аа. д̇зна вуд̇д̇ам̣ дийгааяам̣ – ‘‘гусалад̇хаммаарамман̣аад̇и гусалад̇хаммз уд̣̇д̣̇исса бавад̇д̇амад̇д̇ам̣ санд̇хааяа вуд̇д̇ам̣, на д̇зсам̣ аарамман̣абажжаяад̇ам̣, ид̇ха ‘гусалаа д̇хаммаа’д̇и логуд̇д̇арад̇хаммаанамби ад̇хиббзд̇ад̇д̇аа’’д̇и.
Vuttaṃ. Tattha tatthāti tasmiṃ ‘‘arakkhitena cittenā’’tiādisuttatthe desanāhārasampātena saṃvaṇṇite akusaladhamme ‘‘taṇhā’’ti niddhāritā sabbataṇhā. Kusalāpīti catubhūmake kusale uddissa pavattā taṇhāpi. Akusalāpīti akusaladhamme uddissa pavattā taṇhāpīti duvidhā hotīti vicayitabbā. Tena vuttaṃ ṭīkāyaṃ – ‘‘kusaladhammārammaṇāti kusaladhamme uddissa pavattamattaṃ sandhāya vuttaṃ, na tesaṃ ārammaṇapaccayataṃ, idha ‘kusalā dhammā’ti lokuttaradhammānampi adhippetattā’’ti.
‘‘гусалаа д̇ан̣хаа гим̣г̇ааминий, агусалаа д̇ан̣хаа гим̣ г̇ааминий’’д̇и бужчид̇аб̣б̣ад̇д̇аа ‘‘агусалаа сам̣саараг̇ааминий’’д̇иаад̣̇и вуд̇д̇ам̣. ат̇а ваа ‘‘гад̇амо гусалаагусалад̇ан̣хаанам̣ висзсо’’д̇и бужчид̇аб̣б̣ад̇д̇аа ‘‘агусалаа сам̣саараг̇ааминий’’д̇иаад̣̇и вуд̇д̇ам̣. ‘‘д̇ан̣хаа наама сам̣саараг̇ааминий ход̇у, гат̇ам̣ абажаяаг̇ааминий’’д̇и вад̇д̇аб̣б̣ад̇д̇аа ‘‘бахаанад̇ан̣хаа’’д̇и вуд̇д̇ам̣, бахаанасса хзд̇убхууд̇аа д̇ан̣хаа бахаанад̇ан̣хаад̇и ад̇т̇о, бахаад̇аб̣б̣ад̇ан̣хам̣ ааг̇амма яам̣ бахаанам̣ бавад̇д̇зд̇аб̣б̣ам̣, д̇зна бавад̇д̇зд̇аб̣б̣зна бахаанзна абажаяам̣ г̇ажчад̇ийд̇и вуд̇д̇ам̣ ход̇и.
‘‘Kusalā taṇhā kiṃgāminī, akusalā taṇhā kiṃ gāminī’’ti pucchitabbattā ‘‘akusalā saṃsāragāminī’’tiādi vuttaṃ. Atha vā ‘‘katamo kusalākusalataṇhānaṃ viseso’’ti pucchitabbattā ‘‘akusalā saṃsāragāminī’’tiādi vuttaṃ. ‘‘Taṇhā nāma saṃsāragāminī hotu, kathaṃ apacayagāminī’’ti vattabbattā ‘‘pahānataṇhā’’ti vuttaṃ, pahānassa hetubhūtā taṇhā pahānataṇhāti attho, pahātabbataṇhaṃ āgamma yaṃ pahānaṃ pavattetabbaṃ, tena pavattetabbena pahānena apacayaṃ gacchatīti vuttaṃ hoti.
‘‘гим̣ бана д̇ан̣хааязва гусалаагусалаад̇и д̣̇уб̣б̣ид̇хаа, уд̣̇ааху ан̃н̃оби гусалаагусалаад̇и д̣̇уб̣б̣ид̇хо’’д̇и вад̇д̇аб̣б̣ад̇д̇аа ‘‘маанобий’’д̇иаад̣̇и вуд̇д̇ам̣. ‘‘гад̇амо маано гусало, гад̇амо маано агусало’’д̇и бужчид̇аб̣б̣ад̇д̇аа ‘‘яам̣ маанам̣ ниссааяа маанам̣ баж̇ахад̇и, аяам̣ маано гусало. яо бана маано д̣̇угкам̣ ниб̣б̣ад̇д̇аяад̇и, аяам̣ маано агусало’’д̇и вуд̇д̇ам̣. д̇ад̇т̇а яам̣ маанам̣…бз… гусалод̇и яам̣ маанам̣ ниссааяа убаниссааяа бахаанам̣ бавад̇д̇ид̇ам̣, д̇зна бахаанзна санд̇аанз уббаж̇ж̇анаарахам̣ маанам̣ баж̇ахад̇и, аяам̣ убаниссаяабажжаяабхууд̇о маано палуубажаарзна гусало. яо бана…бз… агусалод̇и яо бана маано барахим̣санаад̣̇ивасзна бавад̇д̇амаано худ̇ваа ад̇д̇ано жа барасса жа д̣̇угкам̣ ниб̣б̣ад̇д̇аяад̇и, аяам̣ маано агусалод̇и вижаяид̇ваа взд̣̇ид̇аб̣б̣о.
‘‘Kiṃ pana taṇhāyeva kusalākusalāti dubbidhā, udāhu aññopi kusalākusalāti dubbidho’’ti vattabbattā ‘‘mānopī’’tiādi vuttaṃ. ‘‘Katamo māno kusalo, katamo māno akusalo’’ti pucchitabbattā ‘‘yaṃ mānaṃ nissāya mānaṃ pajahati, ayaṃ māno kusalo. Yo pana māno dukkhaṃ nibbattayati, ayaṃ māno akusalo’’ti vuttaṃ. Tattha yaṃ mānaṃ…pe… kusaloti yaṃ mānaṃ nissāya upanissāya pahānaṃ pavattitaṃ, tena pahānena santāne uppajjanārahaṃ mānaṃ pajahati, ayaṃ upanissayapaccayabhūto māno phalūpacārena kusalo. Yo pana…pe… akusaloti yo pana māno parahiṃsanādivasena pavattamāno hutvā attano ca parassa ca dukkhaṃ nibbattayati, ayaṃ māno akusaloti vicayitvā veditabbo.
‘‘сам̣саараабажаяаг̇ааминийсу д̇аасу д̇ан̣хаасу гад̇амаа абажаяаг̇ааминий д̇ан̣хаа гусалаа’’д̇и бужчид̇аб̣б̣ад̇д̇аа ‘‘гусалаа’’д̇и вуд̇д̇ааяа д̇ан̣хааяа саруубам̣ д̣̇ассзд̇ум̣ ‘‘д̇ад̇т̇а яам̣ нзгкаммасид̇а’’нд̇иаад̣̇и вуд̇д̇ам̣. д̇ад̇т̇аад̇и д̇аасу сам̣саараабажаяаг̇ааминийсу д̇ан̣хаабхууд̇аасу гусалаагусалаасу. аяам̣ д̇ан̣хаа гусалаад̇и самб̣анд̇хо. ‘‘арияаа буг̇г̇алаа санд̇ам̣ ааяад̇анам̣ яам̣ арияапалад̇хаммам̣ сажчигад̇ваа убасамбаж̇ж̇а вихаранд̇и, д̇ам̣ ааяад̇анам̣ арияапалад̇хаммам̣ ахам̣ гуд̣̇аассу сажчигад̇ваа вихарисса’’нд̇и бад̇т̇аяанд̇асса д̇асса гулабуд̇д̇асса д̇асмим̣ арияапалз бихаа уббаж̇ж̇ад̇и, бихаабажжаяаа яам̣ д̣̇оманассам̣ уббаж̇ж̇ад̇и, ид̣̇ам̣ д̣̇оманассам̣ ‘‘нзгкаммасид̇а’’нд̇и вужжад̇и. аяам̣ арияапалз бихаасан̇каад̇аа д̇ан̣хаа гусалаа анаваж̇ж̇аа анаваж̇ж̇аарияапалад̇хаммам̣ уд̣̇д̣̇исса бавад̇д̇ад̇д̇аад̇и вижаяид̇аб̣б̣ам̣.
‘‘Saṃsārāpacayagāminīsu tāsu taṇhāsu katamā apacayagāminī taṇhā kusalā’’ti pucchitabbattā ‘‘kusalā’’ti vuttāya taṇhāya sarūpaṃ dassetuṃ ‘‘tattha yaṃ nekkhammasita’’ntiādi vuttaṃ. Tatthāti tāsu saṃsārāpacayagāminīsu taṇhābhūtāsu kusalākusalāsu. Ayaṃ taṇhā kusalāti sambandho. ‘‘Ariyā puggalā santaṃ āyatanaṃ yaṃ ariyaphaladhammaṃ sacchikatvā upasampajja viharanti, taṃ āyatanaṃ ariyaphaladhammaṃ ahaṃ kudāssu sacchikatvā viharissa’’nti patthayantassa tassa kulaputtassa tasmiṃ ariyaphale pihā uppajjati, pihāpaccayā yaṃ domanassaṃ uppajjati, idaṃ domanassaṃ ‘‘nekkhammasita’’nti vuccati. Ayaṃ ariyaphale pihāsaṅkhātā taṇhā kusalā anavajjā anavajjaariyaphaladhammaṃ uddissa pavattattāti vicayitabbaṃ.
‘‘гат̇ам̣ бавад̇д̇аа’’д̇и вад̇д̇аб̣б̣ад̇д̇аа ‘‘рааг̇авирааг̇аа’’д̇иаад̣̇и вуд̇д̇ам̣. яаа рааг̇авирааг̇аа жзд̇овимуд̇д̇и бад̇д̇аб̣б̣аа. д̇ад̣̇аарамман̣аа д̇ам̣ жзд̇овимуд̇д̇им̣ ааг̇амма бавад̇д̇аа д̇ан̣хаа гусалаа анаваж̇ж̇аа, яаа авиж̇ж̇аавирааг̇аа бан̃н̃аавимуд̇д̇и бад̇д̇аб̣б̣аа, д̇ад̣̇аарамман̣аа д̇ам̣ бан̃н̃аавимуд̇д̇им̣ ааг̇амма бавад̇д̇аа д̇ан̣хаа гусалаа анаваж̇ж̇аад̇и вижаяид̇аб̣б̣аа. д̇ааяа бан̃н̃аавимуд̇д̇ияаа васзна бхаг̇авад̇аа –
‘‘Kathaṃ pavattā’’ti vattabbattā ‘‘rāgavirāgā’’tiādi vuttaṃ. Yā rāgavirāgā cetovimutti pattabbā. Tadārammaṇā taṃ cetovimuttiṃ āgamma pavattā taṇhā kusalā anavajjā, yā avijjāvirāgā paññāvimutti pattabbā, tadārammaṇā taṃ paññāvimuttiṃ āgamma pavattā taṇhā kusalā anavajjāti vicayitabbā. Tāya paññāvimuttiyā vasena bhagavatā –
‘‘д̇асмаа рагкид̇ажид̇д̇асса, саммаасан̇габбаг̇ожаро;
‘‘Tasmā rakkhitacittassa, sammāsaṅkappagocaro;
саммаад̣̇идтибурзгкааро, н̃ад̇ваана уд̣̇аяаб̣б̣аяам̣;
Sammādiṭṭhipurekkhāro, ñatvāna udayabbayaṃ;
т̇инамид̣̇д̇хаабхибхуу бхигку, саб̣б̣аа д̣̇уг̇г̇ад̇ияо ж̇ахз’’д̇и. (уд̣̇аа. 32; нзд̇д̇и. 31, 65, 78) –
Thinamiddhābhibhū bhikkhu, sabbā duggatiyo jahe’’ti. (udā. 32; netti. 31, 65, 78) –
г̇аат̇ааяам̣ ‘‘саб̣б̣аа д̣̇уг̇г̇ад̇ияо ж̇ахз’’д̇и бад̣̇ам̣ вуд̇д̇ам̣, ‘‘д̇ассаа бан̃н̃аавимуд̇д̇ияаа яо бавижаяо гаад̇аб̣б̣о, гад̇амо со бавижаяо’’д̇и бужчид̇аб̣б̣ад̇д̇аа ‘‘д̇ассаа го бавижаяо’’д̇иаад̣̇и вуд̇д̇ам̣. д̇ассаа бан̃н̃аавимуд̇д̇ияаа го бавижаяод̇и жз бужчзяяа ‘‘адта маг̇г̇ан̇г̇аани – саммаад̣̇идти саммаасан̇габбо саммааваажаа саммаагамманд̇о саммааааж̇ийво саммаавааяаамо саммаасад̇и саммаасамаад̇хий’’д̇и бавижаяо взд̣̇ид̇аб̣б̣о. ‘‘со бавижаяо гад̇т̇а д̣̇адтаб̣б̣о’’д̇и бужчид̇аб̣б̣ад̇д̇аа ‘‘со гад̇т̇аа’’д̇иаад̣̇и вуд̇д̇ам̣. со бан̃н̃аавимуд̇д̇ияаа бавижаяо гад̇т̇а гасмим̣ д̇хаммз д̣̇адтаб̣б̣од̇и бужчад̇и. жад̇уд̇т̇з жхаанз баарамид̇ааяа уггам̣саг̇ад̇ааяа жад̇уд̇т̇аж̇жхаанабхааванааяа со бавижаяо д̣̇адтаб̣б̣о.
Gāthāyaṃ ‘‘sabbā duggatiyo jahe’’ti padaṃ vuttaṃ, ‘‘tassā paññāvimuttiyā yo pavicayo kātabbo, katamo so pavicayo’’ti pucchitabbattā ‘‘tassā ko pavicayo’’tiādi vuttaṃ. Tassā paññāvimuttiyā ko pavicayoti ce puccheyya ‘‘aṭṭha maggaṅgāni – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhī’’ti pavicayo veditabbo. ‘‘So pavicayo kattha daṭṭhabbo’’ti pucchitabbattā ‘‘so katthā’’tiādi vuttaṃ. So paññāvimuttiyā pavicayo kattha kasmiṃ dhamme daṭṭhabboti pucchati. Catutthe jhāne pāramitāya ukkaṃsagatāya catutthajjhānabhāvanāya so pavicayo daṭṭhabbo.
‘‘жад̇уд̇т̇з жхаанз баарамид̇ааяаа’’д̇и вуд̇д̇амад̇т̇ам̣ виварид̇ум̣ ‘‘жад̇уд̇т̇з хи жхаанз’’д̇иаад̣̇и вуд̇д̇ам̣. яо со жад̇уд̇т̇аж̇жхааналаабхий буг̇г̇ало жад̇уд̇т̇з жхаанз барисуд̣̇д̇хам̣ барияод̣̇аад̇ам̣ анан̇г̇ан̣ам̣ виг̇ад̇уубаггилзсам̣ муд̣̇у гамманияам̣ тид̇ам̣ аанзн̃ж̇аббад̇д̇ам̣, ид̇и адтан̇г̇асаманнааг̇ад̇ам̣ жид̇д̇ам̣ бхааваяад̇и, со жад̇уд̇т̇аж̇жхааналаабхий буг̇г̇ало д̇ад̇т̇а жад̇уд̇т̇з жхаанз адтавид̇хам̣ виж̇ж̇аажаран̣ам̣ ад̇хиг̇ажчад̇и. гад̇амам̣ адтавид̇хам̣? ча абхин̃н̃аа, д̣̇вз жа висзсз ваа ад̇хиг̇ажчад̇ийд̇и яож̇анаа. ид̣̇д̇хивид̇хаад̣̇аяо бан̃жа, логияаабхин̃н̃аа жзва арахад̇д̇амаг̇г̇абан̃н̃аа жаад̇и ча абхин̃н̃аа. маномаяид̣̇д̇хи жзва вибассанаан̃аан̣ан̃жаад̇и д̣̇вз жа висзсаа хонд̇и.
‘‘Catutthe jhāne pāramitāyā’’ti vuttamatthaṃ vivarituṃ ‘‘catutthe hi jhāne’’tiādi vuttaṃ. Yo so catutthajjhānalābhī puggalo catutthe jhāne parisuddhaṃ pariyodātaṃ anaṅgaṇaṃ vigatūpakkilesaṃ mudu kammaniyaṃ ṭhitaṃ āneñjappattaṃ, iti aṭṭhaṅgasamannāgataṃ cittaṃ bhāvayati, so catutthajjhānalābhī puggalo tattha catutthe jhāne aṭṭhavidhaṃ vijjācaraṇaṃ adhigacchati. Katamaṃ aṭṭhavidhaṃ? Cha abhiññā, dve ca visese vā adhigacchatīti yojanā. Iddhividhādayo pañca, lokiyābhiññā ceva arahattamaggapaññā cāti cha abhiññā. Manomayiddhi ceva vipassanāñāṇañcāti dve ca visesā honti.
‘‘д̇ам̣ жад̇уд̇т̇аж̇жхаанажид̇д̇ам̣ гуд̇о барисуд̣̇д̇хам̣…бз… гуд̇о аанзн̃ж̇аббад̇д̇а’’нд̇и бужчид̇аб̣б̣ад̇д̇аа ‘‘д̇ам̣ жид̇д̇ам̣ яад̇о барисуд̣̇д̇ха’’нд̇иаад̣̇и вуд̇д̇ам̣. д̇ам̣ жид̇д̇ам̣ яад̇о убзгкаасад̇ибаарисуд̣̇д̇хибхаавад̇о барисуд̣̇д̇хам̣, д̇ад̇о убзгкаасад̇ибаарисуд̣̇д̇хибхаавад̇о барияод̣̇аад̇ам̣ ход̇и. сукаад̣̇ийнам̣ бажжаяагхаад̇зна яад̇о вийд̇арааг̇аад̣̇ианан̇г̇ан̣абхаавад̇о анан̇г̇ан̣ам̣, д̇ад̇о вийд̇арааг̇аад̣̇ианан̇г̇ан̣абхаавад̇о виг̇ад̇уубаггилзсам̣. яад̇о субхаавид̇абхаавад̇о муд̣̇у, д̇ад̇о субхаавид̇абхаавад̇о гамманияам̣. яад̇о барисуд̣̇д̇хаад̣̇ийсу тид̇абхаавад̇о тид̇ам̣, д̇ад̇о барисуд̣̇д̇хаад̣̇ийсу тид̇абхаавад̇о аанзн̃ж̇аббад̇д̇ам̣ ход̇ийд̇иби яож̇анаа яуд̇д̇аа адтагат̇ааяам̣ (нзд̇д̇и. адта. 53) яуг̇ал̣ад̇о ааг̇ад̇ад̇д̇аа. сад̣̇д̇хаавийрияасад̇исамаад̇хибан̃н̃ааобхаасзхи бариг̇г̇ахид̇абхаавад̇о аанзн̃ж̇аббад̇д̇ам̣. сад̣̇д̇хааяа хи бариг̇г̇ахид̇ам̣ жид̇д̇ам̣ бадибагкз ассад̣̇д̇хияз на ин̃ж̇ад̇и на жалад̇и, вийриязна бариг̇г̇ахид̇ам̣ жид̇д̇ам̣ бадибагкз госаж̇ж̇з на ин̃ж̇ад̇и, сад̇ияаа бариг̇г̇ахид̇ам̣ жид̇д̇ам̣ бадибагкз бамаад̣̇з на ин̃ж̇ад̇и, самаад̇хинаа бариг̇г̇ахид̇ам̣ жид̇д̇ам̣ бадибагкз уд̣̇д̇хажжз на ин̃ж̇ад̇и, бан̃н̃ааяа бариг̇г̇ахид̇ам̣ жид̇д̇ам̣ бадибагкааяа авиж̇ж̇ааяа на ин̃ж̇ад̇и, обхаасаг̇ад̇ам̣ жид̇д̇ам̣ гилзсанд̇хагаарз на ин̃ж̇ад̇и. ид̇и имзхи чахи д̇хаммзхи бариг̇г̇ахид̇ам̣ жад̇уд̇т̇аж̇жхаанажид̇д̇ам̣ аанзн̃ж̇аббад̇д̇ам̣ ход̇и. звам̣ адтан̇г̇асаманнааг̇ад̇ад̇д̇аа жад̇уд̇т̇аж̇жхаанажид̇д̇ам̣ чаннам̣ абхин̃н̃аан̃аан̣аанан̃жа маномаяид̣̇д̇хивибассанаан̃аан̣аанан̃жа ад̇хиг̇амуубааяо ход̇и, д̇асмаа со бан̃н̃аавимуд̇д̇ибарижаяо жад̇уд̇т̇аж̇жхаанз д̣̇адтаб̣б̣оязваад̇и сан̇кзбад̇т̇о. вид̇т̇аарад̇о бана адтагат̇ааяам̣ (нзд̇д̇и. адта. 53) ‘‘д̇ад̇т̇а убзгкаасад̇ибаарисуд̣̇д̇хибхаавзнаа’’д̇иаад̣̇инаа ваа ‘‘абаро наяо’’д̇иаад̣̇инаа ваа вуд̇д̇оязваад̇и амхзхи на вуд̇д̇о.
‘‘Taṃ catutthajjhānacittaṃ kuto parisuddhaṃ…pe… kuto āneñjappatta’’nti pucchitabbattā ‘‘taṃ cittaṃ yato parisuddha’’ntiādi vuttaṃ. Taṃ cittaṃ yato upekkhāsatipārisuddhibhāvato parisuddhaṃ, tato upekkhāsatipārisuddhibhāvato pariyodātaṃ hoti. Sukhādīnaṃ paccayaghātena yato vītarāgādianaṅgaṇabhāvato anaṅgaṇaṃ, tato vītarāgādianaṅgaṇabhāvato vigatūpakkilesaṃ. Yato subhāvitabhāvato mudu, tato subhāvitabhāvato kammaniyaṃ. Yato parisuddhādīsu ṭhitabhāvato ṭhitaṃ, tato parisuddhādīsu ṭhitabhāvato āneñjappattaṃ hotītipi yojanā yuttā aṭṭhakathāyaṃ (netti. aṭṭha. 53) yugaḷato āgatattā. Saddhāvīriyasatisamādhipaññāobhāsehi pariggahitabhāvato āneñjappattaṃ. Saddhāya hi pariggahitaṃ cittaṃ paṭipakkhe assaddhiye na iñjati na calati, vīriyena pariggahitaṃ cittaṃ paṭipakkhe kosajje na iñjati, satiyā pariggahitaṃ cittaṃ paṭipakkhe pamāde na iñjati, samādhinā pariggahitaṃ cittaṃ paṭipakkhe uddhacce na iñjati, paññāya pariggahitaṃ cittaṃ paṭipakkhāya avijjāya na iñjati, obhāsagataṃ cittaṃ kilesandhakāre na iñjati. Iti imehi chahi dhammehi pariggahitaṃ catutthajjhānacittaṃ āneñjappattaṃ hoti. Evaṃ aṭṭhaṅgasamannāgatattā catutthajjhānacittaṃ channaṃ abhiññāñāṇānañca manomayiddhivipassanāñāṇānañca adhigamūpāyo hoti, tasmā so paññāvimuttiparicayo catutthajjhāne daṭṭhabboyevāti saṅkhepattho. Vitthārato pana aṭṭhakathāyaṃ (netti. aṭṭha. 53) ‘‘tattha upekkhāsatipārisuddhibhāvenā’’tiādinā vā ‘‘aparo nayo’’tiādinā vā vuttoyevāti amhehi na vutto.
‘‘язсам̣ рааг̇аад̣̇иан̇г̇ан̣аанам̣ абхаавзна анан̇г̇ан̣ам̣, язсам̣ абхиж̇жхаад̣̇иубаггилзсаанам̣ абхаавзна виг̇ад̇уубаггилзсам̣, яааяа жид̇д̇асса тид̇ияаа абхаавзна тид̇ам̣, ин̃ж̇анааяа абхаавзна аанзн̃ж̇аббад̇д̇ам̣, д̇з рааг̇аад̣̇иан̇г̇ан̣аад̣̇аяо гад̇амааяа багкаа’’д̇и бужчид̇аб̣б̣ад̇д̇аа ‘‘д̇ад̇т̇а ан̇г̇ан̣аа’’д̇иаад̣̇и вуд̇д̇ам̣. д̇ад̇т̇аад̇и д̇зсу рааг̇аад̣̇иан̇г̇ан̣аад̣̇ийсу ан̇г̇ан̣аа жа рааг̇аад̣̇иан̇г̇ан̣аа жа убаггилзсаа абхиж̇жхаад̣̇иубаггилзсаа жа санд̇и, д̇ад̣̇убхаяам̣ рааг̇аад̣̇иан̇г̇ан̣аабхиж̇жхаад̣̇иубаггилзсад̣̇ваяам̣ д̇ан̣хаабагко рааг̇аад̣̇иан̇г̇ан̣аанам̣ д̇ан̣хаасабхаавад̇д̇аа, абхиж̇жхаад̣̇иубаггилзсаанан̃жа д̇ан̣хааяа ануломад̇д̇аа. яаа ин̃ж̇анаа панд̣̇анаа яаа жа жид̇д̇асса адтид̇и анавадтаанам̣ ад̇т̇и, аяам̣ ин̃ж̇анаа адтид̇и д̣̇идтибагко ин̃ж̇анааяа жа адтид̇ияаа жа мижчаабхинивзсахзд̇убхаавад̇од̇и бавижаяо гаад̇аб̣б̣о.
‘‘Yesaṃ rāgādiaṅgaṇānaṃ abhāvena anaṅgaṇaṃ, yesaṃ abhijjhādiupakkilesānaṃ abhāvena vigatūpakkilesaṃ, yāya cittassa ṭhitiyā abhāvena ṭhitaṃ, iñjanāya abhāvena āneñjappattaṃ, te rāgādiaṅgaṇādayo katamāya pakkhā’’ti pucchitabbattā ‘‘tattha aṅgaṇā’’tiādi vuttaṃ. Tatthāti tesu rāgādiaṅgaṇādīsu aṅgaṇā ca rāgādiaṅgaṇā ca upakkilesā abhijjhādiupakkilesā ca santi, tadubhayaṃ rāgādiaṅgaṇaabhijjhādiupakkilesadvayaṃ taṇhāpakkho rāgādiaṅgaṇānaṃ taṇhāsabhāvattā, abhijjhādiupakkilesānañca taṇhāya anulomattā. Yā iñjanā phandanā yā ca cittassa aṭṭhiti anavaṭṭhānaṃ atthi, ayaṃ iñjanā aṭṭhiti diṭṭhipakkho iñjanāya ca aṭṭhitiyā ca micchābhinivesahetubhāvatoti pavicayo kātabbo.
‘‘гим̣ бана жад̇уд̇т̇аж̇жхаанажид̇д̇ам̣ адтан̇г̇асаманнааг̇ад̇ад̇д̇ааязва чаннам̣ абхин̃н̃аан̃аан̣аанан̃жа маномаяид̣̇д̇хивибассанаан̃аан̣аанан̃жа ад̇хиг̇амуубааяо ход̇ий’’д̇и бужчид̇аб̣б̣ад̇д̇аа ‘‘жад̇д̇аари инд̣̇рияааний’’д̇и вуд̇д̇ам̣. ‘‘д̇асса жад̇уд̇т̇аж̇жхааналаабхино, д̣̇угкинд̣̇рияам̣ д̣̇оманассинд̣̇рияам̣ сукинд̣̇рияам̣ соманассинд̣̇рияам̣ ид̇и жад̇д̇ааринд̣̇рияаани жад̇уд̇т̇аж̇жхаанз нируж̇жханд̇и, д̇асса жад̇уд̇т̇аж̇жхааналаабхино убзгкинд̣̇рияам̣ авасидтам̣ бхавад̇и, д̇асмааби жад̇уд̇т̇аж̇жхаанажид̇д̇ам̣ вуд̇д̇аббагаараанам̣ адтаннам̣ н̃аан̣аанам̣ ад̇хиг̇амуубааяо ход̇и, со жа ад̇хиг̇амуубааяабхааво жин̣н̣авасийбхаавассзва бхавзяяа, гат̇ам̣ жад̇уд̇т̇аж̇жхаанамад̇д̇алаабхино жин̣н̣авасийбхааво сияаа’’д̇и вад̇д̇аб̣б̣ад̇д̇аа со жад̇уд̇т̇аж̇жхааналаабхий жад̇уд̇т̇аж̇жхаанзязва адтад̇ваа аруубасамаабад̇д̇ияоби звам̣ гад̇ваа ниб̣б̣ад̇д̇зд̇и бхаавзд̇и, д̇асмаа жин̣н̣авасийбхааво ход̇ийд̇и д̣̇ассзд̇ум̣ ‘‘со убаримам̣ самаабад̇д̇и’’нд̇иаад̣̇и вуд̇д̇ам̣. д̇ассад̇т̇о адтагат̇ааяам̣ (нзд̇д̇и. адта. 53) вид̇т̇аарад̇о вуд̇д̇о, д̇асмаа яож̇анамад̇д̇ам̣ гариссаама.
‘‘Kiṃ pana catutthajjhānacittaṃ aṭṭhaṅgasamannāgatattāyeva channaṃ abhiññāñāṇānañca manomayiddhivipassanāñāṇānañca adhigamūpāyo hotī’’ti pucchitabbattā ‘‘cattāri indriyānī’’ti vuttaṃ. ‘‘Tassa catutthajjhānalābhino, dukkhindriyaṃ domanassindriyaṃ sukhindriyaṃ somanassindriyaṃ iti cattārindriyāni catutthajjhāne nirujjhanti, tassa catutthajjhānalābhino upekkhindriyaṃ avasiṭṭhaṃ bhavati, tasmāpi catutthajjhānacittaṃ vuttappakārānaṃ aṭṭhannaṃ ñāṇānaṃ adhigamūpāyo hoti, so ca adhigamūpāyabhāvo ciṇṇavasībhāvasseva bhaveyya, kathaṃ catutthajjhānamattalābhino ciṇṇavasībhāvo siyā’’ti vattabbattā so catutthajjhānalābhī catutthajjhāneyeva aṭṭhatvā arūpasamāpattiyopi evaṃ katvā nibbatteti bhāveti, tasmā ciṇṇavasībhāvo hotīti dassetuṃ ‘‘so uparimaṃ samāpatti’’ntiādi vuttaṃ. Tassattho aṭṭhakathāyaṃ (netti. aṭṭha. 53) vitthārato vutto, tasmā yojanamattaṃ karissāma.
со руубааважаражад̇уд̇т̇аж̇жхааналаабхий яог̇ааважаро руубааважаражад̇уд̇т̇аж̇жхаанасамаабад̇д̇ид̇о убаримам̣ аагаасаанан̃жааяад̇анасамаабад̇д̇им̣ санд̇ад̇о санд̇ад̇арад̇о манаси гарод̇и. яат̇аавуд̇д̇ам̣ убаримам̣ самаабад̇д̇им̣ санд̇ад̇о манаси гарод̇о д̇асса жад̇уд̇т̇аж̇жхааналаабхино яог̇ааважарасса жад̇уд̇т̇аж̇жхаанз сан̃н̃аа сан̃н̃аабад̇хаанаа самаабад̇д̇и ол̣ааригаа вияа худ̇ваа сан̣тахад̇и, бадигхасан̃н̃аа жа угган̣таа анабхирад̇и худ̇ваа сан̣тахад̇и, со яат̇аавуд̇д̇зна вид̇хинаа манаси гаронд̇о яог̇ааважаро саб̣б̣асо ниравасзсад̇о руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘‘аагаасам̣ ананд̇а’’нд̇и манаси гад̇ваа бавад̇д̇амаанам̣ аагаасаанан̃жааяад̇анасамаабад̇д̇им̣ сажчигад̇ваа убасамбаж̇ж̇а вихарад̇и. руубасан̃н̃аа руубааважарасан̃н̃аа бан̃жавид̇хаабхин̃н̃аабхинийхааро ход̇и. наанад̇д̇асан̃н̃аа наанаарамман̣зсу вогааро агусало бавад̇д̇ад̇и. звам̣ руубааважараж̇жхаанз аад̣̇ийнавад̣̇ассий худ̇ваа д̇аа руубасан̃н̃аанаанад̇д̇асан̃н̃ааяо аарамман̣з самад̇иггамад̇и, асса яог̇ааважарасса бадигхасан̃н̃аа жа аб̣бхад̇т̇ам̣ г̇ажчад̇и. звам̣ иминаа вуд̇д̇анаязна самад̇иггамзна самаахид̇асса, санд̇авуд̇д̇инаа аруубааважарасамаад̇хинаа самаахид̇асса яог̇ааважарасса обхаасо руубааважараж̇жхаанобхаасо анд̇арад̇хааяад̇и. руубаанам̣ гасин̣аруубаанам̣ жхаанажагкунаа д̣̇ассанан̃жа анд̇арад̇хааяад̇ийд̇и яож̇анаа.
So rūpāvacaracatutthajjhānalābhī yogāvacaro rūpāvacaracatutthajjhānasamāpattito uparimaṃ ākāsānañcāyatanasamāpattiṃsantato santatarato manasi karoti. Yathāvuttaṃ uparimaṃ samāpattiṃ santato manasi karoto tassa catutthajjhānalābhino yogāvacarassa catutthajjhāne saññā saññāpadhānā samāpatti oḷārikā viya hutvā saṇṭhahati, paṭighasaññā ca ukkaṇṭhā anabhirati hutvā saṇṭhahati, so yathāvuttena vidhinā manasi karonto yogāvacaro sabbaso niravasesato rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘‘ākāsaṃ ananta’’nti manasi katvā pavattamānaṃ ākāsānañcāyatanasamāpattiṃ sacchikatvā upasampajja viharati. Rūpasaññā rūpāvacarasaññā pañcavidhaabhiññābhinīhāro hoti. Nānattasaññā nānārammaṇesu vokāro akusalo pavattati. Evaṃ rūpāvacarajjhāne ādīnavadassī hutvā tā rūpasaññānānattasaññāyo ārammaṇe samatikkamati, assa yogāvacarassa paṭighasaññā ca abbhatthaṃ gacchati. Evaṃ iminā vuttanayena samatikkamena samāhitassa, santavuttinā arūpāvacarasamādhinā samāhitassa yogāvacarassa obhāso rūpāvacarajjhānobhāso antaradhāyati. Rūpānaṃ kasiṇarūpānaṃ jhānacakkhunā dassanañca antaradhāyatīti yojanā.
‘‘язна самаад̇хинаа самаахид̇асса, самаахид̇асса обхаасо жа руубаанам̣ д̣̇ассанан̃жа анд̇арад̇хааяад̇и, со самаад̇хи гид̇д̇агзхи ан̇г̇зхи саманнааг̇ад̇о, гат̇ам̣ бажжавзгкид̇аб̣б̣о’’д̇и бужчид̇аб̣б̣ад̇д̇аа ‘‘со самаад̇хий’’д̇иаад̣̇и вуд̇д̇ам̣. со самаад̇хийд̇и язна руубааруубааважарасамаад̇хинаа самаахид̇о, со д̣̇увид̇хоби самаад̇хи анабхиж̇жхааб̣яаабаад̣̇авийрияаарамбхзхи д̇ийхи убагаараган̇г̇зхи жа бассад̣̇д̇хисад̇ийхи д̣̇вийхи баригкааран̇г̇зхи жа авигкид̇д̇зна згзна сабхааван̇г̇зна жа чахи ан̇г̇зхи саманнааг̇ад̇од̇и бажжавзгкид̇аб̣б̣о бунаббунам̣ жинд̇зд̇аб̣б̣о саллагкзд̇аб̣б̣о . ‘‘гат̇ам̣ гад̇т̇а бажжавзгкид̇аб̣б̣о’’д̇и бужчид̇аб̣б̣ад̇д̇аа ‘‘анабхиж̇жхаасахаг̇ад̇ам̣ мз маанасам̣ саб̣б̣алогз’’д̇иаад̣̇и вуд̇д̇ам̣. ‘‘д̇зсу часу ан̇г̇зсу гид̇д̇аго самат̇о, гид̇д̇агаа вибассанаа’’д̇и бужчид̇аб̣б̣ад̇д̇аа зд̇д̇аго самат̇о, зд̇д̇агаа вибассанаад̇и вибхаж̇ид̇ум̣ ‘‘д̇ад̇т̇а яан̃жаа’’д̇иаад̣̇и вуд̇д̇ам̣.
‘‘Yena samādhinā samāhitassa, samāhitassa obhāso ca rūpānaṃ dassanañca antaradhāyati, so samādhi kittakehi aṅgehi samannāgato, kathaṃ paccavekkhitabbo’’ti pucchitabbattā ‘‘so samādhī’’tiādi vuttaṃ. So samādhīti yena rūpārūpāvacarasamādhinā samāhito, so duvidhopi samādhi anabhijjhābyāpādavīriyārambhehi tīhi upakārakaṅgehi ca passaddhisatīhi dvīhi parikkhāraṅgehi ca avikkhittena ekena sabhāvaṅgena ca chahi aṅgehi samannāgatoti paccavekkhitabbo punappunaṃ cintetabbo sallakkhetabbo . ‘‘Kathaṃ kattha paccavekkhitabbo’’ti pucchitabbattā ‘‘anabhijjhāsahagataṃ me mānasaṃ sabbaloke’’tiādi vuttaṃ. ‘‘Tesu chasu aṅgesu kittako samatho, kittakā vipassanā’’ti pucchitabbattā ettako samatho, ettakā vipassanāti vibhajituṃ ‘‘tattha yañcā’’tiādi vuttaṃ.
54. ‘‘бан̃н̃аавимуд̇д̇ий’’д̇и вуд̇д̇асса арахад̇д̇апаласса самаад̇хисса самат̇авибассанаасан̇каад̇аа буб̣б̣абхааг̇абадибад̣̇аа самаад̇химукзна аажариязна вибхад̇д̇аа, ‘‘д̇ааяа бадибад̣̇ааяа лабхид̇аб̣б̣о арахад̇д̇апаласамаад̇хи гид̇д̇агзна взд̣̇ид̇аб̣б̣о’’д̇и бужчид̇аб̣б̣ад̇д̇аа ‘‘со самаад̇хи бан̃жавид̇хзна взд̣̇ид̇аб̣б̣о’’д̇и вуд̇д̇ам̣. яо арахад̇д̇апаласамаад̇хи самат̇авибассанаабадибад̣̇ааяа лабхид̇аб̣б̣о, со арахад̇д̇апаласамаад̇хи бан̃жавид̇хзна н̃аан̣ад̣̇ассанзна взд̣̇ид̇аб̣б̣о.
54. ‘‘Paññāvimuttī’’ti vuttassa arahattaphalassa samādhissa samathavipassanāsaṅkhātā pubbabhāgapaṭipadā samādhimukhena ācariyena vibhattā, ‘‘tāya paṭipadāya labhitabbo arahattaphalasamādhi kittakena veditabbo’’ti pucchitabbattā ‘‘so samādhi pañcavidhena veditabbo’’ti vuttaṃ. Yo arahattaphalasamādhi samathavipassanāpaṭipadāya labhitabbo, so arahattaphalasamādhi pañcavidhena ñāṇadassanena veditabbo.
‘‘гат̇ам̣ бан̃жавид̇хан̃аан̣ад̣̇ассанам̣ бажжубадтид̇ам̣ бхавад̇ий’’д̇и вад̇д̇аб̣б̣ад̇д̇аа ‘‘аяам̣ самаад̇хий’’д̇иаад̣̇и вуд̇д̇ам̣. аяам̣ арахад̇д̇апаласамаад̇хи аббид̇аббид̇агкан̣з паласамаабад̇д̇исукад̇д̇аа бажжуббаннасуко ход̇и, ид̇и бажжавзгканд̇асса асса арахад̇о бажжад̇д̇амзва н̃аан̣ад̣̇ассанам̣ бажжубадтид̇ам̣ бхавад̇и. аяам̣ арахад̇д̇апаласамаад̇хи ааяад̇им̣ самаабаж̇ж̇ид̇аб̣б̣асса арахад̇д̇апаласамаад̇хисса убаниссаяабажжаяад̇д̇аа ааяад̇им̣ сукавибааго ход̇и, ид̇и бажжавзгканд̇асса…бз… бхавад̇и. аяам̣ арахад̇д̇апаласамаад̇хи гилзсаарийхи аарагад̇д̇аа арияо, гаамаамисаваддаамисалогаамисаанам̣ абхаавад̇о нираамисо жа ход̇и, ид̇и бажжавзгканд̇асса…бз… бхавад̇и. аяам̣ арахад̇д̇апаласамаад̇хи агаабурисзхи саммаасамб̣уд̣̇д̇хабажжзгаб̣уд̣̇д̇хасаавагаб̣уд̣̇д̇хзхи сзвид̇аб̣б̣ад̇д̇аа агаабурисасзвид̇о ход̇и, ид̇и бажжавзгканд̇асса…бз… бхавад̇и. аяам̣ арахад̇д̇апаласамаад̇хи ан̇г̇асанд̇агилзсад̣̇арат̇асанд̇ад̇д̇аа санд̇о жзва д̣̇ивасамби самаабаж̇ж̇анд̇асса ад̇ид̇д̇игаран̣ад̇о бан̣ийд̇о жа бадиббассад̣̇д̇хагилзсзна арахад̇аа буг̇г̇алзна лад̣̇д̇хад̇д̇аа бадиббассад̣̇д̇хилад̣̇д̇хо жа арахад̇д̇амаг̇г̇асамаад̇хисан̇каад̇зна згод̣̇ибхаавзна ад̇хиг̇ад̇ад̇д̇аа згод̣̇ибхааваад̇хиг̇ад̇о жа сасан̇каарзна сабаяог̇зна ад̇хиг̇ад̇ад̇д̇аа, нийваран̣аад̣̇ибажжанийгад̇хаммз ниг̇г̇аяха анад̇хиг̇ад̇ад̇д̇аа, ан̃н̃з гилзсз ваарзд̇ваа анад̇хиг̇ад̇ад̇д̇аа, арахад̇д̇амаг̇г̇апалабхаавзнзва бавад̇д̇ад̇д̇аа насасан̇каараниг̇г̇аяхаваарид̇аг̇ад̇о ход̇и, ид̇и бажжавзгканд̇асса асса арахад̇о бажжад̇д̇амзва н̃аан̣ад̣̇ассанам̣ бажжубадтид̇ам̣ бхавад̇ийд̇и бан̃жавид̇хзна н̃аан̣ад̣̇ассанзна со арахад̇д̇апаласамаад̇хи вижаяид̇ваа взд̣̇ид̇аб̣б̣од̇и.
‘‘Kathaṃ pañcavidhañāṇadassanaṃ paccupaṭṭhitaṃ bhavatī’’ti vattabbattā ‘‘ayaṃ samādhī’’tiādi vuttaṃ. Ayaṃ arahattaphalasamādhi appitappitakkhaṇe phalasamāpattisukhattā paccuppannasukho hoti, iti paccavekkhantassa assa arahato paccattameva ñāṇadassanaṃ paccupaṭṭhitaṃ bhavati. Ayaṃ arahattaphalasamādhi āyatiṃ samāpajjitabbassa arahattaphalasamādhissa upanissayapaccayattā āyatiṃ sukhavipāko hoti, iti paccavekkhantassa…pe… bhavati. Ayaṃ arahattaphalasamādhi kilesaarīhi ārakattā ariyo, kāmāmisavaṭṭāmisalokāmisānaṃ abhāvato nirāmiso ca hoti, iti paccavekkhantassa…pe… bhavati. Ayaṃ arahattaphalasamādhi akāpurisehi sammāsambuddhapaccekabuddhasāvakabuddhehi sevitabbattā akāpurisasevito hoti, iti paccavekkhantassa…pe… bhavati. Ayaṃ arahattaphalasamādhi aṅgasantakilesadarathasantattā santo ceva divasampi samāpajjantassa atittikaraṇato paṇīto ca paṭippassaddhakilesena arahatā puggalena laddhattā paṭippassaddhiladdho ca arahattamaggasamādhisaṅkhātena ekodibhāvena adhigatattā ekodibhāvādhigato ca sasaṅkhārena sapayogena adhigatattā, nīvaraṇādipaccanīkadhamme niggayha anadhigatattā, aññe kilese vāretvā anadhigatattā, arahattamaggaphalabhāveneva pavattattā nasasaṅkhāraniggayhavāritagato hoti, iti paccavekkhantassa assa arahato paccattameva ñāṇadassanaṃ paccupaṭṭhitaṃ bhavatīti pañcavidhena ñāṇadassanena so arahattaphalasamādhi vicayitvā veditabboti.
‘‘бажжуббаннасукаад̣̇ийсу самаад̇хийсу гид̇д̇аго самат̇о, гид̇д̇агаа вибассанаа’’д̇и бужчид̇аб̣б̣ад̇д̇аа ‘‘д̇ад̇т̇а яо жа самаад̇хи бажжуббаннасуко’’д̇иаад̣̇и вуд̇д̇ам̣. самат̇о, вибассанаад̇и жа арахад̇д̇апаласамат̇авибассанаава ад̇хиббзд̇аа, на буб̣б̣абхааг̇асамат̇авибассанаад̇и. арахад̇д̇апаласамаад̇хи бан̃жавид̇хзна взд̣̇ид̇аб̣б̣од̇и аажариязна вуд̇д̇о, ‘‘д̇асса арахад̇д̇апаласамаад̇хисса буб̣б̣абхааг̇абадибад̣̇ааяам̣ вуд̇д̇о самаад̇хи гид̇д̇агзна взд̣̇ид̇аб̣б̣о’’д̇и бужчид̇аб̣б̣ад̇д̇аа ‘‘со самаад̇хи бан̃жавид̇хзна взд̣̇ид̇аб̣б̣о’’д̇и вуд̇д̇ам̣. яо руубааважаражад̇уд̇т̇аж̇жхаанасамаад̇хи буб̣б̣абхааг̇абадибад̣̇ааяам̣ вуд̇д̇о, со руубааважаражад̇уд̇т̇аж̇жхаанасамаад̇хи бан̃жавид̇хзна багаарзна взд̣̇ид̇аб̣б̣о. ‘‘гад̇амзнаа’’д̇и бужчид̇аб̣б̣ад̇д̇аа ‘‘бийд̇ипаран̣ад̇аа’’д̇иаад̣̇и вуд̇д̇ам̣. батамад̣̇уд̇ияаж̇жхаанзсу бан̃н̃аа бийд̇ипаран̣ад̇аа ход̇и. батамад̣̇уд̇ияад̇ад̇ияаж̇жхаанзсу бан̃н̃аа сукапаран̣ад̇аа ход̇и. жад̇уд̇т̇аж̇жхаанз жзд̇обарияабан̃н̃аа жзд̇опаран̣ад̇аа ход̇и. д̣̇иб̣б̣ажагкубан̃н̃аа аалогапаран̣ад̇аа ход̇и. жхаанам̣ бажжавзгкид̇ваа бавад̇д̇амаанабан̃н̃аа бажжавзгкан̣аанимид̇д̇ам̣ ход̇и. ид̇и бан̃жавид̇хзна бан̃н̃аабагаарзна вижаяид̇ваа взд̣̇ид̇аб̣б̣од̇и. ‘‘д̇зсу бан̃жавид̇хзсу багаарзсу гид̇д̇аго самат̇о, гид̇д̇агаа вибассанаа’’д̇и бужчид̇аб̣б̣ад̇д̇аа ‘‘д̇ад̇т̇а яо жа бийд̇ипаран̣о’’д̇иаад̣̇и вуд̇д̇ам̣.
‘‘Paccuppannasukhādīsu samādhīsu kittako samatho, kittakā vipassanā’’ti pucchitabbattā ‘‘tattha yo ca samādhi paccuppannasukho’’tiādi vuttaṃ. Samatho, vipassanāti ca arahattaphalasamathavipassanāva adhippetā, na pubbabhāgasamathavipassanāti. Arahattaphalasamādhi pañcavidhena veditabboti ācariyena vutto, ‘‘tassa arahattaphalasamādhissa pubbabhāgapaṭipadāyaṃ vutto samādhi kittakena veditabbo’’ti pucchitabbattā ‘‘so samādhi pañcavidhena veditabbo’’ti vuttaṃ. Yo rūpāvacaracatutthajjhānasamādhi pubbabhāgapaṭipadāyaṃ vutto, so rūpāvacaracatutthajjhānasamādhi pañcavidhena pakārena veditabbo. ‘‘Katamenā’’ti pucchitabbattā ‘‘pītipharaṇatā’’tiādi vuttaṃ. Paṭhamadutiyajjhānesu paññā pītipharaṇatā hoti. Paṭhamadutiyatatiyajjhānesu paññā sukhapharaṇatā hoti. Catutthajjhāne cetopariyapaññā cetopharaṇatā hoti. Dibbacakkhupaññā ālokapharaṇatā hoti. Jhānaṃ paccavekkhitvā pavattamānapaññā paccavekkhaṇānimittaṃ hoti. Iti pañcavidhena paññāpakārena vicayitvā veditabboti. ‘‘Tesu pañcavidhesu pakāresu kittako samatho, kittakā vipassanā’’ti pucchitabbattā ‘‘tattha yo ca pītipharaṇo’’tiādi vuttaṃ.
55. самбаяог̇авасзна самаад̇хи аажариязна вибхад̇д̇о, амхзхи жа н̃аад̇о, ‘‘гат̇ам̣ аарамман̣авасзна вибхад̇д̇о’’д̇и бужчид̇аб̣б̣ад̇д̇аа ‘‘д̣̇аса гасин̣ааяад̇анааний’’д̇иаад̣̇и вуд̇д̇ам̣. имзхи д̣̇асахи аарамман̣зхи гасин̣зхиби самаад̇хи вижинид̇ваа взд̣̇ид̇аб̣б̣од̇и. ‘‘д̇зсу д̣̇асасу гид̇д̇аго самат̇о, гид̇д̇агаа вибассанаа’’д̇и бужчид̇аб̣б̣ад̇д̇аа ‘‘д̇ад̇т̇а яан̃жаа’’д̇иаад̣̇и вуд̇д̇ам̣. гасин̣анд̇и жа гасин̣аман̣д̣аламби баригаммамби бадибхааг̇анимид̇д̇амби д̇асмим̣ бадибхааг̇анимид̇д̇з уббаннаж̇жхаанамби вужжад̇и, ид̇ха бана сасамбаяуд̇д̇аж̇жхаанамзва ад̇хиббзд̇ам̣.
55. Sampayogavasena samādhi ācariyena vibhatto, amhehi ca ñāto, ‘‘kathaṃ ārammaṇavasena vibhatto’’ti pucchitabbattā ‘‘dasa kasiṇāyatanānī’’tiādi vuttaṃ. Imehi dasahi ārammaṇehi kasiṇehipi samādhi vicinitvā veditabboti. ‘‘Tesu dasasu kittako samatho, kittakā vipassanā’’ti pucchitabbattā ‘‘tattha yañcā’’tiādi vuttaṃ. Kasiṇanti ca kasiṇamaṇḍalampi parikammampi paṭibhāganimittampi tasmiṃ paṭibhāganimitte uppannajjhānampi vuccati, idha pana sasampayuttajjhānameva adhippetaṃ.
‘‘гим̣ бана вуд̇д̇аббагааро самаад̇хиязва самат̇авибассанааяа яож̇зд̇аб̣б̣о, уд̣̇ааху ан̃н̃оби яож̇зд̇аб̣б̣о’’д̇и вад̇д̇аб̣б̣ад̇д̇аа сад̇ибадтаанаад̣̇ибуб̣б̣абхааг̇абадибад̣̇аабхзд̣̇зна анзгабхзд̣̇абхинно ниравасзсо арияамаг̇г̇оби вижаяид̇ваа яож̇зд̇аб̣б̣од̇и д̣̇ассзд̇ум̣ ‘‘звам̣ саб̣б̣о’’д̇иаад̣̇и вуд̇д̇ам̣. д̇ад̇т̇а званд̇и маяаа вуд̇д̇анаязна вуд̇д̇анаяаанусаарзна саб̣б̣о ниравасзсо сад̇ибадтаанаад̣̇ибуб̣б̣абхааг̇абадибад̣̇аабхзд̣̇зна анзгабхзд̣̇абхинно арияо маг̇г̇о яож̇зд̇аб̣б̣о. гат̇ам̣? язна язна анабхиж̇жхаад̣̇иаагаарзна бажжуббаннасукад̇аад̣̇иаагаарзна самаад̇хи маяаа вуд̇д̇о, д̇зна д̇зна анабхиж̇жхаад̣̇иаагаарзна бажжуббаннасукад̇аад̣̇иаагаарзна яо яо арияамаг̇г̇о самат̇зна яож̇зд̇ум̣ самбхавад̇и, со со арияамаг̇г̇о самат̇зна вижаяид̇ваа яож̇аяид̇аб̣б̣о. яо яо арияамаг̇г̇о вибассанааяа яож̇зд̇ум̣ самбхавад̇и, со со арияамаг̇г̇о вибассанааяа яож̇аяид̇ваа яож̇аяид̇аб̣б̣од̇и ад̇т̇о г̇ахзд̇аб̣б̣о.
‘‘Kiṃ pana vuttappakāro samādhiyeva samathavipassanāya yojetabbo, udāhu aññopi yojetabbo’’ti vattabbattā satipaṭṭhānādipubbabhāgapaṭipadābhedena anekabhedabhinno niravaseso ariyamaggopi vicayitvā yojetabboti dassetuṃ ‘‘evaṃ sabbo’’tiādi vuttaṃ. Tattha evanti mayā vuttanayena vuttanayānusārena sabbo niravaseso satipaṭṭhānādipubbabhāgapaṭipadābhedena anekabhedabhinno ariyo maggo yojetabbo. Kathaṃ? Yena yena anabhijjhādiākārena paccuppannasukhatādiākārena samādhi mayā vutto, tena tena anabhijjhādiākārena paccuppannasukhatādiākārena yo yo ariyamaggo samathena yojetuṃ sambhavati, so so ariyamaggo samathena vicayitvā yojayitabbo. Yo yo ariyamaggo vipassanāya yojetuṃ sambhavati, so so ariyamaggo vipassanāya yojayitvā yojayitabboti attho gahetabbo.
‘‘язхи самат̇аад̇хидтаанзхи вибассанаад̇хаммзхи яож̇аяид̇аб̣б̣о, д̇з самат̇аад̇хидтаанаа вибассанаад̇хаммаа гад̇амзхи д̇хаммзхи сан̇г̇ахид̇аа’’д̇и бужчид̇аб̣б̣ад̇д̇аа ‘‘д̇з д̇ийхи д̇хаммзхи сан̇г̇ахид̇аа анижжад̇ааяа д̣̇угкад̇ааяа анад̇д̇ад̇ааяаа’’д̇и вуд̇д̇ам̣, д̇з самат̇аад̇хидтаанаа вибассанаад̇хаммаа ‘‘анижжад̇ааяа бан̃н̃ааяа д̣̇угкад̇ааяа бан̃н̃ааяа анад̇д̇ад̇ааяа бан̃н̃ааяаа’’д̇и д̇ийхи анубассанаад̇хаммзхи сан̇г̇ахид̇аа г̇ан̣хид̇аад̇и ад̇т̇о. анижжад̇аад̣̇инаа сахажаран̣ад̇о анубассанаабан̃н̃ааби ‘‘анижжад̇аа д̣̇угкад̇аа анад̇д̇ад̇аа’’д̇и вужжад̇и.
‘‘Yehi samathādhiṭṭhānehi vipassanādhammehi yojayitabbo, te samathādhiṭṭhānā vipassanādhammā katamehi dhammehi saṅgahitā’’ti pucchitabbattā ‘‘te tīhi dhammehi saṅgahitā aniccatāya dukkhatāya anattatāyā’’ti vuttaṃ, te samathādhiṭṭhānā vipassanādhammā ‘‘aniccatāya paññāya dukkhatāya paññāya anattatāya paññāyā’’ti tīhi anupassanādhammehi saṅgahitā gaṇhitāti attho. Aniccatādinā sahacaraṇato anupassanāpaññāpi ‘‘aniccatā dukkhatā anattatā’’ti vuccati.
‘‘яо яог̇ий буг̇г̇ало самат̇аад̇хидтаанам̣ вибассанам̣ бхааваяамаано ход̇и, со яог̇ий буг̇г̇ало гим̣ бхааваяад̇ий’’д̇и бужчид̇аб̣б̣ад̇д̇аа ‘‘со самат̇авибассанам̣ бхааваяамаано’’д̇иаад̣̇и вуд̇д̇ам̣.
‘‘Yo yogī puggalo samathādhiṭṭhānaṃ vipassanaṃ bhāvayamāno hoti, so yogī puggalo kiṃ bhāvayatī’’ti pucchitabbattā ‘‘so samathavipassanaṃ bhāvayamāno’’tiādi vuttaṃ.
самат̇авибассанаад̣̇ийни бхааваяамаано буг̇г̇ало рааг̇ажарид̇о д̣̇осажарид̇о мохажарид̇од̇и д̇ивид̇хо, ‘‘д̇ад̇т̇а гад̇амо буг̇г̇ало гад̇амзна гад̇амзна вимогкамукзна нияяаад̇и, гад̇амааяам̣ гад̇амааяам̣ сигканд̇о, гад̇амам̣ гад̇амам̣ баж̇аханд̇о, гад̇амам̣ гад̇амам̣ анубаг̇ажчанд̇о, гад̇амам̣ гад̇амам̣ бариж̇аананд̇о, гад̇амам̣ гад̇амам̣ баваахзнд̇о, гад̇амам̣ гад̇амам̣ нид̣̇д̇хунанд̇о, гад̇амам̣ гад̇амам̣ вамзнд̇о, гад̇амам̣ гад̇амам̣ ниб̣б̣аабзнд̇о, гад̇амам̣ гад̇амам̣ уббаадзнд̇о, гад̇амам̣ гад̇амам̣ виж̇адзнд̇о нияяаад̇ий’’д̇и бужчид̇аб̣б̣ад̇д̇аа ‘‘рааг̇ажарид̇о буг̇г̇ало’’д̇иаад̣̇и вуд̇д̇ам̣. адтагат̇ааяам̣ бана ‘‘ид̣̇аани язсам̣ буг̇г̇алаанам̣ яад̇т̇а сигканд̇аанам̣ висзсад̇о нияяаанамукаани, язсан̃жа гилзсаанам̣ бадибагкабхууд̇аани д̇ийн̣и вимогкамукаани, д̇зхи сад̣̇д̇хим̣ д̇аани д̣̇ассзд̇ум̣ ‘рааг̇ажарид̇о’д̇иаад̣̇и вуд̇д̇а’’нд̇и вуд̇д̇ам̣. д̇ассад̇т̇оби адтагат̇ааяам̣ (нзд̇д̇и. адта. 55) вуд̇д̇оязва.
Samathavipassanādīni bhāvayamāno puggalo rāgacarito dosacarito mohacaritoti tividho, ‘‘tattha katamo puggalo katamena katamena vimokkhamukhena niyyāti, katamāyaṃ katamāyaṃ sikkhanto, katamaṃ katamaṃ pajahanto, katamaṃ katamaṃ anupagacchanto, katamaṃ katamaṃ parijānanto, katamaṃ katamaṃ pavāhento, katamaṃ katamaṃ niddhunanto, katamaṃ katamaṃ vamento, katamaṃ katamaṃ nibbāpento, katamaṃ katamaṃ uppāṭento, katamaṃ katamaṃ vijaṭento niyyātī’’ti pucchitabbattā ‘‘rāgacarito puggalo’’tiādi vuttaṃ. Aṭṭhakathāyaṃ pana ‘‘idāni yesaṃ puggalānaṃ yattha sikkhantānaṃ visesato niyyānamukhāni, yesañca kilesānaṃ paṭipakkhabhūtāni tīṇi vimokkhamukhāni, tehi saddhiṃ tāni dassetuṃ ‘rāgacarito’tiādi vutta’’nti vuttaṃ. Tassatthopi aṭṭhakathāyaṃ (netti. aṭṭha. 55) vuttoyeva.
‘‘гасмаа д̇ийн̣и вимогкамукаани бхааваяанд̇о д̇аяо канд̇хз бхааваяад̇ий’’д̇и вад̇д̇аб̣б̣ад̇д̇аа ‘‘д̇ад̇т̇а сун̃н̃ад̇авимогкамука’’нд̇иаад̣̇и вуд̇д̇ам̣. д̇ад̇т̇аад̇и д̇зсу д̇ийсу вимогкамукзсу. сун̃н̃ад̇авимогкамукам̣ бан̃н̃аагканд̇хо анад̇д̇аанубассанааяа бан̃н̃аабад̇хаанад̇д̇аа. анимид̇д̇авимогкамукам̣ самаад̇хигканд̇хо анижжаанубассанааяа самаад̇хибад̇хаанад̇д̇аа. аббан̣ихид̇авимогкамукам̣ сийлагканд̇хо д̣̇угкаанубассанааяа сийлабад̇хаанад̇д̇аа. ид̇и д̇ийхи вимогкамукзхи д̇ин̣н̣ам̣ канд̇хаанам̣ сан̇г̇ахид̇ад̇д̇аа д̇ийн̣и вимогкамукаани бхааваяанд̇о со яог̇ий буг̇г̇ало д̇аяо канд̇хз бхааваяад̇иязваад̇и бан̃н̃аабад̇хаанаад̣̇ибхааво адтагат̇ааяам̣ (нзд̇д̇и. адта. 55) вуд̇д̇о. д̇аяо канд̇хз бхааваяанд̇о арияам̣ адтан̇г̇игам̣ маг̇г̇ам̣ бхааваяад̇и. ‘‘гасмаа бхааваяад̇ий’’д̇и вад̇д̇аб̣б̣ад̇д̇аа гааран̣ам̣ д̣̇ассзд̇ум̣ ‘‘д̇ад̇т̇а яаа’’д̇иаад̣̇и вуд̇д̇ам̣.
‘‘Kasmā tīṇi vimokkhamukhāni bhāvayanto tayo khandhe bhāvayatī’’ti vattabbattā ‘‘tattha suññatavimokkhamukha’’ntiādi vuttaṃ. Tatthāti tesu tīsu vimokkhamukhesu. Suññatavimokkhamukhaṃ paññākkhandho anattānupassanāya paññāpadhānattā. Animittavimokkhamukhaṃ samādhikkhandho aniccānupassanāya samādhipadhānattā. Appaṇihitavimokkhamukhaṃ sīlakkhandho dukkhānupassanāya sīlapadhānattā. Iti tīhi vimokkhamukhehi tiṇṇaṃ khandhānaṃ saṅgahitattā tīṇi vimokkhamukhāni bhāvayanto so yogī puggalo tayo khandhe bhāvayatiyevāti paññāpadhānādibhāvo aṭṭhakathāyaṃ (netti. aṭṭha. 55) vutto. Tayo khandhe bhāvayanto ariyaṃ aṭṭhaṅgikaṃ maggaṃ bhāvayati. ‘‘Kasmā bhāvayatī’’ti vattabbattā kāraṇaṃ dassetuṃ ‘‘tattha yā’’tiādi vuttaṃ.
д̇ин̣н̣ам̣ канд̇хаанам̣ арияаадтан̇г̇игамаг̇г̇абхааво вибхад̇д̇о, амхзхи жа ж̇аанид̇о, ‘‘гат̇ам̣ самат̇авибассанаабхааво ж̇аанид̇аб̣б̣о’’д̇и вад̇д̇аб̣б̣ад̇д̇аа д̇ин̣н̣ам̣ канд̇хаанам̣ самат̇авибассанаабхаавам̣ д̣̇ассзд̇ум̣ ‘‘д̇ад̇т̇а сийлагканд̇хо жаа’’д̇иаад̣̇и вуд̇д̇ам̣. ‘‘яо яог̇ий буг̇г̇ало самат̇авибассанам̣ бхаавзд̇и, д̇асса яог̇ино буг̇г̇аласса бхаван̇г̇аани гад̇амам̣ бхааванам̣ г̇ажчанд̇ий’’д̇и бужчид̇аб̣б̣ад̇д̇аа ‘‘яо самат̇авибассанам̣ бхаавзд̇и, д̇ассаа’’д̇иаад̣̇и вуд̇д̇ам̣. гааяо жа жид̇д̇ан̃жа д̣̇вз бхаван̇г̇аани убабад̇д̇ибхавасса ан̇г̇аани бхааванам̣ вад̣дханам̣ г̇ажчанд̇и. сийлан̃жа самаад̇хи жа д̣̇вз бад̣̇аани д̣̇вз баад̣̇аа бхаванирод̇хаг̇ааминий бадибад̣̇аа бхааванам̣ вад̣дханам̣ г̇ажчанд̇и.
Tiṇṇaṃ khandhānaṃ ariyaaṭṭhaṅgikamaggabhāvo vibhatto, amhehi ca jānito, ‘‘kathaṃ samathavipassanābhāvo jānitabbo’’ti vattabbattā tiṇṇaṃ khandhānaṃ samathavipassanābhāvaṃ dassetuṃ ‘‘tattha sīlakkhandho cā’’tiādi vuttaṃ. ‘‘Yo yogī puggalo samathavipassanaṃ bhāveti, tassa yogino puggalassa bhavaṅgāni katamaṃ bhāvanaṃ gacchantī’’ti pucchitabbattā ‘‘yo samathavipassanaṃ bhāveti, tassā’’tiādi vuttaṃ. Kāyo ca cittañca dve bhavaṅgāni upapattibhavassa aṅgāni bhāvanaṃ vaḍḍhanaṃ gacchanti. Sīlañca samādhi ca dve padāni dve pādā bhavanirodhagāminī paṭipadā bhāvanaṃ vaḍḍhanaṃ gacchanti.
‘‘гат̇ам̣ г̇ажчанд̇ий’’д̇и вад̇д̇аб̣б̣ад̇д̇аа ‘‘со ход̇и бхигкуу’’д̇иаад̣̇и вуд̇д̇ам̣. бхаавид̇агааяод̇и бхаавид̇о гааяо гааяааабхисамаажаариго, гааяасам̣варо ваа язна бхигкунаад̇и бхаавид̇агааяо. сзсзсуби зса наяо. гааяз гааяааабхисамаажааригз, гааяасам̣варз ваа бхаавияамаанз сад̇и саммаагамманд̇о, саммаавааяаамо жа д̣̇вз д̇хаммаа бхааванам̣ г̇ажчанд̇и гааяасамаажаарасийлад̇д̇аа. сийлз ваажаасам̣вараааж̇ийвасам̣варавасзна бавад̇д̇з сийлз бхаавияамаанз сад̇и саммааваажаа жа саммааааж̇ийво жа д̣̇вз д̇хаммаа бхааванам̣ г̇ажчанд̇и ваажаад̣̇исам̣варасийлад̇д̇аа. жид̇д̇з жид̇д̇асам̣варавасзна бавад̇д̇з жид̇д̇з бхаавияамаанз сад̇и саммаасад̇и жа саммаасамаад̇хи жа д̣̇вз д̇хаммаа бхааванам̣ г̇ажчанд̇и жид̇д̇асам̣варасийлад̇д̇аа. бан̃н̃ааяа бхаавияамаанааяа сад̇и саммаад̣̇идти жа саммаасан̇габбо жа д̣̇вз д̇хаммаа бхааванам̣ г̇ажчанд̇и самаанад̇д̇аа, убагаарагад̇д̇аа жа. саммаасан̇габбзна хи бунаббунам̣ сан̇габбанд̇асса бан̃н̃аа вад̣дхад̇ийд̇и.
‘‘Kathaṃ gacchantī’’ti vattabbattā ‘‘so hoti bhikkhū’’tiādi vuttaṃ. Bhāvitakāyoti bhāvito kāyo kāyaābhisamācāriko, kāyasaṃvaro vā yena bhikkhunāti bhāvitakāyo. Sesesupi esa nayo. Kāye kāyaābhisamācārike, kāyasaṃvare vā bhāviyamāne sati sammākammanto, sammāvāyāmo ca dve dhammā bhāvanaṃ gacchanti kāyasamācārasīlattā. Sīle vācāsaṃvaraājīvasaṃvaravasena pavatte sīle bhāviyamāne sati sammāvācā ca sammāājīvo ca dve dhammā bhāvanaṃ gacchanti vācādisaṃvarasīlattā. Citte cittasaṃvaravasena pavatte citte bhāviyamāne sati sammāsati ca sammāsamādhi ca dve dhammā bhāvanaṃ gacchanti cittasaṃvarasīlattā. Paññāya bhāviyamānāya sati sammādiṭṭhi ca sammāsaṅkappo ca dve dhammā bhāvanaṃ gacchanti samānattā, upakārakattā ca. Sammāsaṅkappena hi punappunaṃ saṅkappantassa paññā vaḍḍhatīti.
‘‘саммаагамманд̇о жа саммаавааяаамо жа д̣̇вз д̇хаммаа гааяавасзнзва вибхад̇д̇аа вижзд̇аб̣б̣аа гим̣, уд̣̇ааху жид̇д̇авасзна вибхад̇д̇аа вижзд̇аб̣б̣аа ги’’нд̇и бужчид̇аб̣б̣ад̇д̇аа ‘‘д̇ад̇т̇а яо жа саммаагамманд̇о’’д̇иаад̣̇и вуд̇д̇ам̣. гааяасужарид̇ажзд̇анаабхууд̇о яо жа саммаагамманд̇о, д̇ам̣сахид̇о яо жа саммаавааяаамо сияаа гааяиго, вирад̇ибхууд̇о яо жа саммаагамманд̇о, д̇ам̣сахид̇о яо жа саммаавааяаамо сияаа жзд̇асиго, д̇ад̇т̇а д̇зсу гааяигажзд̇асигабхууд̇зсу саммаагамманд̇асаммаавааяаамзсу яо саммаагамманд̇асаммаавааяаамо гааяасан̇г̇ахо, со саммаагамманд̇асаммаавааяаамо гааяз гааяааабхисамаажааригз, гааяасам̣варз ваа бхаавид̇з сад̇и бхааванам̣ г̇ажчад̇и. яо саммаагамманд̇асаммаавааяаамо жид̇д̇асан̇г̇ахо, со саммаагамманд̇асаммаавааяаамо жид̇д̇з жид̇д̇асам̣варз бхаавид̇з сад̇и бхааванам̣ г̇ажчад̇ийд̇и яож̇анаа.
‘‘Sammākammanto ca sammāvāyāmo ca dve dhammā kāyavaseneva vibhattā vicetabbā kiṃ, udāhu cittavasena vibhattā vicetabbā ki’’nti pucchitabbattā ‘‘tattha yo ca sammākammanto’’tiādi vuttaṃ. Kāyasucaritacetanābhūto yo ca sammākammanto, taṃsahito yo ca sammāvāyāmo siyā kāyiko, viratibhūto yo ca sammākammanto, taṃsahito yo ca sammāvāyāmo siyā cetasiko, tattha tesu kāyikacetasikabhūtesu sammākammantasammāvāyāmesu yo sammākammantasammāvāyāmo kāyasaṅgaho, so sammākammantasammāvāyāmo kāye kāyaābhisamācārike, kāyasaṃvare vā bhāvite sati bhāvanaṃ gacchati. Yo sammākammantasammāvāyāmo cittasaṅgaho, so sammākammantasammāvāyāmo citte cittasaṃvare bhāvite sati bhāvanaṃ gacchatīti yojanā.
‘‘самат̇авибассанам̣ бхааваяанд̇о со яог̇ий буг̇г̇ало гид̇д̇агам̣ ад̇хиг̇амам̣ г̇ажчад̇ий’’д̇и вижаяид̇аб̣б̣ад̇д̇аа ‘‘со самат̇авибассанам̣ бхааваяанд̇о’’д̇иаад̣̇и вуд̇д̇ам̣. бан̃жавид̇хам̣ арияамаг̇г̇аад̇хиг̇амам̣ д̣̇ассзд̇ум̣ ‘‘киббаад̇хиг̇амо жаа’’д̇иаад̣̇и вуд̇д̇ам̣. д̇ассад̇т̇о адтагат̇ааяам̣ (нзд̇д̇и. адта. 55) вибхад̇д̇о. ‘‘гзна гад̇амо ад̇хиг̇амо ход̇ий’’д̇и бужчид̇аб̣б̣ад̇д̇аа ‘‘д̇ад̇т̇а самат̇знаа’’д̇иаад̣̇и вуд̇д̇ам̣.
‘‘Samathavipassanaṃ bhāvayanto so yogī puggalo kittakaṃ adhigamaṃ gacchatī’’ti vicayitabbattā ‘‘so samathavipassanaṃ bhāvayanto’’tiādi vuttaṃ. Pañcavidhaṃ ariyamaggādhigamaṃ dassetuṃ ‘‘khippādhigamo cā’’tiādi vuttaṃ. Tassattho aṭṭhakathāyaṃ (netti. aṭṭha. 55) vibhatto. ‘‘Kena katamo adhigamo hotī’’ti pucchitabbattā ‘‘tattha samathenā’’tiādi vuttaṃ.
56. ‘‘арагкид̇зна жид̇д̇знаа’’д̇иаад̣̇исуд̇д̇ад̇т̇о взнзяяаанам̣ арахад̇д̇апалавимуд̇д̇имукзна аажариязна вижаяид̇о вибхад̇д̇о, амхзхи жа н̃аад̇о, ‘‘д̣̇зсагасса д̣̇асаб̣аласаманнааг̇ад̇асса д̣̇аса б̣алаани гат̇ам̣ вижаяид̇аб̣б̣ааний’’д̇и бужчид̇аб̣б̣ад̇д̇аа ‘‘д̇ад̇т̇а яо д̣̇зсаяад̇и, со д̣̇асаб̣аласаманнааг̇ад̇о’’д̇иаад̣̇и вуд̇д̇ам̣. адтагат̇ааяам̣ бана –
56. ‘‘Arakkhitena cittenā’’tiādisuttattho veneyyānaṃ arahattaphalavimuttimukhena ācariyena vicayito vibhatto, amhehi ca ñāto, ‘‘desakassa dasabalasamannāgatassa dasa balāni kathaṃ vicayitabbānī’’ti pucchitabbattā ‘‘tattha yo desayati, so dasabalasamannāgato’’tiādi vuttaṃ. Aṭṭhakathāyaṃ pana –
‘‘ид̇и махаат̇зро ‘д̇асмаа рагкид̇ажид̇д̇ассаа’д̇и г̇аат̇ааяа васзна арахад̇д̇апалавимуд̇д̇имукзна вижаяахаарасамбаад̇ам̣ нид̣̇д̣̇исанд̇о, д̣̇зсанаагусалад̇ааяа анзгзхи суд̇д̇аббад̣̇зсзхи д̇ассаа буб̣б̣абхааг̇абадибад̣̇ааяа бхааванаависзсаанам̣ бхааванаанисам̣саанан̃жа вибхаж̇анавасзна наанаббагаарад̇о вижаяахаарам̣ д̣̇ассзд̇ваа, ид̣̇аани д̣̇асаннам̣ д̇ат̇ааг̇ад̇аб̣алаанамби васзна д̇ам̣ д̣̇ассзд̇ум̣ ‘д̇ад̇т̇а яо д̣̇зсаяад̇ий’д̇иаад̣̇имаахаа’’д̇и –
‘‘Iti mahāthero ‘tasmā rakkhitacittassā’ti gāthāya vasena arahattaphalavimuttimukhena vicayahārasampātaṃ niddisanto, desanākusalatāya anekehi suttappadesehi tassā pubbabhāgapaṭipadāya bhāvanāvisesānaṃ bhāvanānisaṃsānañca vibhajanavasena nānappakārato vicayahāraṃ dassetvā, idāni dasannaṃ tathāgatabalānampi vasena taṃ dassetuṃ ‘tattha yo desayatī’tiādimāhā’’ti –
вуд̇д̇ам̣. д̇ад̇т̇а д̇ад̇т̇аад̇и д̇зсу самат̇авибассанам̣ бхааваяанд̇зсу саасид̇аб̣б̣асаасагзсу. д̣̇асаб̣аласаманнааг̇ад̇о яо д̣̇зсаго сад̇т̇аа ‘‘арагкид̇зна жид̇д̇знаа’’д̇иаад̣̇ид̇хаммам̣ д̣̇зсзд̇и, оваад̣̇зна саавагз на висам̣ваад̣̇аяад̇и, д̇асса д̣̇зсагасса сад̇т̇уно д̣̇аса б̣алаани вижаяид̇аб̣б̣аанийд̇и яож̇анаа.
Vuttaṃ. Tattha tatthāti tesu samathavipassanaṃ bhāvayantesu sāsitabbasāsakesu. Dasabalasamannāgato yo desako satthā ‘‘arakkhitena cittenā’’tiādidhammaṃ deseti, ovādena sāvake na visaṃvādayati, tassa desakassa satthuno dasa balāni vicayitabbānīti yojanā.
‘‘гинд̇и д̣̇зсзд̇ий’’д̇и бужчид̇аб̣б̣ад̇д̇аа ‘‘со д̇ивид̇ха’’нд̇иаад̣̇и вуд̇д̇ам̣. д̇зсу д̣̇асасу д̇ат̇ааг̇ад̇аб̣алзсу таанаадтаанан̃аан̣ам̣ батамам̣ д̇ат̇ааг̇ад̇аб̣алам̣ наама, ‘‘д̇ам̣ б̣алам̣ гат̇ам̣ вижаяид̇аб̣б̣а’’нд̇и бужчид̇аб̣б̣ад̇д̇аа ‘‘со д̇ат̇аа овад̣̇ид̇о’’д̇иаад̣̇и вуд̇д̇ам̣. ад̇т̇о адтагат̇ааяам̣ (нзд̇д̇и. адта. 56) вуд̇д̇о, баал̣ивасзнаби баагадо. ‘‘зд̇ам̣ таанам̣ на виж̇ж̇ад̇ий’’д̇и ж̇аананам̣ адтаанан̃аан̣ам̣ наама, ‘‘зд̇ам̣ таанам̣ виж̇ж̇ад̇ий’’д̇и ж̇аананам̣ таанан̃аан̣ам̣ наамаад̇и таанаадтаанаанам̣ ж̇аананан̃аан̣ам̣ батамам̣ д̇ат̇ааг̇ад̇аб̣алам̣ вижаяид̇аб̣б̣анд̇и ад̇хиббааяо взд̣̇ид̇аб̣б̣о. (1)
‘‘Kinti desetī’’ti pucchitabbattā ‘‘so tividha’’ntiādi vuttaṃ. Tesu dasasu tathāgatabalesu ṭhānāṭṭhānañāṇaṃ paṭhamaṃ tathāgatabalaṃ nāma, ‘‘taṃ balaṃ kathaṃ vicayitabba’’nti pucchitabbattā ‘‘so tathā ovadito’’tiādi vuttaṃ. Attho aṭṭhakathāyaṃ (netti. aṭṭha. 56) vutto, pāḷivasenapi pākaṭo. ‘‘Etaṃ ṭhānaṃ na vijjatī’’ti jānanaṃ aṭṭhānañāṇaṃ nāma, ‘‘etaṃ ṭhānaṃ vijjatī’’ti jānanaṃ ṭhānañāṇaṃ nāmāti ṭhānāṭṭhānānaṃ jānanañāṇaṃ paṭhamaṃ tathāgatabalaṃ vicayitabbanti adhippāyo veditabbo. (1)
57. таанаадтаанан̃аан̣ам̣ батамам̣ д̇ат̇ааг̇ад̇аб̣алам̣ аажариязна вижаяид̇ам̣ вибхад̇д̇ам̣ амхзхи жа н̃аад̇ам̣, ‘‘гат̇ам̣ саб̣б̣ад̇т̇аг̇ааминибадибад̣̇аан̃аан̣ам̣ д̣̇уд̇ияад̇ат̇ааг̇ад̇аб̣алам̣ вижаяид̇аб̣б̣а’’нд̇и бужчид̇аб̣б̣ад̇д̇аа ‘‘ид̇и таанаадтаанад̇аа’’д̇и вуд̇д̇ам̣. ‘‘аяам̣ бадибад̣̇аа имасмим̣ бхавз г̇ааминий, аяам̣ бадибад̣̇аа имасмим̣ бхавз г̇ааминий’’д̇и саб̣б̣ад̇т̇а г̇ааминияаа бадибад̣̇ааяа ж̇аананан̃аан̣ам̣ саб̣б̣ад̇т̇аг̇ааминибадибад̣̇аан̃аан̣ам̣ наамаад̇и саб̣б̣ад̇т̇аг̇ааминибадибад̣̇аан̃аан̣ам̣ д̣̇уд̇ияам̣ д̇ат̇ааг̇ад̇аб̣алам̣ вижаяид̇аб̣б̣анд̇и ад̇хиббааяо. (2)
57. Ṭhānāṭṭhānañāṇaṃ paṭhamaṃ tathāgatabalaṃ ācariyena vicayitaṃ vibhattaṃ amhehi ca ñātaṃ, ‘‘kathaṃ sabbatthagāminipaṭipadāñāṇaṃ dutiyatathāgatabalaṃ vicayitabba’’nti pucchitabbattā ‘‘iti ṭhānāṭṭhānatā’’ti vuttaṃ. ‘‘Ayaṃ paṭipadā imasmiṃ bhave gāminī, ayaṃ paṭipadā imasmiṃ bhave gāminī’’ti sabbattha gāminiyā paṭipadāya jānanañāṇaṃ sabbatthagāminipaṭipadāñāṇaṃ nāmāti sabbatthagāminipaṭipadāñāṇaṃ dutiyaṃ tathāgatabalaṃ vicayitabbanti adhippāyo. (2)
59. саб̣б̣ад̇т̇аг̇ааминибадибад̣̇аан̃аан̣ам̣ д̣̇уд̇ияам̣ д̇ат̇ааг̇ад̇аб̣алам̣ аажариязна вижаяид̇ам̣, амхзхи жа н̃аад̇ам̣, ‘‘гат̇ам̣ анзгад̇хаад̇унаанаад̇хаад̇ун̃аан̣ам̣ д̇ад̇ияам̣ д̇ат̇ааг̇ад̇аб̣алам̣ вижаяид̇аб̣б̣а’’нд̇и бужчид̇аб̣б̣ад̇д̇аа ‘‘ид̇и саб̣б̣ад̇т̇аг̇ааминий бадибад̣̇аа’’д̇иаад̣̇и вуд̇д̇ам̣. ‘‘аяам̣ д̇хаад̇у жа аяам̣ д̇хаад̇у жа анзгад̇хаад̇у наама, аяам̣ д̇хаад̇у жа аяам̣ д̇хаад̇у жа наанаад̇хаад̇у наамаа’’д̇и анзгад̇хаад̇унаанаад̇хаад̇уунам̣ ж̇аананан̃аан̣ам̣ анзгад̇хаад̇унаанаад̇хаад̇ун̃аан̣ам̣ наамаад̇и анзгад̇хаад̇унаанаад̇хаад̇ун̃аан̣ам̣ д̇ад̇ияам̣ д̇ат̇ааг̇ад̇аб̣алам̣ вижаяид̇аб̣б̣анд̇и. (3)
59. Sabbatthagāminipaṭipadāñāṇaṃ dutiyaṃ tathāgatabalaṃ ācariyena vicayitaṃ, amhehi ca ñātaṃ, ‘‘kathaṃ anekadhātunānādhātuñāṇaṃ tatiyaṃ tathāgatabalaṃ vicayitabba’’nti pucchitabbattā ‘‘iti sabbatthagāminī paṭipadā’’tiādi vuttaṃ. ‘‘Ayaṃ dhātu ca ayaṃ dhātu ca anekadhātu nāma, ayaṃ dhātu ca ayaṃ dhātu ca nānādhātu nāmā’’ti anekadhātunānādhātūnaṃ jānanañāṇaṃ anekadhātunānādhātuñāṇaṃ nāmāti anekadhātunānādhātuñāṇaṃ tatiyaṃ tathāgatabalaṃ vicayitabbanti. (3)
60. анзгад̇хаад̇унаанаад̇хаад̇ун̃аан̣ам̣ д̇ад̇ияам̣ д̇ат̇ааг̇ад̇аб̣алам̣ аажариязна вижаяид̇ам̣ вибхад̇д̇ам̣, амхзхи жа н̃аад̇ам̣, ‘‘гат̇ам̣ сад̇д̇аанам̣ наанаад̇химуд̇д̇игад̇аан̃аан̣ам̣ жад̇уд̇т̇ам̣ д̇ат̇ааг̇ад̇аб̣алам̣ вижаяид̇аб̣б̣а’’нд̇и бужчид̇аб̣б̣ад̇д̇аа ‘‘ид̇и анзгад̇хаад̇унаанаад̇хаад̇угасса логассаа’’д̇иаад̣̇и вуд̇д̇ам̣. ‘‘имз сад̇д̇аа звам̣ ад̇химуд̇д̇аа, имз сад̇д̇аа звам̣ ад̇химуд̇д̇аа’’д̇и сад̇д̇аанам̣ ад̇химужжанаанам̣ ж̇аананан̃аан̣ам̣ сад̇д̇аанам̣ наанаад̇химуд̇д̇игад̇аан̃аан̣ам̣ наамаад̇и сад̇д̇аанам̣ наанаад̇химуд̇д̇игад̇аан̃аан̣ам̣ жад̇уд̇т̇ам̣ д̇ат̇ааг̇ад̇аб̣алам̣ вижаяид̇аб̣б̣анд̇и. (4)
60. Anekadhātunānādhātuñāṇaṃ tatiyaṃ tathāgatabalaṃ ācariyena vicayitaṃ vibhattaṃ, amhehi ca ñātaṃ, ‘‘kathaṃ sattānaṃ nānādhimuttikatāñāṇaṃ catutthaṃ tathāgatabalaṃ vicayitabba’’nti pucchitabbattā ‘‘iti anekadhātunānādhātukassa lokassā’’tiādi vuttaṃ. ‘‘Ime sattā evaṃ adhimuttā, ime sattā evaṃ adhimuttā’’ti sattānaṃ adhimuccanānaṃ jānanañāṇaṃ sattānaṃ nānādhimuttikatāñāṇaṃ nāmāti sattānaṃ nānādhimuttikatāñāṇaṃ catutthaṃ tathāgatabalaṃ vicayitabbanti. (4)
сад̇д̇аанам̣ наанаад̇химуд̇д̇игад̇аан̃аан̣ам̣ жад̇уд̇т̇ам̣ д̇ат̇ааг̇ад̇аб̣алам̣ аажариязна вибхад̇д̇ам̣, амхзхи жа н̃аад̇ам̣, ‘‘гат̇ам̣ вибаагавзмад̇д̇ад̇аан̃аан̣ам̣ бан̃жамам̣ д̇ат̇ааг̇ад̇аб̣алам̣ вижаяид̇аб̣б̣а’’нд̇и бужчид̇аб̣б̣ад̇д̇аа ‘‘ид̇и д̇з яат̇аад̇химуд̇д̇аа жаа’’д̇иаад̣̇и вуд̇д̇ам̣. ‘‘звам̣ ад̇химуд̇д̇аанам̣ сад̇д̇аанам̣ ид̣̇ам̣ гаммам̣ ган̣хам̣, имасса ган̣хагаммасса аяам̣ вибааго. ид̣̇ам̣ гаммам̣ суггам̣, имасса суггагаммасса аяам̣ вибааго’’д̇и звамаад̣̇ийхи вибаагаанам̣ наанад̇д̇аж̇аананан̃аан̣ам̣ вибаагавзмад̇д̇ад̇аан̃аан̣ам̣ наамаад̇и вибаагавзмад̇д̇ад̇аан̃аан̣ам̣ бан̃жамам̣ д̇ат̇ааг̇ад̇аб̣алам̣ вижаяид̇аб̣б̣анд̇и.
Sattānaṃ nānādhimuttikatāñāṇaṃ catutthaṃ tathāgatabalaṃ ācariyena vibhattaṃ, amhehi ca ñātaṃ, ‘‘kathaṃ vipākavemattatāñāṇaṃ pañcamaṃ tathāgatabalaṃ vicayitabba’’nti pucchitabbattā ‘‘iti te yathādhimuttā cā’’tiādi vuttaṃ. ‘‘Evaṃ adhimuttānaṃ sattānaṃ idaṃ kammaṃ kaṇhaṃ, imassa kaṇhakammassa ayaṃ vipāko. Idaṃ kammaṃ sukkaṃ, imassa sukkakammassa ayaṃ vipāko’’ti evamādīhi vipākānaṃ nānattajānanañāṇaṃ vipākavemattatāñāṇaṃ nāmāti vipākavemattatāñāṇaṃ pañcamaṃ tathāgatabalaṃ vicayitabbanti.
62. вибаагавзмад̇д̇ад̇аан̃аан̣ам̣ бан̃жамам̣ д̇ат̇ааг̇ад̇аб̣алам̣ аажариязна вижаяид̇ам̣, амхзхи жа н̃аад̇ам̣, ‘‘гат̇ам̣ жхаанаанам̣ сам̣гилзсавод̣̇аанавудтаанан̃аан̣ам̣ чадтам̣ д̇ат̇ааг̇ад̇аб̣алам̣ вижаяид̇аб̣б̣а’’нд̇и бужчид̇аб̣б̣ад̇д̇аа ‘‘ид̇и д̇ат̇аа самаад̣̇иннаана’’нд̇иаад̣̇и вуд̇д̇ам̣. ‘‘звам̣ самаад̣̇иннаанам̣ гаммаанам̣ жхаанаанам̣ вимогкаанам̣ самаад̇хийнам̣ самаабад̇д̇ийнам̣ аяам̣ сам̣гилзсо, ид̣̇ам̣ вод̣̇аанам̣, ид̣̇ам̣ вудтаанам̣, звам̣ сам̣гилиссад̇и, звам̣ вод̣̇ааяад̇и, звам̣ вудтахад̇ий’’д̇и жхаанаанам̣ сам̣гилзсавод̣̇аанавудтаанаанам̣ анааваран̣ан̃аан̣ам̣ жхаанаанам̣ сам̣гилзсавод̣̇аанавудтаанан̃аан̣ам̣ наамаад̇и жхаанаанам̣ сам̣гилзсавод̣̇аанавудтаанан̃аан̣ам̣ чадтам̣ д̇ат̇ааг̇ад̇аб̣алам̣ вижаяид̇аб̣б̣анд̇и. (5)
62. Vipākavemattatāñāṇaṃ pañcamaṃ tathāgatabalaṃ ācariyena vicayitaṃ, amhehi ca ñātaṃ, ‘‘kathaṃ jhānānaṃ saṃkilesavodānavuṭṭhānañāṇaṃ chaṭṭhaṃ tathāgatabalaṃ vicayitabba’’nti pucchitabbattā ‘‘iti tathā samādinnāna’’ntiādi vuttaṃ. ‘‘Evaṃ samādinnānaṃ kammānaṃ jhānānaṃ vimokkhānaṃ samādhīnaṃ samāpattīnaṃ ayaṃ saṃkileso, idaṃ vodānaṃ, idaṃ vuṭṭhānaṃ, evaṃ saṃkilissati, evaṃ vodāyati, evaṃ vuṭṭhahatī’’ti jhānānaṃ saṃkilesavodānavuṭṭhānānaṃ anāvaraṇañāṇaṃ jhānānaṃ saṃkilesavodānavuṭṭhānañāṇaṃ nāmāti jhānānaṃ saṃkilesavodānavuṭṭhānañāṇaṃ chaṭṭhaṃ tathāgatabalaṃ vicayitabbanti. (5)
63. жхаанаанам̣ сам̣гилзсан̃аан̣ам̣ чадтам̣ д̇ат̇ааг̇ад̇аб̣алам̣ аажариязна вижаяид̇ам̣, ‘‘гат̇ам̣ инд̣̇рияабаробарияад̇д̇авзмад̇д̇ад̇аан̃аан̣ам̣ сад̇д̇амам̣ д̇ат̇ааг̇ад̇аб̣алам̣ вижаяид̇аб̣б̣а’’нд̇и бужчид̇аб̣б̣ад̇д̇аа ‘‘ид̇и д̇ассзва самаад̇хиссаа’’д̇иаад̣̇и вуд̇д̇ам̣. ‘‘звам̣ аад̇хибад̇зяяадтзна инд̣̇рияаани, звам̣ агамбияадтзна б̣алааний’’д̇и ж̇аананзна саха ‘‘аяам̣ муд̣̇инд̣̇рияо, аяам̣ маж̇жхинд̣̇рияо, аяам̣ д̇игкинд̣̇рияо’’д̇и барасад̇д̇аанам̣ барабуг̇г̇алаанам̣ инд̣̇рияаб̣алаанам̣ амуд̣̇умаж̇жхаад̇химад̇д̇ад̇ааж̇аананан̃аан̣ам̣амуд̣̇умаж̇жхаад̇химад̇д̇ад̇ааж̇аананан̃аан̣ам̣ инд̣̇рияабаробарияад̇д̇авзмад̇д̇ад̇аан̃аан̣ам̣ наамаад̇и инд̣̇рияабаробарияад̇д̇авзмад̇д̇ад̇аан̃аан̣ам̣ сад̇д̇амам̣ д̇ат̇ааг̇ад̇аб̣алам̣ вижаяид̇аб̣б̣анд̇и. (6)
63. Jhānānaṃ saṃkilesañāṇaṃ chaṭṭhaṃ tathāgatabalaṃ ācariyena vicayitaṃ, ‘‘kathaṃ indriyaparopariyattavemattatāñāṇaṃ sattamaṃ tathāgatabalaṃ vicayitabba’’nti pucchitabbattā ‘‘iti tasseva samādhissā’’tiādi vuttaṃ. ‘‘Evaṃ ādhipateyyaṭṭhena indriyāni, evaṃ akampiyaṭṭhena balānī’’ti jānanena saha ‘‘ayaṃ mudindriyo, ayaṃ majjhindriyo, ayaṃ tikkhindriyo’’ti parasattānaṃ parapuggalānaṃ indriyabalānaṃ amudumajjhādhimattatājānanañāṇaṃamudumajjhādhimattatājānanañāṇaṃ indriyaparopariyattavemattatāñāṇaṃ nāmāti indriyaparopariyattavemattatāñāṇaṃ sattamaṃ tathāgatabalaṃ vicayitabbanti. (6)
64. инд̣̇рияабаробарияад̇д̇ан̃аан̣ам̣ сад̇д̇амам̣ д̇ат̇ааг̇ад̇аб̣алам̣ аажариязна вижаяид̇ам̣, ‘‘гат̇ам̣ буб̣б̣зниваасаануссад̇ин̃аан̣ам̣ адтамам̣ д̇ат̇ааг̇ад̇аб̣алам̣ вижаяид̇аб̣б̣ам̣, гат̇ам̣ д̣̇иб̣б̣ажагкун̃аан̣ам̣ навамам̣ д̇ат̇ааг̇ад̇аб̣алам̣ вижаяид̇аб̣б̣а’’нд̇и бужчид̇аб̣б̣ад̇д̇аа ‘‘ид̇и д̇ад̇т̇а яам̣ анзгавихид̇а’’нд̇иаад̣̇и вуд̇д̇ам̣. ‘‘згам̣ ж̇аад̇и’’нд̇иаад̣̇инаа ж̇аад̇ивасзна ваа ‘‘звам̣наамо’’д̇иаад̣̇инаа наамаг̇од̇д̇аван̣н̣аахаарасукад̣̇угкабадисам̣взд̣̇анааяа барияанд̇авасзна ваа саагаарасса сауд̣̇д̣̇зсасса анзгавихид̇абуб̣б̣зниваасасса д̇ам̣д̇ам̣бхавасса асзсад̇о ж̇аананан̃аан̣ам̣ буб̣б̣зниваасаануссад̇ин̃аан̣ам̣ наамаад̇и буб̣б̣зниваасаануссад̇ин̃аан̣ам̣ адтамам̣ д̇ат̇ааг̇ад̇аб̣алам̣ вижаяид̇аб̣б̣анд̇и. (7)
64. Indriyaparopariyattañāṇaṃ sattamaṃ tathāgatabalaṃ ācariyena vicayitaṃ, ‘‘kathaṃ pubbenivāsānussatiñāṇaṃ aṭṭhamaṃ tathāgatabalaṃ vicayitabbaṃ, kathaṃ dibbacakkhuñāṇaṃ navamaṃ tathāgatabalaṃ vicayitabba’’nti pucchitabbattā ‘‘iti tattha yaṃ anekavihita’’ntiādi vuttaṃ. ‘‘Ekaṃ jāti’’ntiādinā jātivasena vā ‘‘evaṃnāmo’’tiādinā nāmagottavaṇṇāhārasukhadukkhapaṭisaṃvedanāya pariyantavasena vā sākārassa sauddesassa anekavihitapubbenivāsassa taṃtaṃbhavassa asesato jānanañāṇaṃ pubbenivāsānussatiñāṇaṃ nāmāti pubbenivāsānussatiñāṇaṃ aṭṭhamaṃ tathāgatabalaṃ vicayitabbanti. (7)
жавамаанаубабаж̇ж̇амаанахийнабан̣ийд̇асуван̣н̣ад̣̇уб̣б̣ан̣н̣асуг̇ад̇ад̣̇уг̇г̇ад̇аяат̇аагаммуубаг̇аанам̣ сад̇д̇аанам̣ асзсад̇о жуд̇уубабаад̇аанам̣ ж̇аананан̃аан̣ам̣ д̣̇иб̣б̣ажагкун̃аан̣ам̣ наамаад̇и д̣̇иб̣б̣ажагкун̃аан̣ам̣ навамам̣ д̇ат̇ааг̇ад̇аб̣алам̣ вижаяид̇аб̣б̣анд̇и. (8-9)
Cavamānaupapajjamānahīnapaṇītasuvaṇṇadubbaṇṇasugataduggatayathākammūpagānaṃ sattānaṃ asesato cutūpapātānaṃ jānanañāṇaṃ dibbacakkhuñāṇaṃ nāmāti dibbacakkhuñāṇaṃ navamaṃ tathāgatabalaṃ vicayitabbanti. (8-9)
буб̣б̣зниваасаад̣̇иадтаманавамам̣ д̇ат̇ааг̇ад̇аб̣алам̣ аажариязна вижаяид̇ам̣ вибхад̇д̇ам̣, ‘‘гат̇ам̣ саб̣б̣аасавагкаяан̃аан̣ам̣ д̣̇асамам̣ д̇ат̇ааг̇ад̇аб̣алам̣ вижаяид̇аб̣б̣а’’нд̇и бужчид̇аб̣б̣ад̇д̇аа ‘‘ид̇и д̇ад̇т̇а яа’’нд̇иаад̣̇и вуд̇д̇ам̣. б̣од̇химуулз сам̣гилзсамаараниханам̣ н̃аан̣ам̣ уббаннам̣, ид̣̇ам̣ гилзсамаараниханам̣ н̃аан̣ам̣ саб̣б̣аасавагкаяан̃аан̣ам̣ наамаад̇и саб̣б̣аасавагкаяан̃аан̣ам̣ д̣̇асамам̣ д̇ат̇ааг̇ад̇аб̣алам̣ вижаяид̇аб̣б̣анд̇и аяам̣ сан̇кзбад̇т̇о. вид̇т̇аарад̇о бана баал̣ид̇о жа адтагат̇аад̇о жа яад̇ибод̇аанамби баагадо бхавзяяаад̇и ман̃н̃ид̇ваа на д̣̇ассид̇о.(10)
Pubbenivāsādiaṭṭhamanavamaṃ tathāgatabalaṃ ācariyena vicayitaṃ vibhattaṃ, ‘‘kathaṃ sabbāsavakkhayañāṇaṃ dasamaṃ tathāgatabalaṃ vicayitabba’’nti pucchitabbattā ‘‘iti tattha ya’’ntiādi vuttaṃ. Bodhimūle saṃkilesamāranihanaṃ ñāṇaṃ uppannaṃ, idaṃ kilesamāranihanaṃ ñāṇaṃ sabbāsavakkhayañāṇaṃ nāmāti sabbāsavakkhayañāṇaṃ dasamaṃ tathāgatabalaṃ vicayitabbanti ayaṃ saṅkhepattho. Vitthārato pana pāḷito ca aṭṭhakathāto ca yatipotānampi pākaṭo bhaveyyāti maññitvā na dassito.(10)
‘‘зд̇д̇агова вижаяахаарасамбаад̇о барибун̣н̣о’’д̇и вад̇д̇аб̣б̣ад̇д̇аа ‘‘нияуд̇д̇о вижаяо хаарасамбаад̇о’’д̇и вуд̇д̇ам̣. яз яз суд̇д̇аббад̣̇зсад̇т̇аа вуд̇д̇аа, д̇з д̇з суд̇д̇аббад̣̇зсад̇т̇аа язна язна сам̣ван̣н̣анаависзсабхууд̇зна вижаяахаарасамбаад̇зна вижаяид̇аб̣б̣аа, со со сам̣ван̣н̣анаависзсабхууд̇о вижаяахаарасамбаад̇о нияуд̇д̇о яат̇аарахам̣ нийхарид̇ваа яуж̇ж̇ид̇аб̣б̣од̇и ад̇т̇о г̇ахзд̇аб̣б̣од̇и.
‘‘Ettakova vicayahārasampāto paripuṇṇo’’ti vattabbattā ‘‘niyutto vicayo hārasampāto’’ti vuttaṃ. Ye ye suttappadesatthā vuttā, te te suttappadesatthā yena yena saṃvaṇṇanāvisesabhūtena vicayahārasampātena vicayitabbā, so so saṃvaṇṇanāvisesabhūto vicayahārasampāto niyutto yathārahaṃ nīharitvā yujjitabboti attho gahetabboti.
ид̇и вижаяахаарасамбаад̇з сад̇д̇иб̣алаануруубаа ражид̇аа
Iti vicayahārasampāte sattibalānurūpā racitā
вибхааванаа нидтид̇аа.
Vibhāvanā niṭṭhitā.
бан̣д̣ид̇зхи бана…бз… г̇ахзд̇аб̣б̣од̇и.
Paṇḍitehi pana…pe… gahetabboti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 2. вижаяахаарасамбаад̇о • 2. Vicayahārasampāto
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 2. вижаяахаарасамбаад̇аван̣н̣анаа • 2. Vicayahārasampātavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 2. вижаяахаарасамбаад̇аван̣н̣анаа • 2. Vicayahārasampātavaṇṇanā
