| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. вид̇хаасуд̇д̇ам̣
2. Vidhāsuttaṃ
162. ‘‘д̇иссо имаа, бхигкавз, вид̇хаа. гад̇амаа д̇иссо? ‘сзяяохамасмий’д̇и вид̇хаа, ‘сад̣̇исохамасмий’д̇и вид̇хаа, ‘хийнохамасмий’д̇и вид̇хаа – имаа ко, бхигкавз, д̇иссо вид̇хаа. имаасам̣ ко, бхигкавз, д̇иссаннам̣ вид̇хаанам̣ абхин̃н̃ааяа барин̃н̃ааяа баригкаяааяа бахаанааяа арияо адтан̇г̇иго маг̇г̇о бхаавзд̇аб̣б̣о. гад̇амо арияо адтан̇г̇иго маг̇г̇о? ид̇ха, бхигкавз, бхигку саммаад̣̇идтим̣ бхаавзд̇и…бз… саммаасамаад̇хим̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣…бз… имаасам̣ ко, бхигкавз д̇иссаннам̣ вид̇хаанам̣ абхин̃н̃ааяа барин̃н̃ааяа баригкаяааяа бахаанааяа аяам̣ арияо адтан̇г̇иго маг̇г̇о бхаавзд̇аб̣б̣о’’д̇и. (яат̇аа зсанаа, звам̣ вид̇т̇аарзд̇аб̣б̣ам̣). д̣̇уд̇ияам̣.
162. ‘‘Tisso imā, bhikkhave, vidhā. Katamā tisso? ‘Seyyohamasmī’ti vidhā, ‘sadisohamasmī’ti vidhā, ‘hīnohamasmī’ti vidhā – imā kho, bhikkhave, tisso vidhā. Imāsaṃ kho, bhikkhave, tissannaṃ vidhānaṃ abhiññāya pariññāya parikkhayāya pahānāya ariyo aṭṭhaṅgiko maggo bhāvetabbo. Katamo ariyo aṭṭhaṅgiko maggo? Idha, bhikkhave, bhikkhu sammādiṭṭhiṃ bhāveti…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… imāsaṃ kho, bhikkhave tissannaṃ vidhānaṃ abhiññāya pariññāya parikkhayāya pahānāya ayaṃ ariyo aṭṭhaṅgiko maggo bhāvetabbo’’ti. (Yathā esanā, evaṃ vitthāretabbaṃ). Dutiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2-11. вид̇хаасуд̇д̇аад̣̇иван̣н̣анаа • 2-11. Vidhāsuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2-11. вид̇хаасуд̇д̇аад̣̇иван̣н̣анаа • 2-11. Vidhāsuttādivaṇṇanā
