| Library / Tipiṭaka / තිපිටක • Tipiṭaka / මිලින්‌දපඤ්‌හපාළි • Milindapañhapāḷi |
4. විච්‌ඡිකඞ්‌ගපඤ්‌හො
4. Vicchikaṅgapañho
4. ‘‘භන්‌තෙ නාගසෙන, ‘විච්‌ඡිකස්‌ස එකං අඞ්‌ගං ගහෙතබ්‌බ’න්‌ති යං වදෙසි, කතමං තං එකං අඞ්‌ගං ගහෙතබ්‌බ’’න්‌ති? ‘‘යථා, මහාරාජ, විච්‌ඡිකො නඞ්‌ගුලාවුධො නඞ්‌ගුලං උස්‌සාපෙත්‌වා චරති, එවමෙව ඛො, මහාරාජ, යොගිනා යොගාවචරෙන ඤාණාවුධෙන භවිතබ්‌බං, ඤාණං උස්‌සාපෙත්‌වා විහරිතබ්‌බං . ඉදං, මහාරාජ, විච්‌ඡිකස්‌ස එකං අඞ්‌ගං ගහෙතබ්‌බං. භාසිතම්‌පෙතං, මහාරාජ, ථෙරෙන උපසෙනෙන වඞ්‌ගන්‌තපුත්‌තෙන –
4. ‘‘Bhante nāgasena, ‘vicchikassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, vicchiko naṅgulāvudho naṅgulaṃ ussāpetvā carati, evameva kho, mahārāja, yoginā yogāvacarena ñāṇāvudhena bhavitabbaṃ, ñāṇaṃ ussāpetvā viharitabbaṃ . Idaṃ, mahārāja, vicchikassa ekaṃ aṅgaṃ gahetabbaṃ. Bhāsitampetaṃ, mahārāja, therena upasenena vaṅgantaputtena –
‘‘‘ඤාණඛග්‌ගං ගහෙත්‌වාන, විහරන්‌තො විපස්‌සකො;
‘‘‘Ñāṇakhaggaṃ gahetvāna, viharanto vipassako;
පරිමුච්‌චති සබ්‌බභයා, දුප්‌පසහො ච සො භවෙ’’’ති.
Parimuccati sabbabhayā, duppasaho ca so bhave’’’ti.
විච්‌ඡිකඞ්‌ගපඤ්‌හො චතුත්‌ථො.
Vicchikaṅgapañho catuttho.
