| Library / Tipiṭaka / д̇ибидага • Tipiṭaka / нзд̇д̇иббагаран̣абаал̣и • Nettippakaraṇapāḷi |
2. вижаяахаарасамбаад̇о
2. Vicayahārasampāto
53. д̇ад̇т̇а гад̇амо вижаяо хаарасамбаад̇о? д̇ад̇т̇а д̇ан̣хаа д̣̇увид̇хаа гусалааби агусалааби. агусалаа сам̣саараг̇ааминий, гусалаа абажаяаг̇ааминий бахаанад̇ан̣хаа. мааноби д̣̇увид̇хо гусалоби агусалоби. яам̣ маанам̣ ниссааяа маанам̣ баж̇ахад̇и, аяам̣ маано гусало. яо бана маано д̣̇угкам̣ ниб̣б̣ад̇д̇аяад̇и, аяам̣ маано агусало. д̇ад̇т̇а яам̣ нзгкаммасид̇ам̣ д̣̇оманассам̣ гуд̣̇аассунаамаахам̣ д̇ам̣ ааяад̇анам̣ сажчигад̇ваа убасамбаж̇ж̇а вихариссам̣ яам̣ арияаа санд̇ам̣ ааяад̇анам̣ сажчигад̇ваа убасамбаж̇ж̇а вихаранд̇ийд̇и д̇асса уббаж̇ж̇ад̇и бихаа, бихаабажжаяаа д̣̇оманассам̣, аяам̣ д̇ан̣хаа гусалаа рааг̇авирааг̇аа жзд̇овимуд̇д̇и, д̇ад̣̇аарамман̣аа гусалаа авиж̇ж̇аавирааг̇аа бан̃н̃аавимуд̇д̇и.
53. Tattha katamo vicayo hārasampāto? Tattha taṇhā duvidhā kusalāpi akusalāpi. Akusalā saṃsāragāminī, kusalā apacayagāminī pahānataṇhā. Mānopi duvidho kusalopi akusalopi. Yaṃ mānaṃ nissāya mānaṃ pajahati, ayaṃ māno kusalo. Yo pana māno dukkhaṃ nibbattayati, ayaṃ māno akusalo. Tattha yaṃ nekkhammasitaṃ domanassaṃ kudāssunāmāhaṃ taṃ āyatanaṃ sacchikatvā upasampajja viharissaṃ yaṃ ariyā santaṃ āyatanaṃ sacchikatvā upasampajja viharantīti tassa uppajjati pihā, pihāpaccayā domanassaṃ, ayaṃ taṇhā kusalā rāgavirāgā cetovimutti, tadārammaṇā kusalā avijjāvirāgā paññāvimutti.
д̇ассаа го бавижаяо? адта маг̇г̇ан̇г̇аани саммаад̣̇идти саммаасан̇габбо саммааваажаа саммаагамманд̇о саммааааж̇ийво саммаавааяаамо саммаасад̇и саммаасамаад̇хи. со гад̇т̇а д̣̇адтаб̣б̣о? жад̇уд̇т̇з жхаанз баарамид̇ааяа. жад̇уд̇т̇з хи жхаанз адтан̇г̇асаманнааг̇ад̇ам̣ жид̇д̇ам̣ бхааваяад̇и барисуд̣̇д̇хам̣ барияод̣̇аад̇ам̣ анан̇г̇ан̣ам̣ виг̇ад̇уубаггилзсам̣ муд̣̇у гамманияам̣ тид̇ам̣ аанзн̃ж̇аббад̇д̇ам̣. со д̇ад̇т̇а адтавид̇хам̣ ад̇хиг̇ажчад̇и ча абхин̃н̃аа д̣̇вз жа висзсз, д̇ам̣ жид̇д̇ам̣ яад̇о барисуд̣̇д̇хам̣, д̇ад̇о барияод̣̇аад̇ам̣, яад̇о барияод̣̇аад̇ам̣ , д̇ад̇о анан̇г̇ан̣ам̣, яад̇о анан̇г̇ан̣ам̣, д̇ад̇о виг̇ад̇уубаггилзсам̣, яад̇о виг̇ад̇уубаггилзсам̣, д̇ад̇о муд̣̇у, яад̇о муд̣̇у, д̇ад̇о гамманияам̣, яад̇о гамманияам̣, д̇ад̇о тид̇ам̣, яад̇о тид̇ам̣, д̇ад̇о аанзн̃ж̇аббад̇д̇ам̣. д̇ад̇т̇а ан̇г̇ан̣аа жа убаггилзсаа жа д̇ад̣̇убхаяам̣ д̇ан̣хаабагко. яаа жа ин̃ж̇анаа яаа жа жид̇д̇асса адтид̇и, аяам̣ д̣̇идтибагко.
Tassā ko pavicayo? Aṭṭha maggaṅgāni sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi. So kattha daṭṭhabbo? Catutthe jhāne pāramitāya. Catutthe hi jhāne aṭṭhaṅgasamannāgataṃ cittaṃ bhāvayati parisuddhaṃ pariyodātaṃ anaṅgaṇaṃ vigatūpakkilesaṃ mudu kammaniyaṃ ṭhitaṃ āneñjappattaṃ. So tattha aṭṭhavidhaṃ adhigacchati cha abhiññā dve ca visese, taṃ cittaṃ yato parisuddhaṃ, tato pariyodātaṃ, yato pariyodātaṃ , tato anaṅgaṇaṃ, yato anaṅgaṇaṃ, tato vigatūpakkilesaṃ, yato vigatūpakkilesaṃ, tato mudu, yato mudu, tato kammaniyaṃ, yato kammaniyaṃ, tato ṭhitaṃ, yato ṭhitaṃ, tato āneñjappattaṃ. Tattha aṅgaṇā ca upakkilesā ca tadubhayaṃ taṇhāpakkho. Yā ca iñjanā yā ca cittassa aṭṭhiti, ayaṃ diṭṭhipakkho.
жад̇д̇аари инд̣̇рияаани д̣̇угкинд̣̇рияам̣ д̣̇оманассинд̣̇рияам̣ сукинд̣̇рияам̣ соманассинд̣̇рияан̃жа жад̇уд̇т̇аж̇жхаанз нируж̇жханд̇и, д̇асса убзгкинд̣̇рияам̣ авасидтам̣ бхавад̇и. со убаримам̣ самаабад̇д̇им̣ санд̇ад̇о манасигарод̇и, д̇асса убаримам̣ самаабад̇д̇им̣ санд̇ад̇о манасигарод̇о жад̇уд̇т̇аж̇жхаанз ол̣ааригаа сан̃н̃аа сан̣тахад̇и угган̣таа жа бадигхасан̃н̃аа, со саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘‘ананд̇ам̣ аагааса’’нд̇и аагаасаанан̃жааяад̇анасамаабад̇д̇им̣ сажчигад̇ваа убасамбаж̇ж̇а вихарад̇и. абхин̃н̃аабхинийхааро руубасан̃н̃аа вогааро наанад̇д̇асан̃н̃аа самад̇иггамад̇и бадигхасан̃н̃аа жасса аб̣бхад̇т̇ам̣ г̇ажчад̇и, звам̣ самаад̇хи д̇асса самаахид̇асса обхаасо анд̇арад̇хааяад̇и д̣̇ассанан̃жа руубаанам̣, со самаад̇хи чал̣ан̇г̇асаманнааг̇ад̇о бажжавзгкид̇аб̣б̣о . анабхиж̇жхаасахаг̇ад̇ам̣ мз маанасам̣ саб̣б̣алогз, аб̣яаабаннам̣ мз жид̇д̇ам̣ саб̣б̣асад̇д̇зсу, аарад̣̇д̇хам̣ мз вийрияам̣ баг̇г̇ахид̇ам̣, бассад̣̇д̇хо мз гааяо асаарад̣̇д̇хо, самаахид̇ам̣ мз жид̇д̇ам̣ авигкид̇д̇ам̣, убадтид̇аа мз сад̇и асаммудтаа 1, д̇ад̇т̇а яан̃жа анабхиж̇жхаасахаг̇ад̇ам̣ маанасам̣ саб̣б̣алогз яан̃жа аб̣яаабаннам̣ жид̇д̇ам̣ саб̣б̣асад̇д̇зсу яан̃жа аарад̣̇д̇хам̣ вийрияам̣ баг̇г̇ахид̇ам̣ яан̃жа самаахид̇ам̣ жид̇д̇ам̣ авигкид̇д̇ам̣, аяам̣ самат̇о. яо бассад̣̇д̇хо гааяо асаарад̣̇д̇хо, аяам̣ самаад̇хибаригкааро. яаа убадтид̇аа сад̇и асаммудтаа аяам̣ вибассанаа.
Cattāri indriyāni dukkhindriyaṃ domanassindriyaṃ sukhindriyaṃ somanassindriyañca catutthajjhāne nirujjhanti, tassa upekkhindriyaṃ avasiṭṭhaṃ bhavati. So uparimaṃ samāpattiṃ santato manasikaroti, tassa uparimaṃ samāpattiṃ santato manasikaroto catutthajjhāne oḷārikā saññā saṇṭhahati ukkaṇṭhā ca paṭighasaññā, so sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘‘anantaṃ ākāsa’’nti ākāsānañcāyatanasamāpattiṃ sacchikatvā upasampajja viharati. Abhiññābhinīhāro rūpasaññā vokāro nānattasaññā samatikkamati paṭighasaññā cassa abbhatthaṃ gacchati, evaṃ samādhi tassa samāhitassa obhāso antaradhāyati dassanañca rūpānaṃ, so samādhi chaḷaṅgasamannāgato paccavekkhitabbo . Anabhijjhāsahagataṃ me mānasaṃ sabbaloke, abyāpannaṃ me cittaṃ sabbasattesu, āraddhaṃ me vīriyaṃ paggahitaṃ, passaddho me kāyo asāraddho, samāhitaṃ me cittaṃ avikkhittaṃ, upaṭṭhitā me sati asammuṭṭhā 2, tattha yañca anabhijjhāsahagataṃ mānasaṃ sabbaloke yañca abyāpannaṃ cittaṃ sabbasattesu yañca āraddhaṃ vīriyaṃ paggahitaṃ yañca samāhitaṃ cittaṃ avikkhittaṃ, ayaṃ samatho. Yo passaddho kāyo asāraddho, ayaṃ samādhiparikkhāro. Yā upaṭṭhitā sati asammuṭṭhā ayaṃ vipassanā.
54. со самаад̇хи бан̃жавид̇хзна взд̣̇ид̇аб̣б̣о. аяам̣ самаад̇хи ‘‘бажжуббаннасуко’’д̇и ид̇исса бажжад̇д̇амзва н̃аан̣ад̣̇ассанам̣ бажжубадтид̇ам̣ бхавад̇и, аяам̣ самаад̇хи ‘‘ааяад̇им̣ сукавибааго’’д̇и ид̇исса бажжад̇д̇амзва н̃аан̣ад̣̇ассанам̣ бажжубадтид̇ам̣ бхавад̇и, аяам̣ самаад̇хи ‘‘арияо нираамисо’’д̇и ид̇исса бажжад̇д̇амзва н̃аан̣ад̣̇ассанам̣ бажжубадтид̇ам̣ бхавад̇и, аяам̣ самаад̇хи ‘‘агаабурисасзвид̇о’’д̇и ид̇исса бажжад̇д̇амзва н̃аан̣ад̣̇ассанам̣ бажжубадтид̇ам̣ бхавад̇и, аяам̣ самаад̇хи ‘‘санд̇о жзва бан̣ийд̇о жа бадиббассад̣̇д̇хилад̣̇д̇хо жа згод̣̇ибхааваад̇хиг̇ад̇о жа на сасан̇каараниг̇г̇аяхаваарид̇аг̇ад̇о 3 жаа’’д̇и ид̇исса бажжад̇д̇амзва н̃аан̣ад̣̇ассанам̣ бажжубадтид̇ам̣ бхавад̇и. д̇ам̣ ко банимам̣ самаад̇хим̣ ‘‘сад̇о самаабаж̇ж̇аами сад̇о вудтахаамий’’д̇и ид̇исса бажжад̇д̇амзва н̃аан̣ад̣̇ассанам̣ бажжубадтид̇ам̣ бхавад̇и. д̇ад̇т̇а яо жа самаад̇хи бажжуббаннасуко яо жа самаад̇хи ааяад̇им̣ сукавибааго аяам̣ самат̇о. яо жа самаад̇хи арияо нираамисо, яо жа самаад̇хи агаабурисасзвид̇о, яо жа самаад̇хи санд̇о жзва бан̣ийд̇о бадиббассад̣̇д̇хилад̣̇д̇хо жа згод̣̇ибхааваад̇хиг̇ад̇о жа на сасан̇каараниг̇г̇аяхаваарид̇аг̇ад̇о жа яан̃жаахам̣ д̇ам̣ ко банимам̣ самаад̇хим̣ сад̇о самаабаж̇ж̇аами сад̇о вудтахаамийд̇и, аяам̣ вибассанаа.
54. So samādhi pañcavidhena veditabbo. Ayaṃ samādhi ‘‘paccuppannasukho’’ti itissa paccattameva ñāṇadassanaṃ paccupaṭṭhitaṃ bhavati, ayaṃ samādhi ‘‘āyatiṃ sukhavipāko’’ti itissa paccattameva ñāṇadassanaṃ paccupaṭṭhitaṃ bhavati, ayaṃ samādhi ‘‘ariyo nirāmiso’’ti itissa paccattameva ñāṇadassanaṃ paccupaṭṭhitaṃ bhavati, ayaṃ samādhi ‘‘akāpurisasevito’’ti itissa paccattameva ñāṇadassanaṃ paccupaṭṭhitaṃ bhavati, ayaṃ samādhi ‘‘santo ceva paṇīto ca paṭippassaddhiladdho ca ekodibhāvādhigato ca na sasaṅkhāraniggayhavāritagato 4 cā’’ti itissa paccattameva ñāṇadassanaṃ paccupaṭṭhitaṃ bhavati. Taṃ kho panimaṃ samādhiṃ ‘‘sato samāpajjāmi sato vuṭṭhahāmī’’ti itissa paccattameva ñāṇadassanaṃ paccupaṭṭhitaṃ bhavati. Tattha yo ca samādhi paccuppannasukho yo ca samādhi āyatiṃ sukhavipāko ayaṃ samatho. Yo ca samādhi ariyo nirāmiso, yo ca samādhi akāpurisasevito, yo ca samādhi santo ceva paṇīto paṭippassaddhiladdho ca ekodibhāvādhigato ca na sasaṅkhāraniggayhavāritagato ca yañcāhaṃ taṃ kho panimaṃ samādhiṃ sato samāpajjāmi sato vuṭṭhahāmīti, ayaṃ vipassanā.
со самаад̇хи бан̃жавид̇хзна взд̣̇ид̇аб̣б̣о бийд̇ипаран̣ад̇аа сукапаран̣ад̇аа жзд̇опаран̣ад̇аа аалогапаран̣ад̇аа бажжавзгкан̣аанимид̇д̇ам̣. д̇ад̇т̇а яо жа бийд̇ипаран̣о яо жа сукапаран̣о яо жа жзд̇опаран̣о, аяам̣ самат̇о. яо жа аалогапаран̣о яан̃жа бажжавзгкан̣аанимид̇д̇ам̣. аяам̣ вибассанаа.
So samādhi pañcavidhena veditabbo pītipharaṇatā sukhapharaṇatā cetopharaṇatā ālokapharaṇatā paccavekkhaṇānimittaṃ. Tattha yo ca pītipharaṇo yo ca sukhapharaṇo yo ca cetopharaṇo, ayaṃ samatho. Yo ca ālokapharaṇo yañca paccavekkhaṇānimittaṃ. Ayaṃ vipassanā.
55. д̣̇аса гасин̣ааяад̇анаани бат̇авийгасин̣ам̣ аабогасин̣ам̣ д̇зж̇огасин̣ам̣ вааяогасин̣ам̣ нийлагасин̣ам̣ бийд̇агасин̣ам̣ лохид̇агасин̣ам̣ од̣̇аад̇агасин̣ам̣ аагаасагасин̣ам̣ вин̃н̃аан̣агасин̣ам̣. д̇ад̇т̇а яан̃жа бат̇авийгасин̣ам̣ яан̃жа аабогасин̣ам̣ звам̣ саб̣б̣ам̣, яан̃жа од̣̇аад̇агасин̣ам̣. имаани адта гасин̣аани самат̇о. яан̃жа аагаасагасин̣ам̣ яан̃жа вин̃н̃аан̣агасин̣ам̣, аяам̣ вибассанаа. звам̣ саб̣б̣о арияо маг̇г̇о язна язна аагаарзна вуд̇д̇о, д̇зна д̇зна самат̇авибассанзна яож̇аяид̇аб̣б̣о. д̇з д̇ийхи д̇хаммзхи сан̇г̇ахид̇аа анижжад̇ааяа д̣̇угкад̇ааяа анад̇д̇ад̇ааяа. со самат̇авибассанам̣ бхааваяамаано д̇ийн̣и вимогкамукаани бхааваяад̇и. д̇ийн̣и вимогкамукаани бхааваяанд̇о д̇аяо канд̇хз бхааваяад̇и. д̇аяо канд̇хз бхааваяанд̇о арияам̣ адтан̇г̇игам̣ маг̇г̇ам̣ бхааваяад̇и.
55. Dasa kasiṇāyatanāni pathavīkasiṇaṃ āpokasiṇaṃ tejokasiṇaṃ vāyokasiṇaṃ nīlakasiṇaṃ pītakasiṇaṃ lohitakasiṇaṃ odātakasiṇaṃ ākāsakasiṇaṃ viññāṇakasiṇaṃ. Tattha yañca pathavīkasiṇaṃ yañca āpokasiṇaṃ evaṃ sabbaṃ, yañca odātakasiṇaṃ. Imāni aṭṭha kasiṇāni samatho. Yañca ākāsakasiṇaṃ yañca viññāṇakasiṇaṃ, ayaṃ vipassanā. Evaṃ sabbo ariyo maggo yena yena ākārena vutto, tena tena samathavipassanena yojayitabbo. Te tīhi dhammehi saṅgahitā aniccatāya dukkhatāya anattatāya. So samathavipassanaṃ bhāvayamāno tīṇi vimokkhamukhāni bhāvayati. Tīṇi vimokkhamukhāni bhāvayanto tayo khandhe bhāvayati. Tayo khandhe bhāvayanto ariyaṃ aṭṭhaṅgikaṃ maggaṃ bhāvayati.
рааг̇ажарид̇о буг̇г̇ало анимид̇д̇зна вимогкамукзна нияяаад̇и 5 ад̇хижид̇д̇асигкааяа сигканд̇о лобхам̣ агусаламуулам̣ баж̇аханд̇о сукавзд̣̇анийяам̣ пассам̣ анубаг̇ажчанд̇о сукам̣ взд̣̇анам̣ бариж̇аананд̇о рааг̇амалам̣ баваахзнд̇о рааг̇араж̇ам̣ нид̣̇д̇хунанд̇о рааг̇ависам̣ вамзнд̇о рааг̇аг̇г̇им̣ ниб̣б̣аабзнд̇о рааг̇асаллам̣ уббаадзнд̇о рааг̇аж̇адам̣ виж̇адзнд̇о. д̣̇осажарид̇о буг̇г̇ало аббан̣ихид̇зна вимогкамукзна нияяаад̇и ад̇хисийласигкааяа сигканд̇о д̣̇осам̣ агусаламуулам̣ баж̇аханд̇о д̣̇угкавзд̣̇анийяам̣ пассам̣ анубаг̇ажчанд̇о д̣̇угкавзд̣̇анам̣ бариж̇аананд̇о д̣̇осамалам̣ баваахзнд̇о д̣̇осараж̇ам̣ нид̣̇д̇хунанд̇о д̣̇осависам̣ вамзнд̇о д̣̇осаг̇г̇им̣ ниб̣б̣аабзнд̇о д̣̇осасаллам̣ уббаадзнд̇о д̣̇осаж̇адам̣ виж̇адзнд̇о. мохажарид̇о буг̇г̇ало сун̃н̃ад̇авимогкамукзна нияяаад̇и ад̇хибан̃н̃аасигкааяа сигканд̇о мохам̣ агусаламуулам̣ баж̇аханд̇о ад̣̇угкамасукавзд̣̇анийяам̣ пассам̣ анубаг̇ажчанд̇о ад̣̇угкамасукам̣ взд̣̇анам̣ бариж̇аананд̇о мохамалам̣ баваахзнд̇о мохараж̇ам̣ нид̣̇д̇хунанд̇о мохависам̣ вамзнд̇о мохаг̇г̇им̣ ниб̣б̣аабзнд̇о мохасаллам̣ уббаадзнд̇о мохаж̇адам̣ виж̇адзнд̇о.
Rāgacarito puggalo animittena vimokkhamukhena niyyāti 6 adhicittasikkhāya sikkhanto lobhaṃ akusalamūlaṃ pajahanto sukhavedanīyaṃ phassaṃ anupagacchanto sukhaṃ vedanaṃ parijānanto rāgamalaṃ pavāhento rāgarajaṃ niddhunanto rāgavisaṃ vamento rāgaggiṃ nibbāpento rāgasallaṃ uppāṭento rāgajaṭaṃ vijaṭento. Dosacarito puggalo appaṇihitena vimokkhamukhena niyyāti adhisīlasikkhāya sikkhanto dosaṃ akusalamūlaṃ pajahanto dukkhavedanīyaṃ phassaṃ anupagacchanto dukkhavedanaṃ parijānanto dosamalaṃ pavāhento dosarajaṃ niddhunanto dosavisaṃ vamento dosaggiṃ nibbāpento dosasallaṃ uppāṭento dosajaṭaṃ vijaṭento. Mohacarito puggalo suññatavimokkhamukhena niyyāti adhipaññāsikkhāya sikkhanto mohaṃ akusalamūlaṃ pajahanto adukkhamasukhavedanīyaṃ phassaṃ anupagacchanto adukkhamasukhaṃ vedanaṃ parijānanto mohamalaṃ pavāhento moharajaṃ niddhunanto mohavisaṃ vamento mohaggiṃ nibbāpento mohasallaṃ uppāṭento mohajaṭaṃ vijaṭento.
д̇ад̇т̇а сун̃н̃ад̇авимогкамукам̣ бан̃н̃аагканд̇хо, анимид̇д̇авимогкамукам̣ самаад̇хигканд̇хо, аббан̣ихид̇авимогкамукам̣ сийлагканд̇хо. со д̇ийн̣и вимогкамукаани бхааваяанд̇о д̇аяо канд̇хз бхааваяад̇и, д̇аяо канд̇хз бхааваяанд̇о арияам̣ адтан̇г̇игам̣ маг̇г̇ам̣ бхааваяад̇и. д̇ад̇т̇а яаа жа саммааваажаа яо жа саммаагамманд̇о яо жа саммааааж̇ийво, аяам̣ сийлагканд̇хо, яо жа саммаавааяаамо яаа жа саммаасад̇и яо жа саммаасамаад̇хи, аяам̣ самаад̇хигканд̇хо, яаа жа саммаад̣̇идти яо жа саммаасан̇габбо, аяам̣ бан̃н̃аагканд̇хо.
Tattha suññatavimokkhamukhaṃ paññākkhandho, animittavimokkhamukhaṃ samādhikkhandho, appaṇihitavimokkhamukhaṃ sīlakkhandho. So tīṇi vimokkhamukhāni bhāvayanto tayo khandhe bhāvayati, tayo khandhe bhāvayanto ariyaṃ aṭṭhaṅgikaṃ maggaṃ bhāvayati. Tattha yā ca sammāvācā yo ca sammākammanto yo ca sammāājīvo, ayaṃ sīlakkhandho, yo ca sammāvāyāmo yā ca sammāsati yo ca sammāsamādhi, ayaṃ samādhikkhandho, yā ca sammādiṭṭhi yo ca sammāsaṅkappo, ayaṃ paññākkhandho.
д̇ад̇т̇а сийлагканд̇хо жа самаад̇хигканд̇хо жа самат̇о, бан̃н̃аагканд̇хо вибассанаа. яо самат̇авибассанам̣ бхаавзд̇и, д̇асса д̣̇вз бхаван̇г̇аани бхааванам̣ г̇ажчанд̇и гааяо жид̇д̇ан̃жа, бхаванирод̇хаг̇ааминий бадибад̣̇аа д̣̇вз бад̣̇аани сийлам̣ самаад̇хи жа. со ход̇и бхигку бхаавид̇агааяо бхаавид̇асийло бхаавид̇ажид̇д̇о бхаавид̇абан̃н̃о. гааяз бхаавияамаанз д̣̇вз д̇хаммаа бхааванам̣ г̇ажчанд̇и саммаагамманд̇о саммаавааяаамо жа, сийлз бхаавияамаанз д̣̇вз д̇хаммаа бхааванам̣ г̇ажчанд̇и саммааваажаа саммааааж̇ийво жа, жид̇д̇з бхаавияамаанз д̣̇вз д̇хаммаа бхааванам̣ г̇ажчанд̇и саммаасад̇и саммаасамаад̇хи жа, бан̃н̃ааяа бхаавияамаанааяа д̣̇вз д̇хаммаа бхааванам̣ г̇ажчанд̇и саммаад̣̇идти саммаасан̇габбо жа.
Tattha sīlakkhandho ca samādhikkhandho ca samatho, paññākkhandho vipassanā. Yo samathavipassanaṃ bhāveti, tassa dve bhavaṅgāni bhāvanaṃ gacchanti kāyo cittañca, bhavanirodhagāminī paṭipadā dve padāni sīlaṃ samādhi ca. So hoti bhikkhu bhāvitakāyo bhāvitasīlo bhāvitacitto bhāvitapañño. Kāye bhāviyamāne dve dhammā bhāvanaṃ gacchanti sammākammanto sammāvāyāmo ca, sīle bhāviyamāne dve dhammā bhāvanaṃ gacchanti sammāvācā sammāājīvo ca, citte bhāviyamāne dve dhammā bhāvanaṃ gacchanti sammāsati sammāsamādhi ca, paññāya bhāviyamānāya dve dhammā bhāvanaṃ gacchanti sammādiṭṭhi sammāsaṅkappo ca.
д̇ад̇т̇а яо жа саммаагамманд̇о яо жа саммаавааяаамо сияаа гааяиго сияаа жзд̇асиго, д̇ад̇т̇а яо гааяасан̇г̇ахо, со гааяз бхаавид̇з бхааванам̣ г̇ажчад̇и, яо жид̇д̇асан̇г̇ахо, со жид̇д̇з бхаавид̇з бхааванам̣ г̇ажчад̇и. со самат̇авибассанам̣ бхааваяанд̇о бан̃жавид̇хам̣ ад̇хиг̇амам̣ г̇ажчад̇и 7 киббаад̇хиг̇амо жа ход̇и, вимуд̇д̇аад̇хиг̇амо жа ход̇и, махаад̇хиг̇амо жа ход̇и, вибулаад̇хиг̇амо жа ход̇и, анавасзсаад̇хиг̇амо жа ход̇и. д̇ад̇т̇а самат̇зна киббаад̇хиг̇амо жа махаад̇хиг̇амо жа вибулаад̇хиг̇амо жа ход̇и, вибассанааяа вимуд̇д̇аад̇хиг̇амо жа анавасзсаад̇хиг̇амо жа ход̇и.
Tattha yo ca sammākammanto yo ca sammāvāyāmo siyā kāyiko siyā cetasiko, tattha yo kāyasaṅgaho, so kāye bhāvite bhāvanaṃ gacchati, yo cittasaṅgaho, so citte bhāvite bhāvanaṃ gacchati. So samathavipassanaṃ bhāvayanto pañcavidhaṃ adhigamaṃ gacchati 8 khippādhigamo ca hoti, vimuttādhigamo ca hoti, mahādhigamo ca hoti, vipulādhigamo ca hoti, anavasesādhigamo ca hoti. Tattha samathena khippādhigamo ca mahādhigamo ca vipulādhigamo ca hoti, vipassanāya vimuttādhigamo ca anavasesādhigamo ca hoti.
56. д̇ад̇т̇а яо д̣̇зсаяад̇и, со д̣̇асаб̣аласаманнааг̇ад̇о сад̇т̇аа оваад̣̇зна саавагз на висам̣ваад̣̇аяад̇и. со д̇ивид̇хам̣ ид̣̇ам̣ гарот̇а иминаа убааязна гарот̇а ид̣̇ам̣ во гурумаанаанам̣ хид̇ааяа сукааяа бхависсад̇и, со д̇ат̇аа овад̣̇ид̇о д̇ат̇аанусидто д̇ат̇аагаронд̇о д̇ат̇аабадибаж̇ж̇анд̇о д̇ам̣ бхуумим̣ на баабун̣иссад̇ийд̇и нзд̇ам̣ таанам̣ виж̇ж̇ад̇и. со д̇ат̇аа овад̣̇ид̇о д̇ат̇аанусидто сийлагканд̇хам̣ абарибуураяанд̇о д̇ам̣ бхуумим̣ анубаабун̣иссад̇ийд̇и нзд̇ам̣ таанам̣ виж̇ж̇ад̇и. со д̇ат̇аа овад̣̇ид̇о д̇ат̇аанусидто сийлагканд̇хам̣ барибуураяанд̇о д̇ам̣ бхуумим̣ анубаабун̣иссад̇ийд̇и таанамзд̇ам̣ виж̇ж̇ад̇и.
56. Tattha yo desayati, so dasabalasamannāgato satthā ovādena sāvake na visaṃvādayati. So tividhaṃ idaṃ karotha iminā upāyena karotha idaṃ vo kurumānānaṃ hitāya sukhāya bhavissati, so tathā ovadito tathānusiṭṭho tathākaronto tathāpaṭipajjanto taṃ bhūmiṃ na pāpuṇissatīti netaṃ ṭhānaṃ vijjati. So tathā ovadito tathānusiṭṭho sīlakkhandhaṃ aparipūrayanto taṃ bhūmiṃ anupāpuṇissatīti netaṃ ṭhānaṃ vijjati. So tathā ovadito tathānusiṭṭho sīlakkhandhaṃ paripūrayanto taṃ bhūmiṃ anupāpuṇissatīti ṭhānametaṃ vijjati.
саммаасамб̣уд̣̇д̇хасса д̇з сад̇о имз д̇хаммаа анабхисамб̣уд̣̇д̇хаад̇и нзд̇ам̣ таанам̣ виж̇ж̇ад̇и. саб̣б̣аасавабаригкийн̣асса д̇з сад̇о имз аасаваа абаригкийн̣аад̇и нзд̇ам̣ таанам̣ виж̇ж̇ад̇и. яасса д̇з ад̇т̇ааяа д̇хаммо д̣̇зсид̇о, со на нияяаад̇и д̇аггарасса саммаа д̣̇угкагкаяааяаад̇и нзд̇ам̣ таанам̣ виж̇ж̇ад̇и. сааваго ко бана д̇з д̇хаммаануд̇хаммаббадибанно саамийжиббадибанно ануд̇хаммажаарий со буб̣б̣зна абарам̣ ул̣аарам̣ висзсаад̇хиг̇амам̣ на сажчигариссад̇ийд̇и нзд̇ам̣ таанам̣ виж̇ж̇ад̇и.
Sammāsambuddhassa te sato ime dhammā anabhisambuddhāti netaṃ ṭhānaṃ vijjati. Sabbāsavaparikkhīṇassa te sato ime āsavā aparikkhīṇāti netaṃ ṭhānaṃ vijjati. Yassa te atthāya dhammo desito, so na niyyāti takkarassa sammā dukkhakkhayāyāti netaṃ ṭhānaṃ vijjati. Sāvako kho pana te dhammānudhammappaṭipanno sāmīcippaṭipanno anudhammacārī so pubbena aparaṃ uḷāraṃ visesādhigamaṃ na sacchikarissatīti netaṃ ṭhānaṃ vijjati.
яз ко бана д̇хаммаа анд̇арааяигаа, д̇з бадисзвад̇о наалам̣ анд̇арааяааяаад̇и нзд̇ам̣ таанам̣ виж̇ж̇ад̇и. яз ко бана д̇хаммаа анияяаанигаа, д̇з нияяанд̇и д̇аггарасса саммаа д̣̇угкагкаяааяаад̇и нзд̇ам̣ таанам̣ виж̇ж̇ад̇и. яз ко бана д̇хаммаа нияяаанигаа, д̇з нияяанд̇и д̇аггарасса саммаа д̣̇угкагкаяааяаад̇и таанамзд̇ам̣ виж̇ж̇ад̇и. сааваго ко бана д̇з саубаад̣̇исзсо анубаад̣̇исзсам̣ ниб̣б̣аанад̇хаад̇ум̣ анубаабун̣иссад̇ийд̇и нзд̇ам̣ таанам̣ виж̇ж̇ад̇и.
Ye kho pana dhammā antarāyikā, te paṭisevato nālaṃ antarāyāyāti netaṃ ṭhānaṃ vijjati. Ye kho pana dhammā aniyyānikā, te niyyanti takkarassa sammā dukkhakkhayāyāti netaṃ ṭhānaṃ vijjati. Ye kho pana dhammā niyyānikā, te niyyanti takkarassa sammā dukkhakkhayāyāti ṭhānametaṃ vijjati. Sāvako kho pana te saupādiseso anupādisesaṃ nibbānadhātuṃ anupāpuṇissatīti netaṃ ṭhānaṃ vijjati.
д̣̇идтисамбанно маад̇арам̣ ж̇ийвид̇аа воробзяяа хад̇т̇зхи ваа баад̣̇зхи ваа сухад̇ам̣ гарзяяаад̇и нзд̇ам̣ таанам̣ виж̇ж̇ад̇и, бут̇уж̇ж̇ано маад̇арам̣ ж̇ийвид̇аа воробзяяа хад̇т̇зхи ваа баад̣̇зхи ваа сухад̇ам̣ гарзяяаад̇и таанамзд̇ам̣ виж̇ж̇ад̇и. звам̣ бид̇арам̣, араханд̇ам̣, бхигкум̣. д̣̇идтисамбанно буг̇г̇ало сан̇гхам̣ бхинд̣̇зяяа сан̇гхз ваа сан̇гхарааж̇им̣ ж̇анзяяаад̇и нзд̇ам̣ таанам̣ виж̇ж̇ад̇и, бут̇уж̇ж̇ано сан̇гхам̣ бхинд̣̇зяяа сан̇гхз ваа сан̇гхарааж̇им̣ ж̇анзяяаад̇и таанамзд̇ам̣ виж̇ж̇ад̇и, д̣̇идтисамбанно д̇ат̇ааг̇ад̇асса д̣̇удтажид̇д̇о лохид̇ам̣ уббаад̣̇зяяа, бариниб̣б̣уд̇асса ваа д̇ат̇ааг̇ад̇асса д̣̇удтажид̇д̇о т̇уубам̣ бхинд̣̇зяяаад̇и нзд̇ам̣ таанам̣ виж̇ж̇ад̇и. бут̇уж̇ж̇ано д̇ат̇ааг̇ад̇асса д̣̇удтажид̇д̇о лохид̇ам̣ уббаад̣̇зяяа, бариниб̣б̣уд̇асса ваа д̇ат̇ааг̇ад̇асса д̣̇удтажид̇д̇о т̇уубам̣ бхинд̣̇зяяаад̇и таанамзд̇ам̣ виж̇ж̇ад̇и. д̣̇идтисамбанно ан̃н̃ам̣ сад̇т̇аарам̣ абад̣̇исзяяа аби ж̇ийвид̇ахзд̇ууд̇и нзд̇ам̣ таанам̣ виж̇ж̇ад̇и, бут̇уж̇ж̇ано ан̃н̃ам̣ сад̇т̇аарам̣ абад̣̇исзяяаад̇и таанамзд̇ам̣ виж̇ж̇ад̇и. д̣̇идтисамбанно ид̇о б̣ахид̣̇д̇хаа ан̃н̃ам̣ д̣̇агкин̣зяяам̣ бариязсзяяаад̇и нзд̇ам̣ таанам̣ виж̇ж̇ад̇и, бут̇уж̇ж̇ано ид̇о б̣ахид̣̇д̇хаа ан̃н̃ам̣ д̣̇агкин̣зяяам̣ бариязсзяяаад̇и таанамзд̇ам̣ виж̇ж̇ад̇и, д̣̇идтисамбанно гуд̇уухаламан̇г̇алзна суд̣̇д̇хим̣ бажжзяяаад̇и нзд̇ам̣ таанам̣ виж̇ж̇ад̇и. бут̇уж̇ж̇ано гуд̇уухаламан̇г̇алзна суд̣̇д̇хим̣ бажжзяяаад̇и таанамзд̇ам̣ виж̇ж̇ад̇и.
Diṭṭhisampanno mātaraṃ jīvitā voropeyya hatthehi vā pādehi vā suhataṃ kareyyāti netaṃ ṭhānaṃ vijjati, puthujjano mātaraṃ jīvitā voropeyya hatthehi vā pādehi vā suhataṃ kareyyāti ṭhānametaṃ vijjati. Evaṃ pitaraṃ, arahantaṃ, bhikkhuṃ. Diṭṭhisampanno puggalo saṅghaṃ bhindeyya saṅghe vā saṅgharājiṃ janeyyāti netaṃ ṭhānaṃ vijjati, puthujjano saṅghaṃ bhindeyya saṅghe vā saṅgharājiṃ janeyyāti ṭhānametaṃ vijjati, diṭṭhisampanno tathāgatassa duṭṭhacitto lohitaṃ uppādeyya, parinibbutassa vā tathāgatassa duṭṭhacitto thūpaṃ bhindeyyāti netaṃ ṭhānaṃ vijjati. Puthujjano tathāgatassa duṭṭhacitto lohitaṃ uppādeyya, parinibbutassa vā tathāgatassa duṭṭhacitto thūpaṃ bhindeyyāti ṭhānametaṃ vijjati. Diṭṭhisampanno aññaṃ satthāraṃ apadiseyya api jīvitahetūti netaṃ ṭhānaṃ vijjati, puthujjano aññaṃ satthāraṃ apadiseyyāti ṭhānametaṃ vijjati. Diṭṭhisampanno ito bahiddhā aññaṃ dakkhiṇeyyaṃ pariyeseyyāti netaṃ ṭhānaṃ vijjati, puthujjano ito bahiddhā aññaṃ dakkhiṇeyyaṃ pariyeseyyāti ṭhānametaṃ vijjati, diṭṭhisampanno kutūhalamaṅgalena suddhiṃ pacceyyāti netaṃ ṭhānaṃ vijjati. Puthujjano kutūhalamaṅgalena suddhiṃ pacceyyāti ṭhānametaṃ vijjati.
57. ид̇т̇ий рааж̇аа жаггавад̇д̇ий сияаад̇и нзд̇ам̣ таанам̣ виж̇ж̇ад̇и, бурисо рааж̇аа жаггавад̇д̇ий сияаад̇и таанамзд̇ам̣ виж̇ж̇ад̇и; ид̇т̇ий сагго д̣̇зваанаминд̣̇о сияаад̇и нзд̇ам̣ таанам̣ виж̇ж̇ад̇и, бурисо сагго д̣̇зваанаминд̣̇о сияаад̇и таанамзд̇ам̣ виж̇ж̇ад̇и; ид̇т̇ий мааро баабимаа сияаад̇и нзд̇ам̣ таанам̣ виж̇ж̇ад̇и, бурисо мааро баабимаа сияаад̇и таанамзд̇ам̣ виж̇ж̇ад̇и; ид̇т̇ий махааб̣рахмаа сияаад̇и нзд̇ам̣ таанам̣ виж̇ж̇ад̇и, бурисо махааб̣рахмаа сияаад̇и таанамзд̇ам̣ виж̇ж̇ад̇и; ид̇т̇ий д̇ат̇ааг̇ад̇о арахам̣ саммаасамб̣уд̣̇д̇хо сияаад̇и нзд̇ам̣ таанам̣ виж̇ж̇ад̇и, бурисо д̇ат̇ааг̇ад̇о арахам̣ саммаасамб̣уд̣̇д̇хо сияаад̇и таанамзд̇ам̣ виж̇ж̇ад̇и.
57. Itthī rājā cakkavattī siyāti netaṃ ṭhānaṃ vijjati, puriso rājā cakkavattī siyāti ṭhānametaṃ vijjati; itthī sakko devānamindo siyāti netaṃ ṭhānaṃ vijjati, puriso sakko devānamindo siyāti ṭhānametaṃ vijjati; itthī māro pāpimā siyāti netaṃ ṭhānaṃ vijjati, puriso māro pāpimā siyāti ṭhānametaṃ vijjati; itthī mahābrahmā siyāti netaṃ ṭhānaṃ vijjati, puriso mahābrahmā siyāti ṭhānametaṃ vijjati; itthī tathāgato arahaṃ sammāsambuddho siyāti netaṃ ṭhānaṃ vijjati, puriso tathāgato arahaṃ sammāsambuddho siyāti ṭhānametaṃ vijjati.
д̣̇вз д̇ат̇ааг̇ад̇аа араханд̇о саммаасамб̣уд̣̇д̇хаа абуб̣б̣ам̣ ажаримам̣ згиссаа логад̇хаад̇уяаа уббаж̇ж̇зяяум̣ ваа д̇хаммам̣ ваа д̣̇зсзяяунд̇и нзд̇ам̣ таанам̣ виж̇ж̇ад̇и, згова д̇ат̇ааг̇ад̇о арахам̣ саммаасамб̣уд̣̇д̇хо згиссаа логад̇хаад̇уяаа уббаж̇ж̇иссад̇и ваа д̇хаммам̣ ваа д̣̇зсзссад̇ийд̇и таанамзд̇ам̣ виж̇ж̇ад̇и.
Dve tathāgatā arahanto sammāsambuddhā apubbaṃ acarimaṃ ekissā lokadhātuyā uppajjeyyuṃ vā dhammaṃ vā deseyyunti netaṃ ṭhānaṃ vijjati, ekova tathāgato arahaṃ sammāsambuddho ekissā lokadhātuyā uppajjissati vā dhammaṃ vā desessatīti ṭhānametaṃ vijjati.
д̇ин̣н̣ам̣ д̣̇ужжарид̇аанам̣ идто ганд̇о бияо манаабо вибааго бхависсад̇ийд̇и нзд̇ам̣ таанам̣ виж̇ж̇ад̇и, д̇ин̣н̣ам̣ д̣̇ужжарид̇аанам̣ анидто аганд̇о аббияо аманаабо вибааго бхависсад̇ийд̇и таанамзд̇ам̣ виж̇ж̇ад̇и . д̇ин̣н̣ам̣ сужарид̇аанам̣ анидто аганд̇о аббияо аманаабо вибааго бхависсад̇ийд̇и нзд̇ам̣ таанам̣ виж̇ж̇ад̇и, д̇ин̣н̣ам̣ сужарид̇аанам̣ идто ганд̇о бияо манаабо вибааго бхависсад̇ийд̇и таанамзд̇ам̣ виж̇ж̇ад̇и.
Tiṇṇaṃ duccaritānaṃ iṭṭho kanto piyo manāpo vipāko bhavissatīti netaṃ ṭhānaṃ vijjati, tiṇṇaṃ duccaritānaṃ aniṭṭho akanto appiyo amanāpo vipāko bhavissatīti ṭhānametaṃ vijjati . Tiṇṇaṃ sucaritānaṃ aniṭṭho akanto appiyo amanāpo vipāko bhavissatīti netaṃ ṭhānaṃ vijjati, tiṇṇaṃ sucaritānaṃ iṭṭho kanto piyo manāpo vipāko bhavissatīti ṭhānametaṃ vijjati.
ан̃н̃ад̇аро саман̣о ваа б̣раахман̣о ваа гухаго лабаго нзмид̇д̇аго гуханалабананзмид̇д̇агад̇д̇ам̣ буб̣б̣ан̇г̇амам̣ гад̇ваа бан̃жа нийваран̣з аббахааяа жзд̇асо убаггилзсз бан̃н̃ааяа д̣̇уб̣б̣алийгаран̣з жад̇уусу сад̇ибадтаанзсу анубадтид̇ассад̇и 9 вихаранд̇о сад̇д̇а б̣ож̇жхан̇г̇з абхааваяид̇ваа ануд̇д̇арам̣ саммаасамб̣од̇хим̣ абхисамб̣уж̇жхиссад̇ийд̇и нзд̇ам̣ таанам̣ виж̇ж̇ад̇и, ан̃н̃ад̇аро саман̣о ваа б̣раахман̣о ваа саб̣б̣ад̣̇осаабаг̇ад̇о бан̃жа нийваран̣з бахааяа жзд̇асо убаггилзсз бан̃н̃ааяа д̣̇уб̣б̣алийгаран̣з жад̇уусу сад̇ибадтаанзсу убадтид̇ассад̇и вихаранд̇о сад̇д̇а б̣ож̇жхан̇г̇з бхааваяид̇ваа ануд̇д̇арам̣ саммаасамб̣од̇хим̣ абхисамб̣уж̇жхиссад̇ийд̇и таанамзд̇ам̣ виж̇ж̇ад̇и. яам̣ зд̇т̇а н̃аан̣ам̣ хзд̇усо таанасо анод̇хисо ид̣̇ам̣ вужжад̇и таанаадтаанан̃аан̣ам̣ батамам̣ д̇ат̇ааг̇ад̇аб̣алам̣.
Aññataro samaṇo vā brāhmaṇo vā kuhako lapako nemittako kuhanalapananemittakattaṃ pubbaṅgamaṃ katvā pañca nīvaraṇe appahāya cetaso upakkilese paññāya dubbalīkaraṇe catūsu satipaṭṭhānesu anupaṭṭhitassati 10 viharanto satta bojjhaṅge abhāvayitvā anuttaraṃ sammāsambodhiṃ abhisambujjhissatīti netaṃ ṭhānaṃ vijjati, aññataro samaṇo vā brāhmaṇo vā sabbadosāpagato pañca nīvaraṇe pahāya cetaso upakkilese paññāya dubbalīkaraṇe catūsu satipaṭṭhānesu upaṭṭhitassati viharanto satta bojjhaṅge bhāvayitvā anuttaraṃ sammāsambodhiṃ abhisambujjhissatīti ṭhānametaṃ vijjati. Yaṃ ettha ñāṇaṃ hetuso ṭhānaso anodhiso idaṃ vuccati ṭhānāṭṭhānañāṇaṃ paṭhamaṃ tathāgatabalaṃ.
ид̇и таанаадтаанаг̇ад̇аа саб̣б̣з каяад̇хаммаа ваяад̇хаммаа вирааг̇ад̇хаммаа нирод̇хад̇хаммаа гзжи саг̇г̇уубаг̇аа гзжи абааяуубаг̇аа гзжи ниб̣б̣аануубаг̇аа, звам̣ бхаг̇аваа ааха –
Iti ṭhānāṭṭhānagatā sabbe khayadhammā vayadhammā virāgadhammā nirodhadhammā keci saggūpagā keci apāyūpagā keci nibbānūpagā, evaṃ bhagavā āha –
58.
58.
саб̣б̣з сад̇д̇аа 11 мариссанд̇и, маран̣анд̇ам̣ хи ж̇ийвид̇ам̣.
Sabbe sattā 12 marissanti, maraṇantaṃ hi jīvitaṃ.
яат̇аагаммам̣ г̇амиссанд̇и, бун̃н̃абаабапалуубаг̇аа;
Yathākammaṃ gamissanti, puññapāpaphalūpagā;
нираяам̣ баабагамманд̇аа, бун̃н̃агаммаа жа суг̇г̇ад̇им̣;
Nirayaṃ pāpakammantā, puññakammā ca suggatiṃ;
абарз жа маг̇г̇ам̣ бхаавзд̇ваа, бариниб̣б̣анд̇инаасаваад̇и 13.
Apare ca maggaṃ bhāvetvā, parinibbantināsavāti 14.
саб̣б̣з сад̇д̇аад̇и арияаа жа анарияаа жа саггааяабарияаабаннаа жа саггааяавийд̇ивад̇д̇аа жа. мариссанд̇ийд̇и д̣̇вийхи маран̣зхи д̣̇анд̇хамаран̣зна жа ад̣̇анд̇хамаран̣зна жа, саггааяабарияаабаннаанам̣ ад̣̇анд̇хамаран̣ам̣ саггааяавийд̇ивад̇д̇аанам̣ д̣̇анд̇хамаран̣ам̣. маран̣анд̇ам̣ хи ж̇ийвид̇анд̇и каяаа ааяусса инд̣̇рияаанам̣ убарод̇хаа ж̇ийвид̇абарияанд̇о маран̣абарияанд̇о. яат̇аагаммам̣ г̇амиссанд̇ийд̇и гаммассагад̇аа. бун̃н̃абаабапалуубаг̇аад̇и гаммаанам̣ палад̣̇ассаавид̇аа жа авиббаваасо жа.
Sabbesattāti ariyā ca anariyā ca sakkāyapariyāpannā ca sakkāyavītivattā ca. Marissantīti dvīhi maraṇehi dandhamaraṇena ca adandhamaraṇena ca, sakkāyapariyāpannānaṃ adandhamaraṇaṃ sakkāyavītivattānaṃ dandhamaraṇaṃ. Maraṇantaṃ hi jīvitanti khayā āyussa indriyānaṃ uparodhā jīvitapariyanto maraṇapariyanto. Yathākammaṃ gamissantīti kammassakatā. Puññapāpaphalūpagāti kammānaṃ phaladassāvitā ca avippavāso ca.
нираяам̣ баабагамманд̇аад̇и абун̃н̃асан̇каараа. бун̃н̃агаммаа жа суг̇г̇ад̇инд̇и бун̃н̃асан̇каараа суг̇ад̇им̣ г̇амиссанд̇и. абарз жа маг̇г̇ам̣ бхаавзд̇ваа, бариниб̣б̣анд̇инаасаваад̇и саб̣б̣асан̇каараанам̣ самад̇иггаманам̣. д̇знааха бхаг̇аваа – ‘‘саб̣б̣з…бз… наасаваа’’д̇и.
Nirayaṃ pāpakammantāti apuññasaṅkhārā. Puññakammā ca suggatinti puññasaṅkhārā sugatiṃ gamissanti. Apare ca maggaṃ bhāvetvā, parinibbantināsavāti sabbasaṅkhārānaṃ samatikkamanaṃ. Tenāha bhagavā – ‘‘sabbe…pe… nāsavā’’ti.
‘‘саб̣б̣з сад̇д̇аа мариссанд̇и, маран̣анд̇ам̣ хи ж̇ийвид̇ам̣. яат̇аагаммам̣ г̇амиссанд̇и, бун̃н̃абаабапалуубаг̇аа. нираяам̣ баабагамманд̇аа’’д̇и ааг̇аал̣хаа жа ниж̇жхаамаа жа бадибад̣̇аа. ‘‘абарз жа маг̇г̇ам̣ бхаавзд̇ваа, бариниб̣б̣анд̇инаасаваа’’д̇и маж̇жхимаа бадибад̣̇аа. ‘‘саб̣б̣з сад̇д̇аа мариссанд̇и, маран̣анд̇ам̣ хи ж̇ийвид̇ам̣, яат̇аагаммам̣ г̇амиссанд̇и, бун̃н̃абаабапалуубаг̇аа, нираяам̣ баабагамманд̇аа’’д̇и аяам̣ сам̣гилзсо. звам̣ сам̣саарам̣ ниб̣б̣ад̇д̇аяад̇и. ‘‘саб̣б̣з сад̇д̇аа мариссанд̇и…бз… нираяам̣ баабагамманд̇аа’’д̇и имз д̇аяо ваддаа д̣̇угкаваддо гаммаваддо гилзсаваддо. ‘‘абарз жа маг̇г̇ам̣ бхаавзд̇ваа, бариниб̣б̣анд̇инаасаваа’’д̇и д̇ин̣н̣ам̣ ваддаанам̣ вивадданаа. ‘‘саб̣б̣з сад̇д̇аа мариссанд̇и…бз… нираяам̣ баабагамманд̇аа’’д̇и аад̣̇ийнаво, ‘‘бун̃н̃агаммаа жа суг̇г̇ад̇и’’нд̇и ассаад̣̇о, ‘‘абарз жа маг̇г̇ам̣ бхаавзд̇ваа, бариниб̣б̣анд̇инаасаваа’’д̇и ниссаран̣ам̣. ‘‘саб̣б̣з сад̇д̇аа мариссанд̇и…бз… нираяам̣ баабагамманд̇аа’’д̇и хзд̇у жа палан̃жа, бан̃жагканд̇хаа палам̣, д̇ан̣хаа хзд̇у, ‘‘абарз жа маг̇г̇ам̣ бхаавзд̇ваа, бариниб̣б̣анд̇инаасаваа’’д̇и маг̇г̇о жа палан̃жа. ‘‘саб̣б̣з сад̇д̇аа мариссанд̇и, маран̣анд̇ам̣ хи ж̇ийвид̇ам̣. яат̇аагаммам̣ г̇амиссанд̇и, бун̃н̃абаабапалуубаг̇аа, нираяам̣ баабагамманд̇аа’’д̇и аяам̣ сам̣гилзсо, со сам̣гилзсо д̇ивид̇хо д̇ан̣хаасам̣гилзсо д̣̇идтисам̣гилзсо д̣̇ужжарид̇асам̣гилзсод̇и.
‘‘Sabbe sattā marissanti, maraṇantaṃ hi jīvitaṃ. Yathākammaṃ gamissanti, puññapāpaphalūpagā. Nirayaṃ pāpakammantā’’ti āgāḷhā ca nijjhāmā ca paṭipadā. ‘‘Apare ca maggaṃ bhāvetvā, parinibbantināsavā’’ti majjhimā paṭipadā. ‘‘Sabbe sattā marissanti, maraṇantaṃ hi jīvitaṃ, yathākammaṃ gamissanti, puññapāpaphalūpagā, nirayaṃ pāpakammantā’’ti ayaṃ saṃkileso. Evaṃ saṃsāraṃ nibbattayati. ‘‘Sabbe sattā marissanti…pe… nirayaṃ pāpakammantā’’ti ime tayo vaṭṭā dukkhavaṭṭo kammavaṭṭo kilesavaṭṭo. ‘‘Apare ca maggaṃ bhāvetvā, parinibbantināsavā’’ti tiṇṇaṃ vaṭṭānaṃ vivaṭṭanā. ‘‘Sabbe sattā marissanti…pe… nirayaṃ pāpakammantā’’ti ādīnavo, ‘‘puññakammā ca suggati’’nti assādo, ‘‘apare ca maggaṃ bhāvetvā, parinibbantināsavā’’ti nissaraṇaṃ. ‘‘Sabbe sattā marissanti…pe… nirayaṃ pāpakammantā’’ti hetu ca phalañca, pañcakkhandhā phalaṃ, taṇhā hetu, ‘‘apare ca maggaṃ bhāvetvā, parinibbantināsavā’’ti maggo ca phalañca. ‘‘Sabbe sattā marissanti, maraṇantaṃ hi jīvitaṃ. Yathākammaṃ gamissanti, puññapāpaphalūpagā, nirayaṃ pāpakammantā’’ti ayaṃ saṃkileso, so saṃkileso tividho taṇhāsaṃkileso diṭṭhisaṃkileso duccaritasaṃkilesoti.
59. д̇ад̇т̇а д̇ан̣хаасам̣гилзсо д̇ийхи д̇ан̣хаахи нид̣̇д̣̇исид̇аб̣б̣о – гаамад̇ан̣хааяа бхавад̇ан̣хааяа вибхавад̇ан̣хааяа. язна язна ваа бана вад̇т̇унаа аж̇жхосид̇о, д̇зна д̇знзва нид̣̇д̣̇исид̇аб̣б̣о, д̇ассаа вид̇т̇ааро чад̇д̇им̣сааяа д̇ан̣хааяа ж̇аалинияаа вижарид̇аани. д̇ад̇т̇а д̣̇идтисам̣гилзсо ужчзд̣̇асассад̇зна нид̣̇д̣̇исид̇аб̣б̣о, язна язна ваа бана вад̇т̇унаа д̣̇идтивасзна абхинивисад̇и, ‘‘ид̣̇амзва сажжам̣ могхаман̃н̃а’’нд̇и д̇зна д̇знзва нид̣̇д̣̇исид̇аб̣б̣о, д̇ассаа вид̇т̇ааро д̣̇ваасадти д̣̇идтиг̇ад̇аани. д̇ад̇т̇а д̣̇ужжарид̇асам̣гилзсо жзд̇анаа жзд̇асигагаммзна нид̣̇д̣̇исид̇аб̣б̣о, д̇ийхи д̣̇ужжарид̇зхи гааяад̣̇ужжарид̇зна важийд̣̇ужжарид̇зна манод̣̇ужжарид̇зна, д̇ассаа вид̇т̇ааро д̣̇аса агусалагаммабат̇аа. абарз жа маг̇г̇ам̣ бхаавзд̇ваа, бариниб̣б̣анд̇инаасаваад̇и ид̣̇ам̣ вод̣̇аанам̣.
59. Tattha taṇhāsaṃkileso tīhi taṇhāhi niddisitabbo – kāmataṇhāya bhavataṇhāya vibhavataṇhāya. Yena yena vā pana vatthunā ajjhosito, tena teneva niddisitabbo, tassā vitthāro chattiṃsāya taṇhāya jāliniyā vicaritāni. Tattha diṭṭhisaṃkileso ucchedasassatena niddisitabbo, yena yena vā pana vatthunā diṭṭhivasena abhinivisati, ‘‘idameva saccaṃ moghamañña’’nti tena teneva niddisitabbo, tassā vitthāro dvāsaṭṭhi diṭṭhigatāni. Tattha duccaritasaṃkileso cetanā cetasikakammena niddisitabbo, tīhi duccaritehi kāyaduccaritena vacīduccaritena manoduccaritena, tassā vitthāro dasa akusalakammapathā. Apare ca maggaṃ bhāvetvā, parinibbantināsavāti idaṃ vodānaṃ.
д̇аяид̣̇ам̣ вод̣̇аанам̣ д̇ивид̇хам̣; д̇ан̣хаасам̣гилзсо самат̇зна висуж̇жхад̇и, со самат̇о самаад̇хигканд̇хо, д̣̇идтисам̣гилзсо вибассанааяа висуж̇жхад̇и, саа вибассанаа бан̃н̃аагканд̇хо, д̣̇ужжарид̇асам̣гилзсо сужарид̇зна висуж̇жхад̇и, д̇ам̣ сужарид̇ам̣ сийлагканд̇хо.
Tayidaṃ vodānaṃ tividhaṃ; taṇhāsaṃkileso samathena visujjhati, so samatho samādhikkhandho, diṭṭhisaṃkileso vipassanāya visujjhati, sā vipassanā paññākkhandho, duccaritasaṃkileso sucaritena visujjhati, taṃ sucaritaṃ sīlakkhandho.
‘‘саб̣б̣з сад̇д̇аа мариссанд̇и, маран̣анд̇ам̣ хи ж̇ийвид̇ам̣, яат̇аагаммам̣ г̇амиссанд̇и, бун̃н̃абаабапалуубаг̇аа, нираяам̣ баабагамманд̇аа’’д̇и абун̃н̃аббадибад̣̇аа, ‘‘бун̃н̃агаммаа жа суг̇г̇ад̇и’’нд̇и бун̃н̃аббадибад̣̇аа, ‘‘абарз жа маг̇г̇ам̣ бхаавзд̇ваа, бариниб̣б̣анд̇инаасаваа’’д̇и бун̃н̃абаабасамад̇иггамаббадибад̣̇аа, д̇ад̇т̇а яаа жа бун̃н̃аббадибад̣̇аа яаа жа абун̃н̃аббадибад̣̇аа, аяам̣ згаа бадибад̣̇аа саб̣б̣ад̇т̇аг̇ааминий згаа абааязсу, згаа д̣̇звзсу, яаа жа бун̃н̃абаабасамад̇иггамаа бадибад̣̇аа аяам̣ д̇ад̇т̇а д̇ад̇т̇а г̇ааминий бадибад̣̇аа.
‘‘Sabbe sattā marissanti, maraṇantaṃ hi jīvitaṃ, yathākammaṃ gamissanti, puññapāpaphalūpagā, nirayaṃ pāpakammantā’’ti apuññappaṭipadā, ‘‘puññakammā ca suggati’’nti puññappaṭipadā, ‘‘apare ca maggaṃ bhāvetvā, parinibbantināsavā’’ti puññapāpasamatikkamappaṭipadā, tattha yā ca puññappaṭipadā yā ca apuññappaṭipadā, ayaṃ ekā paṭipadā sabbatthagāminī ekā apāyesu, ekā devesu, yā ca puññapāpasamatikkamā paṭipadā ayaṃ tattha tattha gāminī paṭipadā.
д̇аяо раасий – мижчад̇д̇анияад̇о рааси, саммад̇д̇анияад̇о рааси, анияад̇о рааси, д̇ад̇т̇а яо жа мижчад̇д̇анияад̇о рааси яо жа саммад̇д̇анияад̇о рааси згаа бадибад̣̇аа д̇ад̇т̇а д̇ад̇т̇а г̇ааминий, д̇ад̇т̇а яо анияад̇о рааси, аяам̣ саб̣б̣ад̇т̇аг̇ааминий бадибад̣̇аа. гзна гааран̣зна? бажжаяам̣ лабханд̇о нираяз убабаж̇ж̇зяяа, бажжаяам̣ лабханд̇о д̇иражчаанаяонийсу убабаж̇ж̇зяяа, бажжаяам̣ лабханд̇о бзд̇д̇ивисаязсу убабаж̇ж̇зяяа, бажжаяам̣ лабханд̇о асурзсу убабаж̇ж̇зяяа, бажжаяам̣ лабханд̇о д̣̇звзсу убабаж̇ж̇зяяа, бажжаяам̣ лабханд̇о мануссзсу убабаж̇ж̇зяяа, бажжаяам̣ лабханд̇о бариниб̣б̣ааязяяа, д̇асмааяам̣ саб̣б̣ад̇т̇аг̇ааминий бадибад̣̇аа, яам̣ зд̇т̇а н̃аан̣ам̣ хзд̇усо таанасо анод̇хисо, ид̣̇ам̣ вужжад̇и саб̣б̣ад̇т̇аг̇ааминий бадибад̣̇аа н̃аан̣ам̣ д̣̇уд̇ияам̣ д̇ат̇ааг̇ад̇аб̣алам̣.
Tayo rāsī – micchattaniyato rāsi, sammattaniyato rāsi, aniyato rāsi, tattha yo ca micchattaniyato rāsi yo ca sammattaniyato rāsi ekā paṭipadā tattha tattha gāminī, tattha yo aniyato rāsi, ayaṃ sabbatthagāminī paṭipadā. Kena kāraṇena? Paccayaṃ labhanto niraye upapajjeyya, paccayaṃ labhanto tiracchānayonīsu upapajjeyya, paccayaṃ labhanto pettivisayesu upapajjeyya, paccayaṃ labhanto asuresu upapajjeyya, paccayaṃ labhanto devesu upapajjeyya, paccayaṃ labhanto manussesu upapajjeyya, paccayaṃ labhanto parinibbāyeyya, tasmāyaṃ sabbatthagāminī paṭipadā, yaṃ ettha ñāṇaṃ hetuso ṭhānaso anodhiso, idaṃ vuccati sabbatthagāminī paṭipadā ñāṇaṃ dutiyaṃ tathāgatabalaṃ.
ид̇и саб̣б̣ад̇т̇аг̇ааминий бадибад̣̇аа анзгад̇хаад̇улого, д̇ад̇т̇а д̇ад̇т̇а г̇ааминий бадибад̣̇аа наанаад̇хаад̇улого. д̇ад̇т̇а гад̇амо анзгад̇хаад̇улого? жагкуд̇хаад̇у руубад̇хаад̇у жагкувин̃н̃аан̣ад̇хаад̇у, сод̇ад̇хаад̇у сад̣̇д̣̇ад̇хаад̇у сод̇авин̃н̃аан̣ад̇хаад̇у, гхаанад̇хаад̇у г̇анд̇хад̇хаад̇у гхаанавин̃н̃аан̣ад̇хаад̇у, ж̇ивхаад̇хаад̇у расад̇хаад̇у ж̇ивхаавин̃н̃аан̣ад̇хаад̇у, гааяад̇хаад̇у подтаб̣б̣ад̇хаад̇у гааяавин̃н̃аан̣ад̇хаад̇у, манод̇хаад̇у д̇хаммад̇хаад̇у мановин̃н̃аан̣ад̇хаад̇у, бат̇авийд̇хаад̇у, аабод̇хаад̇у, д̇зж̇од̇хаад̇у, вааяод̇хаад̇у, аагаасад̇хаад̇у, вин̃н̃аан̣ад̇хаад̇у, гаамад̇хаад̇у, б̣яаабаад̣̇ад̇хаад̇у, вихим̣саад̇хаад̇у, нзгкаммад̇хаад̇у, аб̣яаабаад̣̇ад̇хаад̇у, авихим̣саад̇хаад̇у, д̣̇угкад̇хаад̇у, д̣̇оманассад̇хаад̇у , авиж̇ж̇аад̇хаад̇у, сукад̇хаад̇у, соманассад̇хаад̇у, убзгкаад̇хаад̇у, руубад̇хаад̇у, аруубад̇хаад̇у, нирод̇хад̇хаад̇у, сан̇каарад̇хаад̇у, ниб̣б̣аанад̇хаад̇у, аяам̣ анзгад̇хаад̇улого.
Iti sabbatthagāminī paṭipadā anekadhātuloko, tattha tattha gāminī paṭipadā nānādhātuloko. Tattha katamo anekadhātuloko? Cakkhudhātu rūpadhātu cakkhuviññāṇadhātu, sotadhātu saddadhātu sotaviññāṇadhātu, ghānadhātu gandhadhātu ghānaviññāṇadhātu, jivhādhātu rasadhātu jivhāviññāṇadhātu, kāyadhātu phoṭṭhabbadhātu kāyaviññāṇadhātu, manodhātu dhammadhātu manoviññāṇadhātu, pathavīdhātu, āpodhātu, tejodhātu, vāyodhātu, ākāsadhātu, viññāṇadhātu, kāmadhātu, byāpādadhātu, vihiṃsādhātu, nekkhammadhātu, abyāpādadhātu, avihiṃsādhātu, dukkhadhātu, domanassadhātu , avijjādhātu, sukhadhātu, somanassadhātu, upekkhādhātu, rūpadhātu, arūpadhātu, nirodhadhātu, saṅkhāradhātu, nibbānadhātu, ayaṃ anekadhātuloko.
д̇ад̇т̇а гад̇амо наанаад̇хаад̇улого? ан̃н̃аа жагкуд̇хаад̇у, ан̃н̃аа руубад̇хаад̇у, ан̃н̃аа жагкувин̃н̃аан̣ад̇хаад̇у. звам̣ саб̣б̣аа. ан̃н̃аа ниб̣б̣аанад̇хаад̇у. яам̣ зд̇т̇а н̃аан̣ам̣ хзд̇усо таанасо анод̇хисо, ид̣̇ам̣ вужжад̇и анзгад̇хаад̇у наанаад̇хаад̇у н̃аан̣ам̣ д̇ад̇ияам̣ д̇ат̇ааг̇ад̇аб̣алам̣.
Tattha katamo nānādhātuloko? Aññā cakkhudhātu, aññā rūpadhātu, aññā cakkhuviññāṇadhātu. Evaṃ sabbā. Aññā nibbānadhātu. Yaṃ ettha ñāṇaṃ hetuso ṭhānaso anodhiso, idaṃ vuccati anekadhātu nānādhātu ñāṇaṃ tatiyaṃ tathāgatabalaṃ.
60. ид̇и анзгад̇хаад̇у наанаад̇хаад̇угасса логасса яам̣ яад̣̇зва д̇хаад̇ум̣ сад̇д̇аа ад̇химужжанд̇и, д̇ам̣ д̇ад̣̇зва ад̇хидтаханд̇и абхинивисанд̇и, гзжи руубаад̇химуд̇д̇аа, гзжи сад̣̇д̣̇аад̇химуд̇д̇аа, гзжи г̇анд̇хаад̇химуд̇д̇аа, гзжи расаад̇химуд̇д̇аа, гзжи подтаб̣б̣аад̇химуд̇д̇аа, гзжи д̇хаммаад̇химуд̇д̇аа, гзжи ид̇т̇аад̇химуд̇д̇аа, гзжи бурисаад̇химуд̇д̇аа, гзжи жааг̇аад̇химуд̇д̇аа, гзжи хийнаад̇химуд̇д̇аа , гзжи бан̣ийд̇аад̇химуд̇д̇аа, гзжи д̣̇зваад̇химуд̇д̇аа, гзжи мануссаад̇химуд̇д̇аа, гзжи ниб̣б̣аанаад̇химуд̇д̇аа. яам̣ зд̇т̇а н̃аан̣ам̣ хзд̇усо таанасо анод̇хисо, аяам̣ взнзяяо, аяам̣ на взнзяяо, аяам̣ саг̇г̇аг̇аамий, аяам̣ д̣̇уг̇г̇ад̇иг̇аамийд̇и, ид̣̇ам̣ вужжад̇и сад̇д̇аанам̣ наанаад̇химуд̇д̇игад̇аа н̃аан̣ам̣ жад̇уд̇т̇ам̣ д̇ат̇ааг̇ад̇аб̣алам̣.
60. Iti anekadhātu nānādhātukassa lokassa yaṃ yadeva dhātuṃ sattā adhimuccanti, taṃ tadeva adhiṭṭhahanti abhinivisanti, keci rūpādhimuttā, keci saddādhimuttā, keci gandhādhimuttā, keci rasādhimuttā, keci phoṭṭhabbādhimuttā, keci dhammādhimuttā, keci itthādhimuttā, keci purisādhimuttā, keci cāgādhimuttā, keci hīnādhimuttā , keci paṇītādhimuttā, keci devādhimuttā, keci manussādhimuttā, keci nibbānādhimuttā. Yaṃ ettha ñāṇaṃ hetuso ṭhānaso anodhiso, ayaṃ veneyyo, ayaṃ na veneyyo, ayaṃ saggagāmī, ayaṃ duggatigāmīti, idaṃ vuccati sattānaṃ nānādhimuttikatā ñāṇaṃ catutthaṃ tathāgatabalaṃ.
ид̇и д̇з яат̇аад̇химуд̇д̇аа жа бхаванд̇и, д̇ам̣ д̇ам̣ гаммасамаад̣̇аанам̣ самаад̣̇ияанд̇и. д̇з чаб̣б̣ид̇хам̣ гаммам̣ самаад̣̇ияанд̇и – гзжи лобхавасзна, гзжи д̣̇осавасзна, гзжи мохавасзна, гзжи сад̣̇д̇хаавасзна, гзжи вийрияавасзна, гзжи бан̃н̃аавасзна. д̇ам̣ вибхаж̇ж̇амаанам̣ д̣̇увид̇хам̣ – сам̣саараг̇аами жа ниб̣б̣аанаг̇аами жа.
Iti te yathādhimuttā ca bhavanti, taṃ taṃ kammasamādānaṃ samādiyanti. Te chabbidhaṃ kammaṃ samādiyanti – keci lobhavasena, keci dosavasena, keci mohavasena, keci saddhāvasena, keci vīriyavasena, keci paññāvasena. Taṃ vibhajjamānaṃ duvidhaṃ – saṃsāragāmi ca nibbānagāmi ca.
д̇ад̇т̇а яам̣ лобхавасзна д̣̇осавасзна мохавасзна жа гаммам̣ гарод̇и, ид̣̇ам̣ гаммам̣ ган̣хам̣ ган̣хавибаагам̣. д̇ад̇т̇а яам̣ сад̣̇д̇хаавасзна гаммам̣ гарод̇и, ид̣̇ам̣ гаммам̣ суггам̣ суггавибаагам̣. д̇ад̇т̇а яам̣ лобхавасзна д̣̇осавасзна мохавасзна сад̣̇д̇хаавасзна жа гаммам̣ гарод̇и, ид̣̇ам̣ гаммам̣ ган̣хасуггам̣ ган̣хасуггавибаагам̣. д̇ад̇т̇а яам̣ вийрияавасзна бан̃н̃аавасзна жа гаммам̣ гарод̇и, ид̣̇ам̣ гаммам̣ аган̣хам̣ асуггам̣ аган̣хаасуггавибаагам̣ гаммуд̇д̇амам̣ гаммасздтам̣ гаммагкаяааяа сам̣вад̇д̇ад̇и.
Tattha yaṃ lobhavasena dosavasena mohavasena ca kammaṃ karoti, idaṃ kammaṃ kaṇhaṃ kaṇhavipākaṃ. Tattha yaṃ saddhāvasena kammaṃ karoti, idaṃ kammaṃ sukkaṃ sukkavipākaṃ. Tattha yaṃ lobhavasena dosavasena mohavasena saddhāvasena ca kammaṃ karoti, idaṃ kammaṃ kaṇhasukkaṃ kaṇhasukkavipākaṃ. Tattha yaṃ vīriyavasena paññāvasena ca kammaṃ karoti, idaṃ kammaṃ akaṇhaṃ asukkaṃ akaṇhaasukkavipākaṃ kammuttamaṃ kammaseṭṭhaṃ kammakkhayāya saṃvattati.
жад̇д̇аари гаммасамаад̣̇аанаани. ад̇т̇и гаммасамаад̣̇аанам̣ бажжуббаннасукам̣ ааяад̇им̣ д̣̇угкавибаагам̣, ад̇т̇и гаммасамаад̣̇аанам̣ бажжуббаннад̣̇угкам̣ ааяад̇им̣ сукавибаагам̣, ад̇т̇и гаммасамаад̣̇аанам̣ бажжуббаннад̣̇угкан̃жзва ааяад̇им̣ жа д̣̇угкавибаагам̣, ад̇т̇и гаммасамаад̣̇аанам̣ бажжуббаннасукан̃жзва ааяад̇им̣ жа сукавибаагам̣. яам̣ звам̣ ж̇аад̇ияам̣ гаммасамаад̣̇аанам̣, иминаа буг̇г̇алзна агусалагаммасамаад̣̇аанам̣ убажид̇ам̣ авибаггам̣ вибаагааяа бажжубадтид̇ам̣ на жа бхаб̣б̣о абхиниб̣б̣ид̇хаа г̇анд̇унд̇и д̇ам̣ бхаг̇аваа на овад̣̇ад̇и. яат̇аа д̣̇звад̣̇ад̇д̇ам̣ гогаалигам̣ сунагкад̇д̇ам̣ лижчавибуд̇д̇ам̣, яз ваа банан̃н̃зби сад̇д̇аа мижчад̇д̇анияад̇аа имзсан̃жа буг̇г̇алаанам̣ убажид̇ам̣ агусалам̣ на жа д̇аава баарибуурим̣ г̇ад̇ам̣, бураа баарибуурим̣ г̇ажчад̇и. бураа палам̣ ниб̣б̣ад̇д̇аяад̇и, бураа маг̇г̇амааваараяад̇и, бураа взнзяяад̇д̇ам̣ самад̇иггамад̇ийд̇и д̇з бхаг̇аваа асамад̇д̇з овад̣̇ад̇и. яат̇аа бун̣н̣ан̃жа г̇овад̇игам̣ ажзлан̃жа гуггуравад̇игам̣.
Cattāri kammasamādānāni. Atthi kammasamādānaṃ paccuppannasukhaṃ āyatiṃ dukkhavipākaṃ, atthi kammasamādānaṃ paccuppannadukkhaṃ āyatiṃ sukhavipākaṃ, atthi kammasamādānaṃ paccuppannadukkhañceva āyatiṃ ca dukkhavipākaṃ, atthi kammasamādānaṃ paccuppannasukhañceva āyatiṃ ca sukhavipākaṃ. Yaṃ evaṃ jātiyaṃ kammasamādānaṃ, iminā puggalena akusalakammasamādānaṃ upacitaṃ avipakkaṃ vipākāya paccupaṭṭhitaṃ na ca bhabbo abhinibbidhā gantunti taṃ bhagavā na ovadati. Yathā devadattaṃ kokālikaṃ sunakkhattaṃ licchaviputtaṃ, ye vā panaññepi sattā micchattaniyatā imesañca puggalānaṃ upacitaṃ akusalaṃ na ca tāva pāripūriṃ gataṃ, purā pāripūriṃ gacchati. Purā phalaṃ nibbattayati, purā maggamāvārayati, purā veneyyattaṃ samatikkamatīti te bhagavā asamatte ovadati. Yathā puṇṇañca govatikaṃ acelañca kukkuravatikaṃ.
61. имасса жа буг̇г̇аласса агусалагаммасамаад̣̇аанам̣ барибуурамаанам̣ маг̇г̇ам̣ ааваараяиссад̇и бураа баарибуурим̣ г̇ажчад̇и, бураа палам̣ ниб̣б̣ад̇д̇аяад̇и, бураа маг̇г̇амааваараяад̇и, бураа взнзяяад̇д̇ам̣ самад̇иггамад̇ийд̇и д̇ам̣ бхаг̇аваа асамад̇д̇ам̣ овад̣̇ад̇и. яат̇аа ааяасманд̇ам̣ ан̇г̇улимаалам̣.
61. Imassa ca puggalassa akusalakammasamādānaṃ paripūramānaṃ maggaṃ āvārayissati purā pāripūriṃ gacchati, purā phalaṃ nibbattayati, purā maggamāvārayati, purā veneyyattaṃ samatikkamatīti taṃ bhagavā asamattaṃ ovadati. Yathā āyasmantaṃ aṅgulimālaṃ.
саб̣б̣зсам̣ муд̣̇умаж̇жхаад̇химад̇д̇ад̇аа. д̇ад̇т̇а муд̣̇у аанзн̃ж̇аабхисан̇каараа маж̇жхам̣ авасзсагусаласан̇каараа, ад̇химад̇д̇ам̣ агусаласан̇каараа, яам̣ зд̇т̇а н̃аан̣ам̣ хзд̇усо таанасо анод̇хисо, ид̣̇ам̣ д̣̇идтад̇хаммавзд̣̇анийяам̣, ид̣̇ам̣ убабаж̇ж̇авзд̣̇анийяам̣, ид̣̇ам̣ абараабарияавзд̣̇анийяам̣, ид̣̇ам̣ нираяавзд̣̇анийяам̣, ид̣̇ам̣ д̇иражчаанавзд̣̇анийяам̣, ид̣̇ам̣ бзд̇д̇ивисаяавзд̣̇анийяам̣, ид̣̇ам̣ асуравзд̣̇анийяам̣, ид̣̇ам̣ д̣̇звавзд̣̇анийяам̣, ид̣̇ам̣ мануссавзд̣̇анийяанд̇и, ид̣̇ам̣ вужжад̇и ад̇ийд̇аанааг̇ад̇абажжуббаннаанам̣ гаммасамаад̣̇аанаанам̣ хзд̇усо таанасо анод̇хисо вибаагавзмад̇д̇ад̇аа н̃аан̣ам̣ бан̃жамам̣ д̇ат̇ааг̇ад̇аб̣алам̣.
Sabbesaṃ mudumajjhādhimattatā. Tattha mudu āneñjābhisaṅkhārā majjhaṃ avasesakusalasaṅkhārā, adhimattaṃ akusalasaṅkhārā, yaṃ ettha ñāṇaṃ hetuso ṭhānaso anodhiso, idaṃ diṭṭhadhammavedanīyaṃ, idaṃ upapajjavedanīyaṃ, idaṃ aparāpariyavedanīyaṃ, idaṃ nirayavedanīyaṃ, idaṃ tiracchānavedanīyaṃ, idaṃ pettivisayavedanīyaṃ, idaṃ asuravedanīyaṃ, idaṃ devavedanīyaṃ, idaṃ manussavedanīyanti, idaṃ vuccati atītānāgatapaccuppannānaṃ kammasamādānānaṃ hetuso ṭhānaso anodhiso vipākavemattatā ñāṇaṃ pañcamaṃ tathāgatabalaṃ.
62. ид̇и д̇ат̇аа самаад̣̇иннаанам̣ гаммаанам̣ самаад̣̇иннаанам̣ жхаанаанам̣ вимогкаанам̣ самаад̇хийнам̣ самаабад̇д̇ийнам̣ аяам̣ сам̣гилзсо, ид̣̇ам̣ вод̣̇аанам̣, ид̣̇ам̣ вудтаанам̣, звам̣ сам̣гилиссад̇и, звам̣ вод̣̇ааяад̇и, звам̣ вудтахад̇ийд̇и н̃аан̣ам̣ анааваран̣ам̣.
62. Iti tathā samādinnānaṃ kammānaṃ samādinnānaṃ jhānānaṃ vimokkhānaṃ samādhīnaṃ samāpattīnaṃ ayaṃ saṃkileso, idaṃ vodānaṃ, idaṃ vuṭṭhānaṃ, evaṃ saṃkilissati, evaṃ vodāyati, evaṃ vuṭṭhahatīti ñāṇaṃ anāvaraṇaṃ.
д̇ад̇т̇а гад̇и жхаанаани? жад̇д̇аари жхаанаани. гад̇и вимогкаа? згаад̣̇аса жа адта жа сад̇д̇а жа д̇аяо жа д̣̇вз жа. гад̇и самаад̇хий? д̇аяо самаад̇хий – савид̇агго савижааро самаад̇хи, авид̇агго вижаарамад̇д̇о самаад̇хи, авид̇агго авижааро самаад̇хи. гад̇и самаабад̇д̇ияо? бан̃жа самаабад̇д̇ияо – сан̃н̃аасамаабад̇д̇и асан̃н̃аасамаабад̇д̇и нзвасан̃н̃аанаасан̃н̃аасамаабад̇д̇и вибхууд̇асан̃н̃аасамаабад̇д̇и 15 нирод̇хасамаабад̇д̇и.
Tattha kati jhānāni? Cattāri jhānāni. Kati vimokkhā? Ekādasa ca aṭṭha ca satta ca tayo ca dve ca. Kati samādhī? Tayo samādhī – savitakko savicāro samādhi, avitakko vicāramatto samādhi, avitakko avicāro samādhi. Kati samāpattiyo? Pañca samāpattiyo – saññāsamāpatti asaññāsamāpatti nevasaññānāsaññāsamāpatti vibhūtasaññāsamāpatti 16 nirodhasamāpatti.
д̇ад̇т̇а гад̇амо сам̣гилзсо? батамаж̇жхаанасса гаамарааг̇аб̣яаабаад̣̇аа сам̣гилзсо. яз жа гуггудажхааяий д̣̇вз батамагаа яо ваа бана гожи хаанабхааг̇ияо самаад̇хи, аяам̣ сам̣гилзсо. д̇ад̇т̇а гад̇амам̣ вод̣̇аанам̣, нийваран̣абаарисуд̣̇д̇хи, батамасса жхаанасса яз жа гуггудажхааяий д̣̇вз бажчимагаа яо ваа бана гожи висзсабхааг̇ияо самаад̇хи, ид̣̇ам̣ вод̣̇аанам̣. д̇ад̇т̇а гад̇амам̣ вудтаанам̣? яам̣ самаабад̇д̇ивудтаанагосаллам̣, ид̣̇ам̣ вудтаанам̣. яам̣ зд̇т̇а н̃аан̣ам̣ хзд̇усо таанасо анод̇хисо, ид̣̇ам̣ вужжад̇и саб̣б̣зсам̣ жхаанавимогкасамаад̇хисамаабад̇д̇ийнам̣ сам̣гилзсавод̣̇аанавудтаанан̃аан̣ам̣ чадтам̣ д̇ат̇ааг̇ад̇аб̣алам̣.
Tattha katamo saṃkileso? Paṭhamajjhānassa kāmarāgabyāpādā saṃkileso. Ye ca kukkuṭajhāyī dve paṭhamakā yo vā pana koci hānabhāgiyo samādhi, ayaṃ saṃkileso. Tattha katamaṃ vodānaṃ, nīvaraṇapārisuddhi, paṭhamassa jhānassa ye ca kukkuṭajhāyī dve pacchimakā yo vā pana koci visesabhāgiyo samādhi, idaṃ vodānaṃ. Tattha katamaṃ vuṭṭhānaṃ? Yaṃ samāpattivuṭṭhānakosallaṃ, idaṃ vuṭṭhānaṃ. Yaṃ ettha ñāṇaṃ hetuso ṭhānaso anodhiso, idaṃ vuccati sabbesaṃ jhānavimokkhasamādhisamāpattīnaṃ saṃkilesavodānavuṭṭhānañāṇaṃ chaṭṭhaṃ tathāgatabalaṃ.
63. ид̇и д̇ассзва самаад̇хисса д̇аяо д̇хаммаа бариваараа инд̣̇рияаани б̣алаани вийрияамид̇и, д̇ааниязва инд̣̇рияаани вийрияавасзна б̣алаани бхаванд̇и, аад̇хибад̇зяяадтзна инд̣̇рияаани, агамбияадтзна б̣алаани, ид̇и д̇зсам̣ муд̣̇умаж̇жхаад̇химад̇д̇ад̇аа аяам̣ муд̣̇инд̣̇рияо аяам̣ маж̇жхинд̣̇рияо аяам̣ д̇игкинд̣̇рияод̇и. д̇ад̇т̇а бхаг̇аваа д̇игкинд̣̇рияам̣ сам̣кид̇д̇зна оваад̣̇зна овад̣̇ад̇и, маж̇жхинд̣̇рияам̣ бхаг̇аваа сам̣кид̇д̇авид̇т̇аарзна овад̣̇ад̇и, муд̣̇инд̣̇рияам̣ бхаг̇аваа вид̇т̇аарзна овад̣̇ад̇и. д̇ад̇т̇а бхаг̇аваа д̇игкинд̣̇рияасса муд̣̇угам̣ д̇хаммад̣̇зсанам̣ убад̣̇исад̇и, маж̇жхинд̣̇рияасса бхаг̇аваа муд̣̇уд̇игкад̇хаммад̣̇зсанам̣ убад̣̇исад̇и, муд̣̇инд̣̇рияасса бхаг̇аваа д̇игкам̣ д̇хаммад̣̇зсанам̣ убад̣̇исад̇и. д̇ад̇т̇а бхаг̇аваа д̇игкинд̣̇рияасса самат̇ам̣ убад̣̇исад̇и, маж̇жхинд̣̇рияасса бхаг̇аваа самат̇авибассанам̣ убад̣̇исад̇и, муд̣̇инд̣̇рияасса бхаг̇аваа вибассанам̣ убад̣̇исад̇и. д̇ад̇т̇а бхаг̇аваа д̇игкинд̣̇рияасса ниссаран̣ам̣ убад̣̇исад̇и, маж̇жхинд̣̇рияасса бхаг̇аваа аад̣̇ийнаван̃жа ниссаран̣ан̃жа убад̣̇исад̇и, муд̣̇инд̣̇рияасса бхаг̇аваа ассаад̣̇ан̃жа аад̣̇ийнаван̃жа ниссаран̣ан̃жа убад̣̇исад̇и. д̇ад̇т̇а бхаг̇аваа д̇игкинд̣̇рияасса ад̇хибан̃н̃аасигкааяа бан̃н̃аабаяад̇и, маж̇жхинд̣̇рияасса бхаг̇аваа ад̇хижид̇д̇асигкааяа бан̃н̃аабаяад̇и, муд̣̇инд̣̇рияасса бхаг̇аваа ад̇хисийласигкааяа бан̃н̃аабаяад̇и.
63. Iti tasseva samādhissa tayo dhammā parivārā indriyāni balāni vīriyamiti, tāniyeva indriyāni vīriyavasena balāni bhavanti, ādhipateyyaṭṭhena indriyāni, akampiyaṭṭhena balāni, iti tesaṃ mudumajjhādhimattatā ayaṃ mudindriyo ayaṃ majjhindriyo ayaṃ tikkhindriyoti. Tattha bhagavā tikkhindriyaṃ saṃkhittena ovādena ovadati, majjhindriyaṃ bhagavā saṃkhittavitthārena ovadati, mudindriyaṃ bhagavā vitthārena ovadati. Tattha bhagavā tikkhindriyassa mudukaṃ dhammadesanaṃ upadisati, majjhindriyassa bhagavā mudutikkhadhammadesanaṃ upadisati, mudindriyassa bhagavā tikkhaṃ dhammadesanaṃ upadisati. Tattha bhagavā tikkhindriyassa samathaṃ upadisati, majjhindriyassa bhagavā samathavipassanaṃ upadisati, mudindriyassa bhagavā vipassanaṃ upadisati. Tattha bhagavā tikkhindriyassa nissaraṇaṃ upadisati, majjhindriyassa bhagavā ādīnavañca nissaraṇañca upadisati, mudindriyassa bhagavā assādañca ādīnavañca nissaraṇañca upadisati. Tattha bhagavā tikkhindriyassa adhipaññāsikkhāya paññāpayati, majjhindriyassa bhagavā adhicittasikkhāya paññāpayati, mudindriyassa bhagavā adhisīlasikkhāya paññāpayati.
яам̣ зд̇т̇а н̃аан̣ам̣ хзд̇усо таанасо анод̇хисо аяам̣ имам̣ бхуумим̣ бхааванан̃жа г̇ад̇о, имааяа взлааяа имааяа анусаасанияаа звам̣ д̇хаад̇уго жааяам̣ аяам̣ жасса аасаяо аяан̃жа анусаяо ид̇и, ид̣̇ам̣ вужжад̇и барасад̇д̇аанам̣ барабуг̇г̇алаанам̣ инд̣̇рияабаробарияад̇д̇авзмад̇д̇ад̇аа н̃аан̣ам̣ сад̇д̇амам̣ д̇ат̇ааг̇ад̇аб̣алам̣.
Yaṃ ettha ñāṇaṃ hetuso ṭhānaso anodhiso ayaṃ imaṃ bhūmiṃ bhāvanañca gato, imāya velāya imāya anusāsaniyā evaṃ dhātuko cāyaṃ ayaṃ cassa āsayo ayañca anusayo iti, idaṃ vuccati parasattānaṃ parapuggalānaṃ indriyaparopariyattavemattatā ñāṇaṃ sattamaṃ tathāgatabalaṃ.
ид̇и д̇ад̇т̇а яам̣ анзгавихид̇ам̣ буб̣б̣зниваасам̣ ануссарад̇и. сзяяат̇ид̣̇ам̣, згамби ж̇аад̇им̣ д̣̇взби ж̇аад̇ияо д̇иссоби ж̇аад̇ияо жад̇ассоби ж̇аад̇ияо бан̃жаби ж̇аад̇ияо д̣̇асаби ж̇аад̇ияо вийсамби ж̇аад̇ияо д̇им̣самби ж̇аад̇ияо жад̇д̇аарийсамби ж̇аад̇ияо бан̃н̃аасамби ж̇аад̇ияо ж̇аад̇исад̇амби ж̇аад̇исахассамби ж̇аад̇исад̇асахассамби анзгааниби ж̇аад̇исад̇аани анзгааниби ж̇аад̇исахассаани анзгааниби ж̇аад̇исад̇асахассаани анзгзби сам̣ваддагаббз анзгзби виваддагаббз анзгзби сам̣ваддавиваддагаббз. амуд̇раасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о амуд̇ра уд̣̇абаад̣̇им̣. д̇ад̇раабаасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о ид̇хуубабаннод̇и, ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарад̇и.
Iti tattha yaṃ anekavihitaṃ pubbenivāsaṃ anussarati. Seyyathidaṃ, ekampi jātiṃ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṃsampi jātiyo cattārīsampi jātiyo paññāsampi jātiyo jātisatampi jātisahassampi jātisatasahassampi anekānipi jātisatāni anekānipi jātisahassāni anekānipi jātisatasahassāni anekepi saṃvaṭṭakappe anekepi vivaṭṭakappe anekepi saṃvaṭṭavivaṭṭakappe. Amutrāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto, so tato cuto amutra udapādiṃ. Tatrāpāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto, so tato cuto idhūpapannoti, iti sākāraṃ sauddesaṃ anekavihitaṃ pubbenivāsaṃ anussarati.
64. д̇ад̇т̇а саг̇г̇уубаг̇зсу жа сад̇д̇зсу мануссуубаг̇зсу жа сад̇д̇зсу абааяуубаг̇зсу жа сад̇д̇зсу имасса буг̇г̇аласса лобхаад̣̇аяо уссаннаа алобхаад̣̇аяо манд̣̇аа, имасса буг̇г̇аласса алобхаад̣̇аяо уссаннаа лобхаад̣̇аяо манд̣̇аа, яз ваа бана уссаннаа яз ваа бана манд̣̇аа имасса буг̇г̇аласса имаани инд̣̇рияаани убажид̇аани имасса буг̇г̇аласса имаани инд̣̇рияаани анубажид̇аани амугааяа ваа габбагодияам̣ габбасад̇асахассз ваа габбасахассз ваа габбасад̇з ваа габбз ваа анд̇арагаббз ваа убад̣дхагаббз ваа сам̣важчарз ваа убад̣дхасам̣важчарз ваа маасз ваа багкз ваа д̣̇ивасз ваа мухуд̇д̇з ваа иминаа бамаад̣̇зна ваа басаад̣̇зна ваад̇и. д̇ам̣ д̇ам̣ бхавам̣ бхаг̇аваа ануссаранд̇о асзсам̣ ж̇аанаад̇и, д̇ад̇т̇а яам̣ д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аанаад̇и имз вад̇а бхонд̇о сад̇д̇аа гааяад̣̇ужжарид̇зна саманнааг̇ад̇аа важийд̣̇ужжарид̇зна саманнааг̇ад̇аа манод̣̇ужжарид̇зна саманнааг̇ад̇аа арияаанам̣ убаваад̣̇агаа мижчаад̣̇идтигаа мижчаад̣̇идтигаммасамаад̣̇аанаа, д̇з гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаннаа.
64. Tattha saggūpagesu ca sattesu manussūpagesu ca sattesu apāyūpagesu ca sattesu imassa puggalassa lobhādayo ussannā alobhādayo mandā, imassa puggalassa alobhādayo ussannā lobhādayo mandā, ye vā pana ussannā ye vā pana mandā imassa puggalassa imāni indriyāni upacitāni imassa puggalassa imāni indriyāni anupacitāni amukāya vā kappakoṭiyaṃ kappasatasahasse vā kappasahasse vā kappasate vā kappe vā antarakappe vā upaḍḍhakappe vā saṃvacchare vā upaḍḍhasaṃvacchare vā māse vā pakkhe vā divase vā muhutte vā iminā pamādena vā pasādena vāti. Taṃ taṃ bhavaṃ bhagavā anussaranto asesaṃ jānāti, tattha yaṃ dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajānāti ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṃ upavādakā micchādiṭṭhikā micchādiṭṭhikammasamādānā, te kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapannā.
имз ваа бана бхонд̇о сад̇д̇аа гааяасужарид̇зна саманнааг̇ад̇аа важийсужарид̇зна саманнааг̇ад̇аа маносужарид̇зна саманнааг̇ад̇аа арияаанам̣ анубаваад̣̇агаа саммаад̣̇идтигаа саммаад̣̇идтигаммасамаад̣̇аанаа, д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаннаа, д̇ад̇т̇а саг̇г̇уубаг̇зсу жа сад̇д̇зсу мануссуубаг̇зсу жа сад̇д̇зсу абааяуубаг̇зсу жа сад̇д̇зсу иминаа буг̇г̇алзна зваруубам̣ гаммам̣ амугааяа габбагодияам̣ убажид̇ам̣ габбасад̇асахассз ваа габбасахассз ваа габбасад̇з ваа габбз ваа анд̇арагаббз ваа убад̣дхагаббз ваа сам̣важчарз ваа убад̣дхасам̣важчарз ваа маасз ваа багкз ваа д̣̇ивасз ваа мухуд̇д̇з ваа иминаа бамаад̣̇зна ваа басаад̣̇зна ваад̇и. имаани бхаг̇авад̇о д̣̇вз н̃аан̣аани – буб̣б̣зниваасаануссад̇ин̃аан̣ан̃жа д̣̇иб̣б̣ажагку жа адтамам̣ навамам̣ д̇ат̇ааг̇ад̇аб̣алам̣.
Ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaṃ anupavādakā sammādiṭṭhikā sammādiṭṭhikammasamādānā, te kāyassa bhedā paraṃ maraṇā sugatiṃ saggaṃ lokaṃ upapannā, tattha saggūpagesu ca sattesu manussūpagesu ca sattesu apāyūpagesu ca sattesu iminā puggalena evarūpaṃ kammaṃ amukāya kappakoṭiyaṃ upacitaṃ kappasatasahasse vā kappasahasse vā kappasate vā kappe vā antarakappe vā upaḍḍhakappe vā saṃvacchare vā upaḍḍhasaṃvacchare vā māse vā pakkhe vā divase vā muhutte vā iminā pamādena vā pasādena vāti. Imāni bhagavato dve ñāṇāni – pubbenivāsānussatiñāṇañca dibbacakkhu ca aṭṭhamaṃ navamaṃ tathāgatabalaṃ.
ид̇и д̇ад̇т̇а яам̣ саб̣б̣ан̃н̃уд̇аа бад̇д̇аа вид̣̇ид̇аа саб̣б̣ад̇хаммаа вираж̇ам̣ вийд̇амалам̣ уббаннам̣ саб̣б̣ан̃н̃уд̇ан̃аан̣ам̣ нихад̇о мааро б̣од̇химуулз, ид̣̇ам̣ бхаг̇авад̇о д̣̇асамам̣ б̣алам̣ саб̣б̣аасавабаригкаяам̣ н̃аан̣ам̣. д̣̇асаб̣аласаманнааг̇ад̇аа хи б̣уд̣̇д̇хаа бхаг̇аванд̇од̇и.
Iti tattha yaṃ sabbaññutā pattā viditā sabbadhammā virajaṃ vītamalaṃ uppannaṃ sabbaññutañāṇaṃ nihato māro bodhimūle, idaṃ bhagavato dasamaṃ balaṃ sabbāsavaparikkhayaṃ ñāṇaṃ. Dasabalasamannāgatā hi buddhā bhagavantoti.
нияуд̇д̇о вижаяо хаарасамбаад̇о.
Niyutto vicayo hārasampāto.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 2. вижаяахаарасамбаад̇аван̣н̣анаа • 2. Vicayahārasampātavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 2. вижаяахаарасамбаад̇аван̣н̣анаа • 2. Vicayahārasampātavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 2. вижаяахаарасамбаад̇авибхааванаа • 2. Vicayahārasampātavibhāvanā
