| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
5. சக்கவத்திவக்³கோ³
5. Cakkavattivaggo
1. விதா⁴ஸுத்தங்
1. Vidhāsuttaṃ
222. ஸாவத்தி²னிதா³னங் . ‘‘யே ஹி கேசி, பி⁴க்க²வே, அதீதமத்³தா⁴னங் ஸமணா வா ப்³ராஹ்மணா வா திஸ்ஸோ விதா⁴ பஜஹிங்ஸு, ஸப்³பே³ தே ஸத்தன்னங் பொ³ஜ்ஜ²ங்கா³னங் பா⁴விதத்தா ப³ஹுலீகதத்தா. யே ஹி கேசி, பி⁴க்க²வே, அனாக³தமத்³தா⁴னங் ஸமணா வா ப்³ராஹ்மணா வா திஸ்ஸோ விதா⁴ பஜஹிஸ்ஸந்தி, ஸப்³பே³ தே ஸத்தன்னங் பொ³ஜ்ஜ²ங்கா³னங் பா⁴விதத்தா ப³ஹுலீகதத்தா. யே ஹி கேசி, பி⁴க்க²வே, ஏதரஹி ஸமணா வா ப்³ராஹ்மணா வா திஸ்ஸோ விதா⁴ பஜஹந்தி, ஸப்³பே³ தே ஸத்தன்னங் பொ³ஜ்ஜ²ங்கா³னங் பா⁴விதத்தா ப³ஹுலீகதத்தா. கதமேஸங் ஸத்தன்னங் பொ³ஜ்ஜ²ங்கா³னங்? ஸதிஸம்பொ³ஜ்ஜ²ங்க³ஸ்ஸ…பே॰… உபெக்கா²ஸம்பொ³ஜ்ஜ²ங்க³ஸ்ஸ. யே ஹி கேசி, பி⁴க்க²வே, அதீதமத்³தா⁴னங் ஸமணா வா ப்³ராஹ்மணா வா திஸ்ஸோ விதா⁴ பஜஹிங்ஸு…பே॰… பஜஹிஸ்ஸந்தி…பே॰… பஜஹந்தி, ஸப்³பே³ தே இமேஸங்யேவ ஸத்தன்னங் பொ³ஜ்ஜ²ங்கா³னங் பா⁴விதத்தா ப³ஹுலீகதத்தா’’தி. பட²மங்.
222. Sāvatthinidānaṃ . ‘‘Ye hi keci, bhikkhave, atītamaddhānaṃ samaṇā vā brāhmaṇā vā tisso vidhā pajahiṃsu, sabbe te sattannaṃ bojjhaṅgānaṃ bhāvitattā bahulīkatattā. Ye hi keci, bhikkhave, anāgatamaddhānaṃ samaṇā vā brāhmaṇā vā tisso vidhā pajahissanti, sabbe te sattannaṃ bojjhaṅgānaṃ bhāvitattā bahulīkatattā. Ye hi keci, bhikkhave, etarahi samaṇā vā brāhmaṇā vā tisso vidhā pajahanti, sabbe te sattannaṃ bojjhaṅgānaṃ bhāvitattā bahulīkatattā. Katamesaṃ sattannaṃ bojjhaṅgānaṃ? Satisambojjhaṅgassa…pe… upekkhāsambojjhaṅgassa. Ye hi keci, bhikkhave, atītamaddhānaṃ samaṇā vā brāhmaṇā vā tisso vidhā pajahiṃsu…pe… pajahissanti…pe… pajahanti, sabbe te imesaṃyeva sattannaṃ bojjhaṅgānaṃ bhāvitattā bahulīkatattā’’ti. Paṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. விதா⁴ஸுத்தவண்ணனா • 1. Vidhāsuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1. விதா⁴ஸுத்தவண்ணனா • 1. Vidhāsuttavaṇṇanā
