| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. விதா⁴ஸுத்தங்
2. Vidhāsuttaṃ
162. ‘‘திஸ்ஸோ இமா, பி⁴க்க²வே, விதா⁴. கதமா திஸ்ஸோ? ‘ஸெய்யோஹமஸ்மீ’தி விதா⁴, ‘ஸதி³ஸோஹமஸ்மீ’தி விதா⁴, ‘ஹீனோஹமஸ்மீ’தி விதா⁴ – இமா கோ², பி⁴க்க²வே, திஸ்ஸோ விதா⁴. இமாஸங் கோ², பி⁴க்க²வே, திஸ்ஸன்னங் விதா⁴னங் அபி⁴ஞ்ஞாய பரிஞ்ஞாய பரிக்க²யாய பஹானாய அரியோ அட்ட²ங்கி³கோ மக்³கோ³ பா⁴வேதப்³போ³. கதமோ அரியோ அட்ட²ங்கி³கோ மக்³கோ³? இத⁴, பி⁴க்க²வே, பி⁴க்கு² ஸம்மாதி³ட்டி²ங் பா⁴வேதி…பே॰… ஸம்மாஸமாதி⁴ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங்…பே॰… இமாஸங் கோ², பி⁴க்க²வே திஸ்ஸன்னங் விதா⁴னங் அபி⁴ஞ்ஞாய பரிஞ்ஞாய பரிக்க²யாய பஹானாய அயங் அரியோ அட்ட²ங்கி³கோ மக்³கோ³ பா⁴வேதப்³போ³’’தி. (யதா² ஏஸனா, ஏவங் வித்தா²ரேதப்³ப³ங்). து³தியங்.
162. ‘‘Tisso imā, bhikkhave, vidhā. Katamā tisso? ‘Seyyohamasmī’ti vidhā, ‘sadisohamasmī’ti vidhā, ‘hīnohamasmī’ti vidhā – imā kho, bhikkhave, tisso vidhā. Imāsaṃ kho, bhikkhave, tissannaṃ vidhānaṃ abhiññāya pariññāya parikkhayāya pahānāya ariyo aṭṭhaṅgiko maggo bhāvetabbo. Katamo ariyo aṭṭhaṅgiko maggo? Idha, bhikkhave, bhikkhu sammādiṭṭhiṃ bhāveti…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… imāsaṃ kho, bhikkhave tissannaṃ vidhānaṃ abhiññāya pariññāya parikkhayāya pahānāya ayaṃ ariyo aṭṭhaṅgiko maggo bhāvetabbo’’ti. (Yathā esanā, evaṃ vitthāretabbaṃ). Dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2-11. விதா⁴ஸுத்தாதி³வண்ணனா • 2-11. Vidhāsuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2-11. விதா⁴ஸுத்தாதி³வண்ணனா • 2-11. Vidhāsuttādivaṇṇanā
