| Library / Tipiṭaka / തിപിടക • Tipiṭaka / മിലിന്ദപഞ്ഹപാളി • Milindapañhapāḷi |
൪. വിച്ഛികങ്ഗപഞ്ഹോ
4. Vicchikaṅgapañho
൪. ‘‘ഭന്തേ നാഗസേന, ‘വിച്ഛികസ്സ ഏകം അങ്ഗം ഗഹേതബ്ബ’ന്തി യം വദേസി, കതമം തം ഏകം അങ്ഗം ഗഹേതബ്ബ’’ന്തി? ‘‘യഥാ, മഹാരാജ, വിച്ഛികോ നങ്ഗുലാവുധോ നങ്ഗുലം ഉസ്സാപേത്വാ ചരതി, ഏവമേവ ഖോ, മഹാരാജ, യോഗിനാ യോഗാവചരേന ഞാണാവുധേന ഭവിതബ്ബം, ഞാണം ഉസ്സാപേത്വാ വിഹരിതബ്ബം . ഇദം, മഹാരാജ, വിച്ഛികസ്സ ഏകം അങ്ഗം ഗഹേതബ്ബം. ഭാസിതമ്പേതം, മഹാരാജ, ഥേരേന ഉപസേനേന വങ്ഗന്തപുത്തേന –
4. ‘‘Bhante nāgasena, ‘vicchikassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, vicchiko naṅgulāvudho naṅgulaṃ ussāpetvā carati, evameva kho, mahārāja, yoginā yogāvacarena ñāṇāvudhena bhavitabbaṃ, ñāṇaṃ ussāpetvā viharitabbaṃ . Idaṃ, mahārāja, vicchikassa ekaṃ aṅgaṃ gahetabbaṃ. Bhāsitampetaṃ, mahārāja, therena upasenena vaṅgantaputtena –
‘‘‘ഞാണഖഗ്ഗം ഗഹേത്വാന, വിഹരന്തോ വിപസ്സകോ;
‘‘‘Ñāṇakhaggaṃ gahetvāna, viharanto vipassako;
പരിമുച്ചതി സബ്ബഭയാ, ദുപ്പസഹോ ച സോ ഭവേ’’’തി.
Parimuccati sabbabhayā, duppasaho ca so bhave’’’ti.
വിച്ഛികങ്ഗപഞ്ഹോ ചതുത്ഥോ.
Vicchikaṅgapañho catuttho.
