| Library / Tipiṭaka / д̇ибидага • Tipiṭaka / нзд̇д̇иббагаран̣а-дийгаа • Nettippakaraṇa-ṭīkā |
2. вижаяахааравибхан̇г̇аван̣н̣анаа
2. Vicayahāravibhaṅgavaṇṇanā
11. ж̇аад̇илин̇г̇агааласаад̇ханавибхад̇д̇исан̇кяаависзсаад̣̇ид̇о сад̣̇д̣̇ад̇о бад̣̇авижаяо гаад̇аб̣б̣о. д̇ад̇т̇а гарияамаано жа яат̇аасабхааванируд̇д̇ияаа зва гад̇о сугад̇о ход̇ийд̇и д̣̇ассзнд̇о ‘‘ид̣̇ам̣ наамабад̣̇ам̣ …бз… аяам̣ сад̣̇д̣̇ад̇о бад̣̇авижаяо’’д̇и вад̇ваа ‘‘со банааяа’’нд̇иаад̣̇имааха. вад̇д̇аб̣б̣аад̇т̇асам̣ван̣н̣анаад̇и д̇ам̣д̇ам̣бад̣̇аважанийяасса ад̇т̇асса бхзд̣̇ам̣ вад̇ваа барияааязхи виварид̇ваа гат̇анам̣.
11. Jātiliṅgakālasādhanavibhattisaṅkhyāvisesādito saddato padavicayo kātabbo. Tattha kariyamāno ca yathāsabhāvaniruttiyā eva kato sukato hotīti dassento ‘‘idaṃ nāmapadaṃ…pe… ayaṃ saddato padavicayo’’ti vatvā ‘‘so panāya’’ntiādimāha. Vattabbaatthasaṃvaṇṇanāti taṃtaṃpadavacanīyassa atthassa bhedaṃ vatvā pariyāyehi vivaritvā kathanaṃ.
вижияамаанасса суд̇д̇абад̣̇ассаад̇и бужчаавасзна бавад̇д̇асуд̇д̇абад̣̇асса. ‘‘суд̇д̇анд̇арабад̣̇ааниби бужчаавасзнзва бавад̇д̇ааний’’д̇и вад̣̇анд̇и ‘‘на саб̣б̣амби суд̇д̇абад̣̇а’’нд̇и. згассзва бад̣̇асса самбхаванд̇аанам̣ анзгзсам̣ ад̇т̇аанам̣ уд̣̇д̇хааро ад̇т̇уд̣̇д̇хааро. згассзва бана ад̇т̇асса самбхаванд̇аанам̣ анзгзсам̣ бад̣̇аанам̣ уд̣̇д̇хааро бад̣̇уд̣̇д̇хааро. саб̣б̣з хи сам̣ван̣н̣ияамаанз суд̇д̇з лаб̣бхамаанз саб̣б̣з бад̣̇ад̇т̇з. нава суд̇д̇анд̇зд̇и суд̇д̇аг̇зяяаад̣̇ивасзна наваббагаарз суд̇д̇асмим̣ аанзд̇ваа вижинад̇ийд̇и яож̇анаа. ат̇а ваа ‘‘саб̣б̣з нава суд̇д̇анд̇з’’д̇и иминаа бавижаяалагкан̣зна хаарзна суд̇д̇аг̇зяяаад̣̇ийни саб̣б̣ааниби наваббагаараани суд̇д̇аани вижинад̇ийд̇и ад̇т̇о. д̇знааха ‘‘суд̇д̇аг̇зяяаад̣̇игз’’д̇иаад̣̇и.
Viciyamānassa suttapadassāti pucchāvasena pavattasuttapadassa. ‘‘Suttantarapadānipi pucchāvaseneva pavattānī’’ti vadanti ‘‘na sabbampi suttapada’’nti. Ekasseva padassa sambhavantānaṃ anekesaṃ atthānaṃ uddhāro atthuddhāro. Ekasseva pana atthassa sambhavantānaṃ anekesaṃ padānaṃ uddhāro paduddhāro. Sabbe hi saṃvaṇṇiyamāne sutte labbhamāne sabbe padatthe. Nava suttanteti suttageyyādivasena navappakāre suttasmiṃ ānetvā vicinatīti yojanā. Atha vā ‘‘sabbe nava suttante’’ti iminā pavicayalakkhaṇena hārena suttageyyādīni sabbānipi navappakārāni suttāni vicinatīti attho. Tenāha ‘‘suttageyyādike’’tiādi.
‘‘госалаанам̣ бураа раммаа’’д̇иаад̣̇игаа (су. ни. 982) чабан̃н̃ааса г̇аат̇аа вад̇т̇уг̇аат̇аа. ‘‘баарааяанамануг̇ааяисса’’нд̇и (су. ни. 1137 аад̣̇аяо) бана аад̣̇игаа згуунавийсад̇и г̇аат̇аа ануг̇ийд̇иг̇аат̇аа. ид̣̇ам̣ наамам̣ гад̇анд̇и ид̣̇ам̣ ‘‘баарааяана’’нд̇и наамам̣ гад̇ам̣. д̇знааха ‘‘баарам̣ г̇аманийяаа имз д̇хаммаа, д̇асмаа имасса д̇хаммабарияааяасса ‘баарааяананд̇взва ад̇хиважана’’’нд̇и (су. ни. баарааяанад̇т̇уд̇иг̇аат̇аа; жуул̣ани. баарааяанад̇т̇уд̇иг̇аат̇аа 149 аад̣̇аяо). б̣уд̣̇д̇хияам̣ вибаривад̇д̇амаананд̇и имасса вижаяахааравибхан̇г̇асса д̣̇зсанаагаалз ааяасмаа махаагажжаано ад̇д̇ано б̣уд̣̇д̇хияам̣ вад̇д̇амаанам̣ гад̇ваа звамаахаад̇и яож̇анаа.
‘‘Kosalānaṃ purā rammā’’tiādikā (su. ni. 982) chapaññāsa gāthā vatthugāthā. ‘‘Pārāyanamanugāyissa’’nti (su. ni. 1137 ādayo) pana ādikā ekūnavīsati gāthā anugītigāthā. Idaṃ nāmaṃ katanti idaṃ ‘‘pārāyana’’nti nāmaṃ kataṃ. Tenāha ‘‘pāraṃ gamanīyā ime dhammā, tasmā imassa dhammapariyāyassa ‘pārāyanantveva adhivacana’’’nti (su. ni. pārāyanatthutigāthā; cūḷani. pārāyanatthutigāthā 149 ādayo). Buddhiyaṃ viparivattamānanti imassa vicayahāravibhaṅgassa desanākāle āyasmā mahākaccāno attano buddhiyaṃ vattamānaṃ katvā evamāhāti yojanā.
згам̣саб̣яаагаран̣асса аяанд̇и згам̣саб̣яаагаран̣ийяаа, згам̣сзна ваа б̣яаагаад̇аб̣б̣ад̇д̇аа згам̣саб̣яаагаран̣ийяаа, згам̣саб̣яаагаран̣аяог̇г̇аад̇и ад̇т̇о. сзсабад̣̇ад̣̇ваязби зсзва наяо. табанийяаад̇и табзд̇аб̣б̣ад̇д̇аа аб̣яаагаран̣ийяаад̇и ад̇т̇о. самаяанд̇арабарижаязна нивааран̣ад̇хаммам̣ бад̇и сам̣саяабагканд̣̇о бужчад̇ийд̇и ад̇хиббааязнааха ‘‘вимад̇ижчзд̣̇ана’’нд̇и. багад̇ияаа бана нивааран̣ад̇хаммам̣ аж̇аананд̇о н̃аад̇угаамад̇ааяа бужчад̇ийд̇и ад̣̇идтаж̇од̇анааяа бужчааби сияаа. д̇ат̇аа хи вагкад̇и ‘‘логасса нивааран̣аад̣̇ийни аж̇аананд̇знаа’’д̇и.
Ekaṃsabyākaraṇassa ayanti ekaṃsabyākaraṇīyā, ekaṃsena vā byākātabbattā ekaṃsabyākaraṇīyā, ekaṃsabyākaraṇayoggāti attho. Sesapadadvayepi eseva nayo. Ṭhapanīyāti ṭhapetabbattā abyākaraṇīyāti attho. Samayantaraparicayena nivāraṇadhammaṃ pati saṃsayapakkhando pucchatīti adhippāyenāha ‘‘vimaticchedana’’nti. Pakatiyā pana nivāraṇadhammaṃ ajānanto ñātukāmatāya pucchatīti adiṭṭhajotanāya pucchāpi siyā. Tathā hi vakkhati ‘‘lokassa nivāraṇādīni ajānantenā’’ti.
згавад̇т̇убариг̇г̇ахаад̇и згасса абхид̇хзяяад̇т̇асса г̇ахан̣ад̇о.
Ekavatthupariggahāti ekassa abhidheyyatthassa gahaṇato.
вимуд̇д̇ибарибаажагаинд̣̇рияаани виваддабагкз тид̇асса сад̣̇д̇хаад̣̇аяо д̇хаммаа, гим̣ банзд̇т̇а арияаанамби инд̣̇рияалогзна сан̇г̇ахо ход̇ийд̇и ааха ‘‘барияаабаннад̇хаммавасзнаа’’д̇иаад̣̇и.
Vimuttiparipācakaindriyāni vivaṭṭapakkhe ṭhitassa saddhādayo dhammā, kiṃ panettha ariyānampi indriyalokena saṅgaho hotīti āha ‘‘pariyāpannadhammavasenā’’tiādi.
гаал̣абагкажаад̇уд̣̇д̣̇асийгханаванасан̣д̣амзгхабадалажчаад̣̇анаад̣дхарад̇д̇ийнам̣ васзна жад̇уран̇г̇асаманнааг̇ад̇зна. вивижчаад̇и вижигижчааяа. д̇знааха ‘‘вижигижчаахзд̇уу’’д̇и. д̣̇угкамасса махаб̣бхаяанд̇и зд̇т̇а вуд̇д̇ам̣ ‘‘ассаа’’д̇и бад̣̇ам̣ ‘‘ж̇аббаабхилзбанам̣ асса б̣руумий’’д̇и аанзд̇ваа самб̣анд̇хид̇аб̣б̣анд̇и д̣̇ассзнд̇о ‘‘ж̇аббаа д̇ан̣хаа асса логассаа’’д̇и ааха. ‘‘саб̣б̣асад̇д̇аана’’нд̇иаад̣̇инаа, ‘‘саб̣б̣асоваа’’д̇иаад̣̇инаа жа анваяад̇о, б̣яад̇ирзгад̇о жа саад̇исаяам̣ авиж̇ж̇ааяа нийваран̣абхаавам̣ д̣̇ассзд̇и. ‘‘д̣̇уурз санд̇о багаасанд̇и (д̇ха. ба. 304; нзд̇д̇и. 11), рад̇д̇о ад̇т̇ам̣ на ж̇аанаад̇ий’’д̇и (нзд̇д̇и. 11, 27) г̇аат̇аад̣̇ваязнааби ануг̇ийд̇ивижаяам̣ д̣̇ассзд̇ийд̇и яож̇зд̇аб̣б̣ам̣.
Kāḷapakkhacātuddasīghanavanasaṇḍameghapaṭalacchādanaaḍḍharattīnaṃ vasena caturaṅgasamannāgatena. Vivicchāti vicikicchāya. Tenāha ‘‘vicikicchāhetū’’ti. Dukkhamassa mahabbhayanti ettha vuttaṃ ‘‘assā’’ti padaṃ ‘‘jappābhilepanaṃ assa brūmī’’ti ānetvā sambandhitabbanti dassento ‘‘jappā taṇhā assa lokassā’’ti āha. ‘‘Sabbasattāna’’ntiādinā, ‘‘sabbasovā’’tiādinā ca anvayato, byatirekato ca sātisayaṃ avijjāya nīvaraṇabhāvaṃ dasseti. ‘‘Dūre santo pakāsanti (dha. pa. 304; netti. 11), ratto atthaṃ na jānātī’’ti (netti. 11, 27) gāthādvayenāpi anugītivicayaṃ dassetīti yojetabbaṃ.
руубааважараад̇и руубааважарасад̇д̇аа. вибарин̣аамад̣̇угкад̇ааяа мужжанасса гааран̣аважананд̇и самб̣анд̇хо. яад̇о ваддад̣̇угкад̇о мужжанам̣. д̇ам̣ ваддад̣̇угкам̣ анавасзсабарияаад̣̇аанавасзна сан̇каарад̣̇угкад̇ааг̇ахан̣зна.
Rūpāvacarāti rūpāvacarasattā. Vipariṇāmadukkhatāya muccanassa kāraṇavacananti sambandho. Yato vaṭṭadukkhato muccanaṃ. Taṃ vaṭṭadukkhaṃ anavasesapariyādānavasena saṅkhāradukkhatāgahaṇena.
згаад̇хааранд̇и згавад̇т̇у ад̇хидтаанам̣. нивааран̣ам̣ вигкамбханам̣ бид̇хаанам̣ самужчзд̣̇од̇и ад̇т̇ад̣̇ваяасса бужчид̇ад̇д̇аа ‘‘анзгаад̇хаарам̣ д̣̇ассзд̇у’’нд̇и вуд̇д̇ам̣. д̇знааха ‘‘нивааран̣асан̇каад̇ам̣ сам̣варам̣…бз… бид̇хияяанд̇и бажчиж̇ж̇анд̇ий’’д̇и (су. ни. адта. 2.1041; жуул̣ани. адта. 3). д̇ассад̇т̇о ‘‘нивааран̣асан̇каад̇ам̣ вигкамбханам̣, сам̣варам̣, бид̇хаанан̃жа гат̇зхий’’д̇и.
Ekādhāranti ekavatthu adhiṭṭhānaṃ. Nivāraṇaṃ vikkhambhanaṃ pidhānaṃ samucchedoti atthadvayassa pucchitattā ‘‘anekādhāraṃ dassetu’’nti vuttaṃ. Tenāha ‘‘nivāraṇasaṅkhātaṃ saṃvaraṃ…pe… pidhiyyanti pacchijjantī’’ti (su. ni. aṭṭha. 2.1041; cūḷani. aṭṭha. 3). Tassattho ‘‘nivāraṇasaṅkhātaṃ vikkhambhanaṃ, saṃvaraṃ, pidhānañca kathehī’’ti.
‘‘вод̣̇аана’’нд̇и иминаа сод̇аанам̣ вигкамбханависуд̣̇д̇хи, ‘‘вудтаана’’нд̇и иминаа самужчзд̣̇ависуд̣̇д̇хи ад̇хиббзд̇аад̇и ааха ‘‘бужчааяа д̣̇увид̇хад̇т̇ависаяад̇ам̣ виварид̇ум̣ ‘зва’нд̇иаад̣̇и вуд̇д̇а’’нд̇и. д̇ат̇аа жааха ‘‘вод̣̇ааяад̇и…бз… арияамаг̇г̇о’’д̇и.
‘‘Vodāna’’nti iminā sotānaṃ vikkhambhanavisuddhi, ‘‘vuṭṭhāna’’nti iminā samucchedavisuddhi adhippetāti āha ‘‘pucchāya duvidhatthavisayataṃ vivarituṃ ‘eva’ntiādi vutta’’nti. Tathā cāha ‘‘vodāyati…pe… ariyamaggo’’ti.
д̣̇идтимаанаавиж̇ж̇аасод̇ааби д̇ан̣хаасод̇аануг̇аад̇и ааха ‘‘язбхуяязна анурод̇хавасзнаа’’д̇и. убажааравасзнаад̇и ниссид̇убажааравасзна. саб̣б̣асмаад̇и жагкуд̇о яаава манад̇од̇и саб̣б̣асмаа д̣̇ваарад̇о. саб̣б̣аббагаарзнаад̇д̇и д̇ан̣хааяанамижчаабхинивзсанауннаманаад̣̇иббагаарзна.
Diṭṭhimānāvijjāsotāpi taṇhāsotānugāti āha ‘‘yebhuyyena anurodhavasenā’’ti. Upacāravasenāti nissitupacāravasena. Sabbasmāti cakkhuto yāva manatoti sabbasmā dvārato. Sabbappakārenātti taṇhāyanamicchābhinivesanaunnamanādippakārena.
д̇амзва сад̇инд̇и яааяам̣ сад̇и буб̣б̣абхааг̇з сод̇аанам̣ вигкамбханавасзна вуд̇д̇аа, д̇амзва сад̇им̣. маг̇г̇агкан̣з сод̇аанам̣ сам̣варам̣ бид̇хаанам̣ б̣рууми. яасмаа бана бид̇хааяигааби сад̇и маг̇г̇агкан̣з бан̃н̃аануг̇аа, бан̃н̃аагижжамзвзд̇т̇а ад̇хигам̣, д̇асмаа вуд̇д̇ам̣ ‘‘бан̃н̃ааязд̇з бид̇хийяарз’’д̇и.
Tameva satinti yāyaṃ sati pubbabhāge sotānaṃ vikkhambhanavasena vuttā, tameva satiṃ. Maggakkhaṇe sotānaṃ saṃvaraṃ pidhānaṃ brūmi. Yasmā pana pidhāyikāpi sati maggakkhaṇe paññānugā, paññākiccamevettha adhikaṃ, tasmā vuttaṃ ‘‘paññāyete pidhīyare’’ti.
сам̣варабид̇хаанаананд̇и зд̇т̇а сам̣варасад̣̇д̣̇зна нивааран̣ам̣ вуд̇д̇ам̣.
Saṃvarapidhānānanti ettha saṃvarasaddena nivāraṇaṃ vuttaṃ.
яасмим̣ яасмим̣ арияамаг̇г̇з анад̇хиг̇ад̇з яам̣ яам̣ абхисан̇кааравин̃н̃аан̣ам̣ уббаж̇ж̇анаарахам̣, д̇асмим̣ д̇асмим̣ ад̇хиг̇ад̇з д̇ам̣ д̇ам̣ вин̃н̃аан̣ам̣ ануббаад̣̇анирод̇хзна нируж̇жхад̇и сад̣̇д̇хим̣ ад̇д̇анаа самбаяуд̇д̇анаамаруубзнаад̇и ааха ‘‘д̇асса д̇асса вин̃н̃аан̣асса нирод̇хзна сахзваа’’д̇и. ануббаад̣̇анирод̇хо хи зд̇т̇а ‘‘нирод̇хо’’д̇и ад̇хиббзд̇о анубаад̣̇исзсаниб̣б̣аанасса ад̇хиббзд̇ад̇д̇аад̇и. анусанд̇хийяад̇и зд̇знаад̇и анусанд̇хи, ид̇ха бужчияамаано ад̇т̇о.
Yasmiṃ yasmiṃ ariyamagge anadhigate yaṃ yaṃ abhisaṅkhāraviññāṇaṃ uppajjanārahaṃ, tasmiṃ tasmiṃ adhigate taṃ taṃ viññāṇaṃ anuppādanirodhena nirujjhati saddhiṃ attanā sampayuttanāmarūpenāti āha ‘‘tassa tassa viññāṇassa nirodhena sahevā’’ti. Anuppādanirodho hi ettha ‘‘nirodho’’ti adhippeto anupādisesanibbānassa adhippetattāti. Anusandhīyati etenāti anusandhi, idha pucchiyamāno attho.
саха висаязна д̣̇ассзд̇унд̇и зд̇т̇а сажжаани зва висаяо. бахаад̇аб̣б̣асабхаавам̣ самуд̣̇аяасажжам̣, д̇асса висаяо д̣̇угкасажжам̣. ‘‘сам̣яож̇аниязсу, бхигкавз, д̇хаммзсу ассаад̣̇аанубассино вихарад̇о д̇ан̣хаа бавад̣дхад̇ий’’д̇и (сам̣. ни. 2.53, 57) хи вуд̇д̇ам̣. бахааяагасабхаавам̣ маг̇г̇асажжам̣, д̇асса висаяо нирод̇хасажжанд̇и ааха ‘‘саха висаязна…бз… сажжзсуу’’д̇и. гааман̃жзд̇т̇а ‘‘самуд̣̇аяо д̣̇вийсу бхуумийсу бахийяад̇ий’’д̇и аарад̣̇д̇хам̣, ‘‘д̣̇ассанзна д̇ийн̣и сам̣яож̇анаани бахийяанд̇и, бхааванааяа сад̇д̇а сам̣яож̇анаани бахийяанд̇ий’’д̇и бана вибхааг̇аважанамзва вад̇д̇анд̇и ааха ‘‘бахааяагавибхааг̇амукзна бахаад̇аб̣б̣авибхааг̇ам̣ д̣̇ассзд̇у’’нд̇и.
Sahavisayena dassetunti ettha saccāni eva visayo. Pahātabbasabhāvaṃ samudayasaccaṃ, tassa visayo dukkhasaccaṃ. ‘‘Saṃyojaniyesu, bhikkhave, dhammesu assādānupassino viharato taṇhā pavaḍḍhatī’’ti (saṃ. ni. 2.53, 57) hi vuttaṃ. Pahāyakasabhāvaṃ maggasaccaṃ, tassa visayo nirodhasaccanti āha ‘‘saha visayena…pe… saccesū’’ti. Kāmañcettha ‘‘samudayo dvīsu bhūmīsu pahīyatī’’ti āraddhaṃ, ‘‘dassanena tīṇi saṃyojanāni pahīyanti, bhāvanāya satta saṃyojanāni pahīyantī’’ti pana vibhāgavacanameva vattanti āha ‘‘pahāyakavibhāgamukhena pahātabbavibhāgaṃ dassetu’’nti.
ниравасзсагаамарааг̇аб̣яаабаад̣̇аа д̇ад̇ияамаг̇г̇зна бахийяанд̇и, ид̇арз жад̇уд̇т̇амаг̇г̇знаад̇и вуд̇д̇ам̣ ‘‘ид̇арзхи бана ниравасзса’’нд̇и. д̇ад̇т̇аад̇и гаммавибаагаваддаббабхзд̣̇зна д̇зд̇хаад̇угз бхавад̇д̇аяз. сам̣яож̇анавасзнаад̇и саб̣б̣ад̣̇аа яож̇анавасзна б̣анд̇ханавасзна.
Niravasesakāmarāgabyāpādā tatiyamaggena pahīyanti, itare catutthamaggenāti vuttaṃ ‘‘itarehi pana niravasesa’’nti. Tatthāti kammavipākavaṭṭappabhedena tedhātuke bhavattaye. Saṃyojanavasenāti sabbadā yojanavasena bandhanavasena.
12. аг̇г̇апалан̃аан̣ад̇ааяа згамби самаанам̣ д̇аннимид̇д̇асса каяаануббаад̣̇аарамман̣асса бажжавзгкан̣ан̃аан̣асса васзна палавохаарзна д̣̇вз наамаани лабхад̇и.
12. Aggaphalañāṇatāya ekampi samānaṃ tannimittassa khayānuppādārammaṇassa paccavekkhaṇañāṇassa vasena phalavohārena dve nāmāni labhati.
соманассанаамалаабхо иминаа аарамман̣асан̇гзд̇знаад̇и д̇ад̣̇ад̇т̇ам̣ виваранд̇о ‘‘каяз…бз… саман̃н̃ааяаа’’д̇и ааха.
Somanassanāmalābho iminā ārammaṇasaṅketenāti tadatthaṃ vivaranto ‘‘khaye…pe… samaññāyā’’ti āha.
13. д̇аг̇г̇ахан̣знзваад̇и пассабан̃жамагабан̃жаруубинд̣̇рияаг̇г̇ахан̣знзва. сахажаран̣аад̣̇инаад̇и сахаж̇аад̇аад̣̇иананд̇араад̣̇ибажжаяабхаавзна жзва ниссаяаарамман̣аад̣̇инаа жа. ‘‘самбаяуд̇д̇а’’нд̇и иминаа сахид̇ад̇аа ависидтад̇аа ид̇хаад̇хиббзд̇аад̇и ааха ‘‘авибхааг̇зна г̇ахан̣ийяабхаавам̣ санд̇хааяаа’’д̇и.
13.Taggahaṇenevāti phassapañcamakapañcarūpindriyaggahaṇeneva. Sahacaraṇādināti sahajātādianantarādipaccayabhāvena ceva nissayārammaṇādinā ca. ‘‘Sampayutta’’nti iminā sahitatā avisiṭṭhatā idhādhippetāti āha ‘‘avibhāgena gahaṇīyabhāvaṃ sandhāyā’’ti.
гат̇ам̣ самаад̇хинд̣̇рияам̣ уббаад̣̇зд̇ийд̇и ааха ‘‘сад̇иг̇г̇ахан̣зна жзд̇т̇а барияудтаанаббахаанам̣ ид̇хаад̇хиббзд̇а’’нд̇и. на хи самаад̇хинаа барияудтаанаббахаанам̣ самбхавад̇и.
Kathaṃ samādhindriyaṃ uppādetīti āha ‘‘satiggahaṇena cettha pariyuṭṭhānappahānaṃ idhādhippeta’’nti. Na hi samādhinā pariyuṭṭhānappahānaṃ sambhavati.
бад̣̇ахад̇и зд̇знаад̇и бад̇хаанам̣, вийрияам̣. д̇зд̇и вийрияасан̇каараа. згарасзнаад̇и яат̇аа инд̣̇рияаани згарасаани хонд̇и, звам̣ згарасабхаавзна саран̣ад̇о бавад̇д̇анад̇о. д̇ат̇аа бавад̇д̇ияаа зва судту вад̇а вийрияам̣ ваахзсийд̇и яог̇инаа сан̇габбзд̇аб̣б̣ад̇о д̇ад̣̇убаг̇авийрияавааханадтзна ‘‘самбахам̣санаа’’д̇и вуд̇д̇ам̣. д̇знааха ‘‘звам̣ мз…бз… хзд̇убхаавад̇о’’д̇и.
Padahati etenāti padhānaṃ, vīriyaṃ. Teti vīriyasaṅkhārā. Ekarasenāti yathā indriyāni ekarasāni honti, evaṃ ekarasabhāvena saraṇato pavattanato. Tathā pavattiyā eva suṭṭhu vata vīriyaṃ vāhesīti yoginā saṅkappetabbato tadupagavīriyavāhanaṭṭhena ‘‘sampahaṃsanā’’ti vuttaṃ. Tenāha ‘‘evaṃ me…pe… hetubhāvato’’ti.
ид̣̇д̇хисад̣̇д̣̇асса батамо гад̇д̇уад̇т̇о, д̣̇уд̇ияо гаран̣ад̇т̇о вуд̇д̇о, баад̣̇асад̣̇д̣̇асса зго гаран̣ад̇т̇о зва. баж̇ж̇ид̇аб̣б̣аа жа ид̣̇д̇хий вуд̇д̇аа, на жа иж̇жханд̇и. баж̇ж̇ид̇аб̣б̣аа жа ид̣̇д̇хий баж̇ж̇анагаран̣зна баад̣̇зна самаанаад̇хигаран̣аа на хонд̇ийд̇и ‘‘батамзна ад̇т̇зна ид̣̇д̇хи зва баад̣̇о’’д̇и гат̇ам̣ саггаа вад̇д̇ум̣, д̇ат̇аа ид̣̇д̇хигирияаагаран̣зна саад̇хзд̇аб̣б̣аа б̣уд̣̇д̇хисан̇каад̇аа ид̣̇д̇хи баж̇ж̇анагирияаагаран̣зна баж̇ж̇ид̇аб̣б̣аад̇и д̣̇виннам̣ гаран̣аанам̣ на самаанаад̇хигаран̣ад̇аа самбхавад̇ийд̇и ‘‘д̣̇уд̇иязна ад̇т̇зна ид̣̇д̇хияаа баад̣̇о’’д̇и гат̇ам̣ саггаа вад̇д̇унд̇и жз? саггаа, баад̣̇асса иж̇жхамаанагодтааса иж̇жханагаран̣уубааяабхаавад̇о. ат̇а ваа ‘‘батамзна ад̇т̇зна ид̣̇д̇хияаа баад̣̇о, д̣̇уд̇иязна ад̇т̇зна ид̣̇д̇хи зва баад̣̇о ид̣̇д̇хибаад̣̇о’’д̇и звам̣ яож̇анад̇о. гат̇ам̣? ананд̇арад̇т̇о бажжаасад̇д̇ин̃ааязна ид̇ха батамод̇и ад̇хиббзд̇о, д̇ад̇о буримо д̣̇уд̇ияод̇и.
Iddhisaddassa paṭhamo kattuattho, dutiyo karaṇattho vutto, pādasaddassa eko karaṇattho eva. Pajjitabbā ca iddhī vuttā, na ca ijjhanti. Pajjitabbā ca iddhī pajjanakaraṇena pādena samānādhikaraṇā na hontīti ‘‘paṭhamena atthena iddhi eva pādo’’ti kathaṃ sakkā vattuṃ, tathā iddhikiriyākaraṇena sādhetabbā buddhisaṅkhātā iddhi pajjanakiriyākaraṇena pajjitabbāti dvinnaṃ karaṇānaṃ na samānādhikaraṇatā sambhavatīti ‘‘dutiyena atthena iddhiyā pādo’’ti kathaṃ sakkā vattunti ce? Sakkā, pādassa ijjhamānakoṭṭhāsa ijjhanakaraṇūpāyabhāvato. Atha vā ‘‘paṭhamena atthena iddhiyā pādo, dutiyena atthena iddhi eva pādo iddhipādo’’ti evaṃ yojanato. Kathaṃ? Anantarattho paccāsattiñāyena idha paṭhamoti adhippeto, tato purimo dutiyoti.
‘‘чанд̣̇ам̣ жз бхигку ад̇хибад̇им̣ гарид̇ваа лабхад̇и самаад̇хи’’нд̇иаад̣̇и (вибха. 432) важанад̇о чанд̣̇асамаад̇хиббад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇ийд̇и зд̇т̇ааби чанд̣̇аад̇хибад̇и самаад̇хи чанд̣̇асамаад̇хийд̇и ад̇хибад̇исад̣̇д̣̇алобам̣ гад̇ваа самаасо вуд̇д̇од̇и вин̃н̃ааяад̇и. ад̇хибад̇исад̣̇д̣̇ад̇т̇ад̣̇ассанавасзнзва бана ‘‘чанд̣̇ахзд̇уго, чанд̣̇аад̇хиго ваа самаад̇хий’’д̇и саммохавинод̣̇анияам̣ (вибха. адта. 431) вуд̇д̇ам̣, д̇асмаа ид̇хааби чанд̣̇аад̇хибад̇и самаад̇хи чанд̣̇асамаад̇хийд̇и взд̣̇ид̇аб̣б̣о. д̇ам̣ бана чанд̣̇ам̣ вуд̇д̇анаязна сад̣̇д̇хаасийсзна д̣̇ассзнд̇о ‘‘сад̣̇д̇хаад̇хибад̇зяяаа жид̇д̇згаг̇г̇ад̇аа’’д̇и вуд̇д̇ам̣. ‘‘ид̣̇ам̣ бад̇хаана’’нд̇и ваа вийрияам̣ вуд̇д̇ам̣. вийрияасад̣̇д̣̇аабзгкаасахид̇ам̣ згаважанзна вад̇ваа жад̇уб̣б̣ид̇хассаби вийрияасса ад̇хиббзд̇ад̇д̇аа ниб̣б̣ад̇д̇зд̇аб̣б̣ад̇хаммавибхааг̇зна жа ‘‘имз сан̇каараа’’д̇и вуд̇д̇ам̣. д̇зна бад̇хаанабхууд̇аа сан̇каараад̇и звам̣ самаасо взд̣̇ид̇аб̣б̣о. сан̇кад̇асан̇каараад̣̇инивад̇д̇анад̇т̇ан̃жзд̇т̇а бад̇хаанаг̇г̇ахан̣ам̣. ат̇а ваа д̇ам̣ д̇ам̣ висзсам̣ сан̇карод̇ийд̇и сан̇кааро, саб̣б̣амби вийрияам̣. д̇ад̇т̇а жад̇угижжасаад̇хагад̇о ан̃н̃асса нивад̇д̇анад̇т̇ам̣ бад̇хаанаг̇г̇ахан̣анд̇и бад̇хаанабхууд̇аа сздтабхууд̇аад̇и ад̇т̇о.
‘‘Chandaṃ ce bhikkhu adhipatiṃ karitvā labhati samādhi’’ntiādi (vibha. 432) vacanato chandasamādhippadhānasaṅkhārasamannāgataṃ iddhipādaṃ bhāvetīti etthāpi chandādhipati samādhi chandasamādhīti adhipatisaddalopaṃ katvā samāso vuttoti viññāyati. Adhipatisaddatthadassanavaseneva pana ‘‘chandahetuko, chandādhiko vā samādhī’’ti sammohavinodaniyaṃ (vibha. aṭṭha. 431) vuttaṃ, tasmā idhāpi chandādhipati samādhi chandasamādhīti veditabbo. Taṃ pana chandaṃ vuttanayena saddhāsīsena dassento ‘‘saddhādhipateyyā cittekaggatā’’ti vuttaṃ. ‘‘Idaṃ padhāna’’nti vā vīriyaṃ vuttaṃ. Vīriyasaddāpekkhāsahitaṃ ekavacanena vatvā catubbidhassapi vīriyassa adhippetattā nibbattetabbadhammavibhāgena ca ‘‘ime saṅkhārā’’ti vuttaṃ. Tena padhānabhūtā saṅkhārāti evaṃ samāso veditabbo. Saṅkhatasaṅkhārādinivattanatthañcettha padhānaggahaṇaṃ. Atha vā taṃ taṃ visesaṃ saṅkharotīti saṅkhāro, sabbampi vīriyaṃ. Tattha catukiccasādhakato aññassa nivattanatthaṃ padhānaggahaṇanti padhānabhūtā seṭṭhabhūtāti attho.
вийрияид̣̇д̇хибаад̣̇анид̣̇д̣̇зсз ‘‘вийрияасамаад̇хиббад̇хаанасан̇каарасаманнааг̇ад̇а’’нд̇и (вибха. 435) д̣̇вигкад̇д̇ум̣ вийрияам̣ ааг̇ад̇ам̣. д̇ад̇т̇а буримам̣ самаад̇хивисзсанам̣ ‘‘вийрияаад̇хибад̇и самаад̇хи вийрияасамаад̇хий’’д̇и, д̣̇уд̇ияам̣ саманнааг̇аман̇г̇ад̣̇ассанад̇т̇ам̣. д̣̇вз зва хи саб̣б̣ад̇т̇а саманнааг̇аман̇г̇аани самаад̇хи, бад̇хаанасан̇кааро жа. чанд̣̇аад̣̇аяо самаад̇хивисзсанаани. бад̇хаанасан̇кааро бана бад̇хаанаважанзнзва висзсид̇о, на чанд̣̇аад̣̇ийхийд̇и на ид̇ха вийрияаад̇хибад̇ид̇аа бад̇хаанасан̇каарасса вуд̇д̇аа ход̇и. вийрияан̃жа самаад̇хим̣ висзсзд̇ваа тид̇амзва саманнааг̇аман̇г̇авасзна бад̇хаанасан̇каараважанзна вуд̇д̇анд̇и нааби д̣̇вийхи вийриязхи саманнааг̇амо вуд̇д̇о ход̇и. яасмаа бана чанд̣̇аад̣̇ийхи висидто самаад̇хи д̇ат̇аа висидтзнзва д̇зна самбаяуд̇д̇о бад̇хаанасан̇кааро, сзсад̇хаммаа жа, д̇асмаа самаад̇хивисзсанаанам̣ васзна ‘‘жад̇д̇ааро ид̣̇д̇хибаад̣̇аа’’д̇и вуд̇д̇аа. висзсанабхааво жа чанд̣̇аад̣̇ийнам̣ д̇ам̣д̇ам̣абассаяанавасзна ход̇ийд̇и чанд̣̇асамаад̇хи…бз… ид̣̇д̇хибаад̣̇анд̇и зд̇т̇а ниссаяад̇т̇зби баад̣̇асад̣̇д̣̇зна убааяад̇т̇зна чанд̣̇аад̣̇ийнам̣ ид̣̇д̇хибаад̣̇ад̇аа вуд̇д̇аа ход̇и. д̇ат̇аа хи абхид̇хаммз уд̇д̇аражуул̣абхааж̇анийяз ‘‘жад̇д̇ааро ид̣̇д̇хибаад̣̇аа чанд̣̇ид̣̇д̇хибаад̣̇о’’д̇иаад̣̇инаа (вибха. 457) чанд̣̇аад̣̇ийнамзва ид̣̇д̇хибаад̣̇ад̇аа вуд̇д̇аа. бан̃хаабужчагз жа ‘‘жад̇д̇ааро ид̣̇д̇хибаад̣̇аа – ид̇ха бхигку чанд̣̇асамаад̇хий’’д̇и (вибха. 462) аарабхид̇вааби буна чанд̣̇аад̣̇ийнам̣язва гусалаад̣̇ибхааво вибхад̇д̇о. убааяид̣̇д̇хибаад̣̇ад̣̇ассанад̇т̇амзва хи ниссаяид̣̇д̇хибаад̣̇ад̣̇ассанам̣ гад̇ам̣. ан̃н̃ат̇аа жад̇уб̣б̣ид̇хад̇аава на ход̇ийд̇и. аяамзд̇т̇а баал̣ивасзна ад̇т̇авинижчаяо взд̣̇ид̇аб̣б̣о.
Vīriyiddhipādaniddese ‘‘vīriyasamādhippadhānasaṅkhārasamannāgata’’nti (vibha. 435) dvikkhattuṃ vīriyaṃ āgataṃ. Tattha purimaṃ samādhivisesanaṃ ‘‘vīriyādhipati samādhi vīriyasamādhī’’ti, dutiyaṃ samannāgamaṅgadassanatthaṃ. Dve eva hi sabbattha samannāgamaṅgāni samādhi, padhānasaṅkhāro ca. Chandādayo samādhivisesanāni. Padhānasaṅkhāro pana padhānavacaneneva visesito, na chandādīhīti na idha vīriyādhipatitā padhānasaṅkhārassa vuttā hoti. Vīriyañca samādhiṃ visesetvā ṭhitameva samannāgamaṅgavasena padhānasaṅkhāravacanena vuttanti nāpi dvīhi vīriyehi samannāgamo vutto hoti. Yasmā pana chandādīhi visiṭṭho samādhi tathā visiṭṭheneva tena sampayutto padhānasaṅkhāro, sesadhammā ca, tasmā samādhivisesanānaṃ vasena ‘‘cattāro iddhipādā’’ti vuttā. Visesanabhāvo ca chandādīnaṃ taṃtaṃapassayanavasena hotīti chandasamādhi…pe… iddhipādanti ettha nissayatthepi pādasaddena upāyatthena chandādīnaṃ iddhipādatā vuttā hoti. Tathā hi abhidhamme uttaracūḷabhājanīye ‘‘cattāro iddhipādā chandiddhipādo’’tiādinā (vibha. 457) chandādīnameva iddhipādatā vuttā. Pañhāpucchake ca ‘‘cattāro iddhipādā – idha bhikkhu chandasamādhī’’ti (vibha. 462) ārabhitvāpi puna chandādīnaṃyeva kusalādibhāvo vibhatto. Upāyiddhipādadassanatthameva hi nissayiddhipādadassanaṃ kataṃ. Aññathā catubbidhatāva na hotīti. Ayamettha pāḷivasena atthavinicchayo veditabbo.
д̇ад̣̇ан̇г̇асамужчзд̣̇аниссаран̣авивзганиссид̇ад̇д̇ам̣ вад̇ваа бадиббассад̣̇д̇хививзганиссид̇асса аважанам̣ ‘‘чанд̣̇асамаад̇хи…бз… ид̣̇д̇хибаад̣̇ам̣ бхаавзд̇ий’’д̇и (вибха. 432) бхаавзд̇аб̣б̣аанам̣ ид̣̇д̇хибаад̣̇аанам̣ вуд̇д̇ад̇д̇аа. бхаавид̇ид̣̇д̇хибаад̣̇асса хи сажчигаад̇аб̣б̣аа палабарияаабаннаа ид̣̇д̇хибаад̣̇аад̇и.
Tadaṅgasamucchedanissaraṇavivekanissitattaṃ vatvā paṭippassaddhivivekanissitassa avacanaṃ ‘‘chandasamādhi…pe… iddhipādaṃ bhāvetī’’ti (vibha. 432) bhāvetabbānaṃ iddhipādānaṃ vuttattā. Bhāvitiddhipādassa hi sacchikātabbā phalapariyāpannā iddhipādāti.
воссаг̇г̇асад̣̇д̣̇о барижжааг̇ад̇т̇о, багканд̣̇анад̇т̇о жаад̇и воссаг̇г̇асса д̣̇увид̇хад̇аа вуд̇д̇аа. яат̇аавуд̇д̇зна багаарзнаад̇и д̇ад̣̇ан̇г̇асамужчзд̣̇аббагаарзна, д̇анниннабхааваарамман̣аббагаарзна жа. барин̣аманд̇ам̣ вибассанагкан̣з.
Vossaggasaddo pariccāgattho, pakkhandanattho cāti vossaggassa duvidhatā vuttā. Yathāvuttena pakārenāti tadaṅgasamucchedappakārena, tanninnabhāvārammaṇappakārena ca. Pariṇamantaṃ vipassanakkhaṇe.
14. буб̣б̣абхааг̇абан̃н̃ааяаад̇и згааваж̇ж̇ананаанааваж̇ж̇анавийт̇ийсу бавад̇д̇аубажаарабан̃н̃ааяа. ад̇хиг̇амабан̃н̃ааяаад̇и аббанаабан̃н̃ааяа. буна буб̣б̣абхааг̇абан̃н̃ааяаад̇и наанааваж̇ж̇анубажаарабан̃н̃ааяа, бадисанд̇хибан̃н̃ааяа ваа. убажаарабан̃н̃ааяаад̇и згааваж̇ж̇анз, саб̣б̣ад̇т̇а ваа бавад̇д̇аубажаарабан̃н̃ааяа.
14.Pubbabhāgapaññāyāti ekāvajjananānāvajjanavīthīsu pavattaupacārapaññāya. Adhigamapaññāyāti appanāpaññāya. Puna pubbabhāgapaññāyāti nānāvajjanupacārapaññāya, paṭisandhipaññāya vā. Upacārapaññāyāti ekāvajjane, sabbattha vā pavattaupacārapaññāya.
бужчаависсаж̇ж̇анавижаяобийд̇и яат̇аавуд̇д̇ааяа бужчааяа виссаж̇ж̇анавижаяоби. вуд̇д̇анаяаанусаарзнаад̇и ад̣̇идтаж̇од̇анаа, вимад̇ижчзд̣̇анаа жаад̇и хздтаа вуд̇д̇анаяаануг̇аманзна.
Pucchāvissajjanavicayopīti yathāvuttāya pucchāya vissajjanavicayopi. Vuttanayānusārenāti adiṭṭhajotanā, vimaticchedanā cāti heṭṭhā vuttanayānugamanena.
15. сзкз асзкзд̇и сзгкз арияабуг̇г̇алз, асзгкз арияабуг̇г̇алз. вибассанаабуб̣б̣ан̇г̇амаббахаанзд̇и вибассанам̣ бурзжааригам̣ гад̇ваа бавад̇д̇агилзсаббахаанз, бахаанаабхисамаязд̇и ад̇т̇о.
15.Sekheasekheti sekkhe ariyapuggale, asekkhe ariyapuggale. Vipassanāpubbaṅgamappahāneti vipassanaṃ purecārikaṃ katvā pavattakilesappahāne, pahānābhisamayeti attho.
‘‘яам̣ анижжам̣ д̣̇угкам̣ анад̇д̇аа’’д̇и баал̣им̣ д̣̇ассзд̇ваа буна ‘‘яам̣ анижжз д̣̇угкз анад̇д̇аний’’д̇и важанам̣ звамбзд̇т̇а батанд̇ийд̇и д̣̇ассзд̇ум̣.
‘‘Yaṃ aniccaṃ dukkhaṃ anattā’’ti pāḷiṃ dassetvā puna ‘‘yaṃ anicce dukkhe anattanī’’ti vacanaṃ evampettha paṭhantīti dassetuṃ.
сзсасам̣гилзсавод̣̇аанад̇хаммаад̇и г̇зд̇хад̇о авасидтасам̣гилзсад̇хаммаа жа саб̣б̣авод̣̇аанад̇хаммаа жа. абхаавзнаад̇и абхааванзна абхаавагаран̣зна.
Sesasaṃkilesavodānadhammāti gedhato avasiṭṭhasaṃkilesadhammā ca sabbavodānadhammā ca. Abhāvenāti abhāvanena abhāvakaraṇena.
баяог̇абараггаманд̇и бхусам̣ яог̇о баяог̇о, баяог̇ова бараггамо баяог̇абараггамо, жид̇д̇ам̣. угкибад̇ийд̇и госаж̇ж̇абагкз бад̇ид̇ум̣ ад̣̇знд̇о гусалабагкз уд̣̇д̇хам̣ кибзнд̇о вияа бавад̇д̇ад̇и. бад̇хаанавийрияанд̇и агусалаанам̣ ануббаад̣̇анадтзна уд̇д̇амавийрияам̣. яож̇зд̇аб̣б̣аанийд̇и ‘‘аасзвамаано вааяамад̇ий’’д̇иаад̣̇инаа яож̇зд̇аб̣б̣аани. ануббаннаад̇и авад̇д̇аб̣б̣ад̇ам̣ аабаннаананд̇и бхуумилад̣̇д̇хаарамман̣аад̇хиг̇г̇ахид̇аавигкамбхид̇аасамуг̇гхаадид̇уббаннаанам̣.
Payogaparakkamanti bhusaṃ yogo payogo, payogova parakkamo payogaparakkamo, cittaṃ. Ukkhipatīti kosajjapakkhe patituṃ adento kusalapakkhe uddhaṃ khipento viya pavattati. Padhānavīriyanti akusalānaṃ anuppādanaṭṭhena uttamavīriyaṃ. Yojetabbānīti ‘‘āsevamāno vāyamatī’’tiādinā yojetabbāni. Anuppannāti avattabbataṃ āpannānanti bhūmiladdhārammaṇādhiggahitāvikkhambhitāsamugghāṭituppannānaṃ.
16. ‘‘адтамагасса инд̣̇рияааний’’д̇и вуд̇д̇ад̇д̇аа ‘‘батамамаг̇г̇з сад̣̇д̇хаад̣̇аяо’’д̇иаад̣̇и вуд̇д̇ам̣. инд̣̇рияаг̇г̇ахан̣ан̃жа баал̣ияам̣ нид̣̇ассанамад̇д̇ам̣ д̣̇адтаб̣б̣ам̣.
16. ‘‘Aṭṭhamakassa indriyānī’’ti vuttattā ‘‘paṭhamamagge saddhādayo’’tiādi vuttaṃ. Indriyaggahaṇañca pāḷiyaṃ nidassanamattaṃ daṭṭhabbaṃ.
асубхаанубассанаа гааяаанубассанаасад̇ибадтаананд̇и ааха ‘‘сад̇ибадтаанабхааванааяа суниг̇г̇ахид̇о гаамавид̇агго’’д̇и. самаад̇хи уббаж̇ж̇амаано гаамавид̇аггамби ниг̇г̇ахзд̇ваа зва уббаж̇ж̇ад̇ийд̇и д̣̇ассзнд̇о ‘‘анаваж̇ж̇асукабад̣̇адтаанзнаа’’д̇иаад̣̇имааха. ‘‘гусалзсу д̇хаммзсу аарад̣̇д̇хавийрияо’’д̇иаад̣̇инаа д̇хаммажчанд̣̇ад̇о уббаж̇ж̇амаано вийрияажчанд̣̇о канд̇им̣ бариб̣руухзд̇ийд̇и д̣̇ассзд̇и. анаваж̇ж̇ад̇хаммаанам̣ убагаарагад̇хаммаасзванам̣ вияа анубагаарагад̇хаммабариваж̇ж̇анамби бан̃н̃аанисзванзнзва ход̇ийд̇и ааха ‘‘самаад̇хиаад̣̇ийна’’нд̇иаад̣̇и.
Asubhānupassanā kāyānupassanāsatipaṭṭhānanti āha ‘‘satipaṭṭhānabhāvanāya suniggahito kāmavitakko’’ti. Samādhi uppajjamāno kāmavitakkampi niggahetvā eva uppajjatīti dassento ‘‘anavajjasukhapadaṭṭhānenā’’tiādimāha. ‘‘Kusalesu dhammesu āraddhavīriyo’’tiādinā dhammacchandato uppajjamāno vīriyacchando khantiṃ paribrūhetīti dasseti. Anavajjadhammānaṃ upakārakadhammāsevanaṃ viya anupakārakadhammaparivajjanampi paññānisevaneneva hotīti āha ‘‘samādhiādīna’’ntiādi.
17. саб̣б̣ад̇хаммаад̇хидтаанам̣ д̣̇зсанам̣ буг̇г̇алаад̇хидтаанзна вибхаж̇ид̇ум̣ ‘‘лого наамаа’’д̇иаад̣̇и вуд̇д̇анд̇и д̣̇ассзнд̇о ‘‘саб̣б̣ад̇хаммаананд̇и…бз… д̣̇ассзд̇у’’нд̇и ааха. махаг̇г̇ад̇ад̇хаммзсу таанам̣ д̇ам̣самбаад̣̇анаава. д̇ат̇аа сзсзсу. вад̣дхияамаанзсууд̇и яат̇аа вимуд̇д̇им̣ барибаажаяанд̇и, звам̣ б̣руухияамаанзсу.
17. Sabbadhammādhiṭṭhānaṃ desanaṃ puggalādhiṭṭhānena vibhajituṃ ‘‘loko nāmā’’tiādi vuttanti dassento ‘‘sabbadhammānanti…pe… dassetu’’nti āha. Mahaggatadhammesu ṭhānaṃ taṃsampādanāva. Tathā sesesu. Vaḍḍhiyamānesūti yathā vimuttiṃ paripācayanti, evaṃ brūhiyamānesu.
д̣̇ассанабарин̃н̃аад̇и руубааруубад̇хаммаанам̣ салагкан̣ад̇о, бажжаяад̇о жа бариж̇аананаа. д̇знааха ‘‘н̃аад̇абарин̃н̃аа’’д̇и. бадибагкавид̇хаманзна сад̣̇д̇хим̣ лагкан̣ад̇д̇аяавибхааванаа ид̇ха ‘‘бхааванаабарин̃н̃аа’’д̇и ад̇хиббзд̇аад̇и ааха ‘‘бхааванаа…бз… барин̃н̃аа жаа’’д̇и . д̣̇ассанад̇т̇аа барин̃н̃аа д̣̇ассанабарин̃н̃аа, бхааванад̇т̇аа барин̃н̃аа бхааванаабарин̃н̃аад̇и звам̣ ваа зд̇т̇а ад̇т̇о д̣̇адтаб̣б̣о.
Dassanapariññāti rūpārūpadhammānaṃ salakkhaṇato, paccayato ca parijānanā. Tenāha ‘‘ñātapariññā’’ti. Paṭipakkhavidhamanena saddhiṃ lakkhaṇattayavibhāvanā idha ‘‘bhāvanāpariññā’’ti adhippetāti āha ‘‘bhāvanā…pe… pariññā cā’’ti . Dassanatthā pariññā dassanapariññā, bhāvanatthā pariññā bhāvanāpariññāti evaṃ vā ettha attho daṭṭhabbo.
гагкал̣апусанаад̣̇ийд̇и гагкал̣аад̣̇ипусанаад̣̇и. абхиж̇аанид̇ваад̇и абхин̃н̃ааяа бан̃н̃ааяа ж̇аанид̇ваа, тид̇асса абхиж̇аананахзд̇у ваад̇и ад̇т̇о. ад̇т̇од̇и палам̣. наяод̇и вуд̇д̇анаяо.
Kakkhaḷaphusanādīti kakkhaḷādiphusanādi. Abhijānitvāti abhiññāya paññāya jānitvā, ṭhitassa abhijānanahetu vāti attho. Atthoti phalaṃ. Nayoti vuttanayo.
‘‘яам̣ асан̇кад̇а’’нд̇иби батанд̇и. жад̇унаяаговид̣̇од̇и згад̇д̇анаанад̇д̇аад̣̇инаяажад̇уггз нибун̣о. д̣̇зсанааяуд̇д̇игусалод̇и д̇хаммаанам̣ д̣̇зсанаавид̇химхи гусало.
‘‘Yaṃ asaṅkhata’’ntipi paṭhanti. Catunayakovidoti ekattanānattādinayacatukke nipuṇo. Desanāyuttikusaloti dhammānaṃ desanāvidhimhi kusalo.
сад̣̇исий гаад̇аб̣б̣аа сам̣санд̣̇анавасзнаад̇и ад̇хиббааяо. аанзд̇аб̣б̣аа ‘‘аяам̣ д̣̇зсанаа имааяа д̣̇зсанааяа звам̣ сам̣санд̣̇ад̇ий’’д̇и. ад̇т̇ад̇о абзд̇анд̇и аяуд̇д̇ад̇т̇ам̣. асамб̣анд̇хад̇т̇анд̇и ан̃н̃аман̃н̃ам̣ асамб̣анд̇хабад̣̇ад̇т̇ам̣. нану бадтаанавижааро наяавижааро вияа хаарзхи асаммиссо вижааран̣анд̇арод̇и жод̣̇анам̣ манаси гад̇ваа ааха ‘‘яасмаа банаа’’д̇иаад̣̇и. ид̇ха нигкид̇д̇од̇и ид̇ха суд̇д̇авижаяз суд̇д̇ад̇т̇авижаарабхаавад̇о нигкид̇д̇о, зд̇зна ваа бадтаанасса хааранд̇ог̇ад̇хабхаавад̣̇ассанзнзва муулабад̣̇аанам̣ вияа бадтаанасса бад̣̇ад̇т̇анд̇араабхааво д̣̇ассид̇од̇и взд̣̇ид̇аб̣б̣ам̣.
Sadisī kātabbā saṃsandanavasenāti adhippāyo. Ānetabbā ‘‘ayaṃ desanā imāya desanāya evaṃ saṃsandatī’’ti. Atthato apetanti ayuttatthaṃ. Asambandhatthanti aññamaññaṃ asambandhapadatthaṃ. Nanu paṭṭhānavicāro nayavicāro viya hārehi asammisso vicāraṇantaroti codanaṃ manasi katvā āha ‘‘yasmā panā’’tiādi. Idha nikkhittoti idha suttavicaye suttatthavicārabhāvato nikkhitto, etena vā paṭṭhānassa hārantogadhabhāvadassaneneva mūlapadānaṃ viya paṭṭhānassa padatthantarābhāvo dassitoti veditabbaṃ.
имасса суд̇д̇ассаад̇и сам̣ван̣н̣ияамаанасуд̇д̇ам̣ санд̇хааяааха. гасмим̣ ваа бад̣̇зд̇и сам̣ван̣н̣ияамаанам̣ г̇аат̇ам̣ санд̇хааяааха. д̇аб̣б̣ижаязнаад̇и бужчаад̣̇ивижаязна, ассаад̣̇аад̣̇ивижаязна жа.
Imassa suttassāti saṃvaṇṇiyamānasuttaṃ sandhāyāha. Kasmiṃ vā padeti saṃvaṇṇiyamānaṃ gāthaṃ sandhāyāha. Tabbicayenāti pucchādivicayena, assādādivicayena ca.
вижаяахааравибхан̇г̇аван̣н̣анаа нидтид̇аа.
Vicayahāravibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 2. вижаяахааравибхан̇г̇о • 2. Vicayahāravibhaṅgo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 2. вижаяахааравибхан̇г̇аван̣н̣анаа • 2. Vicayahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 2. вижаяахааравибхан̇г̇авибхааванаа • 2. Vicayahāravibhaṅgavibhāvanā
